Month: June 2024

Zonja Lala ka vendosur të largohet pas rreth 17 vitesh nga News 24 pas debateve me pronarin e televizionit, Irfan Hysenbelliu.

Sipas burimeve, pronari i televizionit ka tentuar të kufizojë daljet e gazetares Lala në studiot e televizioneve të tjera, kufizim i cili është refuzuar nga gazetarja. Por, kjo mund të mos jetë arsyeja e vetme e mosmarrëveshjeve.

Kujtojmë se gazetarët e News 24, Gazetës Shqiptare dhe Panorama i kanë marrë gjithmonë pagat me vonesë. Aktualisht shumica e gazetarëve ka tre muaj që nuk marrin pagat.

Vera është e mahnitshme, ditë të gjata, netë të ngrohta por dhe shumë “mysafirë të paftuar” si mushkonjat. Por, a ka një mënyrë për t’i shmangur ato dhe për të shpëtuar nga pickimet e padëshirueshme? 

Në rubrikën “Bima dhe Shëndeti” në emisionin e mëngjesit “Rreze Dielli” në Report Tv specialisti i bimëve mjekësore Ylli Merja tregoi disa mënyra sesi të shpëtojmë njëherë e mirë nga mushkonjat.

Së pari shprehet Merja, pickimet e mushkonjave përveç se të bezdisshme mund të transmetojnë dhe infektojnë viruse të ndryshëm, në rast se një mushkonjë ka pickuar një person me hepatit ekziston mundësia që nëse pickon dhe një individ tjetër t’a infektojë atë.

Bima e rigonit është një nga bimët më të mira që vijnë në ndihmë për largimin e mushkonjave por dhe të insekteve të tjera, pasi aroma ngacmuese e gjetheve të rigonit paralizon instiktin nuhatës të insekteve. Timoli dhe karnavoli prezent tek rigoni bëjnë largimin e mushkonjave por dhe mizave nga ambjenti. Gjithashtu degët e domateve janë shumë efikase në largimin e mushkonjave. Ndërsa një tjetër mënyrë, tregon Merja, është djegia e luleve të kalendulës, eukalipsit në një vazo të vogël, tymi që ato lëshojnë bëjnë largimin e të gjitha mushkonjave nga ambjenti. Kjo është një zgjidhje perfekte për shtëpitë e plazhit. Gjithashtu një tjetër mënyrë shumë efikase sidomos dhe për fëmijët, është përgatitja e një kremi me kalendul. E kaurdisim mirë lulen e kalendulës me pak vaj ulliri, bëhet një si vaj i kuq, mund t’i hedhim dhe pak dyll blete dhe pasi ftohet me këtë masë mund të lyejmë pjesët e ekspozuara sidomos gjatë mbrëmjeve në bregun e detit dhe është e garantuar – thekson Merja, se mushkonjat nuk do ju afrohen.

Pyetjes së moderatores a zgjedhin mushkonjat kë pickojnë? Merja i përgjigjet: Thuhet se mushkonjat kanë predispozitën për të pickuar njerëzit më inteligjentë dhe gratë shtatzëna, por deri tani nuk ka një studim për këtë.

Merja tregon gjithashtu për grackat që mund t’u ngrihen mushkonjave për t’i mbajtur larg shtëpive tona “Mund të marrim shishe plastike dhe hapim dy dritare të vogla në to pak poshtë tapës me një gërshëre, me diametër rreth 2 cm. Hedhim në shishe pak birrë ose verë që mbetet si dhe rreth 150 ml uthull molle, pasi mushkonjave u pëlqen athtësia që lëshon aroma e uthullës dhe tërhiqen drejt saj. I varim këto shishe në oborrin e shtëpisë pranë një peme, në ballkon apo verandë”.

Në përfundim të bisedës Ylli Merja tregoi si të veprojmë në rast pickimi nga mushkonjat, e shtypim pak vendin që të dalë proteina helmuese dhe e lyejmë me propolis me rigon. Një mënyrë tjetër për të ndaluar veprimin dhe për të çaktivizuar reaksionin këshillohet lyerja me vaj eukalipsi, trumze, vaj dafine, vaj rozmarine, vaj livando. Gjithashtu këto vajra janë shumë të mirë dhe për të parandaluar pickimin e mushkonjave duke hedhur 2 pika vaj në një krem, me të cilin lyejmë pjesët e ekspozuara të trupit.

