Lajme Flesh

Duket se marrëdhënia mes presidentit amerikan Donald Trump dhe presidentit të Ukrainës Volodymyr Zelensky po shkon drejt krisjes.

Tensionimi i marrëdhënieve erdhi pas deklaratës së Trump të martën, ku fajësoi Ukrainën për nisjen e luftës.

Zelensky në kundërpërgjigje këtë të mërkurë, kritikoi presidentin Trump duke thënë se ai është “i bllokuar në një flluskë dezinformimi”.

Deklarata iu referua pretendimeve të Trump se vlerësimi i miratimit të presidentit ukrainas është vetëm 4%. Zelenskyy tha se ky pretendim ishte një dezinformatë që vjen nga Rusia dhe se Ukraina ka prova që tregojnë se shifrat janë diskutuar në takimin mes zyrtarëve amerikanë dhe rusë.

“Ne e pamë këtë dezinformim. E kuptojmë se vjen nga Rusia. Ne e kuptojmë dhe kemi prova që ato shifra janë diskutuar midis SHBA-së dhe Rusisë,” tha Zelenskyy.

Komentet e Trump erdhën menjëherë pas takimit të delegacionit amerikan me zyrtarë të lartë rusë në Arabinë Saudite. Trump gjithashtu fajësoi Ukrainën për shpërthimin e luftës.

Zelenskyy vuri në dukje se propaganda ruse ka promovuar narrativën se ai është një lider i paligjshëm, duke pretenduar se mandati i tij i parë presidencial duhej të kishte përfunduar në maj të vitit 2024. Ai theksoi se ky pretendim shpërfill kushtetutën ukrainase, e cila ndalon mbajtjen e zgjedhjeve gjatë gjendjes së jashtëzakonshme, e cila ka hyrë në fuqi që nga pushtimi i plotë i Ukrainës nga Rusia në vitin 2022.

Përkundër kritikave, Zelenskyy shprehu respekt për Trumpin dhe popullin amerikan, por shtoi, “mjerë ata që jetojnë në këtë hapësirë dezinformimi”. Ai gjithashtu tregoi dhe sondazhet e fundit ku tregohej një mbështetje 57% për të.

Kujtojmë se Shtetet e Bashkuara dhe Rusia zhvilluan të martën raundin e parë të negociatave për arritjen e një marrëveshjeje paqeje në Ukrainë.

Në takim morën pjesë vetëm zyrtarë amerikanë dhe rusë, ndërkohë që evropianët janë përjashtuar nga bisedimet. Në takim mungonin edhe përfaqësues nga Ukraina.

Si kundërpërgjigje ndaj lënies jashtë në negociata, Evropa ka vendosur këtë të mërkurë një raund të ri sanksionesh ndaj Rusisë.

Sekretari i Shtetit i Trump, Marco Rubio, sugjeron që evropianët të thirren në tryezën e bisedimeve për të diskutuar lehtësimin e sanksioneve ndaj Kremlinit.

Nga ana tjetër, Moska refuzon kategorikisht përfshirjen e Evropës, pasi sipas tyre mund të hidhnin ide dinake që mund të çojnë në dështimin e negociatave.

Një nga elementët kyç që u diskutua në Riad ishte mbajtja e zgjedhjeve të reja në Ukrainë, me supozimin se presidenti aktual, Volodymyr Zelenskyy, ka gjasa të ulëta për t’u rizgjedhur.

Moska beson se një kandidat tjetër do të ishte më fleksibël dhe më i gatshëm për negociata.

Plani i diskutuar përfshin armëpushim në Ukrainë, zgjedhje të reja dhe më pas firmosjen e një marrëveshjeje paqeje.

Një bllok shënimesh në formë ditari, ku përshkruhen shpenzimet financiare për arredimin dhe mirëmbajtjen e “Vilës 4A” në Qerret nxjerr zbuluar, pronësinë faktike të kryebashkiakut Erjon Veliaj dhe Ajola Xoxa, mbi këtë pasuri luksoze.

