Month: November 2023

Pjesë e rubrikës “Ka një mesazh për ty” tek E Diela Shqiptare është bërë një vajzë nga Delvina e quajtur Silda. Ajo ka rrëfyer për jetën e saj, pasionin, dëshirat dhe për çfarë ka studiuar.

Gjatë rrëfimit, Silda ka treguar se ka një vëlla i cili ka qenë shumë xheloz më përpara për bashkëshortin e saj Sandrin, duke kujtuar një rast kur nuk e gjen tek shtëpia dhe shkon tek lokali ku ajo dhe Sandri po pinin kafe për t’u njohur më shumë dhe ai i xhiron gomat e makinës. 

Silda: Unë kam ardhur t’i bëj një surprizë vëllait tim sepse ai është pak xheloz për bashkëshortin tim, por edhe për diçka tjetër. Fillova studimet në Fakultetin Ekonomik të Tiranës.

Dita ditës po kuptoja që unë nuk isha e interesuar për bilancet, për sistemet bankare, nuk isha e interesuar për asnjë lloj gjëje që kishte të bënte me ekonomikun. Unë gjithmonë gjurmoja një çelës për të bërë një poezi.

Kur mbarova universitetin mendoja si të gjej një mënyrë për ta vazhduar part time letërsinë që aq shumë e doja, por nuk e gjeta mënyrë.

Më pas në jetën time vjen bashkëshorti, Sandri me një profil shumë të rregullt, të heshtur, një çun që nuk kërkonte vëmendje, që nuk reklamohej. E tërhoqi vëmendjen time ai djalë dhe nisëm një shoqëri shumë të pastër.

Kur do pija kafen e parë me Sandrin, në Durrës vjen Adi, vëllai im. Shkoi tek shtëpia dhe e gjeti derën mbyllur, i binte telefonit unë nuk përgjigjesha.

Më pas i bie derës aq fort dhe e regjistron me audio dhe ma çon në Whats App që do të thotë hajde shpejt se po më ik truri. Ia hapa telefonin dhe i thashë të vërtetën që jam me një shok në kafe. Për 2 sekonda ka ardhur, ka xhiruar rrotat e makinës dhe Sandrit nuk i foli.

Ardit Gjebrea: U miqësuan më pas? Silda: Në fillim Adi ishte pak skeptik, shfaqi disa nota xhelozie, por më pas u miqësuan.

Aadoleshente nga Shtetet e Bashkuara është suspenduar nga shkolla në Karolinën Veriore, për shkak të një bluze që e kishte veshur.

Kjo vajzë kishte veshur një bluzë me krah të hapur që ia kishte theksuar gjoksin, por ky nuk është arsyetimi i suspendimit të saj,

Arsyeja e vërtetë është që bluza “mund të zhvishet me një lëvizje”, më saktë mund të zhvishet me kapjen e saj “për krahu”.

Drejtorit të shkollës kjo nuk i kishte pëlqyer, dhe e kishte detyruar që ta ndërrojë bluzën.

Ai i kishte thënë se kishte veshur diçka të papërshtatshme dhe se duhet ta ndërrojë me një tjetër.

Edhe pse kishte veshur pallton e një shoqe, kjo nuk i kishte ndihmuar.

Zyrtarët e shkollës i kishin thënë se duhet ta thërras nënën, por pasi që nuk kishte mundur të flasë me të në telefon, ajo është suspenduar nga shkolla.

Çfarë mendoni ju, a mundet kjo bluzë të zhvishet nga trupi me vetëm një lëvizje?

Analisti i njohur kosovar, Milaim Zeka ka paralajmëruar telashe për ish-presidentin Ilir Meta dhe shumë oligarkë të fuqishëm të medias në Shqipëri të lidhur me pushtetin. Teksa ishte i ftuar në një studio televizive, zoti Zeka është shprehur se mjafton vetëm videoja e Dritan Priftit dhe deklarata e gruas së Kastriot Ismailit që kreu i Partisë së Lirisë, Ilir Meta, të gjykohet e burgoset sa i takon aferës “CEZ-DIA”. Gjatë një interviste televizive, zoti Zeka theksoi se në Shqipëri dihet shumë mirë se kush janë ata politikanë që kanë vjedhur paratë e shqiptarëve. Ai foli gjithashtu edhe për marrëveshjen e emigrantëve të kryeministrit Edi Rama me homologen e tij, Giorgia Meloni, të cilën e cilësoi si diçka mjaft patriotike.

