Lajme Flesh

Një i mbijetuar i poliomielitit, i cili jetoi brenda një ‘mushkërie hekuri’ për 70 vjet, ka vdekur në moshën 78-vjeçare. Paul Alexander, i njohur gjerësisht si “Polio Paul”, u infektua me sëmundjen virale në verën e vitit 1952 kur ishte gjashtë vjeç dhe mbeti i paralizuar nga qafa e poshtë. Ai u dërgua me urgjencë në spital në Teksas dhe u zgjua brenda cilindrit metalik ku do të kalonte pjesën tjetër të jetës së tij.

Organizatori i mbledhjes së donacioneve në GoFundMe, Christopher Ulmer shkruan: Paul Alexander, “njeriu me mushkëri prej hekuri” ndërroi jetë dje. “Pasi i mbijetoi poliomielitit si fëmijë, ai jetoi mbi 70 vjet brenda një mushkërie hekuri. “Gjatë kësaj kohe, Paul shkoi në kolegj, u bë avokat dhe autor librash. “Historia e tij udhëtoi gjerësisht dhe larg, duke ndikuar pozitivisht te njerëzit në mbarë botën. Paul ishte një model i jashtëzakonshëm që do të vazhdojë të mbahet mend.” Z. Ulmer tha se ai u takua dhe intervistoi zotin Alexander në 2022.

Vëllai i Aleksandrit, Philip, tha në një deklaratë të postuar nga Ulmer se ishte mirënjohës “për të gjithë ata që dhuruan për mbledhjen e fondeve të vëllait tim”. “Kjo e lejoi atë të jetonte vitet e fundit pa stres,” tha ai. “Do të paguajë edhe funeralin gjatë kësaj kohe të vështirë. Është absolutisht e pabesueshme të lexosh të gjitha komentet dhe të dish se kaq shumë njerëz u frymëzuan nga Paul. Unë jam shumë mirënjohës”, shtoi ai.

Klodiana Lala në një emision televiziv, ka trajtuar mbrëmjen e sotme atentatin e dështuar ndaj Inez Hajrulla, i konsideruar si një nga krerët e një grupi kriminal në Vlorë. Por si u rekrutua Amarildo Nikolli nga Shkodra për të eliminuar Hajrullah, i njohur me nofkën “Sakati”.

Sipas grupit hetues dhe rrëfimeve të vetë Amarildo Nikollit, ishte pikërisht jeta në Itali dhe aktiviteti kriminal që ai kishte ushtruar në këtë vend, që e kishin vendosur të riun në udhëkryq. Por edhe në kushtet e mbijetesës pas daljes nga privimi i gjatë i lirisë, ku ishte dënuar për shpërndarje të lëndëve narkotike. Ku kthimi në Shqipëri në fillim të vitit 2023 me bashkëshorten e kishte gjetur pa të ardhura. Dhe për pasojë në nevojën për para. Momenti kur në ndihmë ai thërret kujtesën dhe mikun e tij të kohës së burgjeve në Itali, që nuk ishte askush tjetër, përveçse Leonard Luzi.

“Unë kam banuar me qira, në rrugën ‘Don Bosko’ në Tiranë. Në këtë banesë unë kam jetuar me shtetasen Xh. N, nga janari deri në muajin maj të vitit 2023, dhe më pas jam larguar në Spanjë. Para se të kthehesha në Shqipëri, unë kam jetuar në Itali nga viti 2003 deri në vitin 2022. Ku edhe kam kryer 9 vite burg për shpërndarje të lëndëve narkotike. Për shkak të gjendjes ekonomike, pasi isha pa punë, dhe nuk kisha asnjë mjet tjetër jetese, unë kërkova të hyj në kontakt me shtetasin Leonard Zejno, të cilin e kisha njohur gjatë kohës së qëndrimit në burg në Prato të Italisë, ku Leonardi vuante dënimin për tentativë vrasje”, dëshmon Amarildo Nikolli. Dhe duket se Leonardi iu përgjigj thirrjes për punë të mikut të vjetër. Por Amarildo thotë se nuk e dinte që ai që dikur ishte bashkëvuajtësi i tij, do t’i jepte një punë me më shumë leverdi se çfarë ai kishte menduar… Një vrasje të dyfishtë për të cilat ai do të paguhej shumë mirë dhe do të mbyllte njëkohësisht shumë probleme ekonomike

