Lajme Flesh

Sinan Hoxha u përfol të ketë qenë një nga këngëtarët i përzgjedhur për të marrë pjesë në edicionin e katërt të “Big Brother VIP Albania”, por ai refuzoi.

Ftesa iu dha në emisionin “Ndryshe” në Top Albania Radio, në rubrikën e telefonatës kurth.

Nga biseda e bërë, ofertës së bërë ai iu përgjigj:

“Është e pamundur për një mijë e një arsye. Unë e kam axhendën premte, shtunë, diel. Iki në Amerikë një muaj. Iki në Australi. Super plot”, tha Sinani.

Por për t’ia mbushur mendjen që të pranonte Sinanit iu bë me dije se edhe këngëtarja e mirënjohur, Artjola Toska, pranoi që të merrte pjesë.

Përgjigja e tij ishte epike dhe e gjithë studio shpërtheu në të qeshura.

Sinani: Artjola Toska është në Big Brother?

Edea: Po!

Sinani: Dëgjo, nëse Artjola Toska është në Big Brother, unë do dal pa brekë në sheshin Skënderbej.

Edea: Vërtetë?

Sinani: Po, një muaj për ju.

Kryeministri Edi Rama jo rrallë herë ta tërhequr vëmendjen e publikut ndërkombëtar, si me deklaratat që bën por edhe nga aspekte të tjera si sjellja apo veshja jo konvencionale.

Këtë herë, një deklaratë e tij për organizatën ndërkombëtare BRICS.

Rama është pyetur se sa mundësi ka që edhe Shqipëria t’i bashkohet BRICS një ditë, dhe përgjigja e tij ka qenë e prerë, madje duke e quajtur tregun e përbashkët të shteteve që konsiderohen si “anti-perëndim”, si një “shaka”.

“Së pari, BRICS është një shaka. Së dyti, historia na ka mësuar në rrugën e vështirë se ka vetëm një vend ku mund të mbështetemi.

Kjo është Europa, Bashkimi Evropian. Ne duam të jemi pjesë e Bashkimit Evropian. Procesi i integrimit është një udhëtim i rëndësishëm me një qëllim të madh.

Nuk ka alternativë për këtë rrugë. Nuk ka tundim për të kërkuar diku tjetër sepse ne kemi qenë diku tjetër dhe e dimë se si është atje”, tha Rama.

Kjo deklaratë ka tërhequr vëmendje të madhe dhe reagime të shumta, madje edhe nga një faqe e BRICS që shpërndan lajme rreth kësaj organizate.

BRICS, fillimisht i përbërë nga Brazili, Rusia, India dhe Kina, është zgjeruar duke përfshirë Afrikën e Jugut, Egjiptin, Etiopinë, Iranin dhe Emiratet e Bashkuara Arabe.

Deklarata e Ramës, padyshim që ka ngjallur shumë pakënaqësi te mbështetësit e BRICS, por edhe pro-rusët që “gëlojnë” në Twitter (X).

Personazhi televiziv Kloe Kardashian së fundmi ka ndarë me ndjekësit foto të fytyrës së saj pas operacionit të heqjes së indit kanceroz.

40-vjeçare ka sqaruar se i është dashur të marrë mbushëse pasi ndërhyrja i ka lënë një gropë gjigande në faqen e saj të djathtë.

Ndër të tjera Kloe ka shpjeguar edhe arsyen e largimit kaq të gjatë nga televizoni duke thënë se i është dashur të merret me shëndetin e saj deri në momentin që mjeku i ka komunikuar dritën jeshile.

“Duhej të siguroheshim që çdo gjë mjekësore të ishte e sigurt derisa mjeku më dha dritën jeshile”.

Kardashian ndau imazhe para dhe pas të gropëzës në faqen e saj pas një raundi injeksionesh.

Ajo e zbuloi gungën në fytyrën e saj në vitin 2023 dhe vuri re që ajo kishte 7 muaj që nuk largoi kështu që vendosi të bënte një biopsi.

