Month: November 2023

Loku një i ri shqiptar thotë se do të donte të punonte në një fermë kanabisi në Mbretërinë e Bashkuar pasi pa pasuritë që gëzojnë “djemtë londinez” të kryeqytetit të Shqipërisë, Tiranë. Burrat, të sapokthyer nga kultivimi i një sasie të madhe marijuane që u shitej britanikëve, janë gjithmonë duke shfaqur pasurinë e tyre dhe në lagjen modeste të Lokut kjo bie në sy. “Unë shoh shumë njerëz që kthehen nga Anglia duke fituar nga 200,000 deri në 500,000 £,” tha 25-vjeçari për Daily Express.

“Ata blejnë një shtëpi, fillojnë një biznes të ri dhe shfaqen në rrugë. Gjithmonë kanë vajzat më të bukura. Ti duhet të kuptosh që unë kur e shoh atë (send,) më sëmbon zemra. Dua të bëj të njëjtën gjë”, tha ai. “Unë njoh shumë njerëz këtu në Shqipëri që marrin paratë nga Londra duke punuar në atë lloj pune dhe fillojnë një biznes të ri këtu. Është diçka e zakonshme”, shton ai.

Loku shpjegoi se në një vend ku paga vjetore është vetëm 4,200 £ në vit, të shohësh një shok 20-vjeçar që drejton një Mercedes të ri pas vetëm disa muajsh në Mbretërinë e Bashkuar, e bën punën joshëse pavarësisht rrezikut apo paligjshmërisë. Korrupsioni endemik do të thotë se disa nga njerëzit më të arsimuar që Loku njeh fitojnë paga jashtëzakonisht të ulëta në Shqipëri.

“Mënyra se si punojnë shqiptarët në Londër është e ndryshme në krahasim me kombësitë e tjera. Ne nuk duam të punojmë sipas niveleve, duke pasur një proces që evoluon ngadalë, ne duam të ndryshojmë jetën tonë në mënyrë drastike në gjashtë muaj deri në një vit. Ky është mentaliteti ynë”, shtoi ai.

Një aspekt tjetër tërheqës për t’u bërë një “djalë londinez” për Lokun është se mundësitë janë lehtësisht të disponueshme.

“Kam pasur një shok në Angli që ka disa shtëpi për të prodhuar drogë dhe më tha që jam menaxher dhe të ftoj të vish të punosh për mua, do të kem gjithçka gati”, vazhdoi ai. “Fillova të mendoj për këtë sepse më duhen paratë”.

“Ai më shpjegoi se procesi do të zgjasë dy apo ndoshta tre muaj në total. Më duhet të punoj me bimët e kanabisit çdo ditë. Sapo të kultivohen do të paguhem dhe do të rifillojmë përsëri, duke lëvizur nga një vend në tjetrin. Unë marr 20% të vlerës së të korrave. Gjithçka varet nga mënyra se si ne punojmë. Nëse bëjmë një punë intensive, çdo ditë do të fitoj më shumë.” Loku shpjegoi se nuk do të lejohej të largohej nga prona ku ndodhet ferma e kanabisit derisa droga të mblidhej. Ai pretendoi se ata i kishin thënë që të dorëzohej menjëherë nëse shtëpia e drogës grabitej dhe të mos shqetësohej për grabitës të mundshëm sepse në MB ata “nuk përdornin armë”.

Duke qenë në kontakt të rregullt me miqtë që tashmë punojnë në fermat e kanabisit në WhatsApp, Loku ndihet i sigurt për sfidën. Ai ka parë video të asaj që duhet të bëjë dhe ka një premtim për ngritje në detyrë për të vepruar si një tregtar nëse ai funksionon mirë si punëtor i shtëpisë së drogës.

Fitimet për punëtorët e shtëpive të drogës varen nga sasia e kanabisit që mund të rritet me sukses në ndërtesën ku ata punojnë – e cila mund të jetë çdo lloj prone nga shtëpitë në stacionet e policisë të braktisura, spitalet ose çerdhet e fëmijëve.

