Lajme Flesh

Kantautori Pirro Çako rrëfeu ekskluzivisht për Top Channel bashkëpunimin me Parashqevi Simakun në vitin 1988 për këngën “E duam lumturinë”.

Pas suksesit të arritur në atë vit, ai u shpreh se sërish ka tentuar ta kontaktojë këngëtaren, por pa sukses.

Tashmë që ajo është gjetur, Çako kërkoi publikisht një bashkëpunim me artisten disa dekada më pas.

“Jam përpjekur gjithmonë ta kontaktoj Parashqevinë. I kam shkruar, kam kërkuar. Kisha dëshirë të rrija me të, të diskutonim, që pas shumë vitesh të kujtonim të kaluarën. Por nuk e pata këtë mundësi sepse nuk m’u përgjigj asnjëherë. U gëzova shumë që ajo u rishfaq dhe shpresoj që tani gjërat të shkojnë mirë për të. Do të ishte një gjë shumë e bukur që Parashqevia të bënte një performancë, të bënim diçka bashkë nëse ajo do të vendosë vetë”, u shpreh ai.

Ikona e muzikës, Parashqevi Simaku e cila u kthye në qendër të vëmendjes, ajo vijon dhe qëndron pranë biznesmenit Elton Ilirjani.

Pas gjetjes së këngëtares në New York dhe më pas bashkëpunimit të saj me Ilirjanin, artistja u vendos në një dhomë hoteli në Manhattan.

Tashmë, situata e saj duket se po lehtësohet edhe më shumë. Elton Ilirjani ka ndarë një përditësim për këngëtaren në rrjetet e tij sociale ku shkruan se falë ndihmës së një biznesmeni, Simaku do të qëndrojë në një apartament.

“Duke filluar nga data 1 janar 2025, biznesmeni i parë shqiptar është ofruar t’i paguajë qiranë mujore të apartamentit në Manhatan Parashqevi Simakut”. Ilirjani nuk e ka zbuluar emrin e personit që ka marrë përsipër këtë angazhim.

Njoftimi i Elton Ilirjanit

Majkëll Shumaker do të bëhet gjysh. Ish-piloti legjendar i Formula 1 ka marrë këtë lajm, pasi vajza e tij është shtatzënë.

Gina Shumaker u martua tre muaj më parë. Për vajzën që ajo pret shkroi në rrjetet sociale: “Me padurim presim të voglën tonë”.

Në shtator Majkëll Shumaker u përfol se ishte po ashtu i pranishëm në dasmën e vajzës së tij. Dhe pse asgjë nuk u konfirmua sepse mungonte prezenca e mediave.

Ish-presidenti amerikan Bill Clinton është shtruar në një spital të Uashingtonit, pasi ka shfaqur ethe.

Clinton 78 vjeç, është shtruar në Spitalin Universitar MedStar Georgetoën për analiza dhe vëzhgim, raportojnë mediat e huaja.

Angel Urena, zëvendës shefi i kabinetit të presidentit të 42-të të SHBA-ve, tha për mediat amerikane se Clinton është “në gjendje të mirë shpirtërore dhe mirënjohës për kujdesin që po merr në spital”.

Një tjetër burim i afërt me Clinton tha se situata nuk është “urgjente”.

“Ish-presidenti do të bëhet mirë”, shtoi burimi.

Në vitet që kur Clinton ka lënë Shtëpinë e Bardhë, ai ka pasur disa probleme shëndetësore.

Në vitin 2004, iu nënshtrua një operacioni në zemër pasi përjetoi dhimbje të vazhdueshme në gjoks dhe vështirësi në frymëmarrje. Clinton u kthye në spital për një operacion në mushkëri në vitin 2005, dhe në vitin 2010 iu vendosën dy stenta në një arterie koronare.

Në vitin 2021, ish-presidenti u shtrua në spital për gjashtë ditë në Kaliforni, ndërsa po trajtohej për një infeksion që nuk lidhej me COVID-19, në kohën kur pandemia ishte ende në kulmin e saj.

Një ngjarje e paprecedentë është regjistruar mbrëmjen e sotme në Liqenin e Thatë në kryeqytet. Për rreth 40 minuta rruga e Liqenit ka qenë e bllokuar pasi aktorja Egla e Ceno kishte bllokuar qarkullimin sepse një vajzë i kishte thënë “meriton një dru”.

Pavarësisht këmbëguljes dhe lutjeve të qytetarëve të rastit të cilët e kishin të domosdoshme të lëviznin, teksa reshjet e shiut binin papushim, Ceno nuk hapte rrugën duke kërkuar sensibilizim të qytetarëve me të, shkruan Ditarmedia.

Sipas informacioneve, Ceno u konfliktua me vajzën tjetër aty për aty, se kujt i takonte të hapte rrugën e para. Ky konflikt mesa duket, ka përfunduar me kërcënime. Ndërkaq, Ceno ka kryer kallëzim për kanosje.

