Lajme Flesh

Skema tashmë është e qartë: sa herë që kjo qeveri planifikon një goditje të madhe financiare, ajo e kamuflon atë me simbole verbuese suksesi, që do e çojnë emrin e Shqipërisë në nivele të paimagjinueshme më parë. Nuk është çudi që një skemë e tillë të jetë përdorur edhe për të fshehur qëllimet e vërteta të ristartimit të industrisë të armatimit dhe prodhimit të mjeteve ushtarake.

Ish-zv.kryeministri Arben Ahmetaj ka hedhur dyshime të rënda ndaj Edi Ramës lidhur me rolin e mikut të tij hebre, biznesmenit kontrovers, Ron Yeffet, në kompaninë shtetërore të armëve KAYO, duke e cilësuar atë si një instrument të ndërtuar për të transferuar prona publike të Forcave të Armatosura në duar private.

Në emisionin Çim Peka Live në Syri TV, Ahmetaj deklaroi se kompania KAYO është krijuar nga qeveria jo për interesa strategjike të mbrojtjes, por për t’i hapur rrugë përfitimit privat, duke treguar edhe VKM-të që janë prodhuar për të arritur këtë synim. Sipas tij, pas krijimit të kompanisë shtetërore, janë marrë vendime ekstraligjore për të futur si aksioner biznesmenin izraelit Ron Yeffet, i cilësuar prej Ahmetajt si mik i afërt personal i kryeministrit Rama.

“Çfarë roli ka Yeffet në biznes, veç miqësisë me kryeministrin?-pyeti Ahmetaj”.

Për të sqaruar më mirë se për çfarë flet ish numri dy i qeverisë, Lapsi.al ka hapur arkivat për të kuptuar se cili është Yeffet dhe si u ingranua ai në biznesin e “rilindur” të armatimeve.

Shumëkush ka dëgjuar kohët e fundit për një kompani model të prodhimit të makinave të themeluar nga një vajzë shqiptare, e quajtur Arjeta Puca (foto poshte), e ardhur nga emigrimi në Turqi. Ajo është promovuar nga vetë kryeministri madje ka rrëfyer në podkastin e Edi Ramës historinë e suksesit të saj, që nisi nga dyqani ku i ati punonte si hidraulik.

Kompania e Arjeta Pucës, që mbante emrin Timak, papritur, një ditë të bukur të qershorit të 2025-ës vendosi të shesë 49% të aksioneve së saj. Deri këtu gjithçka duket normale. Deri sa emri i shitëses të promovuar nga shefi i qeverisë u asociua me atë të blerësit, mikut të Ramës Ron Yeffet. Pyetja e parë që të shkonte në mendje ishte: ç’ ne kjo vajzë, që sa do rritje të shpejtë të ketë pasur, sërish gjendet në hpat e parë të biznesit të prodhimiit të konstruksioneve metalike dhe atyre plastike, të lidhej me një biznesmen të sprovuar hebre.

Përgjigjja do të merrej vesh më vonë. Vetëm një muaj e gjysëm pas shitjes së dyshimtë, pra në fillim të gushtit, kompania e Pucës dhe Yeffetit krijoi një shoqëri të përbashkët me ndërmarrjen shtetrore të prodhimit të armëve, Kayo të drejtuar nga ish kreu i policisë së shtetit, Ardi Veliu. “Deal-i” shënohet në kontratë, privatët 80% shteti 20%.

Pra le të shohim trekëndëshin e krijuar. Arjeta Puca, një investitore në hapat e para që promovohet si model suksesi nga Edi Rama. Ardi Veliu, një ish polic, sa analfabet, po aq edhe besnik, i mbrojtur po nga ai. Dhe i treti, i njohur si mik i kryeministrit.

Po pse këtë të fundit e marrim si të mirqenë si të afërt me Ramën, mund të pyesë dikush.

