Lajmet e Fundit
Në tregun e këmbimi valutor sot një dollar amerikan do blihet me 93.7 lekë dhe do shitet me 94.8 lekë.
Monedha evropiane euro do blihet me 101.1 lekë dhe do shitet me 101.9 lekë,
ndërsa franga zvicerane do blihet me 106.8 lekë dhe do shitet me 107.8.
Ndërkohë paundi britanik sot do blihet me 117.7 lekë dhe do të shitet me 118.7 lekë.
Dashi
Venusi dhe Mërkuri do ta bëjnë këtë ditë më të lehtë dhe do t’ju bëjnë t’i përjetoni më me lehtësi pasojat e një situate të rëndë sentimentale. Për beqarët yjet kanë parashikuar takime intriguese për çështjet e zemrës. Ju do të jeni të papërmbajtshëm! Në punë, ata që presin për një përgjigje do të duhet të kenë më shumë durim, së shpejti do të ketë lajme të mira.
Demi
Ditë paksa e nënshtruar, ju do të keni pak kohë për t’i kushtuar ndjenjave dhe kjo do t’ju bëjë nervozë. Gjeni kohën e duhur për të kaluar disa orë edhe me të dashurin/ën tuaj! Për beqarët do të jetë një ditë shumë interesante, një flirt i rëndësishëm mund të lindë! Shumë Dem sot do të duhet të bëjnë disa zgjedhje të rëndësishme që do të kushtëzojnë të ardhmen e punës.
Binjakët
Dita do të fillojë e mërzitshme, në dashuri shumë prej jush po përjetojnë disa kohë të errëta. Historitë me pak pasion të ulët duken më shumë si një top në këmbë! Beqarët sot mund të vendosin për të shpenzuar më shumë kohë me veten e tyre në vend se të enden kot. Disa probleme të punës ju fusin në tension.
Gaforrja
Yjet favorizojnë të dashurit sot dhe veçanërisht ata që janë në një marrëdhënie prej një kohe të gjatë. Mbrëmje e këndshme për të shpenzuar me partnerin/en ose me miqtë. Edhe për beqarët kjo ditë do të rezervojë surpriza të bukura, kthimi i një personi të largët do t’ju bëjë shumë të lumtur. Mundësitë e reja do t’i japin jetë perspektivave të reja të punës. Bëni zgjedhjen e mundësive më të mira.
Luani
Ju do të sulmoheni nga ndjenjat e kundërta dhe mund të keni momente aspak të mira. Ndoshta jeni shumë të lodhur, organizoni një udhëtim me partnerin/en tuaj për t’u çlodhur. Beqarët mund të kalojnë momente gëzimi pas një takimi të dëshiruar prej kohësh. Një sqarim me një koleg do t’ju bëjë të zbuloni një person të ri. Ndonjëherë paraqitja ju mashtron!
Virgjëresha
Ju jeni të shqetësuar nga disa vendime të rëndësishme që ju duhet të bëni për jetën tuaj në çift. Venusi do të pastrojë idetë tuaja. Sot parashikohen shqetësime për beqarët, nuk do dinë çfarë të vendosin. Me Mërkurin që ju mbron në punë, ju mund të zgjeroni njohuritë tuaja dhe të bëni takime me fat. Vlerësoni të gjitha mundësitë.
Peshorja
Hëna në shenjë do t’ju bëjë të filloni ditën me optimizëm. Çiftet, nuk do të kenë diskutime që mund të vënë në rrezik marrëdhëniet e tyre. Beqarët nuk do të kenë dëshirë të bien në dashuri dhe preferojnë të jetojnë aventura të shkurtra, por intensive. Do keni shumë angazhime pune sot, do të kuptoni se kush është në anën tuaj dhe kush nuk është.
Akrepi
Me Marsin në shenjën tuaj ju do të jeni pre e nervozizmit dhe do të tregoni dyshime të ndryshme në marrëdhënien sentimentale. Mos e humbni durimin. Disa ndryshime të papritura parashikohen për beqarët, do të bëjnë të ndryshojnë drejtimin dhe të përjetojnë gëzim. Në punë priten disa ndryshime nga lart dhe ju duhet t’i respektoni ato. Tregoni aftësitë tuaja edhe në këto raste.
Shigjetari
Planetët mbrojnë sferën sentimentale dhe do të ketë sqarime për çiftet që kanë pasur debate për çështjet familjare ose për fëmijët e tyre. Fillon një rrugë e re për shumë nga beqarët, përpiquni të kuptoni se cilat janë prioritetet tuaja. Në fushën profesionale do të keni shumë mundësi për të bërë një ndryshim në jetën tuaj.
Bricjapi
Ju keni lënë pas dore ndjenjat tuaja dhe vetëm tani e keni kuptuar atë. Ata që duan të marrin veten mund të sigurohen që të kenë një konfirmim nga ana tjetër. Beqarët do të duhet të qetësohen për disa keqkuptime të krijuara nga ndjenjat! Fillon një fazë jashtëzakonisht brilante, po vijnë strategji të reja të punës që do t’ju lejojnë të arrini qëllimet tuaja.
Ujori
Sot ju jeni me kokën tuaj mbi re dhe do ta ktheni atë në nervozizëm që ju bën të paqëndrueshëm. Nëse keni mbyllur një raport, kthejeni faqen. Beqarët do të kenë disa ngjarje të papritura dhe nuk do të jenë shumë tolerantë me njerëzit rreth tyre. Jo gjithçka që dëshironi mund të arrihet, jini të kënaqur me atë që keni arritur.
Peshqit
Disa vendime të kohëve të fundit të marra me ngut mund t’ju vënë me kurriz pas muri. Marrja e një udhëtimi mund t’ju lejojë të rihapni një marrëdhënie që ju intereson. Zemrat e vetmuara do të jenë magjepsëse dhe do të tërhiqni shumë persona rreth vetes! Mos u mbytni nga vullneti i të tjerëve që ju imponojnë çfarë të bëni, jini të lirë të zgjidhni mundësitë më të mira.
Një shqiptar në Britani është dënuar sërish me burg pasi u kap për të dytën herë në një shtëpi të përshtatur për kultivimin e kanabisit.
37-vjeçari Rexhep Jemini kishte vetëm pak ditë që ishte liruar nga burgu kur u kap në një banesë duke kultivuar kanabis.
Ai mbërriti në Norfolk ilegalisht në vitin 2021 dhe nisi menjëherë punë si kopshtar në “shtëpi bari”.
Gjykatësja tha se Jemini kishte treguar një shpërfillje të madhe të ligjit, duke përsëritur krimin, teksa e dënoi atë me 18 muaj burg, por mori parasysh faktin se shqiptari pranoi fajin para autoriteteve.
Ambasada vetëm njëherë në fillim më ka marrë në telefon dhe asnjëherë më pastaj.”
‘Shqipëria Live’ ka trajtuar ditën e sotmë rastin e shqiptarit Sajmir Zefi që është torturua nga 5 oficerët e policisë së Sigurimit të Kavallës në Komisariatin e Policisë në fillim të muajit shkurt, si dhe nga 4 policët e tjerë të grupit të transferimit në burgu e Koridhalos në periferi të Athinës.
Kujtojmë se dhunimi i Sajmir Zefi ose ndryshe i identifikuar si Simo Prelas nga efektivë të policisë greke mori përmasa të mëdha në shtypin grek dhe shqiptar në mars të këtij viti.
Policet pas publikimit u shoqëruan për t’u lënë më pas menjëherë të lirë.
Në lidhje live vetë i burgosuri Zefi ka pohur se për ngjarjen nuk është bërë asgjë deri më tani, teksa është telefonuar menjëherë pas dhunës nga Ambasada Shqiptare në Greqi.
“Ambasada vetëm njëherë në fillim më ka marrë në telefon dhe asnjëhere më pastaj.
Ambasadori më tha që nëse kam problem ta telefonoj atë. Kjo telefonatë më ka ardhur pasi jam dhunuar. Që atëherë nuk ka patur më asnjë interesim. Avokati im nuk ka bërë asnjë thirrje drejtuar Avokatit të Popullit në Greqi.”-tha Zefi.
Ndër të tjera Zefi shtoi se ngjarja e tij është ndaluar të trajtohet dhe transmetohet në mediat në Greqi.
“ Unë kam kontaktuar edhe më gazetarët këtu në Greqi. Ata ma kanë pohuar se e kanë të ndaluar ta diskutojnë çështjen time”- shtoi Zefi.
Në kuadër të ngjarjes kujtojmë se ditën e dhunimit i burgosuri ishte nisur drejt Kavallës (në datën 1 mars) pa asnjë shenjë goditjeje, por kur është kthyer në burgun e Koridhalos ku po mbahet aktualisht, ka pasur shenja të goditjeve dhe gërvishtje në fytyrë dhe trup, ndërsa duart i janë fryrë nga shtrëngimi i prangave.
Një pamje aspak e denjë, për më tepër ditën e Pavarësisë.
111 Vjetori u festua kudo në mbarë botën, por edhe në Londër. Mijëra shqiptarë u mblodhën në sheshin kryesor të kryeqytetit britanik.