Ish-banorja e “Big Brother Vip Albania” Mikela Pupa do të bëhet nënë për herë të parë. Ishte një foto e saj krah Efit ajo që nxiti aludimet, pasi komentet u tejmbushën me urime për pritjen e ëmbël.

Sot Mikela organizon “babyshower” dhe pjesë e saj janë mikeshat e saj, disa të njohura për publikun. Një prej tyre, Efi, ka “zbuluar” për ndjekësit me anë të një videoje, gjininë e bebit, e cila do të jetë vajzë.

Janë publikuar pamjet e aksidentit në Itali në autostradën e A12 në Rosignano, i cili ndodhi në provincën e Livornos të Italisë të shtunën e 2 qershorit.

Në pamjet e regjistruara nga kamerat e sigurisë shihet se si makina ka hyrë me shpejtësi në njërën nga kabinat ku paguhet taksa e lëvizjes dhe është përplasur me dy makinat që ndodheshin para tij.

Si pasojë e aksidentit të paktën tre persona humbën jetën.

Një ngjarje e rëndë është regjistruar në Milano ku një shqiptar ka qëlluar me armë ndaj fqinjit të tij. Mësohet se pas ngjarjes shqiptari është vënë në pranga. Mediat italiane raportjnë se 48-vjeçari shqiptar dhe fqinji egjiptian kishin pasur disa herë sherre.

Ndërkohë sherri i fundit mes tyre për pak sa nuk u kthye në tragjedi. Shqiptari kishte marrë një pistoletë në dorë dhe ka qëlluar disa herë ndaj fqinjit të tij. Viktima arriti t’u shmangej plumbave dhe të shpëtonte në këmbë në rrugë, ndërsa krimineli vazhdoi ta ndiqte dhe të qëllonte.

Pasi e ka plagosur, shqiptari ka shkuar tek banesa e fqinjit dhe ka tentuar të hapë derën. Duke mos arritur qëllimin e tij, shqiptari me një çekiç të rëndë ka nisur të tentojë të thyejë derën e shtëpisë së fqinjit ku ishin gruaja, dy vajzat dhe mbesa katër muajshe, duke kërcënuar se do të vriste të gjithë familjen. Në vendin e ngjarjes ka mbërritur policia që ka bërë rrethimin dhe më pas ndalimin e shqiptarit.

Gjatë hetimit të rastit, arma, dy gëzhoja dhe shtatë fishekë të pashpërthyer u gjetën plus një fishek ende në karikator. Viktima u transportua me kodin e kuq në poliklinikën San Matteo në Pavia pa lëndime kërcënuese për jetën, më pas u lirua me një prognozë 21-ditore.

Dy të dashurat e vëllezërve Veshaj, Heidi dhe Bora, teksa janë parë së bashku pas përfundimit të “Big-ut”, janë kthyer ndër më të preferuarat e publikut.

Pas “After Party-t” të “BBV3” dhe pas pushimeve në jug me Romeon dhe Donaldin siç duket Bora dhe Heidi kanë vendosur t’i shkëpusin marrëdhëniet me njëra-tjetrën, ose të paktën kështu e tregojnë veprimet e bëra prej tyre, të cilat janë fshirë dhe nuk ndiqen më nëpër rrjete sociale.

Rikujtojmë që Romeo së bashku me Heidin ishin dy finalistë të “BBV3”, ku për herë të parë një çift mbërriti në finale. Heidi mori vendin e 4-ët e ndërsa Romeo të 3-in, sakaq fituese e edicionit të tretë u shpall aktorja Egla Ceno.

Pas “martesës” së bujshme me gruan bilionere 76-vjeçare, Tik Tokeri Giuseppe D’Anna vijon të postojë në rrjete sociale momente nga bashkëjetesa me shpirtin e tij binjak.

19-vjeçari duket se bën një jetë të mbuluar nga luksi me të fejuarën e tij.

Ai e propozoi 76-vjeçaren ditën e Shën Valenitinit vitin e kaluar, por njohja e tyre ka qenë më e hershme.

