Lajme Flesh

Ariela Dema 23 vjeçe, nga Tirana është bërë pjesë e emisionit “Historia ime” në Tv Klan, për të rrëfyer historinë e saj të veçante dhe njëkohësisht frymëzuese për të gjithë.

Që kur ka qenë e vogël, ishte shumë e lidhur me hallën dhe me bashkëshortin e saj.

Ata nuk patën fatin të kishin fëmijë, ndonëse tentuan shumë herë.

Një ditë, bashkëshorti i hallës sheh në ëndërr të ëmën që kishte ndërruar jetë dhe i thoshte se ishte e kotë të tentonin, pasi sipas fjalëve të së ndjerës fëmija i vetëm i tyre ishte Ariela.

Kur Ariela filloi klasën e parë, me dëshirë të plotë vendosi të jetojë me hallën dhe burrin e saj

dhe pse me prindërit dhe vëllain e saj kishte një jetesë shumë të mirë.

Ariela ka qenë shumë e lidhur me xhaxhain e saj veçanërisht, kështu e ka thirrur gjithmonë burrin e hallës, të cilin e ka dashur dhe konsideruar përtej babait. 

Policia ka zbuluar një rast karakteristik në qytetin Negotinë në Maqedoninë e Veriut.

Një vajzë 27 vjeçare ka hapur 60 profile të rrejshme me fotografi të personave nga ky qytet, prej ku ka shpërnda lajme për jetën e tyre.

Rasti është zbuluar nga Nadica Funduki, avokate e njohur në Negotinë, bashkëshorte dhe nënë e fëmijëve. 

Ajo ka qenë një nga “viktimat” e 27 vjeçares, kur një profil në facebook me emrin e saj ka kërkuar “ndihmë” nga familjarët bashkëqytetarët,

sepse pasii “janë përhapur fotografi intime në internet, askush nuk e ka angazhuar si avokate”.

Të gjitha këto kanë qenë gënjeshtra të përhapura nga “maniakja” 27 vjeçare në fjalë, sepse siç ka rrëfyer avokatja

Funduki për “Fokus”, ajo asnjëherë nuk ka shfrytëzuar facebook. “Nuk i parapëlqej rrjetet sociale, asnjëherë nuk kam shfrytëzuar facebook”, ka deklaruar avokatja Funduki.

Ajo ka sqaruar se me mashtruesen 27 vjeçare njëherë është takuar në gjykatë. Kaq i ka mjaftuar që të hapë profil në emër të saj dhe të fillojë të përhapë lajme të rrejshme.

Njësoj ka vepruar edhe me profilet tjera, duke shfrytëzuar të dhëna të personave për të cilët ka poseduar disa informacione dhe me to ka manipuluar, transmeton gazeta Lajm.

“Në jetën time unë asnjëherë nuk kamë përdorë rrjete sociale, nuk kam profil në asnjë platformë. Thejshtë këshut funksionoj dhe këtë e dinë të gjithë që më njohin.

Mbrëmjen e 29 janarit, filloi të më bie zilja e telefonit dhe me këtë filloi golgota ime dhe e familjes ime.

Paraqiteshin familjarë dhe miq të mi, duke më pyetur s si munden të më ndihmojnë”, transmeton gazeta Lajm rrëfimin e avokates Funduki. 

Një e re e quajtur Ketjona ka denoncuar në redaksinë e JOQ një aksident që i ka ndodhur pak ditë më parë. Vajza rrëfen se një shofer i quajtur Petrit Z. e ka përplasur me makinë tek kryqëzimi i 9-Katësheve të mërkurën e kaluar, duke i shkaktuar dëme të shumta shëndetësore.

Vajza shpjegon se shofer Petriti u fut me të kuqe dhe e hodhi disa metra tutje. Për pasojë, ajo ka mbetur e dëmtuar dhe ka nevojë për fizioterapi, e cila është goxha e kushtueshme dhe e papërballueshme për buxhetin e vajzës e cila është rrogëtare.

Ajo shton se Petriti e mbylli muhabetin me policin në vendngjarje dhe tani i ka kërkuar që ai të ofrohet për t’i paguar seancat e fizioterapisë. Mjeku i ka dhënë vajzës 2 javë raport për të mos u paraqitur në punë si paaojë e dëmtimeve fizike që ka marrë nga përplasja me makinë.

