Lajme Flesh

Këtë të mërkurë është mbajtur një aktivitet në Tiranë me të pranishëm drejtues të Prokurorisë së Posaçme SPAK si dhe Ambasadorin e BE-së në Shqipëri, Silvio Gonzato teksa është folur për luftën rreth korrupsionit dhe krimit të organizuar.

Ambasadori thekson mbështetjen e fortë që BE ka ndaj SPAK si një institucion i pavarur që kryen hetimet e një niveli të lartë dhe për mënyrën sesi funksionon ai.

“Procesi i vetingut ka bërë tashmë që Shqipëria të jetë në negociata për anëtarësimin e saj në BE. Që prej fillimit të procesit që çoi në reformën e drjetësisë të vitit 2016, BE ka mbështetur krijimin e një SPAK-u të fortë, të pavarur dhe llogaridhënës dhe do të vazhdojmë në të njëjëtën rrugë. SPAK-u shpesh përmendet për punën e vet në hetimin e çështjeve antikorrupsion të nivelit të lartë, por ne kemi parë rezultate të rëndësishme edhe në përpjeket për të luftuar krimin e organizuar dhe ka shifra të qarta në lidhje me këtë çështje. Në këtë aspekt ne kemi parë disa përmirësime cilësore për mënyrën sesi funksionon SPAK-u. Ka një mënyrë më sistematike të përdorimit të hetimeve financiare paralele me konfiskimin e aseteve. Zyra e Posaçme e Prokurorisë ka krijuar bashkëpunim solid me homologët ndërkombëtarë për të hetuar aktivitetet e grupeve të krimit të organizuar që sjellin pasoja në sigurinë e qytetarëve të BE”, tha Ambasadori i BE-së në Shqipëri.

Gonzato më tej ka cilësuar bashkëpunimin ndërkombëtar si një pikë kyçe ku Shqipëria të mund të arrijë anëtarësimin e saj në BE. Ai mbështet punën e reformës në drejtësi duke theksuar se kjo reformë do mund të arrijë të peshojë në mënyrën e duhur çështjet e drejtësisë.

“Bashkëpunimi ndërkombëtar është pikë kyçe pasi Shqipëria do bëhet një ditë shtet anëtar i BE dhe kjo do të thotë bashkëpunim më i fortë në këtë front për këto çështje të rëndësishme të interesit të përbashkët të sigurisë. Ne do vazhdojmë me SPAK-un dhe BKH-në për të rritur më tej efektivitetin e punës duke mbështetur burimet njerëzore dhe kapacitetet operacionale si dhe mbështetjen për të pasur mekanizma dhe mjete të sofistikuara hetimi dhe kapaciteteve të tilla në përputhje me standartet e BE-së.

Mezi presim të kemi rekrutimin e oficerëve të policisë gjyqësore të cilët do të ndihmojnë hetuesit e BKH-së për të kryer hetime komplekse dhe të specializuara.

Puna e reformës në drejtësi dhe zbatimi i saj është një punë që vijon. Ne duhet të kemi besim tek arkitektura e reformës në drejtësi që mund të arrijë peshimin e duhur dhe të drejtë ndërmjet llogaridhënies dhe pavarësisë.

Kryeministri Edi Rama mblodhi grupin parlamentar sot për të folur për rastin e 24 urdhër arresteve në Universitetin Bujqësor. Pasi dëgjoi rektorin dhe i dha leje të largohet, tha se po shkelen standardet dhe se faturën në Strasburgut për veprimet e kësaj drejtësie do ta paguajnë shqiptarët.

“Ne nuk duam të rrimë sot pa folur dhe duhet të përgatiteni për të dëgjuar gjithmonë e më shumë nga ne që tani që reformën në drejtësi dhe SPAK-un dhe që i ngritëm ne dhe u dhamë hapësirë të bëjnë punën, i kanë marrë të tjerët në birësim pas pilafit. Ne tani kemi hyrë në fazën e dytë, drejtësi europiane dhe jo ruse. Pavarësia është një nga kushtet, dy të tjerat janë profesionalizimi dhe standardet.

Nuk dua që tani që po negociojmë me BE-në, të çohet një holandez dhe francez dhe të thotë që Shqipëria nuk ka gjykata dhe prokurori që respekton standardet demokratike dhe që njeh prezumimin e pafajësisë. Ne nuk ofrojmë asnjë model negativ. Këta thoshin e solli Amerika, po tani që Amerika ka dalë nga rreshti? Vetëm PS, askush tjetër, prandaj nëse nuk ka praktikë të ngjashme në asnjë vend të BE-së dhe demokratik.

