Lajme Flesh

Instituti i Gjeoshkencës (IGJEO) dhe Shërbimi Meteorologjik Ushtarak (SHMU) kanë paralajmëruar për reshje të dendura bore dhe shira intensive në pjesë të ndryshme të vendit gjatë ditës së sotme (12 janar) dhe nesër (13 janar).

Zonat e prekura sot pasdite nga reshjet e dëborës do të përfshijnë zonat Veriore, Verilindore, Qendrore dhe Juglindore, në lartësi mbi 300 metra nga niveli i detit.

Ndërkohë, qarku Vlorë do të përballet me reshje shumë intensive, ndërsa reshje intensive priten në qarkun Gjirokastër.

Qarqet Lezhë, Durrës, Tiranë, Elbasan, Fier dhe Korçë do të kenë reshje mesatare deri intensive, ndërsa pjesa tjetër e vendit do të përjetojë reshje mesatare dhe të dobëta.

Sa i përket ditës së nesërme, më 13 janar, reshjet do të jenë më të dobëta, por shtrëngatat dhe intensiteti i lartë i reshjeve për periudha të shkurtra mund të shkaktojnë vërshime në zonat urbane, veçanërisht në qarqet Lezhë, Durrës, Tiranë, Elbasan, Fier, Vlorë dhe Gjirokastër.

Sa i përket temperaturave, minimalja dhe maksimalja e ajrit pritet të arrijnë në bregdet 5 – 12°C, në ultësira 5 – 10°C, në zonat malore -4 – 4°C.

Hëna e ujkut është emri i Hënës së parë të Plotë të vitit të ri që ndodh në janar. Por pse quhet Hëna e Ujkut? Emrin e ka marrë nga ulërima e ujqërve që dëgjohet shpesh gjatë janarit.

Thuhet se fiset e hershme indigjene vunë re ujqër të uritur që enden më afër fshatrave në këtë kohë të vitit dhe kështu e quajtën hënën e janarit , Hëna e Plotë e Ujkut.

Hëna e ujkut njihet gjithashtu si një hënë e vjetër ose hënë akulli, duke reflektuar kushtet e ftohta dhe reshjet e mëdha të borës gjatë muajve të hershëm të dimrit.

Hëna e parë e Plotë e vitit do të lindë të hënën, më 13 janar, në shenjën e Gaforres dhe do të ndikojë negativisht në shenjat e mëposhtme.

Gaforrja

Prania e Hënës së Ujkut në shenjën tuaj në vitin 2025 shënon një tranzicion të rëndësishëm në jetën tuaj. Pavarësisht nëse jeni duke menduar për fillimin e një kapitulli të ri në karrierën dhe marrëdhëniet tuaja, për të rinovuar stilin tuaj personal ose po planifikoni një lëvizje në një vend tjetër, Hëna e Ujkut në shenjën tuaj ju fton t’i jepni përparësi dëshirave dhe nevojave tuaja. Përdoreni këtë energji të hënës së plotë për të qartësuar qëllimet tuaja personale. Megjithatë, do të ketë shumë presion në të gjitha fushat. Tensionet dhe vështirësitë emocionale do t’ju prekin profesionalisht dhe personalisht, ndaj është e nevojshme të gjeni kohë për të menduar qartë dhe pa ndërprerje pikërisht për atë që dëshironi.

Peshorja

Përpjekjet tuaja profesionale janë të ekspozuara këtë muaj. Nëse ndiheni të pakënaqur në karrierën tuaj, kjo hënë e plotë mund t’ju çojë në mundësi të reja. Mund të ketë më shumë njohje dhe shpërblime financiare në vitin 2025, por mund të ketë edhe disa trazira në frontin e familjes. Balancimi i detyrave tuaja shtëpiake me karrierën tuaj mund të duket i frikshëm, por është jetike të mbani mend se durimi dhe komunikimi i shëndetshëm janë çelësi. Kërkimi i mbështetjes nga njerëzit e dashur dhe vendosja e kufijve do t’ju ndihmojë të mbani kontrollin dhe harmoninë në jetën tuaj private dhe publike. Meqenëse, gjatë kësaj periudhe mund të ketë keqkuptime të forta, lëvizni me durim.

