Lajme Flesh

Një grua franceze la burrin e saj milioner për një lidhje me një mashtrues në internet që pretendonte se ishte Brad Pitt dhe i transferoi 830 mijë euro për operacione.

“Aktori i Hollivudit” doli të ishte një mashtrues që përdorte foto të Brad Pitt nga spitali të gjeneruara përmes inteligjencës artificiale.

53-vjeçarja, dizajnere e rrobave intime, ishte e martuar me një burrë të pasur. Në vitin 2023, ajo ishte duke pushuar me familjen e saj në një resort skish ku bëri shumë foto dhe vendosi t’i shpërndante ato në rrjetet sociale.

Për herë të parë në jetën e saj, ajo krijoi një llogari dhe postoi fotot. Menjëherë pas kësaj, ajo mori një kërkesë për miqësi nga një kontakt i pazakontë. Së pari, “nëna e Brad Pitt” iu afrua asaj dhe më pas vetë mashtruesi që pretendonte se ishte aktori.

Në fillim, “Brad Pitt” e mbushi Anën me komplimente, poezi dhe dhurata, duke përfshirë çanta dhe bizhuteri të shtrenjta.

Megjithatë, Anna duhej të paguante 5000 euro për të mbuluar tarifat doganore për dërgesat e tij. Ajo pa hezituar bëri transferimin.

Më pas ndodhi e papritura, “i dashuri” i Anës u sëmur rëndë.Fotot që mashtruesi i çonte duke pretenduar se ishte aktori i sëmurë

“Brad Pitt” pretendoi se ishte diagnostikuar me kancer në veshka. Paratë, mashtruesi tha se i ishin ngrirë për shkak të divorcit nga Angelina Jolie, kështu që ai i kërkoi ndihmë Anës. Ajo u divorcua nga bashkëshorti dhe pagoi qindra mijëra euro “për operacione”, ndërsa “Brad Pitt” i shprehu mirënjohjen e përzemërt dhe i dërgoi fotot nga shtrati i spitalit.

Fantazia mori fund kur tabloidët e huaj publikuan historinë duke zbuluar se Brad Pitt-i i vërtetë po shoqërohej me një vajzë të quajtur Ines de Ramon.

Anna e mori vesh se ajo ishte mashtruar dhe të gjitha fotot që i dërgonte “aktori” ishin krijuar nga inteligjenca artificiale. Deri në atë moment, ajo kishte transferuar plot 830,000 euro temashtruesi, të gjitha paratë që i kishin mbetur pas divorcit nga burri i saj milioner.

E ftuar në një emision televiziv, ka qenë Françeska Murati. Ajo ka komentuar më shumë mbi ndodhitë më të fundit në shtëpinë më të famshme në Shqipëri. Si i sheh ajo banorët e “Big Brother VIP 4”?

Pjesë nga intervista:

Si të duket Gjesti si lojtar?

Më pëlqen shumë, më duket shumë interesant si karakter. Është një super gol, futja e tij aty. Në momentin që ai u fut në shtëpi kemi ngelur të gjithë me gojë hapur. Ishte fantastike si lëvizje, në lojë, në çdo gjë. Perlë. Është pikërisht personazhi që i duhej shtëpisë. Nëse e gjithë ‘gjella’ ishte gati, ai është ‘kripa’.
A mendon se do të vazhdojë me këtë lloj popullariteti, apo do të jetë si një ‘flluskë sapuni’?

Flluskë sapuni, jo. Sepse ai ka qenë super zjarr edhe para se të hynte në BBV. Kështu që edhe tani që ka hyrë nuk shoh ndonjë ndryshim. Që në fillim të rrugëtimit të tij e deri tani, ai ka qenë super aktiv. Kam përshtypjen që është tipi i tij.

Kush do të ishte një element që do ta dëmtonte Gjestin në BBV?

Shoh që ka ngacmime me Eglin. Shoh që ajo po ‘ia luan’ pak atij. Ka një 48 orë që Egli sikur ka parë disa drona, ka marrë një kthesë tjetër. Por tani ne kemi dhe një vajzë tjetër që po e pret këtë djalin. Sikur po krijohet një trekëndësh dashurie shumë interesant.

Beson se Egli dhe Gjesti mund të jenë çifti i këtij viti?

