Lajme Flesh

Nëna e Luis Meçjas, i cili mbeti i plagosur me thikë në sherrin ku humbi jetën shoku i tij, Martin Cani, pranë shkollës “Fan Noli”, ka rrëfyer momentin prekës të takimit të të birit me babain e viktimës.

Ajo tregoi se sapo doli nga spitali, Luisi nuk shkoi në shtëpinë e tij, por tek babai i Martinit. “Luisi atë ditë që doli nga spitali, pa ardhur në shtëpi, ka shkuar tek babai i Martinit dhe i ka thënë: ‘T’i je fëmija im se Martinin nuk e kam më.’ Kanë qarë të dy bashkë,” – tha ajo.

Në lidhje me mënyrën si Luisi mësoi lajmin për vdekjen e shokut të tij, ajo tha: “Infermieret po flisnin dhe ai e kuptoi. Kapi telefonin dhe kuptoi gjithçka. E përjetoi shumë keq dhe donte të ikte nga spitali pavarësisht se kishte tubin në mushkëri.”

Ajo shtoi se Luisi është i tronditur, po trajtohet nga një psikolog dhe familja ka vendosur të bëjë vetë epikrizën privatisht.

Nëna e Luis Meçjas ka rrëfyer se djali i saj ndodhet në kushte të rënda psikologjike dhe se ka probleme me frymëmarrjen. Në një intervistë telefonike në emisionin “Me zemër të hapur”, të moderatores Evis Ahmeti, ajo tregoi se sipas dëshmisë së të birit, pak ditë para krimit, shoku i tij i ngushtë 14-vjeçari Martin Cani është dhunuar nga një burrë.

Sipas të miturit, personi që ka goditur të premten Martin Canin ka qenë rreth të 40-ave dhe se i ndjeri ka pasur një të çarë në buzë.

Luis Meçja i ka rrëfyer prindërve se sherri ka ndodhur për shkak se autori i dyshuar i krimit, Mario Prelleshaj ka bullizuar Martinin, duke i përmendur edhe të vëllanë me spektrin e autizimit.

Nëna e Luisit: I merret fryma. Me djalin kam biseduar. Djali i ka thënë të gjitha, çdo gjë. I mbetet qëndrimit që ka deklaruar. Por s’kemi çfarë të bëjmë, sduam të përzihemi me shtetin por të vendoset drejtësia.

Më mori qendra shëndetësore dhe më tregoi për djalin që ishte plagosur.

Si Luisi dhe Martini kanë qenë fëmijë shembullorë, janë njohur kur ishin shumë të vegjël. Djali ishte në gjendje të rëndë, së bashku me Martinin, kur shkuam.

I qëndron versionit se kanë qenë dy persona që goditën me thikë, por thotë se kanë qenë rreth 15 persona. Kishin shkuar për t’u sqaruar, për t’u bërë shokë. Sherri ka ndodhur për shkak të vëllait, e kanë bullizuar. Pse më pe, pse të pashë kush është më i forti. S’ka lidhje fare sherri me goca, as nuk janë shkruajtur në rrjetet sociale.

Shoferi i furgonit ka thënë që Martini ka pasur të premten një konflikt?

Nëna e Luisit: Po është e vërtetë, e ka goditur një personi rritur tek 40 vjeç. E ka marrë shoferi i furgonit e ka dërguar në shtëpi, e ka pasur buzën e çarë. Martini nuk e njihte personin që e ka goditur, ndërsa Luisi nuk i njeh fare.

Martini atë ditë të ngjarjes i ka kërkuar ndihmë, i kishte thënë të premten që e kishin rrahur dhe të dielën. Djali ishte i qetë sepse mendonte se do rregullonin gjërat dhe nuk e mendonte se do të ndodhte ajo që ndodhi.

Në emisionin Me zemër të hapur në News 24 ka folur nëna e Luiz Meçes, që u plagos në sherrin mes adoleshentëve, ku ndërroi jetë Martin Cani.

Nëna e të plagosurit ka thënë se Martini është bullizuar për vëllanë. Ajo deklaroi se një burrë e ka goditur Martinin një ditë para ngjarjes së rëndë, duke shtuar se drejtësia duhet të vendoset në vend.

Nëna e adoleshentit të plagosur pranë shkollës “Fan Noli”: Djali ka nisur të lëvizë nga pak. Po, kam folur me djalin. Djali ka thënë gjithçka tek autoritetet. Dua që drejtësia të vendoset në vend. Isha në punë dhe më thanë që kështu ka ndodhur me djalin. Djali im ka qenë shumë i urtë. Martini dhe djali im ishin djem shembullor, se e njihja prej shumë vitesh. Djali im ka qenë në gjendje të rëndë. Të dy djemtë ishin në rrezik për jetën.

