Lajme Flesh

Historiani i njohur Pëllumb Xhufi i ftuar në Shqip nga Dritan Hila foli për përvjetorin e Çlirimit të Shqipërisë dhe partizanët që morën pjesë në luftë.

Zoti Xhufi tha se në vendin tonë kanë humbur jetën 28 mijë dëshmorë në krye të detyrës atdhetare, si dhe përpos kësaj shifre mund të ketë persona të tjerë të humbur gjatë betejave.

“Kemi 28 mijë dëshmorë sipas dokumenteve, por mund të jenë edhe më tepër. Mos harrojmë që ka qenë luftë dhe ka shumë persona të humbur. Këta 28 mijë dëshmorë janë kryesisht partizanë të organizuar në njësitë partizane nga më të vogla si Çetat deri tek Divizionet. Përveç këtyre ka dhe pjesëtarë të Çetave territoriale (pjesë integrale e Ushtrisë Nacional Çlirimtare), por mos të harrojmë dhe ata që e filluan, që dhanë alarmin të parët.

Ishin pikërisht anëtarët e njësive guerile që organizuan fillimisht rininë shqiptare në qytet dhe më pas në të gjithë trevat. Janë të gjithë ata që nuk zgjodhën të ishin indiferentë por t’i vënë shpatullat një detyre atdhetare, sfide të jashtëzakonshme siç ishte ajo e Luftës së Dytë Botërore, e cila u bën nën moton që e vulosi, Winston Churchill.

Churchilli më 22 qershor 1941, një ditë pasi u sulmua Bashkimi Sovjetik, mbajti një fjalim të rrallë që gjithmonë përmenden për përmbajtjen dramatike. Ai aty shprehet:

“Unë jam antikomunisti më i madh. Më njohin të gjithë, nuk kam çfarë fsheh. Por sot unë jam me popujt e Bashkimit Sovjetik, të cilët luftojnë jo vetëm për lirinë e tyre por edhe për lirinë tonë.

Prandaj ne u themi të gjithëve që, kush në këtë luftë për ekzistencë rreshtohet me ne kundër nazizmit është aleati ynë. Kush rreshtohet në krah të gjermanëve, është armiku ynë”.

Ky fjalim e ka ndjekur dhe qëndrimin që mbajtën aleatët e mëdhenj si; britanikët, amerikanët, sovjetikët ndaj popujve që u pushtuan nga nazistët.

Ndaj është turp i madh që të shtrembërohet historia e luftës. Një historian duhet të citojë faqen ku i merr dokumentet, jo të fshehë të vërtetën. Apo të grisen dokumente siç ka ndodhur në Arkivën Shqiptare, të cilat 40 vite më parë i gjeje, sot nuk janë më”, tha historiani.

Moderatorja Alketa Vejsiu ka bërë një reagim të ashpër dhe të drejtpërdrejtë ndaj edicionit aktual të “Big Brother VIP Kosova”, duke kritikuar rëndë përmbajtjen dhe personazhet e formatit.

Gjatë një bashkëbisedimi virtual me ndjekësit, e pyetur për mendimin e saj profesional mbi këtë realizim, Vejsiu nuk i ka kursyer fjalët, duke e cilësuar spektaklin si një tejkalim të çdo limiti etik.

Ajo u shpreh hapur: “Nuk jam për P*rno në mes të ditës kurrsesi. Shoh skena që të krijojnë bezdi, diskomfort. The Drive is “Sex Sells” (Shtysa është se seksi shet). S’do shisja gjithçka për suksesin e një formati televiziv.”

Kritikat e saj nuk u ndalën vetëm te produksioni, por shënjestruan edhe banorët, veçanërisht vajzat e reja brenda shtëpisë.

“Pse duhet të bëhen model ca modele që s’përfaqësojnë asgjë, veç tundin të pasmet dhe na japin leksione erotizmi. I shpall luftë vulgaritetit,” shkroi ajo.