“Kur ishim në burg, Leonardi më tregoi se në Shqipëri i kishin vrarë vëllain dhe nipin. Por për shkak se ne na transferuan në një burg tjetër, unë i humba lidhjet me të. Kur erdha nga Spanja, Nardi më kontaktoi dhe më la një takim te një lokal në Tiranë. Ai erdhi i vetëm aty dhe gjatë bisedës unë i kërkova ndihmë, gjithmonë me mendimin për shitje lëndësh narkotike, por Leonardi më tha nëse mund të kryeja një punë tjetër me më shumë lekë. Kjo punë ishte të ndiqja një person në Vlorë dhe ta vrisja. Ai më tha se objektivat do të ishin dy persona, të njohur me nofkën ‘Sakati’ dhe ‘Qorri’. Nardi më tha se të gjithë punët do t’i bëja vetë dhe pas realizimit të vrasjes, do të largohesha me ndihmën e dy personave”, thotë Nikolli.

Gjatë dëshmisë së tij, Amarildo Nikolli rrëfeu se Nardi, i dha edhe karakteristikat e dy personave që do të qëllonte. Ku për njërin prej tyre ‘Qorrin’ kishte mundur të siguronte edhe një foto të shkëputur nga kamerat e sigurisë së një lokali në qytet. “Gjatë njërës prej bisedave, Nardi më dha edhe një foto të personit me nofkën ‘Qorri’, që për nga cilësia ishte e dobët, pasi ishte marrë nga kamerat e sigurisë së një lokali. Nardi më tha se mund ta dallosh kollaj, pasi ‘Qorri’ i ka sytë si ‘pingpong’, ndërsa ‘Ini’ kishte njërën këmbë të këputur. Nardi më tha po kështu se arsyeja që po kërkonte me kaq ngulm vrasjen e këtyre dy njerëzve ishte për biznes dhe hasmëri. Ndërsa pagesa do të jepej nga një person që ishte në Dubai, por që emrin nuk ma tha. Por që duke vrarë këta dy persona ata do merrnin në kontroll Vlorën dhe njëkohësisht bastet dhe gjobëvënien”, thotë Nikolli.

Në Rimini të Italisë, nisi këtë të mërkurë procesi gjyqësor nga shqiptarit Klajdi Mjeshtri, i akuzuar për vrasjen e zjarrfikësit 34-vjeçar italian, Giuseppe Tucci, ngjarje e ndodhur më 12 Qershor të vitit që lamë pas.

Seanca nisi me momente të forta tensioni, kur babi i viktimës u përball me 29-vjeçarin shqiptar. Për të qetësuar situatën u desh ndërhyrja e policisë. Babai i Tuccit, Claudio Tucci hyri në sallë të gjyqit duke kërkuar që të shihte në sy shqiptarin.

“Jemi këtu dhe do jemi gjithmonë. Djali ynë nuk vdiq kot. Kemi besim të drejtësia”, tha babai i viktimës.

“Ishte një ditë shumë e vështirë. Kur u gjenda përballë vrasësit të tim biri, u nervozova. Ai as nuk më pa në fytyrë. Më pas e kuptova situatën dhe u qetësova”, shtoi ai më tej, sipas asaj që raportojnë mediat fqinje.

Pas betejës mes mjekëve ligjor të të dyja palëve, gjatë ditë së sotme gjykata pranoi kërkesën për gjykim të shkurtuar ndaj shqiptarit, i cili në këtë mënyrë do të përfitojë ulje të dënimin me 1/3. Po ashtu, gjyqtari caktoi datën 20 Mars për të përcaktuar një mjek ligjor që do të analizojë rezultatet e autopsisë mbi trupin e zjarrfikësit.

