Lajme Flesh

Një modele e njohur dhe shoqja e saj janë zhdukur në det pasi barka e shpejtësisë që po i sillte në breg nga festa në jahtin e luksit, u përmbys dje në brigjet e Sao Vicente në Brazil.

Policia konfirmonte se Aline Tamara Moreira, 37 vjeçe dhe Beatriz Tavares da Silva Faria 27 vjeçe, ishin në barkë kur ndodhi aksidenti dhe se po kërkojnë dy vajzat e zhdukura.

Disa minuta para tragjedisë Aline postonte në rrjet imazhe të vetes në jahtin e luksit, së bashku me mikeshat e saj.

Aline shihej veshur me blu duke shikuar nga kamera, bashkë me dy shoqe të saj.

Vëllai i saj Anderson Carlos Moreira de Amorim, konfirmoi se Aline nuk di not.

Të mbijetuarit thanë se festa në jaht ishte në kulmin e saj kur disa vajza e djem vendosën të largoheshin, por barka që erdhi t’i merrte tragjikisht ishte përmbysur, në dukje nga deti i keq, shkruan rrjeti Daily Mail.

Katër persona, dy vajza e dy djem u shpëtuan dhe iu dha ndihma.

Ato kishin plagosje nga përplasja e barkës me shkëmbinjtë që erdhi si pasojë e detit të keq.

Nilce Aparecida Silva, banore vendase dhe kushërirë të humburës Beatriz lutej në Facebook që vajza të gjendej e gjallë.

“Bia është kushërira dhe kumbara ime, ajo e adhuron detin dhe ne lutemi që të gjendet gjallë”.

E mbijetuara  Camila Alves, 20 vjeçe, dha në rrjetet sociale detaje të incidentit.

“Gjatë lundrimit një valë e madhe na përmbysi barkën. Kishim vetëm tre jelekë shpëtimi, i morëm ato dhe po luftonim për jetën. Asnjë nga vajzat nuk dinte not”.

Ajo nxiste publikun të lutej që vajzat të gjenden shëndoshë e mirë.

Zona e rrezikshme ku ndodhi aksidenti është pranë ishullit Porchat në Sao Vicente dhe tërheq surfistë prej valëve të mëdha të oqeanit, por fsheh rreziqe prej rrymave të forta që shfaqen periodikisht./Daily Mail

Forcat e Mbrojtjes të Izraelit kanë njoftuar se shtatë ushtarë të saj janë vrarë në një seri përleshjesh me Hezbollahun në Libanin jugor të mërkurën.

Vdekjet shënojnë viktimat e para në një numër kaq të lartë të IDF-së që kur Izraeli filloi inkursionin e tij tokësor në Liban në fillim të kësaj jave. Më herët, IDF tha se një tjetër ushtar kishte vdekur gjatë aksionit, duke e çuar numrin total të të vdekurve në tetë.

Ushtarët e vrarë përfshijnë katër anëtarë të një njësie komando, dy anëtarë të një njësie zbulimi dhe një anëtar të korpusit inxhinierik.

Komandot u vranë të gjithë gjatë një beteje me armë me operativët e Hezbollahut në një fshat të Libanit jugor, sipas një raporti në Times of Israel. Në këtë incident mbetën të plagosur rëndë pesë ushtarë të tjerë.

Hezbollah më herët të mërkurën pretendoi se kishte vrarë një “numër të madh” ushtarësh izraelitë gjatë disa prej përleshjeve të para të drejtpërdrejta midis dy palëve që nga fillimi i operacionit izraelit të hënën në mbrëmje.

Inkursioni tokësor në Libanin jugor është më i madhi i Izraelit që kur luftoi në vitin 2006 kundër Hezbollahut.

Plot 120 persona kanë ngritu akuza të reja për reperin Sean Diddy Combs, duke pretenduar për abuzim seksual dhe drogim të tyre nga Diddy apo persona të tjerë pranë tij.

Avokati i tyre ka pretenduar sot në një konferencë për mediat, se 120 persona, djem dhe vajza kanë bashkuar akuzat dhe do të përfaqësohen prej tij në një prej çështjeve më të mëdha të këtij lloji.

Avokati Tony Buzbee tha se është i vendosur ta ndjekë çështjen deri në fund, për përfaqësimin e viktimave të dyshuara të rrjetit të trafikut dhe të abuzimit nga reperi Diddy.