Blloku me shënime është sekuestruar në 6 dhjetor 2024, në prezencë të dy bashkëpunëtorëve të Ajola Xoxës, Ereald Simixhiut dhe Dashamir Allaraj

Nga ky kontroll ka rezultuar një sërë sendesh, të cilat lidhen me Ajola Xoxën, Valbona Xoxën apo dhe familjarë të tyre.

Ajo çfarë paraqet interes, janë sendet të cilat dokumentojnë lidhjen e Ajola Xoxës me mirëmbajtjen e objektit.

Konkretisht, në banesë është gjetur një bllok i vogël shënimesh, ku në brendësinë e tij dallohet një shënim në dukje i shkruar nga vetë Valbona Xoxa.

Konkretisht kjo e fundit shkruan në datën 3 korrik 2023:

”…sot pagova Kujtimin X Muajt, Mars, Prill, Maj, Qershor, Korrik = 350 mijë lekë. I dhashë 400 mijë (më tha Jolka), meqë ujit edhe oborrin tjetër. Siç më tha Jolka i thashë se që nga Gushti do ta risim rrogën…”.

Ndërsa është pyetur si person që ka dijeni për veprën penale mbi mënyrën se si e thëret në përditshmëri nëna e saj Valbona Xoxa, shtetasen Ajola Xoxa, ajo është përgjigjur shkurtimisht “Jolka”.

Ndër të tjera, në “Vilën 4A”, janë gjendur dhe sekuestruar shënime dore, të cilat kanë lidhje me arredimin dhe mobilimin e vilës si më poshtë vijon:

1. Me tapa + bamboo + koshi i madh.

2. Dhoma e vogël: Pikturë dhe dekor mbi krevat

3. Dhoma e madhe: Bambo, dollap, komodinë, komo, dekor.

4. Dorezat e Shkallëz

Sipas SPAK, këto shënime duket se i përkasin shtetases nën hetim, Ajola Xoxa.

Por përveç sa më lart në bllokun e sekuestruar evidentohen pagesa të tjera mirëmbajtje për pasurinë në fjalë, të cilat shënohen me kujdes nga shtetasja Valbona Xoxa, për faktin se i duhet të raportojë për to tek vajza e saj, Ajola Xoxa, e cila paguan në të vërtetë shpenzimet për këto shërbime.

Lidhur me “Vilën 4A”, është marrë në pyetje në 17 dhjetor 2024 dhe artisti Driant Zeneli, i cili para hetuesve të SPAK ka shpjeguar se kishte dijeni që i përket Ajola Xoxa.

Konkretisht ka deklaruar se: “…më ka thënë Ajola disa herë që mund të shkoja me djalin tek shtëpia-në Qerret, por nuk kam shkuar asnjëherë. Unë kam bërë pushimet tek resorti “Marea” Qerret, por i kam paguar vetë. E kam njoftuar dy tre herë që jam te resort “Marea”. Më ka thënë që do vinte, por në të vërtetë nuk e ka takuar…”.

Ndërsa kryetari i bashkisë Tiranë po përpiqet nga dhomat e paraburgimit të Durrësit, të nxjerë fakte dhe fotografi për të provuar se “Vila 4A” në resortin “Marea” në Qeret është e vjehrit të tij,Arben Xoxa, ndryshe ka deklaruar në SPAK shoferi personal i të ndjerit Xoxa.

Veliaj ka pretenduar se “Vila 4A” është në pronësi të Arben Xoxës, qysh përpara se ai të lidhte kororë martesore me vajzën e tij, Ajola.

Por këto pretendime rrëzohen nga SPAK duke sjellë si kundërprova dëshminë e shoferit personat dhe një blloku shënimesh, ku tregohen se të gjitha lëvizjet financiare për mobilimin e vilës së re, e deri tek mirëmbajtja e pishinës, janë kryer nga Ajola Xoxe dhe Erjon Veliaj.

Dëshmia e shoferit Armand Manahasa ndodhet në dosje dhe është marë në 16 Janar 2025, i cili ka shpjeguar se për disa vite me rradhë ka shërbyer si shofer personal i të ndjerit Arben Xoxa.Por pas vdekjes së tij në 2019, ai ka vijuar të shërbejë si shofer personal, për vajzën e Arbenit, Ajola Xoxa deri në vitin 2021.