Për mjekun ligjor të mbrojtjes, vdekja e 34-vjeçari erdhi si pasojë e një traume pas koke e shkaktuar si pasojë e rënies në tokë. Mbrojtja pretendon kështu që Tucci nuk vdiq nga grushtat e shqiptarit, por nga përplasja në tokë. Në të njëjtën kohë, po sipas mbrojtjes, Tucci nuk mundi të mbijetonte pasi terapitë spitalore nuk i dhanë efekt për shkak të alkoolit që kishte në sistem.

Në këtë mënyrë, avokati mbrojtës i 29-vjeçarit shqiptar kërkon që të bjerë akuza e vrasjes me dashje, e ngritur nga prokuroria.

Një motiv banal u bë shkak për përplasjen që i kushtoi jetën 34-vjeçarit Tucci. Mjeshtri, i cili punonte si roje në një diskotekë të Riminit, e dhunoi atë barbarisht jashtë ambienteve të lokalit me pretendimin se i kishte ngacmuar të dashurën. Zjarrfikësi vdiq pas disa ditësh në agoni.

Debatet janë ndezur në shtëpinë më të famshme në Shqipëri menjëherë pas spektaklit të së martës. Kryefjala ka qenë ndarja e Romeo Veshajt me Heidi Bacin, ngjarje që ka bërë që banorët e tjerë t’i ktheheshin kundër aktorit.

Mes tyre, ka qenë moderatorja Erjola Doçi, ajo që i ka përmendur edhe njëherë lidhjet e tij jashtë shtëpisë, duke e akuzuar si përdorues të femrave. Pikërisht në këtë moment është përfshirë edhe gazetarja Ledjona Xheladinaj.

DEBATI MES TYRE:

Erjola: E di ça më ka thënë, nëse ti del kundër meje, do të të përdor hallvën. Po më shantazhon i thashë. Ja ku e bëre * e pështyn… Ti bën plane sikur ndahesh duke përdorur gocën e huaj. Je bërë ti i zi. Do tentosh ta mbash tani me zor. Që të të shitet në Itali dhe Shqipëri.

Romeo: Ti nuk je normale moj

Ledjona: Një pyetje kam, edhe në jetë kështu shkon, duke përdorur ndonjë femër? Kështu ecën?

Romeo: Jeni të ulët.

Erjola: Ti s’ke një jetë. Nuk e shet për një lajm. Nuk e shet.

Romeo: Ajo është mosmirënjohëse.

Erjola: Mos u merr me femrat e tjera, merru me atë që i ke bërë gocës së huaj. O Romeo, viji gishtin kokës. S’ka lidhje 28 vjeç, edhe 40 kështu je ti. Nuk do të thotë që s’jam e kthjellët se nuk mendoj si ti. Të të vijë zor ty nga vetja. Ajo goca është përdorur nga ty. Turp të të vijë, kapi fansat e Italisë. Ty të intereson tregu italian i asaj vajzës. Të intereson fama, siç ta kam cekur, pika jote e dobët dhe e fortë janë femrat.

Babai i këngëtarit grek, Giannis Xanthopoulos, i cili shkaktoi aksidenti tragjik ku humbi jetën 19-vjeçari shqiptar ka folur për mediet.

I përlotur ai tha: I vogli është mirë, shyqyr zotit ka shpëtuar. Është në rregull. Ai mund të kthehet në shtëpi nesër. Ai nuk ka faj për asgjë, nuk ka faj. Lajmin e mora vesh në mëngjes, u çmenda.

Gjatë intervistës ai ka shpjeguar se si e ka marrë vesh aksidentin e trafikut.

“E mësova nga djali im i madh. Ai duhej të shkonte në punë në 7:15 dhe u nis në 5:30 dhe nuk tha asgjë. Pastaj e mora për ta pyetur pse kaq herët dhe ai filloi të qante, më tha se ishte në spital sepse Giannakis u përplas. Më pas shkuam në spital me gruan time dhe ajo nuk e dinte”, tha ai .