Ma tha një oficer policie. Ai thotë se ka parë dy vetë përballë tyre. Ata janë takuar për një “sqarim”, kishin ofenduar Martinin. Për vëllanë, pse më pe e pse të pashë, unë jam më i forti, për kështu muhabetesh janë zënë. Nuk ka lidhje fare me vajzat. Martinin e bullizonin për vëllanë. Një burrë e ka goditur Martinin. Luizi sapo ka dalë nga spitali ka shkuar tek babai i Martinit. Djali im është tepër i tronditur.

Lideri i opozitës në Gjeorgji u arrestua ndërsa protestat masive antiqeveritare vijojnë në natën e shtatë.

Nika Gvaramia mes shumë anëtarëve të tjerë të opozitës u arrestua të mërkurën teksa policia bastisi shtëpi dhe zyra

Policia gjeorgjiane ka bastisur zyrat e një partie opozitare dhe ka arrestuar liderin e saj në një përpjekje të dukshme për të shuar valën e protestave masive të shkaktuara nga vendimi i partisë qeverisëse për të pezulluar negociatat për anëtarësimin në Bashkimin Evropian .

Protestuesit natën e së mërkurës u mblodhën për natën e shtatë radhazi të protestave, duke u përballur me policinë që ka përdorur tanke uji dhe gaz lotsjellës për t’i shpërndarë në netët e mëparshme. Protestuesit kanë hedhur fishekzjarrë ndaj oficerëve të policisë dhe kanë ndërtuar barrikada në bulevardin qendror të kryeqytetit gjeorgjian.

Partia opozitare Koalicioni për Ndryshim tha se policia kishte bastisur zyrat e saj të mërkurën dhe kishte arrestuar kreun e saj, Nika Gvaramia.

Ajo publikoi një video në X që tregon Gvaramia duke u mbajtur nga krahët dhe këmbët nga disa burra poshtë disa shkallëve.

Mediat gjeorgjiane raportuan se policia kishte bastisur gjithashtu zyrat e disa grupeve të tjera opozitare dhe organizatave joqeveritare. Aleko Elisashvili, një lider i partisë opozitare të Gjeorgjisë së Fortë, një udhëheqës i lëvizjes protestuese rinore Dafioni dhe të paktën gjashtë anëtarë të tjerë të partive politike opozitare u arrestuan gjithashtu.

Media lokale citoi ministrinë e brendshme të vendit të thoshte se shtatë persona ishin arrestuar me akuzën e “organizimit dhe udhëheqjes së dhunës në grup”, një vepër që mbart deri në nëntë vjet burg.

Ministria tha se kishte kontrolluar shtëpitë e gjashtë personave dhe sekuestroi sende, duke përfshirë pushkë ajrore, fishekzjarre dhe kokteje molotovi.

Kryeministri Irakli Kobakhidze i partisë Ëndrra Gjeorgjiane tha se bastisjet kishin në shënjestër ata që inkurajuan dhunën gjatë protestave në një përpjekje për të rrëzuar qeverinë e tij. “Nuk do ta quaja këtë represion, është më shumë një masë parandaluese sesa shtypje,” tha ai.

Një nënë shqiptare është gjetur me pesë fëmijët e saj në gjendje të rënduar në rrugët e Romës në Itali, teksa policia lokale raportohet se është kujdesur për të.

Nëna shqiptare është gjetur bashkë me pesë fëmijët e saj, katër vajza dhe një djalë, pa ngrënë dhe të kapluar nga i ftohti, teksa nuk dihet se sa kohë kishin qëndruar në rrugë në lagjen elegante të Prati-t.

Policia thotë se 41-vjeçarja ka deklaruar se kishte shkuar në Itali për një ndërhyrje mjekësore. Sipas tyre ndërhyrja duhet të ishte tepër urgjente që të ndërmerrte këtë rrugë. Megjithatë situata mbetet ende e mistershme pasi policët besojnë se nuk bëhet fjalë vetëm për “turizëm mjekësor” e as për shpërngulje në emigrim për shkak të varfërisë ekstreme.

Ishte policia që u siguroi ushqime të ngrohta, mori batanije dhe shtretër dhe i priti për një natë në selinë e Grupit në Via del Falco. Ndërkohë, autoritetet kanë kërkuar të përkohshëm, janë aktivizuar shërbimet sociale dhe po punojnë në sinergji me kontributin themelor të një shoqate vullnetare. Familja tani është mysafire e një strukture në qarkun e pritjes së Sallës së Operacioneve Sociale të Romës Capital.