I pyetur nëse ka shoqëruar ndonjëherë shtetasin Arben Xoxa tek Vila në Qerret, shoferi Armand Manahaas është shprehur në SPAK se nuk ka qënë asnjëherë atje me Arben Xoxën dhe vetë nuk e ka dëgjuar ndonjëherë të përmendej kjo vilë prej, shtetasit Arben Xoxa.

Kjo hedh poshtë pretendimin e Veliaj se “Vila 4A” është trashëguar nga Arben Xoxa.

Për më tepër oficerët e BKH-së dhe prokurorët e SPAK ka gjetur dhe sekuestruar bllokun e shënimeve ku pasqyrohen shpenzimet për arredimin dhe mobilimin e vilës./Oranews

Meteorologia Tanja Porja ka parashikuar sesi do të jenë kushtet e motit gjatë ditëve në vijim.

Porja tha se deri në datën 22 shkurt na pret një mot i ftohtë, por i qëndrueshëm, me kthjellime dhe vranësira kalimtare

Sipas meteorologes, temperaturat e ulëta do të zgjasin deri në datën 25 shkurt, datë pas së cilës do të ketë një përmirësim të dukshëm të kushteve të motit.

“Moti stabël, kryesisht me kthjellime dhe vranësira kalimtare, por edhe me temperatura të ulëta, do të na shoqërojnë të paktën deri nga data 22-23. Fillon pas datës 22 një rritje e lehtë, por nuk është se do ta ndiejmë.

Në fakt temperaturave të fillimit të shkurtit do i rikthehemi pas datës 24 shkurt. Domethënë fundjava që ne lamë pas pati temperatura shumë pranë 18 gradë. Pra pas datës 25 shkurt fillon të ndihet rritja e temperaturave”, tha mes të tjerash meteorologia Tanja Porja.

Detaje të reja kanë dalë në dritë nga krimi i pasionit që u regjistrua një ditë më parë në Shkodër, ku Anila Prendushi, nënë e tre fëmijëve u qëllua me armë zjarri nga bashkëjetuesi i saj Kolë Manaj, i cili më pas vrau veten.

I afërmi i Kol Manajt, në një prononcim për emisionin “Me Zemër të Hapur”, ka hedhur dritë mbi ngjarjen ku ka treguar edhe si ishte marrëdhënia mes çiftit. Ai ka treguar se mes tyre ka pasur konflikte por kanë menduar se çdo gjë do rregulloj dhe se çështja nuk do të shkonte deri në këtë pikë.

I afërmi ka treguar se çifti kishin një problem mes tyre, një debat për të cilin Kola i kishte kërkuar falje Anilës, por kjo e fundit nuk e kishte falur dhe kishte kërkuar t’i jepte fund marrëdhënies mes tyre, çfarë ka sjellë më pas dhe aktin ekstrem të marrë nga 34-vjeçari.

“Kanë pasur disa konflikte kohët e fundit por menduam se gjithçka do të rregullohej. Kishin vite bashkë dhe ishin shumë njerëz të mirë, atë e kam si motër. Nuk e di a do të shpëtojë apo jo, por unë e kam si motër. Nuk e di, ai vetëm për atë që ka bërë Anila për babanë e tij nuk ishte dashur të bënte asnjë veprim. Nuk kanë pasur fare xhelozi për të. Kola ka qenë i martuar më parë shumë pak kohë. Nuk e di çfarë problemi kishin, por kishin një debat dhe ky i kërkoi shumë falje, por ajo nuk e fali. I kërkoi dhe të ndaheshin”, tha i afërmi i Kolës

Dita e sotme ka nisur me një debat mes Kellyt dhe Vserlos. Kelly iu kthye banorit duke i thënë se:

Nuk e ke të gjatë ti këtu.

Vserlo:

Nuk e kam të gjatë, e kam të trashë.