Një bimë kanabisi e rritur plotësisht ka një vlerë në rrugë prej rreth 1500 £, kështu që të korrat nga banesat më të vogla mund të fitojnë shuma në dhjetëra mijëra , ndërsa njësitë e mëdha industriale mund të sjellin të ardhura në miliona. Duke qenë se kultivimi zgjat rreth tre muaj, punëtorët mund të punojnë në rreth katër korrje në vit dhe, nëse u ofrohet norma që pretendon Loku, nëse punojnë në ferma me më shumë se 100 bimë, mund të presin të fitojnë rreth 120,000 £ në vit.

Në fillim të këtij viti, Loku bëri përpjekjen e tij të parë për të udhëtuar ilegalisht në Britani për një punë në fermë kanabisi. Pasi gjeti një kontrabandist njerëzish në TikTok , ai udhëtoi për në Dunkirk dhe u përgatit të kalonte Kanalin me një varkë të vogël.

I riu kaloi ditë të tëra duke fjetur në një tendë të ngrirë në një kamp të mbushur me burra shqiptarë, shumica e të cilëve kishin ëndrrën për të punuar në një fermë droge, derisa banda kurde që organizon udhëtimet e pabesë me gomone tha se ishte koha për të shkuar.

Ai tha: “Të gjithë na thanë se ishin 99% të sigurt që varka ishte gati. Hymë në ujë për rreth 10 deri në 15 metra, por në momentin e fundit pamë policinë dhe na u desh të ktheheshim dhe thjesht të arratiseshim.”

Pas 10 ditësh përpjekje për t’iu shmangur policisë për të bërë kalimin, Loku u kthye në Shqipëri pasi kishin mbetur pa ushqim dhe para. Ai tani e përshkruan udhëtimin si një “ëndërr e keqe”, por nuk ia ka pakësuar dëshirën për të provuar sërish dhe do të bëjë një përpjekje tjetër kur të ketë fondet.

“Babai im thotë se nuk ke nevojë të shkosh të punosh me drogë, mund të rrish këtu dhe të jetosh në mënyrë të denjë. Por këtu pagat janë vetëm 300 deri në 350 paund në muaj”, shtoi Loku. “Qëllimi im është të punoj për disa vite dhe të kthehem këtu, të blej një shtëpi dhe të nis një biznes të ri. Shumë miq bënë të njëjtën gjë në Londër dhe unë dua t’i kopjoj.

“Është një ëndërr sepse ju mund të ndryshoni jetën për ju dhe familjen tuaj. Ju mund të dilni nga varfëria në këtë vend.”

Duke iu përgjigjur përshkrimit të Lokut për lidhjen midis kalimeve me varka të vogla dhe tregtisë së drogës, Alp Mehmet, kryetari i Migration Watch UK, tha se ishte koha për veprim.

“Bandat shqiptare të drogës kanë dominuar skenën e krimit në Mbretërinë e Bashkuar për disa vite,” tha ai. “Rrjedha e vazhdueshme e të rinjve që mashtrohen dhe detyrohen të vijnë këtu për të fituar shumë para dhe [të kenë] një jetë të lehtë. Ata mund të ndalen lehtësisht nga autoritetet franceze.

Bujar Germizi, një personazh i njohur i botës së krimit në Kukës dhe jo vetëm, është arrestuar në kuadër të operacionit të SPAK për të goditur një grup të strukturuar kriminal të drejtuar nga Ervin Mata.

Gazetari Ferdinand Dervishi ka zbuluar detaje për të shkruarën kriminale të Germizit, duke rikthyer një ngjarje të rëndë të ndodhur në Kukës më 1999, ku ai ishte i përfshirë në një grabitje me armë.

“Më ka tërhequr vëmendjen një personazh i quajtur Bujar Germizi i arrestuar. Ky njeri në 1999 është autor i një historie shumë të rëndë kriminale.

Duke qenë vetë drejtor i rojeve të bankës dhe përgjegjës për zhvendosjen e një shumë të hollash nga Kukësi në drejtim të Hasit organizon grabitjen e këtyre vë kapuçat në kokë bashkë me dy të tjerë i marrin lekët godasin punonjësit e policisë, por ndërkohë vjen edhe furgoni i policisë që duhej të ishte shumë pranë, por nuk ishte çuditërisht atë ditë pranë.