Në intervistat e tij të mëparshme Arben Ahmetaj ka denoncuar se Rama i ka kërkuar që Ron Yeffetit ti shitej borxhi i jastëm i Shqipërisë.  Po ashtu i njëjti ka tentuar të hyjë si aksioner të krijimin e kompanisë ajrore Air Albania, duke blerë fillimisht 23% të aksioneve, por nga kjo nismë ai u largua shpejt. Pastaj tentoi të përfshihej në rrëmbimin e godinës të ambasadës shqiptare në New York, e cila synohej që sipas skemës të përdorur de këtu, ta përdorte atë si mjedis për ndërtimin e shtëpive për tu shitur, brenda të cilave do strehohej edhe vetë ambasada.

Pra, ky bisnesmen i huaj, i njohur më së miri në rrethin e oborëtarëve të Edi Ramës, që ka bërë marrëveshje ekonomike edhe me udhëheqës të vendeve afrikane, arriti të futet në biznesin shtetëror të ministrisë së mbrojtjes. Aludimi që bëri zv kryeministri Ahmetaj është se një gjë e tillë po bëhet për dy gjëra: së pari “për devijim të fondeve të buxhetit të shtetit”. Ai shtoi: “Shteti humbet të drejtën e vetos. KLSH nuk mund ta auditojë më asnjë kompani bijë të tillë. Pasuria publike kthehet në kapital privat pa asnjë procedurë privatizimi. Dhe kompanitë private nën umbrellën e KAYOS marrin kontrata ushtarake pa tender”.

Ndërsa qëllimi i dytë është për të justifikuar rrëmbimin e pronave stetërore të ushtrisë dhe për ti përdorur ato për interesa private. Për të ilustruar këtë Ahmetaj solli në vëmendje rastin e nënshkrimit të një marëveshjeje mes Kayos së Ardi Veliut dhe izraelitëve të Elbit Systems Ltd, për themelimin e Akademisë e Aviacionit  (foto poshte).

“Akademia e Aviacionit në Vlorë pa aviacion me një helikopter, e kupton? Por nuk bëhet fjalë për atë, por për terrenin dhe për asetin”, tha Ahmetaj për këtë pronë që jendet në mes të qytetit.

Në vijim, Ahmetaj denoncoi edhe një zhvillim të fundit në strukturat ushtarake, duke deklaruar se kreu i Forcave të Armatosura është ndërruar pak kohë më parë dhe se personi i emëruar, Petrit Çuni, është vëllai i një miku të afërt të kryeministrit Rama.

“E bukura është që këta kanë ndërruar komandantin e forcave tokësore dhe kanë vënë vëllain e një miku të afërt të familjes, të përmendur në media. E dini pse? Se duan të bëjnë rrush e kumbulla paratë e shqiptarëve me Ron Yeffet”, tha Ahmetaj.
Një burim i afërt me zotin Çuni, i kontaktuar nga Lapsi.al hodhi poshtë si të pavertete pretendimin e ish Zv/Kryeministrit Ahmetaj, duke u përgjigjur se kriteri i vetëm mbi te cilin atij i është propozuar ky pozicion, qe e ka marrë në dhjetor 2025 është eksperienca 33 vjeçare si ushtarak karriere, emerimi në përputhje si gradë gjeneral, funksion dhe me eksperienca mbi 6 vjeçare (korrik 2019 -Nëtor 2025) në pozicionin e Përfaqësuesit Ushtarak Kombëtar nè Komadën Operacionale të NATO-s në Mons Belgjikë ( ACO SHAPE ).

Gjithësesi, pavarësisht dyshimeve që ngriti ish zv kryeministri në intervistën e tij në Çim Peka Live, për rolin e çifutit Ron Yeffet, asgjë nga bëmat e biznesmenit mik të Ramës nuk është konsumuar ende me fakte. I vetmi shqetësim është se ashtu si në denoncimet e mëparshme të Ahmetajt, për Tunelin e Llogarasë apo AKSH-in, që rezultuan që u konfirmuan plotësishht edhe kjo e kapjes së industrisë shqiptare të armatimit dhe mbrojtjes të rezultojë e vërtetë.

©Lapsi.al  

Pas denoncimeve të publikuara disa ditë më parë nga Vox News lidhur me abuzimet me çmimet e produkteve nga rrjeti “Rossmann Lala”, sot ka reaguar edhe deputeti i Partisë Socialiste, Erion Braçe, përmes një postimi në rrjetet sociale.