Livia për Gjestin: “Motra e tij del e më falënderon ndërsa ai më sulmon…”!

Kelly:

Pa të qitur jashtë nga ajo dera, mbaje mend për kokë të atij çuni. Përmend ti familjen morë zgjebs. Unë sëmurë gruan me kancer.

AKSK njoftoi qytetarët që të bëjnë kujdes nga disa mesazhe që janë përhapur së fundmi. Autoriteti Kombëtar për Sigurinë Kibernetike (AKSK), ka ngritur alarmin sot në lidhje me një skemë mashtrimi që po qarkullon në vend.

AKSK njoftoi qytetarët që të bëjnë kujdes nga disa mesazhe që janë përhapur së fundmi dhe kanë për qëllim vjedhjen e të dhënave.

“KUJDES! Për shkak të disa tentativave për të vjedhur të dhënat personale dhe shpërndarjen e lidhjeve keqdashëse, AKSK fton të gjithë qytetarët të rrisin nivelin e vigjilencës ndaj mesazheve mashtruese.

Kohëve të fundit, njerëzve u dërgohen SMS gjoja nga posta ku pretendohet se ‘porosia e tyre ka mbërritur, por nuk mund të dorëzohet për shkak të mungesës së adresës’. AKSK theksoi që të mos klikoni në lidhje të panjohura (links) dhe shqyrtoni me kujdes përmbajtjen e tyre. Nëse ju vjen një SMS e tillë, fshini mesazhin dhe mos klikoni asgjë.”- thuhet në reagim.

Arkitekti i fushatës elektorale të Donald Trump, Chris LaCivita ka dhënë një intervistë për New York Times, pas angazhimit që ai nisi në Shqipëri, pranë Partisë Demokratike. Strategu i Donald Trump po këshillon tashmë Sali Berishën, kreun e PD. Konsulenti i fushatës së presidentit të SHBA, Donald Trump, Chris LaCivita është shfaqur këtë muaj në një konferencë për shtyp në Shqipëri përkrah ish-kryeministrit Sali Berisha, shkruan New York Times, ndërsa theksohet se ai është shpallur non grata nga administrata e kaluar amerikane për korrupsion.

I pyetur nga gazeta, Chris LaCivita ka deklaruar se ai nuk do të përfshihet “në lobim pranë administratës Trump në emër të Sali Berishës për çështjen e non gratës së tij”. Ai ka sqaruar se në Shqipëri do të jetë për fushatën zgjedhore të 11 majit ku do të asistojë PD-në dhe liderin e saj, Sali Berisha.

“Unë nuk bëj lobim,” është shprehur LaCivita për “The New York Times”. “Unë bëj fushata, dhe këtë po bëj – është shumë e thjeshtë”, shtoi ai.

Megjithatë, akuzat ndaj Berishës nga administrata e kaluar e Joe Biden, LaCivita i konsideron të motivuara politikisht.

LaCivita është një emër me peshë në strategjinë politike republikane, por ai ka sqaruar qartë se nuk do të ndërmjetësojë në favor të Berishës pranë administratës së Trump në Shtëpinë e Bardhë.

Shkrimi i plotë i New York Times

Chris LaCivita, një strateg republikan që ndihmoi në drejtimin e fushatës së Presidentit Trump, po këshillon një parti opozitare konservatore në Shqipëri të kryesuar nga një politikan i cili është përballur me akuza për korrupsion nga Departamenti i Shtetit dhe prokurorët në vendin e tij.

Z. LaCivita, i cili u bë këshilltar i një grupi jofitimprurës pro-Trump pas zgjedhjeve presidenciale të SHBA-së në nëntor, është në mesin e një grushti këshilltarësh të Trump që kanë ndjekur punë këshilluese politike në mbarë botën për politikanët që e konsiderojnë veten si populistë ose kritikë të imigracionit, sipas modelit Trump.

Z. LaCivita po punon për Partinë Demokratike të Shqipërisë përpara zgjedhjeve parlamentare të vendit në maj, kur do të përpiqet të mundë Partinë Socialiste të krahut të majtë në pushtet. Në mesazhet me tekst për The Neë York Times, zoti LaCivita e karakterizoi punën e tij si një zgjatje të ndihmës së tij për zotin Trump.