Bricjapi

Marrëdhëniet tuaja më personale vijnë në fokus. Kjo Hënë e Plotë ju inkurajon të afroheni më shumë me njerëzit që doni. Pavarësisht nëse jeni duke planifikuar një martesë, duke rindezur një flakë të vjetër ose duke e trajtuar veten me një datë të veçantë, hëna e ujkut është aleati juaj. Në të njëjtën kohë, megjithatë, do të ndjeni se nuk mund t’i kontrolloni fare situatat, gjë që do të shkaktojë konfuzion emocional, tension dhe presion. Qetësia është qëllimi në këtë kohë.

Një përplasje virtuale është duke ndodhur mes këngëtarit Luiz Ejlli dhe gazetarit Ronaldo Sharka.

E gjitha nisi pas deklaratës së Ronaldos në Big Brother Fan Club ku tha se të krahasosh Gjestin me Luizin është si të krahasosh gjyshin me nipin.

“Luizi me Gjestin si të krahasosh nipin me gjyshin. Luizi ka përfaqësuar një mashkull tipik shqiptar, 40 vjeç që rri tek lokali lagjes që komenton e bullizon çdo njeri që i del para. Gjesti është djalë i gjeneratës”, tha Ronaldo.

Menjëherë Luizi ka publikuar një video të Ronaldos ku thotë: “Kurse unë flokët ngjyrosa si Luizi” dhe e ka shoqëruar me një emoji të fluturës. Kjo një ironi ndaj Ronaldos që leu flokët pasi Luizi e bëri trend modelin e tij të flokëve brenda BBV.

Ndërsa Ronaldo publikoi një “selfie” të këngëtarit duke i bërë akuza teksa e quan “40-vjeçar i papjekur” dhe se ka mashtruar me sëmundjen për të fituar.

Kryeministri i Groenlandës Mute Egede ka përsëritur ambicien e ishullit për të fituar pavarësinë nga Danimarka, duke deklaruar se populli groenlandez nuk dëshiron të jetë as danez, as amerikan.

Egede i dha komentet të premten gjatë një konference të përbashkët shtypi me kryeministren daneze Mette Frederiksen në Kopenhagë.

Udhëheqësi i Groenlandës shprehu gatishmërinë për të “biseduar” me Presidentin e zgjedhur të SHBA-së, Donald Trump, i cili ka sinjalizuar vazhdimisht një dëshirë për të blerë ishullin më të madh në botë, duke pretenduar se pronësia e Uashingtonit mbi territorin e huaj danez ishte një “domosdoshmëri absolute” për sigurinë e tij kombëtare.

Në të njëjtën kohë, Egede përsëriti përpjekjet e Groenlandës për pavarësi, duke deklaruar se populli i saj nuk dëshironte që as Kopenhaga dhe as Uashingtoni të sundonin mbi ta.

“Groenlanda është për popullin groenlandez. Ne nuk duam të jemi danezë, nuk duam të jemi amerikanë”, tha ai.

“Dëshira për pavarësi, dëshira për të qenë në shtëpinë tonë, ndoshta kuptohet nga të gjithë njerëzit në botë”, theksoi Egede, duke shtuar se një votim për pavarësinë “do të vijë së shpejti”.

Kryeministri tha se besonte se refuzimi i Trump për të përjashtuar përdorimin e forcës për të fituar Groenlandën ishte “serioz”, por premtoi se do të vazhdojë të punojë me SHBA-në në të ardhmen.

Nga fillimi i shekullit të 19-të deri në vitet 1950, Groenlanda ishte një territor nën kontrollin e plotë të Danimarkës. Gjatë Luftës së Dytë Botërore, ajo u pushtua nga SHBA pasi Danimarka u pushtua nga Gjermania naziste. Aktualisht, ishulli mban një bazë ushtarake amerikane dhe infrastrukturën për një sistem paralajmërimi të hershëm për raketat balistike.

Në dekadat e fundit, ndërkohë, ishulli është bërë gjithnjë e më autonom dhe iu dha sundimi i vendit në 1979, duke marrë përfundimisht të drejtën në 2009 për të shpallur pavarësinë nëse kalon një referendum.

