Një debat i ashpër mes reperit Gjesti dhe banorit Vserlo ka tërhequr vëmendjen e publikut në orët e vona të natës në shtëpinë e BBVA.
Përplasja nisi kur Gjesti kritikoi Vserlon për përdorimin e termit “modele bullgare”, duke i kërkuar llogari për mënyrën si etiketon banorët e tjerë.
“Ti je që thua modele prej Bullgarisë, Bullgaria e dinë të gjithë kush është. Ti e ke përmendur Bullgarinë, jo unë. Bullgaria është kryeqyteti i Serbisë!”, tha ai.
Gjestit u kundërshtua nga Rozana megjithatë prap se prap u tregua i hekurt në mendimet e tij.
“Bullgaria është kryeqyteti i Serbisë, mesa di unë”, këmbënguli ai.
Një prapaskenë interesante është publikuar në mediat ruse ditën e djeshme në lidhje me Mirlind Dakun. Sipas asaj që shkruan “SE”, dy klube të elitës ruse kanë pasur mundësinë të blejnë sulmuesin e Kombëtares, por në të dyja rastet, ato kanë vendosur të refuzojnë afrimin e tij.
Bëhet fjalë për Zenitin dhe Spartakun e Moskës, këtyre të fundit Daku u shënoi dy gola para 3 ditësh. Të dyja klubet e konsideruan transferimin e Dakut jo të qëndrueshëm nga ana politike. Kjo për shkak se 27-vjeçari është bërë protagonist më herët për thirrje antisportive gjatë Kampionatit Europian në Gjermani pas ndeshjes me Kroacinë, duke u dënuar edhe dy ndeshje.
Ndërkohë, një arsye më shumë që Daku të mos blihet nga Zeniti, klubi që ka qenë edhe më pranë, ishte sepse ekipi drejtohet nga serbi Dejan Stankoviç dhe kjo mund të linte vend për përplasje. Megjithatë, futbollisti ka kontratë deri në vitin 2026 me Rubin Kazanin, ndërsa këtë sezon ka shënuar 11 gola dhe ka dhënë 6 asiste.
TRAJNERI- Ndërkohë, pas ndeshjes së fundit, trajneri i Rubin Kazanit, Rashid Rakhimov, është pyetur në lidhje me Dakun se nëse ai është sulmuesi më i mirë në kampionatin rus: “Ai është në një ekip në mes të tabelës dhe po luan futboll të mirë.
Të shohim se çfarë mund të bëjë në vijim”, thotë trajneri nga Taxhikistani. Më tej ai thotë se klubi ka në plan që ta shesë shqiptarin në merkaton e verës: “Vera që vjen, është koha më e mirë që Rubin të shesë Dakun. Do ta çojmë në merkato”, përfundon ai.
KARTONI- Në Rusi kanë nisur një hetim në lidhje me kartonin e kuq të marrë nga Mirlind Daku në ndeshjen e fundit dhe sulmuesi rrezikon edhe një dënim shtesë. Por, nga ana tjetër, kartoni i kuq ia sjell sulmuesin në Shqipëri Silvinjos shumë më shpejt se sa mendohej. Nëse Daku nuk do të ishte ndëshkuar me të kuq, ai do të luante të dielën e ardhshme ndeshjen e radhës me Rubin Kazan në kampionatin rus.
Dhe në atë eventualitet, ai do të mbërrinte në Shqipëri të martën në darkë në rastin më të mirë të mundshëm për shkak të itinerarit të udhëtimit, duke humbur stërvitje të rëndësishme para duelit me Anglinë. Me këtë karton të kuq, udhëtimi i futbollistit mund të spostohet dhe të bëhet e mundur që Daku të vijë në Shqipëri që në ditën e parë të grumbullimit, duke lumturuar jo pak Silvinjon, sidomos në këtë periudhë kur alternativat në sulm janë me pikatore, për shkak të problemeve fizike të lojtarëve të ndryshëm të këtij reparti.
