Ish Presidenti dhe Monika Kryemadhi priten të thirren nga SPAK.
Sipas gazetares së kronikës Anila Hoxha, SHBA dhe Qipro kanë sjellë letërporositë për çështjen e lobimit dhe menjëherë pas disponimit dhe këqyrjes së materialeve, SPAK do të thërrasë në zyrat e tij ish Presidentin.
“Deri në dhjetor do të kemi të dhëna të bujshme. Shtetet e Bashkuara të Amerikës kanë kthyer një përgjigje për letërporositë e çështjes së lotimit, për të cilën po hetohet ish Presidenti Ilir Meta. Janë kthyer përgjigje edhe nga Qipro për këtë çështje, por që SPAK ka kërkuar përgjigje shtesë për avokatin që ndërmjetëson këtë çështje.
Është një shtetas grek, një emër shumë i njohur. Po priten letër porosi edhe sa i takon zonjës Monika Kryemadhi. Për njërën prej çështjeve, që ka të dhëna të plota, SPAK më deklaroi në verë, që menjëherë pasi të disponohen dhe të këqyren këto shkresa është vendosur të pyetet Ilir Meta. Kjo është strategjia që po përdor SPAK: Do të pyeten personat e hetuar, pasi të disponohen të dhëna të tjera shtesë që përftohen nga dokumentet e sekuestruara”, tha Anila Hoxha për Breaking në Top News.
Vëllai i vajzës 26-vjeçare e cila u përdhunua nga katër persona në Vlorë ka folur për ngjarjen e rëndë. Në një intervistë për Euronews Albania, vëllai tha se edhe pse në fillim në njoftimin zyrtar policia tha se bëhej fjalë për tre persona, ata ishin katër persona. Vëllai i viktimës u shpreh se nëse shteti do ua falë këtë vepër atyre personave ai vetë nuk ka për t’ua falur kurrë.
“Ata janë katër persona, nuk janë tre persona dhe nëse shteti i fal, nuk i fal unë. Nëse shteti apo gjykata do i fal, unë nuk i fal”,-tha ai.
Vëllai i viktimës tha se ai kishte dyshime për mënyrën se si po bëhej hetimi pasi ekspertiza mjekoligjore u bë shumë vonë.
“Ekspertiza mjekoligjore i është bërë pas 5 ditësh, ndërkohë që duhet t’i bëhej brenda 72 orëve,” – u shpreh vëllai i vajzës.
Vëllai i viktimës së përdhunimit tha se motrës së tij i kishin shkuar në spital për ta kërcënuar që të heqë denoncimin.
“Nuk e di kush ka vajtur te spitali dhe ka bërë kërcënim. Motra më tha që kishte shkuar nëna e njërit prej djemve për të hequr denoncimin. Pas zonjës, ka shkuar edhe një zotëri, i cili e ka kërcënuar motrën në spital”, tha ai.
SPAK është duke “qepur” disa nga dosjet më të bujshme të korrupsionit në vend duke futur pas hekurave politikanë të njohur, kurse nën hetim janë edhe figura si Sali Berisha, por pas 30 vitesh anarki në vend bën që prokurorët të jenë të detyruar ta kenë ditën “48 orë”.
Gazetari Denis Dyrnjaja ka njoftuar pak më parë përmes një postimi në rrjetin sociale Facebook, se një ndër personazhet e njohur që janë thirrur në SPAK është dhe biznesmeni Samir Mane. Sipas gazetarit, Mane është marrë në pyetje për pesë orë nga prokurorët e SPAK.
“Askush, as nga drejtuesit e as nga te ftuarit (në emisione sh.r) se përmendën këtë zhvillim se njeriu më i pasur në Shqipëri, biznesmeni Zamir Mane është thirrur në SPAK e ka qëndruar para hetuesve për plot 5 orë”, shkruan gazetari në rrjetin social Facebook.
Postimi i gazetarit Denis Dyrnjaja në Facebook
Zamir Mane në SPAK?!
Kam përshtypjen që lajmi më i rëndësishëm i këtyre ditëve është thirrja dhe pyetja e biznesmenit Zamir Mane në SPAK, për të cilën askush nga këta komentatorët dhe analistët me ose pa pagesë nuk flet. Të gjithë komentojnë Sali Berishën nga mëngjesi deri ne darkë si muhabet kafeneje. Psh mbrëmë thuhej nëpër banaqet televizive se ka llafe lart e poshtë se ka ikur Ilir Meta. O ka ikur, ose s’ka ikur. Nëse ka ikur verifikohet në sistemin TIMS dhe thuhet si fakt. Ilir Meta është larguar nga Shqipëria. Po kështu me duket se ka ikur… flitet se ka ikur…ndoshta ka ikur por kthehet…janë si biseda tallavaje që flet njeri në nje tavolinë kafeneje në fshat dhe dëgjojnë te gjithë të tjerët ne lokal plot habi e kërshëri.
