Lajme Flesh

Ish-kryetari i Aleancës Kuq e Zi, Kreshnik Spahiu ka ironizuar marrëveshjen e nënshkruar nga Sali Berisha dhe Ilir Meta për zgjedhjet vendore të 2023.

Përmes një postimi në rrjetet sociale, Spahiu shkruan se Meta dhe Berisha janë bërë bashkë “kundër gjithë planetit”.

Teksa risjell në vëmendje shpalljen non-grata të Berishës nga SHBA dhe Britania e Madhe, Spahiu ironizon duke thënë se Berisha e Meta po planifikojnë rrëzimin e qeverive amerikane e britanike.

Postimi i Spahiut:

PO NDODH: Firmoset marrveshja hisorike për rrëzimin:

– e qeverisë amerikane

– e qeverisë britanike

– e partive europiane

– në fund edhe qeverinë Rama

– Të dy së bashku kundër gjithë planetit

Katër shtetas kinezë janë ndaluar nga Policia e Fierit pasi kanë fotografuar objekte me rëndësi të veçantë.

Kanë qenë banorët e fshatit Mbyet të cilat kanë njoftuar Policinë për rastin e mësipërm. Burime bëjnë me dije se ngjarja ka ndodhur në 6 tetor, ndërsa nuk u raportua për mediet.

Tashmë çështja ka kaluar në prokurorinë e Fierit, ku është bërë me dije se katër shtetasit kinezë ishin punonjës të kompanisë ‘Bankers’ dhe ishin të pajisur me leje të rregullt qëndrimi në Shqipëri.

Kujtojmë se në muajin gusht autoritetet arrestuan 3 shtetas të huaj, dy rusë dhe një ukrainas, pasi tentuan të futen në uzinën e armëve në Gramsh.

Njëri prej tyre u pikos nga ushtari roje, ndërsa për t’i shpëtuar e spërkati dhe me sprite, por u neutralizua nga kolegët e tij. Ndërsa një ditë më pas në Poliçan u shoqëruan në komisariat 4 turistë çekë, të dyshuar për spiunazh, por pas verifikimeve u lanë të lirë.

Finalizohet operacioni policor i koduar “Neutralizimi”, për kapjen e një personi me rrezikshmëri të lartë shoqërore, me rekorde të theksuara kriminale, në fushat e krimeve ndaj personit dhe të armëmbajtjes pa leje.

Qëlloi me armë zjarri ndaj shërbimeve të Policisë në momentin e ndërhyrjes për kapjen e tij, falë profesionalizmit të shërbimeve të Forcës Speciale RENEA, neutralizohet dhe vihet në pranga 49-vjeçari.

49-vjeçari ishte i shpallur në kërkim për armëmbajtje pa leje dhe ishte i dënuar më parë për vrasje.

Sekuestrohen 2 armë zjarri, kallashnikov dhe pistoletë, municion luftarak dhe dylbi.

Shërbimet e Policisë Kriminale të DVP Shkodër, në bashkëpunim me Komisariatin e Policisë të Vau Dejës, në vijim të punës për kapjen e personave të shpallur në kërkim, bazuar dhe në inteligjencën informative, se një shtetas me rrezikshmëri të lartë shoqërore, i shpallur në kërkim për armëmbajtje pa leje, po futej në banesë, kanë finalizuar, në bashkëpunim me Forcën Speciale RENEA, operacionin policor të koduar “Neutralizimi”.

Në momentin që shërbimet e Policisë kanë rrethuar banesën dhe i kanë bërë thirrje shtetasit, në emër të Policisë së Shtetit, për t’u dorëzuar, 49-vjeçari ka qëlluar me armë zjarri në drejtim të shërbimeve të Policisë.

Me ndërhyrjen profesionale dhe në zbatim të ligjit, të shërbimeve të Forcës Speciale RENEA, u bë i mundur neutralizimi i shtetasit që qëlloi me armë zjarri në drejtim të shërbimeve të Policisë. Si rezultat i operacionit “Neutralizimi” u kap dhe u vu në pranga shtetasi i shpallur në kërkim për armëmbajtje pa leje, A. Gj., 49-vjeç, banues në Barbullush, i dënuar më parë për vrasje.

Shërbimet e Forcës Speciale RENEA i kanë sekuestruar në cilësinë e provës materiale armën e zjarrit kallashnikov dhe gjatë kontrollit, i kanë gjetur dhe i kanë sekuestruar 49-vjeçarit edhe një armë zjarri tjetër pistoletë dhe një palë dylbi.

