Lajme Flesh

Prej 4 ditësh, Edison Oruqi, babai i 3 fëmijëve, banues në lagjen “Kiras” në Shkodër është zhdukur pa gjurmë. Ai ka qenë duke punuar në lumin e Shalës, kur ka humbur kontaktet me familjen.

Një shok i tij dhe familja deklarojnë se për herë të fundit e kanë parë duke punuar në bujtinë.

Skënder Pepkolaj, thotë se Edisonin e ka marrë vëllai i pronarit për të ngarkuar material për ndërtim dhe i ka thënë se do ta rikthejë të nesërmen.

Pasi kanë kryer punën, ai i ka komunikuar se punëtorin e ka lënë në një ishull të vogël rëre.

Ka qenë vetë Pepkolaj, i cili ka bërë denoncimin në polici për zhdukjen e Edisonit, i cili ishte ndihmësi i tij në punën në ndërtim.

Policia e Shkodrës, ka zhvilluar disa kontrolle në lumin e Shalës, por ende pa asnjë rezultat.

Mbrëmjen e djeshme dy të nominuarit, Xumi dhe Egli, mbajtën një konferencë për shtyp për pjesën tjetër të banorëve të shtëpisë së “Vëllait të Madh”.

Pyetjet ishin të shumta, po ashtu dhe debatet e zënkat, por komenti i Klajdit është ai që po komentohet më së shumti në rrjet.

Teksa ishte radha e tij për t’iu drejtuar Eglit, ai tha ndër rreshta simpatinë që kishte për të, ndërsa tha se Xumi i zuri radhën kur shprehu ndjenjat për të, dhe Klajdit nuk i mbeti gjë tjetër veçse të hapte rrugë.

“Çdokush nga ne këtu i mjaftonte një fije shumë e hollë për t’u dashuruar me ty, për të mos thënë që do isha unë i radhës. Fati i Xumit që ishte i pari që e shprehu këtë gjënë dhe unë hapa krahun për atë ndjesinë që ti më dhe”, tha ai.

Kujtojmë që Xumi dhe Egli janë në televotim kokë më kokë pas vendimit të marrë nga kjo e fundit si favor i dhënë nga hapja e “Kutisë së Pandorës”. Xumi ka shprehur që në ditët e para pëlqimin e madh që ka për këngëtaren ndërsa kjo e fundit ia bëri të qartë që nuk dëshironte të kishte diçka më shumë me të.

Ndër të tjera Egli është ndjerë vazhdimisht e bezdisur nga veprimet apo deklaratat e Xumit ndërsa tashmë ka filluar të ketë një raport të ngushtë me Gjesti, të cilit i ka shprehur dhe simpatinë.

Pak ditë më parë, një ish punonjës i Forcave Ajrore të Operacioneve Speciale amerikane doli në televizion për të zbuluar atë që pretendoi se ishte pjesëmarrja e tij në disa operacione sekrete për transportimin e mjeteve aliene.

Jacob Barber tha se kishte punuar si për shtetin dhe për kompani private në SHBA, për lokalizimin dhe transportimin me helikopterë të objekteve fluturuese me origjinë të paidentifikuar.

Ai tha se persona me aftësi psikike janë përdorur nga zyrtarët amerikanë në këto operacione për të interceptuar me “fuqi mendore” këto anije aliene dhe më pas i ulnin në tokë. Në këtë moment, ekipi i tij shkonte për t’i marrë dhe transportuar në baza sekrete.

Veza “aliene” e pretendar nga Jacob Barber

Një objekt që ai zbuloi me video tha se ishte në formën e një veze të bardhë, shumë të madhe. Video e tregonte “vezën aliene” të lidhur me litarë dhe të filmuar nga sipër helikopterit.

Po ditën e sotme, një person anonim ka pretenduar në rrjetin “4Chan” për një vezë aliene të ngjashme që sipas tij është gjetur në Antarktidë.

Ai ka postuar videon e këtij objekti në formë veze teksa transportohet me helikopter në të njëjtën mënyrë dhe poshtë dallohen malet me dëborë të Antarktidës.