SHIKO VIDEON KËTU

Në një intervistë për gazetaren e Top Channel Sara Hila, avokati Spartak Ngjela, rrëfen Parashqevi Simakun para dhe pas viteve ’90, e cila është kthyer në vëmendjen e publikut së fundmi pas ‘rigjetjes’ në Nju Jork.

Gjatë intervistës së tij, Ngjela shprehet se ajo u shkatërrua nga xhelozia e partnerit të saj, teksa ndalet dhe te bukuria që kishte Parashqevi Simaku.

Si e keni njohur Parashqevi Simakun dhe si e keni parë ju atë në vitet ’80? Ju atëherë keni qenë një i burgosur politik, por çfarë përfaqësonte Parashqevi Simaku?

Ngjela: Ajo ishte një këngëtare e madhe që kur doli. Qëkur doli krijoi afekt, një këngëtare me vlerë. Ajo ka një repertor muzikor shumë të bukur. Por vjen një moment i caktuar që kërkon më shumë. Ajo donte të ikte nga një mikrobot në një makrobot. Prandaj iku në Amerikë me mendimin që do e fitonte famën e vetë në një makrosistem që ishte Hollywood-i. Këtu jemi brenda psiqikës normale të një njeriu të talentuar, aq më tepër këngëtare. Por atje i ndodhën këto që dihet, ose të paktën këto që kemi parë. Por unë kam përshtypjen që fama dhe bukuria e saj, çdo burrë do ta shtetëzonte, nëse nuk do të ishte tolerant, në kuptim të qytetërimit të lartë. Këto kur kanë ndodhur, në raste të rralla dhe në fisnikërinë e lartë që ishte shumë e kulturuar dhe e njihte mirë fenomenin e dashurisë, vetë jetës së fisnikërisë në kuptimin e mirëqenës, imagjino ç’mund të ndodhë në qytetërimin tonë që vjen nga varfëria në pasuri. Këngëtarja vjen nga një e varfër dhe bëhet e pasur. Por a do ta lejojnë? Por një këngëtare e bukur, që ka zë të shkëlqyer dhe talent? A do të ketë rreziqe? Po, ka rreziqe. Nga kush? Nga burri i saj. E gjithë tragjedia nga i shoqi i erdhi, pavarësisht se u ndanë, nuk ka rëndësi. Këtë e gjetën duke lypur.

Do të doja të ndaleshim dhe njëherë te vitet ’80, kur ajo ishte në kulmin e karrierës së saj? A kishte ajo diçka ndryshe nga arti i atëhershëm i socializmit?

Ngjela: Po, kishte afektin emocional në skenë, e kishte ndryshe nga koha. Por koha e lejoi, se kjo ishte e mençur dhe i vërtiti këta aktorët e mëdhenj që drejtonin Shqipërinë. I vërtiti. Me çfarë? Edhe me talentin, edhe me bukurinë e saj, sa sot gënjejnë, shpifin. Jo e dashuronin, jo e merrnin, siç e kanë shqiptarët. Kjo diti të manovronte, pastaj nuk kishte shumë kohë të gjatë me komunistët, sepse ra komunizmi dhe ajo iku. Po të kishte qëndruar këtu do të ishte më mirë. Ajo iku në SHBA dhe pastaj e dini si i ndodhën ato gjërat, deri sa e gjetën duke lypur, të paktën siç thonë. Në fillim nuk fola, sepse pa e ditur çfarë ndodhi nuk mund të krijoj fantazi. Por tani që po dalin faktet, këto po përmendim. Po përse po i përmendim? Sepse ka një specifik të veçantë një person publik, sidomos një grua e bukur. Kur një grua e bukur e talentuar si këngëtare që del në skenë dhe ka pushtuar ekranet, krijon personalitetin e saj shumëdimensional në një shoqëri. Çdo të thotë shumëdimensional? Po të donte të hidhte kandidaturën për deputete dilte. Po të donte të krijonte një diçka tjetër që i duhej miratimi i shoqërisë e bënte.

Aq shumë publiku e donte?

Ngjela: Aq shumë publiku e donte. Por nuk është rast unik në botë. Kudo ndodhin këto. Kjo ndodhi në Shqipëri sepse ishte këngëtare shqiptare.

Ndërkohë empatia e publikut sot, empatia e shoqërisë sot sipas jush është një nostalgji për shkëlqimin e saj atë kohë, apo është më shumë një kuriozitet për dramën personale që ajo po përjeton sot?