-Zoti Zeka, disa ditë më parë teksa u morë masa për Berishën, ke thënë radha është e Ilir Metës dhe ai u thirr në SPAK pak ditë më parë. A është një moment ky që SPAK po merret me të gjithë dhe nuk po njeh më kah politik?

Para shumë muajve kam thënë që SPAK pas qeverisë do i kthehet opozitës. Kot bën Meta gam gam, ai punën më të mirë do të bënte të mbyllte gojën. Mjafton videoja e atij deputetit të ndjerë, mjafton deklarata e gruas së atij Ismailit që ndodhet në Austri, për ta burgosur Ilir Metën dhe për ta dënuar atë. Ne jetojmë në një botë të vogël që quhet Shqipëri, këtu dihet kush ka dashnore dhe jo kush ka vjedhur miliona. Këtë e ka ditur edhe policia edhe prokuroria, por bosët e krimit i ke pasur në strukturat më të larta të shtetit dhe Prokurori. Tani ndërkombëtarët kanë krijuar një mekanizëm të quajtur SPAK. SPAK po funksionin dhe atij i frikësohen ata që janë të zhytur në korrupsion dhe do ti lëshohet edhe te bosët e mediave e biznesmenë të ndryshëm, nuk do mjaftohen vetëm me Berishën dhe Metën. Bosët e krimit janë njerëzit në strukturat e larta politike në Shqipëri dhe në Kosovë. Prokurorët më thanë që kanë një urdhër nga BE dhe SHBA që duhet të injorojmë zërat e mbytur para drejtësisë, sepse janë bërë tabela qitëse, ke prokurore femra që janë në SPAK që u është prekur edhe privatësia. Po ata janë duke e kryer punën dhe urojë ta kryejnë më mirë

-A është një drejtësi me regji kjo, pra a ka një radhë?

Sigurisht që është me regji të perëndimit. Dy rrugë i kemi pas ose me ik të gjithë, ose ai që ka ardhur në Tiranë dhe është bërë bos është bërë më i fuqishëm se prokurori dhe gjykatësi dhe nuk ke rrugë tjerë. Kush po ikën nga Shqipëria truri i kombit, sepse nuk ka pas drejtësi dhe ku me shkuar me gjet drejtësi. Është arrestuar një zyrtar i lartë i shtetit të Kosovës për armëmbajtje pa leje dhe e kanë dënuar me 7 vite dhe e kanë dënuar për trafikim armësh. Prandaj duhet të ketë SPAK.

-Si e ke kuptuar çështjen e emigranteve dhe marrëveshjen e Ramës me Melonin?

Është marrëveshje humane dhe më erdhi mirë që Kadare foli mirë për këtë marrëveshje. Ne shqiptarët i kemi shkuar italianëve, grekëve e shumë tjerëve. Dëgjon Berishën që thotë Italia thotë Italia do na sjell meshkujt përdhunues. Edhe Nelson Mandela ka qenë afrikan. Ka burra të ndritur nga Afrika. Është bërë një marrëveshje që t’u jepet një mundësi këtyre njerëzve të shkretë, që kanë lënë atdheun e tyre për 1001 halle. Puro primitivizëm. As jemi racë me e mirë as me e keqe se ata. Ne jemi racë e padefinuar. Rama dhe qeveria shqiptare kanë bërë aktin më njerëzor, më patriotik që ata njerëz të vijnë të strehohen. Dashtë Zoti edhe qeveria e Albin Kurtit bën një marrëveshje të tillë dhe pranon një marrëveshje të tillë, shqiptarët po ikin çdo ditë.

-Keni një koment mbi takimi Kurti-Macron?

