Lajme Flesh

Nga Genci Hoti

(një përgjigje e detyruar mbi mësimin e Historisë)

Ky 550 vjetor i Kalorësit epirot të Krishtit paska qenë një halë në sy për armiqtë dhe trashëgimtarët e tyre këtu në Shqipëri. Kohët e fundit janë shpalosur në FB disa teori sa të vjetra aq dhe të mërzitshme në përmbajtjen e tyre, por që shërbëjnë për të përcaktuar se kush kanë qenë levat e diktaturës bolshevike këtu tek ne përgjat periudhës 1945-1992. Këto teori të shpëlara, ndoshta përfundimisht, por të huazuara nga shkolla serbe, nxorrën në pah dy pikëpamje:

1-Katolicizmi hyri në masë në Shqipëri pas vitit 1550.

2-Familja e Gjergj Kastriotit ishte e ritit ortodoks dhe është e varrosur në Hilandarin ortodoks serb.

Në parim edhe mund të jenë të sakta nëqoftëse nuk do të kishin lidhje me shkollën serbe, sidomos pika e dytë, por pika e parë është fund e krye e gënjeshtërt për shumë e shumë arësye. Me sa duket autorët e këtyre tezave nuk e kanë njohur historinë e Krishtërimit në asnjë gërme, le pastaj atë të Katolicizmit në Shqipëri; megjithatë ka zëra që thonë se në Kosovë serbët e quanin Fenë Katolike fe të shqiptarëve. E sqaroj Pirro Priftin fillimisht për pikën e parë, meqënëse e konsideroj viktimë të politikës antishqiptare.

Në territorin e sotëm shqipfolës katolicizmi ka pasur dy faza zhvillimi të ndara midis tyre nga epoka e Gjergj Kastriotit, pa pasur asnjë lidhje të drejtëpërdrejtë me të, ku etapa e parë përben Lindjen europiane të epirotëve dhe etapa e dytë rilindjen europiane të shqiptarëve, pasardhësve të drejtëpërdrejtë të epirotëve duke pasur si emërues të përbashkët Kishën e nderuar Katolike Epirote dhe atë Shqiptare. Shqiptarët akoma nuk e kanë mësuar se Papa i parë i Krishterimit Institucional në qytetin e Përbotshëm të Romës ka qenë i Trembëdhjeti Papë i Kishës së Shenjtë Epiroti Shën Eleuteri (175 -189).

-Gjurmën e parë të Katolicizmit në popullatën shqipfolëse e kemi të saktësuar me Koncilin e Tivarit me 1199 kur u vendos të ndalohej martesa brenda rrethit të shtatë në familjet katolike shqiptare.

-Gjurmën e dytë të Katolicizmit në popullatën shqipfolëse e gjejmë në Statutet e Shkodrës (gjysma e parë e shek. të XIV deri me 1469) ku në artikullin e Oliver Jens Schmitt: “Një monument i Shqipërisë Mesjetare Statutet e Shkodrës” gjejmë të shkruar: “Në asnjë tekst tjetër nuk vërehet kaq qartë karakteri neolatin i botës qytetare të Shqipërisë së Veriut dhe vitaliteti dalmat i pjesës së parë të shek. XIV”.

-Gjurmen e tretë të Katolicizmit në popullatën shqipfolëse e gjejmë në Statutet dhe Urdhëresat e Kapitullit të Kishës Katedrale të Drishtit (1456) nga ku rezulton se Drishti ka qenë seli ipeshkvnore e Varoshit 1359-1397.

-Gjurmën e katërt të Katolicizmit në popullatën shqipfolëse e gjejmë tek Formula e Pagëzimit (1462) e Imzot Pal Engjëllit (1416-1470), Ipeshkëv i Durrësit.

