Lajme Flesh

Fqinjët e Ilo Llukas dhe Emiljano Pine allias Jorgo Prifti të cilët ndërruan jetë dje në Korçë kanë zbuluar detajet e reja në lidhje me ngjarjen.

Një nga fqinjët ka treguar se i njihte të dy viktimat dhe se nëna e Emiljanos kujdesej për babanë e Ilos që kur ishte i shoqi gjallë.

“Isha në shtëpi kur ndodhi ngjarja. Dëgjova krisma, dola jashtë dhe i pashë të dy të shtrirë në rrugë. I njihja të dy personat. Emiljano ishte djalë i shkëlqyer. Nëna e Emiljanos e mbante në shtëpi babain e Ilos prej disa vitesh dhe kujdesej për të, që kur ishte edhe i shoqi gjallë”. Ajo nuk bashkëjetonte me të po i bente yzmet” është shprehur ai.

Jashtë kamerave, fqinjët e Emiljano Pines kanë treguar se familja jetonte me qira. Ndërkohë që babai i autorit të ngjarjes bashkëjetonte me familjen e Emiljanos prej 4 vitesh.

Dyshohet se krimi ka ndodhur për shkak të pronësisë së apartamentit të babait të Ilos i cili ishte një emigrantë që jetonte në Greqi dhe sa e mori vesh se apartamentin do e merrte familja e Emiljanos gjendja agravoi deri në vrasje.

Qyteti i Korçës u trondit në orët e vona të mbrëmjes së djeshme nga një ngjarje kriminale ku Emiljano Pine u vra me armë zjarri nga Ilo Lluka, e ky i fundit më pas vrau veten.

Një ditë pas krimit të rëndë, banorët e lagjes kanë treguar të tjera detaje në momentet e para të ngjarjes.

“Isha në shtëpi kur ndodhi ngjarja. Dëgjova krisma, dola jashtë dhe i pashë të dy të shtrirë në rrugë. I njihja të dy personat. Emiljano ishte djalë i shkëlqyer. Nëna e Emiljanos e mbante në shtëpi babain e Ilos prej disa vitesh dhe kujdesej për të, që kur ishte edhe i shoqi gjallë”, tregon një banor.

Advertisements

“Dëgjova krisma mbrëmë. I thashë gruas mos janë fishekzjarre dhe nuk dola në moment. Kur dola për të mbyllur derën pashë çfarë kishte ndodhur. Nuk njihja asnjërin prej tyre”, tregon një tjetër banore.

Jashtë kamerave, fqinjët e Emiljano Pines kanë treguar se familja jetonte me qira. Ndërkohë që babai i autorit të ngjarjes bashkëjetonte me familjen e Emiljanos prej 4 vitesh. Nëna e Emiljanos kujdesej për shkak të pamundësive të tij fizike dhe moshës. Sipas banorëve, babai i Emiljanos kishte 1 vit që kishte ndërruar jetë dhe ata e vazhdonin bashkëjetesën.

Sipas burimeve nga policia, bëhet me dije se pista kryesore e hetimeve mbetet trashëgimia e një apartamenti në pronësi të babait të autorit të ngjarjes, i cili donte t’ja linte si trashëgimi djalit të kujdestares.

Ilo Lluka ishte emigrant në Greqi dhe pasi ka mësuar vendimin e të atit për shtëpinë, është kthyer nga shteti grek dhe mbrëmjen e djeshme vrau Emiljanon e më pas veten.

61-vjeçari Lluka njihet si përdorues i pijeve alkoolike ndërsa ekspertiza mjeko-ligjore ende nuk e ka konfirmuar nëse ka qenë nën efektin e alkoolit në momentin kur kreu krimin.

Banorët e Big Brother VIP Albania 3 po vazhdojnë të përballen me sfida të ndryshme.

Ata së fundmi janë ndarë në grupe dhe kanë qenë të përfshirë në një sfidë kërcimi. Konkurrenti Fation Kuqari u tha se është lënduar gjatë lojës dhe për këtë ka lënë shtëpinë për pak orë.