Duke pas parasysh që Kurtin e njoh dhe duke qenë i bindur se ai është një super mashtrues dhe njeri i betonuar me teori të majta ekstreme do ta tradhtoj edhe presidentin e Francës edhe SHBA edhe Anglinë. Ai vepron jo si kryeministër, por si kryetar i VV. Ai është në dakordim me Vuçiç dhe do thotë unë se pranojë asosacionin se do thotë ja si sillet Vuçiç. Ata njerëz që e duan shtetin e Kosovës duhet ta dinë që asnjë vlerë nuk ka pajtimi i Vuçiçit, për ne duhet që të kryejmë detyrat tonë. Nuk ka rëndësi na pranon apo jo Vuçiç, na pranon apo jo Serbia. Detyra jonë për të mirën e Kosovës është nënshkrimi i Asosacionit, pra zbatimi sepse ai është i nënshkruar. Shikoni deklaratat e ambasadores të SHBA Jacobson dhe thuhet se Asocasioni është në përputhje me Republikën e Kosovës. Albin Kurti bënë lojëra prej vitit 2013 deri në 2023 ai fëmijëve të Kosovës ia ka çuar 10 vite zero, nuk kemi kohë me prit, Serbia ka kohë me prit. Në Serbi Erdogan ka investuar miliarda lekë në investime, po ca ka bërë Turqia në Kosovë. Janë hap xhamia, po pse të mos hapen shkolla këtu. Nuk është investuar në hapje të fabrikave, ne nuk prodhojmë asgjë.

Një vit më parë përjetoi makthe në Torino, ku nuk u aktivizua thuajse fare, por këtë sezon historia është ndryshe, Etrit Berisha po përjeton një moment fantastik mes shtyllave të Empolit, ku së fundmi i dhuroi një trepikësh të artë në transfertën napolitane.

Gardiani kuqezi u kthye në një mur të pakalueshëm, ndali 7 gjuajte në kuadrat duke mbajtur Empolin në lojë deri në minutën e 92-të, ku një goditje fantastike e Kovalenkos i dhuroi ekipit toskan tre pikët. Berisha ishte lojtari më notën më të lartë në këtë sfidë:

“Protagonist absolut, nëse Empoli mori tre pikët kjo është për meritë të tij. Deciziv në të dy pjesët, i mrekullueshëm në goditjen e Kvaratskhelia-s”, shkruajnë mediat italiane. Vetë Berisha nuk u ndal te nota e tij, por te fitorja e ekipit:

“Nota pas ndeshjes nuk ka rëndësi, e rëndësishme është të ndalosh gjuajtjet. Kishim nevojë për një paraqitje të tillë dhe ishte e rëndësishme ndaj një skuadre të madhe. Unë mundohem gjithmonë të tregohem i gatshëm dhe të ndihmoj sa më shumë të jetë e mundur skuadrën. Të gjithë portierët kanë ulje e ngritje, por besimi i trajnerit është i rëndësishëm. Kam kaluar një periudhë të vështirë, por i përket të kaluarës dhe tani dua vetëm të siguroj mbijetesën e Empolit”, u shpreh Berisha pas ndeshjes.

Kjo humbje e Napolit solli dhe shkarkimin e trajnerit Rudi Garcia. Për momentin, në krye të listës për të marrë drejtimin e ekipit është Igor Tudor, ish lojtari i famshëm i Juves, ish trajner i Marsejës.

(BalkanWeb)

Pavarësisht se të gjithë lojtarët janë të grumbulluar për dy sfidat e radhës dhe të fundit, të fazës kualifikuese të Kampionatit Evropian të futbollit, Euro 2024, kjo nuk do të thotë se të gjithë lojtarët janë në formën e tyrë më të mirë.

Një shqetësim, i cili në pamje të parë nuk duket serioz, por që kurrë nuk i dihet, ka kapluar “fantazistin” e mesfushës së Kombëtares, Kristjan Asllanin, me 21-vjeçarin,

i cili nuk u grumbullua në sfidën e së dielës, ndaj Frosinone nga tekniku Simone Inzaghi, pikërisht, për shkak të këtij “dëmtimi” të lehtë.

Bëhet fjalë për një shqetësim, që Asllani ka ndjerë në muskujt e kofshës së djathtë dhe tashmë pritet që nga tekniku Sylvinho dhe stafi mjekësor i Kombëtares,

të japin verdiktin final për talentin e mesfushës, vetëm pas përfundimit të stërvitjes së parë dhe kryerjes së ekzamimineve mjekësore. /i.m /abcnews.al 

Sot, më 13 Nëntor 2023, dollari amerikan blihet me 97.4 lekë dhe shitet me 98.5 lekë.

Euro blihet me 104 lekë dhe shitet 104.8 lekë.

Franga zvicerane këmbehet në blerje me 107.2 lekë, ndërsa në shitje me 108.5 lekë.

Paundi britanik blihet me 118.3 lekë dhe shitet me 120 lekë.

Dollari kanadez sot në blerje këmbehet me 70.5 lekë, ndërsa në shitje me 72 lekë.