Tirana vijon që të tërheqë vëmendjen e mediave më të mëdha botërore, veçanërisht për ndryshimet e shpejta dhe shndërrimin në një prej vendeve me rritjen më të lartë të numrit të turistëve në botë.

Në një reportazh të fundit, gjigandi botëror BBC ka hedhur dritë mbi transformimin e Tiranës dhe Shqipërisë. BBC nënvizon se Shqipëria, e cila ka kaluar nëpër periudha të vështira historike, sot po rilind dhe po tërheq vëmendjen e botës.

Pas një izolimi të gjatë nën regjimin diktatorial të Enver Hoxhës, që kufizonte lirinë e njerëzve dhe turistëve, Tirana dhe Shqipëria janë tani destinacione të gjalla e plot energji. Ndryshimet janë të dukshme, dhe turistët tashmë ndihen të mirëpritur në një qytet që ofron shumë më tepër se vetëm histori.

“Shqipëria ka përjetuar trazira të mëdha gjatë shekullit të kaluar, dhe deri kohët e fundit, turistët e shmangnin. Por tani, ata janë këtu, sepse ky vend po ringrihet. Nga viti 1944 deri në 1985, Shqipëria ishte nën një nga regjimet më shtypëse në botë, që drejtohej nga diktaturi Enver Hoxha, i cili izoloi dhe varfëroi popullin.

Turistët ishin shumë të kufizuar në atë që mund të shihnin dhe bënin dhe ai hotel atje ishte i vetmi vend ku mund të qëndronin në Tiranë. Por gjërat kanë ndryshuar si për udhëtarët që vijnë këtu, ashtu edhe për vendasit.

Një turiste thotë: Tani ndihem ndryshe, ndihem pozitive. Ka një energji tjetër, dhe Shqipëria duket se është në rrugën e duhur”, thotë reportazhi i BBC.

Edhe shqiptarët që dikur largoheshin, po kthehen me qëllime të reja, siç dëshmohet nga një sipërmarrës që synon të sjellë ndikime të reja në kuzhinë. Me vendet e tij magjike dhe një frymë të re besimi, Shqipëria është kthyer në një vend krenar që ofron një përzierje unike të të gjitha civilizimeve të Mesdheut.

VIDEO

Orikum-Një peshkaqen i llojit “dhelpër”, me gjatësi prej 3.5 metrash, ka dalë në breg në zonën e Orikumit.

Kjo ngjarje ka shkaktuar habi dhe kuriozitet tek banorët që ndodheshin në zonë.

Peshkaqeni, i njohur për pamjen e tij të veçantë dhe madhësinë e konsiderueshme, është një ndër llojet e rrallë në ujërat e Shqipërisë.

Gjesti, këngëtari nga Kosova është kthyer në fenomen pas përjashtimit padrejtësisht nga Big Brother VIP Kosova dhe futjes pas 24 orësh në BBVA.

Por edhe pse u eleminua nga Big Brother VIP Kosova, produksioni ka vendosur të publikojë rrëfimin e Gjestit si quhet ndryshe “linjën e jetës”.

Ai ka folur për fëmijërinë e vështirë në fshat, varfërinë ekstreme, problemet me babin dhe sherret në familje, si dhe vjedhjen e 100 mijë eurove dhe kanalin e Youtubit me milione klikime nga ish-menaxheti.

Histroria e Gjestit është ndër më të trishtat dhe të dhimbshmet që kemi dëgjuar deri sot në formatet si Big Brother Vip.

“Në moshën 18-vjeçare i kam shkrujt çdo kujt, askush nuk më ka ndihmuar. Edhe e kam parë që duhet ta bëj vetë. Vendosa të largohesha nga katundi im, pa i treguar prindërve që nuk ju kam folur për dy vite.

Ika në Prishtinë, ika vetë, e kam shitur një telefon, u nisa për me arrit ato që dua unë. Babi nuk kishte mundësi mem ndihmu. Kam kalu shumë sene, kam flejt rrugve, s’kam pasur as të ha as të pi. Ka qenë shumë e vështirë.”

