Lajme Flesh

Kryetari i Bashkisë së Kolonjës, Erion Isai, i njohur edhe si Çuçka i Kolonjës, në gusht 2024, ka paraqitur një kërkesë-padi pranë Gjykatës së Tiranës për t’u divorcuar nga bashkëshortja Ajlin Petrela, me motivacionin se mes tyre nuk ka më afeksion, se jetojnë të ndarë, se martesa e ka humbur kuptimin etj. Çuka dhe zonja Petrela ishin të martuar që nga viti 2011 dhe kanë dy fëmijë.

Në prill të këtij viti, Gjykata e Tiranës ka vendosur zgjidhjen e martesës. Zyrtarisht, Çuçka e Kolonjës, i cili disa ditë më parë mahniti liderët e BE-së me aglishten e tij me theks ‘ersekar’ dhe humorin që e karakterizon, është beqar.

Rastësi ose jo, kriza në martesën e Çuçkës ka ardhur pasi Edi Rama e emëroi në vitin 2019 kryetar të Bashkisë së Ersekës. Aktori i humorit Erion Isai tregoi ‘sakrificën e tij’ për interes publik pasi la një pagë rreth 5 mijë euro në televizion për një rrogë 680 mijë lekë të vjetra si kryetar i Bashkisë Kolonjë.

Pyetjen ‘a kam edhe rrogë’ nisi t’a bënte që muajt e parë. Një skemë korrupsioni me tendera të paracaktuar, me Adriatik Zeqillarin, tregon edhe ‘sakrificën’ e Çuçkës. Shumë shpejt, aktori ia mori dorën bashkisë, duke krijuar një rreth klientelist, me të cilin nisi të ndante paratë dhe tokat publike, duke marrë përqindje për çdo tender dhe ankand.

Pas finalizimit të aferave të para korruptive, Çuçka mori shtëpi te Kodra e Diellit. Një dosje në SPAK dhe disa dëshmi tregojnë se Çuçka, në një moment, nuk dinte se çfarë të bënte dhe ku t’i çonte paratë e vjedhura. Rroga e bashkisë dhe paga si aktor i dukeshin bakshish.

Ai vendosi të shkurtonte dhe paloste veshët (romodelonte veshët). Befas një ditë Çuçka u shfaq me veshë më të vegjël.

Pas shkurtimit të veshëve, Çucka nisi të investonte në pasuri të paluajtshme në emra të tjerë, ndërsa i hyri edhe anglishtes, të cilën e asimiloi shumë shpejt, me një theks ‘ersekar’.

Me gjithë këto ndryshime të shpejta martesa e Çuçkës nuk kishte se si të mos tronditej.

Kupa u mbush kur Çuçka nisi të ngacmonte dhe t’u vardisej djemve, duke hyrë në sherr me të dashurat e tyre. Kështu një ditë zonja Petrela mori plaçkat dhe u largua nga banesa.

Nuk përbën interes publik jeta private e Çuçkës, as nëse i pëlqejnë djemtë, femrat apo të dyja gjinitë, por interes publik përbën kur një kryetar bashkie shqetëson qytetarët me mesazhe seksiste në mesnatë, fton komentuesit në duel dhe vjedh pasuritë publike.

Ikona e televizionit dhe biznesmenia e suksesshme Kim Kardashian, shpenzon mbi 1 milion dollarë në vit për një ekip prej 10 dadosh që kujdesen për katër fëmijët e saj: North (11), Saint (9), Chicago (7) dhe Psalm (6), të cilët i ka me ish-bashkëshortin Kanye West.

Sipas burimeve për ‘The U.S. Sun’, çdo fëmijë ka të paktën një dado të dedikuar, e ndonjëherë edhe më shumë  duke ndjekur një sistem të organizuar dhe shumë të rreptë që garanton kujdes të pandërprerë, 24/7.

Dadot punojnë me turne 12-orëshe, duke nisur që në orën 6 të mëngjesit, me një pagë vjetore që arrin në 100 mijë dollarë.

