Lajme Flesh

Përballjet e muajit nëntor do të jenë vendimtare për fatin e katër skuadrave në grupin B1 të Ligës së Kombeve.

Me 6 pikë në lojë gjithçka mund të ndodhë, me Republikën Çeke, Gjeorgjinë, Shqipërinë dhe Ukrainën që janë aty për të marrë maksimumin në 180 minutat e fundit.

Në letër askush nuk shihet i favorizuar, tablo që reflektohet nga rezultatet e katër ndeshjeve të para.

Kombëtarja e Sylvinhos ka grumbulluar 6 pikë në 4 ndeshjet e para, me dy fitore dhe po kaq humbje. Në favorin e kuqezinjtë do të jenë fakti që dy sfidat e mbetura do të luhen në “Air Albania” aty ku pritet një numër i lartë tifozësh.

Me 16 nëntor, kombëtarja jonë do të sfidojë kryesuesit aktual të grupit, Republikën Çeke. Përfaqësuese që në xhiron e parë të takimeve në Ligën e Kombeve pësuam humbje minimale 1-0. Këtë herë do synohet përsëritja e suksesit të një viti më parë, me shifrat e pastra 3-0.

Hendeku prej një pike zbehet në fushën e lojës, teksa rivaliteti për fitimin e grupit bëhet akoma dhe më i fortë.

Në krahun tjetër, Gjeorgjia e dyta me 6 pikë pret Ukrainën të fundit me 4 pikë. Rezultati i këtij 90 minutëshi pritet me mjaft interes në kampin kuqezi për të bërë më pas llogaritë e kualifikimit.

Akti i fundit i “Air Albania” do të zhvillohet mes kuqezinjve dhe Ukrainës. Rrugëtim që nisi pikërisht ndaj kësaj kombëtareje për Shqipërinë, që arriti të përmbys gjithçka në pjesën e parë për të marrë 3 pikëshin e parë në Ligën e Kombeve.

Shanset për ta mbyllur me 12 pikë janë reale për kombëtaren tonë, llogari që nëse përmbushen përkthehen në fitimin e grupit B1.

Objektiv që të ngjit një divizion më lart në Ligën e Kombeve, teksa të kualifikon në raundin play-off të Kupës së Botës 2026. Vendi i dytë të dërgon në play-off për tu ngjitur në Divizionin A, teksa pozicioni i tretë në play-out për të mos rënë në Divizionin C. Në këtë nivel të Ligës së Kombeve të dërgon vendi i katërt në grup.

“Koha për diplomacinë ka mbaruar”, tha ministri i jashtëm turk Hakan Fidan duke bërë thirrje për lëvizje për të vendosur “sanksione” të ashpra ndaj Izraelit nga komuniteti ndërkombëtar.

“Nuk na mbetet asgjë për të thënë diplomatikisht, politikisht…e kemi mbaruar. Ne kemi nevojë për mjete të tjera”, tha Fidan në një konferencë mbi të ardhmen e Palestinës në Ankara.

Kreu i diplomacisë turke tha se komuniteti ndërkombëtar duhet të marrë masa ligjore duke bojkotuar Izraelin, i cili nuk duhet të ketë më asnjë mbështetje në asnjë fushë.

“Përndryshe, Izraeli do të vazhdojë gjenocidin dhe masakrat e tij në Gaza, sepse për momentin nuk po paguan çmim ekonomik, politik apo ushtarak”, vuri në dukje Fidan, i cili gjatë kësaj konference shprehu shqetësimin se vëmendja e komunitetit ndërkombëtar po largohet nga Gaza, që kur kanë nisur sulmet izraelite në Liban.

Një mesazh të fortë Fidan e pati edhe për shtete që përkrahin Tel Avivin në avancimin e konfliktit, duke thënë: “Dhe ata që mbështesin Izraelin duhet gjithashtu të paguajnë çmimin, për të kuptuar se ka kufij për atë që ata po bëjnë”.