“Unë po eksportoj MAGA – Bëje Shqipërinë të Madhe përsëri”, ka shkruar ai.

Kreu i Partisë Demokratike të Shqipërisë është Sali Berisha, një ish-president dhe kryeministër, i cili po përballet me akuza për korrupsion në Shqipëri, në lidhje me një marrëveshje pronash.

Administrata Biden vendosi sanksione ndaj zotit Berisha në vitin 2021 për “korrupsion të konsiderueshëm”, sipas një deklarate të ish-sekretarit të Shtetit, Antony J. Blinken, i cili e akuzoi atë për shpërdorim të fondeve publike dhe përdorimin e pushtetit të tij për të pasuruar aleatët dhe familjen e tij.

Z. LaCivita argumentoi se akuzat ndaj zotit Berisha ishin të motivuara politikisht dhe theksoi se rasti i politikanit shqiptar është i ngjashëm me atë të Donald Trump.

“Është një bashkëpunim i natyrshëm – të mundësh një socialist që është peng dhe kukull i familjes Soros,” tha z. LaCivita, duke evokuar pretendimet e pabazuara të zotit Berisha se filantropi demokrat George Soros qëndronte pas sanksioneve.

Zoti Berisha ka treguar se synon t’i kërkojë administratës Trump të rishqyrtojë sanksionet e Departamentit të Shtetit.

Zoti Berisha ka përdorur angazhimin e zotit LaCivita me partinë e tij për të krijuar një lidhje me zotin Trump, ndonëse presidenti amerikan nuk ka sinjalizuar mbështetje për ndonjë parti të preferuar në zgjedhjet parlamentare.

Zoti Berisha ka kërkuar gjithashtu të dallohet nga partia qeverisëse duke u zotuar se nëse opozita fiton, ajo nuk do të rinovojë marrëveshjen e Shqipërisë për pranimin e emigrantëve nga Italia.

Nuk është hera e parë që strategët e fushatave presidenciale i tregtojnë jashtë shërbimet e tyre.

Shpesh ka kërkesa të mëdha për konsulentë me lidhje me presidentin e ri të SHBA-së nga politikanë të huaj që kërkojnë të portretizojnë veten si kandidatë të favorizuar i Uashingtonit, gjë që mund të jetë një avantazh në shumë pjesë të botës.

Por zoti LaCivita, i cili doli këtë muaj me zotin Berisha në një konferencë shtypi në Shqipëri, tha se nuk do t’i drejtohej administratës Trump në emër të zotit Berisha apo partisë së tij.

“Unë nuk loboj,” tha zoti LaCivita. “Unë bëj fushata dhe kjo është ajo që po bëj – shumë e drejtpërdrejtë.”

Pasi zoti Trump u zgjodh në nëntor, zoti LaCivita u përfshi në një sërë sipërmarrjesh. Ai pranoi një pozicion në bordin e këshilltarëve të firmës së marrëdhënieve qeveritare Michael Best Strategies, e cila lobon për klientët e korporatave duke përfshirë T-Mobile dhe kompaninë e kriptomonedhës Ripple Labs, megjithëse ai nuk u regjistrua si lobist aty.

Z. LaCivita iu bashkua gjithashtu organizmit këshillues global të shkëmbimit të kriptomonedhave Coinbase. Dhe ai u bashkua me konsulentë të tjerë të lidhur me Trump, duke përfshirë Paul Manafort, i cili shërbeu si kryetar i fushatës së zotit Trump në vitin 2016, për të ofruar shërbime konsulence politike për politikanë të ekstremit të djathtë në mbarë botën.

Z. LaCivita nuk rrëfeu nëse konsulentë të tjerë janë përfshirë në punën në Shqipëri dhe disa prej tyre nuk iu përgjigjën kërkesave për koment.

Ai gjithashtu nuk tha nëse kishte nënshkruar për ndonjë klient tjetër të huaj, por pranoi se kishte udhëtuar shumë.

