Lajme Flesh

Një 37-vjeçar është arrestuar teksa pinte kafe në lokal i armatosur.

37-vjeçari Aurel Lazaj është arrestuar në rrugën “Him Kolli”, në Tiranë pasi policia ishte informuar në telefon se një person i armatosur po pinte kafe në lokal.

Gjatë kontrollit fizik, policia i ka gjetur 37-vjeçarit një armë zjarri dhe municion luftarak.

Njoftimi i policisë:

Shërbimet e Sektorit për Hetimin e Narkotikëve të DVP Tiranë, në vijim të punës për parandalimin dhe goditjen e veprimtarisë kriminale në fushën e armëmbajtjes pa leje, bazuar dhe në informacionet e siguruara në rrugë operative se në një lokal në rrugën “Him Kolli”, ndodhej një shtetas i armatosur, kanë organizuar dhe finalizuar operacionin policor të koduar “Befasia”, për kapjen e tij.

Gjatë operacionit, shërbimet e Policisë kanë ndërhyrë në lokalin ku po qëndronte shtetasi A. L., të cilit gjatë kontrollit fizik i gjetën një armë zjarri pistoletë me municion luftarak. Në vijim të veprimeve procedurale u arrestua në flagrancë shtetasi A. L., 37 vjeç, banues në Tiranë, për veprën penale “Mbajtja pa leje dhe prodhimi i armëve, armëve luftarake dhe i municionit”.

Gazetari Arian Çani komentoi qëndrimin e Greqisë ndaj integrimit të Shqipërisë si shkak i çështjes Beleri.

Sipas tij Fredi Beleri është i burgosur politik dhe po përdoret si kokë turku nga pushteti.

Beleri është koka e turkut që duhet mbajtur në burg dhe unë dyshoj se ai do mbahet në burg derisa të bëhen zgjedhjet e tjera në Himarë.

Beleri sot duan s’duan ata që e urrejnë, edhe në media ka njerëz me urrejtje patologjike, ai po të dali ka influencë, nuk është më njeriu i panjohur para majit, është bërë çështje ndërkombëtare. Në Himarë Beleri do fitonte përsëri.

Greqia nuk tërhiqet, Athina me mençuri kanë kapur një pikë të dobët; pse nuk e lini të betohet dhe ktheheni në burg. Kjo është në konventën evropiane të të drejtave të njeriut, tha Çani.

Disa tifozë shqiptarë nuk janë lejuar të futen në Moldavi.

Autoritetet i kanë ndaluar në doganë për arsye sigurie.

Sipas burimeve të A2 CNN, ata mësohet t’u kenë thënë: “Ju shqiptarët jeni rrezik në Moldavi”.

Një pjesë prej tyre i kanë marrë në pyetje.

Sot më 17 nëntor 2023, euro blihet me 103.5 lekë dhe shitet 104.1 lekë.

Dollari amerikan blihet me 95 lekë dhe shitet me 96.2 lekë.

Paundi britanik sot blihet me 117.5 lekë dhe shitet me 119.5 lekë.

Franga zvicerane këmbehet sot në blerje me 106.5 lekë, ndërsa në shitje me 107.7 lekë.

Dollari kanadez sot në blerje këmbehet me 69.3 lekë dhe në shitje me 71.6 lekë.

Më poshtë tabela sjell të dhënat e këmbimit valutor, për të gjitha monedhat e huaja.

Dashi

Nëse keni ëndrra, ambicie për të arritur, sot yjet ju ofrojnë mundësi të mira! Ju jeni pozitiv dhe optimist dhe imagjinata juaj do të përfitojë në dashuri. Nëse jeni vetëm, do të keni shumë mundësi për të gjetur shpirtin binjak. Do të jeni të kujdesshëm dhe të kthjellët, të aftë për tu përqendruar, kjo do t’ju lejojë të bëni shumë punë pozitive.