Sakaq, Turqia ndërpreu shumicën e lidhjeve ekonomike me Izraelin në pranverë, por një pjesë e opozitës akuzon qeverinë se vazhdon të furnizojë vendin me naftë bazuar në marrëveshjet e mëparshme.

Fidan po ashtu priti sot homologun e tij jordanez, Ayman Safadi, i cili shprehu keqardhjen e tij për atë që e cilësoi “paaftësinë e komunitetit ndërkombëtar”, pasi sipas tij zgjatja e luftës në Liban “po e shtyn rajonin drejt humnerës”.

Një sasi shiu që nuk është regjistruar prej dekadash ra në rajonin e Saharasë dhe la pasoja të mëdha për popullatën.

Reshjet e mëdha të shiut që kanë goditur rajonin e Saharasë kanë lënë pas laguna me ujë në mes të dunave të rërës, duke ushqyer disa nga rajonet më të thata të saj, shkruan AP.

Raportohet se në këtë zonë të thatë ra një sasi shiu që nuk ishte regjistruar me dekada.

Shkretëtira e Marokut juglindor është ndër vendet më të thata në botë dhe është e rrallë që kjo sasi shiu të bjerë afër fundit të verës.

Qeveria marokene tha se reshjet e shiut gjatë dy ditëve në shtator tejkaluan mesataret vjetore në disa zona që marrin më pak se 250 milimetra në vit, duke përfshirë Tata-n, një nga zonat më të goditura. Në Tagounite, një fshat rreth 450 kilometra në jug të kryeqytetit Rabat, u regjistruan më shumë se 100 milimetra në një periudhë 24-orëshe.

Stuhitë lanë imazhe të jashtëzakonshme të ujit që rrjedh nëpër rërën e Saharasë mes dunave dhe florës së shkretëtirës. Satelitët e NASA-s kanë treguar se uji po “ngutet” për të mbushur liqenin Iriki, një shtrat i famshëm liqenor midis Zagorës dhe Tata-s, i thatë prej 50 vitesh.

“Kanë kaluar 30 deri në 50 vjet që kur kemi pasur kaq shumë shi në një periudhë kaq të shkurtër kohore,” tha për Associated Press Hussine Youabeb, një zyrtar i agjencisë meteorologjike të Marokut.

Reshjet e mëdha ka të ngjarë të ndihmojnë në rimbushjen e oazit të madh nën shkretëtirë, ku komunitetet e shkretëtirës mbështeten për furnizimin me ujë. Rezervuarët e bllokuar në rajon raportuan rimbushje me ritme rekord gjatë shtatorit. Megjithatë, është e paqartë se sa do të shkojnë reshjet e shtatorit në drejtim të zbutjes së thatësirës.

Ylli Rakipi replikoi ashpër me nënkryetarin e PD, Agron Gjekmarkaj në studion e emisionit “Të Paekspozuarit’.

Rakipi e pyeti Gjekmarkajn se përse PD nuk flet për oligarkët, njëlloj si në kohën e Lulzim Bashës.

“Ke dëgjuar ti që këta vetëm emrin oligark thërrasin? Oligarkë, oligarkë dhe asnjë emër. Të kujtohet Edi Rama çfarë i thoshte Lulzim Bashës, 12 vjet kryetar i PD-së, Luli ngrije kokën! Çfarë do të flasësh për Çet Kastratin, Lulit i binte koka poshtë. Luli, çfarë ke për Zamirin? Brram, koka poshtë… Po pse pas kësaj kohe, çfarë thonë këta, çfarë emrash flasin? Nuk bëhet kështu opozita, i dashur, se të kuptojnë të gjithë dhe ta varin teneqen. Po ju bëni çfarë të doni“, i tha Rakipi. 

Më pas debati mori tone më personale. Gazetari i kujtoi se ka patur qëndrim krejt tjetër për Sali Berishën por tani flet mirë për të pasi “kërkon vota aty”. Gjekmarkaj deklaroi se edhe Rakipi ka qëndrime të ndryshme. 