Vajza shkruan:

“Pershendetje JOQ! Une jam Ketjona. Diten e Merkure ne oren 13:00 tek kryqezimi te 9 katshet, nje shofer me emrin Petrit u fut me te kuqe dhe me hodhi tutje. E rregulloi muhabetin me policin dhe mua me dha nr e telefonit. Une bera konsulte me mjekun dhe kam nevoje per fizioterapi dhe 2 jave me raport nuk shkoj dot ne pune.”

https://www.instagram.com/p/C8mDdF-AUU_/embed/captioned/?cr=1&v=14&wp=916&rd=https%3A%2F%2Fjoq-albania.com&rp=%2Fartikull%2F1211373.html#%7B%22ci%22%3A0%2C%22os%22%3A911%2C%22ls%22%3A332%2C%22le%22%3A899%7D

Detaje të reja janë zbardhur pas vrasjes së 17-vjeçarit shqiptar Thomas Christopher Luciani, në Peskara, Itali.

Sipas mediave italiane, i mituri shqiptar që prej vitesh jetonte me gjyshen e tij në Itali, është goditur 25 herë me thikë. Dy të miturit e arrestuar, njëri djali i komandantit të një stacioni karabinierësh në provincë dhe tjetri djali i një avokati të njohur e kanë goditur pa pushim shqiptarin edhe kur ai ishte i pajetë në tokë.

Shkak për ngjarjen dyshohet se është bërë një borxh droge prej 200 apo 250 eurosh. Sipas një rikonstruksioni fillestar, vrasja ka ndodhur në kulmin e një debati në orët e vona të pasdites në parkun Baden Powell.

I braktisur në park, trupi i djalit shtatëmbëdhjetë vjeçar u gjet në orët e vona të mbrëmjes. Pas krimit, dy autorët kanë shkuar për të notuar në det dhe aty kanë hedhur edhe thikën e përdorur.

Por vrasja e shqiptarit dhe braktisja e trupit të tij në park po shoqërohet me disa pikëpyetje:

A ka vdekur viktima në atë park apo është sjellë atje më vonë?

A kanë pasur bashkëpunëtorë dy të miturit e arrestuar?

Çfarë e shkaktoi debatin që rezultoi në tragjedi?

17-vjeçari, me origjinë shqiptare, por i integruar mirë në Itali, ishte i dënuar më parë për drogë. Në nëntor të vitit të shkuar, ai u shpall i zhdukur pas festimeve për Halloween, por u gjet një ditë më pas.

Trajneri i Shqipërisë, Silvinjo, tha pas ndeshjes me Spanjën, ku kuqezinjtë u mposhtën minimalisht se nga Europiani largohemi me kokën lart.

Tekniku kuqezi deklaroi se nuk është i kënaqur me rezultatin, por Kombëtarja shqiptare largohet me kokën lart nga Euro 2024, për paraqitjet e treguara nga lojtarët.

Sipas tij, shumë lojtarë ishin të rinj dhe fituan eksperiencë, ndërsa theksoi se tani duhen provuar emocionet e Botërorit.

“Dalim me kokën lart. Ishim në grupin e vdekjes, me kampionë Europe dhe Bote. Me yje të mëdhenj. Jam i trishtuar për rezultatin, por jo për paraqitjet. Kemi dalë me kokën lart nga ky kompeticion. Në çdo ndeshje kemi pasur mundësitë tona.

Sa i përket Europianit. Kemi arritur një finish shumë të rëndësishëm. Jam shumë i kënaqur me lojtarët. Kemi parë 6-7 lojtarë shumë të rinj në fushë gjatë këtyre ndeshjeve. Por edhe lojtarë të tjerë me eksperiencë që kanë bërë shumë mirë në këto sfida. Të gjithë mendonin se do të humbisnim 3 apo 4 me 0 ndaj këtyre skuadrave, por ne ishim aty, në lojë deri në fund.

Dua të falënderoj Federatën dhe të gjithë stafin që kemi punuar. Kemi përpara Nations League dhe më pas do të fokusohemi te kualifikueset e Botërorit. Kemi treguar rritje dhe duhet të vazhdojmë të provojmë emocionet e Europianit sërish, por edhe të Botërorit”, deklaroi Silvinjo.

Përveç takimit Shqipëri-Spanjë, ditën e djeshme në orën 21:00 u luajt dhe sfida tjetër mes Kroacisë dhe Italisë.