Demi

Yjet janë në anën tuaj dhe ju lejojnë të rikuperoni gjendjen e mirë dhe interesin e kënaqësitë e jetës. Dashuria ju kënaq nga çdo pikëpamje. Disa beqarë do të zhgënjehen nga një person që sapo kanë njohur. Pasionet tuaja së shpejti mund të jenë të dobishme edhe në vendin e punës: një arsye tjetër për t’i kultivuar ato!

Binjakët

Hëna dhe Neptuni shqetësojnë gjendjen tuaj dhe kjo do t’ju bëjë të ndiheni të nënshtruar. Merrni mjetet e nevojshme, dilni dhe kënaquni, gjithashtu do t’i jepni shtysë marrëdhënies suaj në çift. Lajme të mira edhe për beqarët, dikush do të hyjë në zemrën tuaj dhe do të ndieni emocione! Mbajini sytë hapur në vendin e punës: dikush mund të përpiqet t’ju bëjë të ziheni ngushtë!

Gaforrja

Disa lajme të mira mund ta bëjnë figurën e dashurisë edhe më të bukur: nëse jeni çift mund të mendoni të zgjeroni familjen! Ndryshime edhe në sytë e beqarëve, ju mund të shpresoni për një përgjigje që prisni për një kohë ose në kthimin e një ish-it tuaj. Të ardhurat ekonomike po rriten. Sot do të jetë një ditë produktive për të gjithë të lindurit e Gaforres.

Luani

Kush ka përjetuar një krizë dashurie ose tensione nga pikëpamja e marrëdhënieve, sot do të jetojë një situatë të sigurt, e vendosur mes arsyes dhe ndjenjave. Beqarët Luan do të duhet të lënë mënjanë krenarinë e tyre nëse duan të fitojnë një person shumë të veçantë. Nga këndvështrimi i biznesit ju duhet të kërkoni më shumë: disa kanë marrë shpërblime por nuk i konsiderojnë të mjaftueshme.

Virgjëresha

Ju po kaloni një fazë veçanërisht të frytshme për burimet mendore dhe komunikative. Por mos u përpiqni të largoni nga vetja të dashurit tuaj për punën. Beqarët mund të përfitojnë nga ky moment i favorshëm për të filluar flirte të reja. Ju jeni duke u sforcuar me ritmet e punës, duhet t’i jepni vetes një pushim. Shtyni angazhimet më pak urgjente!

Peshorja

Një moment i përshtatshëm për qartësi për një çështje. Nëse është çështje e zemrës, gjeni fjalët e duhura për t’u marrë me të pa dëmtuar personin e zemrës. Ata që janë vetëm do të kenë disa mendime mbi kokat e tyre dhe pak kohë për t’i kushtuar dashurisë. Asnjëherë mos e zotëroni angazhimin e nevojshëm për të arritur qëllime të caktuara: nëse doni të merrni një rezultat të caktuar, duhet të përvishni mëngët.

Akrepi

Yjet sot janë mjaft të favorshme dhe inkurajojnë kuptimin e çifteve. Jeta e dashurisë vazhdon të zbulojë gjithnjë e më shumë emocione. Zemrat e vetmuara do të duhet të punojnë shumë për të tërhequr pas vetes njerëzit që pëlqejnë, por duhet të bëni kujdes. Yjet janë të favorshëm për projektet tuaja ekonomike dhe sinjalizojnë një moment të artë për marrëveshje biznesi të suksesshme.

Shigjetari

Ditë magjike për dashurinë, ju do të përjetoni një sensualitet të jashtëzakonshëm dhe dialogu me partnerin/en është i përsosur. Shigjetarët beqarë do të ndiejnë një dëshirë të fortë për të përjetuar emocione të reja dhe këtë të premte Hëna do të kthehet në anën e tyre! Hëna në shenjë, së bashku me Marsin, ju jep kthesa të rëndësishme edhe në profesion. Rezultatet, për më tepër, do flasin vetë!