Ato kanë vetëm një ditë pushim në javë dhe janë të detyruara të udhëtojnë me fëmijët në çdo aktivitet apo lëvizje, madje edhe në vizitat te babai i tyre, Kanye West.

“Kur North shkon te Kanye, Kim zakonisht dërgon tre dado të besuara. Nëse shkojnë më shumë fëmijë njëkohësisht, situata bëhet më komplekse prandaj ka krijuar një ekip me rreth 10 dado,” shpjegon burimi.

Mirëqenia e fëmijëve të Kardashian shkon përtej dadove. Ata kanë gjithashtu mësues privatë, instruktorë arti, kërcimi e muzike, stilistë personalë dhe organizatorë aktivitetesh kreative. Të gjithë këta profesionistë punojnë në një seksion të dedikuar të rezidencës së Kim-it në Kaliforni, i cili është transformuar në një qendër edukimi dhe argëtimi për të vegjlit.

Dadoja e North-it, për shembull, është njëkohësisht edhe mësuese personale dhe asistente, ndërsa të gjitha dadot kujdesen për gjithçka, që nga ushqimi dhe rrobat e pastra, deri tek organizimi i axhendës së fëmijëve, shoferët dhe siguria.

Stafi i përkushtuar shpërblehet jo vetëm me pagë të lartë, por edhe me bonuse për besnikëri dhe performancë, veçanërisht nëse qëndrojnë për më shumë se 18 muaj dhe krijojnë lidhje të mirë me fëmijët.

Në stilin tipik Kardashian, kujdesi ndaj fëmijëve nuk është thjesht një domosdoshmëri, por një investim i mirëfilltë në luks dhe efikasitet.

Ashtu siç paralajmëroi një ditë më parë vetë kryeministri Edi Rama, Shqipëria pritet të hapë së shpejti Grupkapitullin 4 për anëtarësimin ne Bashkimin Evropian.

“Agjenda e Gjelbër dhe Ndërlidhja e Qëndrueshme” është Grupkapitulli 4, në të cilën janë disa kapituj, si në politikën e transportit dhe sektorin e energjisë, pa harruar edhe mbrojtjen e mjedisit dhe kapituj të tjerë.

Vendimi:

Sot, më 11 qershor 2025, pasi ka konstatuar se Shqipëria është mjaftueshëm e përgatitur për të hapur negociatat, Komiteti i Përfaqësuesve të Përhershëm të 27 vendeve anëtare të Bashkimit Evropian, autorizoi Presidencën e BE-së dhe Presidenca Polake i dërgoi sot letrën Shqipërisë ku i kërkon të paraqesë pozicionin e saj negociues mbi katër kapitujt e përfshirë në Grupkapitullin 4 “Agjenda e Gjelbër dhe Ndërlidhja e Qëndrueshme”.

Pozicioni negociues do t’i paraqitet Konferencës së Gjashtë Ndërqeveritare me Shqipërinë, e cila do të organizohet në një datë që do të shpallet së shpejti nga Presidenca e Këshillit të BashkimitEvropian.

Kapitujt e Grupkapitullit 4 përfshijnë fusha shumë të rëndësishme për ekonominë, biznesin dhe që prekin drejtpërdrejt jetën e përditshme të qytetarëve dhe janë faktor transformimi për zhvillimin afatgjatë të vendit.

Kapitulli 14, i cili trajton politikën e transportit, synon përmirësimin e infrastrukturës dhe sigurisë rrugore e hekurudhore;

Kapitulli 15 lidhet me sektorin e energjisë dhe garantimin e furnizimit të qëndrueshëm dhe të përballueshëm me energji;

Kapitulli 21 fokusohet te rrjetet trans-evropiane dhe ndërlidhjen infrastrukturore të Shqipërisë me vendet e BE-së, si pjesë e rëndësishme e Korridoreve Evropiane;

Ndërsa Kapitulli 27 vlerëson mbrojtjen e mjedisit dhe përballimin e ndryshimeve klimatike, përmes standardeve të larta të BE-së.