Ai tha se 60 viktima janë meshkuj dhe 60 femra, dhe më i riu në moshë ka qenë 9 vjeç kur pretendon se është abuzuar.

Ngjarjet e pretenduara kanë ndodhur prej vitit 1991 deri në vitet e fundit.

Avokati tha se në shumë raste, viktimave u është dhënë një pije me kimikate qetësuese, dhe pas efektit, personat i kanë abuzuar, shpesh më shumë se një person, ndërsa të tjerë kanë qëndruar për të parë atë skenë. në fund, viktima është përmendur duke e gjetur veten të dhunuar, të poshtërruar e turpëruar.

Viktimat shpesh janë kërcënuar pas kësaj, ose u janë ofruar shuma paras për të “mbyllur gojën”.

Diddy gjendet aktualisht pas hekurave me akuzat e ngritura nga FBI-ja, për shantazh, trafikim të qenieve njerëzore dhe prostitucion.

Avokati 120 viktimave të reja tha se 25 prej tyre ishin minorenë kur u abuzuan nga Diddy dhe rrjeti i tij.

Ai tha se persona të tjerë të famshëm ishin në dijeni dhe nuk vepruan, por ka edhe raste kur ishin përfshirë vetë. Emrat e tyre, tha avokati do të publikohen kur të jetë ligjërisht e mundshme.

Ministria e Mbrojtjes e Shqipërisë i është përgjigjur menjëherë kërkesës së autoriteteve greke për ndihmë në shuarjen e zjarreve, që vijojnë prej tre ditësh në Xilocastro, Peloponez.

Nën koordinimin e Agjencisë së Mbrojtjes Civile dhe Mekanizmit Evropian të Mbrojtjes Civile, në operacionet për shuarjen e zjarreve në Greqi do të angazhohen 30 zjarrfikës dhe 5 automjete zjarrfikëse nga Shqipëria.

Efektivët zjarrfikës nga Shqipëria do të angazhohen në bazë të nevojave të paraqitura nga vendi fqinj dhe do të qëndrojnë aty deri në stabilizimin e situatës. Shqipëria, si anëtare e Mekanizmit Evropian të Mbrojtjes Civile është përherë e gatshme të ndihmojë aleatët dhe partnerët e saj në raste e fatkeqësive natyrore.

Një grua nga Brazili qe u trajnua si oficere policie për të kapur vrasësin e babait të saj, më në fund arriti ta përmbushë premtimin e saj pas 25 vitesh pritjeje.

Gislayne Silva de Deus, ishte vetëm nëntë vjeç kur babai i saj, Givaldo, u vra për shkak të një borxhi prej 66 dollarësh. Ajo i kishte premtuar vetes se do ta gjente autorin dhe do të vendoste drejtësi për vrasjen e babait të saj.

Në vitin 1999, vrasësi, Raimundo Gomes, qëlloi Givaldo-n me një plumb në kokë pas një debati në një bar dhe u arratis. Pavarësisht përpjekjeve të shumta për ta gjetur, Gomes nuk u arrestua dhe çështja e tij u arkivua. Por, për vajzën e të Givaldo-s, e cila ishte më e madhja nga pesë motra, kjo çështje nuk ishte mbyllur kurrë.

Me vendosmërinë për të bërë drejtësi për familjen e saj, Gislayne studioi për drejtësi dhe më vonë u bë oficere policie në vitin 2023. Pasi iu bashkua policisë, ajo kërkoi që të caktohej në seksionin e vrasjeve për të zbuluar vrasësin e babait të saj.

Pas një kërkimi të gjatë, më në fund në shtator 2024, Gislayne dhe ekipi i saj arritën të gjejnë dhe arrestojnë Gomes në Boa Vista, një qytet në veri të Brazilit, në shtetin Roraima. Duke e parë përballë për herë të parë, Gislayne, tani 36 vjeç, i tha Gomes: “Prej meje je këtu dhe tani do të paguash për atë që ke bërë.”

Për Gislayne dhe familjen e saj, ky moment ishte çlirues. “Me arrestimin e tij, kam pastruar shpirtin tim dhe atë të gjithë familjes sime. Sot kemi paqe dhe ndjesinë që më në fund u bë drejtësi.”

Gislayne rrëfeu për mediat braziliane se kur pa Gomes-in me pranga, nuk mundi të përmbante lotët. “Ishte një shpërthim ndjenjash që u kthyen në lot çlirimi, pasi dukej sikur kjo ditë nuk do të vinte kurrë,” tha ajo.

