Lajme Flesh

Interi ka refuzuar një ofertë prej 20 milionë eurosh nga një klub në Premier League për mesfushorin Kristjan Asllani.

Kjo sipas gazetës italiane FCInterNews, por pa zbuluar se cili ësht ekipi që ka bërë ofertën. Ata raportojnë se te Interi vazhdojnë të kenë besim të plotë te 22-vjeçari shqiptar.

Asllani nuk është aktivizuar gjithmonë në njëmbëdhjetëshen e Interit këtë sezon, duke mbetur një opsion rezervë.

Asllani iu bashkua Interit nga Empoli në verën e vitit 2022 si rezervë për Marcelo Brozovic. Sidoqoftë, ishte Hakan Calhanoglu ai që doli si mesfushori i parë i Interit.

Ndaj Asllani ka qenë rezerva kryesore e Calhanoglu në skuadër.

Duke marrë parasysh rëndësinë e Calhanoglu për skuadrën, nuk ka qenë e lehtë për Asllanin që ta zhvendosë turkun nga formacioni.

Dhe gjatë një periudhe të këtij sezoni ku Calhanoglu ishte jashtë me një dëmtim, Asllani gjithashtu vuante nga një problem.

Prandaj, lojtarë si Nicolo Barella dhe Piotr Zielinski u detyruan të luanin në mesfushë në vend të tij.

Natën e 2 janarit, e mbrojtur nga errësira, nëndetësja ruse Novorossiysk B-61 kaloi nën Shkëmbin e Gjibraltarit dhe hyri në Atlantik.

Destinacioni do të jetë Baltiku.

Me “daljen” e saj Moska nuk ka më “nëndetëse” konvencionale të mbetura në Detin Mesdhe. Kjo nuk përjashton, paralajmërojnë ekspertët, mundësinë që të ketë një anije me armë bërthamore, por vlera simbolike/taktike e largimit mbetet.

Largimi i nëndetëseve ruse u shpjegua nga vëzhguesit si pasojë e fundit të regjimit sirian të Asadit. Një kolaps që ka shkaktuar pasiguri të madhe për të ardhmen e bazave të përdorura nga Rusia në vend, si aeroportet e Tartus dhe Latakia, aeroporti Hmeimim dhe një sërë postesh më të vogla.

Instalimet e vëna në dispozicion nga Damasku përfaqësonin pikën e fortë të Task Forcës së përhershme Mesdhetare të krijuar nga Rusia në vitin 2013, një bërthamë e përbërë nga njësi të shumta.

Aktualisht Putin ka gjysmë duzinë në det të hapur: mes tyre disa fregata, anija e inteligjencës Kildin, një çift për sulmin amfib. Anije të tjera tregtare priten prej ditësh, gjithmonë me synimin për një dëbim të mundshëm, ndërsa Yantar, një “anije” kërkimore e aftë për të kryer aktivitete të veçanta dhe spiunazh, është larguar nga Aleksandria në Egjipt.

B-61, i cili ka kryer misione të shumta muajt e fundit, konsiderohet një mjet cilësor, i domosdoshëm për aktivitetet e Marinës përgjatë rrugëve të ndjeshme, në një fazë ku kërcënimet po shumohen dhe një sfidë po zhvillohet në “fund”.

Megjithatë, ai ka nevojë për një vend ulje, i cili nuk është i disponueshëm për momentin, ndërsa zëvendësuesit e tij të mundshëm janë ende larg dhe nuk është e qartë nëse ata do të dërgohen në zonë. Shumë do të varet nga negociatat e hapura nga Kremlini me fuqinë e re në përpjekje për të ruajtur instalimet ku prezenca ishte ulur për shkak të angazhimit të rëndë në Ukrainë.

Në të njëjtën kohë komanda e kontigjentit filloi një “rigrupim” duke përqendruar ushtarë dhe automjete si në Tartus ashtu edhe në Hmeimim. Një numër i mirë i pajisjeve të sofistikuara (radarë, raketa kundërajrore) u ngarkuan në avionë të mëdhenj An 124 dhe Il 76, të cilët më pas u nisën për në al Khadima, Cyrenaica të Libisë.

Para Krishtlindjeve kishte një ritëm të qëndrueshëm fluturimesh drejt këtij destinacioni, megjithëse disa avionë më vonë arritën në Bamako, Mali, një qendër e rëndësishme për depërtimin e Kremlinit në Sahel.

Burimet diplomatike nuk e kanë përjashtuar mundësinë që Moska të kërkojë një marrëveshje me gjeneralin Khalifa Haftar, liderin e Cyrenaica, për të krijuar struktura në bregdetin libian.