“Vetëm falë punës ekipore mes institucioneve mund të bëjmë vërtet ndryshim”, komentoi në një shënim këshilltarja për Politikat Sociale dhe Shëndetin e Kryeqytetit të Romës, Barbara Funari.

Jonida Maliqi është një nga artistet që do të performojnë natën e dytë gjysëmfinale në “Kënga Magjike” në Tv Klan. E teksa ndjek me vëmendje konkurrentët e tjerë në skenën magjike, Jonida Maliqi nuk ka kursyer batutat lidhur me paraqitjen e saj skenike të mbrëmjes së nesërme.

Ardit Gjebrea: “Muzika është përgjigjia”. Jonida, a ka ndonjë moment në jetën tënde që nuk e ke marrë këtë përgjigje apo ke marrë përgjigjen e gabuar?

Jonida Maliqi: Kjo është përgjigja që më ka shoqëruar përgjatë gjithë jetës. Muzika është përgjigja është lajtmotivi i jetës sime dhe i çdo artisti.

Ardit Gjebrea: Unë të falenderoj për një gjë, për vetullat sonte. U diskutuan aq shumë vetullat e tua të hequra sa nesër mbrëma do i bësh prapë ashtu, apo…?

Jonida Maliqi:Jo, nesër do të vendos katër (Qesh).

Ardit Gjebrea: (Qesh) Katër vetulla, ok faleminderit.

Kreu i Partisë Demoraktike, Sali Berisha ka komentuar sot çantat e ministreve, për të cilat shprehet se përdorin Hermes, Birkin, Bottega Venetto apo Louis Vuitton, marka këto të cila kushtojnë mijëra euro. 

Mirëpo këtë marka të shtrenja, nuk janë parë nga ministret në Parlament, por në fakt në fotot e nuses së tij, Armina Mevlani e cila i tregon në rrjetet e saj sociale. Mevlani veç të tjerash njihet për jetën tepër luksoze që ben pas lidhjes me djalin e ish-kryeministrit Sali Berisha.

Cilësia e dobët e arsimit të lartë, kurrikulat e vjetruara dhe mospërputhja e tyre me tregun e punës janë disa nga arsyet e “largimit të trurit” nga Shqipëria. Në këtë përfundim ka dalë edhe raporti i Bankës Botërore kushtuar arsimit të lartë, si një nga sektorët që ndikon në rritjen ekonomike të vendit. Drejtues të Bankës Botërore në Shqipëri rekomandojnë se vetëm kthimi i arsimit të lartë në prioritet do të mund ta ndryshonte situatën në vend: “Pavarësisht se në Shqipëri ka rritje të numrit të studentëve që marrin dije profesionale, sërish vihet re një disbalancë nga një degë në një degë tjetër studimi.

Studentët duhet të jenë më të përgatitur për t’iu përshtatur kërkesave të tregut të punës. Duke investuar në arsimin e lartë, në kurrikula, në infrastrukturë e shkencë do t’i sjellim universitetet më pranë tregut të punës”. Edhe vendet e tjera të Ballkanit Perëndimor kanë të njëjtat problematika si Shqipëria në arsimin e lartë. Nga raporti rezulton se cilësia e tyre nuk arrin mesataren 9 nga 100 që është vlerësimi maksimal. Për shkak të nivelit të dobët, universitetet shqiptare dhe ato të rajonit nuk bëjnë pjesë në renditjen e 500 universiteteve më të mira në Europë dhe Azinë Qendrore. Përjashtim nga vendet e Ballkanit bëjnë universitetet e Serbisë.

Sipas Bankës Botërore, Serbia kryeson në rajon me 22,6 pikë, një mesatare e përafërt me atë të vendeve të Bashkimit Europian. Ndërkohë, drejtues të Ministrisë së Arsimit kanë renditur reformat që sipas tyre po ndërmerren për të ndryshuar arsimin e lartë në vend. Më herët, biznesi dhe ekspertë të arsimit kanë shprehur nevojën e përshtatjes së kurikulave të Universiteteve me tregun e punës, pasi aftësitë e të diplomuarve nuk janë në nivelet që kërkojnë punëdhënësit. Ndërkohë, as në 2025 qeveria nuk do të përmbushë një nga premtimet e saj për rritjen e buxhetit të arsimit në 5% të prodhimit të brendshëm bruto. Arsimi nuk do të marrë më shumë se 2,36% të PBB, ku 18,4 miliardë lekë është buxheti për universitetet dhe vetëm 0,06% për kërkimin shkencor.

