Lajme Flesh

Një grua është vrarë me armë zjarri mëngjesin e sotëm në qytetin e Pejës.

Sipas mediave në Kosovë, autori i dyshuar i ngjarjes është arrestuar. Bëhet me dije se vrarsësi është bashkëshorti i viktimës.

Zëdhënësi i Prokurorisë Themelore në Pejë konfirmoi për mediat se i dyshuari u arrestua dhe arma u konfiskua.
Ndërsa shton se është në pritje të Institutit të Mjekësisë Ligjore që të tërheqë trupin e pajetë. Ky është rasti i dytë në pesë ditët e fundit kur vriten vajzat dhe gratë në Kosovë.

Më 12 prill, një 21-vjeçare u vra brenda zyrës së Qendrës për Punë Sociale në Ferizaj.

Sot, më 16 prill 2024, dollari amerikan, blihet me 94.2 lekë dhe shitet me 95.2 lekë.

Euro, blihet me 100.3 lekë dhe shitet 101.2 lekë.

Franga zvicerane, këmbehet në blerje me 102.8 lekë, ndërsa në shitje me 104 lekë.

Paundi britanik, blihet me 117.5 lekë dhe shitet me 118.5 lekë.

Dollari kanadez, sot në blerje këmbehet me 68.2 lekë, ndërsa në shitje me 69.8 lekë.

Është arrestuar shtetasi i shpallur në kërkim, Agron Bejdolli, i cili konsiderohet si krahu i djathtë i “Rrumit të Shijakut”.

Agron Bejdolli është vendosur në pranga në shtëpinë e një kushëriri të tij në Spitallë të Durrësit.

Ndaj tij është caktuar masa e sigurisaë arrest në burg për “heqje paligjshme të lirisë (pengmarrje)” në bashkëpunim me Rrumin, të dy vëllezërve Indrit dhe Gentian Beqiraj në tetor 2022.

NGJARJA

Në autostradën Durrës-Tiranë, në vendin e quajtur “Koxhas”, vellezerit Gentian dhe Indrit Beqiraj duke udhëtuar me motor, dyshohet se janë përfshirë në një incident rrugor, pasi një automjet ka goditur motorin e tyre, i cili për pasojë ka dalë nga rruga. Për këtë shkak, dy vëllezërit janë konfliktuar fizikisht me personat që ishin në automjet.

Në konflikt e sipër, personat që ishin në automjet kanë marrë njërin prej vëllezërve, shtetasin Indrit Beqiraj të cilin e kanë lënë në rrugë, larg nga vendi i konfliktit, dhe më pas janë larguar.

Nga strukturat hetimore të Drejtorisë Vendore të Policisë Durrës, nën drejtimin e Prokurorisë, në bazë të kallëzimit të shtetasit Indrit Beqiraj është regjistruar procedimi penal dhe po punohet për sqarimin e motivit dhe të rrethanave të ngjarjes, si dhe për implikimin e këtyre personave, në ngjarje të tjera.

Dashi

Përqendrohuni në realizimin e një plani efikas për punën tuaj, pasi ky është një moment shumë i rëndësishëm për karrierën tuaj aktuale. Mos jini shumë serioz dhe kryeneç, pasi kjo ditë ju fton të jeni më të lirshëm.

Demi

Këshillohet që në dashuri të mos jeni shumë negativ, për shkak se parashikohen mundësi të mira për të arritur rezultate të mëdha dhe për të zyrtarizuar një histori dashurie. Merrni më shumë kohë për të shqyrtuar disa propozime që keni marrë së fundmi.

Binjakët

Në dashuri kjo është periudha më e favorshme e gjithë vitit, për shkak se do të keni mundësi që të shfaqni hapur ndjenjat tuaja dhe të arrini një nivel të ri bashkëpunimi me partnerin/en. Në sferën profesionale duhet të bëni kujdes, në mënyrë që të shmangni debatet.

