Lajmet e Fundit
Ernest Muçi ka shënuar golin e dytë me fanellën e Besiktas në Superligën e Turqisë.
Në pjesën e parë miqtë shënuan dy herë me Balci dhe Buksa.
Me nisjen e fraksionit të dytë, Muçit iu deshën 14 sekonda për të shënuar golin që rihapi ndeshjen. Një sulm i shpejtë dhe asisti i Rashicës bënë që Muçi të gjente golin.
22-vjeçari është pjesë e listës që Sylvinho do ketë në dispozicion për miqësoret kundër Kilit dhe Suedisë në mars.
Janë bërë publike pamjet nga atentati në Shkodër ndaj Gjergj Ndështriqaj dhe kunatit të tij Gjon Nika.
Të dy shpëtuan me plagosje të lehta nga 80 plumba që u qëlluan në drejtim të tyre.
Në video dallohet momenti kur dy “shënjestrat” qëllohen me breshëri plumbash sapo parkojnë makinën në një lokal në fshatin Grudë e Re.
Gjergj Ndërshtiqaj fshihet pas makinës ndërsa Gjon Nikaj largohet me vrap.
Pak sekonda më vonë makina shpërthen në flakë nga breshëria e plumbave.
Video Player
Dy javë na ndajnë nga ndryshimi i orës verore, mes të shtunës 30 dhe të dielës së 31 marsit kthehet ora verore me akrepat e orës që lëvizin një orë përpara.
Prej dekadash, vendet e Bashkimit Europian aplikojnë dy orë, atë të dimrit, që nis të dielën e fundit të tetorit dhe orën verore që kthehet të dielën e fundit të marsit. Krahas shteteve që e kanë përkrahur nismën e ndërmarrë për kursimin e energjisë elektrike, ka vende si Turqia e Rusia që kanë një orë vjetore.
I pari që teorizoi përdorimin e kohës së verës ishte, Benjamin Franklin, i cili përshkroi udhëzimet në esenë e tij “Projekti ekonomik për të ulur koston e dritës”
Në vitet e Franklinit, ora nuk ishte e përhapur dhe hekurudhat ende nuk ishin ndërtuar, kështu që nevoja për të sinkronizuar procesverbalet nuk ishte aq prioritare, por kjo hyrje e përshpejtoi përparimin në shumë aspekte.
Sidoqoftë, ideja e Benjamin Franklin nuk u ndoq derisa William Willet propozoi përdorimin e orës verore në Dhomën e Komunave Britanike në 1907. Propozimi u pranua në vitin 1916 kur, në kohë lufte, ishte e nevojshme të kursehej energjia.
Sipas disa studiuesve, thuhet se koha verore sjell përfitime më të mëdha për shëndetin tonë, sepse është më në sinkron me orën tonë biologjike, e cila ka nevojë për errësirë gjatë orëve të mbrëmjes për të prodhuar melatonin dhe për të siguruar pushimin e duhur.
Megjithatë, për shkak të krizës energjetike të periudhës së fundit, shumë po kërkojnë braktisjen përfundimtare të orës diellore, duke adoptuar orën verore gjatë gjithë vitit.
Ndonëse prej tre vitesh diskutohet si i fundit për ndryshimin e orës, sërish duhet të presim nëse do të ketë vendimin zyrtar nga BE.
Më të prekur nga ndryshimi i orës janë padyshim qytetarët aktiv në marrëdhënie pune dhe arsimore, të cilët preferojnë një orë të pandryshuar.
Një ngjarje e rëndë ka ndodhur në qytetin e Aleksandropolisit ditën e sotme.
Një 15-vjeçar, ka humbur jetën para syve të të atit.
Ngjarja ka ndodhur teksa 15-vjeçari po punonte me të atin në çatinë e pallatit pesëkatësh, ku ndodhet banesa e familjes.
Për arsye ende të panjohura, ai humbi ekuilibrin dhe u rrëzua.
Menjëherë në vendngjarje kanë shkuar ekipet e shpëtimit nga EKAV dhe zjarrfikësja. Por 15 -vjeçari u shpall i vdekur në vendngjarje.
Një pasagjer në bordin e avionit të linjave Alaska Airlines që thuajse u thith jashtë mjetit të thyer, po padit për 1 miliardë dollarë.