Ngjela: Jo, këtu është drama që e ka kthyer në një film, ose në një dramë teatrale. Është një figurë publike që ka kaluar një tragjedi, ose një dramë. Njerëzit e lidhin dramën dhe figurën e bukur. Pyetja bëhet, po të ishte e shëmtuar, a do të kishte këtë afekt? Jo. Prapë do kishte sepse nuk mund të jesh këngëtare e njohur pa pasur zë të bukur dhe talent. Ajo do kishte vetëm talentin muzikor dhe aktorial, por nuk do ishte e bukur. Por duhet të kemi parasysh një gjë, jeta jonë është një fenomen estetik. Është e provuar nga estetët e mëdhenj të filozofisë aktuale. Është një fenomen estetik jeta. Fenomen estetik është që të gjithë të pririen drejt së bukurës dhe koncepti i të bukurës nuk ka ardhur nga natyra, ka ardhur nga gruaja. Bukuria e gruas ka krijuar këtë koncept të bukur, i cili vjen duke analizuar natyrën.

Si e shpjegoni ju ndjeshmërinë dhe debatin në të cilin është përfshirë shoqëria shqiptare për Parashqevinë?

Ngjela: Nuk është negativ. Nuk kanë folur keq. Ka disa që duhet të kenë një konflikt të brendshëm me të, kushedi se pse, që kanë folur dhe kanë krijuar edhe fenomene erotike, që s’ka ç’i duhet njerëzve me jetën personale të një individi. Kjo tregon që s’ka qytetërim. Askush nuk di nëse është e vërtet ose nuk është e vërtet. Janë fjalë që sot në Shqipëri qarkullojnë gjithmonë për vajzën e bukur, ose gruan e bukur, e cila ka dhe impakt të madh shoqëror. Këto janë fjalët që i mban psikologjia popullore që ende në Shqipëri është jashtë qytetërimit të lartë.

Është rasti i një ikone të muzikës shqiptare që qëndron në rrugët e Nju Jorkut. Gjithë këtë rrugëtimin nga shkëlqimi te rënia e saj dhe ndjeshmërinë e publikut ju si e shihni.

Ngjela: Largimi nga atdheu. Nuk iket nga qendra e gravitetit. Këtu je në qendrën e gravitetit. Atje je satelit. S’është qendra jote e gravitetit ajo. Prandaj ka dështuar. Për një artiste të madhe karakteri ndërkombëtar i famës është diçka e madhe. Nuk mund të zgjatem më shumë këtu se do biem në analizën erotike të psikanalizës moderne, të cilës nuk u pëlqen njerëzve. Por kjo ndodh që ajo dashurohet nga të tërë, por askush nuk e di pse. Një aktore, ose një këngëtare e bukur, me zë të bukur, me gjeste aktoriale të mëdha dhe më këngë të bukur, askush nuk di ta cilësojë nëse është bukuria e këngës apo bukuria e gruas ajo që është kryesorja. Jo, konvergojnë të gjitha ato që thamë në një pikë. Ajo krijon simpati dhe famë kombëtare ose ndërkombëtare. Konvergojnë në një pikë, nuk ngelen të shpërndara. Kjo është psiqika jonë për të bukurën. Për ta marrë më saktë. Një portret ose një pikturë e një vajze të bukur, vjen e krijon bukuri në të gjitha aspektet, krijon unitet në të gjitha aspektet, te balli, te sytë, te mjekra, te mollëzat, te flokët etj. por nuk janë të sakta. Aftësia jonë estetike, do me thënë e njeriut, te gjitha këto i konvergon në një pikë dhe i thotë i ose e bukur. Por ajo esencialisht të jep efekt shpirtëror.

Për ju, drama e Parashqevi Simakut u shkaktua nga emigrimi dhe njëkohësisht dhe nga familja kur ju folët për bashkëshortin?

Ngjela: Nuk e di si është e vërteta, por si ngjarje që e kam unë nga profesioni, është xhelozia e burrit në mes. Nuk e dimë si është e vërteta, por po ta marrim si një rast abstrakt, jo konkret, ai shkrimtari që do ta shkruajë do të thotë që gjithçka erdhi nga xhelozia e burrit. Janë tre bukuri të mëdha. Bukuria e zërit, bukuria e muzikës dhe bukuria e këngëtares që krijojnë afektin e sallës, ose të një shoqërie të tërë që e sheh në televizion. Po burri? Nuk e pranon. Në 90% të rasteve nuk e pranon, por në 90% e duron, kurse në 10% të rasteve nuk e durojnë dhe kalojnë në dhunë dhe në krim.

Si e shikoni ju të gjithë mënyrën se si ajo është trajtuar në rrjetet sociale dhe a mendoni se ka një detyrim shoqëria dhe shteti për rehabilitimin e saj?