Në fund, Alketa theksoi se nëse do ta kishte ajo në dorë një format të tillë, do të fokusohej te rritja e nivelit të personazheve dhe narrativës, duke hedhur poshtë strategjinë e përdorur aktualisht në Kosovë.

Këngëtari Erik Lloshi, mik i ngushtë i të ndjerit Shpat Kasapi, ka qenë i ftuar në “UëTëFë Show” ku ka folur për herë të parë rreth zërave që qarkullojnë në media lidhur me shëndetin e djalit të vogël të Shpatit.

Lloshi ka përgënjeshtruar me vendosmëri lajmet se djali është në spektrin e autizmit, duke sqaruar se bëhet fjalë vetëm për një vonesë në të folur.

Ai u shpreh i revoltuar ndaj mediave: “Nuk është në spektrin e autizmit. Kjo nuk është e vërtetë fare, kjo hidhet poshtë si hipotezë sepse djali është shumë mirë, thjesht ka një vonesë në të folur. Nuk ka lidhje me autizmin, është një hipotezë që unë nuk po kuptoj se si kanë guximin mediat që ta nxjerrin këtë lloj gjëje pa u siguruar.”

Megjithatë, mënyra se si këngëtari zgjodhi të mbrojë djalin e mikut të tij, ka shkaktuar reagime negative në rrjet. Duke thënë se fëmija “është shumë mirë” sepse “nuk është autik”, Lloshi bëri pa dashje një diferencim problematik, duke nënkuptuar se personat brenda spektrit nuk janë “mirë”.

Komentuesit kanë vënë në dukje se kjo gjuhë, edhe pse ndoshta pa qëllim negativ, ushqen stigma të vjetra dhe të panevojshme.

Ata theksuan se autizmi është çrregullim i zhvillimit neurologjik dhe jo sëmundje që e bën dikë “të mos jetë mirë”, duke kërkuar më shumë kujdes në formulimin e termave për tema kaq sensitive.

Ndarja e parakohshme nga jeta e Shpat Kasapit në moshën 40-vjeçare ka zbuluar një të vërtetë prekëse mbi jetën e tij private, e cila ishte mbajtur larg syve të publikut kohët e fundit.

Vetëm pak muaj më parë, çifti kishte konfirmuar ndarjen dhe problemet në martesë, me Selvijen që deklaronte se do të jetonte vetëm për veten dhe djalin. Por, mes dhimbjes së madhe, është zbuluar se dyshja kishte lënë pas mosmarrëveshjet dhe kishte realizuar një ribashkim të fshehtë.

Në postimin e saj rrëqethës pas tragjedisë, Selvije zbuloi se ata jo vetëm që ishin bashkë, por kishin nisur planet për një jetë të re në Itali. Qëllimi madhor i këtij ribashkimi dhe zhvendosjeje ishte shëndeti i djalit të tyre, Roelit.

Ajo shkroi: “Sa të lumtur ishim që më në fund Roelit po i bëheshin dokumentet në Itali, që të mund ta çonim sa më shpejt te logopedët më të mirë… Sa të afërt kemi qenë, sa bashkëpunues në privatësinë tonë.”

Fatkeqësisht, këto plane për një fillim të ri u prenë në mes tragjikisht, me artistin që ndërroi jetë në krahët e partneres së tij, pikërisht në momentin kur po përpiqeshin të ndërtonin të ardhmen për djalin e tyre.Filed

Një shpërthim i fuqishëm tronditi mëngjesin e së enjtes rrugën Eulerstrasse në Düsseldorf, duke shkatërruar hyrjen e një pallati dhe duke shpërndarë mbeturina në distancë të madhe.

Sipas Bild, hetimet paraprake zbuluan se objekti i dëmtuar është në pronësi të reperit të njohur me origjinë nga Kosova, Azet, çka ngriti menjëherë dyshime dhe diskutime në mediat gjermane.

Pas raportimeve që sugjeronin një sulm të mundshëm pranë një prej pronave të tij, Azet reagoi publikisht për të sqaruar situatën. Në një postim në Instagram, artisti mohoi kategorikisht çdo lidhje personale me ngjarjen dhe theksoi se nuk ka qenë shënjestër e ndonjë atentati.