Por për shqiptarët që ndodhen në Mbretërinë e Bashkuar bënë më shumë bujë për shkak të përplasjeve me policinë britanike dhe arrestimeve të ndodhura.
E pavarësisht këtyre, një tjetër episod i pahijshëm ka ndodhur gjatë festimeve.
Në pamje shihet qartë momenti kur disa vajza shqiptare dhe me flamurin kuqezi mbi supe zihen duke i shkulur flokët njëra tjetrës dhe duke sharë.
Në sfond dëgjohet edhe zëri i policisë që iu kërkon vajzave të ndahen, ashtu si edhe personave të tjerë rreth tyre.
Mesa duket ky sherr është bërë shkak që policia të arrestojë disa prej shqiptarëve të mbledhur për të festuar.
Video Player
Ditën e sotme u zhvilluan homazhet sot për nder të aktorit të shquar Mirush Kabashi.
Teksa mediat po i merrnin një intervistë aktorit Ndriçim Xhepa, që ka qenë në nga bashkëpunëtorët e miqtë më të ngushtë të Kabashit, pranë kamerave u afrua Sali Berisha.
Ky i fundit edhe pse e pa qartë që po fliste “Artisti i Merituar” Xhepa, detyroi aktorin që të ndërpriste intervistën për të folur vetë.
Video Player
Çmimi i karburantit sa vjen dhe po kap majat në Shqipëri ndonëse në tregjet ndërkombëtare është ulur me rreth 20% gjatë dy muajve të fundit.
Ekspertët ngrenë dyshime, që në vendin tonë, tregtarët operojnë si kartel.
“Që në momentin kur u shkri bordi i transparencës u bë një përqendrim apo kompani të tregtimit në shumicë dhe në pakicë të naftës po formohet një formë karteli dhe kjo është mëse evidente. Diferenca në çmime nga një kompani në tjetrën janë zhdukur pothuajse fare”,-tha Klodian Muço.
Për Muçon, distributorët e naftës në Shqipëri paracaktojnë çmimet, duke dëmtuar kështu konkurrencën e lirë në treg.
“Në qoftë se ne në të kaluarën diferenca nga 1 lekë deri në 10 lekë nga një distributor te tjetri sot këto diferenca nuk ekzistojnë më. Heqja e bordit të transparencës së famshëm që të gjithë e kritikuan, tashmë që nuk ekziston më kompanitë po operojnë në një mënyrë që parapërcaktojnë çmimet të naftës. Abuzojnë tregtarët qoftë ata të shumicës si dhe të pakicës”,-tha Klodian Muço.
Autoriteti i konkurrencës në një studim të industrisë në 2022 evidentoj gati asnjë parregullsi në zinxhirin e distribucionit të naftës, ndërkohë që ky sektor sipas ekspertëve zotërohet gati 75% nga tre kompani të mëdha në vend. Ekspertët apelojnë për një monitorim të shtuar.
“Autoriteti i konkurrencës duhet ta monitoroj këtë fenomen. Si ka mundësi që çmimet në tregjet ndërkombëtare po bien, dollari është zhvlerësuar në raport me monedhën tonë vendase dhe çmimet në treg mbeten pothuajse të njëjta. Kur kemi tendencë rënëse çmimet në tregun shqiptar reagojnë shumë me vonesë, ndërsa kur ato rriten çmimet në vend reagojnë pothuajse menjëherë”, Klodian Muço.
Një autobus me pasagjerë ka marrë flakë mbrëmjen e sotme në afërsi të rreth rrotullimit në hyrje të qytetit të Elbasanit.
Pasagjerët kanë mundur të dalin në kohë.
Për fat të mirë nuk raportohet për të lënduar.
Shërbimi zjarrfikës ndodhet në vendin e ngjarjes dhe po punon për izolimin e flakëve.
Dyshohet se zjarri është shkaktuar në motorin e autobusit të linjës Elbasan-Tiranë.
Elbasan/Informacion paraprak
Rreth orës 18:00, në aksin rrugor “Bradashesh-Elbasan”, dyshohet se për shkak të një defekti, ka rënë zjarr në pjesën e pasme të autobusit me drejtues shtetasin O. K., 28 vjeç, banues në Elbasan. Për pasojë janë shkaktuar vetëm dëme materiale.
Grupit hetimor po punon për dokumentimin ligjor të shkakut të rënies së zjarrit.
Një nga hipotezat që ka qarkulluar për ndarjen e Ledrit dhe Sarës ka qenë edhe puthja e kësaj të fundit me Roerdin në filmin “Në kuadër të dashurisë”.