Braçe shkruan se çmimet e produkteve në Shqipëri janë deri dyfish më të larta krahasuar me vendet e BE, duke hedhur poshtë pretendimet se kjo situatë shkaktohet nga taksat dhe tatimet.

Sipas tij, arsyeja e vërtetë është abuzimi dhe fitimi i lartë nga tregtarët.

“Nuk është tatimi, as taksa. Është abuzimi dhe fitimi i lartë prej abuzimit”, shkruan Braçe. 

Statusi i Erion Braçes

Çmimet deri dyfish më shumë; Nuk është tatimi, as taksa, është abuzimi dhe fitimi i lartë prej abuzimit!

E mbani mend këtë djalin? Ishte pak para vitit të ri; Bëri një vëzhgim krahasues dhe denoncoi publikisht! Iu turrën plot: taksat, tatimet, tvsh-ja – këto i rrisin çmimet!

A është e vërtetë kjo? Po e çoj unë më tej krahasimin dhe denoncimin: Tatimi mbi vlerën e shtuar:
Në Gjermani – 19%, në Itali – 22%, në Shqipëri – 20%;
Tatimi mbi fitimin:
Në Gjermani – 29–33%, në Itali – 24%, në Shqipëri – 15%;
Rroga minimale:
Në Gjermani – 12.82 € për orë pune = 2.050 € bruto në muaj;
Në itali – nuk ka pagë minimale, por kontratat kolektive të punës nisin me 7–9.5 € për orë pune bruto = 1.520 € bruto në muaj;
Në shqipëri është 500 € në muaj bruto.
Besoj është e qartë që nuk janë taksat që na bëjnë deri dy herë më të shtrenjtë; Nndërkohë,
mos harroni euron, rënien e fortë të saj, që praktikisht duhet t’i bënte më të lira për qytetarët produktet e importit, jo më të shtrenjta!

VIDEO

Ish-presidenti i Republikës, Ilir Meta, i cili ndodhet aktualisht në burg, ka reaguar përmes një statusi publik pas intervistës së fundit të ish-zëvendëskryeministrit Arben Ahmetaj. 

Në reagimin e tij, Meta thotë se intervista e Ahmetajt është një dëshmi e seriozitetit dhe integritetit të tij politik e profesional, duke theksuar se deklarimet e ish-zëvendëskryeministrit, sipas tij, po shërbejnë për “çmontimin e organizatës kriminale që ka marrë peng Shqipërinë”.

Në statusin e tij, Meta flet edhe për një përpjekje për sekuestrim apo rrëmbim të paligjshëm të Ahmetajt, të cilën e cilëson si pjesë të një “manuali rrëmbimesh” të përdorur nga ajo që ai e quan organizatë kriminale, duke përmendur edhe raste të tjera të mëparshme.

Meta vlerëson Ahmetajn dhe madje e bën atë “lider të të gjithë socialistëve të mashtruar, të tradhëtuar”. 