Ylli Rakipi: Nuk ke lënë gjë pa thënë për Sali Berishën tani do disa vota atje. Mund të të nxjerr videon. 

Agron Gjekmarkaj: Ti ke ndryshuar disa herë i dashur në këto 34 vite.

Ylli Rakipi: Çfarë kam ndryshuar unë?

Agron Gjekmarkaj: Ke ndryshuar pozicione, qëndrime.

Ylli Rakipi: Çfarë pozicioni kam patur unë?

Agron Gjekmarkaj: Si gazetar.

Ylli Rakipi: Ja ta them unë. Unë kam patur një gazetë. Që ta dëgjojë edhe populli shqiptar. E mbylla për pjesën e partizanllëkut me ju. Jo me ty se ti ishe në pelena në atë kohë. 

Agron Gjekmarkaj: Kam shkruar edhe te gazeta jote.

Ylli Rakipi: Ke shkruar. Staf i mirë, i bukur ishte, por jo më shumë për gazetën dhe për këtë arsye e mbylla. Tani bëj një program, por e bëj ashtu siç e mendoj unë, në liri. 

Agron Gjekmarkaj: Ke qëndrime herë pas here të ndryshme.

Ylli Rakipi: Po, po. Po çfarë tani të vij aty poshtë ballkonit edhe unë, me ata 40 veta që rrinë poshtë ballkonit? 

Agron Gjekmarkaj: Liria nuk është vetëm këndvështrimi juaj për të, është përtej nesh.

Ylli Rakipi: Po kush s’po të respekton lirinë ty? Unë kam një orë e ca që të kam thirrur dhe po flet. Dhe të paktën turp si pedagog, nuk më ke thënë gjë, jo si..

Neritan Sejamini: Po ai është politikan.

Ylli Rakipi: Po çfarë politikani? Ai s’më ka thënë një gjë të më mbetet në mendje.

Agron Gjekmarkaj: Po ça të them tani? Të mbush mendjen ty, s’është faji im.

Ylli Rakipi: Ore ti më thua mua që doli nga shinat mosbindja civile dhe u bë e madhe. Po këtë duhet të të vijë turp kur e thua.

Agron Gjekmarkaj: Turpin  e mbaj vetë.

Alexandra Censori, nëna e Bianca Censorit, ka reaguar pas akuzave të ish-asistentës së Kanye West, Lauren Pisciotta, e cila pretendon se reperi dëshironte të kishte një marrëdhënie intime me të.

Në një prononcim për Daily Mail, Alexandra shprehu dëshirën për privatësi dhe tha se nuk do të përfshihet në këtë skandal.

Reagimi i saj vjen pas padisë së Pisciotta-s, e cila akuzon Kanye-n se e drogoi dhe kreu një akt seksual gjatë një feste të bashkë-organizuar nga Diddy. Ajo gjithashtu pretendon se reperi i dërgoi një mesazh duke thënë:

Dua të kryej marrëdhënie me mamanë tënde, para se ajo të largohet.

Pisciotta po ashtu akuzon Kanye-n për krijimin e një ambienti armiqësor në punë dhe për shkarkimin e saj të padrejtë. Reperi, nga ana e tij, mohon këto akuzat dhe deklaron se do të ngrejë një padi ndaj Pisciotta-s, duke theksuar se ajo e shantazhoi dhe vodhi telefonin e tij për të shkatërruar prova.

Kanye West dhe Bianca Censori u martuan në dhjetor 2022, vetëm një muaj pas përfundimit të divorci nga Kim Kardashian, me të cilën ka katër fëmijë: North, Saint, Chicago dhe Psalm.

Fitorja e Kombëtares mbrëmë në Gjeorgji ka dhënë efektin e saj.

Kështu “Air Albania” po shkon drejt “sold out” për ndeshjet e nëntorit, që Shqipëria do të luajë me Çekinë dhe Ukrainën.