Në moshën 9-vjeçarë Kloe kishte pasur një melanomë në shpinë të cilën i është dashur gjithashtu  ta heqi.Ajo gjithashtu dokumentoi procedurën gjatë sezonit të tretë të “Kardashians”, duke vënë në dukje se doktorit iu desh të hiqte një pjesë më të madhe se sa ishte planifikuar fillimisht. Kardashian gjithashtu u bëri thirrje fansave të saj në rrjetet sociale që të jenë të qëndrueshme me sprovat e tyre.

“Kurrë nuk e imagjinoja që ky mostër e vogël do të kthehej në kancer të lëkurës ,” shkroi ajo në një postim në Instagram në vitin 2023. ” Dhe nuk mund ta imagjinoj se çfarë mund të kishte ndodhur nëse nuk do të kisha shkuar te mjeku për ta kontrolluar atë,” u shpreh ylli televiziv.

Luiz Ejlli ka vendosur të flasë. Ai ka reaguar në rrjetet sociale përmes një fotoje të re, të shkrepur gjatë xhirimeve për klip, por me fjalë të drejtpërdrejta dhe të ashpra.

Pas vendimit të gjykatës së Fierit që e ka dënuar atë me 1 vit burg për falsifikim dokumentesh, Luizi duket i prekur nga lajmet dhe reagimet dhe shkruan:

“E di që më keni përdorur, keni përfituar dhe më keni marrë si të mirëqenë… Megjithatë unë zgjedh të hesht sepse nuk dua që egërsia ime e brendshme të dali jashtë”.

Një ditë pasi Shqipëria çeli 5 grup-kapitujt e parë për negociatat dhe anëtarësimin drejt BE-së, me konferencën ndërqeveritare të Luksemburgut, kryeministri Edi Rama e ka kujtuar me një postim aspak të zakontë.

Ai e ka nisur ditën e 16 Tetorit duke e quajtur një “krenari të paharrueshme” me postimin në rrjetin social Facebook, teksa thekson se “Shqipëria u ul plot dinjitet në tryezën e bisedimeve për anëtarësim në Europën e Bashkuar”.

Ai shprehu bindjen se në fund, “Shqipëria 2030 do e ngrejë flamurin e Skënderbeut dhe Ismail Qemalit në oborrin e Brukselit në BE”.

Postimi i kryeministrit Edi Rama:

“MIRËMËNGJES

dhe me krenarinë e një dite të paharrueshme, ku Shqipëria u ul plot dinjitet në tryezën e bisedimeve për anëtarësim me Europën e Bashkuar, me të gjithë forcën e të vërtetave të arritjeve të mundimshme të këtyre viteve, të cilat morën të gjithë vlerësimin e merituar më në fund, si edhe me bindjen më të fortë se kurrë se Shqipëria 2030 do të ngrejë flamurin e Skënderbeut e të Ismail Qemalit në oborrin e Familjes së Europës së Bashkuar në Bruksel, ju uroj të gjithëve një ditë të re të gëzuar”.

Ish-banorja e BBVK2, Santiana Maloku ka reaguar ashpër në rrjetet sociale.

Pas komenteve dhe lajmeve negative që po qarkullojnë për të që nga dalja nga BB, ajo ka zgjedhur të reagojë ashpër.

Santiana ka thënë se nuk ka popull më negativ se shqiptarët, dhe se janë qenie e poshtër.

Më poshtë reagimi i plotë:

Vetëm tre ditë pasi goditet nga SPAK, Viktor Imeri i Vlorës, Emiljano Shullazi, Indrit Taullau dhe dyshja e Durrësit, Plaurent Dervishaj – Lulzim Berisha, paniku dhe gjendja e pasigurisë, kishte përshkuar biznesmenët e lojërave të fatit Ervis Martinaj, Pëllumb Gjokën dhe kapon e grupit të Shkodrës, Behar Bajrin.

