Lajmet e Fundit
Një aksident ka ndodhur mbrëmjen e sotme në autostradën Tiranë-Durrës.
Mësohet se një makinë është përplasur me një makinë tjetër para.
Por nga shpejtësia, makina para ka përfunduar mbi makinën që e përplasi.
Nga aksidenti nuk raportohet për dëme në njerëzi, por dëmet materiale janë të shumta.
Në vendngjarje ka shkuar policia dhe grupi hetimor për të zbardhur aksidentin e ndodhur.
Këngëtarja e njohur Luar Arani, ka ardhur dje me një rrëfim për jetën dhe karrierën e saj. Ajo ishte e ftuar në emisionin “Se Luan Topi” në Top Channel, ku ka zbuluar detaje që nuk i dinim më parë.
Gjatë kësaj interviste, artistja ka treguar se kur ishte e vogël, e ëma e thërriste “fëmija pse”, sepse ishte më shumë kurioze seç duhej.
Ndoshta tregonte edhe pak shenjë inteligjence, por unë kam qenë e tillë që edhe pasi më ishin përgjigjur në pyetjen ‘pse’, kisha edhe një ‘pse’ për ‘pse’-në. Ndaj më ngeli “fëmija pse”. Kam qenë e urtë që bëja detyrat dhe gjërat e tjera, por flisja shumë.
Gjatë intervistës, Luar u shpreh se ende nuk e di se çfarë e bëri që të linte Shqipërinë për Gjermaninë. E pyetur nga modertorja Erjona Rusi, për profesionin që ushtron në Berlin, Luar zbuloi se punon agjente në sektorin financiar.
Pse ky vendimi për të ikur në Gjermani? Ndikoi diçka, ndodhi diçka në jetën tënde që vendose të ikje?
Pyetja një milion dollarëshe. Në fakt edhe sot e kësaj dite ende nuk e di se çfarë më goditi që vendosa të ikja. E vërteta është që kur pyes veten në retrospektivë, as vetë nuk e di pse vendosa të ikja.
Në Berlin ku ti punon si “agjente sekrete”.
Ehh, nuk më lejohet të them ku, si dhe çfarë. Më vjen shumë keq, por punoj në sektorin financiar. Tek antikrimi financiar. Është një gjë shumë e bukur që më pëlqen shumë dhe kaq. Nuk tregoj dot më shumë.
Kemi parë shumë bashkëpunime vitet e fundit, dhe ti sikur po rikthehesh. Po mendon për një rikthim përgjithmonë në Shqipëri?
Unë mendoj që nuk do të isha tërësisht e lumtur të them të drejtën sepse të gjithë jetën e kam ndërtuar piano – mësime, Gjermani – Shqipëri. Edhe pse më lodh pak, nuk e di pse mendoj se nuk do të jem 100% e lumtur nëse kaloj ose këtej ose andej.
Një prej zbulimeve më të rëndësishme arkeologjike të viteve të fundit në Shqipëri, është nxjerrja në dritë e rrënojave të një qyteti antik pranë Bushatit në Shkodër.
Arkeologët polakë dhe ata shqiptarë kanë gërmuar për disa vite, duke arritur të zbulojnë pjesë të rëndësishme të qytetit antik ilir, që besohet se është “Bassania”, një qytet i përmendur në lashtësi por vendndodhja e të cilit ka qenë gjithnjë mister.
Por çudirat nga fqinjët tanë jugorë duket se nuk kanë të sosur. Një medie shumë e njohur greke në gjuhën angleze, por e njohur edhe për qëndrimet ekstremiste ndaj shqiptarëve “Greek Reporter”, pretendon se qyteti është me origjinë greke.
“Disa tipare të qytetit antik sugjerojnë një lidhje greke. Mbrojtjet e vendbanimit janë tipike helenistike. Arkeologët gjetën një portë të rrethuar nga dy bastione të mëdha dhe muret e qytetit do të kishin qenë më shumë se tre metra të gjera”, shkruan media greke.
Gazeta greke shkon edhe më tej duke e quajtur Lezhën antike, Lissios si qytet grek.