Përmes negociatave të këtyre kapitujve, Shqipëria pritet të bëjë hapa konkretë drejt ndërtimit të rrugëve më të sigurta dhe moderne, përmirësimit të ndërlidhjes rajonale dhe evropiane, garantimit të furnizimit me energji të pastër dhe të përballueshme, si dhe mbrojtjes së mjedisit për gjeneratat e ardhshme.

Ky është një investim i drejtpërdrejtë në cilësinë e jetës së qytetarëve shqiptarë dhe transformimin e pandalshëm të ekonomisë shqiptare në rrugën drejt familjes evropiane.

Ky vendim i Bashkimit Evropian konfirmon ecurinë e suksesshme të Shqipërisë në procesin e anëtarësimit. Ai është një tregues i qartë i përparimit të prekshëm në përmbushjen e reformave ekonomike, i përgatitjes dhe aftësive të të gjitha institucioneve shqiptare dhe aktorëve ekonomik, si dhe Ekipit Kombëtar të Negociatave për anëtarësim, por njëkohësisht përforcon besimin se Bashkimi Evropian mbështet një proces zgjerimi të drejtë dhe të besueshëm, të bazuar në rezultate konkrete, të matshme dhe përmbushje të standardeve evropiane

Nga Paolo Fox

Dashi

Në këtë periudhë të këtij muaji qershor 2025 ju jeni të thirrur të reflektoni thellë mbi aftësinë tuaj për tolerancë ndaj të tjerëve. Disonanca e Mërkurit do të sjellë momente tensioni. Kapitulli i punës: është thelbësore të mos nënvlerësoni projektet afatgjata. Kini kujdes të mos mbingarkoheni nga lodhja.

DEMI

Sipas horoskopit të Paolo Fox (e enjte, 12 qershor 2025), Venusi në shenjë përfaqëson ende një mundësi unike për beqarët që të zënë dhe të kërkojnë emocione të reja. Punë? Je në një periudhë të favorshme për të fituar kontrata të reja.

BINJAKËT

Periudha e zbulimit dhe ripërtëritjes në marrëdhëniet dashurore vazhdon. Gjatë orëve të ardhshme të këtij 12 qershori, mund të surprizoheni këndshëm nga dikush… Me Venusin në një tranzit neutral, ka një atmosferë pozitiviteti krahasuar me muajin e kaluar. Sa i përket punës, periudha është e favorshme dhe plot shpikje.

GAFORRJA

Pas një muaji trazirash dhe projektesh romantike të vonuara, është koha t’i riktheni marrëdhëniet tuaja në rrugën e duhur. Mërkuri favorizon komunikimin. Surpriza të këndshme në punë dhe telefonata të papritura janë të mundshme.

LUANI

Sipas horoskopit të Paolo Fox (e enjte, 12 qershor 2025), gjatë kësaj jave në fillim të qershorit dëshira juaj për stabilitet në dashuri do të jetë e prekshme. Kushtojini vëmendje të veçantë fundjavës. Sa i përket punës, është thelbësore të veproni me guxim. Ngritni mëngët.

VIRGJËRESHA

Venusi është ende në anën tuaj dhe kjo do të ndihmojë në zgjidhjen e çdo keqkuptimi në dashuri. Nëse ka pasur tensione, tani keni mundësinë të tregoni mirëkuptim dhe hapje. Puna? Në muajt në vijim ka të ngjarë që çdo konflikt burokratik të zgjidhet në favorin tuaj.

PESHORJA

Në këto orë pothuajse të mesit të qershorit jeni të hapur ndaj fjalëve dhe gjesteve të partnerit tuaj, si dhe ndaj ndikimeve të jashtme. Dashuria është një terren delikat: nuk duhet shumë për të lënduar ose për t’u ndjerë i lënduar. Puna? Për ata që punojnë për veten e tyre është koha ideale për t’u hapur ndaj bashkëpunimeve të reja dhe për të formuar aleanca strategjike.