Së fundi, babai i Giannis Xanthopoulos tha: Giannakis është i tronditur për fëmijën që u vra. Faleminderit Zotit djali im është mirë, por nuk më thonë gjithçka. Ata do të vijnë në shtëpi dhe do të më thonë. Giannis është shumë i ndjeshëm për atë që i ka ndodhur… Fajin e kishte tjetri që doli nga semafori. Më vjen shumë keq për fëmijën, kam qarë që në mëngjes” dhe pak para se të mbaronte deklaratat e tij shpërtheu në lot.

“Ai po monitorohet nga një psikolog”, tha nëna e tij

Për mediet ka folur edhe nëna e këngëtarit, Eleni. Duke folur në emisinin “Pame Danae” ajo tha se Giannis Xanthopoulos po monitorohet nga psikologu, pasi ndodhet në gjendje shoku pas aksidentit fatal.

Ajo tha: Nuk mund të flas. Falë Zotit është në spital dhe është gjallë. Nuk është e lehtë. Jam e lumtur për djalin tim që është gjallë, por më vjen keq për të tjerët. Djali im ishte i vetëm në makinë.

Dhe vëllai i tij foli për këngëtarin. Në prononcimet e tij për “Super Katerina”, ai ka përshkruar gjendjen e tij shëndetësore, ndërsa ka theksuar se “Joannis nuk ka faj për aksidentin rrugor, i kanë zënë rrugën” dhe shton: “Po trajtohet në spital, po presim. Po presim që mjekët të na thonë se çfarë po ndodh. Ai është akoma i trullosur, i dhembin edhe këmbët, e ka të vështirë tani. Dikush tjetër më thirri kur ndodhi aksidenti, jo vëllai im. Shkova atje dhe e gjeta të shtrirë.”

Sipas informacioneve, gjithçka ka ndodhur kur xhipi i këngëtarit, i cili në videot e bër publike nga mediet greke duket duke ecur me shpejtësi të madhe, hyn në korsinëe kundërt dhe përplaset kokë më kokë me një automjet tjetër.

Këngëtari dyshohet se ka bërë manovrën specifike për të shmangur një mjet tjetër që kishte injoruar semaforin.
Pas përplasjes mjeti në të cilin ndodheshin dy 19-vjeçarë, të cilët ishin nisur për në punë, është përplasur me shtyllën e dritave. Si pasojë, një 19-vjeçar me origjinë shqiptare humbi jetën, ndërsa 19-vjeçari tjetër ndodhet në spital në gjendje të rëndë.

Gazetari, Isa Myzyraj, njëkohësisht aktivist për të drejtat e njeriut, u kërcënua me jetë të martën përmes një emaili në adresën e tij elektronike dhe adresën zyrtare të televizionit ku punon, Ora News.

Dërguesi figuron të jetë një emër i huaj, gjë që sipas Myzyrajt e bën më të dyshimtë dhe të paidentifikueshëm autorin.

“Nuk mund ta them me saktësi nga ka ardhur ky kërcënim. Ajo për të cilën jam i sigurtë është se kjo është bërë për shkak të punës sime si gazetar, por edhe si aktivist,” tha Myzyraj për BIRN.

Përveç kërcënimit, teksti përmban gjuhë urrejtjeje, anti-semite dhe homofobike.

“E-maili u është drejtuar dhe punëdhënësve të mi, ç’ka më bën të dyshoj se ky kërcënim ka lidhje me punën time,” tha Myzyraj, duke përmendur se media ku punon e ka kontaktuar menjëherë duke i ofruar mbështetje.

Sipas Myzyrajt, ky kërcënim vjen edhe si pasojë e fushatave të dezinformimit nga grupet radikale anti-semitiste dhe anti-LGBT që kanë qarkulluar në mediat shqiptare.

Rrjeti për Gazetarë të Sigurt në Ballkanin Perëndimor, “SafeJournalist” u solidarizua me Myzyrajn, duke shprehur shqetësimin për këtë rast i cili sulmon jo vetëm gazetarin në fjalë, por edhe lirinë e medias.