Megjithatë, aeroportet kanë nevojë për tu zgjeruar. Kësaj i shtohet presioni perëndimor ndaj Haftarit, i cili ka tashmë ish-formacionet Wagner në territorin e tij, për t’iu rezistuar kundërshtarëve.

Një mashtrim i ri ka nisur të qarkullojë në aplikacionin e komunikimit WhatsApp.

Bëhet fjalë për një mesazh që fton qytetarët të regjistrohen në një kazino online duke premtuar mbi 1000 euro falas.

Mesazhi ka bashkangjitur një link që të çon te faqja e kazinos në fjalë.

Kjo është një skemë e rrezikshme e vjedhjes së të dhënave të kartave të kreditit, që mund të rezultojë më pas në zbrazjen e llogarisë tuaj.

Ndaj këshillohet që të mos klikoni në link dhe mesazhin ta raportoni te WhatsApp si “Spam”.

Mesazhi në WhatsApp

Deputeti demokrat Flamur Noka ka rënë pre e hakerave, të cilët i kanë marrë eksesin në llogarinë e tij në rrjetin social Facebook.

Një mesazh është postuar në llogarinë e Nokës, që i fton qytetarët të investojnë në “Forex”, një platformë e njohur për mashtrimet me pasojë vjedhjen e sasive të mëdha të parave nga miliona viktima në mbarë botën.

Hakerat kanë mbyllur edhe mundësinë e komentimit në postimin e bërë në faqen e Nokës, mesa duket për të penguar dekonspirimin.

Ata kanë shpërndarë një link, të cilin qytetarët duhet të mos e klikojnë, pasi rrezikojnë të bien pre e hakerimit prej tyre.

Profili i hakuar i deputetit Flamur Noka

Që nga 1 janari 2025, kufiri Greqi-Bullgari ndryshoi në mënyrë drastike, pasi Bullgaria dhe Rumania iu bashkuan zyrtarisht zonës Shengen.

Kalimi tashmë bëhet pa kontrolle apo vonesa, gjë që ka shkaktuar emocione sidomos te drejtuesit e mjeteve dhe pasagjerëve, ndërsa rrjetet sociale janë mbushur me foto dhe komente për realitetin e ri.

Në stacionin më të madh kufitar të Promachonit, godinat e doganës kanë mbetur të shkreta, ndërsa hekurat në të dyja anët janë ngritur përgjithmonë.

Tashmë janë zhdukur radhët kilometrike të makinave dhe kamionëve, që deri para pak kohësh ishin dukuri e përditshme.

Por ajo çka ka rrëmbyer vëmendjen pas “zhdukjes” së kufirit mes dy vendeve është fakti se shoferët grekë por nxitojnë të furnizojnë makinat me karburant në territorin bullgar, ku çmimet janë shumë më të ulëta.

Konkretisht, çmimi i benzinës në Bullgari është rreth 1.28 për litër, ndërsa në Greqi rreth 1.80 euro dhe po aq tërheqës është edhe çmimi i naftës.

Çmimi mesatar i benzinës në Bullgari për periudhën nga janari 2015 deri në dhjetor 2024 ishte 1.14 euro për litër, me çmimin më të ulët të regjistruar në maj 2020 me 0.82 cent dhe më të lartin regjistruar në korrik të 2022 ku shkoi në 1.73 euro për litër.

Krahasuar me çmimin mesatar global për të njëjtën periudhë Bullgaria ende ofron karburant me çmime dukshëm më të ulëta.

Në mënyrë të detajuar, për një automjet me rezervuar 50 litra, kostoja e një rezervuari të mbushur plot është 64 euro në Bullgari dhe 90 euro në Greqi, pra 26 euro më pak.

Kryepeshkopi i Shqipërisë, Anastas, ndodhet në terapi intensive në spitalin “Evangelismos”, ku mjekët bëjnë çdo përpjekje për të stabilizuar shëndetin e tij. Sipas njoftimit të fundit mjekësor, gjendja e hierarkut 95-vjeçar është përkeqësuar rëndë, raportojnë mediat greke.

“Kryeministri grek Qirjakos Miçotaqis dhe kryepeshkopi i Athinës dhe gjithë Greqisë Ieronymos vizituan dje spitalin “Evangelismos”, për t’u informuar nga profesoresha e Pulmologjisë dhe Mjekimit Intensiv, Anastasia Kotanidou, për ecurinë e shëndetit të tij. Sot në mëngjes, në spital ishte edhe ministri i Arsimit dhe Çështjeve Fetare Kyriakos Pierrakakis”, raportojnë mediat greke.

Shtrimi i Kryepeshkopit në “Evangelismos” nisi më 3 janar, pasi u transportua me avion nga Tirana.