Gaforrja

Në dashuri do të jeni kokëfortë dhe shumë kërkues ndaj partnerit/es tuaj. Kjo e martë është mjaft e favorshme, për të nisur sipërmarrje të reja. Disa propozime do ju gjejnë të pavendosur.

Luani

Nëse nuk jeni plotësisht të kënaqur me disa marrëveshje të realizuara më parë, tashmë intuita do ju lejojë që të bëni ndryshimet e duhura. Do të jeni mjaft energjik dhe plotë jetë, ku në dashuri do të gjeni harmoninë me personin që doni.

Virgjëresha

Mos jini shumë të ngurtë dhe të drejtpërdrejtë me bashkëpunëtorët tuaj, për shkak se rrezikoni që të krijoni tensione të kota edhe për motive banale. Mundohuni të veproni me më shumë kujdes edhe në dashuri, për të shmangur keqkuptimet me partnerin/en.

Peshorja

Mund të përfitoni shumë nga ky moment, duke nisur nga puna, ku parashikohen avantazhe të mëdha dhe bashkëpunime të frytshme. Mjaft të favorshme, janë takimet, por duhet të jeni të gatshëm të riktheheni emocionalisht në lojë.

Akrepi

Për të rikthyer harmoninë dhe stabilitetin në të gjitha raportet ndërpersonale, duhet të përpiqeni të favorizoni dialogun me personat që dashuroni. Tregohuni të kuidesshëm lidhur me nevojat ndaj të tjerëve, por pa u imponuar. Do të merrni përgjigje që prisnit prej kohësh.

Shigjetari

Duhet të zgjidhni disa probleme të vogla në vendin e punës, duke shfrytëzuar intuitën tuaj. Ka disa marrëveshje të cilat duhet ti analizoni me kujdes, para se të bëni investime të reja. Në dashuri, duhet të jeni kurajoz.

Bricjapi

Gjatë kësaj dite duhet të pushoni më shumë, pasi këto ditë ju gjejnë mjaft të lodhur dhe duhet të pushoni më shumë, për shkak se janë ditë që ju shohin të lodhur dhe të rraskapitur. Në vendin e punës, duhet të shmangni polemikat.

Ujori

Mundohuni që të shmangni të gjitha aktivitetet që ju ngarkojunë në vendin tuaj të punës. Përkushtimi juaj do të shpërblehet, por duhet të jeni gati për të menaxhuar tensione të vogla me kolegët tuaj. Në mbrëmje parashikohen takime të rëndësishme.

Peshqit

Kjo e martë do të jetë mjaft e rëndësishme për të nisur një rrugëtim rikuperimi emocional. Parashikohet një ditë e mirë për të pushuar dhe për të vendosur kontaktet me personat që doni dhe që së fundmi i keni lënë pas dore për shkak të punës. Këshillohet që të mos përfshiheni nga ankthi.

Kryetari i Partisë së Lirisë, Ilir Meta pritet që me një propozim për ndryshim statutor, të përjashtojë bashkëshorten e tij Monika Kryemadhin nga strukturat drejtuese të Partisë së Lirisë në nivel qendror dhe lokal.

Gazetari, Osman Stafa mëson se konkretisht propozimi do te jete se dy anëtarë nga një familje nuk duhet të jenë në nivelet drejtuese të partisë.

Ilir Meta ishte i ashpër në fjalën e tij përpara anëtarëve te kryesisë, ku tha se do te luftoje nepotizimin ne partine qe ne vitin 2017-te ia la Monika Kryemadhit, për t’u bere Presidenti i Shqipërisë.

Me tej, Meta solli edhe shembullin e PD-se kur tha se dy drejtues te partisë, nuk sjellin asnjë te mire per formacionin politik.

Prej disa muajsh ne Partine e Lirisë ka nisur një përplasje e brendshme mes Ilir Metes dhe Monika Kryemadhit, ku e kanë pësuar edhe mbështetësit e ish-kryetares se LSI-se ne nivel drejtuese.