“Safe Journalist shpreh shqetësim të thellë në lidhje me këtë rast të paprecedentë, i cili sulmon fuqishëm lirinë e medias si dhe integritetin personal dhe profesional të gazetarit Myzyraj”, deklaroi SafeJournalists.

Rrjeti i Gazetarëve të Sigurtë sheh shqetësues gjithashtu faktin se mesazhi përmban një gjuhë të rrezikshme anti-semitiste, por edhe narrativa të papranueshme me bazë të orientimit seksual.

Myzyraj i tha BIRN se në konsultim me avokatin e tij kanë vendosur që denoncimin në organet ligjzbatuese do ta bëjë brenda ditës së mërkurë./BIRN

Sylvinho ka gati listën e zgjeruar për dy ndeshjet miqësore të marsit, teksa në të do jenë sërish Armando Broja dhe Rey Manaj.

Të premte në orën 12:00 trajneri do bëjë publik emrat që janë thirrur për miqësoret kundër Kilit dhe Suedisë.

Më 22 mars në Parma të Italisë kuqezinjtë luajnë kundër Kilit, ndërsa tre ditë më vonë në Stockholm luhet ndeshja kundër vendasve të Suedisë.

Këto janë dy ndeshjet e para për këtë vit, me brazilianin që do shohë nga pranë formën e lojtarëve.

Për këto ndeshje do të jenë më shumë se 26 emra, teksa Broja dhe Manaj do vendosen nën urdhrat e trajnerit.

Moderatori i Big Brother VIP Albania 3, Ledion Liço, ka konfirmuar pjesëmarrjen e Luiz Ejllit në spektaklin e së shtunës me 16 Mars.

Në përfundim të puntatës së kaluar, ai bëri të ditur për prezencën e fituesit të edicionit të dytë. Liço tha se kohët e fundit është përfolur shumë për këtë gjë, por që do të ndajë mendimet dhe opinionet e tij për situatat në shtëpi.

“Është përfolur më së shumti këtë kohë, a do të hyjë, çfarë do të bëjë. E kam fjalën për fituesin e edicionin të kaluar të Big Brother VIP. Luiz Ejlli do të jetë i ftuar të shtunën, ku do të na shoqërojë gjatë gjithë mbrëmjes”, tha prezantuesi.

Në nominim për këtë javë janë Françeska Murati, Ilnisa Agolli, Roza Lati dhe Sara Karaj. Votimi për publikun është për banoren që duan të shpëtojnë.

Në ndërkohë, si liderë të shtëpisë u zgjodhën: Romeo Veshaj dhe Julian Deda.

Njerëzit e thjeshtë që takoj – Niko kamarieri, flet 7 gjuhë, me kunatë shqiptare, “ndërron” ligjin e luftës

Këtë fundjavë isha në Kostur. Është vend i qetë dhe më çlodh. Erdha vërdallë, piva kafe, më mori shpejt uria dhe unë nuk i ndahem gjiros greke.

U ula në qendër, sapo pashe dy vende bosh.

“Mirëdita” – më thotë kamarieri, po me një shqipe të sforcuar.

“Edhe ti shqiptar je mo” – kisha takuar e dëgjuar shqip më shumë se greqisht kur po ecja xhiro. Jetojnë shumë shqiptarë aty, por e shumë nga Bilishti, Korça e qytete të tjera shkojnë furnizohen me ushqime dhe ilaçe.

Ma kthen anglisht.

“Jo jo, unë jam grek, por di shumë pak shqip”

“Po nga e kuptove që isha shqiptar?”

“Nga targat e makinës, unë kështu bëj më të gjithë”

“Po shqipen, pse e ke mësuar”

“Ma ka mësuar kunata, është nga Korça.”

“Edhe unë nga Korça jam”

“Epo, qenke miku ynë sot. Se kam e vëllain brenda, atë që i do shqiptarët. Ajde takoje”

“Jam Xhensili. Ti që do shqiptarët si quhesh?