Hierarku u shtrua fillimisht në një spital të kryeqytetit shqiptar më 30 dhjetor për shkak të temperaturës që po e shqetësonte, por pësoi një përkeqësim të rëndë kur pësoi hemorragji gastrointestinale.

Transferimi i tij në Greqi u krye me një avion të Forcave Ajrore.

Sipas deklaratës mjekësore të pardjeshme, pavarësisht historisë së tij të komplikuar mjekësore, gjendja e tij konsiderohej e qëndrueshme dhe po monitorohej nga afër nga ekipi i zonjës Kotanidou.

Megjithatë, përkeqësimi i ri ka shkaktuar shqetësim të madh.

Bes Kallaku dhe Olsi Bylyku janë miq prej shume vitesh, ku shpesh janë shprehur se nuk janë vetëm miq, por vëllezër.

Dy artistët janë bërë bashkë në ditët e para të viti të ri ku kanë kënduar bashkë, por nuk mund të mungonin batutat dhe humori.

Në një moemnt ngjitur në skenë Olsi dhe Besi kanë shkëmbyr batuta me njëri-tjetrin në lidhje me jetën e tyre dhe ndarjen nga partneret.

“E çuditshme fare, isha duke i thënë një ditë besit më përpara bënim këngë “skifterja ime” unë
“ajo nuk do drama” vetëm këngë qejfi mbas 5 vitesh të dy jemi “Baby t’kam pas në mish, tani je ish” dhe Besi “Nga mosmirënjohja” .

Si përfunduam kshu mor burr? “ – ka thënë Olsi Bylyku ndërsa është shoqëruar me të qeshura nga të pranishmit.

Kujtojmë se Olsi Bylyku u nda nga këngëtraja Egli Tako pas 5 vitesh lidhje.

VIDEO

Dashi

Prania e Hënës në shenjën tuaj, favorizon intensitetin në çift. Ekuilibri i fituar ndikon pozitivisht në qetësinë tuaj të brendshme. Nëse jeni vetëm dhe po mendoni gjithnjë e më shumë lidhur me një person të cilin e konsideroni të paarritshëm, mund të mos jetë kështu. Puna do të jetë në plan të parë dhe kjo është dita e duhur për të ndërmarrë nisma të reja. Disa objektiva nuk duhen lënë pas dore.

Demi

Ndonjë ndrojtje në dashuri mund t’iu prekë. Ky mendim bën që të ndjeni nevojën që të qëndroni disi vetëm në mënyrë që të reflektoni. Ata që janë vetëm, do të ndihen tërheqës dhe do të përveshin mëngët. Në punë, ka disa situata të cilat ju përkasin dhe duhet ti zgjidhni nëpërmjet diskutimit.

Binjakët

Jeta private gjatë kësaj dite do të jetë disi e lëkundur dhe e mbushur me pasiguri, të cilat duhet ti kapërceni. Tregohuni më të hapur për dialog dhe shuani çdo dyshim ndaj njeriut tuaj të zemrës. Ata që janë vetëm, do të kenë dëshirë për të parë përreth, në mënyrë që të gjejnë shpirtin binjak. Gjatë kësaj dite do të ketë shumë gjëra të cilat do të ecin mirë, por mundohuni të jeni sa më tolerant, pasi në fund do të triumfoni.

Gaforrja

Do të jetë një ditë ndryshe nga të zakonshmet, ku do e gjeni veten në mes të disa diskutimeve. Fatmirësisht në mbrëmje një ndryshim programi me njeriun e zemrës do të ndryshojë gjithçka. Për ata që janë vetëm, do të jetë një ditë mjaft e veçantë, ku do të përjetohen ndjenja të forta. Në punë, një projekt të cilin e keni përzemër do të marrë hov. Karriera do të jetë një shtysë pozitive.

Luani

Dashuria dhe puna, ecin si jo më mirë, megjithatë ndonjë lajm i papritur mund t’iu turbullojë. Mundohuni që ti alternoni që të dyja. Ata që janë vetëm, do të ndihen të zhgënjyer nga sjellja e një personi dhe do të kenë dëshirë të rrinë vetëm. Në punë, mund të ofrohet një mundësi e mirë, e cila duhet kapur, pa u menduar shumë.

Virgjëresha

Mos lejoni që të dominoheni nga dembelizmi gjatë kësaj dite, pasi humori juaj mund ta pësojë. Organizoni diçka të veçantë me njeriun tuaj të zemrës, pse jo një shëtitje në natyrë. Yjet mund të sjellin zhvillime mjaft pozitive për ata që janë vetëm, duke dhuruar një aventurë emocionuese. Në punë, do të nisë një periudhë shumë e ngjeshur, gjatë së cilës nuk mund ti lejoni vetes gabime. Bëni kujdes ndaj vendimeve të marra nxitimthi.