Ka mbetur dhe 1 muaj, por tashmë janë më pak se 1 mijë bileta në dispozicion për ndeshjen e parë kundër Çekisë, më 16 nëntor.

Sfida tjetër me Ukrainën luhet më 19 nëntor, teksa aty ka më tepër bileta në dispozicion.

Të dyja takimet do të luhen në orën 20:45 dhe mbyllin rrugëtimin në Ligën e Kombeve.

Prej kohësh biletat shiten vetëm “online” dhe duhet thënë se “sold out” është kthyer në traditë.

Sara Gjordeni dhe bashkëshorti i saj, këngëtari Bardhi aktualisht ndodhen për vizitë në Prishtinë.

Çifti i njohur i “showbizit” duket se po kalojnë ditë të lumtura krah njëri- tjetrit, teksa shumë shpejt edhe do të bëhen prindër për herë të parë.

Është Sara ajo e cila sot ka publikuar një foto të saj ku shfaqet pa grim teksa shkruan “e fryrë si petull”, pasi sa është zgjuar.

Sara njihet për sinqeritetin e saj, shpesh herë duke rrëfyer pa u rezervuar edhe për çështje personale si ajo me babain e saj të ndjerë dhe për problemet e fundit të Bardhit.

Sara dhe Bardhi u njohën brenda Big Brother Vip Albania, në edicionin e fundit.

Një rast i pazakontë ka ndodhur sot në rubrikën “Pa Filtra” në E Diell.

Briselda nga Mallakastra erdhi e prekur në studio.

Dy javë më parë ajo u celebrua me një djalë më të vogël në moshë se ajo, e pasi e ekspozoi martesën në rrjetet sociale shumë komentuese e kanë paragjykuar, madje dhe disa e kanë mallkuar në mënyra të ndryshme.

Opinionistët e “Pa Filtra” e këshilluan të mos ndahet, madje dhe zonjat në publik ishin kundër ndarjes.

A ja doli “Pa Filtra” të mos prish këtë martesë?

Ish-gardisti Paro Laçi, një nga njerëzit më të afërt të Berishës, i ftuar në një emision televiziv tregon ngjarje të pazbardhura më parë, të ndodhura në vitin e mbrapshtë të 1997.

Paro Laçi thotë se Sali Berisha kishte planifikuar vrasjen e kryeministrit të asaj kohe, Bashkim Finos.

Për një emision televiziv, Paro Laçi thotë se nëse Bashkim Fino do të futej në Shkodër, ,e urdhër të Sali Berishës ishte planifikuar vrasja e tij.

“Berisha ka dhënë urdhër, kam qenë në Kurbin, nëse Bashkim Fino do hynte në Shkodër do ekzekutohej. Ka qenë një plan i mirëfilltë. U dha urdhri i Berishës, nëse do tentonte dhe do kalohej Bushati. Në Mamurras ka tentuar të vrasë Fatos Nanon, ka qenë i shoqëruar me grup të madh njerëzish. Flasim për ‘97. Bashkim Fino ka qenë plan i mirëfilltë. Të dalin çunat Bushatit dhe të pranojnë urdhrat e Berishës me djeg Laçin, kanë vdekur njerëz në ‘91. Janë gjithë këto krime që rëndojnë mbi Berishën”, tha Paro Laçi.

Koreografi i njohur Ilir Shaqiri, ka folur për marrëdhënien që ka me të bijën po ashtu edhe me të dashurin e saj që shpesh ajo vetë e poston në “TikTok.”

Teksa ka treguar për romanin të cilin vajza e tij ka botuar së fundmi dhe ai nuk e ka lexuar ende, ai ka përmendur dhe raportin që ka me të partnerin e saj.

Ai është shprehur se në momentin e parë që Emily i ka treguar se ka një të dashur, ai i ka thënë ta sjell në shtëpi.