“Unë quhem Vasil. Të tha vëllai që ne i duam shqiptarët?”

“Po ti i dashke më shumë, se edhe gruan e paske shqiptare.”

“Edhe gjyshi madje vinte shpesh në Shqipëri. Kishte një të dashur nga Elbasani. Çmendej për të. Madje fliste dhe në sytë e gjyshes, para se të dy të vdisnin, për shqiptaren.”

“Kënaqësi që të takova Vasil. Po iki të ha se po vdes nga uria”

Pasi ha shumë shpejt, nga fundi, më vjen Niko kamarieri e më sjell dy Cola, ëmbëlsira dhe thotë se i ka paguar ai faturën.

Duke i kërkuar që të paguaj, e në fund fitoi kamarieri grek, më tregon se shkollën e kishte mbaruar për histori

“Këtu do zihemi” – i them unë

“Pse?”

“Eee, keni atë ligjin e luftës ende ju. Vazhdoni të mos na keni shumë qejf po he”

“E ke gabim. Ne e kemi zevendesuar. Populli. Jo politika”

“Me çfarë e keni zëvendësuar?”

“Me ligjin e paqes. A nuk e sheh sa mirë flasim ne të dy? Po te shkosh disa metra më tutje janë 4 dyqane rresht, pronarët janë shqiptarë. Ne shkojmë përherë pas pune aty për kafe. Bëhemi bashkë e flasim. Ata janë myslimanë ndërsa ne të krishterë. Ama, i kemi mësuar edhe datat e festave të tyre. Gjithsesi, ushqimin për Bajram nuk e pëlqejmë ”

” Do vij te te takoj prap Niko, se duhet të iki. Mbase të bëj e lajm kur te vij prap ”

” Të vish, por do më thuash çfarë gjuhe do e besh lajmin. Se unë flas 7 gjuhë. ”

” Qenke ca krenar ti Niko. Narcist ”

” Jo. Nuk jam egoist. Ama 7 gjuhë i flas. Njoh 24 lloje targash. Kështu fitoj lek ”

” Epo, do të të lë një kartëmonedhë shqiptare. Se ti s’më lë të paguaj ”

” Kështu po”

U largova. Po mendohesha drejt kufirit në Kapshticë, se për Nikon nuk kishte kufij

Një gazetar dhe prezantues u zhduk papritur në Meksikë ndërsa familjarët kanë ngritur alarmin për fatin etij. Guvernatori i shtetit të Jalisco të Meksikës e shpalli të zhdukur gazetarin, Jaime Barrera të hënën mbrëma pasi ai nuk u paraqit për të transmetuar edicionin e tij të lajmeve.

“Pak më parë u informova se gazetari Jaime Barrera nuk shkoi për të transmetuar reportazhin e tij të lajmeve dhe se familja e tij nuk ka mundur ta gjejë atë që nga mesdita,” tha guvernatori i shtetit të Jaliskos Enrique Alfaro.

Autoritetet dyshojnë se ajo është rrëmbyer në mënyrë të dhunshme nga tre ose katër të dyshuar. Dëshmitarët okularë treguan se të paktën një nga rrëmbyesit ishte i armatosur. Në momentin e rrëmbimit, zoti Barrera nuk e kishte telefonin me vete, duke e bërë më të vështirë gjurmimin e tij.

Makina e gazetarit u gjet më vonë bosh në një lagje. Sipas njoftimeve të shtypit, Barrera u rrëmbye pak pasi mbaroi një transmetim radiofonik. Ai gjithashtu prezantoi një emision në stacionin televiziv Televisa dhe mori pjesë si komentues në një emision politik në Channel 44 të Universitetit të Guadalajara.

Meksika është një nga vendet më të rrezikshme në botë për gazetarët, sipas OJQ-së Reporterët pa Kufi (RSF). Që nga viti 2000, mbi 150 profesionistë të medias janë vrarë atje. Në pjesën më të madhe, vrasjet e tyre mbetën të pandëshkuara.

https://t.co/ON45iSeWBq