Më poshtë, po sjellim të dhënat e këmbimit valutor, për të gjitha monedhat e huaja:

DASHI

Do i keni mendimet shumë të turbullta gjatë kësaj dite dhe do keni frikë të guxoni të hidhni hapa. Nëse keni një lidhje vërtet do ju mungojë pasioni dhe emocionet e forta, por kjo nuk do të thotë se marrëdhënia me partnerin do jetë problematike. Kujdes vetëm mos bëni kritika që mund ta lëndojnë thellë atë që keni në krah. Ju beqarët do ndiheni akoma më mirë pranë dikujt që keni pak kohë që e keni njohur dhe do filloni të mendoni për t’i çuar gjërat ma tej. Në punë do dini ta menaxhoni situatën në favorin tuaj dhe kjo gjë do ju kënaqë akoma më shumë. Edhe financat do jetë të mira.

DEMI

Sot do ju gjeni përgjigje të gjitha pyetjeve që keni në mendje dhe do ndiheni më të qetë pas mesdite. Ju të dashuruarit nuk duhet ta shihni më lidhjen tuaj si burg, por duhet të shihni anët pozitive. Duke u treguar mosbesues dhe të largët vetëm sa do e përkeqësoni marrëdhënien tuaj. Ju beqarët do keni një ditë shumë monotone dhe pa asgjë të veçantë. Në punë do bëni edhe më shumë përpjekje gjatë kësaj dite dhe më në fund do arrini t’i vini gjërat në vijë. Edhe marrëdhënia me kolegët do përmirësohet. Sipas Horoskopit vip, në planin financiar mos bëni asnjë hap pa u këshilluar me të afërmit.

BINJAKËT

Dita e sotme ka për të qenë më e bukur dhe do krijoni marrëdhënie harmonike me të gjithë. Nëse keni një lidhje do jeni ju që do e drejtoni partnerin gjatë kësaj dite dhe do krijoni një klimë përherë të ngrohtë. Mbrëmja do jetë akoma më e bukur dhe më romantike. Ju beqarët do merrni ftesa, por duke qenë se nuk do ju pëlqejnë disa gjeste të atyre personave do stepeni të hidhni hapa. Në punë do keni më shumë vullnet për të ecur përpara dhe mund të rrini edhe jashtë orarit vetëm për t’ia dalë. Financat duhet t’i mbani sa më të kufizuara sepse përndryshe do vuani gjatë.

GAFORRJA

Humori juaj do jetë i ndryshueshëm nga minuta në minutë sot. Edhe pse do mundoheni nuk do arrini dot te ndiqni një linjë. Nëse keni një lidhje mos u mundoni të tërhiqni pas hunde partnerin sepse gjërat mes jush do acarohen edhe më shumë. Mundohuni të flisni qetësisht me të dhe të gjeni gjuhën e përbashkët për gjithçka. Ju beqarët do jeni më të motivuar dhe do flirtoni me disa persona. Në punë do e keni të vështirë ta lëshoni veten plotësisht dhe të bëni çdo përpjekje për t’ia dalë. Duke u stepur ju disa kolegë do përfitojnë dhe mund t’iu zënë edhe vendin. Financat nuk do jenë as të këqija, por as të jashtëzakonshme.

LUANI

Sot askush nuk do ju marrë seriozisht kështu që duhet më patjetër të ndryshoni sjellje sa më parë. Nëse jeni të dashuruar, filloni të tregoheni pak më autoritarë me atë që keni në krah dhe keni për ta parë që edhe atij do i pëlqeni me tepër. Pasdite programoni edhe ndonjë shëtitje diku për të qëndruar vetëm për vetëm me atë që doni. Ju beqarët duhet të dini si ta joshni personin që pëlqeni sepse po gabuat do e largoni edhe më shumë nga vetja. Në punë do ju duhet të merrni disa masa strikte. Këshillave të kolegëve mos ua vini shumë veshin, por eprorëve patjetër. Buxheti do përmirësohet për surprizën tuaj më të madhe.

VIRGJËRESHA

Kjo ditë do jetë pozitive për ju dhe do ndiheni të përmbushur. Nëse keni një lidhje do bashkëpunoni në çdo moment, do shkëmbeni çdo ide me partnerin dhe do realizoni disa nga qëllimet tuaja. Do ndiheni mirë si fizikisht ashtu edhe mendërisht. Nëse jeni ende beqarë nuk duhet t’i lini asgjë rastësisë, por duhet të mendoheni dhe të veproni me plan. Mundësitë nuk do mungojnë gjatë kësaj dite. Në punë do bëni mirë të ndryshoni strategjitë e të vepruarit që të arrini sa më parë në objektivat finale. Shpenzimet do i kryeni me shumë përkujdes kështu që gjendja e financave do mbetet e kënaqshme.