Materialet procedurale i kaluan Prokurorisë pranë Gjykatës së Rrethit Gjyqësor Shkodër, për veprime të mëtejshme.

DASHI 

Ka mundësi që sot të izoloheni sepse do keni nevojë për mbështetje të pakushtëzuar. Nëse keni një lidhje nuk do arrini dot të shpreheni lirshëm dhe ndonjëherë do mendoni se nuk do jeni të denjë për partnerin. Në fakt ai ju dashuron vërtet dhe keni për ta parë sesi do ua shprehë ndjenjat në mbrëmje. Ju beqarët do pëlqeni shumë dikë, por do luftoni me veten për të mos e pranuar. Vetëm sa do i bëni dëm vetes sepse nuk do ja dilni dot ta hiqni nga mendja. Në punë do e keni të vështirë të përqendroheni dhe nuk do arrini dot rezultatet më të mira. Në planin financiar do jeni më të logjikshëm dhe do shpenzoni me plane.

DEMI 

Hëna do i kundërvihet shenjës tuaj gjatë kësaj dite dhe mund t’iu provokojë herë pas here. Mos u mundoni kurrsesi të bëni diçka me zor sepse nuk do dilni të fituar. Nëse keni një lidhje do jeni gjithë kohën nën presion dhe nuk do ndiheni të qetë për t’u dashuruar ashtu si e ndieni. Asgjë nuk do shkojë si e kishit ëndërruar. Sipas Horoskopit, ju beqarëve do ju rëndojë pamasë vetmia dhe çfarëdo përpjekje që të bëni nuk do arrini të ndryshoni asgjë. Në punë ka mundësi t’iu caktojnë në një grup tjetër që në fakt do ju përshtatet edhe më shumë. Rezultatet që do arrini do jenë më të kënaqshme. Financat do i ekuilibroni me pak mundim.

BINJAKËT 

Do i keni mendimet shumë të turbullta gjatë kësaj dite dhe do keni frikë të guxoni të hidhni hapa. Nëse keni një lidhje vërtet do ju mungojë pasioni dhe emocionet e forta, por kjo nuk do të thotë se marrëdhënia me partnerin do jetë problematike. Kujdes vetëm mos bëni kritika që mund ta lëndojnë thellë atë që keni në krah. Ju beqarët do ndiheni akoma më mirë pranë dikujt që keni pak kohë që e keni njohur dhe do filloni të mendoni për t’i çuar gjërat ma tej. Në punë do dini ta menaxhoni situatën në favorin tuaj dhe kjo gjë do ju kënaqë akoma më shumë. Edhe financat do jetë të mira.

GAFORRJA 

Do jeni paksa rebelë gjatë kësaj dite dhe do kërkoni me çdo kush të arrini atë që do mendoni. Nëse keni një lidhje bëni kujdes mos lëndoni partnerin duke menduar vetëm për veten. Reflektoni sa më shumë dhe mendoni atë që është më e mira për të dyja palët nëse nuk doni probleme as më vonë. Ju beqarët do acarohen shumë sepse dikush do ua rrëmbejë nga duart personin që kishit kohë që po e studionit. Në punë vërtet mund të nxitoheni dhe t’i bëni gjërat me inat, por ama keni për të arritur rezultate shumë më të larta nga sa keni menduar. Financat do jene ende delikate.

LUANI 

Sot do jeni në humor dhe do ndiheni më të lirë për të bërë atë që dëshironi. Nëse keni një lidhje do i shmangni gjithë kohës konfliktet dhe do hapni rrugë vetëm që marrëdhënia me partnerit të ecë sa më mirë. Mund të provoni edhe ndonjë çmenduri të vogël që mund të shtojë emocionet. Ju beqarët mos pranoni të afroni persona që ju shohin si objekt seksual. Më mirë qëndroni edhe sot vetëm sesa të vuani më vonë. Në punë do jeni luftarakë dhe nuk do e lëshoni veten as kur të rrëzoheni. Deri ne sekondën e fundit do keni besim që gjërat do rregullohen. Financat do i menaxhoni me kujdes dhe nuk do keni probleme.