Postimi i Ilir Metës

Intervista e fundit e Z. Arben Ahmetaj, dëshmoi seriozitetin dhe integritetin e tij politik, profesional dhe atdhetar për çmontimin e Organizatës Kriminale që ka marrë peng Shqipërinë.
Të gjithë ata që ngrinin dyshime mbi të vërtetat e tij një vit më parë, ka kohë që kanë mbyllur gojën, sepse gjithçka është provuar besnikërisht.
Të gjithë ata që vunë në diskutim çmimin 33.600 euro të shishes së verës që pinte Kreu i Organizatës, besoj se e kanë të qartë se zhdukja e kantinës provë të gjetur padashje, ishte një operacion shtetëror brenda natës dhe jo vepër e një kushëriri.
Përpjekja për sekuestrimin e tij (rrëmbimin) ilegal, është pjesë e manualit të rrëmbimeve që bën organizata, siç është provuar prej saj edhe nga rasti i Gerond Meçes dhe Daniel Shimës (dhe shumë raste të tjera).
Por ata gabojnë rëndë.
Duket qartë se Arben Ahmetaj nuk ka vendosur të jetë thjesht një dëshmitar e denoncues për çmontimin e organizatës kriminale.
Duket se ai ka bërë një hap të madh e cilësor përpara.
Ai ka vendosur të bëhet një lider i të gjithë socialistëve të mashtruar, të tradhëtuar dhe të shantazhuar nga organizata kriminale.
Ndaj dhe gjithmonë flet në emër të socialistëve, ndaj i ndan ata nga Organizata Kriminale dhe bashkia, depozita e parë dhe 26 vjeçare e Kreut të Organizatës.
Ahmetaj po flet si një socialist patriot, që e ndjen se regjimi që bazohet mbi trafikun e drogës po shkatërron shoqërinë në çdo aspekt ekonomik, social e politik.
Ai është i bindur se droga është nëna e të gjithë të këqijave (pasojave) për shoqërinë e çdo familje shqiptare.
Me 7 denoncimet e faktuara, Ahmetaj ka rimarrë lidershipin e luftës kundër korrupsionit dhe organizatës kriminale, por edhe ka fituar besimin e shumë njerëzve të ndershëm brenda PS e administratës se ai e ka seriozisht përmirësimin e qëndrueshëm të kujtesës.
Në veçanti, tronditëse janë dëshmitë e tij për kapacitetet e gjymtuara portuale të Shqipërisë dhe gjithë shqiptarëve, që duhet të kthehet në një çështje madhore për të gjithë.
Këtë rradhë me koherencën, kthjelltësinë, vërtetësinë e tij, ai mua më kujtoi shumë politikanë të shquar grekë, të cilët në pamundësi për aktivitet politik në Greqi gjatë juntës ushtarake, u zhvendosën në Perëndim për të luftuar që andej për të ardhmen demokratike të Greqisë .
Dhe ata u bënë protagonistë të fuqishëm në Greqinë e re.

Ilir Meta dhe Arben Ahmetaj kanë luajtur për vite me radhë rolet e kundërshtarëve politikë, por gjithmonë me një përpikëri të tillë që të mos e lëndonin kurrë njëri-tjetrin aty ku dhemb vërtet: tek pushteti, tek pazaret dhe tek mbrojtja e ndërsjellë.

Konfliktet e tyre kanë qenë më shumë për konsum televiziv sesa për ndarje reale, një teatër i mirëinskenuar ku të dy palët e dinin se pas perdes ishin në të njëjtën anë të skenës.

Sot, kur Meta del të shenjtërojë Ahmetajn si “luftëtar për të ardhmen e Shqipërisë”, nuk po ndodh ndonjë kthesë e papritur morale, por thjesht po bëhet publike një aleancë që ka ekzistuar gjithmonë.

©Copyright Vox News

Ish-banorja e “Big Brother”, Olta Sheta, ka qenë sot e ftuar në emisionin “Fan Club”, ku ka komentuar banorët e shtëpisë më të famshme në Shqipëri, “Big Brother VIP 5”.

Në një moment, Olta ka bërë një deklaratë të fortë ku ka thënë se Brikena ka qenë e lidhur me një tjetër ish-konkurrent të “Për’puthen”, Atdheun.

Sipas Shetës, në atë kohë Brikena ende nuk ka qenë e njohur, nuk ka qenë Miss.

Megjithatë në një lidhje telefonike, Atdheu ka mohuar lidhjen dhe ka thënë se me Brikenën është takar vetë një herë përmes shokut të tij.

Kujtojmë se Brikena kur ka hyrë në “Big Brother VIP 5” ka deklaruar se nuk ka patur asnjëherë një lidhje dashurie.

Por hyrja e Mateos në shtëpinë më të famshme në Shqipëri ka trazuar pak gjërat, pasi ai ka zbuluar se para disa vitesh kanë biseduar me njëri-tjetrin dhe janë takuar. Të njëjtën gjë ka thënë edhe Brikena pasi ai u bë pjesë e reality show-t.

Por në një bisedë me një banor, Mateo ka thënë se mes tyre ka patur edhe puthje, gjë për të cilën nuk kanë folur më parë dy banorët.

Në një lëvizje që ka tronditur diplomacinë mes Kopenhagenit dhe Uashingtonit, qeveria autonome e Groenlandës ka kërkuar për herë të parë të negociojë drejtpërdrejt me Shtetet e Bashkuara, pa praninë e Danimarkës.