“Nuk ka pasur asnjë atentat ndaj meje,” shkroi reperi, duke shtuar se ai zotëron disa prona të cilat i përdor si banesa kolektive. “I prekur ka qenë një nga këto objekte – unë vetë nuk banoj aty. Ngjarja nuk ka lidhje me mua.”

Autoritetet gjermane po vazhdojnë hetimet për të përcaktuar motivin dhe autorët e mundshëm të shpërthimit, ndërsa nuk ka raportime për të lënduar

Top Channel

Influencuesja austriake 31-vjeçare, Stefanie Pieper, e cila u raportua e zhdukur një javë më parë është gjetur e vdekur brenda një valixheje në një zonë pyjore pranë Mariborit në Slloveni.

Zbulimi u bë pas dëshmisë së ish-partnerit të saj, i cili tashmë është i dyshuari kryesor dhe ka pranuar përfshirjen në zhdukjen e saj.

Sipas mediave vendase, burri dyshohet se e ka mbytur Pieper-in, më pas ka futur trupin në një valixhe dhe e ka groposur në një pyll përtej kufirit, në territorin slloven. Pistat e hetimit u hapën pasi ai pranoi të bashkëpunonte me autoritetet dhe tregoi vendndodhjen e trupit.

Stefanie Pieper u raportua e zhdukur rreth një javë më parë. Kontakti i saj i fundit ishte dita kur u largua nga banesa, kur i dërgoi dy mesazhe një miku të ngushtë. Në njërin prej tyre, ajo përmendte një figurë të dyshimtë në shkallët e pallatit. Pas kësaj, ajo humbi çdo gjurmë.

I dyshuari u arrestua të hënën në Slloveni, pranë kufirit me Austrinë, në afërsi të makinës së tij të djegur. Të premten ai u ekstradua në Austri, ku gjatë marrjes në pyetje nga hetuesit e Styria-s pranoi të tregonte vendin ku ndodhej trupi.

Ndërkohë, hetimet po shtrihen edhe ndaj dy personave të tjerë të dyshuar si bashkëpunëtorë: vëllait dhe njerkut të të dyshuarit, të arrestuar në Graz. Të dy ndodhen në paraburgim nën dyshimin për tentativë manipulimi të provave dhe deri tani kanë refuzuar të japin dëshmi.

Policia dhe prokuroria sllovene pritet të publikojnë detaje të reja nesër, ndërsa po bashkëpunojnë ngushtë me autoritetet austriake për të përfunduar rindërtimin e plotë të ngjarjes.

Atmosfera festive e 28 Nëntorit këtë vit është shoqëruar me nota trishtimi për komunitetin artistik, pas ndarjes së parakohshme nga jeta të këngëtarit Shpat Kasapi.

Gjatë performancës së tij të fundit, Sinan Hoxha ka gjetur forcën për të bërë një homazh prekës për kolegun dhe mikun e tij të ngushtë. Me një fotografi të madhe të Shpatit të shfaqur në sfondin e skenës, Sinani ndërpreu për pak çaste muzikën për të kërkuar nga publiku 20 sekonda duartrokitje në nderim të tij.

Mes emocionesh të forta dhe me zërin që i dridhej, gati për të qarë, Sinani u shpreh:

“Koleg, mik i mrekullueshëm. Jeta vazhdon kështuqë… ju kërkoj shumë falje por ka qenë mik i ngushtë i joni. Kam dy ditë dhe nuk dija si do këndoja sonte, por ai siç ishte dhe vetëm qeshte non-stop.”

Në mbyllje të fjalës së tij, këngëtari bëri një lutje prekëse që përloti të pranishmit: “Lus Allahun e madh që ai të këndojë atje lart bashkë me engjëjt.”

Ky moment dëshmoi edhe një herë dhimbjen e madhe që ka lënë pas ikja e Shpatit, jo vetëm te familja, por edhe te kolegët që ndanë skenën me të për vite me radhë. /Prive By Liberta Spahiu

Gazetari Basir Çollaku i ftuar në një studio televizive, ka folur në lidhje me hetimin ndaj Belinda Ballukut dhe dosjet e tenderave që janë dhënë.