Zyrtarisht nuk dihet se çfarë e bëri Metën dhe Kryemadhin, të cilët pas 20 vitesh nga ku krijuan Lëvizjen Socialiste për Integrim, tashmë po ndajnë rrugët e tyre politike.

Një kundërsulm izraelit ndaj Iranit si përgjigje e ngjarjeve të fundit mund të “hap kutinë e Pandorës” për një konflikt më të gjerë në Lindjen e Mesme, sipas ekspertes Dr. Sanam Vakil.

Dr. Sanam Vakil, drejtoreshë e programit për Lindjen e Mesme dhe Afrikën e Veriut në Chatham House, tha se tani “topi i takon Izraelit” për të vendosur se si dëshiron të veprojë.

Gjithashtu, Vakil tha se tani Izraeli ka një mundësi “për të përfituar mbështetje më të madhe ndërkombëtare”, andaj duhet të ketë kujdes në hapat e tij të ardhshëm, shkruan skynews

Por, sipas ekspertes, izraelitët nuk kanë gjasa të synojnë aftësitë bërthamore të Teheranit nëse vendosin të sulmojnë.

“Mund të jetë duke kërkuar për objektiva të ngjashme, komplekse ushtarake, diku ku nuk shkakton dëme civile apo dëme më të gjera infrastrukturore”, tha Dr. Vakil.

Megjithatë, edhe një sulm i tillë do të ishte mjaft i rrezikshëm dhe shenjë që lufta po fillon të zgjerohet, gjë nga e cila të gjithë frikësohen.

Ndryshe, sulmi iranian drejt Izraelit ishte i pari sulm i drejtpërdrejtë dhe u realizua me mbi 300 dronë dhe raketa shumica prej të cilave u shkatërruan nga sistemi i avancuar i mbrojtjes izraelite.

Big Brother Vip Albania është një fenomen social që mbërthen fort jo vetëm vëmendjen por edhe debatin publik. Këtë vit synimet janë akoma më të mëdha ndërsa shtëpia është më mbresëlënëse.

Prej datës 13 Janar në Top Channel ka nisur edicioni i tretë i “Big Brother VIP 3”. Një reality show, i cili që në natën e parë të spektakli arriti të gozhdonte para ekranit teleshikuesit dhe rezultoi të ishte mjaft i suksesshëm.

Gjatë lojës vigani-shkurtabiqi, Erjola dhe Egla kanë qenë të dyja në kuzhinë e ndërsa ‘twerk-u’ ka qenë kryefjala e këtyre ditëve, banoret e shfrytëzuar lojën si mundësi për ‘t’i vënë flakën’.

Egla është padyshim një prej konkurrenteve më të forta të Big Brother Vip 3. Ajo është vënë në qendër të vëmendjes madje edhe u targetua për faktin se nuk ka fëmijë.

Megjithatë vetëm pak ditë më parë Egla i surprizoi të gjithë kur tha se ka një dashuri jashtë shtëpisë së Big Brotherit.

Sakaq, gazetarja Rudina Demneri ka zbuluar detaje lidhur me jetën personale të Eglës, e cila me fanatizëm e ka ruajtur.

“Ajo figuron që është e martuar në Shqipëri, di që ka patur lidhje me një italian, dhe janë ndarë, ajo gëzon gjysmën e pasurisë së dyqanit. Por për këtë shqiptarin…duhet të na kishte kontaktuar më përpara. Por nga ajo që unë di në vija të përgjithshme, është që Egla ka patur një lidhje të gjatë me një person të huaj, kanë bashkëjetuar shumë vite bashkë dhe gëzon gjysmën e biznesit. Për këtë shqiptarin ndoshta e ka krijuar tani. Ajo shumë mirë e bën që ruan jetën private”, tha Paloma në emisionin “Breaking” në Top News.