Personi anonim, në rrjetin e njohur për teori konspirative, pretendon se ndryshe nga “veza aliene” e SHBA-së, kjo është gjetur brenda një shpelle në malin “Queen Elizabeth”. Ai ka postuar edhe një seri fotografish, ku pretendon se në dy të parat dallohet objekti në formë veze dhe shpella e pastaj baza se ku mbahej.

Debatet mes Jozit dhe Gjestit kanë qenë të shpeshta brenda shtëpisë së Brother VIP Albania 4.

Hyrja e Gjestit në BBVA ndryshoi dinamikat në shtëpi, duke bërë që shumë nga banorët brenda t’i ktheheshin kundër këngëtarit.

Një prej tyre ka qenë dhe Jozi, i cili është kritikuar për ofendimet e tij ndaj vajzave brenda shtëpisë.

Debatet kanë agravuar deri në përplasje fizike mes tyre. Së fundmi nërrjet po qarkullon një video ku Jozi, i njohur për temperamentin e tij të fortë, hodhi një shuplakë Gjestit.

Ky akt, më shumë se një thyerje e rregullave të programit, ka shpërthyer një sërë reagimesh nga publiku dhe ndjekësit e emisionit.

Ndërkohë, Gjeti ka mbetur i befasuar nga ajo çfarë ndodhi dhe shumë ndjekës janë kuriozë të dinë për reagimin e tij pas kësaj ngjarje.

Pas këtij incidenti, debatesh janë ndezur online, me fansat që e mbështesin Gjestin dhe kritikojnë Jozin.

Faqja zyrtare e Lojërave Olimpike është hakuar.

Gjesti, kryefjala e mediave rozë në ditët e fundit, po merr përkrahje të jashtëzakonshme nga masa, shkruan IndeksOnline.

Por, nuk pritej që portreti i tij dhe hashtag-u i krijuar “#megjestin” të shfaqet edhe në faqën zyrtare të Lojërave Olimpike.

Patjetër që një gjë e tillë është bërë nga hakerë shqiptarë, por askujt nuk do t’ia mirrte mendja që portreti i tij të zbulohej edhe në një profil të tillë dhe kaq serioz.

Sektori që menagjon faqen duket se nuk është siguruar që domeni i saj të jetë vështirë i thyeshëm, andaj e pamë edhe këtë gjë sot: Gjesti në profil të Lojërave Olimpike!

Avokati Spartak Ngjela ka deklaruar se Sali Berisha është urdhëruesi i vrasjeve të katër protestuesve më 21 janar 2011.

Ai ka theksuar se drejtësia ka dështuar në zbardhjen e kësaj ngjarjeje, por ka pretenduar se pamjet nga kamerat e Kryeministrisë, që regjistruan vrasjet, nuk janë fshirë përfundimisht, dhe janë të ruajtura në serverë të Kalifornisë.

Ngjela ka shtuar se edhe nëse janë fshirë nga pamjet për përdoruesit e zakonshëm, teknologjia amerikane siguron që ato të mbeten të ruajtura.

Për Ngjelën, pamjet tregojnë një moment të rëndësishëm, ku Sali Berisha shihet me automatik në dorë dhe i jep urdhër për të vrarë protestuesit.

Ai e ka akuzuar ish-kryeministrin se ka dhënë një urdhër të drejtpërdrejtë për të qëlluar, dhe ka vënë në dukje se pas kësaj, Berisha është privuar nga arma e tij. Sipas Ngjelës, kjo ngjarje rrezikon të çojë në arrestimin e Berishës, duke e cilësuar atë si një akt që mund të ndëshkohet me ligj.

Ngjela ka shprehur mendimin se moszbardhja e plotë e ngjarjes përbën një krizë për drejtësinë shqiptare, duke theksuar se të gjitha provat janë të disponueshme dhe se fajin e ka pushteti gjyqësor, i cili nuk ka marrë veprimet e duhura për të siguruar dënimin e të përgjegjshmëve. Ai ka përmendur gjithashtu që vrasjet ndodhën kur viktimat po largoheshin, dhe i konsideron ato si hakmarrje ose një mesazh për të mbyllur protestën. Ngjela e cilëson këtë një fakt historik të hidhur për drejtësinë dhe shoqërinë shqiptare.