VIRGJËRESHA 

Gjatë ditës së sotme do jeni shpesh me nerva dhe nuk do logjikoni para se të veproni. Ju të dashuruarit do e acaroni partnerin tuaj me tekat dhe komplekset që do keni. Në një moment atij mund t’i vijë edhe në majë të hundës e të kërkojë t’iu largojë. Nëse jeni ende vetëm, do ndiheni të bllokuar dhe nuk do mundeni dot as të flirtoni me disa persona. Nuk është kjo dita juaj më me fat. Në punë do ju ngarkojnë akoma më tepër me një detyrë të re për të cilën nuk jeni shumë kompetentë. Kërkoni ndihmë nga kolegët sepse përndryshe nuk do ja dilni dot. Sipas Horoskopit, të ardhurat do fillojnë të dobësohen sepse do shpenzoni nga mërzitja.

PESHORJA 

Mërkuri dhe Neptuni do ndikojnë negativisht tek jeta juaj gjatë kësaj dite dhe mund t’ua bëjnë atë edhe më të vështirë. Ju të dashuruarit do bëni gabime të vazhdueshme dhe nuk do hapni rrugë për asnjë çast. Kokëfortësia dhe krenaria e tepruar do jenë defektet më të mëdha. Ju beqarët do vërtiteni gjithë kohës rreth dikujt, por ende nuk do jeni të bindur për të hedhur hapa. Ai nga ana e tij nuk do bëjë asnjë lëvizje. Në punë nuk do jeni shumë të përgjegjshëm dhe në disa momente mund t’iu dalin edhe goxha të papritura. Sipas Horoskopit, financat nuk do ndryshojnë aspak nga një ditë më parë.

AKREPI 

Sot do e keni paksa të vështirë të bëni zgjedhje sepse do ju vijnë në mendje shumë mendime njëherësh. Ju të dashuruarit nuk do arrini dit t’i shmangni konfliktet. Disa të ashtuquajtur miq, në vend që t’iu ndihmojnë, do ju futin në telashe akoma më të mëdha kështu që duhet të bëni kujdes. Ju beqarët do keni shumë dëshirë të joshni e të guxoni, por do keni frikë dhe ankth për vijimësinë. Kjo gjë do ju pengojë të veproni. Në punë, edhe pse kohët e fundit nuk keni pasur shumë arritje, eprorët do ju besojnë disa çështje të rëndësishme. Mos u frikësoni, por mblidhni fuqitë dhe keni për t’ia dalë. Me shpenzimet mos bëni asnjë lloj çmendurie.

SHIGJETARI 

Dielli do ju bëjë të jeni me humor më të mirë gjatë kësaj dite. Do i vlerësoni edhe më shumë të tjerët dhe do preferoni të jeni gjithë kohës të rrethuar nga miqtë. Nëse keni një lidhje do jeni pafundësisht shprehës sot dhe plot ide për ta bërë marrëdhënien edhe më interesante. Transparenca dhe prakticiteti do jenë virtyte shumë të pëlqyera. Ju beqarët nuk duhet të prisni të jetë tjetri ai që do i hedhë hapat i pari, por duhet të tentoni vetë. Në punë do ju pëlqejnë sfidat dhe pavarësisht lodhjes nuk do ndaleni asnjë moment. Edhe gjendja e financave do jetë goxha e mirë.

BRICJAPI 

Një pjesë e ëndrrave do fillojnë t’iu realizohen gjatë kësaj dite dhe ju do ndiheni edhe më mirë. Nëse keni një lidhje do e dëgjoni shumë partnerin dhe do bëni më shumë ato që do ju thotë ai sesa ato që do mendoni vetë. Mbrëmja ka për të qenë edhe më e zjarrtë falë ambientit romantik që do krijojë ai që ju dashuron. Ju beqarët do filloni të ndjeni për një koleg apo për një shok të vjetër. Në punë do ju paraqitet një mundësi shumë e mirë, të cilën nuk duhet ta humbisni për asnjë lloj arsyeje. Do hidhni hapa para në karrierë. Financat do jenë të sigurta dhe goxha të mira.

UJORI 

Hëna do ju bëjë shumë mosbesues sot. Nga ana tjetër do e teproni edhe me ankesat çka mund t’i acarojë ata që keni pranë. Nëse jeni në një lidhje, sot do jetë dita e reflektimit të gjatë. Do e pyesni veten për gjërat që doni të bëni më tej dhe mundet edhe të diskutoni më hapur me atë që keni në krah. Besojini ato që ai do iu thotë sepse ju do me të vërtetë shumë. Nëse jeni beqarë nuk do ja keni besën askujt dhe do keni frikë te hidhni hapa. Në punë mos kërkoni të realizoni gjithçka në një moment të vetëm sepse është e pamundur. Mos prisni as që dikujt t’i vijë keq dhe t’iu ndihmojë. Financat do jene me delikate se dje.