AKREPI

Sipas horoskopit të Paolo Fox (e enjte, 12 qershor 2025), pozicioni i kundërt i Venusit mund të krijojë ende disa turbulenca, veçanërisht në sferën sentimentale. E shtuna dhe e diela do të jenë më pak të vlefshme për të lënë të kuptohet diskutime. Puna: Jupiteri fillon t’ju mbështesë, duke favorizuar shfaqjen e mundësive dhe mundësive të reja për ndryshim.

SHIGJETARI

E gjeni veten në një situatë pasigurie: asgjë nuk duket se ju kënaq vërtet, por në të njëjtën kohë nuk keni dëshirë të ndryshoni rrënjësisht. Kapitulli i punës: kjo periudhë është e favorshme për mbjelljen e farave të destinuara të japin fryte deri në fund të vitit. Yjet ju inkurajojnë të synoni lart. Hapeni veten ndaj së ardhmes.

BRICJAPI

Shumë angazhime, ju kap një rutinë e ngutshme që lë pak hapësirë ​​për ndjenja. Nesër dhe e premte do të jenë veçanërisht të tensionuara. Kapitulli i punës: ditë të karakterizuara nga nervozizmi dhe tensioni.

UJORI

Sipas horoskopit të Paolo Fox (e enjte, 12 qershor 2025), jeta juaj dashurore gjatë kësaj jave të mesit të qershorit duket e tensionuar dhe e karakterizuar nga një pakënaqësi e lehtë që ju ka shoqëruar që kur Venusi filloi një tranzit të rëndë, domethënë që nga fundjava e kaluar. Puna: rreziku më i madh është të lejoni veten të mbingarkoheni nga ritme shumë të ngushta.

PESHQIT

Yjet më në fund janë në anën tuaj dhe shpërblejnë zgjedhjet e bëra me zemër. Kjo është një periudhë rilindjeje sentimentale. Është koha e duhur për të lënë pas historitë e pakënaqshme dhe për të parë përpara me besim. E enjtja dhe e premtja janë ditë perfekte për të dalë, për të vizituar mjedise të reja dhe për të bërë takime interesante. Puna: perspektiva të shkëlqyera edhe për biznesin.

Klevis Balliu, deputet i Partisë Demokratike, i ftuar në studion e “Off the Record”, u pyet nëse do të ishte dakord me një grevë urie brenda Parlamentit si pjesë e strategjisë së opozitës.

“Unë mendoj që ne duhet të provojmë gjithçka. Nuk duhet përjashtuar asgjë. Thjesht, duhet ta mendojmë mirë çdo akt që do të ndërmarrim dhe duhet të bëjmë plane afatgjatë për aksionin tonë politik. Mendoj që thelbësore në këtë kohë është informimi i ndërkombëtarëve për krimin elektoral të Edi Ramës dhe lidhjet që ka ai me krimin e organizuar”, tha Balliu.

Në vijim ai shtoi se “ka një dezinformim nëpërmjet disa kulisave të PS që vetëm gjezdisin nëpër botë për të dezinformuar aleatët e vendit tonë. Kjo qasje duhet kombinuar edhe me aksione të tjera”. Kur u pyet se çfarë do të ndodhë gjatë verës, Balliu tha se “ne kemi bërë protesta gjatë verës, por nuk është misioni i opozitës vetëm të bëjë protesta”.

“Opozita nuk do bëjë dot asgjë nëse shoqëria nuk mbështet një plan për të sjellë zgjedhjet e lira dhe të ndershme. Të bëjë çfarë të dojë opozita. Demokracitë lindin nga revolta qytetare në çdo vend”, sqaroi Balliu

Vera tashmë ka filluar, por pushuesit që planifikojnë të shkojnë në Greqi mund t’i shohin udhëtimet e tyre në rrezik – për shkak të shumë tërmeteve që po ndodhin.