“Këta kujtojnë se janë shuar regjistrimet. Nuk shuhen kurrë ato. Po ti kesh brenda sistemit amerikan nuk shuhen kurrë. Të gjitha depozitohen në Kaliforni, edhe sikur ti shuash ti këtej. Është njësoj si valët e radios, që diku incizohen. Janë këto të Saliut, por kishte humbur ekuilibrin, se ishte e egër ajo si revoltë. Por fajin e kishte vetë, nuk diti të bënte politikë të një sensi human, e dyta ishin konfliktet e tyre që kaluan deri atje dhe u vranë njerëz. Unë e kam deklaruar, ma thana atë të gjithën. Saliu me automatik në dorë, u jepte urdhër, ‘vritini’, ‘vritini’, Ky mori automatikun, ia hoqën nga dora ata. Berisha del me zë.

Ata që i kanë provat më kanë thënë që është e provuar. Ia kanë dhënë SPAK apo jo nuk e di. Unë e kam në mënyrë individuale me kolegë të mi ndërkombëtare, ma kanë thënë që të nesërmen, që ekziston e gjitha, del edhe urdhri i Saliut. Atje ndodhi diçka që del nga profesioni. Ata u goditën në momentet kur po iknin, nuk janë në revoltë. Pse i vranë atëherë kur po iknin, sepse ndryshe do ti kishin shqyer kur ishte turma atje. Pse e bënë? Për hakmarrje ose për të thënë që boll me kaq. E bënë për një mbrojtje të mëvonshme, por ajo ka ndodhur dhe gjithë kriza nuk është tek vrasësi e tek urdhëruesi, por tek pushteti gjyqësor. Është krizë e drejtësisë shqiptare, kriza e një drejtësie me vrasje të tilla që marrin karakter të lartë politik është fakt historik i hidhur për çdo shtet, qeveri dhe çdo komb”, tha Ngjela.

Ngjarja dramatike në një tubim të Donald Trump në Pensilvani, ku ish-presidenti mbeti i plagosur në vesh, ka ripërtërirë interesin për parashikimet e frikshme të Baba Vanga, një e moshuar e verbër nga Bullgaria, e cila dikur kishte parathënë se jeta e ish-presidentit amerikan do të ishte në rrezik.

Atentatori, i identifikuar nga FBI si Thomas Matthew Crooks nga Bethel Park, të Pensilvanisë, arriti të qëllojë të shtëna të shumta, njëra prej të cilave gjakosin veshin e djathtë të Trump.

Shërbimi Sekret raportoi se Crooks u qëllua për vdekje nga sigurimi, ndërsa një mbështetës i Trump humbi jetën teksa përpiqej të mbronte familjarët e tij.

Baba Vanga, e cilësuar shpesh si “Nostradamusi i Ballkanit’”, kishte një reputacion për të bërë parashikime befasuese. Pavarësisht se vdiq në vitin 1996, profecitë e saj vazhdojnë të intrigojnë dhe alarmojnë shumë njerëz.

Ndër parashikimet e saj të shumta, Vanga kishte parashikuar se jetët e Vladimir Putin dhe Donald Trump ishin në rrezik.

Sipas parashikimeve të Baba Vanga-s, Trump do të përballej me një sëmundje misterioze që do ta linte të shurdhër dhe do të vuante nga një tumor në tru.

Ndërsa Trump nuk i ka përjetuar këto çështje specifike shëndetësore, atentati që iu krye disa muaj më parë, i shton një shtresë rrëqethëse profecisë së saj se jeta e tij është në rrezik./Top Channel

Prej 15 ditësh, familja Hasaj në Postribe të Shkodrës, është e ngujuar nga frika e gjakmarrjes.

Ata nuk mund të ndalin nga banesa për shkak se dy djemtë, Arjoni dhe Klismani, akuzohen për vrasjen e fqinjit të tyre, Ramazan Matajt. Kryefamiljari Rrustem Hasaj, tregon se familja me 4 fëmijë të mitur nuk ka asnjë forcë punëtore dhe as të ardhura.

Në një intervistë për “Shqipëria Live”, ai tregon sesi vajzës së tij iu prishën dy martesa për shkak të viktimës.