“Sipas historianit të lashtë grek Diodorus, Lissos aty pranë u themelua nga Dionisi i Sirakuzës në 385 para Krishtit. Sirakuza ishte një qytet i lashtë grek në Siçili. Dionisi thuhet se ka themeluar qytetin si pjesë e një strategjie për të siguruar tregtinë e Sirakuzës përtej detit Adriatik”, shkruan kjo gazetë greke.
Qyteti antik i Bassania-s njihet kryesisht për historianët modernë përmes shkrimeve të historianit romak Livi. Ai përshkruan se si, në vitin 168 para Krishtit, mbreti ilir Genti rrethoi Bassaninë gjatë Luftës së Tretë Ilire.
Në rrjetet sociale po qarkullojnë pamje të reja nga grabitja e armatosur që ndodhi para dy ditësh në Ferizaj, në afërsi të pikës së një kompanie karburantesh, në bankomatet që ndodhen aty.
Në videot e publikuara në TikTok, shihen personat e armatosur duke vendosur eksploziv pranë bankomatit.
Nga hetimet e para, hetuesit kanë mësuar se synimi i personave të maskuar ishin 3 bankomatet që gjenden skaj rrugës magjistrale në parkingun e një qendre tregtare në Ferizaj.
“Personat e maskuar fillimisht me një mjet plasës kanë shpërthyer njërin bankomat, ndërsa kanë dëmtuar edhe dy bankomatët tjerë, mirëpo falë intervenimit të shpejtë të policisë, posa arrijnë patrulla e parë policore, të dyshuarit fillojnë të shtënë në drejtim të veturës së policisë dhe të largohen nga vendi i ngjarjes”, njoftoi policia e Kosovës.
Rasti është cilësuar si “Vrasje e mbetur në tentativë”, “grabitje e armatosur e mbetur në tentativë” dhe “armëmbajtje pa leje”.?
Kujtojmë se, dy ditë më parë, dy zyrtarë të Policisë së Kosovës u sulmuan në Ferizaj nga katër persona që po tentonin të kryenin grabitje në disa bankomate në autostradën Ferizaj-Prishtinë.
Armë AK-47 u përdorën për të kryer sulmin në drejtim të patrullës policore, e dyshimet e para thonë se katër të dyshuarit që ishin të pajisur me armë të rënda, ikën nga vendi i ngjarjes në një drejtim të panjohur me një veturë karavan, ngjyrë e zezë.
Të dyshuarit ende nuk janë gjetur, e hetuesit policorë janë duke vazhduar punën për identifikimin e kapjen e tyre. E gjithë ngjarja ndodhi më 3 nëntor rreth orës 4:50 të mëngjesit.
https://vm.tiktok.com/ZMjWhsjtx/
Gazetari Arian Çani ka befasuar me deklaratën duke pohuar se ka zbuluar një super kurth që Kryeministri Edi Rama ia ka ngritur Sali Berishës.
Arian Çani insistonte se pas kryeministrit që nuk lëshon asgjë, fshihen arsye krejtësisht politike.
Rama është në kalkulim total. Berisha duhet mbajtur në këtë kuadër deri në vitin 2025 dhe Rama do ju thotë ndërkombëtarëve që këto po i bën një non grata. Duhen legjitimuar 100 e ca deputetë që do të marrë në 2025-ën. Fakti që ai nuk lëshon pe dhe nuk jep asgjë, ai përfiton nga kjo gjë.
Në sytë e ndërkombëtarëve kush po e thyen parlamentin? Non grata, jo Berisha. Është një super kurth i Rames dhe këtu do jemi, janë të regjistruara këto gjëra dhe do i shikoni.
Unë mendoj se liria fitohet me luftë jo me fjalë. Kjo që po bëjnë mos ndoshta fsheh një dobësi, për shkak se nuk arrijnë të mbledhin popullin opozitar në rrugë janë duke e bërë vetë detyrën. Mendoj se nuk po iu ecën mbështetja e popullit, tha Çani në një studio televizive.
Evropa Jugperëndimore po përgatitet për stuhinë e dytë të madhe që vjen nga Atlantiku.
Domingos tashmë po shkakton erëra të forta dhe dallgë të larta në Francë, Spanjë dhe Portugali.