Askush, as nga drejtuesit e as nga te ftuarit se përmendën këtë zhvillim se njeriu më i pasur në Shqipëri, biznesmeni Zamir Mane është thirrur në SPAK e ka qëndruar para hetuesve për plot 5 orë. Ndoshta nuk kanë patur dijeni, ndoshta goja dhe mendimet të bllokohen kur bëhet fjalë për sponsorin. Tani iu takon atyre që kanë burime të na thonë për çfarë biznesmeni Mane është thirrur në SPAK. Ka dalë edhe një si “honorar”5 ml euro. Për kë është taksur ky” honorar?!
Policia e Tiranës njoftoi sot se ka arrestuar Ariel Rrajën, nipi i ish-deputetit socialist Rrahman Rraja që dha dorëheqjen nga mandati dhe politika në korrik të këtij viti për shkak të dhunës ku u përfshi familja e tij kundër fisit Maja.
Arieli është djali i Flamur Rrajës, që sikur u konstatua nga video që qarkulloi në media në verë, ishte pjesë e dhunës ndaj dy kushërinjve Maja.
“Nga specialistët u arrestua shtetasi Ariel Rraja 22 vjeç, banues në Nikël, Krujë, pasi gjatë kontrollit fizik dhe kontrollit në automjetin që drejtonte,
shërbimet e Policisë gjetën sasi lënde të dyshuar narkotike kokainë dhe shuma parash, të cilat u sekuestruan në cilësinë e provës materiale, së bashku me automjetin” njofton policia.
Janë të pafund çmenduritë dhe sakrificat që bëhen në emër të dashurisë.
Kjo histori vjen nga India.
Për javë të tëra banorët e fshatit Ganespurmm u detyruan të qëndronin në errësirë pas ndërprerjeve të vazhdueshme të energjisë elektrike sa herë që elektricisti takonte të dashurën e tij.
Dhe dritat stakoheshin sa herë që perëndonte dielli.
Askush nga fshati nuk dinte se çfarë i shkaktonte problemet e shpeshta të energjisë, pasi kompania e energjisë elektrike nuk kishte raportuar për ndërprerje ndërsa asnjë nga fshatrat fqinjë nuk përballej me probleme të ngjashme.
Të indinjuar, shumë nga banorët e fshatit filluan t’i kushtonin vëmendje kohës së ndërprerjes së energjisë elektrike dhe arritën në përfundimin se rryma binte gjithmonë pas perëndimit.
Pas disa ditë hulumtimesh ata zbuluan shkaktarin. Ai ishte vetë elektricisti i fshatit. Ata fillimisht menduan ta dëbonin nga vendlindja. Por kur mësuan historinë detyruan dy të dashuruarit që të martoheshin.
“Bolla e zezë” e Shqipërisë së trazicionit dhe i “tremburi” i Lalzit prej reformës së SHBA, kujton se provat e krimit dhe fshehja e krimeve të tij, zhduken siç ia zhduknin Adriatik Llalla, Gjin Gjoni, Enkelejdi Hajro, Marsida Xhaferllari, Alaudin Malaj, Dritan Broci, Fatmira Hajdari etj., por ato janë të plota në sirtarët e atyre që e damkosën si person “non grata”
Në çdo deklarim të tij, bërë pas vendimit të DASH për shpallje person “non grata”, Sali Berisha i ka quajtur shpifje akuzat për pengim të drejtësisë, lidhur me krimet e tij, të familjes, bashkëpunëtorëve ministra, politikanë, kryepolicë si Agron Kulicaj e Erzen Breçani dhe kriminelë që mbante pranë.
Ndoshta, nga tronditja e fortë që ka pësuar, Sali Berisha kujton se SHBA akuzon e vendos pa prova; por në fakt asnjë provë, dëshmi e dosje nuk është zhdukur, përkundrazi të gjitha janë të skeduara me detaje nga drejtësia e re Amerikane.
