Dardan Krivaça i akuzuar për vrasjen dhe dhunimin e 18-vjeçares Marigona Osmani është sjellë me pranga e jelek antiplumb në seancën fillestare të gjykimit të tij. Pranë tij ka numër të shtuar të policëve për shkaqe sigurie.
I akuzuar në këtë rast është edhe Arbër Sejdiu, miku i Krivaçës. Të dy bashkë akuzohen se verën e kaluar në banesën e Dardan Krivaçës rrahën dhe e dhunuan deri në vdekje Marigona Osmanin,
të cilën pastaj e lanë në spitalin rajonal të Ferizajt dhe u larguan. Gjithçka nisi pasi Krivaça, bashkëshorti i saj, dyshonte se ajo e tradhtonte, dyshime të ushqyera dhe nga Sejdiu.
Në fillim të këtij muaji u publikua edhe dosja e plotë e prokurorisë në rastin e Marigona Osmanit, ku përshkruheshin dëshmitë se si 18-vjeçarja ishte dhunuar e më pas kishte ndërruar jetë.
Nofullae poshtme e thyer, thyerje të brinjëve, thyerje të unazave të qafës, këputje e palcës së qafës, lëndime të syve, fytyrës dhe pothuajse në çdo pjesë të trupit, janë ato çfarë janë përshkruar në raportin e autopsisë.
Lëndimet e shumta apo siç thuhet në raport ‘poli trauma’, ka bërë që të vihet deri të vdekja e tanimë të ndjerës.