Lajme Flesh

Chelsea dhe Manchester City janë ndarë në barazimin fantastik 4-4 në “Stamford Bridge”, ku merita e gjitha për skuadrën e Chelsea ishte Armando Broja në shtesa, pasi fitoi një penallti e cila u ekzekutua në gol.

Pjesa e parë ishte fantastike, ku 45’ minutat e para përfunduan me rezultatin 2-2. Të parët shënuan miqtë me Haaland, por u barazuan menjëherë nga Thiago Silva. Më pas, Chelsea kalon në avantazh me anë të Sterling në fundin e pjesës së parë.

Në të dytën, Haaland kalon menjëherë në epërsi City nga pika e bardhë e penalltisë. Chelsea arriti të barazonte shifrat me Jackson në minutën e 67’, duke i dhënë shpresë skuadrës së drejtuar nga Pochettino. Mrekullia afatshkurtër për City ndodh në minutën e 86’, pasi Rodri i jep avantazhi 3-4 skuadrës së tij.

Por nuk mbaroi këtu, pasi në minutën e 95’, Chelsea fiton një 11 metërsh falë Armando Brojës dhe Palmer shënon duke barazuar rezultatin në 4-4.

Me këtë rezultat, City mbetet ende në vendin e parë me 28 pikë, ndërsa Chelsea në vendin e 10 me 16 pikë./h.ll/abcnews.al

Penalltia e fituar nga Armando Broja

Shikoni golat e ndeshjes

Një grua shtatzënë, foshnja e saj e palindur dhe nëna e saj vdiqën tragjikisht në Brazil, pas një aksidenti automobilistik.

Makina me të cilën udhëtonin u nda në dy pjesë si pasojë e aksidentit. 26-vjeçarja Caroline Vieira Palmeo ishte nisur me bashkëshortin dhe nënën e saj për në qytetin e Guaiba për të lindur kur makina me të cilën po udhëtonin u përplas me një automjet tjetër.

Nëna e 26-vjeçares, ka dhënë frymën e fundit në vendin e aksidentit, ndërsa e reja është dërguar me plagë të rënda në spital. Mjekët konstatuan se foshnja që ajo mbante kishte vdekur dhe pak orë më vonë 26-vjeçarja, e cila kishte përjetuar më parë dy aborte të dhimbshme, humbi edhe betejën për jetën.

Burri i Caroline, i cili gjithashtu ishte në makinë me gruan dhe vjehrrën, ka pësuar lëndime të lehta në kokë. Sipas mediave lokale, ai ndodhet ende në spital.

Caroline Vieira Palmeo vuante nga trombofilia, një çrregullim i koagulimit të gjakut që mund të shkaktojë komplikime serioze në shtatzëni. Kushërira e 26-vjeçares, e cila ëndërronte të bëhej nënë, shprehu dhimbjen e familjes.

“Të gjithë i thamë mirupafshim duke menduar se do të ktheheshin me një anëtar të familjes sonë dhe përfundimisht u larguan të tre”, tha gruaja, duke shpjeguar se kushërira e saj vendosi të lindte në një qytet tjetër për t’u siguruar që gjithçka do të shkonte mirë me lindjen e fëmijës, për shkak të sëmundjes së saj.

Mjeku Admir Sinamati, ka reaguar në lidhje me vdekjen e kapitenit të Egnatias, Rafael Duamena, duke kërkuar që rasti të trajtohet si vrasje.

Sinamati ngre pyetje nëse klubi Egnatia kishte një raport mjekësor për dosjen e Duamenas dhe nëse po, kush ishte mjeku që firmosi për së gjalli skedën e vdekjes së kapitenit rrogozhinas nga Gana.

“Futbolli është dhe duhet të jetë sport e jo skllavëri!”, shkruan ndër të tjera mjeku.

Postimi:

Vdekja në fushën e blertë e kapitenit të “Egnatia” futbollistit ganez Rafael Dëamena nuk duhet të trajtohet si aksident apo vdekje e papritur por si një vrasje. Ai u diagnostikua me një sëmundje të zemrës në vitin 2017, ndaj në Janar të vitit 2020, ndërsa ishte i federuar në Levante UD, atij iu implantua një kardioverter-defibrilator i implantueshëm (ICD) përmes operacionit, i cili i mundëson të sëmurëve të tillë vazhdimin e jetës normale por duke shmangur mbingarkesën fizike dhe kontrollin e vazhdueshëm të funksionit të kësaj paisje mjekësore të implantuar. Në tetor 2020, pas konsultës së mjekëve, ICD tregoi parametra kardiakë të cilat u konsideruan shumë të paqëndrueshme dhe si rezultat klubi i tij në atë kohë (Vejle Boldklub), e tërhoqi atë nga aktivitetet e ekipit.

Në tetor 2021, në ndeshjen e Kupës së Austrisë gjatë pjesës së parë të lojës së Blau-Ëeiss Linz kundër Hartberg, Dëamena u rrëzua në fushë dhe vetëm pas ndihmës së shpejtë dhe stabilizimit të aparatit ICD, ai vazhdoi jetën por jo lojën, pasi ekipi i tij nuk e aktivizoi kurrë më.