Mendohet se edhe policët ishin pjesë e marrëveshjes, por një nga policët siç duket nuk kishte marrëveshje në këtë histori dhe i qëllon vret dy nga njerëzit që po grabisnin bankën dhe plagos Bujar Germizin. Bujar Germizi i plagosur arrin të marrë 80 mln lekë të vjetra del në Kosovë ku arrestohet dhe shumë më vonë ekstradohet. Aty u vra edhe kunati i tij, e ka lënë kunatin e tij të vrarë dhe mori lekët i vlerësoi më shumë se kunatin dhe ka ikur. Ky është Bujari një element që nuk e ka për herë të parë dhe nuk është çudi që është përfshirë në këtë histori. Është dënuar shumë pak për shkak të sistemit të drejtësisë që kemi pasur deri tani”, tha Dervishi për Report Tv.

SPAK bëri një tjetër goditje mbrëmë në Tiranë duke shpallur në kërkim Ervin Matën, ndërsa u arrestuan Erzen Breçani, djali i tij si edhe shumë policë pas zbërthimit të mesazheve në aplikacionin SKY EÇ.

Mes të arrestuarve është edhe shefi i Krimeve në Komisariatin numër 6, Dedan Gjoni.

Mata është një emër i njohur për policinë, për shkak të ngjarjes së 4 tetorit në zonën e ish-Bllokut, ku u vra Fabian Gaxha dhe u plagosën Ervis Martinaj dhe Elio Hato, por edhe për shkak të lidhjes me Elvana Gjatën.

Për këtë ngjarje, Mata u shpall në kërkim nga policia në atë kohë. Mata u vetëdorëzua në Policinë e Tiranës në 2 Mars 2019 pas disa muajsh në kërkim.

Atëherë gjatë marrjes në pyetje tha se nuk kishte qëlluar dhe as nuk kishte parë se kush qëlloi në drejtim të viktimës.

Gjykata caktoi ndaj tij masën e sigurisë detyrim për t’u paraqitur dy herë në muaj në Prokurori ndërsa prokuroria kërkoi arrest me burg mbi Matën.

Në Qershor të vitit 2021, ai u dënua me 6 muaj burg që për shkak të gjykimit të shkurtuar iu ul 1/3 e dënimit dhe Mata u dënua me 4 muaj burg që u konvertua në 100 ditë pune në interes publik.

Në atë kohë u tha se përplasja mes tyre nisi për çështje rozë, por gjithmonë ka pasur dyshime se janë përplasur për një shumë të madhe parash të paligjshme.

Në 30 Maj të 2020 atij iu vendos një sasi eksplozivi hoteli në afërsi të QSUT në pronësi të Ervin Matës. Po ashtu Mata është lakuar si i përfshirë në çështjet e trafikimit ndërkombëtar të drogës.

Ndërkohë, Klan News ka publikuar sëfundmi një video të Matës nga Arratia, ku ai pi verë dhe lëshon një puthe në drejtim të kameras, e cila në këtë situatë duket se shkon edhe për policinë. /albeu.com

Video Player

Shqipëria u kualifikua në Euro 2024 pas zhvillimit një fushate eliminatore mjaft të mirë, ku grumbulloi 15 pikë. Mbrëmë ishte natë feste në “Air Albania”, pavarësisht rezultati zhgënjyes 0-0 ndaj modestëve nga Ishujt Faroe.

Në Serbi, përveç lajmit të thatë disa ditë më parë për kualifikimin e Shqipërisë, në edicionin e sotëm kanë vendosur të merren me diçka që ata e konsiderojnë skandal.

Bëhet fjalë për një banderolë mbrëmë, ku shkruhej: “Zoti është shqiptar”.

“Një mesazh i turpshëm bëri xhiron e planetit” – lexohej në titullin e Kurir.

“Tifozët shqiptarë brenda një kohe të shkurtër krijuan një sërë skandalesh dhe para se të digjnin flamurin e Serbisë, kanë vendosur edhe një pankartë që sulmonte fenë, kishën dhe Zotin” – Shkruan mediumi i njohur serb.

https://twitter.com/kos_data?ref_src=twsrc%5Etfw%7Ctwcamp%5Etweetembed%7Ctwterm%5E1726725007336783921%7Ctwgr%5E2540e6c0561bdc8b63cea48a546d6ba75dab8d39%7Ctwcon%5Es1_&ref_url=https%3A%2F%2Fwww.balkanweb.com%2Fshqiperia-ne-euro-2024-ne-serbi-kapen-me-banderolen-ne-air-albania-mesazh-i-turpshem%2F

Në një konferencë për mediat, Sali Berisha tha edhe një herë se masa e dhënë ndaj Ilir Beqajt është një amnisti e dytë ndaj ti, e urdhëruar nga Edi Rama.