Të tre mbledhin informacione brenda administratës së Policisë së Shtetit dhe Prokurorisë së Posaçme, ku nga të gjitha linjat e informacionin, ata mësojnë se do goditen me dosje penale, por ngritja e akuzat kundër tyre ishin thjesht çështje kohe.

Në fakt të tre personat u goditën penalisht nga SPAK pas dy vitesh, pikërisht në muajin korrik 2022, në atë që quhet dosja “Metamorfoza”.

Martinaj i thotë Behar Bajrit në 17 dhjetor 2020, duke i shkruar: “…po dil e rrimë kët fundjavë, a mirë, e bëjmë plane…se dun me na fut në burg më duket partia jote…”.

Po Behari vijon t’i shkruajë se goditja e Ervis Martinajt do realizohej politikisht, duke nënkuptuar se ishte përfshirë në politikë.

Ndërsa, nga ana tjetër, Martinaj pretendon se nuk merret fare me politike dhe s’ka lidhje me të, duke i shkruar si më poshtë vijon:

 “…Po çfarë politikë…!, unë veç pi** po q*…”,  i thotë Martinaj, Behar Bajrit.

Por ky i fundit i shkruan se: “…duan me i ra grupit si nuk i du unë (Licët), dhe këto janë për goditje…”.

“…Po mua, kush don me ma fut…?”,  pyet Ervis Martinaj Behar Bajrin.

Kapoja i grupit të Shkodrës, Behar Bajri ia kthen duke i shtruar: “…e ke politike vëlla, troç nuk dojn me të pas nëpër kamb…”.

Sipas bisedave të zhvilluara në aplikacionin “Sky”, Behar Bajri bisedon me një person ende të paidentifikuar, ku Behari i shkruan: “…hë ma vëlla ça bane?…A kanë kap dajon e Edisonit? (Edison Harizaj).

Personi tjetër ia kthen: “…Po se tani e pashë në lajme…”.

Ndërsa Behari i thotë: “…e paskan fik…”.

Dhe më tej personi i paidentifikuar vijon t’i shkruajë tekstin me përmbajtje: “…ishalla vëlla jo se e këputën fare, sa u bë me fëmijën e dytë…”.

“…Po ça, i ka çuna të paktën…?”, i thotë Behar Bajri.

Kurse personi tjetër ia kthen: “…po paska shku vet e dorëzu Viktori…po vëlla ka vajt vetë me këmbët e tija…”.

Çelja e negociatave, Rama: Shqipëria 2030 do të ngrejë flamurin në Bruksel

Behari ia kthen duke i shkruar: “…paska bërë marri me shku me këmbët e veda. Po i paskan thënë para…”.

Ndërkohë tre ditë pas kësaj bisede për arrestimin e Viktor Imerajt, Behar Bajri bisedon me biznesmenin Ervis Martinaj në 11 dhjetor 2020, ku mes tyre zhvillohet kjo bisedë si më poshtë vijon:

Behari i shkruan: “…hë ma vëlla çfar problemit ke, se nuk po më dukesh në terezi…”.

Martinaj ia kthen: “…për zotin lodh nervazh, kaq…”.

Më tej Behari vijon t’i shkruajë: “…po pse ma vëlla, për ça je mërzit a ke najgja…? Nëse ke najgja, me ja fut kujt a ndonjë gja kapedan vijmë, nuk jena larg. Mirë kapedan”.

Por sërish Martinaj ia kthen: ”…jo jo muhabet tjetër, ta po rrim…”.

Gjithashtu në 17 dhjetor 2020, Behar Bajri i shkruan Ervis Martinaj: “…o vëlla unë du me ba dam dhe nuk iku pa ba dam se jam tu shfry punët dhe nuk kam si iku dhe nuk kam dalë kund sa të kryej punët, atëherë mund të lëvizi. Nuk po të vijnë…”.