(BalkanWeb)

Fituesja e Big Brother VIP Albania 3, Egla Ceno, dhe finalisti i sezonit, Meriton Mjekiqi, kanë habitur ndjekësit me një takim të papritur.

Dyshja, e cila brenda shtëpisë së famshme kishte marrëdhënie tejet të acaruara, është parë duke darkuar së bashku, duke ngritur dyshime për një raport të ri mes tyre jashtë lojës.

Egla dhe Meritoni ishin dy nga banorët më përplasës gjatë edicionit të tretë të BBVA. Konfliktet mes tyre arritën kulmin kur Egla u skualifikua nga gara, pasi e kishte lagur me alkool Meritonin gjatë një debati të ashpër.

Megjithatë, publiku e riktheu atë në shtëpi, duke e çuar deri në fitore.

Takimi i tyre jashtë shtëpisë ka marrë vëmendje të madhe në rrjetet sociale, veçanërisht pas një postimi të Meritonit në InstaStory, ku ai ndau një foto me Eglën dhe shkroi shkurt: “E dua”. Egla nuk vonoi ta rishpërndante postimin, duke shtuar një përgjigje po aq intriguese: “Më do”.

Ky moment ka ndezur spekulime të shumta mes ndjekësve të tyre, të cilët po pyesin nëse dyshja ka lënë pas konfliktet dhe ka krijuar një miqësi të re – apo diçka më shumë.

Mbetet të shihet nëse ky është një pajtim i sinqertë apo thjesht një moment kalimtar i dy ish-banorëve më të përfolur të BBVA 3.

Gazetarja Klodiana Lala ka rrëfyer detaje mbi ngjarjen e rëndë që tronditi mëngjesin e sotëm qytetin e Shkodrës. Ajo ka treguar se Kolë Manaj, i cili u vetëvra, pasi mendoi se kishte vrarë Anila Prendushi Ndoka, kishte hequr dorë nga Amerika, për të qëndruar me partneren e tij në Shqipëri.

E ftuar në emisionin “Open”, gazetarja pretendon se kjo ishte një ngjarje që nuk mund të parandalohej, pasi problemi qëndron te mentaliteti.

“Kolë Manaj kishte gjysëm e famijes në Amerikë, por e kishte braktisur Amerikën për të qëndruar me Anilën. Në dukej ata dukeshin një çift normal, që nuk kishin probleme. Sipas informacioneve që kam, ata nuk kishin probleme ekonomike.

Por refuzimi nga një grua, ka bërë që ai të ndërmarrë veprimin ekstrem. Është shqetësuese humbja e jetës dhe trauma që u është shkaktuar fëmijëve, të cilët kanë përjetuar ndarjen e prindërve dhe tani këtë tragjedi.

Është më shumë një problem social, sesa i policisë. Meshkujt shqiptarë nuk dinë të pranojnë refuzimin,” tha Klodiana Lala.

I pyetur nga moderatorja Eni Vasili në emisionin “Open” në News24, avokat Gentian Rumano ka hedhur poshtë tezën se SHBA-të kanë hequr dorë nga SPAK.

Rumano mbështeti deklaratën e kryeministrit Rama se kjo strukturë është organizuar nga SPAK, por ai mohoi ndikimin e faktorit politikë përkundrejt Prokurorisë së Posaçme.

Gentian Rumano: Nuk mendoj se SHBA ka hequr dorë nga SPAK.  Ajo që thotë Rama është e bazuar në të gjithë veprimtarinë politike të mazhorancës për SPAK. Rama nuk e thotë për sfilatë politike, kjo është strukurë e organizuar nga mazhoranca.

Nuk ka ndikim nga faktorët politkë kundrejt SPAK, kjo strukturë ka realizuar hetime kundrejt subjekteve brenda PS dhe PD, janë fobike sHumë çështje që janë në hetim e gjykim nga SPAK. Kështu që të gjitha tezat se janë larguar SHBA nuk qëndrojnë, janë punë institucionale dhe jo financime OJF.

(BalkanWeb)