Jo. Unë nuk besoj tek Egli. Gjesti është me dikë tjetër, nuk është ‘single’, është në një lidhje të konsoliduar, sado që ka pasur ato luhatjet momentet e fundit. Nuk më duket djalë që do e hidhte poshtë atë për një Egli.

Zjarrfikësit në Los Anxheles po garojnë me flakët për të shuar e parandaluar shkatërrimin e mëtejshëm prej tyre si në Pasadena e Palisades deri përgjatë bregut të Paqësorit.

Aeroplanët kanë derdhur dhjetëra litra ujë për të shuar zjarret si dhe një sasi të madhe të një substance misterioze ngjyrë rozë.

Kjo e fundit është Phos-Chek dhe është fikësi i zjarrit më i përdorur në botë ndërsa në Kaliforni ka hyrë që prej vitit 1963.

Videot e avionëve që fluturojnë në lartësi të vogla duke hedhur sasi të mëdha Phos-Chek janë bërë virale.

Shtëpi, kuti postare dhe makina të mbuluara me rozë janë footgrafuar pranë zonave ku njerëzit janë detyruar të evakuohen.

Por pse është rozë? Kompania që e ka shpikur, Perimeter thotë se ngjyra e ndezur është një ndihmë pamore për pilotët dhe zjarrfikësit.

Përzierja përmban ngjyrues, kripëra, ujë dhe fikës zjarri. Kur sprucohet në zona të mëdha, mund të ndalojë përhapjen e shpejtë të zjarreve. Phos-Chek konsiderohet se është një fikës afatgjatë sepse mund ta parandalojë zjarrin edhe pasi uji që përmban, thahet.

Por mund të jetë shumë e vështirë për t’u pastruar nga shtëpitë dhe makinat. Sa më gjatë qëndron, aq më e vështirë është të hiqet plotësisht.

Për të pastruar shtëpitë, këshillohet të përdoret një zorrë uji me presion ndërsa për sipërfaqet e vogla, ujë i ngrohtë dhe larës enësh.

Një aksident i frikshëm është regjistruar pasditen e sotme në autostradën Durrës-Tiranë.

Një automjet tip “Golf 5” është përplasur nga një kamion dhe makina ka ngecur mes kamionit dhe trafikndarëses.

Nuk dihet ende nëse ka persona të lënduar.

Aksidenti ka krijuar rradhë të gjata në autostradë, ndërkohë që në vendngjarje pritet të mbërrijnë efektivët e Policisë Rrugore dhe grupi hetimor që do të zbardhë shkaqet e aksidentit.

I penduari i drejtësisë Nuredin Dumani ka vijuar me dëshmitë e tij sot në GJKKO, duke treguar sesi ishte porositur për të vrarë persona, me urdhër të Erjon Alibeaj.

“Erjon Alibeaj kishte bërë një listë me dhjetë persona për t’i vrarë. Në krye të kësaj liste ishte Emiliano Ramazani dhe Talo Çela”, ka deklaruar Nuredin Dumani.

Këtë listë Alibeaj ia kishte dhënë Dumanit duke i thënë “i dua të vrarë se kanë marrë pjesë te vrasja e vëllait në Bradashesh”.

Pogradeci vijon të përballet me mot të acartë, ku temperaturat kanë zbritur deri në -4°C.

Pavarësisht të ftohtit të madh, një qytetar i guximshëm ka habitur kalimtarët duke u futur në ujërat e liqenit për t’u larë.

Ngjarja ka ndodhur në bregun e liqenit të Pogradecit, ku i riu duket se ka sfiduar temperaturat e ulëta dhe kushtet dimërore.

Veprimi i tij ka tërhequr vëmendjen e banorëve të cilët e kanë ndjekur me kureshtje.

Banorja e Big Brother Vip, Egli Tako, gjatë një bisede me Gjestin ka rrëfyer një histori gjatë së cilës ka theksuar se Redon Beranin, kur ka qenë brenda formatit, e ka pasur si vëlla.

“Unë me Redonin kam pasur shumë afrimitet, e kam pasur zemër e kam pasur si vëlla” u shpreh Egli.

Mirëpo ky i fundit vetëm dy ditë më parë ka shprehur pëlqimin e tij për Eglin teksa ka dhënë një intervistë. Redoni ka treguar emocionet që ka përjetuar gjatë qëndimit në BBV me Eglin.