Ai ka folur hapur për periudhën e tij të vështirë në shkollë, ku nuk kishte pasur rezultate të mira, duke përsëritur klasën e tetë dhe duke e lënë shkollën pas klasës së 10. Megjithatë, ai theksoi se gjithmonë kishte pasur pasion për muzikën dhe ky ka qenë fokusi i tij kryesor.”

Gjesti tregon se ka bërë shumë gjëra që e kanë zhgënjyer dhe lënduar familjen e tij, ndërsa shpjegon se ka qenë i bullizuar dhe shpesh është quajtur gay nga njerëzit.

“Ti je gay, trupin si e ke, si kërcen ti, drogaxhi” të gjitha këto mi kanë thënë, por mua nuk më ndikojnë këto sepse e di vetën si jam, nuk prekem.

Gjithmonë e kam pas mendjen në muzikë dhe e kam ditur që shumë mirë do ta bëjë. Rruga më ka mësuar shumë gjëra që mos me qenë njeri i keq, mos me shit shoqërinë, që s’bën me vjedh, mos me u rreh”.

“Kam bërë gjëra të këqija të tepruara, të kqija që e kam idhnuar familjen, deri në moshën 17 vjeçare, kam pirë hashash”.https://www.instagram.com/reel/DEsZ4iBJx5G/embed/captioned/?cr=1&v=14&wp=916&rd=https%3A%2F%2Fshqiperia-ime.com&rp=%2Fmora-familjen-dhe-u-largova-naten-babai-donte-te-na-vriste-gjesti-perlot-shqiptaret-rrefimi-me-i-dhimbshem-ne-big-brother-vip-video%2F#%7B%22ci%22%3A1%2C%22os%22%3A795.6999999880791%2C%22ls%22%3A659.4000000059605%2C%22le%22%3A776%7D

Ai ka folur për raportin e tij me babain, kështu duke treguar se iu kishin bërë magji të zezë atyre si familje.

”Me babin nuk e kam pas një raport shumë të mirë, ai ka menu shumë sene të këqija për mu, ka ndodh dikush edhe kanë tentu me na bo keq. Me këto magjia e me këto s’di çka janë, kush ka shpirt me i bo ato sene nuk e di. Mu s’mdojke babi, babi se dojke mamin, mami s’e dojke motrën, motra s’e dojke babin. Krejt pati shku familja lomsh, kem t’u dashtë me u myt familja mes veti.

Ka nisë gradualisht, dikun për ni vit. Babit, ushqim kur i bijsha, në shpi që iu ndihmojsha, i gjujke krejt jasht, s’du me t’pëa me sy, për mu u kanë shumë e randë. E pata mar një kerr të ish-menaxherit, pata shku në katun temin, e pata mar pak familjen me e largu pak prej babit, se o kanë në gjendje shumë të keqe thojsha mos po qohet e myt najkon, se ke përnim shumë gjendje e randë. Edhe e mbaj mend kur na ka pas ndjek mas kerrit. Me na pas nxanë e di që kish mujtë me bo diçka çka s’duhet. Por fati që e gjetëm atë send mrena n’shpi…”, ka thën Gjesti gjatë rrëfimit të tij.

VIDEO

Rreperi G Bani, banor i Big Brother VIP Albania ka rrëfyer se si në moshën 11 vjeçar ka humbur shikimin në njërin sy.

Gjatë një bashkëbisedimi me Rozana Radin dhe Danjën, G bani ka treguar se me 7 janar të moshës 1992 kur ishte vetëm 11-vjeç plasi një kapsollë dinamiti në një zjarr, ku ciflat ju futën në retinën e syrit dhe humbi shikimin. Më von ai iu nënshtrua operacionit ndërsa tani shikon deri në 50%.

“Kam qenë 11 vjeç, më 7 janar të 1992. Me kapsoll dinamiti. Ishia tek dyqani që kishin hapur prindërit, e nxorrën babin në asistencë të parakohëshme. Ka qenë oficer.