Një vëmendje për këtë takim pritet ta marrë dhe ajo që njihet si tifozja seksi, Ivana Knoll. Modelja kroate ishte në stadium mbrëmjen e djeshme për të mbështetur kombëtaren e saj njësoj siç bëri me Shqipërinë dhe Spanjën.

Në një postim në rrjetet sociale, Ivana ka vendosur të tallet me italianët, në të njëjtën mënyrë siç bënë shqiptarët, duke i thyer spagetit, më pas ajo i gatuan ato dhe i hanë, duke i dhënë një mesazh të qartë lojtarëve dhe tifozëve “Azzurri”.

VIDEO

Dashi

Mos u ndjeni të detyruar që të kënaqni të gjitha kërkesat e kolegëve të punës, pasi ky është një moment i rëndësishëm për të organizuar më së miri prioritetet tuaja. Horoskopi i kësaj të marte, këshillon që të jeni më skeptik lidhur me çështje të rëndësishme që kanë të bëjnë me bashkëpunëtorët tuaj.

Demi

Në këtë moment duhet të mundoheni që të jeni më të kujdesshëm me shpenzimet, për shkak se po afrohen jo pak çështje të cilat duhet të zgjidhen brenda fundit të muajit. Shmangni debatet aspak produktive në vendin e punës ose do të rrezikoni ngadalësimin e mëtejshëm të projekteve tuaja.

Binjakët

Kjo është një ditë e cila duhet jetuar plotësisht dhe të mos mendoni me ankth për të ardhmen, pasi në këtë moment po jetoni një fazë tranzitore, e cila do mundësojë ndryshime të mëdha. Në dashuri parashikohen momente harmonike.

Gaforrja

Mundohuni të shikoni me sy më kritik disa nga projektet tuaja. Do të keni mundësi që të bëni ndryshime, bazuar në nevojat tuaja. Do të jeni të drejtpërdrejtë dhe të vendosur dhe kjo gjë do ju lejojë që të merrni një rol drejtues mjaft të rëndësishëm në punë.

Luani

Kjo është një ditë e rëndësishme për të zgjidhur çdo konflikt në dashuri ose në familje. Megjithatë mundohuni që te veproni me sa më shumë diplomaci dhe të mos dorëzoheni përballë provokimeve të të tjerëve. Parashikohen mundësi shumë të mira për të forcuar një raport.

Virgjëresha

Kjo e martë ju fton që të mos i mbysni emocionet tuaja, pasi kjo është një periudhë e rëndësishme për të riparë të gjitha raportet tuaja ndërpersonale. Do të jeni në kërkim të qetësisë dhe spontanitetit dhe për këtë arsye duhet të mundoheni që të largoheni nga të gjithë personat që ju mërzisin dhe nga gjithë situatat që ju tensionojnë.

Peshorja

Mundohuni që të mos shpërqendroheni, pasi në këtë moment jeni duke u marrë me negociata mjaft të rëndësishme për karrierën tuaj. Mos ikni nga përgjegjësitë që keni, pasi në këtë mënyrë do të bëheni më të fortë dhe autoritar. Tregohuni kurajoz dhe besojini intuitës tuaj.

Akrepi

Parashikohet një javë, e cila ju fton që të jeni më të kujdesshëm dhe të duruar, sidomos nëse në vendin e punës po mundoheni që të përmbyllni negociata të rëndësishme. Mbrëmja parashikohet të jetë pasionante.

Shigjetari

Do të jeni në kërkim të një stabiliteti më të madh, paqeje dhe qetësie, në të gjitha raportet ndërpersonale. Këto të fundit kanë qenë javë mjaft të turbullta dhe për këtë arsye tani do të jeni në kërkim të një personi që t’iu bëjë të ndiheni të lirë të shpreheni siç dëshironi. Përgjigje pozitive janë fare pranë.

Bricjapi

Më në fund do të riktheheni të jeni karizmatik dhe të pavarur në vendin e punës dhe në dashuri. Ka ardhur momenti të riktheheni në lojë dhe të përcaktoni qartë prioritetet tuaja. Parashikohen mundësi shumë të mira dhe propozime që duhen vlerësuar seriozisht në vendin e punës.