“Banorë pas incidentit të ndodhur, Fationi është larguar për pak nga shtëpia për të marrë shërbimin e nevojshëm mjekësor. Big Brother ju informon që është mirë dhe se do të rikthehet shumë shpejt në shtëpi”, thuhet në zarfin e lexuar nga Ilnisa Agolli.

I njëjti u pa më vonë me banorët e tjerë, ku shihej të ishte lënduar në pjesën e syrit. Të martën nga Big Brother u largua Gazmend Ujkashi dhe për të shtunën janë në nominim gjithsej shtatë.

Pritet të shihet se çfarë do të ndodhë gjatë këtyre ditëve

https://www.instagram.com/_u/bigbrotheralb_vip/?utm_source=ig_embed&ig_rid=2915e246-ed06-4f44-8f72-d162ea3839d4&ig_mid=015F10D9-703A-437B-B632-973C879E8E97

Disa qindra përdorues të metadonit në Durrës, që po tentojnë të heqin varësinë nga përdorimi i lëndëve të forta narkotike, ankohen se prej gati një muaji ky medikament në qendrën spitalore mungon duke ndërprerë trajtimin që e benin prej vitesh.

Kjo situatë sipas tyre i ka detyruar të rikthehen sërish tek përdorimi i drograve, të cilën po e sigurojnë nëpërmjet vjedhjeve dhe presioneve ndaj familjarëve të tyre.

Sakaq, nga spitali rajonal i Durrësit nuk ka patur asnje reagim në lidhje me këtë pretendim të përdoruesve të metadonit, ndërsa nuk dihet se edhe për sa kohë do të zgjasë mungesa e këtij medikamenti kaq të domosdoshëm për këtë pjesë të shoqërisë.

Presidenti i Ukrainës, Volodymyr Zelensky, është një prej liderëve botërorë më të rëndësishëm për shkak të luftës me Rusinë.

Për këtë arsye edhe siguria për të është në nivelet maksimale. Gjatë vizitës së Zelenskyt në Tiranë , u zbulua edhe një detaj interesant sa i përket sigurisë së tij.

Prej 24 Shkurtit të vitit 2022, kur nisi edhe lufta ai ka mbrojtje speciale, shefi i sigurimit të tij është Maksym Donets, 44 vjeç.

Ky person mund të konsiderohet edhe “hija” e Zelensky-t pasi qëndron 24 orë pranë tij. Ai është shok fëmijërie me Zelensky-n pasi janë rritur të dy në Kryvyi Rih.

I diplomuar për ekonomi, por më vonë për siguri fizike, Donets tashmë merret me ruajtjen e Presidentit të vendit të tij. Ai ishte i pranishëm edhe në Tiranë teksa shoqëronte Zelensky-n.

Për ruajtjen e Zelensky-t kujdeset një skuadër e tërë elitë e Ukrainës. Në arsenalin e sigurisë së tij është përfshirë edhe një dhuratë nga SHBA-ja, një sistem i sofisitikuar i pajisjeve të komunikimeve.

Ai mund të komunikojë në çdo vend, çdo cep ku ndodhet, në çdo moment përmes një sistemi tejet të sigurt.

Xhensila Myrtezaj dhe Bes Kallaku janë kthyer në kryefjalë të medias rozë kohëve të fundit, pasi përflitet për një ndarje të mundshme mes tyre.

Dy artistët nuk kanë konfirmuar dhe as hedhur poshtë zërat.

Ata nuk ndiqen më me njëri tjetrin në Instagram, ndërsa dyshimet janë përforcuar edhe më shumë, pasi dyshja kanë hequr edhe fotot e tyre së bashku, në rrjetet përkatëse sociale.

Së fundmi në rrjet flitet edhe për divorc, madje ka të tjerë që thonë se kjo kërkesë është bërë nga çifti për shkak se duan të shpëtojnë pasurinë e tyre.