Nga fundi i janarit deri në mesin e prillit, Santorini ishte në gjendje emergjence kur qindra tërmete vazhduan ta godisnin ishullin pa asnjë shpjegim, duke shkaktuar frikë nga aktiviteti vullkanik.

Vetëm disa javë më parë, një tjetër ishull grek, Kreta, u godit nga një tërmet me magnitudë 6.1 më 22 maj, duke i hutuar shkencëtarët se pse dridhjet vazhdojnë të ndodhin në atë pjesë të botës – dhe nëse njerëzit duhet të shqetësohen.

Ndërsa nuk janë raportuar të lënduar apo dëme të mëdha, tërmeti, i cili goditi në orën 6:19 të mëngjesit sipas kohës lokale, bëri që vendasit dhe turistët të urdhëroheshin të largoheshin nga bregu pasi shkaktoi frikë se mund të kishte një cunami pas tij.

Postimet në mediat sociale dokumentuan se sa e frikshme ishte dridhja në zonë.

Kohët e fundit, më 3 qershor, një tërmet me magnitudë 5.8 ballë goditi 29 km në veri të Rodosit, Greqi, duke tronditur si Turqinë ashtu edhe ishujt.

Agjencia turistike TUI i paralajmëroi turistët në rajon të “qëndrojnë të qetë dhe të ndjekin çdo udhëzim sigurie të dhënë nga zyrtarët lokalë”.

Ndërsa ekspertët kanë mbetur të habitur nga fluksi i papritur i tërmeteve në Mesdhe, mund të ketë disa arsye logjike në lojë.

Së pari, Greqia njihet për tërmetet dhe ka afërsisht 25,000 të tillë çdo vit – disa prej të cilëve as nuk ndihen në tokë.

Vendndodhja e saj do të thotë se ndodhet në skajin e pllakave tektonike afrikane dhe euroaziatike, e njohur edhe si zona helene e subduksionit. Pllaka afrikane lëviz vazhdimisht në veri poshtë pllakës euroaziatike, duke shkaktuar dridhje.

Për më tepër, kriza klimatike vetëm sa po e intensifikon këtë, me stuhi më të forta dhe ndryshime të vogla të presionit që shkaktojnë rrëshqitje sizmike.

Lajmi i mirë është se për momentin, udhëtarët nuk po paralajmërohen të mos shkojnë në atë pjesë të botës, kështu që ju mund të shijoni ende pushimet tuaja – por për fat të keq, këto fenomene padyshim që do të vazhdojnë të bëhen më të zakonshme.

Zyra e Jashtme, e Komonuelthit dhe Zhvillimit e Mbretërisë së Bashkuar aktualisht nuk ka ndonjë këshillë udhëtimi në lidhje me Kretën ose Greqinë në tërësi, që do të thotë se duhet të jetë e sigurt të udhëtosh në vend.

FCDO ka udhëzime në plan për Turqinë – por jo për tërmetet – por përkundrazi për luftimet e vazhdueshme në Siri. “FCDO këshillon kundër të gjitha udhëtimeve brenda një rrezeje prej 10 km nga kufiri me Sirinë për shkak të luftimeve dhe një rreziku të shtuar të terrorizmit”, thuhet në faqen e tyre të internetit.

Kryetari i PD, Sali Berisha denoncoi sërish sot gjatë një konference për shtyp nga selia blu atë që ai e quan farsë elektorale në zgjedhjet parlamentare të 11 majit. Berisha përsëriti se ai është në një mision dhe se do të paraqesë me fakte para shqiptarëve por edhe ndërkombëtarëve parregullsitë e zgjedhjeve.

I pyetur nga gazetarët gjatë konferencës nëse do të kandidonte për kryeministër edhe në vitin 2029, Berisha tha se qëllimi i tij është që “shqiptarët të votojnë të lirë dhe me votën e tyre të zgjedhin të lirë kryeministrin e ardhshëm”.

“E vërteta është që nuk po bëj gjë tjetër veçse që shqiptarët me votën e tyre të lirë të përcaktojnë kryeministrin e tyre të ardhshëm.