Ujori

Parashikohet një ditë e cila kërkon që të jeni më të kujdesshëm nga pikëpamja ekonomike, pasi parashikohen shpenzime urgjente të cilat duhet ti trajtoni me kujdes maksimal. Horoskopi i kësaj dite këshillon që të mos lini pas dore të gjitha nevojat e partnerit/es tuaj.

Peshqit

Kjo e martë sjell me vete një qiell mjaft me fat! Do të jeni dinamik dhe energjik dhe për këtë arsye do të siguroni strategji të rëndësishme për çdo të papritur në vendin e punës. Do të keni mundësi të shumta për të gjetur shpirtin tuaj binjak.

Një burrë nga Kalifornia kaloi dhjetë ditë i bllokuar në male, pasi humbi në një shëtitje dhe ia doli të mbijetojë duke pirë sasi të mëdha uji.

Lukas McClish, 34 vjeç, u nis për një ecje në malet Santa Cruz më 11 qershor, por humbi. Familja e tij zyrtarisht e raportoi atë të zhdukur dhe kërkimet nisën menjëherë.

McClish u gjet falë një droni në Parkun Shtetëror Big Basin Redwoods, parku shtetëror më i vjetër i Kalifornisë.

“Kishte raporte të shumta të dëshmitarëve që dëgjuan dikë duke bërtitur për ndihmë, por vendndodhja e atij personi ishte e vështirë të përcaktohej”, thanë autoritetet.

McClish u gjet pa lëndime të mëdha dhe u ribashkua me familjen e tij.

Ai tha se ishte i lodhur dhe pak i lënduar pas sprovës së madhe që iu desh të kalojë.

“Unë u largova me vetëm një palë pantallona ??dhe një palë këpucë për ecje. Kisha një elektrik dore dhe një palë gërshërë të palosshme. Nuk kisha asgjë tjetër. Thjesht sigurohesha të pija sa më shumë ujë nga ujëvarat apo përrenjtë, mirëpo sa më shumë kalonin ditët, aq më shumë trupi im kishte nevojë për ushqim. Fatmirësisht ia dola!”, tha ai.

Ballkani Perëndimor duhet të anëtarësohet në Bashkimin Europian përpara Ukrainës. Kështu mendon ministri i Jashtëm i Italisë Antonio Tajani, i cili tha se shpreson se kjo do të ndodhë para vitit 2030.

Gjatë takimit të ministrave të jashtëm të BE në Luksemburg, kreydiplomati italian, pohoi se Brukseli është i gatshëm të mbështesë Ukrainën në çdo sektor, por se sa i përket integrimit, Ballkani Perëndimor, qëndron më përpara në radhë…

“Para Ukrainës, ka shumë vende të Ballkanit Perëndimor. Ne duhet të shkojmë më tej dhe shpresoj për anëtarësim të plotë për vendet e rajonit para vitit 2030, dhe më pas duhet të punojmë me Ukrainën dhe Moldavinë”, citojnë mediat serbe fjalët e Tajanit.

Sakaq, ministrja e jashtme e Kosovës Donika Gërvalla, kërkoi veprime konkrete për ruajtjen e paqes dhe stabilitetit në Ballkanin perëndimor gjatë takimit në grupin “Miqtë e Ballkanit” në Vjenë.

Nga Ronald Meinardus – Kathimerini

Është e vështirë të imagjinohet jeta e përditshme në Greqi pa ta. Njerëzit me origjinë shqiptare kryejnë punët më thelbësore për shumë shërbime të përditshme, sidomos në profesionet e kualifikuara. Sigurisht, marrëdhënia e tyre me shumicën e popullsisë greke, ka përjetuar ulje dhe ngritjet e veta. Por kohët kur emigrantët nga vendi fqinj buzë Adriatikut, shiheshin si një konkurrencë e rrezikshme dhe shpesh përballeshin me një diskriminim racor, i përkasin tashmë së shkuarës.

Sot mund të thuhet se është zhdukur ndjenja e përhapur antishqiptare e viteve 1990, kur qindra mijëra njerëz u dyndën përtej kufirit jugor, në kërkim të një të ardhmeje më të mirë pas shembjes së komunizmit shqiptar.

Sot, emigrantët nga Shqipëria përbëjnë grupin më të madh të të huajve në Greqi, me thuajse 2/3 e të huajve të regjistruar që vijnë pikërisht nga Shqipëria. Por edhe pse janë grupi më i madh me prejardhje emigrante, shqiptarët e Greqisë janë më pak të dukshëm, pasi janë përshtatur dhe integruar si asnjë grup tjetër kombëtar në vitet dhe dekadat e fundit, aq sa dikush mund ta përshkruajë këtë si asimilim.