Nuk do ndonjë shkencë për të imagjinuar sa nga këto masa sigurie do të rrëzohen në Strasburg dhe sa do të shkojë fatura. Të marrësh 24 masa sigurie, të trondisësh një universitet të tërë dhe t’i japësh një shkelm një marrëveshje të bërë duke shkuar unë atje si lyps tek shkallët e universitetit të BOKU-t në Vjenë për t’ju lutur, që hajdeni në Shqipëri, hajdeni ta bëjmë një universitet austriak. Pyeta rektorin për cfare shume behet fjale, me tha nen 300 mln leke te vjetra” tha ai.

Gjatë mbrëmjes së djeshme në shtëpinë e “Big Brother” disa prej banorëve kanë zgjedhur të luajnë me shishe, me lojën e vërtetave dhe dënimeve.

Gerta Gixhari u shpreh se nuk pendohet për incidentin me artistin, Gjesti, kur i hodhi alkool në sy, gjatë dasmës së Loredanës dhe Jozit.

Ajo iu përgjigj pyetjes që iu drejtua nga Ola dhe theksoi se nuk është penduar për veprimin, pasi ndodhet ende brenda shtëpisë dhe nuk është përjashtuar nga formati. Gerta u shpreh se:

“Përderisa jam në shtëpi jo. Përderisa jam kthyer. Nëse do rrezikohesha të isha jashtë, do thosha jam penduar. Isha në rrezik dhe e kalova”.

Duket se ajo që përflitej më parë, se termi “Çamëri” do të hiqet nga tekstet shkollore, tashmë duket se është pranuar edhe nga vetë Edi Rama.

Gjatë një interviste për televizionin grek “MEGA”, Rama deklaroi se nuk ka territore shqiptare në Greqi, duke harruar kështu të gjitha territoret e Çamërisë. Sipas kryeministrit, në Greqi ka territore ku kanë jetuar më parë shqiptarët, por nuk jetojnë më sot, duke harruar faktin se në territoret e Çamërisë ka ende familje me origjinë të vjetër, të cilat i kanë shpëtuar gjenocidit grek.

Rama më tej e thelloi skandalin, ku deklaroi se nuk është e drejtë që termi i Çamërisë të përmendet në tekstet shkollore.

BISEDA

Pyetje: Zgjedhjet janë pas 3 muajsh? A do ta përsërisni vizitën në Greqi a keni plan të takoheni me shqiptarë atje?

Edi Rama: Mund të shkoj por jo në këtë mënyrë. Tashmë po zhvillohet procesi i regjistrimit. Është më tepër puna në terren e grupeve dhe e njerëzve. Nuk ka të bëjë me fushatën. Ka një plan. Nuk jam i sigurtë kur do të materializohet për një panair pune për shqiptarët të punojnë në Shqipëri. Jo fushatë. E kam bërë. Ishte një eveniment shumë i bukur dhe i vështirë për tu përsëritur. Ai eveniment i pari pas shumë vitesh dhe kishte shumë njerëz. Ishte shumë emocional

Nëntorin e kaluar vizituat Selanikun. Në fjalimin tuaj zgjodhët të thonit ‘Vorio Epiri’ si term ka vdekur.

Edi Rama: Jo nuk e thashë gjatë fjalimit tim. Nuk përdor fjalimet e mija të them gjëra që janë të pakuptimta. Iu përgjigja një kolegu tuaj më pas gjatë një konference shtypi me gazetarët grekë. Një koleg i juaji më pyeti cfarë mendon për ‘Vorio Epirin” I thashë nuk ekziston. Ndoshta është një mënyrë për ju që të përshkruani një realitet të caktuar por jo për ne. E dini çfarë është Vorio Epiri, është si të themi ne Shqipëria e jugut.

Athina shpesh ka deklaruar se rrugëtimi i Shqipërisë në BE kalon nga ne, si e intepretoni?

Edi Rama: Sigurisht që rrugëtimi për në BE i çdo risthari kalon përmes dyerve të anëtarit të vjetër e Greqia ka një zë. Më shumë se kaq Greqia është më pranë për mirë e për keq, sic do fqinj, por unë dua të jetë vetëm për mirë. Është normale. Kur Shqipëria të bëhet anëtare do të jetë më e mirë për Greqinë se do të jemi më të fortë.

Ka pasur një komision dypalësh që ka ekzaminuar…

Edi Rama: E dini çfarë është Vorio Epiri, është si të themi ne Shqipëria e jugut.