“Nëse ka një njeri në Shqipëri që ka deklaruar se ‘SKAP’ është organizatë kriminale, është Berisha. Berisha është i pari që nga SPAK e ka quajtur ‘SKAP’. E kam bërë për të mbrojt interesin e qytetarëve sepse aty po mblidheshin njerëz të lidhur me krimin, ryshfetxhinj të tmerrshëm. Jam ish-president, ish-kryeministër, nuk do i lejoja vetes kurrë të etiketoja njerëz që zbatojnë ligjin, ndryshe veçse heronj të vërtetë. Por këta janë njerëz që asnjë bashkuar si banda më e rrezikshme, në një institucion pas hetuesive të sigurimit të shtetit. Të mendosh se kjo ka lidhje me këtë para tre javësh, është kjo e ndershme se s’ka lidhje. Unë do mbetem së i interesit publik.

Cilido që analizon Beqajn, e vërteta ishte ajo që ndodhi të shtunën, ishte amnistia reale e dytë e tij nga Edi Rama. Sepse pas 4 muajsh formulohej një aktakuzë e cila për çdo njeri që ka nocionin më elementar të ligjit, është e barabartë me 0. Për çfarë akuzohet? Akuzohet se nuk ka diktuar konfliktin e interesit mes Rrjepajt dhe Rrapajt. Në ligj Beqaj nuk ka asnjë detyrim të diktojë këtë. Si e ka zgjidh ligji këtë? E ka të zgjidhur me detyrimin e personit, vetëdeklarim. Pra Rrapaj ishte i detyruar të deklaronte vetë. Beqaj është përgjegjës direkt për aferën e sterilizimit, sepse nga publik e kaloi në koncesion privat”, tha Berisha.

Më tej Berisha tha po ashtu se SPAK komandohet nga Edi Rama dhe se tha se prokurorët po përdoren si hanxhar të kryeministrit se dhe do të kenë fatin e këtij të fundit.

Gazetari Osman Stafa iu drejtua me pyetjen, nëse sipas kësaj logjike, edhe dhëndri i tij Jamarbër Malltezi, u lirua sot nga Edi Rama?

“Dhëndri im ishte i burgosur politik. Nuk është e vërtetë që ka dhënë apo nuk ka dhënë urdhër. Ajo do shkonte menjëherë në Strasburg. Ai u la arrest shtëpie. Ai nuk ka asnjë, zero… ata vetë nuk e kanë fajësuar. Pas tre vitesh hetimi nuk kanë arritur të gjejnë një fakt për të ngritur padi ndaj tij, por e kanë marrë nën hetim. Ajo çështje do zgjidhet në Strasburg”, tha Berisha.

Një ngjarje e rëndë ka ndodhur në SHBA, ku një adoleshente ka vrarë brutalisht vjehrrën e saj 53-vjeçare. 17-vjeçarja Caitlin Koons vrau nënën e të dashurit, Nicole Jones, në Ohio të SHBA-së me një gur.

Sipas New York Post, në gjyq u zbuluan detaje nga vrasja që ndodhi në prillin e kaluar. Caitlin i tha Jonathanit se duhej të bënin diçka për nënën e tij sepse ajo po i pengonte të ishin bashkë dhe i dha atij pesë orë për të bërë diçka. Kur kaluan pesë orët, 17-vjeçarja doli nga shtëpia, mori një gur dhe e goditi disa herë në kokë 53-vjeçaren teksa ishte para frigoriferit dhe më pas e mbyti.

Mediat lokale në Ohaio raportuan se në momentin e vrasjes, 33-vjeçari ishte në divanin e shtëpisë dhe më pas e ndihmoi 17-vjeçaren të mbulonte gjurmët.