“Ndryshimi që pësojnë shumë emigrantë, ndikon madje edhe në personalitetin dhe pamjen e tyre të jashtme”, vuri në dukje një gazetë e përditshme austriake në një artikull të vitit 2014 me titullin “Shqiptarët e fshehur të Greqisë”. Nëse autori do të shkruante sot për komunitetin shqiptar në Greqi, ai mund ta titullonte tregimin “Shqiptarët shumë të pëlqyer të Greqisë”. Ky mendim mbështetet edhe nga një sondazh i opinionit publik i publikuar së fundmi në Athinë, dhe i kryer nga Njësia e Kërkimit të Tregut në Universitetin e Maqedonisë, në bashkëpunim me grupin e ekspertëve ELIAMEP në emër të Fondacionit Konrad Adenauer.

Sondazhi hulumtoi qëndrimet e grekëve ndaj marrëdhënieve dypalëshe, dhe pikëpamjet mbi e tyre mbi shqiptarët që e kanë bërë Greqinë shtëpinë e tyre. Rezultatet janë çuditërisht pozitive. Pothuajse 78 për qind e tyre, thonë se njerëzit që kanë ardhur nga Shqipëria po japin një kontribut pozitiv në zhvillimin ekonomik të vendit të tyre.

Akoma më i lartë është numri i atyre (80 për qind), që besojnë se fëmijët e emigrantëve shqiptarë që janë rritur në Greqi dhe kanë shkuar në shkollë atje, janë plotësisht të integruar në shoqërinë greke. “Fëmijët e tyre janë si ne, sot nuk ka më dallime”- thotë profesor Joanis Armakolas nga ELIAMEP.

Ai vlerëson ndër të tjera cilësitë e jashtëzakonshme të shumë studentëve me origjinë shqiptare në fakultetin ku jep mësim. Ndërsa raportimet mbi ksenofobinë dhe intolerancën ndaj të huajve janë bërë të zakonshme në Evropë, bien në sy për mirë statistikat që vijnë nga Greqia.

Armakolas flet gjithashtu për një “histori suksesi greko-evropian”. Këto gjetje vlejnë për t’u përmendur dhe nxjerrë në pah, pasi janë në kontrast me perceptimet greke mbi marrëdhëniet politike midis Athinës dhe Tiranës. Profesor Armakolas e përshkruan këtë si një “paradoks”, sepse ndërsa po përmirësohen qëndrimet e grekëve ndaj emigrantëve shqiptarë, vlerësimet mbi marrëdhëniet politike me fqinjin tonë veriore janë dukshëm më të këqija. Kështu, vetëm një në pesë grekë (20 për qind), ka një opinion pozitiv për vendin fqinj, ndërsa 40 për qind kanë një pikëpamje negative.

Po ashtu, sondazhi tregon opinione të këqija të shumicës së grekëve për Maqedoninë e Veriut, teksa Bullgaria dhe Serbia gëzojnë vlerësimet më të larta në këtë pyetësor. Rasti i kryebashkiakut të dënuar me burg të Himarës, Fredi Beleri, ka shkaktuar tensione të reja kohët e fundit.

Qeveria e Athinës e vendosi politikanin shqiptar me origjinë greke në listën e saj për zgjedhjet e Parlamentit Evropian të zhvilluara në fillim të këtij muaji, duke tërhequr vëmendjen e mediave, por edhe duke i tensionuar më tej marrëdhëniet dypalëshe.

Një nga rezultatet intriguese të sondazhit, është se një shumicë e konsiderueshme e grekëve të pyetur, nuk e ndajnë këtë vlerësim negativ. Dy të tretat (66 për qind), thonë se ka çështje më të rëndësishme në marrëdhëniet greko-shqiptare sesa rasti i kryebashkiakut të burgosur.

“Shoqëritë janë të gatshme për përmirësimin e marrëdhënieve. Politika duhet ta marrë parasysh këtë. Shoqëritë greke dhe shqiptare janë përpara politikës”, përfundon Armakolas.

* Dr. Ronald Meinardus, studiues në Fondacionin Helen për Politikën Evropiane dhe të Jashtme (ELIAMEP).