Komisioni që përmenda po shikon ndryshimet në tekstet shkollore në të dyja vendet. Në Greqi termi Vorio Epir është hequr nga të gjitha tekstet shkollore. Kam lexuar që në dy klasa, të 9 dhe 12 ka një kapitull të titulluar territoret shqiptare në Greqi?

Edi Rama: Me aq sa di unë jo. Nëse ka diçka të tillë, nuk ështe e drejtë. Se nuk ka territore shqiptare ka territore ku shqiptarët jetonin më parë. Ashtu siç ka territore ku grekët jetonin më parë dhe jetojnë edhe sot

A duhet të jetë në tekstet shkollore?

​​​​​​​Edi Rama: Territore shqiptare në Greqi nuk është gjëja e drejtë për tu thënë

A jeni i gatshëm ta shihni?

​​​​​​​Edi Rama: Nuk jam i vetëdijshëm nëse ekziston, por nëse ekziston nuk është e saktë. Se i bie të luajmë mendsh, se do të nisim të shohim realitetet e së shkuarës e të sabotojmë të ardhmen tonë. Unë e shoh të ardhmen tonë si europianë, natyrisht me zënkat tona por Europianë. Nuk e di çfarë do të thotë territore shqiptare në Greqi ashtu siç nuk di që çfarë do të thotë Vorio Epir.

Eksperti i kriminalistikës, Ervin Karamuço, ka bërë një deklaratë të fortë në emisionin “NOW me Erla Mëhillin”, duke zbuluar një zhvillim të ri tepër tronditës nga hetimet e SPAK.

Sipas tij, dy deputetë dhe dy biznesmenë janë të dyshuar se kanë dhënë urdhër për një vrasje.

Karamuço tregoi se sipas informacioneve, një shumë parash është dërguar për të realizuar vrasjen, por ende nuk dihet nëse plani është ekzekutuar.

“Janë zgjeruar hetimet për disa subjekte të tjera, të cilët ne nuk i dimë ende. Për dy deputetë dhe dy biznesmenë, tani dyshohet nga ana e SPAK-ut, përmes informacionit të marrë nga të pandehurit, që ata kanë urdhëruar një vrasje. E kuptoni zhvillimet dhe dinamiken në SPAK; nuk po e them nga vetja ime.

Hetimet do të vazhdojnë edhe për këta persona, kush janë ata, çfarë ka ndodhur dhe nëse ata e kanë realizuar vërtet atë që dyshohet.

Dy deputetë dhe dy biznesmenë dyshohet se kanë kërkuar kryerjen e një vrasjeje dhe kanë dërguar një çantë me para për këtë qëllim. Po, kjo është kërkesa, një urdhër, një porosi,” tregoi Karamuço.

Erjon Veliaj mashtron sërish për hetimin ndaj tij duke përdorur edhe vjehrrin e ndjerë. Ndërsa SPAK heton transaksionin e dyshimtë të Ajola Xoxës për shitjen e makinës së trashëguar, Veliaj deklaron se makinën e shiti vjehrri, ndërsa Arben Xoxa kishte ndërruar jetë kur u krye transaksioni.

Për një makinë me vlerë 6 mijë euro, Ajola Xoxa deklaron se ja ka shitur kushëririt të saj për 23 mijë euro apo katër fish më shumë se çmimi real.

Sipas SPAK, ky transaksion është përdorur për pastrim parash, ndërkohë që po kjo makinë pas 6 muajve u rishit nga nipi I Arben Xoxës për vetëm 11 mijë euro.

Krybashkiaku i Bashkisë së Tiranës, i arrestuar për korrupsion, reagoi sërish sot nga qelia, duke vijuar valën e sulmeve ndaj prokurorit që zbuloi aferat dhe gjyqtarit që konfirmoi masën e sigurisë arrest me burg.

Pas mllefit ndaj prokurorëve, ai akuzoi si përgjegjës për burgosjen e tij edhe liderin e opozitës Sali Berisha, ndërsa në disa pasazhe justifikoi disa prej gjetjeve të këtyre hetimeve.

Në statusin e sotëm, Veliaj shpjegonte për një transaksion mijëra euro për një mjet që bashkëshortja e tij e trashëgoi nga babai i ndjerë.

Ndryshe nga sa është e vërteta, Veliaj i thotë qytetarëve se Prokurori Ols Dado po e heton atë për një shit-blerje të makinës mes vjehrrit dhe nipit të tij, për të cilën ai tregon se nuk ka patur asnjë dijeni.