Lind pyetja: A ka klubi i “Egnatia” një raport mjekësor në dosjen e Dëamena-s, dhe nëse po, kush është ekipi i mjekëve që i ka dhënë “OK” skllavërisë së këtij fatkeqi?

Kush është ai katran mjek i mbuluar me bluzë të bardhë që ka firmosur për së gjalli skedën e vdekjes së kapitenit rrogozhinas nga Gana duke e bërë atë fizikisht të aftë për futboll?! Përtej ngushëllimeve, keqardhjes, dhe solidaritetit me familjen e të ndjerit, kolegët apo tifozët e Rrogozhinës; Federata Shqiptare e Futbollit nëse nuk e ndjen veten fajtore duhet të gjejë përgjegjësit e kësaj vdekjeje të paralajmëruar në mes të fushës dhe përpara mijëra syve të sportdashësve. Futbolli është dhe duhet të jetë sport e jo skllavëri!

Duke shkuar për në Sarandë rrugës takuam një çoban. Besim Hysenbelliu, së bashku me djalin e tij dhe 800 dhentë është duke shkuar nga Skrapari në Livadhia të Sarandës.

Ka 7 ditë që ecën në këmbë dhe thotë se i duhen edhe 2 të tjera për të mbërritur pranë familjes.

Besimi thotë se kopeja e deleve e ka bërë milioner, vetëm në 6 mujorin e fundit ka fituar 65 milion lekë të reja.

Të jesh çoban në ditët e sotme sipas Besimit e ka një kosto, pasi djali i tij ka mbetur beqar, pasi vajzat sipas tij duan të jetojnë më Tiranë.

Pavarësisht vuajtjeve një gjë është e sigurt nga njerëz si Besimi, konsumatori ynë mund të ushqehet të shëndetshëm.

Angel David është vogëlushi nga Ebéjico në Kolumbi i cili u bë viral rreth një muaj më parë, pasi i përlotur teksa hyn në klasën e tij shokët i urojnë ditëlindjen me këngën tradicionale.

Djali vjen nga një familje me katër fëmijë dhe me të ardhura shumë të kufizuara. Nëna e tij tregoi se nuk kishte kurrë para për t’i bërë fëmijëve të saj një festë ditëlindjeje.

Megjithatë, mësuesja e vogëlushit, Casas Ximeno, kur mësoi se po afrohej ditëlindja e tetë e nxënësit të saj, mendoi të mblidhte shokët e klasës, miqtë dhe mësuesit për të festuar së bashku.

Më pas Angel, nxori një tortë të bërë vetë dhe ndau disa pije të gazuara me shokët e klasës.

“U ndjeva shumë i lumtur, nuk kisha pasur kurrë më parë një ditëlindje si kjo. Isha aq i lumtur sa fillova të qaja nga lumturia. Miqtë e mi më përqafuan dhe më thanë të jetoj deri në tre mijë vjet”, tha vogëlushi.

https://www.instagram.com/_u/insidehistory/?utm_source=ig_embed&ig_rid=942674de-cc23-4d41-825a-935c88ebe4eb&ig_mid=FA1E734B-7E61-4E60-943F-88F4596C67AF

Një tërmet me magnitudë 5.2 u regjistrua natën mes së shtunës dhe të dielës në Timor të Indonezisë.

Epiqendra ndodhej në 30 km thellësi, sipas asaj që u zbulua nga Qendra Gjermane Kërkimore për Gjeoshkencat (GFZ).

Për momentin nuk dihet nëse ka dëme në njerëz apo dëme materiale.

Gjykata e Tiranës ka caktuar mesditën e kësaj të diele, masën e sigurisë ‘Arrest Shtëpie’ për 30 vjeçaren, E.I., e cila braktisi foshnjën e saj të porsalindur në një bodrum pallati në Yzberisht.

Në dëshminë e saj para trupës gjykuese e reja është shprehur se i dashuri e kishte braktisur, pasi kishte ngelur shtatzën.

‘Punoj në një fabrikë këpucësh. I dashuri quhet Klodi, më ka braktisur dhe nuk është interesuar pasi mbeta shtatzënë. Më zunë dhimbjet dhe shkova te garazhi, nuk e mbaja dot sepse kisha presionin e familjarëve që nuk e pranin pasi isha e pamartuar’, ka thënë e reja.

Ndërkohë e ëma e vajzës është shprehur në gjykatë se nuk kishte dijeni se ajo ishte shtatzënë.

‘Nuk e dija që ishte shtatzënë, se kam kuptuar pasi mbante veshur rroba të gjëra’, ka thënë para gjykatës.

Komentatori Dritan Shakohoxha tha se futbollisti i Egnatias, Raphael Dwamena, nuk duhet të ishte lejuar që të lunate në Superligën shqiptare për shkak se problemeve që kishte me zemrën.

Shakohoxha në një studio televizive tha se Dwamenas, pasi iu bënë kontrollet mjekësore iu anulua kontrata 20 milionë euro që kishte me një klub në Angli.