-Gjurmën e pestë të Katolicizmit në popullatën shqipfolëse e gjejmë në Kanunin e Skënderbeut (në pjesën e shtatë) ku në 14 artikuj flitet për Kishën e Krishtenë (Katolike) të veçuar nga Kisha Ortodokse. Në nenin 3427, ka një shënim ku, midis të tjerave, shkruhet: “Me ndamjen e perandorisë Romake edhe tokat Ilire u ndanë dysh, jugu me perandorinë e lindjes, kurse pjesa veriore me atë të Romës, kështu edhe mbas ndamjes së kishës në shekullin e XI. Kisha e krishtenë në lulëzim të plotë që në fillim, mbrriti gati në të shuem me islamizimin e mbarë vendit të pushtuem prej turqve aq sa mbërriti në 62 (1462, GH) me 38%. Tokat Ilire që nga jugu në veri janë të mbushura me rrënoja kishash, gjurmët e të cilave shihen kudo dhe në ditët tona. Njehen mbi 33 djecze (dioqeza, GH) e janë: djeczet ma në shej në Iliri, tue fillue nga jugu në veri, si: 1)Gllavinica, Akroreceraunja; 2)Butrinti; 3)Aulona; 4)Pojani; 5)Bilida; 6)Amancja; 7)Pilkerjopulli (Berati); 8)Ohri; 9)Skampa; 10)Kunavia; 11)Vregu; 12)Durresi; 13)Albanopuli ose Arbni; 14)Euba ase Kruja; 15)Bena; 16)Lisi (Mat); 17)Shtjefni (Dibër); të gjitha këto sufragane të Durrësit; 18)Lezha; 19)Sapa; 20)Deja; 21)Sarda; 22)Pulti; dy djeceza; 23)Shasi; 24)Ulqini; 25)Tivari; 26)Kraja; 27)Shkodra; 28)Budua; 29)Raguza; 30)Djoklea, (Ma e randësishmja në Dalmaci); 31)Shkupi; 32)Peja; 33)Prishtina”.

I përmenda të gjitha këto për të treguar se Kisha e Nderuar Katolike Epirote ishte e shtrirë në të gjithë territorin e popullatës shqipfolëse deri në vitin 1462, dmth 6 vjet përpara se Heroi ynë Kombëtar të shkonte tek Idhulli i vet, Jezu Krishti, për të cilin luftoi gjithë jetën dhe për këtë Europa e futi në histori.

-Gjurmën e gjashtë të Katolicizmit në popullatën shqipfolëse e gjejmë në Kanunin e Lek Dukagjinit, ku në Librin e parë kemi titullin: Kisha dhe në artikullin e parë bëhet fjalë për pjesën qytetnore.

Të gjashta këto gjurmë të Katolicizmit Institucional janë përpara vitit 1468, dhe janë të lidhura me Historine e Katolicizmit ndër shqiptarë. Pas 1478, të gjithë institucionet Katolike epirote u larguan nga territori i sotëm i Shqipërisë, por bërthama e saj ndenji në Kosove dhe kjo është arsyeja përse Kosova është Djepi i shqiptarisë së sotme. Por në këtë kuadër ne gjejmë një gjurmë të re të shtrirjes së Katolicizmit institucional përpara vitit 1478.

-Gjurmën e shtatë e gjejmë tek prejardhja e Gjon Françesk Albanit (1649-1721), Papa i 243 i Kishës së Shenjtë Katolike Klementi XI (1700-1721) me origjine nga Kurbini. Dmth në parim epirotët të ritit Ortodoks u vendosën në Kalabri, por pati edhe epirotë të veriut (Kurbin) që u vendosën në Itali dhe që ishin të besimit Katolik.

Deri këtu kemi të bëjmë me fazën e parë të Katolicizmit në popullatën shqipfolëse, e cila u largua pas vitit 1478, duke e lënë Shqipërinë e sotme pa besimin e Krishterë të ritit Katolik.

Se çfarë thonë letrat nuk ka asnjë rëndësi, por Kisha Katolike Shqiptare e sotmja e ka zanafillën nga Kisha Katolike e Kosovës, ku dardanët e Kosovës u shpërngulën në Mirditën e sotme duke sjellë me vete besimin Katolik, Kishën Katolike, emrin Orosh, emrin Mirditë, Kanunin e Lek Dukagjinit, por dhe diçka tjetër, që na vërteton kohën se kur ka ndodhur ky tranferim institucional fetar. Bëhet fjalë për shkollat në Gjuhën Shqipe ku në vitin 1584, kemi shkollën shqipe në Strumbëll të Pejës dhe me 1632 shkollën shqipe në Velë të Mirditës; dmth midis vitit 1584 dhe vitit 1632 kemi ringritjen e Kishës Katolike Shqiptare mbi një bazë të paparë deri atëhere dhe në këtë pikë fillon çdo gjë që mban emrin shqiptar. Nga viti 1632 deri me 1944 Europa veproi mbi shqiptarët me anë të institucionit të Kishës Katolike Shqiptare duke mos e lënë popullatën shqipfolëse në mëshirë të fatit politik që i kishte përgatitur Perandoria Otomane.

Por kjo nuk e pengoi një pasha otoman Mehmed Pashë Bushatlliu (Pashai i Shkodrës në vitet 1768-1774) të themelonte një pashallëk, prej nga i biri Kara Mahmud Pashë Bushati (1749-1796) të vendoste në Shkodër qendrën Katolike të Kishës, duke e spostuar nga Oroshi, prej nga fillon edhe historia moderne e Kishës Katolike Shqiptare dhe roli i saj për çeshtjen shqiptare.

Këngëtari i njohur Bardhi, ishte një ndër banorët e konfirmuar për të qenë pjesë e Big Brother Vip. Mirëpo me nisjen e programit, u vu re se ai nuk ishte pjesë.

Asgjë nuk është konfirmuar prej tij, sakaq nëpër mediat rozë përflitet sesi qëndron e vërteta. Lajmin për të qenë pjesë e ‘BBV3’ e dha vetë ai, gjatë një koncerti që zhvilloi në kryeqytet, dhe siç duket kjo gjë e ka penalizuar atë.

Kjo pasi ajo çfarë Bardhi ka deklaruar bie ndesh me rregulloren e programit ku banorët nuk duhet të konfirmojnë pjesëmarrjen e tyre ende pa nisur ‘BBV’. Ndoshta në ditët në vazhdim do të zbulojmë diçka më të detajuar.

Aktori i humorit i ka kërkuar që kjo të jetë hera e parë dhe e fundit që Meri e bën një gjë të tillë.

Një debat ditën e sotme është shkaktuar edhe mes Julit dhe Merit brenda shtëpisë së Big Brother VIP.

Ka qenë Juli ai i cili duket se nuk ka pranuar një shaka të Merit me emrin e tij.

Aktori i humorit i ka kërkuar që kjo të jetë hera e parë dhe e fundit që Meri e bën një gjë të tillë.

Juli: Shaka ti me emrin tim mos bëj më

Meri: Po ta thashë me shaka more, është problem i yti nëse e merr ndryshe

Juli: Unë kaq po të them, mos e zgjat më

Meri: Ke probleme me veten nëse e merr ndryshe, sepse ti e pe shumë mirë që është me shaka

Juli: Lëre tani, mos e zgjat

“Big Brother VIP” 1 dhe 2 kanë diçka të përbashkët, përveç suksesit që kanë pasur dhe kjo është se Sabiani ishte banor tek të dy sezonet.

Por vitin e kaluar ai premtoi se do të hynte dhe në sezonin e tretë, duket se e ka mbajtur fjalën.

Ai do hyjë në shtëpinë e “Big Brother VIP”, por e gjitha është në kuadrin e lojës për banorët.

Sezonin e fundit, pasi hyri për t’iu bashkuar vajzës së tij, Kejsit, ai premtoi me shaka se do hynte dhe në edicionin e tretë.