Ky është misioni im. Unë po përpiqem çdo ditë që shqiptarët të votojnë të lirë, të zgjedhin të votojnë jo nën presionin e këtyre horrave që s’kanë ligj, kod e moral…shërbëtorë të Edi Ramës, të atyre kasnecëve që hiqen shërbëtorë të gënjeshtrës janë që duan të mashtrojnë shqiptarët. Është mision ky. Unë flas me fakte, në dallim nga të tjerët. Edhe unë mund të bëj retorikë, por po paraqes fakte se si janë dhunuar të drejtat themelore të njeriut dhe e drejta e votës së shqiptarëve”.

Pjesë nga konferenca

Pyetje: Z.Berisha, pa anashkuar atë që ju e quani farsë, pa i hequr asnjë presje, a mendoni ju se frymëzoni shqiptarët për të qenë kryeministër i vendit? Pas tre dekadash në politikë…
Sali Berisha: Nëse ka një politikan në këtë tokë që ka dëshmuar qëndrime të pamposhtura në respekt të parimeve themelore të një sistemi demokratik, është Sali Berisha. PO i heq të gjitha menjanë, përmbysjen e diktaturës, ndërtimin e institucioneve demokratike, anëtarësimin e Shqipërisë në NATO, kalimin në ekonomi tregu, kalimi nga vendi me të ardhurat të ulëta në grupin e kombeve me të ardhura të mesme të larta, lëvizja e lirë dhe marrja e rekomandimit nga KE për statusin e kandidatit, marrëveshja e stabilizim asociimit, transofrimi i infrastrukturës rrugore, TAP-i, Devolli dy projektet e shekullit. Sali Berisha u ngrit pasi ishte larguar. Humbi zgjedhjet dha dorëheqjen pa asnjë imponim nga askush, por bëri një detyrë mendoj unë dhe mori një vendim të drejtë. Dha dorëheqjen edhe nga partia e çdo funksion në parti.

A nuk ishte ky një akt madhor në favor të demokracisë?

Më tutje, Edi Rama me George Soros, me armiqtë e egër të demokracisë shqiptare sanksionoi Sali Berishën. Pa asnjë fakt, pa asnjë dokument kërkuan që ta rëndonin atë politikisht. Si? Të kontrollonin PD-në. Sali Berisha u ngrit për të thënë jo, PD-në s’mund ta kontrollojë kush kurrë përveç anëtarëve të saj. Fatos Nano dha dorëheqje, por të dytën e kam bërë vetëm unë. Kjo është e vërteta. Mund të kesh 30 vite por varet nga kulmet që ke mbrapa. Këto janë maja frymëzimi. Çfarë tregojnë këto të dytat, mision dhe vetëm mision. Kjo që po bëj është një mision. Prandaj janë të shfazuar, nëse e sheh, një tërbim dhe verbëri deri në primitizëm, përpiqen të mbrojnë farsën njerëz të krimeve ordinere, të paguar nga shteti në borderotë e tij përpiqen të mashtrojnë shqiptarët. Sali Berisha po i kundërvihet kësaj propagande për mbrojtur të vërtetën. Nuk ka moshë kurrë mbrojtja e të vërtetës. Njeriu i qytetëruar duhet ta mbrojë të vërtetën deri në orën e fundit të jetës së tij. Ky duhet të jetë raporti i tij me të vërtetën pavarësisht nga çmimi që paguan.

Imagjino nëse nuk do të bëheshin këto konferenca të përditshme do të lexoje pozitë e llumit të intelektualëve duke hyjnizuar mandatin e 4-ët të Edi Ramës, të këtyre pseudo intelektualëve.

Pyetje: Do ju çojë misioni juaj për të vërtetat, kandidat për kryeministër edhe në vitin 2029?
Sali Berisha: E vërteta është që nuk po bëj gjë tjetër veçse që shqiptarët me votën e tyre të lirë të përcaktojnë kryeministrin e tyre të ardhshëm.