“Kur Egli ka ndarë historinë e saj me ankth dhe vuajtje, ajo më preku shumë, pasi ishte një histori që unë e kam përjetuar. Ishte një moment që më afroi shumë me të,” tha Redoni në S’e luan Topi.

Këngëtari tha se në BBV kishte hyrë për lojë, por përvoja me Eglin e ka bërë atë të përjetojë emocione të vërteta, ndryshe nga çfarë priste.

“Thash se me këtë vajzë kam diçka speciale. Më ka dalë në ëndërr, më dha një ndjenjë të mirë por dhe të frikës. Thash pastaj që nuk mund të bëj më lojë, se këtu po përjetoj emocione reale, po përjetoj gjera që kam frikë të përjetoj”, rrëfeu ai.

Redoni u shpreh se nuk është i qartë nëse simpatia ndaj Eglit është dashuri, por e vlerëson shumë atë si person, duke e cilësuar si një vajzë speciale që nuk i ka dalë nga mendja.

“Nuk e di nëse është dashuri. E çmoj shumë si njeri. Nuk e di nëse do jetë më mua apo më dikë tjetër, por që e çmoj si njeri se më ka ndenjur afër. Kam përjetuar emocione shumë të forta. Do e pres kur të dalë nga shtëpia. E kam një simpati për atë, nuk ma heq njeri prej mendjes, është shumë speciale. Kam qejf të jetë me mua, edhe nëse nuk do jetë, prap…”, tha ai.

Përsa i përket Xumit, i cili po ashtu ka shprehu një simpati për Eglin në BBV, Redoni theksoi se nuk është aspak xheloz.

“Për Xumin nuk jam aspak xheloz, mendoj se çfarë është e jotja është e jotja dhe nuk…”, tha ai.

Mirëpo është parë se që pas hyrjes së Gjestit në BBV, Egli është dukur mjaft e dhënë pas tij.

Gjatë gjithë kohës dyshja shihen bashkë duke biseduar dhe jo vetë, po ashtu ata kanë shkëmbyer edhe përqafime me njëri-tjetrin.

Një bisedë të zhvilluar mes tyre, Egli e pyeti banorin për shenjën e horoskopit dhe Gjesti iu përgjigj se ai është shenjë Demi, ndërkohë banorja reagoi e befasuar.

Ajo tregoi se është shenja e Virgjëreshës, duke shtuar se këto dy shenja janë një kombinim shumë i mirë për një marrëdhënie.

“Nëse Demi shkon me një shenjë është Virgjëresha dhe nëse Virgjëresha shkon me një shenjë është Demi”, tha Egli.

Pas kësaj, Gjesti bëri një deklaratë që mori vëmendjen, duke thënë se kishte një ndjenjë se mund të martohej brenda shtëpisë së “Big Brother VIP Albania”.

“E kam një fare ndjenje se kam me u martu dikë në Big”, tha Gjesti.

“Edhe unë e kam një farë ndjenje se ti ke me u martu me dikë këtu dhe e di se kush është, ta lexoj në sy gjatë lëvizjeve” tha Egli.

Kur Gjesti kërkoi që Egli të thoshte shkronjën e parë të emrit të personit që mendon, ajo tha “L”. Gjesti, megjithatë, e hodhi poshtë këtë, duke thënë se nuk është e vërtetë.

“Kurrë në jetë”, tha Gjesti.

“Nuk më gënjen intuita”, tha Egli.

“Pastaj mua më kanë thënë se ti je i martum diku”, tha Egli.

“Jo, vetëm për hajgare?”, tha Gjesti.

“Ti e ke pas një histori tek produksioni ku ke qenë”, tha Egli.

“Si të pashë ty komplet ndjenjat m’u hoqën”, tha Gjesti.

“Ti e ke me mua?”, tha Egli.

“Jo s’e kam, këtë shkronjën ‘L’ hiqe prej mendje”, tha Gjesti

Blendi Fevziu ka qenë i ftuar në emisionin “Të Paekspozuarit” në MCN TV, ku ka debatuar me Ylli Rakipin për median dhe interesat e pronarëve të mediave.