Në Francë, një alarm portokalli është vendosur përgjatë bregut të Atlantikut, dhe gjithashtu në Pas-de-Calais, për shkak të erërave që arritën deri në 150 km/h të shtunën në mbrëmje.
“Po fryn shumë! Por unë jam mësuar me të sepse vij nga Brittany. Ne donim të shmangnim stuhinë atje dhe erdhëm këtu”.
Domingos vjen pas Ciaran, stuhi jashtëzakonisht e fortë, e cili ende nuk është qetësuar plotësisht. Duke u endur në Detin e Veriut, stuhia ka prekur motin në të gjithë kontinentin, me numrin e të vdekurve që u rrit në 19 të shtunën.
Ciaran solli reshje rekord në Itali, ku është shpallur gjendja e jashtëzakonshme në disa provinca të Toskanës, ndërsa probleme të shumta shkaktoi edhe në Shqipëri.
Një prezantues radio në Filipine është qëlluar për vdekje gjatë transmetimit direkt, raporton BBC.
Juan Jumalon, i njohur si DJ Johnny Walker, u qëllua brenda studios, të cilën e kishte në shtëpi, ka njoftuar Policia.
Presidenti i Filipineve, Ferdinand Romualdez Marcos Jr. ka dënuar fuqishëm vrasjen e gazetarit të radios.
Katër gazetarë janë vrarë që kur Marcos Jr. mori mandatin në qershor të vitit 2022, ka thënë Asociacioni i Gazetarëve të Filipineve.
“Sulmi është edhe më i dënueshëm pasi ndodhi brenda shtëpisë së Jumalonit, që shërbente edhe si radio stacion”, ka thënë Asociacioni.
Jumalon po transmetonte direkt në Facebook rreth orës 5:30 me kohë lokale, kur një person u fut brenda dhe e qëlloi.
https://www.facebook.com/sweetfmbanderaphil?ref=embed_video
Sipas ekspertëve ligjorë, ish-kryeministrit mund t’i rëndohet masa e sigurisë, teksa ekzistojnë dy skenarë
Ish-kryeministri Sali Berisha vijon t’i bëjë rezistencë vendimit të SPAK, që e detyron atë të paraqitet në Gjykatë të hënë e parë dhe të tretë të çdo muaji.
Ish-kryeministri deklaroi ditën e premte se nuk do të paraqitet, në lidhje me akuzën e korrupsionit pasiv në privatizimin e kompleksit Partizani.
“Nuk e shkel kushtetutën dhe nuk do të paraqitem…”– tha Berisha.
Por çfarë rrezikon ish-kryeministri nëse i qëndron fjalës së tij?
Juristët, referuar bazës ligjore dhe praktikës juridike, thonë se ish-kryeministri mund të përballet me ashpërsimin e masës së sigurisë nëse refuzon të zbatojë vendimin e gjykatës “detyrimin për tu paraqitur” në SPAK, para oficeres së policisë gjyqësore Adelajda Metaj.
Avokatët e pajisur me prokurë nga Berisha, apeluan masën, megjithatë për sa kohë ajo është në fuqi, data e parë kur Berisha duhet të paraqitet, sipas vendimit të gjykatës, është ora 10:00 e të hënës, datë 6 nëntor 2023.
Në këtë kohë oficerja mban proces-verbal ku shënon se Sali Berisha nuk është paraqitur dhe se nuk ka dorëzuar raport mjekësor apo dokument tjetër që justifikon ligjërisht mosparaqitjen.
Që nga ky moment, prokurorit i lind e drejta të veprojë me një masë tjetër më të rëndë se dy masat që janë në fuqi deri tani. Megjithatë para këtij veprimi, mund të përsëritet edhe njëherë njoftimi për Sali Berishën ku i bëhet e ditur se duhet të paraqitet në kohën e përcaktuar në respektim të vendimit të gjykatës.
Mosparaqitja edhe pas këtij njoftimi, i vendos prokurorët para dy opsioneve:
I pari, të kërkojnë një masë tjetër sigurie, “arrest shtëpie” ose “arrest me burg”, por për të dyja këto, duhet të kërkohet autorizim nga Parlamenti.