Ky sinjal tregon se strategjia e Donald Trump për të ndarë Nuuk-un (kryeqytetin e ishullit) nga kontrolli tre-shekullor danez po jep rezultatet e para.

Të pesë partitë politike në parlamentin groenlandez dolën me një njoftim të përbashkët ku deklaruan: “Nuk duam të jemi as amerikanë, as danezë, duam të jemi groenlandezë”.

Megjithatë, ministrja e Jashtme, Vivian Motzfeldt, hodhi dorashkën ndaj Danimarkës duke pyetur publikisht: “Çfarë do të kishte të keqe nëse do të takoheshim me SHBA-të vetëm”?

Oferta amerikane: 100 mijë dollarë për çdo banor

Lëvizja e qeverisë së Nuuk-ut vjen në një moment kritik, kur Uashingtoni ka hedhur në tryezë “karrotën dhe shkopin”. Nga njëra anë, po qarkullon oferta për një kompensim prej 100 mijë dollarësh për secilin nga 57 mijë banorët e ishullit në këmbim të aneksimit, bashkë me premtime për investime masive dhe turizëm.

Nga ana tjetër, Trump ka paralajmëruar se do ta marrë Groenlandën “me të mirë ose me të keqe”, duke mos përjashtuar as presionin ushtarak.

“Divide et Impera” – Përçarja mes Nuuk-ut dhe Kopenhagenit

Për Danimarkën, ky është një makth kushtetues, pasi Kopenhageni është zyrtarisht përgjegjëse për politikën e jashtme të ishullit. Megjithatë, opozita groenlandeze po bën thirrje të hapur: “Lini Groenlandën të flasë vetë me Amerikën”.

Javën e ardhshme pritet një takim trilateral ku Sekretari i Shtetit, Marco Rubio, do të takohet me homologet nga Groenlanda dhe Danimarka.

SHBA-të po përdorin parimin e vjetër latin “Divide et Impera” (Përçaj dhe sundo), duke shfrytëzuar dëshirën e groenlandezëve për pavarësi ekonomike nga fondet e Danimarkës dhe BE-së, për t’i joshur drejt një aleance (ose shitjeje) përfundimtare me Uashingtonin.

Thomas Strakosha nuk fshihet, përkundrazi. Ai e thotë me krenari se është një shqiptar nga Himara.

I lindur dhe rritur në Athinë, ai pranon se shumë shqiptarë e fshehin origjinën e tyre.

“Takoj shpesh fëmijë në Akademinë e AEK. Ata vijnë më takojnë dhe më thonë se janë shqiptar. Kjo më bën krenar. Unë e respektoj Greqinë, origjina ime është nga Himara dhe unë jam krenar që jam shqiptar” – tha për Athletico.gr portieri kuqezi.

Në podcast-in ku mori pjesë u fol edhe për babain, Foto Strakosha, në gjurmët e të cilit po ecën edhe Thomasi 30-vjeçar.

Hapat e parë ai i hodhi te APOEL (në Nicosia) për të vazhduar te Panionios (në Athinë) dhe Lazio (në Romë).

Pikërisht te kryeqytetasit në Apenine, Strakosha debutoi si profesionist. Pas 9 viteve në Serie A, u transferua te Brentford në Angli.

U kthye në vendlindje në vitin 2024 ku firmosi për AEK në Athinë, aty ku luan edhe sot.

Aktualisht, Thomas Strakosha është një ndër 5 portierët më të suksesshëm në 15 kampionatet kryesore.

Ai e ka ruajtur portën të paprekur në 22 ndeshje në të gjitha kompeticionet në vitin kalendarik

SHIKO VIDEON KËTU

Ankaraja po negocion hyrjen në paktin e sigurisë që parashikon reagim të përbashkët ndaj çdo agresioni

Turqia po synon t’i bashkohet një marrëveshjeje mbrojtjeje të nënshkruar mes Arabisë Saudite dhe Pakistanit, duke krijuar potencialisht një bosht të ri sigurie me ndikim në Azinë Jugore, Lindjen e Mesme dhe Afrikë, raporton Bloomberg, duke cituar burime me dijeni për çështjen.