Debati u nxit nga një polemikë e Fevziut në Opinion me Arlind Qorin, i cili pretendon se Fevziu nuk e ka ftuar në emision për shkak se flet kundër Samir Manes.

Ylli Rakipi: Mediat udhëhiqen nga interesat e pronarëve të tyre, ju e pranoni këtë gjë?

Blendi Fevziu: Jo nuk e di këtë. Media ka një mijë e një mëkate. Po ku jeton kjo media? Po biznesi si është? Po politika?

Ylli Rakipi: Po njëlloj janë.

Blendi Fevziu: Po kush e ka deformuar?

Blendi Fevziu: Erdhën katër përfaqësues aty dhe nuk folën asgjë për Ramën dhe Berishën, por për median. Kjo është dritëngushtësi e njerëzve që duan të jenë në qendër të vëmendjes. Medias i ka rënë audienca.

Ylli Rakipi: Po sepse nuk është në interes të publikut.

Blendi Fevziu: Jo nuk ka interes politika. Sot nuk është media problemi kryesor i këtij vendi.

Ylli Rakipi: Po diskutojmë sot për këtë gjë.

Blendi Fevziu: Nuk bëj analizë per median sot, është histori e gjatë. Nëse ti si Ylli Rakipi që më njeh, që e di që shkruaj dhe udhëtoj, nëse mendon se marr urdhëra dhe bëj gjëra për interes të të tjerëve…

Ylli Rakipi: Edhe sikur të ishte kështu nuk kam të drejtë të të vë ty nën akuzë. Ne duhet të jemi në rregull me veten. E keqja e këtij vendi nuk jemi ne, por nëse ne hedhim një vështrim të thjeshtë, përmende kohën kur nuk kishte media sociale, aty kishte një mëkat, ishim të frontuar, siç vinim nga një shoqëri e mbyllur. Iku kjo kohë dhe mbaroi. Pas vitit 2010, ndodhi një gjë e tmerrshme, pronarët u bënë njerëz që duhet të nxirrnin fitime. Ti e ke ndeshur këtë gjë, por nuk është se ta thonë ty. Nuk je ti përgjegjës, por ti i ikën bisedës.

Blendi Fevziu: Nuk sulmoj njerëz me emër unë.

Ylli Rakipi: Klan, Top Channel, News 24 apo MCN, nuk janë njerëz, janë televizione.

Blendi Fevziu: Ajo matet me emisione dhe jo me televizione. Ty të llogarisin si Ylli Rakipi dhe jo si MCN. Po kështu edhe mua. Integriteti është personal. Sa herë ke ikur ti nga televizionet? Ka dalë njeri në solidaritet?

Ylli Rakipi: Po, Bushati

Blendi Fevziu: Po të tjerët?

Ylli Rakipi: Jo, jo, se ata janë të frontuar.

Blendi Fevziu: Po ta mbyll unë, mendon se do të thoshte njeri bravo se bëri gjest dinjitoz, për lirinë e shtypit? Jo nuk ka. Kjo është një shoqëri, ku jam kundër kolektivitetit, përgjegjësia është individuale. 30 vjet përpara kemi bërë kauzë të tilla, mbanim qëndrime.

Ylli Rakipi: Aty ka gjëra të ndaluara në televizionin tënd? Arlind Qori përshembull është i ndaluar.

Blendi Fevziu: Te unë? Po ç’punë kam unë me televizionin?

Ylli Rakipi: E di me sa revoltë e thua ti këtë? Të lë ty Sandri dhe Zamo ta thuash këtë?

Blendi Fevziu: Mua nuk ma ka thënë njeri këtë. A kam thënë unë që e vlerësoj Arlind Qorin?

Ylli Rakipi: Po pra dy herë te emisioni im.

Blendi Fevziu: Më the a të lënë të thuash për Qorin? Kur ti më pyete kush të pëlqen? Thashë Qori.

Ylli Rakipi: Po ti i shikon gjërat dhe bëjnë sikur nuk i shikon.

Blendi Fevziu: Qori tha nuk më ftojnë as në Top Channel. Pse unë do mbaj përgjegjësi edhe për Top Channel? Po të doja unë nuk e merrja fare Qorin. Tani të zë be unë? Mua as më ka thënë njeri dhe as ka rënë muhabeti. Për asnjë emër.