Gjatë bisedës, Çollaku u shpreh se, hetimet pritet të shkojnë deri tek Edi Rama, ndërsa u shpreh se, socialistët duhet që të mendojnë për një kryeministër tjetër dhe një qeveri teknike.

Sipas gazetarit, nëse Gjykata Kushtetuese do të vendosë në favor të kërkesës së kryeministrit, atëherë Gjykata e Posaçme do të vendosë arrest me burg për Belinda Ballukun.

‘Shikoni, nga të dhënat e deritanishme theksohet që kryeministri nuk ka biseduar vetëm me zonjën Balluku, por dhe me drejtorët të cilët janë pjesë e këtij ekipi dhe ajo çfarë mungon, unë them ende, po jam i bindur që do vijmë tek ai moment ku struktura e posaçme, është hera e parë që po hetohet në fakt pa ndërprerje një tender dhe një punë e madhe e plaçkitur, e vjedhur.

Një, janë shumë të tilla, që shkojnë tek kryeministri. Nuk po hetojmë për gardëroba më, nuk po hetojmë për këpucë, nuk po hetojmë për bankete dhe për tapete. Dhe jam i bindur që do të vijmë tek akuza e organizatës kriminale.

Do të shkohet te kjo akuzë dhe në krye të kësaj organizate kriminale nuk mund të jetë zëvendësi, është eprori i zëvendësit. Ta shndërrosh Shqipërinë në një fuqi narkotike siç është bërë tani, dhe të vish akoma të lexosh përralla nëpër Evropë, ky i pandehur do të jetë modeli dhe shembulli për t’u dhënë leksione kujtdo pretenduesi tjetër që t’i ngjajë, që të merret i pandehur edhe në detyrë, ose të largohet diku tjetër nga detyra.

Socialistët do të mendojnë për një kryeministër tjetër në një qeveri teknike.

Nuk besoj se Gjykata Kushtetuese do shkojë sipas oreksit të stomakut të kryeministrit të vendit, por nëse ndodh, të jemi të bindur se struktura e posaçme do kërkojë arrest me burg për ministren Balluku dhe kërkesë për heqje të imunitetit të saj. Edhe nëse Gjykata shprehet pro asaj kërkese, këto masa janë drejt asaj rruge.

Kryeministri këtë është duke bërë, duke u përpjekur të krijojë vetëmbrojtje, të krijojë mbrojtjen e vetvetes, nuk do të mbrojë Ballukun. Ndonëse ata kanë në materialet e shkëmbyera dhe favore dhe ndere dhe porosi të kryera ndaj njëri-tjetrit, kanë materiale dhe lëndë penale të shumta dhe të pafundme, e cila është e grumbulluar nga struktura e posaçme.

Çdo lloj telefoni sado që të përpiqet ta fshehë, ta pastrojë, ta sistemojë, të gjithë materialet, të gjithë lëndën. Unë nuk po them për telefonat që ata kanë zyrtarisht, do flas dhe për telefonat e tjera që ata sot mendojnë se struktura nuk i di, por partnerët dhe Prokuroria e Posaçme i ka nëpër duar dhe komunikimet e tyre të koduara të mëparshme, kushdo qofshin këta, ministra apo në adresë të kryeministrit.

Ky material është tek porta e tyre dhe ata mund të jenë duke negociuar se si do të sillen. Por që do të jenë të pandehur, këtë nuk e kanë në dorë më as Rama, as Balluku.

Gjykata Kushtetuese ka në dorë ta ndihmojë strukturën e posaçme duke vendosur edhe rastin ku ankesat e tjera të mos mbërrijnë tek ajo’, tha ndër të tjera gazetari Basir Çollaku.

Erik Fullani, djali i ish-Guvernatorit të Bankës së Shqipërisë, Ardian Fullani, ka publikuar për herë të parë një video të transformimit të tij, që siç thotë, uron që dhe të tjerët të motivohen për të punuar me trupin e tyre.