Nga ana tjetër, Kuvendi u përfshi dje nga debate gjatë kohës që po diskutohej amendamenti i deputetit të PD-së Edmond Spaho për të rritur me 1 % buxhetin për arsimin. Deputetët e opozitës kërkuan dorëheqjen e ministres së Arsimit Ogerta Manastirliu. Në një moment Zhupa vendosi një fletë në foltore ku shkruhej “jep dorëheqjen”. Kryetarja e Kuvendit ndërhyri për të kërkuar që të hiqet “nuk po bëjmë cirk”, tha ajo. Ndërsa ministrja Manastirliu akuzoi PD se kur la pushtetin kishte lënë arsimin në shkretëtirë ndryshe nga mbështetja që kanë dhënë socialistët. “Kishit lënë arsimit në shkretëtirë. Buxheti ishte në pikën më të zezë të tij ku nuk paguheshin pagat jo më të mendohej për rritjen e pagave. Ju latë në harresë mësuesit. 82 mld lekë parashikohet buxheti për arsimin për 2025, ¾% e GDP.

Shpenzimet për arsimin zënë 10.8%. Arsimi vijon të mbetet absolut për qeverisjen e PS-së e këtë e ndjejnë dhe qytetarët shqiptarë. Me shkolla të rindërtuara, paga. Rritëm 18.8 % rritëm buxhetin e arsimit nga viti 2024”, deklaroi ministrja Manastirliu. Sakaq në debat e sipër me Zhupën Manastirliu i tha se gjuha e urrejtjes nuk i nxjerr dot nga bataku. “ E kuptoj që nuk doni të ballafaqoheni me dështimet historike. Ky kuvend duhet të jetë vendi ku të japim shembullin për fëmijët e brezat e as të ofendojmë apo shajmë. Nuk do ia dilni dot mosrespekti, gjuha e urrejtjes nuk do ju nxjerrin nga bataku ku keni rënë ku e keni rënë. Maji do të vijë shpejt”, nënvizoi Manastirliu. Sakaq në një moment ndërhyri dhe Spiropali. “Do të dilni nga salla e Kuvendit, zonja Zhupa:, deklaroi Spiropali.

Qytetarët protestë kundër Manastirliut

Ndërkaq qytetarët kanë dalë dje sërish në rrugë për vrasjen e 14-vjeçarit Martin Cani. Ata u mblodhën te shkolla “Fan Noli”, teksa më pas u nisën drejt Ministrisë së Arsimit. Qytetarët kërkojnë dorëheqjen e ministres së Arsimit pas ngjarjes si dhe ndërrimin e emrit të shkollës, duke i vendosur emrin e të ndjerit. “Ministrja pasi shkatërroi shëndetësinë, tani duket se ka qëllim të shkatërrojë dhe arsimin. Të japë dorëheqjen dhe të mbajë përgjegjësi për këtë ngjarje”, tha një qytetar. Kujtojmë se ngjarja ndodhi më 18 nëntor pak metra larg shkollës “Fan Noli” ku dy të miturit studionin.

Siguria në shkolla është një nga kërkesat që paraqitet në protestat e mbajtura, ndërsa një prej qytetarëve tha se duhet një ndryshim jo thjesht të një ministri, por një politike në raport me sigurinë e fëmijëve në shkolla. Ditën e premte, 22 nëntor, u zhvillua seanca gjyqësore në ambientet e një spitali privat në Tiranë ndaj 14-vjeçarit që vrau me thikë bashkëmoshatarin e tij, Martin Cani. Gjyqtarja Lorena Çabej pasi dëgjoi palët, vendosi masën “arrest me burg” për Mario Përlleshin. I mituri akuzohet si i dyshuar për kryerjen veprës penale “Vrasje e kryer në rrethana cilësuese”.

Grupi i hetimit ka shkuar tek 37 vjeçarja me inicialet V.Sh nga thirrjet e shumta telefonike që 47 vjeçari ka patur me të arrestuaren.

Sipas policisë, lidhja që ka patur Melcellari ka qenë prej disa kohësh, lidhje e cila është ditur nga disa prej personave që janë marrë nga grupi i hetimit.

Pas marrëdhënies së kryer në mjetin e viktimës, 47 vjeçari nuk është ndier mirë nga ana shëndetësore dhe në këto kushte 37 vjeçarja i ka kërkuar të telefonojë ambulancën por nuk ka ai pranuar.

Vetëm pak minuta pas kryerjes së marrëdhënies 47 vjeçari ka ndërruar jete.

Pas këtij momenti, ka bërë me dije 37 vjeçarja me origjinë nga Librazhdi se është larguar drejt banesës së saj ku është arrestuar nga policia.