Ai shtoi se futbollisti që ndërroi jetë, kohët e fundit e kishte hequr dhe defribilatorin që i mbronte zemrën.

“Këtë djalë skuadra e Boltonit e kishte paguar 20 milionë euro dhe kontrata u anulua, pikërisht për këtë motiv për problemet me zemrën. Kishte qëndruar shumë vite me aparat, tani e kishte hequr dhe aparatin, që do të thotë që po lunate pa defribilatorin. Ka qenë dhe një futbollist tjetër në Superligë që lunate me atë aparatin që i mbronte zemrën. Klubi e ka respektuar, i jepte 10 mijë euro në muaj, i ka dhënë dhe një super shtëpi. Por po flasim për dikë që është ndaluar në shumë vende.

Po merren të njëjta pika referimi për ngjarje të ndryshme. Eriksen po luan në Angli, por zemra e Eriksen nuk është e njëjtë me zemrën e Dëamenës. Sepse Dëamena në këtë futbollin anglez nuk e federuan dhe nuk e lanë të lunate. Në Angli pasi i paguan 20 milionë euro, i bënë vizitat mjekësore dhe e anuluan kontratën duke thënë ti nuk je i aftë për të luajtur futboll. Nuk është i njëjtë me rastin e Eriksen. As në Angli nuk u lejua. Një njeri që nuk u lejua të luaj futboll në Angli, në Suedi, në Zvicër, në Spanjë dhe në Austri si ka mundësi që u lejua të luaj në Shqipëri. Pse duhet të lunate në Shqipëri?!”, tha Shakohoxha.

Duket se ndikimi i fazës së ngrohtë të El Niño në Oqeanin Paqësor tropikal do të luajë një rol vendimtar në zhvillimin e motit gjatë stinës së dimrit në Evropë, me vlerësimet e para të bazuara në modelin matematikor evropian ECMWF.

Përkundrazi, analizat e para tregojnë prevalencën e temperaturave të buta të cilat do sillen me 2 gradë mbi mesataren afatmesme për të dhënat e kohës, edhe mbi Rusinë, si dhe në një pjesë të madhe të vendeve skandinave.

Kjo do të ndikojë në parandalimin e masave më të ftohta ajrore nga Arktiku që të pushtojnë rajonet më të thella gjeografike të Evropës, madje edhe në vendet e famshme për dimër të ashpër me reshje të mëdha dëbore dhe temperatura ekstreme, siç ndodh për shembull çdo vit në Skandinavi. Kush e ka fajin për gjithë këtë? Por sigurisht El Niño. Analizat tashmë aktuale tregojnë një ngrohje të theksuar të ujërave në Oqeanin Paqësor tropikal që kanë përfunduar duke lëvizur deri në 3 gradë mbi mesataren afatmesme, gjë që do të kontribuojë ndjeshëm në modelin e qarkullimit atmosferik global.

Gjithsesi, kjo nuk do të thotë se në Evropë nuk do të ketë as valë ngricash të përkohshme me reshje të theksuara bore, por më shumë duket si episode “dimërore”, sesa një rrjedhë normale siç kemi parë në të kaluarën gjatë stinës së dimrit. Pra, kjo do të thotë se reshjet e borës që do të përfundojnë në lartësi më të ulëta do të jenë të lehta deri në të parëndësishme. Por shumë do të varet gjithashtu nga vorbulla polare dhe deri në çfarë mase do të lejojë masat më të ftohta të ajrit të prekin Evropën këtë vit.

Si përfundim, sipas vlerësimeve të para të meteorologëve italianë, fillimi i këtij dimri duket se do të karakterizohet me temperatura të buta dhe reshje minimale bore në pjesën më të madhe të Evropës. Megjithatë, për shkak se parashikimet sezonale kanë një normë verifikimi devijimi i rendit 40-60%, nuk duhet të konsiderohet asnjëherë një rregull, por si një pasqyrë e përgjithshme e trendit të motit gjatë muajve./Motilokal

Një 17-vjeçar ka mbetur i vrarë pas të shtënave nga policia greke e cila po ndiqte një fuoristradë.

Sipas medieve greke, i mituri dhe bashkëmoshatarë të tij kishin hipur në një fuoristradë të cilës policia i bëri shenjë që të ndalonte, shkruan CNN Gr.

Kur makina nuk ka ndaluar dhe ka vijuar të lëvizë me shpejtësi, policët e kanë ndjekur dhe në kryqëzimin për në fshatin Leontar mjeti është përplasur me një mjet tjetër dhe është ndalur.

Policia pohon se dy persona të OPKE-së i janë afruar veturës, njëri në të majtë dhe tjetri në të djathtë, duke u kërkuar personave që të zbresin. Në rrethana ende të paqarta, plumbi i policit ka përfunduar në gjoksin e 17-vjeçarit teksa ndodhej brenda në makinë.

Në vendin e ngjarjes forca të shumta policore kanë marrë deklarata nga të gjithë të përfshirët, ndërsa për policin është duke u përgatitur shkresa e lëndës që do të dërgohet në prokurori.