17-vjeçarja dhe 33-vjeçari shkuan të dy në dyqane dhe blenë thasë plehrash, litarë për të mbështjellë trupin dhe pastrues për të fshirë gjurmët e gjakut nga kuzhina. Hapi i radhës i çiftit ishte të shkonin në një zonë banimi aty pranë dhe ta hidhnin trupin e 53-vjeçares në një kosh, duke menduar se trupi nuk do të gjendej kurrë.

Pasi përfunduan përpjekjen e tyre për të mbuluar gjurmët e tyre, 33-vjeçari dhe 17-vjeçarja u larguan në Meksikë, ku u gjurmuan nga autoritetet amerikane. Pasi u kap nga policia adoleshentja ka pranuar vrasjen, ndërkohë që detajet janë konfirmuar edhe nga të dhënat e GPS në telefonin dhe orën e 33-vjeçarit. 17-vjeçarja përballet me akuzën e vrasjes me paramendim, manipulimit të provave dhe përdhosjes së një kufome./albeu.com

Prokuroria e Posaçme kundër Korrupsionit dhe Krimit të Organizuar ka dalë me një njoftim zyrtar gjatë paradites së sotme lidhur me operacionin e zhvilluar një ditë më parë , ku u lëshuan 11 urdhërarreste, nga të cilat janë ekzekutuar vetëm katër.

Mes katër të arrestuarve janë Dedan Gjoni, shef i krimeve në komisariatin e Policisë numër 6 dhe Erzen Breçani, ish-nëndrejtor i Policisë së Tiranës. Ky i fundit u vu në pranga në afërsi të stadiumit “Air Albania”, teksa po bëhej gati për t’u futur në stadium për të parë ndeshjen mes Shqipërisë dhe Ishujve Faroe.

Ndër të tjera në njoftimin e SPAK, thuhet se po ashtu është ushtruar kontroll edhe në banesat e tyre, ku janë gjetur dhe sekuestruar në cilësinë e provës materiale shuma monetare, automjete, telefona, armë zjarri të ndryshme.

“Më datën 20.11.2023 Drejtoria e Përgjithshme e Policisë së Shtetit dhe Byroja Kombëtare e Hetimit, nën drejtimin e Prokurorisë së Posaçme, kanë ekzekutuar urdhrat për ekzekutimin e vendimit penal nr.124, datë 17.11.2023, për 4 shtetas, konkretisht për shtetasit E.B., B.M., D.Gj. dhe B.A.

Gjatë ekzekutimit të vendimeve të gjykatës është ushtruar kontroll në banesa dhe ambiente të tjera, ku janë gjetur dhe sekuestruar në cilësinë e provës materiale shuma monetare, automjete, telefona, armë zjarri të ndryshme”, njofton SPAK.

Vendin e parë e mbajnë grekët, 68% e të cilëve kanë deklaruar se ndihen subjektivisht të varfër.

Më shumë se gjysma e shqiptarëve, 55.3% e konsideronin veten subjektivisht të varfër, sipas një studimi të Eurostat për vitin 2022.

Sipas gjinisë, 54.7% e meshkujve shqiptarë e konsiderojnë veten të varfër, përkundrejt 55.6% të femrave. Sipas grup moshave, të moshuarit janë ata që e ndjejnë veten më shumë të varfër në vend. Sipas të dhënave të Eurostat, 58.4% e të moshuarve mbi 65 vjeç e konsideronin veten subjektivisht të varfër. E lartë është dhe përqindja e fëmijëve deri në 18% vjeç që e mendojnë njëlloj, me 58.1%, nga 43% që është në Serbi. Kjo përqindje ulet në 54.5% për grupmoshën 18-64 vjeç.

Vendin e parë e mbajnë grekët, 68% e të cilëve kanë deklaruar se ndihen subjektivisht të varfër.

Treguesit subjektiv të varfërisë bazohen në rezultatet nga statistikat e Bashkimit Europian mbi të ardhurat dhe kushtet e jetesës, një mbledhje e të dhënave që kryhet në të gjithë Shtetet Anëtare të BE-së, si dhe në shumicën e vendeve kandidatëve. Treguesit përdorin, si bazë, informacionin mbi aftësinë për të përballuar jetesën.

Nga vendet e rajonit më pak të varfër ndihen serbët me 44%, Maqedonia e Veriut me 47.2%, Kosova 47.3 dhe Mali i Zi me 50.1%.