E ftuar në Wake Up, avokatja Nexhi Beqiri tha se në të vërtetë nuk ka asnjë kërkesë padie në gjykatë për ndarje.

“Flitet, por akoma s’ka një kërkesë padie në gjykatë. Mund të ndodhë që mund të jenë fjalë. Ndonjëherë e bëjnë edhe për zhurmë për të tërhequr vëmendjen. Mund të jetë dhe ajo e vërteta që duan t’i shpëtojnë një hetimi pasuror. E para nëse është një pasuri që është vënë kur je bashkë nuk i shpëton dot”, tha avokatja.

Ndoshta kjo histori është krijuar nga vetë dyshja për të qenë në qendër të vëmendjes.

Mbrëmjen e djeshme (28 shkurt), qyteti i Korçës u trondit nga një krim i dyfishtë , ku shtetasi Ilo Lluka vrau Emiliano Pine allias Jorgo Priftin dhe më pas u vetëvra.

Panorama Online ka siguruar pamjet nga momenti i ngjarjes, të cilat janë regjistruar nga kamerat e sigurisë në zonë.

Konflikt mes palëve ka nisur për çështje prone. Burimet bëjnë të ditur se nëna e Emiljano Pine bashkëjetonte me babain e Ilo Llukës, ndërsa ky i fundit jetonte jashtë vendit.

Sipas informacioneve babai i Llukës kishte vendosur t’i linte në trashëgimi shtëpinë djalit të bashkëjetesës, Emiliano Pines.

Kjo duket qe nuk është pranuar nga i biri i cili ka vendosur të vijë në Korçë dhe të vendosë vetë “fatin” e tij.

60 vjeçari ka shkuar në kafen ku ishte 40 vjeçari në lokalin e lagjes dhe pasi i ka kërkuar që të dalë jashtë e ka qëlluar 4 herë duke e lënë të plagosur rëndë. Më pas ka ndërruar jetë në spital.

Ilnisa është shfaqur e prekur nga veprimi i Erjolës dhe fjalët që ajo i tha duke i përmendur edhe vdekjen.

Gazetarja tha se veprim i Erjolës nuk duhet të bëhej nga ana e saj pasi ketë format e shikon edhe vajza e saj.

Më tej ajo shprehet se loja dhe ofendimet e saj kanë qenë brenda kufijve dhe kurrë nuk i ka uruar vdekjen dikujt.

Erjola nuk është penduar dhe thotë se sa të jetë në “Big Brother” do t’ia nxijë jetën Ilnisës pasi ajo “i ka hyrë në hak”.

Ishte Erjola që ngriti një plan bashkë me Julin dhe Ledjonën për të futur në lojë Ilnisën.

https://www.instagram.com/_u/bigbrotheralb_vip/?utm_source=ig_embed&ig_rid=8312f9d7-81d5-47b8-b900-83c1c4f40be9&ig_mid=8685BB1A-0A1D-4A62-BD88-DF560B2722AF

“Stop” ishte në lagjen “Visarjon Xhuvani” Elbasan, në familjen Buda. Grigor Buda, është gjyshi i 18-vjeçarit, Nino Buda që është i paralizuar.

Prej 4 vitesh të riut i janë ndarë prindërit, të cilët kanë krijuar familje të reja, duke e lënë Ninon te gjyshërit.

“E kanë braktisur, secili ka krijuar familjen e vet. Unë jam gjyshi nga ana e mamit.Me gjyq fëmijën ia dhanë të ëmës që quhet Klodiana Buda, ndërsa babai, Saimir Ashiku. Babai ka familje tjetër, kjo familje tjetër. Të dy janë me familje të rregullt dhe është braktisur fëmija e kanë lënë tek ne”, tha ai.

Gjyshi tregon ndër të tjera se herë pas here Ninon e takon i ati, ndërsa vajza së fundmi nuk vjen më ta shikojë pasi nuk është në gjendje që ta mbajë djalin.

Grigori thotë se Nino ka një vit pa u larë, pasi ai dhe e shoqja janë të vjetër e nuk e ngrenë dot.