Në incidentin e janarit, avioni Boeing 737 Max 9 u detyrua të bëjë ulje emergjence pasi një prej dritareve dhe një copë e trupit pranë saj shpërthyen pak pas ngritjes.
Avioni i ngritur nga aeroporti i Portland në Oregon, SHBA fluturonte drejt Kalifornisë por disa minuta pas ngritjes goditi katastrofa.Një mbulesë e një dere rezervë u këput dhe presioni ajrit shpërtheu një copë të gjerë të trupit të mjetit.
Pasagjeri Cuong Tran ishte ulur në sediljen pranë mbulesës së thyer me incindetin që i shpalosej para syve. Rënia e shpejtë e presioni në kabinë i mori atij jashtë celularin, këpucët e çorapet, sipas raportimeve, por ai vetë u shpëtua nga rripi i sigurimit.
Ai thotë se eksperienca ishte traumatizuese.
“Mua ishte duke më zënë gjumi me celularin në dorë teksa kapiteni njoftonte se ishin në lartësinë 3000 metra”, tha ai për rrjetin Los Angeles Times.
“Por pas një momenti, dëgjova një fishkëllimë të fortë dhe erën që nisi të frynte. Një vrimë të madhe pashë në murin e avionit para meje që thithte gjithçka gjente”.
Hetimet mbi incidentin thanë se disa bulona lidhës mungonin në kanatën e papërdorur.
Tashmë Tran dhe gjashtë pasagjerë të tjerë po padisin linjat Alaska Airlines, prodhuesit e avionit Boeing dhe mirëmbajtësit Spirit Aerosystems.
Rrjeti NBC News, tha se Boeing e Alaska Airlines mohojnë përgjegjësinë dhe dëmet, duke thënë se nuk janë përgjegjëse pasi është detyrë e mirëmbajtjes.
Më shumë se 30 pasagjerë të avionit kanë ngritur padi disa prej të cilëve kërkojnë deri në 1 miliardë dollarë dëmshpërblim.
Ari Friedman, një nga avokatët e pasagjerëve tha: “Mund ta shikojmë dhe si defekt produktesh apo dhe neglizhencë të kompanisë që i bien shkurt për shërbimet, në kurriz të publikut që udhëton”.
Kohët e fundit janë regjistruar në media disa denoncime dhe padi kundër grupit Boeing, që më parë ka qenë prodhuesi më i fuqishëm i mjeteve ajrore në SHBA.
https://youtu.be/0mylAEA2ZY4
Në kufijtë e së pabesueshmes, por tani gjithë përplasja mes Armando Brojës dhe trajneri të Fulham ka dalë në sipërfaqe. Sot në ndeshjen kundër Totenhem, plotësohen 10 ndeshjet e mbetura ku nëse Broja nuk do e niste si titullar, Fulham do të dërgonte 4 milionë eurot te Chelsea.
Jo vetëm që kjo nuk ndodhi, por trajneri Silva e përjashtoi fare sulmuesin nga ekipi për ndeshjen me Totenhem, raporton sportexpress. Duket qartë se tekniku ka vendosur të mos flas për arsyen e përplasjes, por të hakmerhet dhe t’ia shërbejë Brojës gjithçka në pjatë të ftohtë.
“Është vetëm një vendim teknik lënia e Brojës jashtë, asgjë më shumë. Muniz duhej të ishte titullar dhe kemi një sulmues tjetër në stol, Jiminez. Na duhej një sulmues i dytë dhe zgjodhim Jimenez para Brojës. Ishte një vendim vërtet shumë i vështirë, nuk kam dyshime rreth kësaj”, tha Silva.
Autoritetet në Turqi jetojnë prej muajsh nën kërcënimin e një tërmeti të madh në Stamboll, i cili pritet të ketë efekte shkatërruese të një tërmeti të tillë si cunami.
Sizmologu turk, Naci Gyorur , ka paralajmëruar se Stambolli mund të goditet nga një tërmet me magnitudë nga 7.2 deri në 7.6 Rihter.
Në një intervistë për TGRT Haber, sizmologu tha se autoritetet në Stamboll duhet të përgatisin qytetin për një tërmet me përmasa të mëdha. Ai tha se është e domosdoshme që ndërtesat të kenë sisteme antisizmike.