“15 ditë kanë qenë terr për familjen time. Jemi të ngujuar, nusja bashkë me 4 fëmijë. I gjithë fisi jemi të ngujuar. As për të marrë një kafe për vete nuk dalin. Nuk kanë shkuar në shkollë, nuk mund t’i çoj se gjaknxehtësi është. Nuk kemi dal askund prej 15 ditësh. Faleminderit i respektoj disa shokë që më kanë sjellë një kafshatë bukë, nuk mi kanë lënë fëmijët pa bukë.

Fati ynë është në dorë të zotit, skam as rrogë as ndihmë as pension. Fëmijët nuk e dinë çfarë ka ndodhur, mendojnë se të atin e kanë jashtë shtetit. Vajza është 8 vjeçe ke kupton. Zoti në qiell e di si do të përfundojë. Për rastin në fjalë nuk është diskutuar, vetëm dy herë. Nuk më kanë sqaruar gjë, janë shumë të prekur për atë që ka ndodh por shprehja e tyre është se na ka mundur e keqja.

Unë nuk i kam ditur çfarë ka ndodhur. Kjo punë mosmarrveshje ka 6 vite. Unë kam qenë para 4 vitesh në dijeni, vajza ime është ndarë nga dy burra për shkak të këtij personi. Familja e burrit të dytë më ka ardh në mes të natës në shtëpi më kanë treguar disa video të vajzës që unë nuk kam mundur t’i shoh. Ka 4 vite që ajo vajzë është larguar nga shtëpia.

Ai ka tentuar të futet edhe me zor në shtëpi, vajza ka bërtitur. Vajza e vogël ka bërë denoncim për përndjekjen që ka bërë. Është bërë shoqërimi i këtij personi, unë ja kam lënë shtetit në dorë. Dua drejtësi, dënimin ta marrin këta që kanë bërë krimin. Jam 60 vjeç dhe do rris dhe 4 fëmijët e djalit.

Më kanë thënë që vajza ka ikur në Francë, ka ndenjur një vit atje dhe ka ardhur në Shkodër dhe kanë nisur problemet sërish me këtë person. Për djalin e vogël bëj be në kish e në xhami që është i pafajshëm. Djali i madh e ka bërë vetë ngjarjen.

Djali ka bërë takime me viktimën dhe të vëllain, i ka thënë hiq dorë. Nga data 25 dhjetor deri më 4 janar, e ka porosit 5 herë këtë viktimën, kurse vëllain e ka porositur para se të ikte ai në Belgjikë.”-u shpreh Rustemi.

Dy të rinjtë që humbën jetën mbrëmë në aksidentin tragjik rrugor në Vignola të Italisë jetonin të dy në Marano sul Panaro, në provincën e Modenës. Një shoku i tretë, i cili udhëtonte me ta në të njëjtën makinë, ka mbetur i plagosur rëndë.

Idris Kreshpaj, vetëm 18 vjeç, i lindur në Pavullo dhe jetonte me familjen në Marano. Në të njëjtën ndërtesë banonte edhe Rida Sidrine, 24 vjeç, me origjinë marokene, por banues në qytetin kodrinor në provincën e Modenës. Dy djemtë ishin fqinjë dhe miq prej kohësh, siç raportohet nga Resto del Carlino.

Aksidenti ndodhi rreth orës 21:00 në rrugën për në Sassuolo, në një rrugë të drejtë pranë kryqëzimit me via Beslan.

Sipas një rikonstruksioni fillestar, makina në të cilën ndodheshin pesë djemtë, një Citroen C3, u përmbys disa herë përpara se të përplasej me gardhin e një shtëpie.

Dinamika është ende duke u konstatuar, por nga gjetjet fillestare duket se nuk janë përfshirë automjete të tjera.

Banori i Big Brother Vip Albania 4, Laert Vasili ka bërë një deklaratë bombë dhe aspak njerëzore për Gjestin.

Teksa po bënte një bashkëbisedim me Danjën, kjo e fundit u ankua te Laerti për Gjestin pasi sipas saj, ai po i lë pa gjumë.

E Laerti ia ktheu “nuk ka zgjidhje deri dikush të çohet ta vrasi”.
Kjo bisedë ka qarkulluar kudo dhe publiku që e ndjek ka reaguar menjëherë ku në çdo video të postuar në faqen zyrtare të Instagramit BBVA,shihem komente ku presin ndëshkim për Laertin.
Do të reagojë produksioni apo do ta kalojë?