Ngjela: Ata që kam parë unë, ata që janë xhelozë ndaj saj, ndoshta dhe që e kanë njohur nga afër, por kanë impaktin e xhelozisë, ata e kritikojnë. Por me aq sa kam kuptuar unë është mllef, nuk është realitet. Psikologjia popullore në Shqipëri ka qenë që një vajzë e bukur që vishet në mënyrë sensuale, e pashme dhe seksi, thonë me vete kjo është k*rvë. Kjo është injorancë. Kjo mund të jetë një moment tragjik i një këngëtare të madhe siç është Simaku, prandaj është bërë fenomen shoqëror. Psikika jonë, çdo ngjarje që i ndodh një figure publike që njihet, fillon të thuhet e stërthuhet si një film. Secili e ndërton sikur ka parë një film, ose një dramë në teatër. Kjo është natyra mediokër e estetikës popullore. Nuk është ajo e estetikës së lartë. Por kjo ekziston. Pastaj e hiperbolizon, sepse sa më shumë e ngre… Ngrihet në dy drejtime, pozitiv ose negativ. Ai nuk e ka fare me këngëtaren, ai që e thotë nuk ka lidhje me këngëtaren, ka lidhje me konfliktet e tij të brendshme. Kjo krijon atë pakënaqësinë shoqërore për figurën e një personaliteti. Por për këtë nuk kanë thënë gjëra negative, të paktën unë nuk kam parë.

Gazetari Eni Ferhati tha në një intervistë në një emision televiziv se pritet që në Janar do të kemi zhvillime të reja në drejtësi.

Ai tha se pasi të vijnë infromacionet e reja lidhur me dosjen e Sky ECC, mund të kemi dosje të reja penale, ndërsa shtoi se tashmë janë marrë nën hetim nga SPAK ngjarje shumë të rënda.

“Ajo që më ka bërë përshtypje është dosja e fundit, ajo e organizatës kriminale të Suel Çelës, sa i takon mënyrës se si kjo organizatë e ushtronte influencën e saj në territor edhe sa i takon komunikime që më pas janë zbardhur nga njerëz të drejtësisë.

Ajo që mua më pëlqen në strategjinë e prokurorisë së Posaçme, janë hetimet që SPAK po u bën tenderave publik.

Abuzimi më i madh me fondet e taksapaguesve shqiptarë janë te tenderat dhe prokuroria e Posaçme një punë të mirë po e ushtron pikërisht te ankandet publike. Këtu kemi parë çudira nga më të ndryshme se si bëhet kopsitja e letrave për të favorizuar një kompani të caktuar. Kjo ka bërë që institucionet të jenë më të kujdesshme me ushtrimin e detyrave të tyre.

Unë besoj se në janar, me ardhjen e informacioneve të tjera nga Sky, ndërkohë keni edhe Matrix në horizont që nuk dihet nëse do të hetohet njësoj. Do kemi dosje të tjera penale. Ka ngjarje të tjera shumë të rënda të cilat janë marr tashmë nga SPAK, siç është edhe masakra e fundit e Dobraçit për të cilën janë lëshuar edhe disa masa sigurie”,-tha Ferhati.

Tradita e Top Channel vazhdon… dhe këtë vit me një surprizë të madhe për të gjithë shqiptarët.

Këngëtarja e madhe shqiptare, Parashqevi Simaku i rikthehet muzikës disa dekada më pas pikërisht në ekranin më të madh shqiptar, Top Channel.

“E duam lumturinë” kjo është kënga e përzgjedhur për 2024 nga Top Media.

Kënga nis me këngëtaren Parashqevi Simaku dhe më pas vijon me personazhet më të dashur të ekranit, që i shikojmë çdo ditë përmes projekteve.

Në këtë këngë ku në thelb janë fëmijët dhe lumturia, vogëlushët nuk munguan, ku kori i tyre me zërin e brishtë i dha ngjyra të tjera kësaj tradite.

Banorët e Big Brother VIP 4 nuk kanë ngurruar të krijojnë situata tensione në shtëpi, teksa protagoniste kanë qenë këngëtarja Rozana Radi dhe moderatorja Gerta Gixhari.

Një përplasje ndodhi mes tyre për shkak të diskutimit nëse ato të dyja njiheshin apo jo realisht nga jashtë.

Rozana këmbëngulte që nuk e njeh Gertën nga jeta e saj jashtë shtëpisë së BBV, por kjo e fundit e mohon një gjë të tillë, duke pretenduar se këngëtarja i njeh asaj çdo sfidë që ka kaluar në jetë.

Këngëtarja e pyeti moderatoren se sa herë kanë dalë ato së bashku teksa ndodheshin jashtë shtëpisë së BBV, ndërsa ajo u përgjigj se kanë frekuentuar shoqërinë e njëra tjetrës një herë në kafe dhe janë takuar së bashku në evente të ndryshme për shkak të profesioneve që kanë.
Gerta: Rozë, ti më di shumë mirë mua jashtë.

Rozana: Sa herë kemi dalë ne të dyja jashtë? Kemi pirë ndonjëherë kafe?

Gerta: S’ka rëndësi! Edhe unë e njoh jetën tënde jashtë. Kemi pirë një kafe një herë, te Liqeni i Thatë.