PESHORJA

Mërkuri do iu japë ide fantastike sot si ta bëni ditën më të bukur dhe si të arrini akoma më lart. Do jeni më inteligjentë dhe të pandalshëm. Nëse keni një lidhje do mundoheni pafund për ta bërë partnerin të ndihet i bekuar që ju ka. Do përdorni fjalët dhe gjestet që atmosfera të jetë shpërthyese. Ju beqarët do shkon në vende të veçanta sot dhe atje do njiheni me personat që keni ëndërruar përherë. Sipas Horoskopit vip, në punë duhet t’i pranoni propozimet që do ju bëhen edh sikur të mos ndiheni plotësisht të sigurt. Ju keni aftësi që as vetë nuk i dalloni dot. Me shpenzimet tregohuni realistë dhe keni për ta parë që gjendja do mbetet e mirë.

AKREPI

Sot do jeni më bindës dhe më të vëmendshëm. Rrezet e diellit do fillojnë të futen paska në jetën tuaj. Nëse jeni në një lidhje do adhuroni të rrëzoni disa kode dhe zakone të partnerit, por do gjeni mënyrën e duhur për ta bërë këtë. Për fat ai do jetë me humor të mirë dhe nuk do ua prishë për asgjë. Ju beqarët do takoni persona tërësisht të ndryshëm nga vetja, por me ta mund të fillojnë së shpejti lidhje vërtet të bukura. Në punë nuk do ju mungojnë aspak idetë, por thjesht do ju duhet pak më shume guxim. Pranojeni mbështetjen e kolegëve ose familjarëve. Financat do jenë mjaft interesante.

SHIGJETARI

Sot do jeni shume të logjikshëm dhe do dini si të veproni në çdo lloj situate. Nëse keni një lidhje do ju duhet thjesht të kaloni pak më tepër kohë me partnerin sepse kur të jeni të dy pranë e pranë do jetë zemra ajo që do ju drejtojë. Ju beqarët do dini si të flirtoni dhe kur t’i thoni diçka një personi. Ka mundësi që pasdite të ndodhë edhe diçka e bukur. Në punë planetët do ju sjellin fat dhe qartësi në mendime. Jo vetëm që nuk do gaboni, por do keni arritje edhe më të mëdha nga sa e kishit parashikuar. Paratë do jenë më të kënaqshme.

BRICJAPI

Sot do keni ë shumë shpresa për të ardhmen dhe do e shihni gjithçka me optimizëm. Nga ana tjetër do jeni mjaft të ndjeshëm dhe të dashur. Nëse keni një lidhje mundohuni të ruani njëfarë pavarësie sepse do ndiheni edhe më mirë. Debatet shmangini sa më shumë që të mundeni, por nga ana tjetër nëse fillojnë mundohuni t’i zgjidhni me qetësi e jo me nxitim. Nëse jeni beqarë ka mundësi që të vendosni të qëndroni të tillë edhe sot. Në punë vetëm duke ndjekur strategji strikte e duke bërë kujdes mund të arrini ta mbani situatën nën kontroll. Edhe financat do kërkojnë maturi, pavarësisht se situata do jetë më e konsoliduar.

UJORI

Merrini gjërat me optimizëm gjatë kësaj dite dhe keni për ta parë që gjithçka do ju ecë mirë. Po menduat keq sigurisht që asgjë të mirë nuk do keni. Nëse jeni në një lidhje bëni diçka të veçantë dhe luftoheni sa të mundeni monotoninë. Sido që të jetë marrëdhënia juaj me partnerin, diçka ndryshe nga e zakonshme do ju shtojë entuziazmin. Ju beqarët do jeni më të paguximshëm dhe nuk do arrini dot t’ia shprehni ndjenjat dikujt. Në punë do lodheni goxha, por duhet gjithmonë të mendoni se kjo lodhje do sjellë përfitimet më të mëdha nesër. Vetëm kështu gjërat do ecin me lehtësisht. Për financat nuk do ketë asnjë ndryshim.