Historia e saj është një shembull i jashtëzakonshëm i vendosmërisë dhe forcës për të kërkuar drejtësi për të dashurit e humbur, duke treguar që ndjekja e së drejtës mund të zgjasë, por në fund vjen me triumfin e drejtësisë.

Imami Ilir Curri ka rrëfyer një histori interesante të një momenti ekzorcizmi. I ftuar në Vizion Plus, Curri ka treguar bisedën mes një hoxhe dhe një xhindi.

Imami tha se në momentin kur hoxha i kërkoi xhindit të largohej nga trupi i njeriut, ai e lejoi, por xhindi nuk mundi të futej për shkak të besimit të madh që hoxha kishte te Zoti.

Pjesë nga biseda:

Borakaj: Hoxhallarët ndikohen vetë personalisht?

Curri: Gjatë procesit të Rukijes njeriu reagon, por nuk është personi që flet, por xhindi. Në një rast Xhindi i thotë Hoxhës më lër të futem te ty, dhe Hoxha i thotë ti do dalësh ose do digjesh. Xhindi i kërkon të futet në trup, hoxha i thotë futu. Të pranishmit i thonë jo, se pastaj kush do të këndojë ty.

Borakaj: E çfarë ndodhi?

Curri: Atëherë Hoxha e dëgjon duke qarë pasi ai i thotë se se ti ke përmendur 100 herë Zotin.

Vetëm pak muaj na ndajnë nga zgjedhjet parlamentare dhe duket se është krijuar një parti e re.

Bëhet fjalë për partinë “Aleanca Kombëtare Shqiptare”, e cila është themeluar nga Inida Gjata, e njohur me emrin e artit “Zhaku” dhe historiania Elena Kocaqi.

Më shumë detaje për projektin e saj ka dhënë vetë Gjata, në një intervistë të dhënë për emisionin ‘Studio Live’.

Edhe pse nga Gjermania, ku jeton prej vitesh me partnerin e saj, Irida “shpalosi” planin e partisë së saj, por gjithashtu sulmoi partitë e vjetra.

Ndër të tjera ajo u shpreh e sigurt se partia e re do të bëjë revolucion dhe do të ketë një fitore të sigurt në zgjedhje.

Duke qenë e qartë në qëllimet e saj, ka vendosur edhe rikthimin e saj në Shqipëri për t’ju dedikuar politikës me kohë të plotë.

“Mjafton të shohësh si vijojnë me të njëjtën retorik dhe se si shahen me njëri –tjetrin këta të opozitës, janë të degraduar si Berisha, Meta. E gjithë kjo klasë politike e kalbur ka shkatërruar shpresat dhe besimin tek shqiptarët dhe tek ata të diasporës. E kanë trajtuar vendin si ta kenë të trashëguar nga babai. Ne do të fitojmë në mënyrë spektakolare. Këta e kanë lakun në fyt, sepse janë shkatërrimtar, kriminelë, kanë shkatërruar çdo gjë. Shih njerëzit që kanë ata përreth, janë njerëz pa ide. Ne do të bëjmë revolucion. Ne se kemi betejën me partitë e vogla, ata kanë rrugëtimin e tyre nuk do kenë ne do të zgjedhim hallet e popullit. Ne e kemi filluar mbledhjen e firmave, që kur vendosëm që ta bëjmë bashkë këtë, na u bashkuan shumë personalitete, Elena kishte kohë që e kishte nisur mbledhjen e firmave dhe njerëzit prisnin që të vinte momenti i duhur. Firmat i kemi mbledhur, por duam që të kemi mbi numrin e kërkuar dhe jemi duke kontaktuar me aktivist dhe me njerëz që duan të na mbështesin dhe me shqiptar që janë gati që të vijnë që të votojnë. Po do të rikthehem. Ne jemi duke u organizuar në një mënyrë tepër efektive, ka shumë fryte ky organizim dhe do të kthehemi me intelektual dhe njerëz që e duan vendin. Unë vet këtë dua që të realizojë këtë projekt”, tha ajo.

Por kush është “Zhaku”?

Inida Gjata nuk është një emër i panjohur për publikun shqiptar. Zhaku, dikur pjesë e mediave dhe portaleve për reagimet dhe mendimet e saj ndryshe, prej pak vitesh jeton në Gjermani së bashku me bashkëshortin e saj.

Ishte viti 2017, kur Zhaku ndau me publikun lajmin se ajo dhe partneri gjerman ishin martuar, ndonëse postimet e çiftit në rrjetet sociale janë të rralla e të pakta.

E në mesin e postimeve të punës e të përditshmërisë, në fund të vitit 2019 u vu re një detaj në “Facebook”-un e artistes, që ngriti dyshimet se ajo mund t’i ketë dhënë fund martesës.

Por vetë zbuloi se një ndarje kishte pasur, por dyshja ishin kthyer sërish bashkë.

Madje, sipas saj, ngjarja ka qenë një gjë pozitive pasi tanimë e ka forcuar akoma më shumë raportin e tyre në çift. Të dy, kanë sjellë në jetë një djalë që e kanë pagëzuar me emrin Amon.
“Kisha nevojë të shihja veten time pa Kristjanin.

Nisa një master, u mora me veten time. Kisha një shtëpi me kopësht dhe u kujdesa për të e pija kafen aty. Ne takoheshim njëherë në disa muaj, flisnim por më rralë. Kishim kontakt, kishte momente që mesa duket fillonin plagët e vjetra. Kishte gjëra që mes nesh duheshin sqaruar.

Ne kemi 11 vite bashkë, dhe kemi një histori shumë të bukur bashkë. Nuk e krahasoj dot asnjë mashkull me Kristjanin.

Derisa kur u diksutua përfundimisht divorci kuptuam se ajo që ndodhte mes nesh ishte si të të hiqnin një pjesë nga shpirti dhe se nuk mundeshim dot. Na iku truri, na iku petulla Bieta. Ishte Kristjani që mori avionin,” tregonte Zhaku disa vite më parë në një intervistë.

Me Dakar, ajo në fillim qëndroi e lidhur në Shqipëri dhe pastaj u vendosën si çift në Gjermani. Ata ishin edhe bashkëpunëtorë, duke realizuar produksione muzikore si kënga “E paparaparë”, e publikuar në vitin 2012. Më herët, ajo kishte publikuar edhe vetë një këngë, “Censura”, e sipas titullit, sigurisht që teksti ka disa terma “+18”.

Një fanse i ka kërkuar Angelina Joliet firmosjen e një posteri të filmit “Mr. & Mrs. Smith” në të cilin luante përkrah ish-bashkëshortit të saj, aktorit Brad Pitt.

Jolie e mori atë në mënyrë stoike, duke u përpjekur të mos shikonte pjesën e posterit me fytyrën e Pittit mbi të.

Siç e dimë, filmi “Mr. & Mrs. Smith” u shfaq në vitin 2005, kur Pitt finalizoi divorcin e tij nga aktorja Jennifer Aniston.

Në martesën e tyre ata kishin gjashtë fëmijë, tre prej të cilëve i birësuan.

Vajza të huaja të moshave dhe profileve të ndryshme ushtrojnë prostitucion lirisht në çdo qytet të vendit.

Mjafton të hysh në një link në internet i quajtur “Shkodra escort”, aty gjen numrin e eskortave në çdo qytete, foto dhe numra sesi mund të lidhesh me to dhe pastaj t’i takosh.

Po në këtë faqe janë edhe të dhënat për numrin e eskortave në çdo qytet.

Në krye të listës qëndron Tirana me rreth 1200 eskorta , ndërkohë vendin e fundit e mban Korça me 1 të tillë.

Në investigimin e tyre gazetarët e Fiksit sollën takime  dhe biseda me vajzat e huaja të cilat tregonin vendet nga vinin dhe çdo gjë tjetër këtu.

Takimin e parë Fiksi e bëri me një vajzë 24 vjeçare që prezantohet si latine dhe prej kohësh ushtronte prostitucion në qytetin e Shkodrës. Komunikimi me bashkëpunëtorin e Fiksit bëhen në gjuhën shqipe dhe me atë të aplikacionit Whatsapp.

 Aty i dërgon edhe vendndodhjen si dhe listën e pagesës për shërbimet që ofronte. Ndërkohë  në takimin e ‘klientit’ me prostitutën , kjo e fundit nuk dinte asnjë fjalë shqip.

Prostitucionin e kryente në një banesë dhe menjëherë sapo bashkëpunëtori i Fiksit hyri iu morë pagesa prej 200 eurosh ora. Nëse ai do të kërkonte shërbime ekstra, ato kishin pagesë tjetër plus.