Gerta: Edhe në evente jemi takuar.

Rozana: Po në evente me një si je, si kalove? Gerta, nuk kam pyetur për jetën tënde unë, çfarë jete ke bërë ti.

Gerta: S’ke pyetur, por e di që e di! Nuk më vjen mirë që thua ty nuk të njoh fare

Rozana: Po s’të njoh moj motër.

Situata ka agravuar kur Gerta është shprehur se Rozana gënjen, duke pretenduar se këngëtarja po mohon njohjen e thellë me moderatoren. Ky moment ka bërë që këngëtarja të shprehet ndaj moderatores: “Zemër, s’ kam ndarë krevatin me ty o shpirt. Di vetëm që je motra e Olta Goxharit! Për mua ekziston vetëm Olta Gixhari!”

Gerta: Duke e ditur që ajo po gënjen…

Rozana: Kujdes me termin gënjen. Jo gënjen këtu për mua. Informacionin që unë gënjeva, ku e more? Unë s’merrem fare, e di sa halle kam unë në jetën time? Të merrem unë se çfarë bën ti në jetën tëndë?! Kujdes, gënjen mos e thuaj më.

Gerta: Po sa herë të gënjesh do e them.

Rozana: Zemër, s’ kam ndarë krevatin me ty o shpirt. Di vetëm që je motra e Olta Goxharit! Për mua ekziston vetëm Olta Gixhari! S’ të njoh!

Sakaq, për shkak të një interviste që Gerta i ka marrë këngëtares, moderatorja shprehet se se Rozana e njeh atë shumë mirë jashtë, pasi në të kundërt nuk do të kishte pranuar të merrej në pyetje nga kushdo që do i dilte para. Këtu më pas ka ardhur dhe reagimi i këngëtares, e cila e nervozuar shprehet “Moj mbush apo nuk mbush ti?”
Rozana: Tani çfarë halli ke ti? Duhet të të njoh patjetër? Të kam parë në televizion, të kam takuar në evente por nuk të njoh!

Gerta: Po lëre tani… A të kam marrë në intervistë?

Rozana: Edhe të njoh e me njeh?

Gerta: Pra ti shkon në intervista kushdo që të dali përpara?

Rozaana: Çfarë thua moj Gerta, je në terezi? Mbush ti apo nuk mbush?

Rozana: E unë duhet të të njoh patjetër?

Gerta: Po patjetër, pse si shkon në intervistë ti? Se je Rozana Radi pra, shumë e madhja! Njerëzit shumë të mëdhenj nuk shkojnë kudo.

Rozana: M’u duke pak e thatë në prezantim dhe pastaj…

Gerta: Kam dhe unë arsyet e mia

Rozana: Në rregull edhe kjo, por kam dhe unë mendimin tim apo jo? Se ndaj kemi ardhur këtu.

Gerta: Patjetër që do e thuash

Rozana: Nuk m’u duk e bukur ajo që bërë pasi u prezantove, pas 5 minutshit dhe the, dëgjo unë mund të kisha thënë e gjëra të tjera meqe ju folët. Pse duhet t’i tregosh të tjerëve që mund t’i kishe thënë? Ja ku e ke dhomën e rrëfimit shko thuaj, ose kur të jemi aty na e thuaj. Ne këtu jemi, dëgjojmë.

Gerta: Po ne për këtë punë kemi ardhur këtu.

Rozana: Për shembull, atë dite që e the, pasi u prezantove, para të gjithëve dhe the jo po ju folët shumë, mendova se ishte një prezantim… Pse e arsyeton?

Gerta: Po jo, unë nuk e thash ashtu në atë formë, siç po e bën ti tani.

Gerta: E thash që u preka shumë nga të gjitha historitë tuaja. Të gjithë ne thash kemi sfida, edhe unë kam shumë sfida të mëdha në jetë por preferova të mos i tregoj.

Gerta: Jo nuk ishte justifikim. Doja të tregoja që dhe unë kam kaluar sfida, kaq.

Rozana: Po sigurisht Gerta. Po çfarë thua s’paske kaluar sfida ti? Unë dhe pa folur fare ti, edhe të gjithë njerëzit që po na shohin në televizor, e di sa sfida ka kaluar? S’ka nevojë të më thotë Rozana shiko se unë kam kaluar shumë sfida.

Gerta: Jo, po ti i di, se me njeh. Ti e di shumë mirë jetën time jashtë.

Rozana: Jo nuk e di shumë mirë.

Gerta: Rozë, ti më di shumë mirë mua jashtë.

Rozana: Sa herë kemi dalë ne të dyja jashtë? Kemi pirë ndonjëherë kafe?

Gerta: S’ka rëndësi! Edhe unë e njoh jetën tënde jashtë. Kemi pirë një kafe një herë, te Liqeni i Thatë.