“Ekziston mundësia e magnitudave 7.5 dhe 7.6….Ne e dimë se cilat pjesë të Stambollit do të jenë më të rrezikuiara në rast tërmeti. Shpresoj që Kryetari i Bashkisë Metropolitane të Stambollit të bëjë atë që është e nevojshme për të përgatitur qytetin për një tërmet. Ndër këto kërkesa janë edhe detajet e qytetit. Qyteti nuk përgatitet rastësisht për një tërmet. Kur bëhet fjalë për përgatitjen e Stambollit për një tërmet, siç mendojnë një pjesë e konsiderueshme e politikanëve të sotëm, menjëherë mendojnë për stokun e ndërtesave…. Por nuk është e mundur që Stambolli të përgatitet për një tërmet me një strukturë të thjeshtë ndërtimi . Nëse i përgatit të gjithë elementët e qytetit, publikun, infrastrukturën, stokun e ndërtesave, ekosistemin dhe mjedisin dhe ekonominë për një tërmet në të njëjtën kohë në mënyrë të integruar, do ta kesh përgatitur qytetin për një tërmet”, tha sizmologu turk.
Duke theksuar se politika duhet të lihet mënjanë dhe të bëhen studime për tërmetet, Gyorur tha: ” Nuk ka punë harmonike midis Bashkisë Metropolitane të Stambollit dhe qeverisë qendrore.
“Qeveria nuk e bën dot pa bashkinë. Prandaj uroj që politika në këto çështje të lihet mënjanë dhe të ketë unitet forcash. Nuk ka asnjë bashkëpunim mes IBM dhe qeverisë qendrore. Është fakt që kryetarët e bashkive e marrin seriozisht punën e tyre. Arsyet e tyre janë gjithashtu të dukshme. Imamoglu vazhdon të thotë se problemi më i madh i Stambollit është tërmeti”, tha sizmologu.
Kujtojmë se në shkurt të 2023 Yurqia u godit nga një tërmet katastrofik. Tërmeti me magnitudë 7.8, fatkeqësia më vdekjeprurëse në historinë moderne të Turqisë, rrafshoi qytete në rajonet juglindore të vendit dhe Sirinë fqinje. Më shumë se 50,000 njerëz në Turqi humbën jetën dhe rreth 5,900 në Siri, ndërsa milionë kanë mbetur të pastrehë.
Një tjetër ngjarje e rëndë është shënuar në vend këtë të shtunë, ku një 26-vjeçar i ka dhënë fund jetës duke u vetëvarur.
Bëhet me dije se në në katin e parë të banesës së tij, është gjetur nga familjarët, dyshohet i vetëvarur shtetasi B. D., 26 vjeç.
Nga këqyrja paraprake e trupit të këtij shtetasi, nuk janë konstatuar shenja dhune dhe sipas deklarimit të familjarëve, 26-vjeçari vuante nga probleme të shëndetit mendor.
“Më datë 16.03.2024, rreth orës 14:30, në lagjen nr. 5, Pogradec, në katin e parë të banesës së tij, është gjetur nga familjarët, dyshohet i vetëvarur shtetasi B. D., 26 vjeç. Nga këqyrja paraprake e trupit të këtij shtetasi, nuk janë konstatuar shenja dhune dhe sipas deklarimit të familjarëve, 26-vjeçari vuante nga probleme të shëndetit mendor.
Grupi hetimor po punon për zbardhjen e plotë të rrethanave të ngjarjes”, njofton policia.
Kujtojmë që një tjetër ngjarje e rëndë është raportuar më herët nga Berati, ku një 60-vjeçar i dha fund jetës duke pirë fostoksinë.
Kanë kaluar thuajse një muaj nga shembja e rrugës së re në pjesën e parë të lotit të dytë të aksit Korçë-Ersek, por ajo që është vënë re së fundmi është se ka sjellë problematika edhe muri mbrojtës në fillim të kësaj rruge.
Një pjesë është shembur dhe një pjesë tjetër është duke u shembur, gjë që çon edhe në rrëshqitjen e dherave.
Kjo situatë krijon pasiguri për drejtuesit e mjeteve që përshkojnë këtë aks. Kalimi në të cilin është shumë i rrezikshëm. Pasiguria shtohet pasi siç thonë banorët pavarësisht situatën nuk ka asnjë reagim për marrjen e masave.