Bricjapi

Ju do të vini re se në mëngjes gjërat nuk do të ecin shumë mirë dhe përpjekjet tuaja do duket sikur nuk do bëjnë dot asgjë. Kjo klimë kapriçioze ndodh në marrëdhënien e çiftve dhe do të bëjë që ju të lëvizni çdo gur. Beqarët nuk duhet të mashtrohen nga emocionet, përndryshe do të rrezikojnë të humbasin busullën. Rrethanat e paparashikuara dhe pengesat do të gjejnë një mënyrë për të rregulluar punët. Jini vigjilentë!

Ujori

Kaloni më shumë kohë me personin që doni nëse nuk preferoni të humbisni emocione të caktuara. Sot është dita e përkryer për të formuar ëndrrat, për të realizuar një projekt të madh. Beqarët do të ndjejnë nevojën për të mbyllur shtigjet e vjetra dhe për të filluar njohje të reja. Hëna dhe Marsi në Shigjetar ju japin një dorë në të gjitha situatat që kërkojnë ndërhyrje në kohë përsa i përket jetës profesionale.

Peshqit

Sot ju do të përjetoni një situatë të ekuilibruar. Do të keni çdo mundësi për t’u kthyer në rrugën e duhur dhe të përqendroheni te dashuria. Nëse jeni vetëm, mund të ndjeheni pak melankolik, por nuk do të tërhiqeni. E premtja është e mbushur me probleme të vogla në sferën profesionale me të cilat do të haseni gjatë gjithë ditës.

Kjo e enjte shënoi ditën e fundit me mot të mirë dhe me diell. Kjo, pasi e premtja do të sjellë në vendin tonë dimrin e vërtetë, pasi i gjithë territori pritet të përfshihet nga reshjet.

“Kemi një stuhi polare, e cila po zbret drejt rajonit të Ballkanit, duke prekur edhe territorin shqiptar. Parashikohet që dita e premte të sjellë vranësira të shumta, që do të gjenerojnë reshjet shiu, si fillim në pjesën veri-perëndimore”, tha meteorologu Hakil Osmani për Tv Klan.

Situata do të përkeqësohet në orët e mbrëmjes të së premtes, teksa reshjet në zonat malore do të jenë në formën e dëborës.

“Në zonat malore, kryesisht ato veri-lindore, duke përfshirë këtu qarkun e Kukësit, Pukës, Peshkopisë, pritet të sjellin reshje në formën e dëborës, ndërsa pjesa tjetër e territorit shqiptar, do të ketë reshje shiu, të cilat do të jenë herë pas here edhe në formën e rrebesheve afatshkurtra”.

Kjo do të shoqërohet me një ulje të ndjeshme të temperaturave ku termometri do të shënojë edhe vlera negative.

“Vlerat maksimale pritet të zbresin rreth vlerës 18 gradë Celsius. Dita e diel parashikohet të sjellë një tjetër rënie të vlerave. Në qytetet malore, vlerat minimale parashikohet të zbresin në minus 3 apo minus 4 gradë Celsius”, tha meteorologu Osmani.

Por fundjava do të sjellë një përmirësim të kushteve atmosferike, por problematik do të jetë parametri i erës që do të arrijë deri në 55 kilometra në orë.

Megi Pojani mori sot gjatë emisionit në “Për’puthen” një letër të pazakontë dashurie.

Reality show i parë dhe më i ndjekur i dashurisë në Shqipëri “Për’puthen” është rikthyer edhe këtë sezon në ekranin e Top Channel. Këtë vit moderatore e emisionit për herë të parë është Megi Pojani dhe opinionistët, Neada Balluku, e cila ka qenë edhe sezonin e kaluar Kastro Zizo dhe Aulona Musta.

Megi Pojani mori sot gjatë emisionit në “Për’puthen” një letër të pazakontë dashurie. Ajo lexoi para konkurrentëve shkrimin poetik të një djali, që thotë se do ta dashurojë deri në fund të jetës. Ndërsa duke lexuar emrin e dërguesit dhe vendin nga është dërguar letra, moderatoja kuptoi se djali me zemrën e lënduar ndodhet në “IEVP Peqin”, në burgun e Peqinit.