Martinaj i thotë: “…Për zotin dun me na gri, mua të paktën po se më tha dikush. Ty se di, por e ty besoj po, veç me fitu vota…”.

Ndërsa Behar Bajri, ia kthen Martinaj duke i thënë: “Jo morë nuk i besoj… por nëse duan të të grinë, sepse duan me ta kalu si faturë atë të Santos, po ka mundësi…”.

 “…S’kam unë lidhje me Santon…”, ia kthen Ervis Martinaj, Beharit.

Por ky i fundit vijon t’i shkruajë se: “…po e di që s’ke, por dikush asht tu lujt për keq për ty, se sonte më thanë…”.

“A… ka lidhje më SPAK-un, sonte më thanë…se A… ua futi Lentit dhe Milit”, ia kthen Martinaj.

Por Behari vijon ta informojë Martinajn, duke i thënë këtij të fundit në “Sky” se: “…A… ka shumë armiq dhe të shtetit. Por nuk ka lidhje kush tjetër, e ke nga Rama direkt. Se asht peshk i vogël A…, se me shtet dojn mej ja ra dhe te qyteti im…”.

“…Kujt…”- i thotë Ervis Martinaj, Beharit.

Por ky i fundit i shkruan se: “…duan me i ra, grupit si nuk i du unë (Licët), dhe këto janë për goditje…”.

“…Po mua, kush don me ma fut…?”- pyet Ervis Martinaj Behar Bajrin.

Kapoja i grupit të Shkodrës, Behar Bajri ia kthen duke i shtruar: “…e ke politike vëlla, troç nuk dojn me të pas nëpër kam…”.

“…Po çfarë politikë…!, unë veç pi** po q*…”- ia kthen Ervis Martinaj.

Por sërish Behar Bajri ia kthen Ervisit se një personazh i botës së krimit, ka marrë garanci se nuk do goditet duke vijuar t’i shkruajë si më poshtë vijon:

”…si të shkunë punët, a të shkun mirë të paktën atë që u nise…”.

Martinaj ia kthen: “…ça po bahet të shohim, A… ka njofje vet me Ramën personalisht…”. “Po…por nuk ashtë se e di të saktë…”-i thotë Behari.

Sërish Behar Bajri vijon t’i shkruajë Martinajt: “…kapedan shife si asht puna. Unë du me kry punë me atë si e kam lanë përgjysëm dhe në kërkim me dal, pa kry punë nuk e laj. Ti kur bahesh me kry punën si kishe…?”.

Martinaj ia kthen: “…jam në pritje, kam ble gjanat. Në qoftë se të duhen lekët më thuaj i mar diku tjetër…”.

Behari i thotë: “…po mi jep se du me ja dhan dikujt, për njat dhe i kam dhe du mej majt ti kem për najgjë si me hin në punë tesh për njat…”.

“…kush të tha që dun me ma futuru mu Santon, kur dihet që e ka bërë Ver Stafuka…. Pa merak se i mar diku tjetër…, kush të tha që dun me ma futuru mu Santon, kur dihet që e ka bërë Ver Stafuka…”-i shkruan Martinaj, Behar Bajrit.

Por ky i fundit ia kthen sërish në “Sky”: “…më trego se kur po mi bjen ato o Kapedan, se du me kry punët e mija, më duhen. O vëlla intersoju mirë, se dojn me të ra politikisht, se ja kanë çuar emrin…”.

“…Oooo, ça pune kam unë me politikë? Kush ma ka çuar emrin? Ti jap para Vitit të Ri, sa më para ti bi…”, ia kthen Ervin Martinaj.

Ndërsa Behar Bajri vijon t’i shkruajë se: “…po s’kam ça met ba jo…mirë o kapedan…”.

Visi ia kthen si më poshtë vijon: “…Kapedan je ti…”.

Ndërsa Behari vijon t’i shkruajë: “…po çfarë kapedani jam unë, por më thuaj nji datë kur mi bie…”.