Heidi Baci, protagonistja e edicionit të fundit të Grande Fratello, e cila u largua nga loja pas 40 ditësh, pas takimit me babain e saj, është konkurrentja e edicionit të tretë të Big Brother Vip Albania, shkruajnë mediat italiane.

Javët e fundit ka pasur shumë zëra se mes tyre është edhe Heidi, ndërsa thashethemet morën fund mbrëmë. Mediat italiane, si “Isa e Chia”, nuk nguruan të shkruanin për bukuroshen shqiptare, ku pak kohë më parë, historia e saj e dashurisë brenda “Grande Fratello” dhe futja e babait të saj në shtëpi, mori vëmendjen e të gjithëve.

“Përshëndetje, unë jam Heidi Baci dhe jam 26 vjeç. Unë kam lindur në Itali dhe jam ka diplomuar për Bioteknologji në Zvicër. Ndërkohëjam marrë edhe me modë. Aktualisht shes varka elektrike për një kompani prestigjioze, ndërsa jetoj në Milano. Gjithmonë e kam dashur botën e televizionit. E kam ndjekur gjithmonë dhe arrita të hyja në Big Brother italian. ishte një përvojë e mrekullueshme, por e braktisa pas 40 ditësh. Babai im hyri brenda dhe më bëri të kuptoj shumë gjëra në atë moment. Me vullnetin tim të lirë vendosa të largohem nga programi. Familja ime është më e rëndësishme për mua. Unë hyj në Big Brother single (beqare) dhe le të shohim se si do të përfundojë. Unë jam e hapur… Shqipëria është origjina ime dhe më pëlqen shumë. Për gjithë këto vite larg nuk kam mundur ta njoh mirë botën e argëtimit shqiptar. Por është edhe më mirë sepse do ta njoh më mirë dhe objektivisht kush jam pa u ndikuar. Unë mendoj se do të shkoj larg, shpresoj që njerëzit të më pëlqejnë”, ishte ky prezantimi i klipit të Heidit.

Kush është Heidi Baci

“Dy “Big Brothers” njëri pas tjetrit, kjo është historia e Heidi Bacit, e cila sot bëhet pjesë e shtëpisë më të famshme në Shqipëri. Baci ka lindur më 19 gusht 1997. Babai i saj është me origjinë nga Shkodra, por familja e saj ka jetuar në Durazzo përpara se të transferohej në Itali në Pescara, në kërkim të një jete më të mirë, në vitin 1996. Konkurrentja ka lindur dhe është rritur në Vasto ( Pescara), qytet bregdetar në Itali. Gjatë studimeve ajo filloi edhe modelingun.

Ajo u bë e njohur për publikun italian dhe atë shqiptar me hyrjen e saj në edicionin e fundit të “Big Brother” të Alfonso Signorinit. Që në prezantimin e saj të parë, bukuroshja shqiptare ka folur për origjinën e saj dhe ka pushtuar publikun italian.

Mediat italiane e cilësuan si “fituesen” e këtij Big Brother. Ndër të tjera ajo ka nisur një “marrëdhënie” me aktorin Massimiliano Varrese, 21 vite më i madh se ajo. Mirëpo, babai i saj hyri në shtëpinë e GF-së, duke i kërkuar që të largohej nga loja dhe kështu ajo vendosi të largohej nga ai reality shoë dhe tani është këtu në shtëpinë e Big Brother Vip Albania”.

Një 18 vjeçar ka humbur jetën në rrethana tragjike pas lëkundjeve të tërmetit në fshatin Çinarë të Lushnjës.

Në komunikatën zyrtare të policisë thuhet se ka ndërruar jetë për shkaqe natyrale, ndërsa familjarët tregojnë se djali me autizëm ka humbur jetën në momente paniku ndërsa e ëma kishte shkua ta merrte për të dalë jashtë

“Nipi ka qenë i sëmurë. Mesa mora vesh unë është trembur është çuar dhe ka rënë dhe ka vdekur. Nuk e di se si ka rënë. Unë tani erdha në spital sepse isha te shtëpia dhe më thanë që e ka marrë ambulanca dhe e ka prurë. Ka qenë i vdekur kur e kanë sjellë në spital. Ai ishte i sëmurë, ka qenë shtruar”– tha një i afërmi i viktimës.