Ma prishe ti mendjen, shpirtin ma lëndove shumë rëndë, ma vrave zemrën, jetën ma shkatërrove, syve ua more shkëlqimin dhe viteve rininë.

Jam bërë njeri i tretur, por jetë më vrave gëzimin, veç vuajtje më le në shpirtin tim. Pse u tregove shpirt katile? Nuk mundem të mallkoj, se unë të desha dhe akoma të dua pa hile. Që nga dita e parë, sa të jetoj, do të të dashuroj.

Saide dhe Serxho, dy nga konkurrentët e këtij sezoni kanë shkëmbyer së fundmi puthje me njëri-tjetrin, por kjo nuk e ndali Gertin, një tjetër konkurrent të ftonte në një takim katër minutësh Saiden. Gerti shprehu interes për të madje ai zgjodhi një mënyrë të pazakontë, për t’i treguar Saides se është i vendosur në pëlqimin e tij ndaj saj. Produksioni i serviri konkurrentit tri pije “aspak të shijshme”: sodë, vezë me vaj dhe testikuj me vaj dhe ai guxoi duke i pirë të gjitha. Ama nëse ky veprim i tij ia vlejti për të marrë vëmendjen e Saides, do ta shohim kur konkurrentja të bëjë zgjedhjen e saj për takimin e radhës.

Seit Çullhaj, tregon se i ati, Ramazan Cullhaj, ka ndërruar jetë në vitin 2008, por familjarët nuk e çregjistruan në Gjendjen Civile. Në këtë mënyrë Seiti thotë: “Kur donin të shisnin tokën, kërkohej firma e tij”.

Kjo ishte pika që iu drejtua njësisë për çregjistrim në Gjendjen Civile. Meqë kishte kaluar afati, Seiti i drejtohet në 2018-ën Gjykatës së Shkallës së Parë, e cila vendosi çregjistrimin e të ndjerit. Por bashkia e ankimoi vendimin në apel, ku që nga 2018-ta nuk ka një datë për shqyrtim.

Seit Çullhaj: Përshëndetje “Stop”-it, quhem Seit Çullhaj. Në 2008-ën më vdiq babai. Ia bëmë të gjithë ceremoninë e vdekjes, nderimet dhe e varrosëm në varrezat e fisit, që kemi në fshatin Sharrë.

Gazetarja: Domethënë nuk keni marrë ndonjë agjenci funerale?

Seit Çullhaj: Jo nuk kemi marrë asnjë lloj agjencie funerale, asgjë. Pas vdekjes së babait, pas disa vitesh, vinin faturat e energjisë dhe të ujit. I kemi paguar të gjithë.

Gazetarja: Po në emër të babait?

Seit Çullhaj: Po në emër të babait.

Gazetarja: Tani, në momentin që ndërron jetë babai, nuk bëtë çregjistrimin juve në Gjendjen Civile?

Seit Çullhaj: Jo nuk kemi shkuar për të bërë çregjistrimin.

Gazetarja: Po pse, nuk e dije këtë gjë ti?

Seit Çullhaj: S’e dija fare, nuk kisha informacion fare për këtë. Nga ky gabim, pastaj në 2018-ën lindi dhe një problem me pronën. Duhej firma e babait. Ndërkohë ai ka ndërruar jetë. Ju drejtuam gjykatës.

Gazetarja: Jo, ka ndërruar jetë, ka ndërruar fizikisht ai jetë, se ju nuk e keni lënë në thonjëza që ai të ndërrojë jetë. Ka të drejtën e firmës, edhe pse është në botën tjetër. Çfarë bëtë pastaj, se duhet firma e babit në këtë rast?

Seit Çullhaj: Shkova tek varri, por nuk ia merrja dot firmën. I ndodhur në këto kushte, shkova edhe tek Gjendja Civile në Kombinat për të pyetur që “a e kam babain gjallë”?

Gazetarja: Çfarë të thanë ato të Gjendjes Civile?

Seit Çullhaj: Ka një afat për çregjistrimin.

Gazetarja: Që është?