“Shumë e rrezikshme është, sepse po nesër të kalohet një me familje edhe vetëm. Larg qoftë se ndodh një aksident, ato duhet të marrin masa, t’i riparojnë. Përgjegjësit e mëdhenj, dinë ato gjëra, duhet t’i rregullojnë, mos të ndodhin aksidente” , thotë një prej banorëve.
“Ajo është e rrezikshme, se si do bëjnë ata, ata e dinë. Ata gur janë, varë gurët dhe zënë me tela. Ajo nuk mban do bazament të fortë”, thotë një tjetër banor.
Ndërkohë, sa i përket shembjes së rrugës së re, në pjesën e parë të lotit të dy taksit Korçë-Ersek, mjetet e kompanisë janë rikthyer në kantierin e rrugës.
Aktualisht, janë pastruar dherat të pjesës së shembur dhe ka vijuar me gërryerjen e saj.
Në këtë rrugë, punimet do të vijojnë në një afat të pacaktuar për ta rikthyer atë në gjendjen e mëparshme. Në shkurt të dy 2023, ministrja Belinda Balluku premtoi se aksion nacional Korçë – Ersekë do të ishte gati në qershor të atij viti.
Por, edhe pse po vjen qershori i 2024, rruga jo vetëm nuk u përurua, por mbetet shumë e rrezikshme për drejtuesit e mjeteve.
Gjashtëdhjetë milionë euro ishte kosto e aksionit nacional Korçë – Ersekë, por të tjera shpenzime parashikohen tani për riparimin pas shembjes së saj.
Rikthime të bujshme, mungesa “big”, por dhe risi. Lista e parë e Sylvinho-s pas kualifikimin për në Evropian i kishte të gjitha. Trajneri i Kombëtares zbuloi 26 lojtarët e grumbulluar për dy takimet miqësore kundër Kilit dhe Suedisë. Ashtu siç pritej, Sylvinho riktheu në përfaqësuese dy “bomberat” kuqezi, Rey Manaj dhe Armando Broja. Risia e madhe në këtë listë është grumbullimi për herë të parë i Arbër Hoxhës, sulmuesi i cili aktivizohet te Dinamo Zagreb, por ra në sy edhe mungesa e Dakut dhe Mujës. Për të gjitha këto tema, Sylvinho është në këto momente live në konference për shtyp:
Mungesa e Dakut dhe Mujës?
Është e vërtetë që ka shumë dhimbje koke për një trajner, por kjo është e pranueshme për mua. Daku, Muja dhe Gjasula janë lojtarë shumë të rëndësishëm për ne, janë në konsideratën tonë, por nuk mund të marrim me vetë 30 lojtarë. Kemi Manaj që unë e kam për herë të parë në Kombëtare, kemi Brojën që e kemi pasur vetëm një herë, por që nuk luajti dot. Është Arbër Hoxha që kemi dy muaj që e ndjekim.
Çfarë pret nga dy miqësoret kundër Kilit dhe Suedisë?
Unë jam i kënaqur me ekuilibrin e skuadrës. Shqipëria i mbylli kualifikueset në mënyrën më të shkëlqyer, ishim mbrojtja më e mirë e grupit, por ka qenë një sakrificë e gjithë ekipit. Ne nuk cilësojmë asnjë ndeshje miqësore, Kemi përballë dy ekipe shumë të forta. Kili është një ekip që e njoh shumë mirë me lojtarë si Sanchez. E njëjta gjë mund të thuhet edhe për Suedinë, një skuadër shumë, shumë e fortë, me elementë që luajnë në nivele shumë të larta, me ekipe si Man.City, Atalanta etj
A janë këto dy miqësore teste për ekipin që do të grumbullojë në “Euro2024”
Janë të rëndësishme, por jo vendimtare. Unë dhe stafi im nuk harrojmë askënd, nuk e harrojmë rrugëtimin që kemi bërë. Ky është momenti që ne mund të provojmë sa më shumë lojtarë.
Sot nuk mendoj për listën, ai është një shqetësim që i takon muajit maj. Tani nuk e kam mendjen te zgjedhjet, është e vërtetë që kjo është e vështirë, e di shumë mirë si një ish lojtar, por për momentin jam i përqendruar vetëm te dy sfidat e marsit, kundër Kilit dhe Suedisë. Jam i pari që do zbres në fushë, që të dielën. E rëndësishme është qe ne të ngremë nivelin tonë të lojës.