Përdoruesit e internetit u prekën nga propozimi i ëmbël dhe deri në momentin e shkrimit të këtij artikulli, videoja e Tiktok ka marrë mbi 75 milionë shikime.
E fejuara e Giuseppes ka pasur probleme shëndetësore kohët e fundit, por ai ka qenë gjithmonë duke i shërbyer, të paktën kështu duket në postimet e tij.

Shumë ndjekës mendojnë se ai ka vepruar kështu për të përfituar nga pasuria e 76-vjeçares, madje disa nga komentuesit pyesin se sa miliarda ka gjyshja në llogarinë e saj, disa të tjerë thon se janë nip dhe gjyshe, me sa duket Giuseppe ka zgjedhur të luaj në këtë mënyrë pë të fituar sa më shumë ndjekës në rrjete sociale.

Lidhja që u krijua në “Big Brother VIP” mes Meriton Mjekiqit dhe Ilnisa Agollit, u diskutua shumë në rrjete sociale, sidomos pas reagimit të familjarëve të moderatorit.

Asnjëherë familja e Meritonit nuk e konfirmoi se e dëshiron si nuse Ilnisën, madje sa kohë ishte brenda shtëpisë asnjëri prej tyre nuk pranoi ta takonte.

Pas këtyre ngjarjeve janë nxitur aludimet se nuk janë ‘pro’ lidhjes.

Por siç duket, motra e Meritonit, Agnesa e ka ndërruar mendimin dhe i ka bërë “follow”, në Instagram.
Nuk dihet nëse dy vajzat janë takuar dhe kanë biseduar, por sikurse shihet në rrjetet sociale ndiqen dhe shohin haptazi se çfarë postojnë.

Këngëtarja Xhensila Myrtezaj, është shndërruar padiskutim në një ndër emrat më të përfolur të momentit dhe sigurisht që ҫdo lëvizje e saj tashmë përbën një lajm.

Ndërkohë që kryeartikujt e mediave rozë, janë pushtuar me lajmin e divorcit të saj me bashkëshortin Besart Kallaku, Xhensila vijon të jetë e fokusuar në punën e saj si edhe në rritjen e dy fëmijëve, Ajka dhe Amen.

Artistja e njohur ndan shpesh herë në rrjetet sociale, teksa kalon momente të ëmbla më fëmijët e saj, ashtu siҫ ka bërë edhe sonte.

Xhensila ka publikuar në “Instastory”, një video ku shihet teksa është duke i lexuar një përrallë Amen, që mesa duket është një personalizim për këngëtaren dhe djalin e saj.

Dhe mesa duket kjo përrallë, e titulluar “Amen dhe Mami”, e ka përlotur artisten, e cila bashkangjitur videos ka shkruar:

“Lotët nuk po më pushojnë. Më emocionuat pa fund”.

Mirlind Daku do të jetë në qendër të vëmendjes në merkaton e verës, sidomos nëse bën paraqitje të rëndësishme në Euro 2024. Futbollisti i Kombëtares kuqezi, po kalonte një formë të mirë në Rusi me fanellën e Rubin Kazan, por tashmë raportohet se për të kanë ardhur një lumë ofertash nga klube të tjera të mëdha.

“VseProSport” bën të ditur se klubet e Zenit, Krasnodar dhe Dinamo Moskës janë interesuar për futbollistin shtatlartë i cili ka lënë shenjën e tij me Rubin duke shënuar 10 gola në 28 ndeshje në sezonin e tij të parë në Rusi. Por jo vetëm kaq, pasi edhe Beshiktashi raportohet se ka bërë një ofertë për të siguruar shërbimet e futbollistit.

Megjithatë, Rubin Kazan ka vendosur të presë, pasi në klub janë të ndërgjegjshëm që vlera e Dakut do të rritet në bazë të paraqitjeve që do të bëjë në Euro 2024 nën drejtimin e Silvinjos. Çdo gol apo asist atje bën që të rritet në mënyrë të menjëhershme vlera e kartonit ndaj klubi rus shpreson që Daku të lërë shenjë, në mënyrë që të përfitojë financiarisht nga transferimi i tij, Sulmuesi ka edhe një vit kontratë të mbetur me klubin e Rubin Kazan.

PANORAMASPORT.AL