Afrimi i vazhdueshëm midis Presidentit të SHBA Donald Trump dhe homologut të tij rus Vladimir Putin duket se po ecën me shpejtësi paralelisht me përkeqësimin e marrëdhënieve të SHBA me Ukrainën dhe partnerët e saj historikë evropianë.
Përveç dyshimeve për aftësinë e ushtrisë së Kievit për të qëndruar pas pauzës në shkëmbimin e inteligjencës dhe ndihmën ushtarake të vendosur nga Uashingtoni, kancelaritë e Kontinentit të Vjetër po pyesin tani për mundësinë që në një të ardhme jo aq të largët Amerika, gjithnjë e më shumë një rivale sesa një aleate, mund të vendosë të “fikë” sistemet e mbrojtjes dhe armatimet e furnizuara në Evropë.
Në hijen e përshkallëzimit të tensioneve midis Evropës dhe Shteteve të Bashkuara mbi angazhimet e NATO-s dhe luftës në Ukrainë, një mit i vazhdueshëm për F-35 Lightning II ka shpërthyer në internet: nocioni se Pentagoni ka futur një “çelës vrasës” në avionin luftarak të gjeneratës së pestë, duke e lejuar atë të çaktivizojë nga distanca ose të operojë nga të gjitha avionët e huaj.
Skenari shqetësues
Skenari shqetësues u trajtua orët e fundit nga Financial Times, e cila raportoi shqetësimet e ngritura nga ekzistenca e “çelësave të mundshëm të vrasjes”, “çelësave” realë sekretë që amerikanët mund të aktivizonin për të imobilizuar avionët dhe armët e prodhimit të tyre në kontinentin evropian. Një hipotezë që sipas ekspertëve, nëse jo në versionin e saj më ekstrem, tashmë do të ishte e realizueshme nëpërmjet përdorimit të kodeve të thjeshta softuerike. Avionët luftarakë F-35 dhe F-16 të blerë nga Uashingtoni janë ndër avionët luftarakë për të cilët shqetësohen aleatët e Amerikës. Analisti i mbrojtjes Sash Tusa pyet se çfarë kuptimi ka, për shembull, që Danimarka të dërgojë avionë të prodhuar nga SHBA për të mbrojtur Grenlandën nëse Shtëpia e Bardhë nuk e dëshiron këtë. ” Problemi me sistemet e pajisjeve të avancuara,” shpjegon Tusa, ” është se ata kanë nevojë për shumë mbështetje nga furnitorët” dhe nëse kjo mungon “ata ndalojnë së punuari, nëse jo menjëherë, shumë shpejt “.
“Çelësat e vrasjes”
Burime të tjera shqetësimi përfshijnë dronët amerikanë Reaper të përdorur nga shumë shtete evropiane dhe sistemin e parandalimit bërthamor të Mbretërisë së Bashkuar, i cili mbështetet në nëndetëse të armatosura me raketa balistike Trident D5 të furnizuara nga SHBA. Analiza e “Financial Times”, megjithatë, thekson se frika në Kontinentin e Vjetër nuk ka të bëjë aq shumë me sisteme të veçanta të armëve, sesa me mundësinë që Uashingtoni ” do të tërheqë mbështetjen për komunikimin dhe ndarjen në çdo platformë, nga avionët luftarakë te helikopterët Chinook dhe Apache, si dhe sistemet e mbrojtjes ajrore si Patriot”. Gazeta britanike thekson se ekzistenca e “çelsave të vrasjes” mund të mos jetë aq e rëndësishme duke pasur parasysh se avionët dhe armët e tjera të sofistikuara, duke përfshirë sistemet antiraketë dhe dronët, varen tashmë nga pjesët rezervë dhe përditësimet e softuerit të dërguar dhe lëshuar nga Shtetet e Bashkuara, të cilat mund të ndryshojnë efektivisht vendimet e saj në çdo kohë. Kjo u pa në Afganistan midis 2020 dhe 2021, kur, brenda pak javësh nga njoftimi i Uashingtonit për tërheqjen e tij nga Kabuli, avionët luftarakë u ndaluan për shkak të fluturimit të kontraktorëve dhe kontraktorëve .