PESHQIT 

Sido që të ketë qenë jeta juaj kohët e fundit, Dielli do ju ndihmojë të rregulloni gjithçka. Nëse keni një lidhje do i kuptoni gabimet e bëra dhe do jeni më të gatshëm të bashkëpunoni me partnerin për të mirën e të dyja palëve. Në mbrëmje dilni diku dhe provoni diçka ndryshe. Ju beqarët më mirë mos tentoni të bëni asgjë më shumë sesa disa flirtime sepse sot nuk është koha e përshtatshme. Në punë duhet të tentoni të filloni luftën për të arritur fitoren e madhe. Mos nënvlerësoni asnjë armik. Për financat do keni aleat Jupiterin dhe situata do jetë më e normalizuar.

Tensionet Greqi-Turqi vijojnë ende ndërsa raportohet se sot ka pasur disa shkelje të hapësirës ajrore greke mbi Egje nga avionë luftarakë dhe dronë turkë.

Mësohet se në total 19 avionë, 8 prej tyre të armatosur kanë shkelur hapësirën ajrore greke, mbi Egjeun Verilindor, Qendror dhe Juglindor.

Sipas informacionit të dhënë nga GEETHA, avionët turq janë kapur në përputhje me rregullat ndërkombëtare, por megjithatë pala greke mbetet e shqetësuar.

Një sëmundje virale i ka kthyer pëllumbat në Mbretërinë e Bashkuar në krijesa të ngjashme me zombi – duke i bërë ata të zhvillojnë qafë të përdredhur dhe të ecin në formë rrathore, thanë ekspertët e kafshëve.

Shoqëria Jersey për Parandalimin e Mizorisë së Kafshëve ndau një alarm së bashku me fotot befasuese të pëllumbave me qafë të shtrembëruar.

“Ka pasur një rritje të numrit të pëllumbave të tokëzuar që vijnë në Strehën e Kafshëve JSPCA në javët e fundit, shumë prej të cilëve kanë shfaqur shenja neurologjike si qafë të përdredhur, duke u rrotulluar ose nuk janë në gjendje të qëndrojnë në këmbë,” tha shpëtimtari i kafshëve.

Ai tha se sëmundja duket të jetë paramyxovirus i pëllumbave, i cili përshkruhet si “një sëmundje virale pa ndryshim fatale që mund të prekë pëllumbat, pëllumbat dhe shpendët”.

Mbajtësit e shpendëve u këshilluan të mbanin një sy për simptomat, raportoi The Sun.

Për të parandaluar paramyxovirusin e pëllumbave, ata mund të vaksinojnë zogjtë dhe të sigurohen që të ruajnë biosiguri të rreptë në mbylljet e tyre.

“Virusi nuk i përgjigjet trajtimit edhe pse kujdesi mbështetës nga një veteriner mund të zvogëlojë ashpërsinë e sëmundjes dhe të rrisë shanset për mbijetesë,” tha Bird Exotics Veterinary, sipas The Sun.

Për fat të mirë, njerëzit nuk mund ta kapin sëmundjen, megjithëse njerëzit që trajtojnë zogjtë e infektuar mund të kapin konjuktivitin, i njohur gjithashtu si sy i kuq.

Ish-kryeministri Sali Berisha i është përgjigjur me gjuhë të ashpër zyrtarit të lartë amerikan Gabriel Escobar, pasi ky i fundit i bëri thirrje institucioneve të drejtësisë shqiptare të hetojnë ish-kryeministrin për korrupsion.

Berisha e akuzon Escobar-in duke e quajtur shpifës, ndërsa në një reagim të gjatë në rrjetet sociale, thotë se SHBA nuk ka asnjë provë për korrupsionin që ka çuar në shpalljen e tij “non-grata”. Berisha ripërsërit pretendimet se dezignimi i ka ardhur si pasojë e lobimit të Edi Ramës përmes George Soros në SHBA.