“…Para datës 31 dhjetor ti bie…”-i thotë Martinaj.

Por Behari ia kthen: “…mirë ma kapedan, të paktën Yllin me e len pa gja…”.

Martinaj i kërkon Beharit se: “…kur po del anej…”.

“Ku me dal…”- thotë Behari.

Ndërsa Martinaj i thotë: “…ke vallu jot pra, le Yllin. Atë ditë pata takime, për një problem koti…”.

Por Behari i thotë se Martinaj e ka lënë pas dore duke nënkuptuar se nuk i ka dhënë eurot që i ka kërkuar.

Në 17 dhjetor 2020 Behari i shkruan: “…vëllai jem më ka lanë ma dore…kur ty 25 nuk mi dhe, the shko merja Pllumit…kur ti lypa 300 nuk mi dhe.”.

“…veç ankohesh, po pse shprehesh keq…kur më the për Dorin 500 përgjysëm…”, ia kthen Martinaj.

Ndërsa Behari vijon të shkruajë: “…shokët e mij the nuk të lypin lek, sot ja dhash Yllit 7 mijë euro kapedan…”.

Martinaj: “…Po të thash shumë gabim ka ba që ti ka lyp kapedan. Mua s’më ka thënë gjë, por 20 herë ja kam dhanë…por se ka ditë që s’kam për momentin…”.

Behari: “…kurse Dori, asht dhe armik i joti, po se po dhe i imi…”.

Martinaj: “…unë e vlerësova si armikun tat…(Dorin) për armikun tim, ta mbajë rradhën ai, as nuk e kam në listë hiç. Po dil e rrimë kët fundjavë, a mirë, e bëjmë plane…se dun me na fut në burg më duket partia jote…”.

Po Behar Bajri ia kthen se Dorin e sistemon vetë ai, duke i shkruar se: “…jo ma kapedan, atë sistemoj unë, nuk ke nevojë mu marr ti me të”./OraNews

Kryeministri izraelit Benjamin Netanyahu dhe presidenti francez Emmanuel Macron shkëmbyen replika të ashpra pas një telefonate mes tyre lidhur konfliktin midis Izraelit dhe Hezbollahut.

Presidenti francez tha se kryeministri i Izraelit nuk duhet “të anashkalojë vendimet e OKB-së”, duke kujtuar se shteti i Izraelit është “krijuar” me një vendim të OKB.

“Z. Netanyahu nuk duhet të harrojë se vendi i tij u krijua nga një vendim i OKB-së”, tha Macron, duke iu referuar votimit të nëntorit 1947 në Asamblenë e Përgjithshme të Kombeve të Bashkuara mbi planin për ndarjen e Palestinës në një shtet hebre dhe shtet arab. “E tani po anashkalon rezolutat e OKB-së,” vazhdoi ai, duke komentuar ndërhyrjen tokësore të forcave izraelite në Libanin jugor, ku është vendosur forca paqeruajtëse UNIFIL.

Macron, i cili ka bërë thirrje për të ndaluar eksportin e armëve në Izrael për përdorimin e tyre në Gaza dhe Liban, paralajmëroi se nuk është koha për të injoruar vendimet e OKB-së.

Pavarësisht kritikave ndërkombëtare dhe thirrjeve për armëpushim, Izraeli vazhdon ofensivën si në Gaza ashtu edhe në Liban.

Franca gjithashtu ka dënuar zjarrin izraelit kundër paqeruajtësve të OKB-së në Libanin jugor.

Netanyahu pretendon se Hezbollahu po përdorte objektet dhe pozicionet e UNIFIL si mbulesë për të nisur sulmet ndaj Izraelit. Të dielën, ai i bëri thirrje shefit të OKB-së Antonio Guterres që të dërgojë paqeruajtësit në siguri “menjëherë”.