Raporti
Sipas një raporti të publikuar nga Instituti Ndërkombëtar i Kërkimeve të Paqes në Stokholm , midis 2019 dhe 2023 SHBA përbënin 55% të importeve të pajisjeve ushtarake të Evropës, duke u rritur ndjeshëm nga 35% në pesë vitet e mëparshme. Ndërkohë që asnjë porosi amerikane për armë nuk është anuluar deri më tani, pritet që në vitet e ardhshme vendet evropiane të kërkojnë të arrijnë një pavarësi më të madhe, me pasoja për eksportet amerikane që ekspertët i kanë cilësuar si ” katastrofike “. Parashikimet që Shtëpia e Bardhë nuk i ka marrë parasysh për momentin.
Partia Aleanca Arbnore Kombëtare ka vendosur që të tërhiqet nga koalicioni me Partinë Demokratike.
Kryetari i kësaj force politike, Gjet Ndoj ka marrë vendimin për të dalë nga koalicioni që udhëhiqet nga Sali Berisha.
Si duket i zhgënjyer nga listat me emrat e kandidatëve për deputetë, Ndoj ka bërë me dije përmes një postimi në rrjetet sociale se Aleanca Arbnore Kombëtare AAK, nuk do të marrë pjesë në zgjedhjet e 11 majit 2025.
Duke ngritur akuza kundrejt opozitarëve, kreu i AAK thotë se nuk ekziston akoma e djathta ku njerëzit të besonin pa frikë.
“Nga mosfunksionimi i marrëdhënies në koalicion “Për një Shqipëri Madhështore”, Aleanca Arbnore Kombëtare tërhiqet nga ky koalicion. Gjithashtu tërhiqet nga të gjitha aktivitetet elektorale për zgjedhjet parlamentare të majit 2025. E bëjmë këtë kërkesë-deklaratë për tu çliruar nga çdo detyrim që rrjedh nga pjesëmarrja në zgjedhje”, thuhet në kërkesën e bërë me shkrim dore të partisë Aleanca Arbnore Kombëtare.
Ditën e djeshme, është tërhequr nga koalicioni me Berishën edhe Aleanca e Maqedonasve për Integrim Europian me kryetar Vasil Sterjovski.
Pas daljes si e dyta në Big Brother VIP Kosova, Xheneta Fetahu është përfolur vazhdimisht për një hyrje të mundshme në Big Brother VIP Albania. Sipas burimeve të “Prive by Liberta Spahiu”, kjo do të realizohet sot, gjatë sfidës së mosreagimit që ka nisur në shtëpi.
Gazetari Gjergj Prenga thekson se futja e Xhenetës është një lëvizje strategjike e produksionit, veçanërisht për shkak të dinamikës së saj dramatike me Gjestin, një prej protagonistëve kryesorë të këtij edicioni.
Dje, fituesja e edicionit të kaluar, Egla Ceno, u fut në shtëpi dhe puthi Laertin, duke shkaktuar reagime të shumta. Tashmë, fansat presin se si do të reagojë Gjestin kur të përballet me Xhenetën.
Ndërkohë, emri i Egli Takos, e cila po përjeton një periudhë të vështirë psikologjike pas daljes nga loja, përmendet si një tjetër surprizë e mundshme.
Produksioni pritet ta realizojë këtë moment të fortë televiziv në orët e pasdites, kur audienca është më e madhe. Tani, të gjithë sytë dhe veshët janë drejtuar nga përballja e shumëpritur mes Xhenetës dhe Gjestit.
Një aksident i rëndë është regjistruar gjatë paradites së sotme në Vushtrri të Kosovës. Mësohet se një autobus gjatë transportit të nxënësve nga fshati Duboc është aksidentuar dhe si pasojë ka humbur jetën shoferi. Viktima është idenftifikuar si Hajzer Sadiku.
Nga ky aksident janë lënduar disa nxënës. Në lidhje me këtë ngjarje ka reaguar kryetari i kësaj komune, