Lajmet e Fundit
Sot, më 7 gusht 2024, dollari amerikan, blihet me 91 lekë dhe shitet me 92.1 lekë.
Euro, blihet me 99.7 lekë dhe shitet 100.4 lekë.
Franga zvicerane, këmbehet në blerje me 106.2 lekë, ndërsa në shitje me 107.4 lekë.
Paundi britanik, blihet me 115.5 lekë dhe shitet me 117 lekë.
Dollari kanadez, sot në blerje këmbehet me 65.7 lekë, ndërsa në shitje me 67 lekë.
Më poshtë, po sjellim të dhënat e këmbimin valutor, për të gjitha monedhat e huaja:
Arrestohet Noizy dhe Dj Crax, pasi ishin shpallur në kërkim për një sherr masiv në Pejë. Policia e Kosovë para disa dite kërkoi ndihmën e qytetarëve pë kapjen e Noizyt.
Reperi u arrestua në Shëngjin, së bashku me Dj-in e tij, DJ Crax. Ata u arrestuan nga Euro Fast Shqipëria pasi Kosova lëshojë urdhër arrest për ta.
Këngëtari dhe DJ i tij u kërkuan nga autoritetet kosovare pas sherrit të ndodhur në Pejë, në përfundim të koncertit të tyre, ku tiktokeri Medi Iseni u rrah brutalisht.
Kujtojmë se dje Policia e Kosovës ka kërkuar ndihmën e qytetarëve në mënyrë që të arrestojë reperin e njohur Stresi, emri i vërtetë i të cilit është Arkimed Lushaj. Sipas policisë së Kosovës, Stresi është i kërkuar për veprën penale: “Ndihma” nё kryerjen e “Lёndim i rёndё trupor”.
Vetë ai është shprehur se nuk ka pasur të bëjë me dhunën e ushtruar ndaj personazhit të njohur si Medi Iseni, por përkundrazi, ka ndërhyrë për të mos lejuar që të ketë dhunë.
Njoftimi i Policisë së Kosovës:
Kërkesë për bashkëpunim
Pejë, 06 gusht 2024
Policia e Kosovës – Drejtoria Rajonale e Policisë në Pejë, bazuar në ligj për publikimin e fotos me shënime tjera të personit të kërkuar më autorizimin e Prokurorisë themelore nё Pejё, me qëllim lokalizimin dhe rrjedhimisht arrestimin e tij, lëshon: Kërkesë për bashkëpunim me qytetarët.
Personi i kërkuar është:
• Arkimed (Sali) LUSHAJ i lindur me 15.06.1987 nё Bajram Curr- Shqipёri.
I pandehuri është i kërkuar për veprën penale:
“Ndihma” nё kryerjen e veprës penale “Lёndim i rёndё trupor”
Policia e Kosovës kërkon nga qytetarët e Republikës së Kosovës që kushdo që ka informacion për vendndodhjen e personit të dyshuar në foton e bashkangjitur, të lajmërojë Policinë e Kosovës apo të lajmërohet në stacionin më të afërt policor.
Numrat e telefonit dhe adresat elektronike kontaktuese për të kontaktuar Policinë e Kosovës:
– 192 dhe 080019999 (pa pagesë)
– 039 432 327-Drejtoria Rajonale Pejë
– E-mail adresa: info@kosovopolice.com
(BalkanWeb)
Dashi
Parashikohet në ditë e cila do ju shohë mjaft të tensionuar. Mundohuni që të merrni më shumë kohë që t’iu përkushtoheni disa ndryshimeve ose zgjedhjeve në vendin e punës. Mos lejoni që të ndikoheni nga ankthi i të tjerëve. Në dashuri, duhet të jeni romantik.
Demi
Më në fund do të viheni në provë lidhur me një rrugëtim që keni zgjedhur në të kaluarën. Ky është një moment i rëndësishëm transformimi, i cili do ju bëjë më shumë krenarë për veten tuaj.
Binjakët
Do të jeni në qendër të vëmendjes por nuk do ju vijë keq për këtë gjë, sidomos nëse gjatë ditëve të fundit jeni ndjerë të lënë pas dore. Në dashuri, ka disa vendime të cilat duhen marrë së bashku me partnerin/en.
Gaforrja
Hapet një periudhë tranzicioni mjaft intensive, e cila do ju lejojë që të mbyllni të gjitha raportet me persona të cilët nuk ju bëjnë të ndiheni të kënaqur. Vetëm sepse dikush nuk ndan mendimin tuaj, nuk do të thotë se nuk jeni në gjendje të arrini sukses.
Luani
Për shkak të natyrës suaj jeni perfeksionistë, sidomos në dashuri. Megjithatë nuk përjashtohet mundësia që të përhumbeni plotësisht, pas një personi krejt ndryshe nga ju. Mos lejoni që të humbni emocione të reja, për shkak se keni nevojë për pasion dhe qetësi.
Virgjëresha
Duhet të jeni shumë të kujdesshëm, me menaxhimin e disa kursimeve ekonomike, pasi nuk mund të humbni një mundësi të mirë për të çuar deri në fund një projekt të ri, për shkak të disa të papriturave të vogla. Në dashuri, duhet të jeni më të përkushtuar.
Peshorja
Ky është një moment shumë i mirë, për të shtënë në dorë negociata dhe marrëveshje të cilat i keni lënë pas dore prej kohësh, për shkak të disa të papriturave në vendin e punës. Nga pikëpamja sentimentale, parashikohet një ditë, e cila do ju heqë çdo dyshim lidhur me partnerin/en. Lidhur me investimet duhet të jeni më të përqendruar.
Akrepi
Këshillohet që të jeni më diplomatë lidhur me çështjet familjare, pasi parashikohet të ketë momente tensioni. Në dashuri duhet të jeni më të hapur dhe të gatshëm për të arritur stabilitetin e kërkuar.
Shigjetari
Merrni më shumë kohë për të pushuar dhe për të riorganizuar të gjithë aktivitetet tuaja, lidhur me disa projekte të reja të cilat do të tensionojnë nervat dhe trupin tuaj. Duhet të jeni të gatshëm të përballeni me disa të papritura.
Bricjapi
Merrni më shumë kohë për të menduar për veten dhe për të bërë diçka të jashtëzakonshme, shkruan noa.al. Kreativiteti dhe intuita duhen shfrytëzuar më së miri në avantazhin tuaj për t’u dhënë më shumë vlerë projekteve tuaja.
Ujori
Në këtë moment do të jeni në kërkim të më shumë qetësie, harmonie dhe paqe në raportet tuaja ndërpersonale. Këshillohet vetëm që të jeni më të kujdesshëm në menaxhimin e të ardhurave tuaja.
Peshqit
Do të ndiheni të mbingarkuar nga një ngarkesë pune, të cilën duhet ta mbyllni sa më parë. Megjithatë ky është një moment i mirë për të rimarrë kurajo dhe për të vlerësuar më mirë negociata dhe marrëveshje të reja interesante. Dashuria do të jetë mjaft pasionante.
Legjenda e notit të skuadrës GB Adam Peaty ka zbuluar se si atletët kanë gjetur krimba në ushqimin e tyre në Fshatin Olimpik në Paris.
Gjashtë herë medalisti olimpik, të cilit iu desh të luftonte edhe Covid-in gjatë Lojërave ka ngritur shqetësime sa i përket kushteve në fshatin e Lojërave Olimpike 2024 ku sportistët e gjithë botës bashkëjetojnë prej disa ditësh.
29-vjeçari u cilësua si një nga shpresat më të mëdha të Team GB për medalje që shkon në Paris 2024, megjithatë përfundoi vetëm i dyti në garën 100 metra. Pasi humbi për dy të qindtat e sekondës, ai pranoi në intervistën e tij pas garës se kishte pasur dhimbje në fyt, ndërsa ditën tjetër u diagnostikua me Covid. Për Adam Peaty infektimi me virusin nuk ishte gjëja më e keqe që i ndodhi në eksperiencën e Parisit pasi sipas tij kateringu i ushqimit për sportistët ishte i tmerrshëm.
“Kateringu nuk është mjaftueshëm i mirë për nivelin që pritet të performojnë atletët. Ne duhet të japim më të mirën që mundemi. Nuk kishte mundësi të mjaftueshme proteinash, radhë të gjata, pritje 30 minuta për ushqim sepse nuk ka sistem të radhës. Sportistët kanë gjetur krimba tek peshku që na dhanë të konsumojmë”, ka deklaruar atleti.
Ndërkaq, ujërat e ndotura të Senës në Paris vazhdojnë të krijojnë kaos dhe polemika në Lojërat Olimpike. Lëvizja e fundit vjen nga Belgjika, e cila vendosi të tërhiqte ekipin në shenjë proteste nga stafeta e triatlonit miks, që u zhvillua dje. Vendimi u mor për shkak se u sëmur atletja Claire Michel, e cila mori pjesë pak ditë më parë në garat individuale, por shfaqi probleme shëndetësore pas zhytjes në lumë.
Michel mori pjesë në garën e triatlonit për femra të mërkurën e kaluar, duke u renditur në vendin e 38-të. Por sportistja 35-vjeçare belge tani është e sëmurë dhe është detyruar të tërhiqet nga stafeta e përzier. Mediat belge bëjnë të ditur se Michel ka pësuar një infeksion “Escherichia coli”. Ky është bakteri që vazhdon të pushtojë ujërat e Senës, sidomos pas reshjeve të fundit. Gjatë ditëve të fundit madje ishin përhapur zëra për shtrimin e atletes në spital, por kjo u mohua nga Komiteti Olimpik Belg.
Grupi i armatosur i Libanit, Hezbollah nisi një seri sulmesh me dron dhe raketa në veri të Izraelit të martën, por paralajmëroi se hakmarrja e shumëpritur për vrasjen e një komandanti të lartë nga Izraeli javën e kaluar nuk ka ardhur ende dhe se ky është vetëm fillimi.
Hezbollahu tha se sulmoi dy qendra ushtarake pranë Acre në veri të Izraelit dhe gjithashtu një automjet ushtarak izraelit në një tjetër vend.
Ushtria izraelite tha se kishte arritur të kapte dronët, duke theksuar se pesë civilë mbetën të plagosur në jug të qytetit bregdetar të Nahariya. Sipas informacioneve, një prej të plagosurve është në gjendje kritike. Ushtria izraelite njoftoi se kishte vrarë Ali Jawad, komandantin e Radëan, në një sulm ajror në një fshat në Libanin jugor.
Sipas ushtrisë izraelite, sulmi ndaj Jaëad është “dëm i madh për aftësinë e Hezbollah për të promovuar dhe kryer operacione terroriste nga Libani jugor kundër Izraelit në kufirin verior”. Përveç Ali Jawad, megjithatë, Hezbollah është zotuar të hakmerret për vdekjen e komandantit të tij Fouad Shukr në Bejrut, duke ngritur shqetësime se një përshkallëzim i madh mund të çojë në përhapjen e konfliktit në rajon.
BREAKING:
— Megatron (@Megatron_ron) August 6, 2024
🇮🇱🇱🇧 Hezbollah attacked Israel with drones. pic.twitter.com/QZKGqIVzAp
Momenti i vrasjes së topografit 54-vjeçar Panagiotis Stathis në makinën e tij në Neo Psychiko të Greqisë më 2 korrik 2024 është publikuar.
Në videon e publikuar nga mediat greke vërehet autori i veshur me rroba të zeza dhe një skafandër të bardhë duke ndaluar motorin pikërisht pranë mjetit të viktimës dhe më pas e qëllon me armë.
Më pas ai largohet nga vendi i ngjarjes.
Në lidhje me ngjarjen është arrestuar një 44-vjeçar, i cili Panagiotis Stathis, ndërsa po hetohen edhe persona të cilët ai i ka takuar për biznes në Mykonos.
Një video e vrasjes së biznesmenit grek, Panagiotis Stathis është publikuar, duke shfaqur momentin kur ai u qëllua për vdekje në një atentat mafioz më 2 korrik.
Në pamjet, autori i krimit shfaqet i veshur me rroba të zeza dhe me një skafandër të bardhë në kokë.
Ai afrohet tek makina e biznesmenit nxjerr armën dhe qëllon në drejtim të 54-vjeçarit përmes xhamit të shoferit.
Pas të shtënave të para, atentatori e mbush sërish karikatorin dhe vijon të qëllojë drejt biznesmenit, duke u siguruar që ai kishte ndërruar jetë.
Më pas, largohet nga vendi i ngjarjes.
Një 44-vjeçar i paidentifikuar me emër është arrestuar si autor i dyshuar i vrasjes së biznesmenit, megjithatë, ai ka mohuar akuzat.
Policia ka zbuluar se i dyshuari kishte bërë kërkime të detajuara rreth jetës së viktimës.
Në celularin e të arrestuarit dyshohet se është gjetur një fotografi me armë, e cila ngjan me atë të përdorur në krim.
Po ashtu, është gjetur edhe një foto e Panagiotis Stathis, që besohet të jetë bërë nga vetë i dyshuari pas një takimi të zhvilluar me një biznesmen tjetër në Mykonos.
Hetimet e policisë greke për vrasjen e biznesmenit Panagiotis Stathis kanë zbuluar një lidhje të mundshme me një tjetër krim të rëndë, vrasjen e shqiptarit, Alfons Ndoci.
Të dyja viktimat, Stathis dhe Ndoci, duket se kanë pasur bashkëpunime në disa “punë”.
Alfons Ndoci ishte akuzuar më parë se ishte përdorur nga biznesmenë të ndryshëm për të kryer veprime kriminale, për shkak të konflikteve pronësore në Mykonos.
Ndoshta jo shumë kush e di, por Robert Berisha ka një vajzë të madhe, nuk dihet se kush është e ëma, pasi lidhja e saj me artistin ka zgjatur shumë pak dhe nuk ishte e njohur për publikun.
Mirëpo, ditën e djeshme, Aarona ka festuar ditëlindjen e saj të 16-të , pa dyshim Roberti e ka uruar duke postuar në Instastory një foto me të bijën.
Ai e ka shoqëruar me një urim, ku shkruan: “Me vajzën time Aarona, urime ditëlindja e 16-të”.
Kujtojmë që Roberti ka edhe një vajzë nga martesa e tij me Nora Istrefin, të cilin e kanë pagëzuar me emrin Renee.
Një burrë në Indonezi vrau fqinjin e tij pasi e pyeste vazhdimisht se përse nuk ishte i martuar, tha policia.
45-vjeçari Parlindungan Siregar, sulmoi 60-vjeçarin Asgim Irianto, me një copë druri rreth orës 20:00 më 29 korrik. Incidenti ndodhi në Tapanuli Selatan në veri të Sumatrës.
Ndihmëskomisionerja e policisë Maria Marpaung tha më 31 korrik se Irianto doli jashtë pasi Siregar e sulmoi, por u rrëzua pasi u godit në kokë. Siregar vazhdoi ta godiste derisa fqinjët e tyre ndërhynë.
Ata e çuan Irianton në një qendër shëndetësore të komunitetit lokal, por ai vdiq rrugës.
Siregar u arrestua pak më vonë dhe pranoi se kishte komplotuar vrasjen e fqinjit të tij.
“Ai ishte i vendosur të rrihte për vdekje zotin Asgim për shkak të talljeve të shpeshta për statusin e tij beqar”, deklaroi policia.
Policia tha se fqinjët nuk kishin një marrëdhënie aq të mirë me autorin.
Teksa babai i saj, Donald Trump, është duke garuar për një mandat të dytë si president i SHBA-së, Ivanka Trump ka vendosur të kalojë disa ditë pushimi në Shqipëri.
Ajo raportohet se ndodhet me jahtin e saj luksoz në Qeparo, i cili ka qenë i parkuar që në orën 09:00 në atë zonë.
Ivanka Trump dhe bashkëshorti i saj, Jared Kushner planifikojnë të kryejnë një investim prej 1 miliard dollarësh duke ndërtuar një mega-resort luksoz në ishullin e Sazanit.
Paratë që do të investohen në këtë resort, kanë shkaktuar shqetësim teksa mediat e huaja raportojnë se pas tyre qëndron një fond saudit.
Ivanka edhe më herët është shprehur e dashuruar me ishullin e Sazanit, e mesa duket ka mbërritur tashmë për ta parë edhe nga afër.
Qeveria shqiptare raportohet se është darkod në parim për t’ia dhuruar ishullin çiftit Trump-Kushner.