PESHQIT

Dite e paqëndrueshme ka për të qenë kjo e sotmja. Në disa momente do jeni me humor dhe gati për të bërë çdo gjë që u kënaq e herë do mbylleni ne vetvete dhe nuk do hapeni me të tjerët. Nëse keni një lidhje kjo mënyrë të sjelli mund të sjellë konflikte të herëpashershme. Bëni kujdes sepse edhe durimi i partnerit e ka një kufi. Ju beqarët nuk do jeni ende plotësisht të bindur për të kërkuar dashurinë e madhe dhe nuk do lëvizni nga vendi. Në punë do jeni gjithë kohës në ankth sepse nuk do arrini dot t’i menaxhoni si duhet detyrat që iu janë dhënë. Financat do mbeten ende delikate.

“Bën dashuri me memec ti?”- Habit Spartak Ngjela, tregon si është për të një grua e bukur: Po të jetë s*ksi dhe erotike, unë…Avokati Spartak Ngjela, i ka çuditur të gjithë me deklaratën në lidhje me perceptimin e tij mbi bukurinë e vajzave dhe grave.

I ftuar në rubrikën “Trotuar” të e “Diell”, teksa diskutohej mes të ftuarve se “A kanë frikë burrat nga femrat e bukura”, Ngjela është shprehur se sipas tij “nëse femra do të ishte e bukur, ai do të binte në dashuri”.

Avokati ka theksuar se kryesorja për të është mënyra e të shprehurit të vajzës, teksa thotë se “intelekti pa fjalën nuk vlen”.

Mënyra e të shprehurit të femrës, sipas Ngjelës, është ajo që bën për vete ose largon një mashkull.

Erjola Doçi: Zoti Ngjela, ju shpesh keni tronditur medien me deklaratat tuaja për përdhunimet. Po ju, a tronditeni nga femrat e zgjuara aq sa trondisni publikun me deklaratat tuaja të forta.

Ngjela: Po të jetë e bukur, bie në dashuri.

Dea Vieri: Më vjen shumë keq që ai e kufizon vajzën vetëm në këto linja.

Ngjela: A më pytetët mua tani, unë po jap timen. Mundet edhe të jem i gabuar, por po të jetë e bukur dhe seksi, pra erotike, unë bie në dashuri. Por dashuria varet nga potenca e brendshme që ka burri dhe duhet ta ketë mobilitet permanent.

Dashuri, dashuri, dashuri, sa herë të kapi, por kryesorja është mënyra e të shprehurit të saj. Intelekti pa fjalën nuk vlen. Isha njëherë në një leksion dhe më thotë një femër, jepi zgjidhje kësaj, ku qëndron thelbi. Ta them unë i thash, ‘bën dashuri me memec ti?’, ‘Jo’ më tha. Atëherë mbaron historia. Fjala është kryesorja.

Inter e mbylli pjesën e parë në avantazhin e një goli falë perlës së Federico Dimarco.

Anësori zikaltër italian, goditi nga mesi i fushës në pozicion diagonal dhe e dërgoi topin mrekullisht në rrjetë.

Në momentin e golit, portieri i Interit, Yann Sommer ka vendosur duart në kokë pasi nuk mund ta besonte atë gol fantastik.

Ky padyshim do të jetë goli më i bukur i sezonit për zikaltërit e Interit./h.ll/abcnews.al

Goli i Federico Dimarco

Ditën e premte, u thellua bilanci i viktimave nga aksidenti i skelës në Gjermani. Vdekja e Alfred Vishës pas 10 ditëve në spital e çoi në pesë numrin e viktimave.

Ai la pas familjen e tij, në kushte të vështira ekonomike, në Kurqelaj të Klosit, një fshat i thellë verior, ku mungojnë mundësitë e punësimit edhe të arsimimit. Pikërisht këto kushte ishin arsyeja që Alfred Visha emigroi drejt Gjermanisë, duke punuar në të zezë në një kantier ndërtimi.

Familja e tij ndodhet në një shtëpi të rrënuar, mes varfërisë së skajshme dhe kërkon ndihmë.

“Gjatë verës kemi mbjellur grurë e i hamë gjatë dimrit. Të ardhura të tjera nuk kemi. Shumë larg nga arsimi, kam tre fëmijë po mësojnë shumë. I nxjerr që prej orës 7 prej shtëpie, në tetë e gjysmë arrijnë te shkolla duke ecur. Të paktën t’iu vihet një makinë e ti çoj te shkolla”, shprehet për mediat mamaja e Alfred Vishës.