Madje Veliaj merr përsipër që rritjen e vlerës në mjetit në transaksionet e dyshimta, t’i justifikojë me ndërhyrjet në mjet që i kanë shtuar vlerën.

‘Vjehrri, i cili ka 6 vjet që ka vdekur, ka gjetur një makinë okazion në Gjermani dhe e ka blerë. Më pas ia ka shitur të nipit. Ky e ka rishitur në Shqipëri. Blerësi i makinës nga nipi i vjehrrit e paska shitur gjithashtu më vonë. Dhe këtu, unë paskam pastruar paratë e korrupsionit në bashki!!!’.

Edhe në këtë rast Erjon Veliaj gënjen, madje duke përdorur edhe vjehrrin e ndjerë. E vërteta e këtij transaksioni është krejt ndryshe, dhe shitjen e makinës nuk e ka bërë vjehrri Arben Xoxa, por është shitur nga Ajola Xoxa, pasi i ati kishte ndërruar jetë. Dhe sa i përket vlerës, së mjetit, nuk është siç pretendon Veliaj se ka patur ndërhyrje me disqe e marmita, por edhe vetë nipi i Arben Xoxës ka dhënë një tjetër version kur është marrë në pyetje.

Makina në fjalë është deklaruar se është blerë nga Arben Xoxa për 6 mijë euro dhe pasi ndërroi jetë pronësia i kaloi të bijës, Ajola Xoxa. Pas vdekjes, kryhet edhe transaksioni mes Ajolës dhe kushëririt, ku për makinën me vlerë 6 mijë euro, me akt noterial kushëriri i kalon Ajolës 23 mijë euro, pra 4-fish më shtrenjtë. I pyetur për këtë blerje jashtë çdo logjike, ai deklaron se e bleu shtrenjtë për shkak të lidhjes sentimetale, por që çuditërisht vlera sentimentale përfundoi pas 6 muajve kur e rishet mjetin për 11 mijë euro, apo 12 mijë euro më pak nga sa ja faturoi kushërira e tij.

Një nga debatet më të ashpra ka qenë ai mes G-Banit dhe Eglit.

Bani nuk ka kursyer fjalët e rënda, duke e quajtur Eglin “patericë të të tjerëve”, ndërsa e ka cilësuar gjithashtu si “budallaqe”, “psikopate, e luhatur” dhe “shtrigë”.

Madje, Bani i tregoi Eglit se e ka dëgjuar të rënkojë në krevat me Gjestin.

Ky konflikt e ka prekur shumë Eglin, e cila është tensionuar dhe ka shpërthyer në lot, duke deklaruar: “Do të lë shtëpinë!”

G-Bani nuk ka humbur kohë për të krijuar dinamika në Big Brother VIP Albania.

Vetëm pak orë pas rikthimit të tij në shtëpi, ai është përfshirë në një debat të ashpër me Shkëlzenin.

Mëngjesi i sotëm ka nisur me tone të larta, ku Bani dhe Shkëlzeni u përplasën fort. Tensioni mes tyre ka qenë aq i lartë sa ndërhyri edhe produksioni, i cili i tërhoqi vëmendjen Banit duke i thënë: “Kujdes mikrofonin.”

Kjo ndërhyrje nuk e qetësoi aspak situatën, pasi të dy banorët vazhduan debatin mes tyre.

“Je peshk. Je kot” vazhdon më tej ti drejtohet Bani Shkëlzenit.

Video Player

Prindërit e një vajze 8-vjeçare diabetike në Australi, e cila vdiq pasi nuk ia injektuan insulinën për gati një javë, janë dënuar secili me 14 vjet burg për vrasje. Elizabeth Struhs në vitin 2019 u diagnostikua me diabet të tipit 1 dhe familjes së saj iu tha se do t’i duheshin injeksione të përditshme të insulinës. Prindërit e saj i përkisnin një sekti fetar të njohur si Shenjtorët, të cilët kundërshtuan kujdesin mjekësor, duke besuar se Perëndia do ta shëronte.

Ajo vdiq nga ketoacidoza diabetike, e cila shkakton një grumbullim të rrezikshëm të ketoneve, një lloj acidi, dhe rritje të sheqerit në gjak në shtëpinë e saj në Toowoomba në perëndim të Brisbane në janar 2022.