Pyetje: Do të jeni ju?
Sali Berisha: Ky është misioni im. Unë po përpiqem çdo ditë që shqiptarët të votojnë të lirë, të zgjedhin të votojnë jo nën presionin e këtyre horrave që s’kanë ligj, kod e moral…shërbëtorë të Edi Ramës, të atyre kasnecëve që hiqen shërbëtorë të gënjeshtrës janë që duan të mashtrojnë shqiptarët. Është mision ky. Unë flas me fakte, në dallim nga të tjerët. Edhe unë mund të bëj retorikë, por po paraqes fakte se si janë dhunuar të drejtat themelore të njeriut dhe e drejta e votës së shqiptarëve.

Thashethemi se sulmet kundër prokurorëve të SPAK nuk janë shkruar nga vetë Erion Veliaj u konfirmuan me daljen e përgjimeve nga qelia e burgut, ku Erion Veliaj i kërkonte të vëllait që të fliste me “redaktorin” e ti kërkonte urtësim, apo në fragmentin kur i kërkon “Arditit” që të bëjë të njëjtën gjë. Dukshëm nga ai fragment, të cilin Dosja.al po e risjell sot të plotë kuptohet qartësisht se aksesi i Veliajt në Facebook, ka qenë zero.

Fragmenti i përgjuar mes Veliajt dhe Arditit:

Në skenë del emri i shtetasi Ardit, që mendohet të jetë Ardit Gjerbrea. Nga konteksti i bisedës së zhvilluar, Arditi i kërkon Erionit që të japë mesazhe pa fyerje,pa ofendime,pasi në momentin që ka sharje apo shantazhe, quhet kërcënim. I tregon se kjo gjë mund të përdoret kundër tij, pasi do të shprehen se ai është brenda dhe kërcënon, imagjinoni po të dalë jashtë. Këtë gjë, Arditi tregon se ia kanë thënë edhe miq nga PD-ja, të cilët më përpara kanë shkruar kundër tij (Erionit). Arditi, në vijim të bisedës, i thotë se ?mikeshës? i ka thënë që t’i tregojë ?lalit? që të mendojë sikur është në Big Brother.

Erion Veliaj i përgjigjet, se duhet t’ia thotë edhe Redaktorit, duke i thënë se po perceptohet sikur Erionin doni ta dëmtoni. Arditi tregon se duhet të jetë i kujdesshëm, pasi po mendon t’i bëjë një mesazh Redaktorit, por sipas Arbrit të Madh (Arbjan Mazniku) duhet të ketë kujdes si shprehet se është i vetmi ku mund të mbështeten. Gjatë komunikimit, Arditi tregon se po i bën një mesazh,ndërsa Erioni i sugjeron që ta takojë. I tregon se nëse është i zënë për takim, t’i thotë që po shkruaj dy mendime se më duket sikur po e tepron një çik me gjuhën, duke qenë se Erioni i thotë se ato redaktohen nga Redaktori.

4-Në datën 26.02.2025 në orën 10:17, Erion Veliaj bisedon me Arbrin, ku i referohen fjalës së KM-së (Kryeministrit) për të cilën Erioni tregon se ishte? flakë fare?. Erion Veliaj e pyet nëse e kanë bërë transkriptimin e materialit, që t?ja çojnë Redaktorit që ta shohë dhe i kërkon që të takohet me të nga ora 12:00. I kërkon që materialin t’ia bëjë gati dhe t’ia japë Redaktorit,i cili sipas bisedës, ka patur takim me grupin.

Por me kalimin e javëve, disa ditë pasi Veliajt iu konfirmua arresti me burg, në qelinë e tij të burgut, shkoi një letër. Letra e botuar ekskluzivisht nga Dosja.al disa muaj më parë, tregonte sesi Veliaj firmosi shkarkimin e Anuela Ristanit dhe emërimin në vend të saj, të të besuarës së tij, Sara Goxhaj. Kjo bëri që Edi Rama të shkonte të dielën në darkë nga zyrat e Bashkisë Tiranë, nga ku nxorri jashtë me ceremoni Goxhajn dhe disa nga të besuarit e Veliajt. Incidenti u mbyll sërish nga Facebook-u i Veliajt që tha se bëhej fjalë për një keqkuptim për rakordimin e punëve.