Shumë vite më parë, ai ka qenë mjaft i shëndetshëm dhe këtë e tregon dhe në pamjet e publikuara në Instagram, derisa vendosi të ndryshonte stilin e jetesës dhe të transformonte fizikun e tij, shkruan newsbomb.al.

“Do dalësh me të? Jo se është i shëndoshë”, ky është zëri në gjuhën angleze që nis videon, i cili i referohet paragjykimeve nga vajzat e reja për të dalë në “date” me djemtë e shëndetshëm, dhe më pas shfaqen pamje nga jeta e Erik Fullanit.

Ai thotë se ky nuk është tipikisht rasti i tij, por gjithsesi ka pasur dëshirë të ndante transformimin total të fizikut të tij dhe jetën e re që ka nisur tashmë, i angazhuar në përditshmëri, aktivitete fizike dhe ushqim të shëndetshëm.

Erik Fullani ka drejtuar më parë biznese të tijat dhe familjes, por është paragjykuar shpesh për jetën e luksit në Tiranë, më tepër për shkak të punës së të atit si Guvernator i Bankës së Shqipërisë, shkruan newsbomb.al.

VIDEO

Mercedes-Benz CLK GTR, një nga makinat speciale më ekstreme dhe të rralla të krijuara ndonjëherë nga AMG për nevojat e Le Mans në fund të viteve ’90, ka qenë në qendër të një prej operacioneve më mbresëlënëse të FBI-së dhe iu sekuestrua ish-kampionit olimpik të kërkuar Ryan Wedding.

Agjencia sekuestroi makinën CLK GTR Roadster të vitit 2002, me vlerë afërsisht 13 milionë dollarë, si pjesë e operacionit “Giant Slalom”, i cili synon kartelin ndërkombëtar të ish-snowboarderit olimpik dhe tani të arratisurit në mesin e 10 më të kërkuarve të FBI-së, Ryan Wedding.

Një strukturë ekzotike, vetëm gjashtë në botë

CLK GTR është rezultat i një epoke të artë për prodhuesit që ndiqnin lavdinë në Le Mans. Për të marrë pjesë, ata duhej të prodhonin disa kopje të ligjshme për rrugë.

Kjo i dha jetë “monstrave” si Porsche 911 GT1, Nissan R390 dhe, sigurisht, Mercedes-it “të tyre”. Nga 28 CLK GTR të ndërtuara, vetëm 6 ishin roadster, duke e bërë këtë version me çati të hapur edhe më të vlefshëm.

Ajo ka një motor V12 6.0 litra që prodhon gati 600 kuaj fuqi dhe arrin 7,000 rpm, nëpërmjet një kutie shpejtësie sekuenciale me 6 shpejtësi.

Supermakina e një baroni “të padukshëm”

Makina CLK GTR i përkiste Ryan Wedding, i cili akuzohet për drejtimin e një rrjeti shumëkombësh trafikimi kokaine me të ardhura të paligjshme që tejkalonin 1 miliard dollarë në vit. Autoritetet amerikane e krahasojnë atë me emra si Escobar dhe El Chapo dhe besojnë se ai fshihet në Meksikë.

FBI-ja po ofron madje një shpërblim epik prej 15 milionë dollarësh për informacionin që çon në arrestimin e tij, një shumë pothuajse e mjaftueshme për të blerë vetë CLK GTR, nëse përfundon në ankand.

Çfarë do të ndodhë me CLK GTR?

Kjo mbetet e panjohur. Me shumë mundësi do të nxirret në ankand, siç është rasti me asetet e tjera luksoze të sekuestruara. Megjithatë, duke pasur parasysh rrallësinë dhe historinë e tij “të errët”, vlera e saj mund të rritet edhe më shumë.

Një gjë është e sigurt: çdo shfaqje e një Mercedes-Benz CLK GTR Roadster është lajm më vete. Dhe ky është ndoshta modeli më “kinematik” që kemi parë prej vitesh. (A2 Televizion)