Përgjigja e Netanyahut

Kryeministri izraelit iu përgjigj komentit të presidentit francez, duke i thënë se krijimi i Izraelit ishte rezultat i “luftës së pavarësisë” të vitit 1948 dhe jo një vendim i OKB-së.

“Një kujtim për presidentin e Francës: nuk ishte rezoluta e OKB-së që krijoi shtetin e Izraelit, por fitorja e arritur në luftën e pavarësisë, me gjakun e luftëtarëve heroikë, shumë prej të cilëve ishin të mbijetuar të Holokaustit…”, tha zyra e Netanyahut në një deklaratë.

Në bisedën telefonike mes dy liderëve, Netanyahu tha gjithashtu se ai kundërshtoi një “armëpushim të njëanshëm” në Liban sepse “nuk do të ndryshonte situatën e sigurisë”.

Janë dorëzuar në policinë e Tiranës motrat Antonela dhe Mariela Berisha, të shpallura në kërkim nga policia për dhunën ndaj Klea Prengës.

Motrat Berisha raportohet se kishin qëndruar për një kohë në Dubai, duke reaguar herë pas here mbi ngjarjen e rëndë.

Ato janë dorëzuar në Drejtorinë e Policisë së Tiranës, teksa në qeli është mbajtur vetëm Mariela Berisha, ndërsa Antonela është me masën “detyrim paraqitje”.

Klea Prenga u dhunua barbarisht nga motrat Berishaj teksa ishte duke darkuar në një restorant në kryeqytet mbrëmjen e 6 gushtit 2024.

Teksa ishte duke darkuar, motrat Berisha e kanë goditur me sende të forta, shishe qelqi, duke i shkaktuar dëmtime të konsiderueshme dhe çarje në fytyrë.

Dy motrat, Antonela dhe Mariela Berishaj akuzohen për plagosje të rëndë me dashje, kryer në bashkëpunim dhe rrezikojnë burg deri në 10 vjet. Fillimisht u dyshua se ato ishin larguar nga Shqipëria për në Dubai.

Shkak i dhunimit të Klea Prengës, dyshohet se është bërë lidhja e saj me ish-të dashurin e Mariela Berishës.

Njoftimi i Policisë:

Në vijim të njoftimit të dhënë më datë 09.08.2024, ku në një lokal te Kodra e Diellit, shtetaset A. B. dhe M. B. (motra) kanë goditur me shishe qelqi në fytyrë shtetasen K. P., ju njoftojmë se:

Sot më datë 16.10.2024, rreth orës 19:00, këto dy shtetase janë vetëdorëzuar në Drejtorinë Vendore të Policisë Tiranë.

Në vijim të veprimeve u bë ekzekutimi i vendimit penal të Prokurorisë pranë Gjykatës së Shkallës së Parë të Juridiksionit të Përgjithshëm Tiranë e cila ka caktuar masën e sigurimit personal “Arrest në burg”, në mungesë, ndaj shtetases M. B., dhe masën e sigurimit “Detyrimi për tu paraqitur në Policinë Gjyqësore” ndaj shtetases A. B.

Materialet i kaluan Prokurorisë.

Teksa po udhëtonte me parashutë mbi Piramidën e Madhe të Gizës, një burrë bëri një zbulim befasues.

Një qen ishte në majë të mrekullisë së lashtë. Sipas asaj që flitet, qeni po argëtohej duke i lehur zogjve. Por si arriti atje? Ka hipoteza të ndryshme, por pas saj fshihet një mister ende për t’u zgjidhur.

Video është shpërndarë në internet, duke marrë miliona shikime.

Megjithatë, shumë kanë treguar shqetësim duke u shprehur se qeni mund të jetë i lodhur dhe i etur. Ata kanë kërkuar që qeni të shpëtohet.

Dikur edhe turistët lejoheshin të ngjiteshin deri në majën e Piramidës së famshme, por Egjipti vendosi rregulla strikte dhe tashmë mund t’i dënojë me gjoba të rënda deri në burg.