Një prej fakteve, që vërteton akuzën e SHBA, për pengim të drejtësisë me manipulim e fshehje të provave të krimit, me fshehje dëshmitari, është rasti i intervistës që Sali Berisha i ka marrë në spital truprojes së plagosur të Azem Hajdarit, mëngjesin e 13 shtatorit 1998, pa lejen e policisë e prokurorisë.
Fillimisht, truprojen Zenel Neza e manipuluan me premtimin për largim ilegal nga Shqipëria e fshehje në Belgjikë; duke i kërkuar si këmbim heshtjen dhe refuzimin për dëshmi para drejtësisë.
Pas pazarit, pesonalisht Sali Berisha, incizoi dëshminë e truprojes Zenel Neza, ndërsa pas disa ditësh e zhduku nga Shqipëria, duke e fshehur në Belgjikë, në baza trafikantësh me të cilët kishin lidhje Berisha dhe Gazidede.
– Përse Sali Berisha e intervistoi me urgjencë e ilegalisht, të vetmin dëshmitar okular të vrasjes së Azem Hajdarit, para marrjes në pyetje nga policia e prokuroria dhe pa lejen e tyre?
– Përse Sali Berisha po e fsheh prej 13 vitesh dhe nuk e dorëzon në organet e drejtësisë, këtë kasetë me dëshmi “kyçe” në skenarin e vrasjes së Azem Hajdarit, para selisë së PD?
Me aq “përvojë” sa ka Sali Berisha në çështje krimesh, besojmë se e kupton, që regjistrimi i paligjshëm e mos dorëzimi i kësaj kasete; manipulimi e ndalimi i dëshmitarit për të mos deklaruar para drejtësisë dhe fshehja e dëshmitarit jashtë Shqipërisë, janë prova pengimi me dashje të drejtësisë./Pamfleti
Çiljeta është një ndër këngëtaret më të përfolura dhe më të komentuara të showbizzit.
Karriera e saj ka nisur që në moshë të vogël ku të gjithë e mbajnë mend si një nga vajzat më s@ksi.Gjithashtu u komentua për faktin se ishte pjesë e një programi për të rritur siç ishte në atë kohë 0900-ta.
E pyetur në një nga intervistat se sa ka ndikuar kjo në imazhin e saj, Çiljeta përgjigjet:
Çiljeta tek 0900-ta. A ju ka prishur imazhin tuaj ky lloj shërbimi?Mund të ketë ndikuar fillimisht, kur të tjerët, publiku, nuk e dinte se për çfarë bëhej fjalë.
Thjesht e shikonin si një 0900-të, një hotline.
Unë e kam sqaruar shumë herë edhe nëpër televizione të ndryshme, që nuk bëhej fjalë absolutisht për një ho.tline, por për një friend-line.
Aty ishte thjesht zëri im, ku thoshte “çiljeta line, shtyp butonin 1 për të lënë mesazh, shtyp butonin 2 për të folur me djem edhe vajza dhe shtyp butonin 3 për të marrë informacione për karrierën time”.
Pastaj e kuptuan që nuk isha unë, u zhgënjyen, se mendonin se isha unë, kështu që ra edhe ai shërbim, u prish kontrata.
Një qen besnik priti jashtë shtëpisë së pronarit të tij për dy javë pa e kuptuar se e kishin braktisur.
Por për fat të mirë, fqinjët vunë re gjendjen e vështirë të qenit dhe e dërguan në një strehë për kafshët duke i siguruar ushqim, ujë dhe një ekzaminim të plotë mjekësor. Ata vendosën ta quajnë qenin e vetmuar Salvatore.
Një zëdhënës i strehës së qenve tha për mediat:
Salvatore mbeti vetëm pas kur familja e tij u largua. Ai priti pranë shtëpisë së tij, duke besuar se ata do të ktheheshin për të. Fqinjët na thanë se ai ishte një kafshë shtëpiake e mirë familjare, veçanërisht me dy fëmijët e tyre. Përveç trishtimit në sytë e tij, Salvatore është një qen i pashëm. Sytë e një kafshe kanë fuqinë të flasin një gjuhë të shkëlqyer. Salvatore ishte shumë nervoz por jo agresiv kur erdhi tek ne. U desh shumë durim, dashuri dhe përkushtim që ky qen të kuptonte se ne ishim aty për ta ndihmuar.
Pasi kaloi rreth dy muaj në strehë, qeni i pashëm u mor nga një familje e re, e cila humbi qenin e tyre vitin e kaluar. Pra tani jo vetëm që Salvatore ka një familje të re, por një familje ka gjithashtu një qen të ri të bukur dhe tepër besnik.