Nga ky moment, një strategji e re u ndoq nga Veliaj dhe besnikët e tij. Prej disa muajsh ata po përdorin rrjetin social Tik Tok, i ndaluar me VKM për tu përdorur në Shqipëri, por që po përçon një fytyrë tjetër nga ajo që Erion Veliaj shfaq në Facebook apo Instagram.

Dosja.al raportoi disa ditë më parë se është një rebelizim nga një bunker i fundit politik për Veliajn, i cili ironizon tashmë burgosjen e tij, por tregon se është gjallë dhe ka ndikim në publik.

Shkrimit tonë iu përgjigj një portal i njohur për lidhjen me kryeministrin dhe qeverinë, që tregonte se kjo ishte ngjizja e një konflikti artificial që nuk ekziston dhe se në fakt, gazetarët e shqetësuar për Tik Tokun e Veliajt duhet më shumë të shqetësoheshin për standardet e SPAK.

Pra asnjë mohim. Në thelb, shkrimi i Dosja.al u konfirmua se ishte në informacionin e saktë, se me Veliajn diçka ka ndryshuar.

Dhe për ta konfirmuar edhe më tej, mjafton të shikojmë se të gjitha faqet e tjera të kryebashkiakut të arrestuar, nuk ndjekin linjën e tij të Tik Tokut. Nëse shkrimi ynë është i pabazuar, atëherë a nuk do të duhej që kanalet e kryebashkiakut të shpërndanin edhe revoltën e tij komike në Tik Tok? Gazetarë të lidhur me maxhorancën kanë tentuar ta përçmojnë këtë kanal si “mosrakordim teknik”, por asnjëherë nuk e mohojnë ekzistencën dhe përmbajtjen e tij. Kjo heshtje, në gjuhën politike, është konfirmim.

Një tërmet me magnitudë 6.4 ballë të shkallës Rihter goditi bregun lindor të Tajvanit të mërkurën, tha Administrata Qendrore Meteorologjike e ishullit.

Tërmeti kishte një thellësi fokale prej 30.9 kilometrash.

Nuk pati raportime të menjëhershme për dëme.

Një 28-vjeçare shqiptare është vrarë me armë zjarri në Gjermani më 5 qershor. Ngjarja e rëndë ka ndodhur në qytetin Wadern, në shtetin e Saarland-it.

Lajmi është raportuar nga mediumi gjerman Bild, i cili shkruan se trupi i pajetë i gruas është gjetur pranë një pylli, afër autostradës midis Hermeskeil dhe Nonnweiler.

Autoritetet gjermane dyshojnë se vrasjen e ka kryer një shtetas gjerman, 34 vjeç. Ai është arrestuar mbrëmjen e së njëjtës ditë nga Policia e Saarland-it në lagjen Wadrill të Wadern.

“Përmes hetimeve intensive, një burrë 34-vjeçar nga Saarland u identifikua si i dyshuar. Policia e Saarland e arrestoi atë mbrëmë në lagjen Wadrill të Wadern”, ka njoftuar Shtabi i Policisë së Trier.

Trupi i pajetë i viktimës është gjetur të enjten rreth orës 05:30 të mëngjesit. Deri tani nuk ka informacion zyrtar për natyrën e plagëve apo shkakun e saktë të vdekjes.

Sipas policisë, viktima dhe i dyshuari njiheshin me njëri-tjetrin. Në momentin e arrestimit, policia ka gjetur edhe armë zjarri te i dyshuari, i cili aktualisht ndodhet në paraburgim. Hetimet mbi motivin e mundshëm dhe rrethanat e plota të kësaj vrasjeje tragjike janë ende në zhvillim