Gerta: Edhe në evente jemi takuar.

Rozana: Po në evente me një si je, si kalove? Gerta, nuk kam pyetur për jetën tënde unë, çfarë jete ke bërë ti.

Gerta: S’kë pyetur, por e di që e di! Nuk më vjen mirë që thua ty nuk të njoh fare

Rozana: Po s’të njoh moj motër.

Gerta: A e njeh Jozin më shumë se mua?

Gerta: Atëhere a e di një informacion më tepër për mua se sa për Jozin?

Rozana: Çfarë atëherë? Dëgjo, kur thua unë jam në televizion, ti duhet të dish edhe të dëgjosh.

Gerta: Duke e ditur që ajo po gënjen…

Rozana: Kujdes me termin gënjen. Jo gënjen këtu për mua. Informacionin që unë gënjeva, ku e more? Unë s’merrem fare, e di sa halle kam unë në jetën time? Të merrem unë se çfarë bën ti në jetën tënde?! Kujdes, gënjen mos e thuaj më.

Gerta: Po sa herë të gënjesh do e them.

Rozana: Zemër, s’ kam ndarë krevatin me ty o shpirt. Di vetëm që je motra e Olta Goxharit! Për mua ekziston vetëm Olta Gixhari! S’ të njoh!

Rozana: Tani çfarë halli ke ti? Duhet të të njoh patjetër? Të kam parë në televizion, të kam takuar në evente por nuk të njoh!

Gerta: Po lëre tani… A të kam marrë në intervistë?

Rozana: Edhe të njoh e me njeh?

Gerta: Pra ti shkon në intervista kushdo që të dali përpara?

Rozana: Çfarë thua moj Gerta, je në terezi? Mbush ti apo nuk mbush?

Rozana: E unë duhet të të njoh patjetër?

Gerta: Po patjetër, pse si shkon në intervistë ti? Se je Rozana Radi pra, shumë e madhja! Njerëzit shumë të mëdhenj nuk shkojnë kudo.

Si do të jetë viti 2025 në fushën astrologjike sipas Jorgo Pullës / Cilat janë dy shenjat më fatlume? Zbulojini në horoskopin vjetor 2025

I ftuar në emisionin e mëngjesit “Rreze Dielli” në Report TV, me moderatore Androniki Kolka, ishte astrologu Jorgo Pulla i cili bëri një parashikim vjetor për të gjitha shenjat e zodiakut, për vitin 2025. ”Ky vit është shumë i rëndësishëm për të gjithë dhe do të ketë një ndikim shumë të madh në të gjithë shenjat, ndikim i cili do të vijojë deri në vitin 2027” tha Jorgo në fillim të bisedës, duke shtuar se viti 2025 sa i takon mundësive do të jetë viti i Virgjëreshës dhe i Peshqve. ”Këto dy shenja kanë vuajtur shumë, ndaj ky do të jetë viti i tyre i revanshit” shtoi Jorgo. Për Peshqit është mundësia më e mirë që të ndreqin shumë çështje të së shkuarës dhe të marrin më të mirat e këtij viti.”Sa i takon të gjitha shenjave, mund të themi se 2025 do të jetë një vit disi i shtrënguar financiarisht. Duhet të kemi vëmendje në ekonomi, por dhe në dashuri! Kujdes, kujdes, do të kemi shumë thashetheme, por jo gjithçka duhet të merret për bazë” paralajmëron astrologu Jorgo Pulla. Por çfarë thonë yjet më specifikisht për çdo shenjë të zodiakut për vitin 2025?

Dashi

Dashi i 10-të ditëshit të parë ka një vit zgjimi, ku priten të bëhen vlerësimet e punës së tyre dhe do të kenë mundësi për ndryshime të rëndësishme në fushën e karrierës. Eshtë një moment i mirë stabilizues, pasi llogaritë e hapura nga e shkuara do të mbyllen përgjatë këtij viti. Eklipsi diellor u jep mundësi të zgjidhin gjithashtu një çështje ligjore. Gabimet e së shkuarës duket se do të ndreqen në këtë periudhë. Në fushën e dashurisë, 10-të ditëshi i parë duhet të ketë kujdes nga thashethemet. Ndërsa 10-të ditëshi i dytë, do të ketë një vit të qetë dhe të qëndrueshëm duke arritur majat. Do të mbyllen të gjitha problematikat në fushën e karrierës. Priten takime me persona të së shkuarës që mund të jenë shumë frytdhënëse. Mos u nxitoni në marrje vendimesh, pasi shpesh mund të gaboni! Të gjithë ata që janë në 10-të ditëshin e tretë, e mirëpresin vitin 2025, sepse kanë ende ndryshime që i presin. Viti do të nisë me disa konflikte të brendshme, por ky 10-të ditësh do të dalë shumë i fituar. Kanë një mundësi të artë në menaxhimin e financave dhe duket se janë në rrugën e duhur. Ndërsa në dashuri do të zbuloni shpirtin binjak, pa të cilin duket se nuk bëni dot.