“E takova Emily-n, e shikoja që rrinte pak shtrëngueshëm. I thashë ke ndonjë gjë për të më thënë, si është puna?. Më tha jo. Bëmë dhe dy shkallë të tjera dhe i them zbraze se po e kuptoj se do të më thuash diçka. Jam njohur me një djalë, pëlqej një djalë. Unë ‘kush është ky? . I thashë që t’a sillte në shtëpi dhe ajo nuk e priste këtë. Më mirë t’a njoh më shpejt se sa më vonë,” tha Iliri.

Ndër të tjera ai shtoi se ka bërë një hap tjetër duke e ftuar djalin për pushime në Siçili duke udhëtuar 8 orë vetëm për vetëm.

“Gjëja e dytë superlative që kam bërë dhe jam krenar për këtë, kur do iknim në Siçili për Pashkë, kishim 1 javë pushime, i thashë që të vinte me ne. E di pse e mora me vete? Erdhi momenti i biletave, ne jemi me qen dhe mace. Makina nuk i merr të gjithë, unë e dija këtë. Ju thashë Emily-t dhe Emanuelës që të iknin me tren dhe të merrnin macet. Kurse unë, qeni dhe ky tjetri, po marrim makinën dhe po bëjmë 8 orë rrugë. Në makinë me një person njihesh në rrugë të gjata. 8 orë filloi një muhabet shumë i këndshëm. Kuptova atë që është ai djalë dhe vlerësova tipin sportiv, pjesëmarrës. E sprovoja në ca gjëra,” u shpreh fituesi i Big Brother Vip ne “Wake Up”.

Ilir Shaqiri ka treguar shpesh herë si brenda dhe jashtë shtëpisë së “BBVIP”, marrëdhënien e ngushtë që ka me vajzën e tij, Emily. Disa vite më parë, para se të kishte një lidhje romantike bukuroshja realizoi në profilin e saj në Instagram një ‘ask me question’ me ndjekësit e saj ku i drejtuan pyetje nga më të ndryshmet.

Dhe me këtë rast Emily gjeti momentin e duhur që të bëjë ‘shaka’ me balerinin, një shaka që ia ‘ngriu’ zemrën atij.

“A je single”- e pyet një ndjekës ndërsa balerina është përgjigjur: “Jo jam në një lidhje”, dhe menjëherë kthen kameran nga ish-fituesi i “BBVIP” që menjëherë reagon dhe e pyet me kë.

Më pas ajo e kthen telefonin nga macja dhe thotë: “Me të”, duke shkaktuar qeshura mes tyre. Ndërsa balerini e ka ripostuar videon dhe krahas saj shkruan: “Ai momenti kur qesh nga halli”.

Kujtojmë se Shaqiri ka treguar më parë edhe një moment të “sikletshëm” me vajzën e tij ku i tregoi se pëlqente një djalë. Balerini u shpreh se në ato momente ishte ngrënë saqë dhe ushqimi i ngeci në fyt.

“Në drekë tha, babi dua të të them diçka. Dhe unë siç isha duke ngrënë bukë, hë?! Hera e parë që vajza më thotë që më pëlqen një djalë. Thash se më plasi zemra. Ç’janë këto i thashë po vazhdo e ha bukë. Më ngeci kallamari në fyt. Po pse më tha s’kam të drejtë të më pëlqejë një djalë. Ç’ke pëlqe babin ti. Pastaj e përtypa kallamarin edhe pas 10 minutash e pyeta kush është ky tipi,”-tregoi ai.

Kujtojmë se Emily është vajza e vetme e Ilir Shaqirit dhe bashkëshortes së tij, aktores italiane, Emanuela Morini. Ndonëse në moshë të vogël, Emily ka ndjekur hapat e prindërve të saj si balerinë, aktore dhe këngëtare pasi ka publikuar disa këngë. Sakaq, Iliri ka treguar gjatë “Big Brother VIP” se ai dhe bashkëshortja e tij kanë dëshirë të kenë edhe një fëmijë tjetër.