Për masën “arrest në burg”, ka një pengesë ligjore që lidhet me moshën e Sali Berishës mbi 70 vjeç. Për masën arrest shtëpie, nuk ka kufizim moshe, por SPAK dhe GJKKO duhet ti kërkojnë parlamentit, krahas heqjes së imunitetit edhe autorizim për shoqërim të detyrueshëm të Berishës me policë, pasi nuk ka zbatuar masën e parë. Nëse parlamenti e miraton kërkesën, ekzekutimi i masës “arrest shtëpie” bëhet nga policia që e shoqëron Sali Berishën në banesë dhe vendos një trupë shërbimi për tu kujdesur për zbatimin e “arrestit në shtëpi” për sa kohë kjo masë vijon. “Arresti në shtëpi” shoqërohet me takimin vetëm me anëtarë të familjes dhe avokatin duke mos lejuar kontaktin me median apo persona të tjerë.
Skenari i dytë, më pak i mundshëm, është që prokurorët Arben Kraja dhe Enkeleda Millonai vendosin vijimin e hetimit me masën që është në fuqi “detyrim paraqitje”, duke administruar deklaratat ku Berisha verbalisht pranon se ka marrë dijeni. Në këtë rast, vendimi i masës depozitohet në sekretarinë e GJKKO, e cila ia dërgon Berishës me postë në adresën ku figuron banues. Pas këtij veprimi, bëhet deklarimi i mungesës së Berishës, dhe sipas ligjit, barazohet me personin e ikur, në zbatim të Nenit 247, paragrafi 3/1 i Kodit të Procedurës Penale që parashikon se: I ikur konsiderohet personi që megjithëse ka dijeni, i shmanget me vullnet zbatimit të masave të sigurimit, ose dënimit me burgim. Ky nen i përgjigjet saktësisht situatës së Berishës, për të cilin policët kanë shënuar në procesverbal se “nuk u gjet” pasi kanë tentuar ta lajmërojnë në selinë e Rithemelimit dhe në banesën e tij ku ka adresën e deklaruar edhe pse ai verbalisht ka marrë dijeni për masën.
Deklarimi i ikjes, pasohet me vijimin e hetimeve me një avokat kryesisht për Berishën i cili mund ta përfaqësojë edhe pas dërgimit të dosjes në gjyqin e themelit.
Historiani dhe gazetari i njohur, Timoty Gartosh Ash në një intervistë për podcastin e Edi Ramës ka rrëfyer se si e shikon Evropën pas 10 viteve.
I pyetur nga kryeministri Edi Rama se si e shikon ai Evropën pas një periudhë të tillë kohore, Garton Ash tha se Bashkimi Evropian ka gjasa që të jetë zgjerohet duke arritur në 35 vendeve aëntare.
Historiani britanik u shpreh se zgjerimi duhet të sjellë edhe përmirësimin e vetë Bashkimit Evropian dhe të drejtohet nga një brez i ri evropianësh.
“Mendoj se, po të mobilizohej një brez i ri europianësh, jo vetëm për të mbrojtur atë çfarë kemi arritur, që është Europa më e mirë që kemi pasur, por edhe për ta zgjeruar dhe përmirësuar atë, çka është plotësisht e mundur, pas 10 vjetësh, do të mund të shohim pas dhe të kemi një Union prej 35 shtetesh dhe do t’ia kemi arritur të mbrojmë atë që kemi, mënyrën e lirë të jetesës në Europë. Është e mundur, por është në dorën tonë”, theksoi historiani Ash.
Erkada nga Shkodra, nënë e tre fëmijëve u ka bërë apel gjithë shqiptarëve ta ndihmojnë pasi po lufton me një sëmundje të rëndë.
Ajo është diagnostikuar me kancer limfome stadi katërt agresiv.
Teksa tregon jetën mes vuajtjesh, bën apel për ndihmë në mënyrë që tre fëmijët e saj mos mbeten jetim.
Në apelin për ndihmë ajo thotë se çdo natë, Muhamedi djali 12-vjeçar, Ensara 10-vjeçe dhe Nisrina-4 vjeçe lajnë me lot krevatin ku ajo dergjet prej sëmundjes së rëndë.