Grupi hetimor po punon për dokumentimin ligjor të shkakut të humbjes së jetës ndërsa priten rezultatet e autopsisë.

Puntata e parë e edicionit të tretë të BBV nisi mbrëmjen e djeshme, nën drejtimin tepër elegant të Ledion Liços.

Ai rikthehet për herë të dytë në këtë format dhe menjëherë ka tërhequr vëmendjen e ndjekësve me veshjen e tij shumë elegante.

Ledioni e mbushi ekranin me staturën dhe veshjen elegante.

Kostumi i tij ishte një smoking, stil velvet, ndërkohë që këpucët nuk ishin asgjë më pak se Christian Louboutin. Kuratorët e imazhit të tij kanë zgjedhur linjën Chambeliss Night Strass, që kapin shifrën e 1295 eurove.

Sapo ka nisur loja e Big Brother VIP, duket se gazetarja Ilnisa Agolli është përfshirë në disa debate. Pas pakënaqësisë që pati me Ledjonën, një pëërplasje u pa edhe me Riken.

Sipas kësaj të fundit, gazetarja i ka qeshur në fytyrë, gjest që nuk i ka pëlqyer aspak.

Rike: E bëre me tendencë

Ilnisa: Po ça tendence, unë nuk të njoh nuk kam gjë me ty

Rike: Po më qeshe në fytyrë moj zemër

Ilnisa: Po rri pra tani, unë ashtu e kisha unë po bëja humor. Unë ndoshta kam humor të zi, ti nuk e pranon

Rike: Mua mos më qesh më në fytyrë, kaq

Ilnisa: Po s`të qesha në fytyrë fare

Rike: Do tì themi ta nxjerrin, unë nuk jam qorre

Ilnisa: Të duket ty sikur

Rike: Po e bëre pra, se nuk jam budalle. Mos me qesh me dhembet e hapura ne fytyre se me kap 5-minuteshi. Mos me qesh me negativitet.

Të tjera detaje dalin në dritë nga ekzektutimi i Zabunis, mafiozit grek që u ekzekutua gjatë natës në Athinë.

Artur Bibe raporton se viktima 44-vjeç akuzohet për vrasjen e disa personave.Po ashtu, ai akuzohej si ekzekutori i bandës së vëllezërve Vlastos, të vrarë njëri një burg dhe tjetri me atentat të ngjashëm me këtë të sotmin.

Zabunis tentoi ti bënte atentat gjykatëses që po gjykonte vllezërit Vlastos në 2012 por ngjarja u shmang falë ndërhyrjes së policisë.

Policia e Korçës ka proceduar penalisht një 15-vjeçar pasi është përfshirë në një aksident automobilistik duke drejtuar mjetin pa patentë.

Mësohet se ai ka humbur kontrollin e drejtimit të automjetitn në aksin “Korçë-Mborje” dhe për pasojë ka dalë nga rruga.

Nga aksidenti ka mbetur i plagosur një 13-vjeçar, pasagjer në mjet, i cili ndodhet për mjekim në spital.

Sakaq, materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme

Njoftimi i policisë:

Specialistët për Hetimin e Krimeve të Komisariatit të Policisë Korçë referuan materialet në Prokurori ku filloi procedimi penal në gjendje të lirë për një 15-vjeçar, banues në Korçë, pasi në rrugën “Korçë-Mborje”, pranë degëzimit për në Malin e Moravës, ky shtetas duke drejtuar automjetin pa leje drejtimi, dyshohet se ka humbur kontrollin e drejtimit të tij dhe automjeti ka dalë nga rruga. Për pasojë është dëmtuar një 13-vjeçar, pasagjer në mjet, i cili ndodhet për mjekim në spital.

Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.