Seit Çullhaj: 10 ditë ka qenë.

Gazetarja: Duke qenë se ka kaluar ky afati, nuk mund ta çregjistrosh as në Gjendjen Civile. Dhe çfarë duhet të bësh, për ta çregjistruar?

Seit Çullhaj: Me ju drejtuar gjykatës. Mora një avokat dhe iu drejtova Gjykatës së Shkallës së Parë.

Gazetarja: Dhe ky është vendimi i Gjykatës së Rrethit Gjyqësor Tiranë. Ku objekti, është vërtetimi i faktit juridik, se shtetasi Ramazan Cullhaj, ka vdekur në datën 27.02.2008. Dhe ja ku është pranuar edhe kjo kërkesë padi.

Seit Çullhaj: Pas këtij vendimi gjyqësor, apeloj Bashkia Tiranë.

Gazetarja: Po, sepse çdo zyrë juridike e çdo institucioni, ka për detyrim ligjor që të ankimojë vendimin e gjykatës. Por zoti Ramazan ka ndërruar jetë, çfarë të bëjmë tani?

Seit Çullhaj: Rreth 1 Nëntor 2018, shkoi në apel. Që nga ajo datë, s’ka dal akoma data e gjyqit.

Ne shohim sistemin e Gjendjes Civile në njësinë 6 Kombinat, ku Ramazani rezulton i gjallë.

Punonjësja: Në jetë, i gjallë.

Gazetarja: Po a keni informacion, që ai nga 2008-ta ka ndërruar jetë?

Punonjësja: Jo. Nuk kemi informacion. Ky duhej brenda 10 ditëve të sillte skedën e vdekjes për çregjistrim në zyrën e Gjendjes Civile. Skeda e vdekjes, sillet nga familjarët. Kjo skedë, plotësohet nga mjeku. Përcaktohet: data, ora dhe shkaku i vdekjes. Këtë skedë të vdekjes, të vulosur nga mjeku, vjen dhe e zbaton në zyrën e Gjendjes Civile. Edhe bëhet çregjistrimi dhe merr certifikatën e vdekjes.

I drejtohemi ISSH-së dhe mësojmë që i ndjeri merr pension edhe pse ka ndërruar jetë. Anila Take, shefe e degës së përfitimeve, na thotë se tërheqja e pensionit është bërë që në vitin 2018, me anë të një autorizimi që njësia 6 i ka marrë të ndjerit, që autorizon të birin.

Anila Take: Zoti Ramazan Seit Çullhaj është trajtuar me pension që nga data 10.04.1997. Aktualisht, sipas verifikimit në sistemin tonë të pensioneve elektronik, është ende aktiv. Dhe arka 28 e Kombinatit, ku zotëria ka tërhequr pensionin gjatë gjithë kohës, ka filluar në Prill të 2013-ës të paguhet online. Nga këqyrja që ne i bëmë sistemit të historikut të pageseva të zotërisë, na doli që nga 2013-ta deri në 2018-ën nuk është tërhequr pensioni. Në Prill të 2018-ës, paraqitet sipas verifikimeve të bëra në zyrën postare, dokumentave që janë atje, jo vetë zoti Ramazan, por i biri. Me një autorizim, që merret në njësinë bashkiake ku banon dhe në bazë të ligjit tonë të nenit 63 pika 3 të ligjit të sigurimeve shoqërore, ai mund të tërheqë deri në 3 vjet pagesa.

Por Seiti nuk di gjë dhe thotë se dyshon tek ish-juristi Qamil Hysa.

Gazetarja: Je në dijeni të këtij autorizimi?

Seit Çullhja: Jo nuk jam në dijeni farë të këtij autorizimi.

Gazetarja: Ti nuk është se je paraqitur tek njësia 6? Je i sigurt?

Seit Çullhja: Jam shumë i sigurt, se po të isha paraqitur nuk do kisha ardhur këtu. Do e kisha filluar pensionin që në 2008-ën, që ka ndërruar jetë babai.