Më tej, Berisha akuzon ambasadoren e SHBA në Tiranë, Yuri Kim për ndërhyrje në gjykata kundër vendimeve për PD-në si dhe thotë se institucionet e drejtësisë, të cilave Escobar u bëri thirrje ta hetojnë, kanë dalë nga “reforma sorosiane në drejtësi”.

REAGIMI I PLOTË I BERISHËS:

Përgjigje Zëvendës Asistent Sekretarit të Shtetit Gabriel Eskobar

Gënjeshtra dhe shpifja sado që të përsëriten, nuk bëhen as më të besueshme, as më të bukura; e kundërta ndodh me to.

Dje, zëvëndës asistent sekretari i shtetit, z. Gabriel Eskobar përsëriti shpifjet ndaj meje përmes Zërit të Amerikës, por si gjithmonë, duke mos percjellë dot qoftë edhe një fakt të vetëm.

Lidhur me këtë sulm theksoj dhe njëherë sa vijon:

Dezignimi i Sali Berishës pa asnjë provë, fakt apo dokument përsëris se është rezultat i lobimit korruptiv mafjoz të Edi Ramës dhe protegesë së tij George Soros, si hakmarrje e verbër politike pasi unë në vitin 2017 kam kërkuar shpalljen non grata të George Soros dhe kam kundërshtuar projektet e tij të ndarjes dhe shkëmbimit të territoreve midis Kosovës dhe Serbisë. Gjithashtu, kam kundërshtuar Ballkanin e Hapur si projekt serbo rus, si dhe reformën e drejtesisë, e cila sot ka shndërruar drejtesinë shqiptare në një degë të diskretituar para shqiptarëve të ekzekutivit të vendit.

Shpallja ime non grata 8 vite pasi kisha hequr dorë nga çdo rol udhëheqës dhe vendimmarrës në Partinë Demokratike, por me një autoritet moral mes demokratëve dhe në shoqërinë shqiptare, kishte dhe ka si qëllim kryesor të ndihmohej qeveria e Edi Ramës, e cila është me e korruptuara në Europë, dhe të dëmtohej opozita shqiptare e të përbaltej trashëgimia e saj 30 vjeçare.

Për të gjitha këto, Sali Berisha ka deklaruar në krye të rradhës se në momentin kur sekretari i shtetit ose çdo agjensi tjetër e SHBA apo e çdo vendi tjetër mbi tokë, do të paraqesë një provë, dokument të vërtetë të vetëm që fakton akuzën e z. Blinken për korrupsion ndaj tij, ai do të merrte çdo vendim kundër vetes së tij, përfshi këtu largimin përfundimtar nga jeta politike.

Por, ju siguroj se askush dhe asnjë vend në botë nuk kanë dhe nuk do të kenë gjë tjetër përveç shpifjeve dhe trillimeve të mediave të George Soros dhe raporteve me trillime të Edi Ramës.

Meqënëse z. Eskobar në mënyrë të përsëritur u bën thirrje institucioneve shqiptare të krijuara nga reforma sorosiane të hetojnë akuzat ndaj meje; unë i bëj thirrje atij të respektojë minimalisht kërkesat që ju vijnë nga kongresi për të bërë transparencë për këtë vendim të bazuar totalisht mbi shpifje!

Në deklaratën e tij z Eskobar thotë se vendimi nuk ka qenë politik, por në fakt, jo vetëm mungesa e fakteve dhe e transparencës por mbi të gjitha, instrumentalizimi i këtij vendimi është prova më e fortë e substancës, qëllimit madje dhe aktorëve politikë që qëndrojnë pas tij!

Kjo është parë qartë në deklaratat groteske të ambasadores suaj e cila kërcënonte demokratët që mbështesnin Berishën se do të hanin bar!

Tek kërkesa brutale, absurde dhe në dhunim flagrant me sovranitetin e vendit që Sali Berisha të mos futej në parlament!

Tek ndërhyrjet në kundërshtim me Konventën e Vjenës në zhvillimet e brendshme brenda Partisë Demokratike, deri tek thirrjet e hapura ndaj elektoratit se për kë duhet të votojnë, apo presionet ndaj gjykatave për ta bërë shumicën pakicë, të gjitha këto në kundërshtim me sovranitetin e Shqiperisë, ligjet e vendit dhe konventave ndërkombëtare. 

Nëse vendimi juaj nuk do të ishte politik, asgjë që ju dhe ambasadorja juaj keni bërë më pas nuk do të kishte qenë e nevojshme, por veprimet tuaja së bashku me mungesën e fakteve dhe transparencen tregoi krejt të kundërtën.