Demi

10-të ditëshi i parë i Demit do të ketë një vit me transformim rrënjësor. Do të ketë rindërtime dhe themele të forta për të ardhmen për Demin. Po përgatiteni për gjëra të rëndësishme dhe të forta! Një padrejtësi që ju është bërë, tani në vitin 2025 do të ndreqet dhe do të fitoni të drejtën tuaj. Për të gjitha sakrificat që keni bërë, do të vlerësoheni pikërisht tani. Do të jetë një vit me favorizime dhe kontrata të reja, favorizime në punë, në dashuri dhe karrierë, si dhe udhëtime të largëta apo plotësime dokumentacioni. Në çështjet që kanë të bëjnë me anën shpirtërore, një lidhje problematike që keni patur, duket se zgjidhet pikërisht tani. Sa i takon 10-të ditëshit të dytë, do të ketë çështje të mëdha që kanë lidhje me rinovim kontratash, apo me blerjen e një mjeti apo pasurie të paluajtshme. Keni mundësi për të vënë pikat mbi “i” për stabilizimin dhe konkretizimin e një lidhje afatgjatë në martesë. Sa i takon 10-të ditëshit të tretë, kanë një mundësi shumë të mirë për punën e tyre nga Janari deri në fund të Marsit. Do të bëni një shitje apo blerje për investim, e cila do jetë me shumë leverdi. Evitoni të dëgjoni çfarë thotë bota, por dëgjoni çfarë thoni ju brenda vetes tuaj!

Binjakët

10-të ditëshi i parë i Binjakëve do të ketë një vit ndryshimesh të guximshme. Një vit shumë i rëndësishëm për punën dhe karrierën pritet të jetë 2025. Do të keni mundësinë për të zgjidhur shumë çështje problematike. Në lidhje me financat është shumë e rëndësishme periudha 10-24 Korrik dhe 13-24 Shtator, koha më ideale për Binjakët. Në anën shpirtërore, të palidhurit kanë mundësitë më të mira. Të gjithë ata që i takojnë 10-të ditëshit të dytë të Binjakëve, edhe pse kanë patur një vit disi të vështirë, i kanë dhënë provat që ia dalin më së miri. Sa i takon 10-të ditëshit të tretë, do kenë shumë mundësi, por duhet të kenë kujdes në çështjet e dashurisë. Gjithashtu duhet të kenë kujdes në lidhje me shpenzimet e tepërta. Në fushën shpirtërore, lidhjet afatgjata janë pikërisht të favorizuara në këtë periudhë.

Gaforret

10-të ditëshi i parë i Gaforres do të ketë një vit kyç. Duhet të lënë pas kujtimet e së shkuarës dhe të vazhdojnë përpara. Mbyllet për ju një cikël i vjetër problematik! Në anën e dashurisë, do të jetë një vit mjaft i mirë për ju. Sa i takon 10-të ditëshit të dytë për shenjën e Gaforres, do të ketë një stabilizim ekonomie apo udhëtime në vende të largëta. Koha më e mirë në dashuri falë ndikimeve planetare është Janari dhe Marsi. Në fushën shpirtërore, një lidhje me probleme që kanë patur duket se tani favorizohet. Për 10-të ditëshin e tretë, viti 2025 do ju gjejë të kënaqur, do të jetë një vit i mbarë për ju, sikurse çështjet e vështira do të zgjidhen njëherë e mirë. Një ndarje që keni patur duket se rifillon dhe normalizohet, ndërsa viti karakterizohet nga pozitiviteti për këtë shenjë.

Luani

10-të ditëshi i parë i shenjës së Luanit, nëse do të nisë një punë të re ka momentin më të mirë gjatë vitit 2025. Sa i takon një blerje të re apo çështjeve ekonomike, duket se muajt e verës janë shumë të favorshme. Në fushën shpirtërore, mund të veçojmë Janarin, Marsin, Qershorin dhe Nëntorin, muaj shumë të favorshëm për dashurinë. Sa i takon 10-të ditëshit të dytë të shenjës së Luanit, do të kenë shumë mundësi që kanë të bëjnë me çështjet ekonomiko-financiare dhe me karrierën. Ndërsa kujdes, politikanët specifikisht do të kenë shumë probleme. Do jetë një mundësi e mirë për të nisur gjëra të reja, ndërsa në çështjet e dashurisë duket se ky do të jetë vit i lumtur për ju që prisni një pasardhës. Për 10-të ditëshin e tretë, do të jetë një vit pak i turbullt, pasi duhet të mbyllin disa çështje të së shkuarës. Koha më e mirë në ekononi dhe për blerje është Maj-Shtator 2025. Moto juaj do të jetë: Eci avash, sepse nxitoj.