Marrëveshja, e nënshkruar fillimisht në shtator mes Riadit dhe Islamabadit, parashikon që çdo agresion ndaj njërit prej vendeve anëtare të konsiderohet si sulm ndaj të gjithëve, një formulë e ngjashme me nenin 5 të NATO-s.

Sipas burimeve, bisedimet për përfshirjen e Turqisë janë në një fazë të avancuar dhe arritja e një marrëveshjeje konsiderohet e mundshme.

Interesat strategjike të Turqisë, Arabisë Saudite dhe Pakistanit po afrohen gjithnjë e më shumë në disa rajone kyçe, duke nxitur bashkëpunim më të ngushtë në fushën e sigurisë.

Ankaraja e sheh këtë marrëveshje edhe si një mënyrë për të forcuar sigurinë dhe aftësinë parandaluese, në një kohë kur ekzistojnë paqartësi mbi besueshmërinë e Shteteve të Bashkuara dhe angazhimin e presidentit amerikan Donald Trump ndaj NATO-s, aleancë ku Turqia është anëtare.

Sipas analistit Nihat Ali Ozcan, nga instituti kërkimor TEPAV me bazë në Ankara, Arabia Saudite do të sillte kapacitete financiare, Pakistani aftësi bërthamore, raketa balistike dhe fuqi njerëzore, ndërsa Turqia do të kontribuonte me përvojë ushtarake dhe një industri të zhvilluar të mbrojtjes.

Basketbollistët e klubit izraelit të Makabit përjetuan një dramë të vërtetë pas kthimit nga Madridi, ku humbën ndaj vendasve me rezultatin 98-86 të enjten në mbrëmje në kuadër të raundit të 21 të Euroligës.

Sipas raportimeve të mediave izraelite, rreth 20 minuta para uljes, ndërsa avioni ishte mbi det, u godit nga rrufeja.

Rrufeja ndriçoi kabinën dhe impakti u shoqërua me një zhurmë të lartë që shkaktoi panik te pasagjerët.

Piloti reagoi shpejt dhe u përpoq t’i qetësonte pasagjerët, duke u thënë atyre se avioni ishte projektuar për t’i bërë ballë goditjeve të tilla.

Megjithatë, tensioni ishte i dukshëm, derisa tifozët e Makabit, të cilët udhëtonin me ekipin, treguan një reagim të papritur.

Ata filluan të këndonin dhe të brohorisnin, duke inkurajuar ekipin dhe veçanërisht lojtarin Oded Katas, gjë që arriti ta largonte të paktën pak frikën në avion.

Basketbollisti i ri Oren Sahar përshkroi se si dukej gjithçka për portalin izraelit “One”. “Na goditi rrufeja. Avioni filloi të dridhej, gjithçka shkëlqente.

Ishte e frikshme, të gjithë ishim të stresuar. Tani jemi të qetë, mbërritëm shëndoshë e mirë”, tha Sahar/SOT

Sot feston 84-vjetorin e lindjes një nga figurat më të ndritura të artit shqiptar, “Artisti i Popullit” dhe “Nderi i Kombit”, Robert Ndrenika. Me një portret të dashur, zë të veçantë dhe aftësinë për t’u shkrirë plotësisht në çdo rol, Ndrenika mbetet një nga mjeshtrit më të mëdhenj të fjalës dhe interpretimit në historinë e teatrit dhe kinematografisë shqiptare.

Karriera e tij shumëdimensionale pasqyron një botë të pasur shpirtërore dhe artistike. Qoftë në role dramatike apo komike, Ndrenika ka ditur të krijojë karaktere të paharrueshme, duke e kthyer çdo interpretim në një përvojë të veçantë për publikun. Jo vetëm rolet, por edhe filmat ku ai ka luajtur janë shndërruar në pjesë të pandashme të memories kulturore shqiptare.

Robert Ndrenika lindi në Tiranë më 10 janar 1942. Talenti i tij u shfaq që herët, kur nisi të aktivizohej në Shtëpinë e Pionierit, duke kultivuar pasionin për teatrin. Pas përfundimit të gjimnazit “Qemal Stafa”, ai studioi aktrim në Shkollën e Lartë “Aleksandër Moisiu” gjatë viteve 1960–1964.