Eurostat thotë se sa më i ulët niveli arsimor, aq më e lartë është varfëria e perceptuar, teksa 66.8% e personave me arsim të ulët e konsiderojnë veten të varfër, nivele të ngjashme këto me vendet e rajonit. Për ata që kanë arsim të mesëm, shifra është 50.9%.

Për personat me arsim të lartë, treguesi përmirësohet dukshëm, një dukuri që konstatohet për të gjitha shtetet, me 28.3% të tyre që e konsideronin veten subjektivisht të varfër. Më mirë në rajon janë të arsimuarit e Serbisë, me 22.2%. Gjithsesi, në krahasim me mesataren europiane prej 9.2%, të arsimuarit shqiptarë ndihen tre herë më të varfër. Të arsimuarit shqiptarë, 28.4% ndihen pothuajse njësoj të varfër me shtetasit e Bashkimit Europian me arsim fillor 29.5%./ TopChannel

Publikohen pamjet nga momenti i përplasjes mes dy familjeve në Pukë, ku si pasojë mbetën të plagosur 3 persona, Florin Zefi, Bardhe Zefi dhe Kol Marku. Siç shihet nga pamjet, anëtarët e dy familjeve përplasen me njëri tjetrin, ndërsa në duar mbajnë kosore dhe sëpatë.

Ngjarja ndodhi një ditë më parë në fshatin Gjegjan, ku dyshohet se familjet Marku e Zefi u konfliktuan për çështje pronësie. ‘Balkanweb’ raporton se mëngjesin e sotëm ka pasur sërish incidente, teksa mësohet se i është thyer xhami i makinës që drejtonte Hil Zefi.

Ky i fundit ka bërë denoncim në polici duke thënë se e kanë gjuajtur me gurë pjesëtarë të familjes Marku.

Familja Zefi ka reaguar duke thënë për Balkanweb se nëse shteti nuk ndërhyn, konflikti do te përshkallëzohet, pasi ata ndjehen të kërcënuar.

Video Player

Ibrahim Berisha ka vuajtur një dënimin prej 13 vitesh. Gjatë kohës që qëndrimit në burg, ai ka mbaruar dhe një shkollë profesionale dhe ka kryer kurse të ndryshme. Madje, Ibrahimi ka lexuar mbi 2500 libra. Më pas, ka krijuar një alfabet personal me shkronja sekrete të frymëzuara nga hieroglifet.

Për emisionin “Abc e Mëngjesit”, Ibrahimi ka rrëfyer të gjithë jetën e tij nga dënimi në mënyrë të padrejtë, te vuajtjet e kaluara në burg, sakrificat për të zbardhur të vërtetën deri te leximi i librave dhe krijimi i alfabetit.

“Unë Ibrahim Berisha jam akuzuar së bashku me një grup për një vrasje në datën 5 gusht 2009 për një ngjarje që nuk e kemi bërë.

Gjatë qëndrimit për 13 vite në burg kur dënohesh për diçka të padrejtë kalon vuajtje, por unë nuk jam dorëzuar kurrë me vetëbesimin tim se e vërteta do të zbardhet. Gjatë kësaj kohe për mua prioritet ka qene lufta për drejtësi. Unë kam shkuar në instancat më të larta për të kërkuar drejtësi. Kam dërguar me qindra shkresa. Krahas kësaj kam vazhduar shkollën profesionale ‘Makineri’ profili ‘Vegëltar’. Kam kryer dhe një kurs për ‘Menaxhimin e zemërimit’. Tashmë unë nuk kam shpërthime, e menaxhoj zemërimin.

Madje, kam lexuar mbi 2500 libra në burg, përveç atyre që kishim, më kanë sjellë libra dhe nga familja me porosi. I sugjeroj të gjithë të lexojnë se të ndihmon të largosh mërzinë, të mbash mendjen e freskët.

Unë madje kam shkruar dhe një ditar me alfabet sekret. E kam shpikur vetë dhe jam inspiruar nga hieroglifet.

Në burg kam punuar 11 vite dhe kam shërbyer në kuzhinën qendrore të burgut. Më vonë, u bëra shef kuzhine. Në fakt, leximin dhe aktivitet sportive i kam pasur gjithmonë pasion dhe i vazhdoj dhe tani”, rrëfeu Berisha.