Më poshtë ju do të gjeni një numër llogarie bankare për të ndihmuar sadopak Erkandën.
Apeli për ndihmë:
Shperndaje! Mos mi lini femijet jetim! Une jam Erkanda nga Shkodra nene e tre femijeve. Do t’u lutesha motrave dhe vellezerve, qytetareve te dashtun te Shkodres dhe gjithe shqiptareve ane e mbane botes ta shperndanin kete status.
Jeta ime eshte nga me te veshtirat qe mund keni lexuar dhe po mos te ishte per femijet, nuk do ta publikoja, por keto jane sprova te Zotit… E rritur mes dhimbjesh por me forcen qe te jep besimi i kemi perballuar, kam duruar kur humba motren e cila ishte vetem 17 vjec nga nje semundje e rende. Kam duruar kur humba babain, kam duruar kur humba motren tjeter te re ne moshe dhe la kater femije jetime. Nenen qe kam ne shtepi eshte e semure me karroce, e shpirti im e di sa ka vuajtur gjate kesaj kohe.
Por sot po ju drejtohem me zemer ne dore mos mi lini femijet jetim.. Prej nje viti e gjysem jam diagnostikuar me kancer limfome stadi katert agresiv. Ketu shpresat jane te pakta dhe e vetmja shprese eshte kurimi jasht shtetit por qe shuma eshte e paberballueshme per mua dhe familjen time te vrare nga hallet.
Muhamedi djali im 12 vjecar i duhet te kujdeset per motrat e vogla, Ensaren 10 vjec dhe Nisrinen 4 vjec. Nuk ka dite qe krevatin tim nuk e lajne me lot, e keta femije jane forca ime qe sot po ju shkruaj juve. Dua si cdo nene te jetoj sa te rriten, vetem kete deshire kam, ndaj me lot ne sy ju lutem me ndihmoni, mos t’i lej jetime. Ne bote ka shume vuajtje, une jam nje prej tyre dhe sa here shoh femijet them: “Mami do te jetoje vetem per ju” ata jane forca qe me mbajne gjalle…
E di qe mbase jo te gjithe do te kene mundesi te me ndihmojne, por dhe nje shperndarje, nje lutje qe te sherohem eshte shume per mua, ju lutem motra e vellezer per hater te Zotit t’i rris femijet se ata do ta kerkojne nenen e tyre si cdo femije tjeter… Me respekt motra juaj Erkanda Kotrri
Linku GoFundMe
Llogaritë bankare ku mund të kontribuoni:
PayPal: https://www.paypal.com/donate/?hosted_button_id=5CK3LSDNMU3QY&fbclid
fondacionifirdeus1@gmail.com
Te dhenat bankare ne Zvicër
Name: Firdeus
Emri i Bankes: Post Finance
Adresse: Untere Scheugstr 3 8707 Uetikon am See
Konto Nr.: 15-387081-5
IBAN: CH94 0900 0000 1538 7081 5
BIC: POFICHBEXXX
Të dhënat bankare në USA
Bank Name : Morton Community bank
Beneficiary Name : Friends of Fondacioni Firdeus
Routing Number: 071123204
Account number : 769397
Konto Gjermani
Firdeus Germany Stiftung
Sparkasse Fürstenfeldbruck
IBAN: DE88 7005 3070 0032 2673 46
BIC: BYLADEM1FFB
Konto UK
FIRDEUS UK
Sort code23-14-70
Account number:88494986
IBAN: GB95 TRWI 2314 7088 4949 86
Address: TransferWise
56 Shoreditch High Street London
E1 6JJ United Kingdom
Të dhënat bankare në Shqiperi
Fondacioni Firdeus, Credins Bank,
Adresa e bankes: Rr Vaso Pasha, nr 8, Tirana, Albania.
SËIFT CODE CDISALTR
IBAN EURO:AL76 2121 1573 0000 0000 0088 3481
IBAN USD: AL33 2121 1573 0000 0000 0088 3479
Konto ne Kosove
Fondacioni Shqiptarët për Shqiptarët Kosovë
IBAN XKO5 1905001222031128
Banka Kombetare Tregetare – Kosova
fushë Kosovë
Sëift Code: NCBAXKPR