Virgjëresha

10-të ditëshi i parë për Virgjëreshat do të ketë prioritet për vitin 2025 punën dhe financat. Një shanc të dhënë mos e neglizhoni, sepse nuk do e keni më! Në fushën e dashurisë duhet të keni kujdes, sepse problematikat që mund të keni do i zgjidhni pikërisht në 2025. Sa i takon 10-të ditëshit të dytë të kësaj shenje, do të ketë dukshëm një përmirësim në ekonomi, dashuri dhe familje.Vazhdimësia duket e mbarë. Për 10-të ditëshin e tretë mund të themi se kanë patur një problem shëndetësor, por vjen momenti tani që do të marrin vetëm lajme të mira. Në çështjet shpirtërore, lidhjet që kanë të bëjnë me marrëdhënie serioze, nga muaji Mars deri në Qershor duket se do të kenë kohën më të mirë dhe ideale për vendime të rëndësishme.

Peshorja

Sa i takon 10-të ditëshit të parë të Peshores, 2025 do të jetë një vit me surpriza. Duhet të keni kujdes në Janar, Shkurt, Mars, Shtator dhe Tetor, muaj plot ndikime të forta planetare. Në dashuri është koha dhe momenti më perfekt. Kur flasim për 10-të ditëshin e dytë të Peshores, mund të themi se do të ketë shumë mundësi, besim dhe optimizëm për vitin 2025. Sa i takon 10-të ditëshit të tretë, një pengesë që keni patur tani do të zgjidhet përfundimisht. Në dashuri duhet të tregoni pak kujdes, sidomos përgjatë muajve të verës.

Akrepi

10-të ditëshi i parë i shenjës së Akrepit edhe pse ka patur shumë probleme nga e shkuara, nuk duhet të shqetësohen më, pasi vjen momenti që gjithçka të zgjidhet më së miri. Në fushën ekonomike duket se do të ketë stabilizim për këtë shenjë. Në çështjet shpirtërore, lidhjet afatgjata janë në Janar, Shkurt dhe Mars. Sa i takon 10-të ditëshit të dytë të shenjës së Akrepit, do të jetë një vit i kënaqshëm, ku do të keni një moment të rëndësishëm në firmosje kontratash dhe në fushën shpirtërore. Sa i takon 10-të ditëshit të tretë, në dashuri jeni ju pa janë të tjerët dhe do të arrini majat në atë që kërkoni dhe dëshironi.

Shigjetarët

10-të ditëshi i parë i Shigjetarëve, nuk duhet të marrë si të mirëqenë fjalët e mëdha dhe pritshmëritë. Sa i takon 10-të ditëshit të dytë për shenjën e Shigjetarit, është mundësia për t’u çliruar nga ngarkesa që keni patur mbi shpinë. Ndërsa për 10-të ditëshin e tretë, është një vit që ju jep rëndësi dhe mundësi në ekonomi dhe stabilizim. Në fillim të muajit Janar prisni një lidhje afatgjatë në fushën e dashurisë.

Bricjapi

Për këtë shenjë fillon një vit mjaft i rëndësishëm për të tre 10-të ditëshet si në fushën ekonomike -financiare, në punë dhe dashuri. Koha me ndikime më favorite planetare për Bricjapin do të jetë Janari, Marsi, Maji, Qershori, Korriku dhe Nëntor- Dhjetor, mund të arrijnë majat në fushën ekonomike dhe në stabilizimin financiar. Pak kujdes duhet të bëjë 10-të ditëshi i tretë që të mos nxitohen në firmosje kontratash, ndërsa muaji Mars e tutje për të tre 10-të ditëshat do të ketë ndikime fantastike.

Ujori

Ndikimet që kanë të bëjnë me 10-të ditëshin e parë do japin mundësinë për të zgjidhur problematika të ndryshme nga e shkuara. Favorite do të jetë për Ujorin fusha e punës dhe karrierës. Pak vëmendje 10-të ditëshi i dytë i Ujorit, duhet të ketë kujdes me problemet ligjore në muajt Maj dhe Shtator. Sa i takon 10-të ditëshit të tretë, ka një ndikim fantastik sidomos në fushën e dashurisë.

Peshqit

2025 për Peshqit është një vit i qetë. Falë disa trekëndëshave të rëndësishëm planetar mund të themi se ky do të jetë një vit i rëndësishëm për Peshqit. Do të zbulohen disa intriga pas shpinës së tyre, por Peshqit dinë të falin. Tre muajt e parë të vitit do të jenë perfekte në marrje vendimesh dhe në zbulime të reja në fushën e biznesit. Muajt Shtator, Tetor dhe Nëntor do të jenë A-ja dhe Zh-ja për 10-të ditëshin e tretë për vazhdimësinë dhe vitet që do të vijnë.