I ftuar në emisionin “Natën me Aulonën”, Roerdi u pyet në lidhje me këto aludime.
“Larg qoftë! Të gjykosh një aktor pse shkëmbeu një puthje është si t’i thuash pse fole në film. Roli, skenari dhe teksti janë të tilla, regjisori ka detyrë të të japë një rol që të ndihesh sa më komfort që të transmetohet mirë tek publiku. Sara e ka arritur këtë”, u shpreh Roerdi.
Roerdi e mohon totalisht se kjo mund të jetë një arsye se pse ata të dy janë ndarë sepse në film këto gjëra janë normale.
“Eh moj Zonja jonë e Parë!
Po çfarë dreqin pate që dole e fole e na tregove se cila je!
Sikur të mos kishe folur do të qe më mirë. Se nuk do të të njihte mileti. Tani që të njohëm harroje të të harrojmë.
Mirë që fjalitë nuk di t’i lidhësh, mirë që as kohët e foljeve nuk i dallon e as i kupton dot, po as faktin që nuk ka institucion të Presidencës nuk ta kanë mësuar moj e shkretë?!
Çfarë të thuash më shumë, i the të gjitha vetë.
Më parë ka qenë traditë që kur mblidheshin fëmijët për festat e fundvitit thirreshin edhe aktorë të humorit, gaztorë apo të tjerë nga cirku i Tiranës. Thërriteshin edhe kllounë nga cirku.
Por, këtë herë nuk paska qenë nevoja. Sepse Zonja Begaj, apo përndryshe Zonja e Parë, pra gruaja e Bajramit kishte marrë përsipër t’i bënte vetë të gjitha.
Dhe ia doli. I bëri e na e bëri të qartë të gjithëve se cila është e çfarë niveli përfaqëson!
Po si mund të ishte ndryshe?!”
Po pse këto vargje?
Sepse në një kohë që bota e arsimit në Shqipëri është vënë në alarm nga raporti më i fundit i “PISA 2022” të vendeve të OECD, i cili thekson se aftësitë e nxënësve 15-vjeçarë në Shqipëri për lëndën e matematikës, leximit dhe shkencës janë përkeqësuar, shkaqet e kësaj katastrofe duket se gjenden në institucionet më të larta të vendit
Në Presidencë u ndezën pasditen e kësaj të mërkure dritat e Pemës së Krishtlindjes dhe të pranishëm ishin me dhjetëra fëmijë, të gazetarëve por edhe të punonjësve të Presidencës
Por ajo se çfarë kuptuan fëmijët e pranishëm nga fjala e zonjë së Shtëpisë, Amarda Begaj ishte fakti se dritat e festave nuk kanë asnjë lidhje me dritat e diturisë që do i çojë ata përpara.
Kjo pasi Zonja e Parë e vendit u shfaq në garë me kohën, teksa synonte ndonjë rekord për Guinnes, dhe kjo jo për ndonjë thënie të mençur, por për nga numri i gafave dhe lapuseve të shënuara në fraksionin e 1 minute e gjysëm fjalim
Për të kuptuar më shumë se a duhet qeshur a qarë në këto raste, ndiqni më poshtë fjalimin “brilant” të Zonjës Begaj ku nuk kuptuhet qartë se kush është fëmijë në atë sallë.
Fjalimi i zbardhur i Zonjës së Parë Armanda Begaj
“Kemi të ftuar edhe fëmijë, prindërit e të cilëve janë bashkëpunëtorët më të mirë të institucionit të Presidencës.
Gazetarët, dhe “Gazetarët në gjininë asnjëanëse”, gazetaret dhe gazetarë.
Falëminderit dhe mirë se kanë ardhur edhe fëmijë, prindërit e “të cilës”, të cilëve punojnë plot pasion çdo ditë në institucionin e Presidencës.
Një falënderim të veçantë dua t’jua bëj edhe nënave, mamave të fëmijëve … (pauzë dhe zonja e parë shihet që kafshon lehtë buzët duke nënkuptuar se e harroi atë çfarë do thoshte) të institucionit të Presidencës të cilat kanë gatuar me shumë dashuri për ju.
Ambëlsira shumë të mira… Unë shikoj që keni filluar të, ta konsumoni ushqimin, t’ju bëjë mirë. Ju kemi ftuar sot të gëzojmë së bashku, të ndezim së bashku dritat e pemës tonë përjashtë, drita që do të na sjellin mbarësi për Vitin e Ri. Gëzuar të gjithëve dhe kënaquni!”
https://youtu.be/h1isopoNmQ0?si=703Suno9EHa85_Xn