Gazetarja: Ta mendosh, nuk do prisje 10 vite për ta bërë këtë gjë? Lind pyetja, po pse pikërisht në vitin 2018-të?

Seit Çullhja: Në 2018-ën dorëzova dokumentacionin për…

Gazetarja: Ku?

Seit Çullhja: Tek njësia bashkiake nr.6 në Kombinat, për çregjistrimin. Më kishte kaluar afati, nuk u bënte dhe iu drejtova gjykatës.

Gazetarja: Pra këtu flinka lepuri. Sepse njësia administrative nga 2008-ta deri në 2018-ën, nuk e dinte që i ndjeri Ramazan Seit Çullhaj kishte ndërruar jetë, sepse ju nuk kishit vajtur që ta çregjistronit tek Gjendja Civile?

Seit Çullhja: Jo, nuk kemi shkuar.

Gazetarja: Atëherë ke pasur një komunikim me kë?

Seit Çullhja: Me juristin.

Gazetarja: Që quhet?

Seit Çullhja: Qamil Hysa. Qemali më thoshte që të marrim pensionin. Unë nuk ka pranuar fare për këtë punë i kam treguar gjykatës. Edhe besoj se ai e ka bërë të gjithë këtë. Ka falsifikuar letrat e mia se i ka pasur…

Gazetarja: Pa dijeninë tënde?

Seit Çullhja: Pa dijeninë time fare.

Specialistja e ISSH-së shpjegon se ka akt konstatimet me 8 autorizime, ku 7 herë te karta e ID-së është fotot e të birit dhe tek e 8-ta del foto e dikujt tjetër, me po këto të dhëna.

Anila Take: Në postë janë paraqitur 8 autorizime, por me autorizimin e parë, që është ai i Prillit të 2018-ës, janë tërhequr 36 muaj pension. Tek autorizimi janë edhe kopjet e kartës së ID-së dhe një certifikatë familjare që tregon se zoti Ramazan është i gjallë. Sipas postës, me këto dokumente, me autorizimin, me certifikatën familjare, ku zoti ramazan figuron i gjallë, ka tërhequr 36 muaj herën e parë. Dhe pastaj në vazhdimësi, deri në dhjetor të 2020, është tërhequr gjithmonë çdo 6 muaj me autorizime pensioni. Shuma totale e tërhequr është 566 mijë e 567 lekë. Më shumë se 5 milion e gjysmë lekë të vjetra.

Gazetarja: Dhe në fakt, nëse do ta shikojmë zonja Take, tek ky akt konstatimi dhe tek 8 herë dorëheqje, i katërhequr, kjo kartë ID. Presupozohet, e Seitit. Nëdrsa herën e fundit, i tërheq, ky personi këtu. Të dhënat e kartës së Id-së janë të ngjashme 7 herët e para, por fotoja ndryshon.

Anila Take: Duket qartë, që ai është një person tjetër. Në 7 të parat, është karta e Seitit me një foto tjetër. Ndërsa me herën e fundit, të dhënat e kartës janë përsëri të Seitit por fotoja duket qartë që është e një tjetër personi. /tvklan.al

Avokati nxjerr detajet si në filma për pasurinë përrallore të Metës dhe Kryemadhit

Juristi i njohur, Romeo Kara ka paralajmëruar telashe për ish-kryeministrit Sali Berisha, kreun e Partisë së Lirisë, Ilir Meta dhe bashkëshorten tij, Monika Kryemadhi. Si Berisha dhe Meta dyshohet se janë përfshirë në shumë afera korruptive e kriminale.

Madje për ta ka zëra se synojnë të arratisen nga frika e prangave të SPAK. Por për këto dhe të tjera çështje të nxehta sidomos ato që vijnë nga Prokuroria Speciale, ka folur edhe juristi Kara.

Ky i fundit gjatë një interviste për gazetën SOT, zbuloi se është gati arrestimi i Ilir Metës dhe Monika Kryemadhit, teksa ka treguar dhe se pse procedurat e tyre të azilit janë bllokuar. Po ashtu, ai tregoi gabimin ligjor që do të çojë në prangosjen e Sali Berishës.