Peshorja

Gjatë kësaj të marte, duhet të merrni një pozicion të qartë në jetën private, në mënyrë që të shmangni debatet e kota. Dikush po mundohet që t’iu fitojë zemrën, por jeni ju që nuk bëni lëshime. Ata që janë vetëm do të tërhiqen nga një person, i cili nuk iu përgjigjet ndjenjave të tyre. Në punë, mundohuni që të organizoni sa më mirë angazhimet, dhe merrni më shumë kohë për tu relaksuar. Gjatë këtyre ditëve keni qenë shumë të zënë.

Akrepi

Në dashuri, Hëna mund të ndikojë dhe të shpërndajë nervozizëm. Ruani qetësinë, pasi në fund të fundit, nuk keni asgjë për çfarë të ankoheni. Ata që janë vetëm, duhet ti analizojnë mirë ndjenjat, para se të angazhohen me një person të padëshiruar.

Ndërsa sa i takon punës, do të keni ndjesinë sikur nuk keni energjitë e mjaftueshme, për të përballuar angazhimet e ditës, por do t’ia dilni.

Shigjetari

Ju pret një ditë e shfrenuar, e cila nuk do të jetë aspak e lehtë, pasi duhet të përputhni punën dhe ndjenjat. Mundohuni që të gjeni një lloj marrëveshje, në mënyrë që të mos hidhni në erë gjithçka. Ata që janë vetëm, bëjnë mirë që të mos tregohen shumë ironik, në mënyrë që të shmangin polemikat rreth tyre. Në sferën profesionale, mos i mohoni ndihmën dikujt që ka nevojë, por duhet të ndiqni vetëm instinktin dhe gjithçka do të shkojë mirë.

Bricjapi

Largoni çdo lloj ndrojtjeje, pasi në të kundërt rrezikoni që të ngadalësoni veprimet tuaja. Vini në plan të parë synimet që keni. Ata që janë vetëm, do të kenë mundësi që të flasin qartë me një person të cilin e kanë shumë përzemër, shkruan noa.al. Në punë, gjatë këtyre ditëve nuk keni dhënë maksimumin, ndaj duhet të merrni masa.

Ujori

Jeni të lodhur nga rutina, por edhe nga situatat e papritura të cilat po ju rrethojnë. Nëse nuk keni kaluar ende në veprim, ka ardhur momenti që ta bëni. Ata që janë vetëm, dhe që nuk janë të kënaqur me mënyrën se si shkojnë gjërat, duhet të kenë besim, pasi gjërat do të përmirësohen. Në punë, do të jeni të vendosur për të çuar përpara projektet tuaja pa u ndalur. Do të kapërceni çdo pengesë.

Peshqit

Hëna në shenjën tuaj do ju bëjë disi të hutuar. Dëshironi që të keni ide më të qarta lidhur me situatën në çift, por duhet të bëni durim. Lajme të mira vijnë për ata që janë vetëm, ku një ëndërr e tyre do të realizohet. Sa i takon punës, mundohuni që të mos dorëzoheni përballë ndonjë vështirësie. Nuk ju shërben aspak, humbja e kthjelltësisë.

Biznesmeni Elton Ilirjani ka ndarë një postim të papritur pak minuta më parë në Instagram.

Ai ka shpërndarë një video të aktorit Romeo Veshaj teksa luan një rol në projektin e tij të fundit, “Tenxherja Kapakun”.

Postimin, Ilirjani e ka shoqëruar me shkrimin: “Kur Parashqevia e dëgjoi këtë ka qeshur pa fund”, ndërsa në rolin e tij, Romeo mundohet t’i shesë një tas një gruaje duke thënë:

“E di për sa mund ta merrni ju këtë tas? Vetëm për 45 mijë lek. Si jo jo? Po nuk është tasi im ky. Ky është tasi i Parashqevi Simakut”.

Nga ana tjetër, mbrëmjen e sotme, Top Story do t’i dedikohet sërish historisë së Parashqevi Simakut, ku ndër të tjera do të flitet se çfarë ka ndodhur pas takimit me djalin e saj, Lukën, dhe ish-burrin e saj, Robert Nolfe.

Video Player

Një tërmet është ndjerë në Kosovë para pak minutash.

Ky tërmet është ndjerë në afërsi të kufirit mes Kosovës dhe Maqedonisë së Veriut.

Epiqendra e tërmetit ishte 9 kilometra në juglindje të Kaçanikut, me një thellësi prej 8 kilometrash.

Lëkundjet kanë qenë të lehta, andaj nuk është raportuar për dëme nga ky tërmet.