Ylli Rakipi: Kur Rama donte ta sulmonte Qorin përdorte epitetin “Sude me gjyzlyke”…

Blendi Fevziu: Nuk e di..

Ylli Rakipi: Këto gjëra nuk i di ti… Kurse ti tani gjen gjënë më qesharake, thua kundërshtarët e Zamos paguajnë Arlind Qorin. Arlind Qori mund të bëhet komunist por kurrë nuk mund të paguhet…

Blendi Fevziu: Unë thashë se edhe pse vijnë mesazhe si ky, unë nuk e them. Po të them e di sa gjëra më erdhën aty? Pse legen jam unë të merrem me këto. Ja solla si shembull, që ai thoshte më ka thënë njëri dhe bëj kalkulimin se nuk më merr… Nuk është e vërtetë.

Ylli Rakipi: Krijuam një keqkuptim që në fillim. Unë nuk kam për qëllim të them që Fevzi…

Blendi Fevziu: Ti pret të shaj ndonjë koleg?

Ylli Rakipi: Të thuash të vërtetën nuk është sharje.

Blendi Fevziu: Nuk është e vërtetë, unë e mora Arlind Qorin për të prezantuar programin.

Ylli Rakipi: Këtë media që e kontrollon qeveria dhe një fragment të vogël opozita, ti nuk e sheh?

Blendi Fevziu: Po është ndikim.

Ylli Rakipi: Ai e merr dhe e zapton, ti thua ndikim…

Blendi Fevziu: Ku hyj unë këtu?

Ylli Rakipi: Ti të thuash të vërtetën Fevzi!

Jozi dhe Gjesti patën një debat të nxehtë në oborrin e shtëpisë së Big Brother VIP Albania, ku shkëmbyen akuza dhe kritika të ashpra për muzikën e njëri-tjetrit.

Jozi, e kritikon shumë muzikën e Gjestit, duke e përshkruar atë si një stil që i përshtatet më shumë filmave të animuar për fëmijë.

G Bani debaton ashpër me Gjestin e Gertën, hedh rrobat e kësaj të fundit në tokë
Ai nisi ta përqeshë dhe ta imitojë muzikën e Gjestit, duke e bërë situatën më të tensionuar.

Në përgjigje, Gjesti mbeti i qetë dhe tha se ai kishte ndryshuar zhanrin muzikor dhe tani nuk këndonte më balada si më parë.
Jozi, megjithatë, nuk e kurseu ironinë dhe e kritikon për klikimet, duke sugjeruar se Gjesti kishte përdorur metoda të dyshimta për të arritur sukses në muzikë.

Ai gjithashtu tha se klikimet e tij ishin “të vjedhura”, ndërsa ato të tijat “reale”.

Jozi vazhdoi me përçmim, duke thënë: “Ti në odën e burrave mundesh vetëm të shërbesh kafe, sepse të ndjekin për të të larguar”.

Gjesti, megjithatë, e ruajti durimin dhe nuk u përfshi në këto sulme.

Në fund, ata vunë bast për klikimet e ardhshme të Gjestit, pasi Jozi thoshte se nuk mund t’ia arrinte kurrë.

Detaje të reja mësohen nga plagosja me thikë e këngëtarit shkodran Ademir Fresku.

Burime bëjnë me dije se tregtari Gjergj Dardha kishte shkuar disa herë në gjendje të dehur në lokalin në pronësi të këngëtarit.

Por mëngjesin e sotëm, 30-vjeçari Ademir Fresku i ka thënë që nuk do i shërbehet më duke e paralajmëruar që të mos shkonte më tek lokali i tij.

Tregtari raportohet se menjëherë ka nxjerrë thikën duke e goditur disa herë këngëtarin, i cili është jashtë rrezikut për jetën.

Pas ngjarjes, policia ka vendosur në pranga autorin e dyshuar të ngjarjes, Gjergj Dardha

“Rreth orës 11:00, te sheshi “Demokracia”, dyshohet se shtetasi Gj. B., 50 vjeç, ka dëmtuar me mjet prerës (thikë), shtetasin A. F., 30 vjeç, i cili është jashtë rrezikut për jetën. Grupi hetimor, në drejtimin e Prokurorisë, po punon për zbardhjen e rrethanave të rastit”, njoftoi policia.