Babai i saj Jason Struhs dhe nëna Elizabeth Struhs ishin mes 14 personave të dënuar për vrasje muajin e kaluar. Udhëheqësi i Shenjtorëve Brendan Stevens është dënuar me 13 vjet burg nga gjyqtari në Gjykatën e Lartë të Queensland, i cili e quajti atë një individ të rrezikshëm, shumë manipulues. Njëmbëdhjetë anëtarëve të tjerë u dënuan me burgim nga gjashtë deri në nëntë vjet

Stevens dhe babai i vajzës ishin në gjyq për vrasje, por ata u dënuan për akuzën më të vogël të vrasjes. Të gjithë ishin deklaruar të pafajshëm. Kur dha verdiktin e tij prej gati 500 faqesh, gjykatësi Martin Burns tha se megjithëse ishte e qartë se prindërit e Elizabeth dhe çdo anëtar i kishës duke përfshirë të gjithë të akuzuarit e tjerë e kishin adhuruar atë, veprimet e tyre kishin rezultuar në vdekjen e saj.

“Për shkak të një besimi të veçantë në fuqinë shëruese të Zotit, ajo u privua nga e vetmja gjë që me siguri do ta kishte mbajtur gjallë,” tha ai.

Elizabeth do të kishte duruar të vjella, letargji ekstreme dhe një humbje të vetëdijes sepse asaj iu mohua kujdesi mjekësor, tha prokurorja Caroline Marco gjatë gjyqit, i cili zgjati disa muaj dhe u dëgjua nga një gjyqtar i vetëm pa një juri. Prokurorët thirrën 60 dëshmitarë dhe pikturuan një foto të një fëmije inteligjente që vuajti shumë në ditët e saj të fundit.

Ndërkohë, xhemati ishte lutur dhe kënduar për vajzën, ndërsa ajo ishte shtrirë në dyshek dhe gjendja e saj ishte përkeqësuar. Duke besuar se ajo mund të kthehej në jetë, anëtarja e sektit nuk bëri asnjë përpjekje për të thirrur një mjek dhe autoritetet nuk u njoftuan deri në 36 orë pas vdekjes së saj, dëgjoi gjykata.

“Elizabeth është vetëm duke fjetur dhe unë do ta shoh atë përsëri,” tha babai i saj Jason Struhs.

Stevens, 63 vjeç, kishte mbrojtur veprimet e grupit si të bazuara në besim dhe e përshkroi gjyqin si një akt persekutimi fetar. Ai tha se grupi ishte brenda të drejtave të tij për të besuar plotësisht në fjalën e Zotit. Diabeti i tipit 1 është një çrregullim në të cilin pankreasi nuk arrin të prodhojë mjaftueshëm insulinë. Karakterizohet nga nivele të larta të pakontrolluara të glukozës në gjak dhe mund të kontrollohet duke injektuar insulinë.

Motra e Elizabeth-it Jayde Struhs kishte thënë më parë se ajo i kishte lënë shenjtorët dhe iku nga shtëpia e familjes së saj në moshën 16-vjeçare, pasi doli si homoseksual dhe tani ishte e ndarë prej tyre. Ajo dhe dëshmitarë të tjerë e përshkruan kongregacionin si me pikëpamje strikte, duke përfshirë se kujdesi shëndetësor i zakonshëm duhet të shmanget dhe se Krishtlindjet dhe Pashkët ishin festa pagane ose të paperëndishme. Shenjtorët nuk janë të lidhur me një kishë të themeluar në Australi dhe numërojnë rreth dy duzina anëtarë nga tre familje midis anëtarëve të saj.

Joz Marku ka tërhequr vëmendjen e publikut me rikthimin e tij në Big Brother VIP Albania. Që në momentin e parë, ai nisi përplasjen me Rozana Radin, me të cilën pati debate të forta para eliminimit të tij.

Gjatë një bisede, Rozana e pyeti me një ton tendencioz: “Si i kishe të shtëpisë jashtë?”. Jozi iu përgjigj shkurt: “Mirë, por situatë alarmante jashtë”, duke lënë të kuptohet se diçka ka ndodhur mes tij dhe të afërmve të Rozanës.

Kjo deklaratë e vuri këngëtaren në dyshime, duke i kërkuar me ngulm një sqarim. Megjithatë, Jozi u shpreh se nuk mund të flasë për këtë çështje, pasi e ka të ndaluar nga rregullat e formatit. Ai shtoi se do të konsultohej me Vëllain e Madh për të parë nëse i lejohet të japë më shumë detaje.

E revoltuar nga përgjigjet e paqarta, Rozana shkoi menjëherë në Dhomën e Rrëfimit, duke kërkuar një shpjegim mbi situatën. Nuk dihet nëse Rozana e ka marrë informacionin që e kërkoi nga Jozi.