Advertisements

“E mori në fillim fëmijën dhe filloi fëmija që të rrijë atje bashkë me ata. Atje ishte në kat të 6, këta vuanin për ta ngritur e për ta çuar. Ngaqë e trajtonin keq fëmijën, e rrihte e bënte ky mori të atin në telefon. I tha bab mos më le më këtu se unë këtu po vdes. E mori i ati. Nuk e mbante dot se nuk e donte ajo tjetra. Thoshte ku e ka nënën e vet, pse ta mbaj unë”, tha gjyshi.

“Mua nuk më do nëna ime”, tha 18-vjeçari.

18-vjeçari merr 250 mijë Lekë Kemp dhe 150 mijë Lekë i merr gjyshi për kujdestarinë. Grigori tregon, se Ninon e kanë operuar nga sytë, ai ka probleme me mushkërinë, dhëmbët, por për të nuk kujdeset askush.

“Të ardhurat tona si familje janë pensioni i çunit, Kempi, 400 mijë lekë. Nino thotë mushkëritë më dhembin, gjoksi më dhemb, e kam çuar atje. Ja tani sa mbaroi ca gjilpëra me 5 mijë e ca lekë copën. 10 copë gjilpëra. Ca i mori infermierja që erdhi këtu që ia bëri. Sytë i ka operuar nga 1 milion e gjysmë, pampersa e të gjithë gjërat që do. Kështu që… Të ardhurat e tjera janë 200 mijë pensioni im dhe 95 mijë që merr ime shoqe. Nuk kemi probleme me ujë e me drita që të jemi familje që nuk i kemi paguar”, tha gjyshi.

Advertisements

Vetë 18-vjeçari kërkonte të rrijë me të ëmën, por kur ishte me të iku për pak ditë pasi ajo i vuri dorë. Më pas shkoi te babai, gruaja e të cilit nuk pranoi ta mbante, ndaj përfundoi te gjyshërit.

Nino: Nuk më mbajnë dot gjyshërit. Unë i du shumë, e ata më duan shumë, por nuk më mbajnë dot. Kam 1 vit pa u larë. Me napë, me peshqir. Nuk kanë fuqi. Dhëmbët i kam copë. Nuk haj dot bukë. Nuk më merr njeri përsipër. Nga mushkëritë nuk marr dot frymë. Dua të sistemohem te mami im.

Gazetarja: Unë si Stop do ta bëj përpjekjen, por nëse është e pamundur kjo pjesë, ku mund ta sistemojmë Ninon?

Nino: Ku të jetë më e mira për mua, me ndonjë qendër.

Gjyshi tregon se Ninos kanë nisur t’i prishen dhëmbët, por dentistët në Elbasan nuk e kanë marrë përsipër.

Për çështjen e 18-vjeçarit të braktisur nga prindërit, Nino Buda, “Stop” takoi të ëmën e Ninos, Klodiana Buda me bashkëshortin e saj të ri.

Ajo thotë, se nuk është e aftë ta mbajë djalin pasi ka probleme të shëndetit mendor dhe mund t’i bëjë keq. Sipas saj, i biri duhet të shkojë në një qendër rezidenciale.

Klodiana Buda: Fëmijën e ruaj nga vetja ime.

Gazetarja: Pse? Sepse më thanë që e ke dhunuar?

Klodiana Buda: Po. Nuk e kam dhunuar unë. Më ka dhunuar ai mua. Më ka kafshuar. Më ka thënë lloj-lloj llafesh. Kam hequr situatë të keqe. Kam qenë e sëmurë. Pija ilaçe me grushte dhe tani kështu jam.

Gazetarja: Me vendim gjykate e ke ti fëmijën në kujdestari.

Klodiana Buda: Fëmija është 18 vjeç, mbush 19 në Shtator. Nuk kam ku ta çoj. Kam krijuar jetën time.

Gazetarja: Nuk e mban dot tek familja e re që je?