Gazetarja, megjithatë, nuk ngurroi të kritikojë sjelljen e Eglës brenda shtëpisë, madje duke ironizuar se si mund të jetë aq “egërsirë” teksa jashtë shtëpisë ka “dashurinë”.

Kapriçot e motit si rezultat i ndryshimeve klimatike kanë bërë që në Shqipëri të përjetohet brenda një jave vere, pranvere dhe dimri. “Dita e martë do sjellë vranësira të dendura, në pjesën e dytë të ditës ka zhvillim të tyre.

Reshjet fillojnë në veri dhe gradualisht do të përfshijnë të gjithë territorin. Kjo do bëjë që gjatë natës së martë dhe e mërkura të jenë me rrebeshe shiu”,-thotë sinoptikania Lajda Porja.

E enjtja do te sjellë një masë më të ftohtë ajri, madje në zonat malore nuk do mungojnë as reshjet e borës. “Nga e enjtja kemi depërtim të një mase më të ftohtë nga Europa Veriore duke u futur drejt Ballkanit.

Shqipëria do të ketë reshje shiu në Ultësirën Perëndimore, rikthehen reshjet e dëborës në zonat verilindore. Kjo do të shoqërohet me rënie të ndjeshme të temperaturave. Mëngjesi i së enjtes dhe i së premtes është edhe -1 gradë”.

Dy javët e fundit të prillit do mbyllen me mot të paqëndrueshëm dhe të freskët. Problem do të jetë era deri 70 km/orë. Për sinoptikanët, temperaturat në pjesën e dytë të muajit do të jenë tipike pranverore, ndryshe nga ato që përjetuam në 15-ditëshin e parë të prillit.

Një lajm i pabesueshëm ka përfshirë së fundmi Marsin, planetin e kuq: zbulimi i një vullkani me dimensione të jashtëzakonshme (9022 metra i lartë dhe 450 kilometra i gjerë).

Vullkani është i vendosur në një zonë të njohur për studiuesit që nga vitet 1970, në rajonin vullkanik të Tharis, midis Labirinti i Natës dhe Marinerizmi i Luginës, pranë ekuatorit të Marsit, raporton noa.al.

Një ekip hulumtues nga SETI dhe Instituti Mars kishte për qëllim të analizonte mbetjet e një akullnaje, të identifikuar vitin e kaluar, kur kuptoi se ishte brenda një vullkani të madh.

Erozioni i thellë që vullkani ka pësuar me kalimin e kohës e kishte bërë atë mezi të dukshëm në shikim të parë.

Një risi që befasoi mjaft shkencëtarin planetar në krye të Institutit Mars, Pascal Lee, ishte ur kuptoi se zona e filmuar dhe fotografuar shumë herë nga misionet hapësinore gjatë dekadave mbante fshehur një vullkan gjigant, ndoshta aktiv prej një kohe të gjatë.

Prania e shtresave të akullit në shpatet e vullkanit do të bëjë të mundur eksplorimin e ardhshëm nga robotët.

Ndërkohë, atij i është dhënë Noctis Volcano si emri i përkohshëm, ndërsa pritet të analizohet më tej brendësia e tij.

Ajo që është zbuluar deri më tani është prania e gjurmëve të një krateri vullkanik, tani të shembur, mbetje piroklastike dhe rrjedhje llave, si konfirmim i mëtejshëm i aktivitetit të kaluar të vullkanit.

Ajo që është e sigurt deri tani është se origjina e vullkanit përkon me fillimin e historisë së planetit të kuq, por ende nuk dihet saktësisht se kur ka ndodhur formimi i tij.

Kjo është një risi që do të hapë rrugën për zbulime të reja interesante në lidhje me historinë gjeologjike të Marsit. Para së gjithash, do të na duhet të kuptojmë nëse kombinimi i nxehtësisë dhe akullit ka favorizuar zhvillimin e disa formave të jetës. /noa.al