Por, pavarësisht nga këto ndërhyrje dhe ndërhyrjet direkte të Edi Ramës dhe ambasadores Yuri Kim në vendimet e gjykatave kundër PD mbështetja për Sali Berishën dhe Partinë Demokratike tashmë të Rithemeluar mbi bazën e vlerave të saj konservatore është më e madhe se asnjëherë në 9 vitet e fundit, dhe asgjë nuk mund ta ndalojë atë për të shpëtuar Shqipërinë nga regjimi absolutar i Edi Ramës që kontrollon sot të gjitha pushtetet në Shqipëri dhe ka sot, falë mbështetjes së George Soros, 10 përqind me shumë pushtet seç kishte diktatori i fundit komunist në Europë.*

Së fundi, dua të sqaroj opinionin se ata që mbështesin Sali Berishën janë burra dhe gra që përmbysën diktaturën, e cila në vend të votave u ofronte bar; janë të rinj dhe të reja që nuk duan të largohen nga Shqipëria. Të gjithë ata nuk pranojnë gënjeshtrën për të vërtetë, shpifjen për realitet dhe as të delegojnë ndërgjegjen e tyre. Ata kane mirënjohje të pakufijshme ndaj SHBA për rolin e saj historik në sovranitetin e Shqiperisë dhe të Kosovës, por ata janë patriotë dhe nuk mund të pranojnë kurrë që dikush tjeter përveç qytetarëve shqiptarë të caktojnë deputetet e parlamentit të tyre.

Ata kanë qenë dhe janë pro-amerikanë që besojnë në vlerat e larta të lirisë dhe demokracisë që ndajnë me kombin amerikan.

Demokratët shqiptarë vijnë shumë krenarë për kontributet e tyre në këtë 100 vjetor të marrdhënieve shqiptaro-amerikane dhe të vendosur të japin dhe më shumë për miqesinë midis dy vendeve tona në 100 vitet që vijnë.

Një djalë nga Vlora ka kurorëzuar dashurinë e tij me një vajzë amerikane duke i “treguar” SHBA kështu dhe traditat shqiptare.

Albi Selimaj nga Vlora që prej vitesh jetoin në Amerikë dhe Eugenie Bedell, nga dy prindër emigrante nga një kontinent tjetër, kanë kurorëzuar dashurinë e tyre, duke organizuar dhe një dasmë të madhe.

Dasma ishte e ndërthurur me traditat përkatëse të vendeve të çiftit, por ku nuk kanë munguar dhe rrobat tradicionale shqiptare, shkruan gazeta “Ilyria”.

Nusja kishte vendosur që të surprizonte partnerin e saj, teksa kishte ftuar këngëtarin e njohur Ylli Baka, i cili e “ndezi” atmosferën dhe bëri që gjithë të ftuarit të ngriheshin në këmbë.

Foto nga dasma:

Gazetari Zoran Bozhinovski, i cili është dhe pronari i portalit Burevesnik është rrahur mbrëmjen e djeshme para shtëpisë së tij në Manastir nga persona ende të paidentifikuar nga Policia.

Ai është dërguar menjëherë në spital për të marrë ndihmën mjekësore.

Rasti është konfirmuar edhe nga bashkëshortja e tij Panda Solunçevska, e cila ka qenë me të gjatë dhunimit.

Bozhinovskit i është thyer hunda ndërsa ka edhe lëndime tjera në kokë. Personat që e kanë sulmuar kanë qenë me maska dhe e kanë goditur me shifra hekuri.

Bozhinovski deri më tani nuk ka bërë të ditur asgjë. Kjo nuk është hera e parë që një gazetar bëhet objektiv i një sulmi fizik. Ndërkohë Policia ka nisur hetimet dhe po punon për zbardhjen e ngjarjës.

Mjeku Armend Rexhepi, nga Gjilani ka bërë një gjest human për qytetarët e Kosovës.

Ai ka vendosur një letër në xhamin e pasmë të makinës së tij, ku u drejtohet qytetarëve që nuk kanë mundësi të paguajnë vizitat mjekësorë, duke iu thënë që ta kontaktojnë këtë të fundit, pasi do t’u shërbejë falas.

“Nëse keni nevojë për mjek dhe nuk keni mundësi të paguani, atëherë më ndaloni”, shkruhet në mesazhin e tij drejtuar qytetarëve.