Më pas vajza e fton të shkojnë në një dhomë, ku i shpjegon bashkëpunëtorit të Fiksit se nuk di shqip, shkruan Fiks Fare.

Ajo që të bie në sy është veprimet dhe shenjat që ajo bën karshi tij, për t’i treguar që monitorohen.

Takimi i dytë që solli Fiksi në investigimin e tij u bë në Tiranë. Aty ku lulëzon tregu i prostitucionit. Edhe kjo eskortë  30 vjeçare komunikoi me anë të mesazheve në Whatsapp si dhe aty dërgoi vendndodhjen e saj dhe priti klientin e radhës. Ajo në internet ishte prezantuar si japoneze, por kur bashkëpunëtori i Fiksit e takoi i pohoi se ishte gjysmë malajziane dhe ruse. Ndërkohë që në profilin e saj kishte vendosur një foto tjetër, nuk ishte vetë personalisht.

Biseda me të ishte më e gjatë dhe më e lirshme. Ajo tregoi se në Shqipëri e solli një shoqe dhe se e di dhe njeh plot të huaja në vendin tonë që ushtrojnë prostitucion.  Madje në apartamentin që kishin si strehë ishin edhe dy vajza të tjera nga Kina. Tregon se ka një menaxhere e cila i gjen klientët, flet me ta në shqip dhe i merr edhe gjysmën e pagesës.  Ajo e fton bashkëpunëtorin e Fiksit që të shkojë sërish  dhe të takohet më vajzat kineze. Gjithmonë komunikimi thekson ajo të behët me menaxheren.

Në të dyja rastet që Fiks Fare solli, u komunikua me vajzat me numër shqiptarë, i cili ishte publikuar poshtë fotos së tyre në linkun e internetit. Edhe pse ato janë të huaja dhe nuk dinë shqip, komunikimi me klientët bëhet në shqip.

Një shqiptar sot pritet që të jetojë mesatarisht rreth 80 vjeç, sipas të dhënave të Kombeve të Bashkuara. Femrat jetojnë pak më gjatë, në rreth 81 vjeç, sipas INSTAT, ndërsa meshkujt rreth 77.3 vjeç.

Në 2023, shqiptarët kanë jetuar më gjatë se asnjëherë tjetër, në 79.6 vjeç, pas një ndikimi afatshkurtër që pati pandemia, kur pritjet për jetëgjatësinë u shkurtuan me rreth dy vite për shkak të efektit që dha Covid në shëndetin e popullatës.

Të dhënat historike të Kombeve të Bashkuara bëjnë të ditur se gjatë viteve të tranzicionit, ndonëse jetëgjatësia është rritur gradualisht nuk është shënuar ndonjë ndryshim i dukshëm.

Që nga viti 1990, jetëgjatësia e pritshme në lindje është rritur me 6.3 vjet. Në fillim të tranzicionit, mesatarisht një banor në Shqipëri pritej që të jetonte 72.7 vjeç.

Ndryshimi më i madh është bërë në dekadat 60-90. Në Shqipëri, sipas Kombeve të Bashkuara, në vitin 1950, kur raportohet e dhëna më e hershme, pritshmëria për të jetuar ishte vetëm 44.5 vjeç.

Në vitin 1970, jetëgjatësia ishte rritur ne 65.2 vjeç, në vitin 1980 në gati 70 vjeç dhe në 1990 arriti në 72.7 vjeç.

Rritja e jetëgjatësisë pas viteve 1950 ka qenë një tendencë globale. Sipas Worldindata, ulja e madhe e vdekshmërisë së fëmijëve ka luajtur një rol të rëndësishëm në rritjen e jetëgjatësisë. Por jetëgjatësia është rritur në të gjitha moshat. Foshnjat, fëmijët, të rriturit dhe të moshuarit kanë më pak gjasa të vdesin se në të kaluarën dhe vdekja po vonohet.

Ky ndryshim i jashtëzakonshëm rezulton nga përparimet në mjekësi, shëndetin publik dhe standardet e jetesës. Bashkë me të janë thyer edhe shumë parashikime të ‘kufirit’ të jetëgjatësisë.

Në Europë, sipas Eurostat, Shqipëria renditet në vend të 22 për nga jetëgjatësia. Vendet që e kanë këtë tregues më të larta janë Zvicra (83.7), Spanja (83.2), Suedia (83.1) dhe më të ulëtin Rumani dhe Bullgaria në pak më pak se 75 vjeç.