Dhe më thanë merr, Erin vëllain dhe na prit tek shtëpia. Gjeta Erin duke luajtur me top me një kushëri tonin. Do e merrja, por më tha aman të luajmë dhe pak dhe në shkëmbim më dha një kapsollë.

Më pëlqenin armët dhe lëndët plasëse sepse më merrte babi në poligon se e kisha oficer. Ma kishin tërhequr vëmendjen shumë herë se shkoja tek ushtarët ju kërkoja municion.

Ndeza një zjarr dhe e hodha atë kapsollën, dhe e ngacmova. Ajo shpëertheu. Ajo plasi dhe ciflat më hynë në retinën e syrit. Shikimin e kam 50 % të qartë, shikoj ngjyrat.”

VIDEO

Ditën e sotme në media qarkulloi një lajm, i cili thoshte se Deni, djali i Valbona Selimllarit është vendosur në pranga nga policia.

Lidhur me këtë lajm ka reaguar e dashura e Denit, Gloria Meshi.

Djali i Valbona Selimllarit ishte denoncuar dhe dyshohej se bashkë me persona të tjerë kishin vjedhur një orë. Por pas kontrollit në banesë iu gjet një sasi kanabisi.

Ja reagimi i Glorias:

Përgënjeshtrim

Në një kohë kur media duhet të jetë shembull i së vërtetës, disa portale zgjedhin të shpifin për klikime dhe perfitime financiare.

Publikimi i lajmeve te rreme dhe te pabazuara është një akt i ulët dhe i pamoralshëm që synon demtimin e reputacionit të njerezve.

Këto shpifje nuk janë asgjë tjetër veçse tentative per gjobevënie dhe sensacione te paverteta.

I ftoj te gjithë të mos bien pre e këtyre portaleve dhe të gëndrojnë në mbrojtje të së vërtetës.

E vërteta gjithmonë triumfon mbi shpifjet!

Njoftimi i policisë:

Vodhën gjatë natës një banesë, falë reagimit në kohë dhe veprimeve të shpejta e profesionale të shërbimeve të Policisë, identifikohen dy autorët e dyshuar të vjedhjes.

Policia e Kavajës në bashkëpunim e Policinë e Tiranës kap dhe vë në pranga njërin prej autorëve të dyshuar dhe shpall në kërkim autorin kryesore të vjedhjes.

Në pranga dhe shoku i tyre që ju gjetën në banesë sendet e vjedhura dhe një sasi lënde narkotike.

Shërbimet e Komisariatit të Policisë Kavajë, me marrjen njoftim për një rast vjedhje në një banesë në Qerret Kavajë, menjëherë kanë organizuan punën për identifikimin dhe kapjen e autorëve.

Si rezultat i reagimit në kohë dhe veprimeve profesionale të kryera u bë i mundur identifikimi i autorëve të dyshuar të cilët kishin vjedhur në banesën e shtetasit K.S, bizhuturi të ndryshme dhe një shumë parash.

Në vijim të veprimeve në bashkëpunim me Policinë e Tiranës u bë kapja dhe arrestimi i shtetasit A. Gj., 20 vjeç, banues në Tiranë. Si dhe shpallet në kërkim shtetasi A. K., 22 vjeç, banues në Tiranë, i dyshuar si autori kryesor i vjedhjes.

Po ne vijim të veprimeve u bë arrestimi i shtetasit D. S., 21 vjeç, pasi policia gjeti në banesën e tij sendet e vjedhura dhe një sasi prej 203 gramë lëndë narkotike kanabis cili ka deklaruar se i ka lanë shtetasi A.K, i cili është shpallur në kërkim.

Materialet procedurale u referuan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

Prej disa kohësh është përfolur se Bleona Qereti do bëhet pjesë e “Big Brother VIP Albania 4”.

Këngëtarja do bëhet pjesë por duket se ka diçka më shumë se kaq.

“Prive Klan Kosova” ka konfirmuar se Bleona do të futet në “BBVA”, por jo si një banore. Ajo do të jetë pjesë e Big Brother VIP Albania si një artiste që vetëm do të argëtojë banorët që garojnë për çmimin e 100 mijë eurove.

Interesante, ndaj na mbetet të presim deri në hyrjen e Bleonës.