Ndër të tjera, zoti Kara nxjerr detajet si në filma për pasurinë përrallore të Metës dhe Kryemadhit, ndërsa gjithashtu zbuloi si vetingu në politikë do ua marrë pasuritë dhe do pastrojë shtetin nga korrupsioni.

“Padyshim që jemi në fundin e një epoke politike dhe historike dhe në fillimin e tjetre. Po përjetojmë pikërisht fillimin e fundit të kësaj epoke, të kapjes së shtetit nga pushteti, të monopolizimit të tregut politik dhe ekonomik nga monopolet dhe oligopolet politiko-ekonomike, të kriminalizimit të politikës, përvetësimit të pasurive publike, marrjes peng të shtetit dhe përmbysjes së vlerave universale morale.

Epoka që po lëmë pas u ideua, projektua dhe startua pikërisht nga Berisha më 1992 dhe u vazhdua nga të gjithë pasardhësit e tij në pushtet.

Sali Berisha është kumbari dhe strumbullari i kësaj epoke turpi dhe shpërbërjesh të vlerave morale, të kësaj epoke që fatkeqësisht zgjati shumë më tepër se sa duhej dhe duke lënë pas një Shqipëri në ditë të hallit. Duke u kthyer në simbolin e kësaj epoke katrahure, padyshim që në të ardhmen kjo do të kujtohet kryesisht si epoka Berisha. Sali Berisha e ka pasur merak të hyjë në histori dhe besoj se ia arriti këtij qëllimi, por hyri nga dera e turpit në histori si gjakatar, inatçor, i pabesë dhe i korruptuar.

Besoj se historia kur të shkruhet në momente më të qeta sipas parametrave që imponon shkrimi i saj, do t’i ofrojë brezave të ardhshëm modelin Berisha si studim me qëllim mospërsëritjen kurrë të tij. Te jesh gjakatar, hajdut, mashtrues dhe zjarrvënës i vendit tënd dhe të imponohesh si hero në librin e historisë, kjo gjë është absurde dhe e pamundur. Ai do mbahet mend si heroi i kriminelëve dhe tradhtari i vendit të tij. Fatin e tij do ta kenë patjetër të gjithë të ngjashmit me të.

Ilir Meta e di dhe e ndjen më së miri se tashmë fundi i tij ka ardhur dhe se përballja me ligjin do të realizohet nga momenti në moment. Meta është personi për të cilin të gjithë palët politike dhe jashtë saj, janë plotësisht dakord për këtë fund të tij. E konstatoj të trembur dhe të çoroditur plotësisht, aq sa nuk është në gjendje të artikuloje as edhe një argument të saktë në mbrojtje të vetvetes. Për më tepër, në horizont mund të kemi edhe një përballje ligjore të bashkëpunëtores së tij Kryemadhi, e cila me sa duket do ta shoqërojë Metën kudo ku ai do të ndodhet. Krushqia ngjan pa bëhet.

Ilir Meta është një frikacak klasik, pavarësisht retorikës së tij infantile me terma trimërie. Padyshim që ai nuk ka as burrërinë dhe as shansin që të përballojë me sukses një kalvar të gjatë të pritshëm ligjor, lidhur me bëmat e tij të pafundme. A do të arratisej ai si miku i tij Ahmetaj, nëse do ti vinte ora e arrestimit? Padyshim që po, nëse do ta kishte këtë mundësi, por, me sa duket, askush në Europë, nuk do të donte të merrte riskun e strehimit të një ”koke të qelbur krimi”, si thoshte për të miku i tij Berisha më 2015,” thote ai.

Është publikuar fotoja e 35-vjeçarit Bedri Markja i cili humbi jetën ditën e sotme në Çernene të Maqellarës në një subjekt që punonte me pllaka mermeri për varre.

Gjatë punës i ka rënë një pllakë e madhe duke e zënë poshtë.

Mësohet se i ndjeri ishte baba i gjashtë fëmijëve.