Më pas, karriera e tij artistike vijoi në Teatrin “Skampa” të Elbasanit, në Teatrin e Institutit të Lartë të Arteve dhe në Teatrin Kombëtar, ku interpretoi deri në daljen në pension. Në kinematografi ka lënë gjurmë me mbi 30 filma, mes tyre “Kapedani”, “I teti në bronz”, “Koncert në vitin 1936” dhe “Mësonjtorja”.

Në vitin 2012, Presidenti Bamir Topi i akordoi titullin e lartë “Nder i Kombit”, duke kurorëzuar një jetë të tërë në shërbim të artit dhe kulturës shqiptare.

“Metodë e re pastrimi lekësh: Çunat e kombëtares”,-shkruanin banorët e vjetër të Palasës në lajmet e bujshme të një jave rresht të TV Klan se futbollisti i kombëtares Myrto Uzuni ka blerë një hotel në Palasë të Vlorës.

Nisur nga komedianët (të kthyer më pas në kryebashkiakë e investitorë strategjikë e kandidatë për politikanë) emrat e të cilëve njihen fare mirë nga shqiptarët, populli shqiptar është realisht i zgjuar kur vjen puna për të zbërthyer skema të pastrimit të parave nga oligarkët, sepse të rekrutuarit e rinj të skemave të pasurive të shumta janë ata që kanë respektin e popullit.

Kjo është metoda e re e kamuflimit të parave të të pasurve të shqipërisë, dhe janë aq të spikatura sa askush nuk dyshon në paratë e pastra të çunave të kombëtares, të shitura si transaksione që shoqërohen edhe me duartokitje për arritjet e futbolliatëve shqiptare që i kanë bërë “lekët me djersë”.

Televizioni i Sandër Frangajt ka trumpetuar këtë “blerje” për një javë rresht dhe jo më kot. Hoteli është i djalit të tezes së Sandër Frangajt, Ervin Celaj. Ky i fundit ia kishte kamufluar me kohë Albi Shytit në letra e tani po e pastron hotelin në Palasë në emrin e Uzunit duke e shitur si transaksion.

Hoteli me kapital 10 MLN Lekë, ka një investim prej miliona eurosh në një zonë si Palasa.
Celaj, kushëriri i Sandrit ka qenë drejtues prej 3 vitesh i Departamentit të Mbikqyrjes për piraterinë në AMA dhe ka lejuar dhjetëra kabllorë të zhvillonin aktivitet të paligjshëm në të gjithë Shqipërinë për interes të TV Klan.
Kunati Erion Gina ka qenë ai që ka shtrënguar duart e ka dalë në foto me Uzunin për të “finalizuar” kamuflimin. Gina njihet si “punëmbaruari” i Sandrit, nën emrin e të cilit ka kaluar disa nga pasuritë e shumta.

Duke qenë se në media asgjë nuk bëhet pa arsye, videoja para pak kohësh e Uzunit duke hedhur lekët lumë në dasmën e të motrës ka qenë jo pa qëllim, por një parapritë për të krijuar idenë në publik se një futbollist i kombëtares me rrogë mesatare ka krijuar një perandori për të reklamuar më pas se ka blerë hotel.
“Të fala Sandrit”,-thuhet në këtë rast?!

Në lidhje me lajmin ka reaguar edhe Uzuni:
“Un leket ge kam hedh tek motra ime do i hidhja prap se familja esht nr 1
2) parate qe kam bler hotelin leket e mia jan te deklaruara dhe shifra e hotelit esht e perballueshme per leket ge un marr. Ju keni te drejten tuaj te mendoni cfar te keni deshir por jo me djersen time te beni lajme te me prishni imazhin.

Kam fol shpesh me ju dhe ju simptazoj dhe me keni respektu her pas here me postime
E keni shum te thjesht ta konfirmoni pagen time un nk i fshihem askujt dhe as nk pastroj parat e askujt leket jan me djersen time te deklaruara jam i hapur te me pyesni per cdo gj”