Klodiana Buda: Vetë nuk e mbaj dot. Nuk jam e aftë.

Gazetarja: Nuk do bashkëshorti?

Klodiana Buda: Nuk do. Dhe unë nuk jam e aftë. Fëmija do yzmet, unë nuk jam e aftë për veten time. Nuk jam sepse kam kaluar shumë keq dhe jam me depresion dhe me ilaçe. Nuk mundem dot sepse nëse ndodh diçka tjetër kush e merr përsipër. E kupton që e ruaj nga vetja. Unë që kam arritur deri këtu e mbroj nga vetja ime në radhë të parë. Pse të arrij unë deri atje ta kem peng. Unë, ose ai mua.

Gazetarja: Prindërit e tu janë të pafuqishëm. Ke informacion që Nino ka 1 vit pa u larë?

Klodiana Buda: Unë kam vajtur sa herë më kanë kërkuar. Mua më përzejnë, sillen keq.

Gazetarja: Keni mundësi ta mbani apo jo se ai do të rrijë me ju.

Bashkëshorti: Jo nuk ka mundësi.

“Stop” u interesua në Bashkinë e Elbasanit, ku drejtoresha Eltiona Kolla tha se Elbasani nuk ka qendra rezidenciale, por ajo do të interesohet që ta sistemojë me Shërbimin social sa më afër.

“Qyteti ynë nuk ka qendër rezidenciale. Nuk është i vetmi Elbasani. Ne jemi duke lobuar dhe duke e diskutuar dhe ngritur këtë çështje edhe më lart si në ministrinë përkatëse. Ne do marrim masa të menjëhershme që të lidhemi me Shërbimin Social Shtetëror Rajonal Elbasan për ta akomoduar në një qendër përkujdesjeje rezidenciale në një nga qytetet që ne do gjejmë hapësira dhe do ketë vend për ta akomoduar”, tha ajo.

Me 5 punonjës të Bashkisë Elbasan, “Stop” shkoi në shtëpinë e Ninos, ku gjyshërit plotësojnë dokumentacionin dhe pranojnë, që nipi të sistemohet në një qendër rezidenciale në Tiranë.

Marrë nga Tv Klan

Gazetarja Glidona Daci deklaroi në “Top Story” se fëmijët që vranë babin Pëllumb Meta janë rritur me urrejtje nga nëna e tyre Blerina Meta, për viktimën.

Ajo deklaroi se vajza e madhe e ka përshkruar si një njeri autoritar Pëllumb Metën, ndërsa për sa i përket martesës së saj, ka deklaruar në polici se nuk është detyruar nga babi.

“Nuk e perceptoja dot që vajzë të kishte vrarë të atin, pasi zakonisht e kanë idhull. Vajza e madhe deklaroi se Pëllumbi, Hygertën donte më tepër nga të gjithë fëmijët, pasi ishte edhe më e vogla. Për pjesën e martesës së saj ajo është shprehur se i ka njohur i ati me mblesëri por ka qenë ajo që e ka njohur dhe ka dhënë vendimin për tu martuar. Ajo e ka treguar thjesht si një njeri autoritar. Personat në lagje e përshkruajnë si një person autoritar në famile madje dhe të dhunshëm, ndërsa me të tjerët sillej shumë mirë.

Kur Hygerta ka treguar se ku e ka çuar babain, policia nuk besonte, pasi kur është hapur gropa kanë menduar se po i çonte në drejtimin e gabuar. Reagimi i saj tregonte… Hygerta ka qenë shumë e qetë, nuk e di si është rritur. Reagimi i tyre është shumë i qetë. Unë e kuptoj që Pëllumb Meta po të ishte një baba autoritar nuk do të bënte kaq shumë për fëmijët. Ai djalin e madhe e ka dërguar jashtë shtetit deri në Britani. Këta fëmijë janë rritur nga nëna e tyre duke i mbushur me urrejtje ndaj babait. Nuk dua ta justifikoj Blerinën për të shkuarën e saj”, tha gazetarja.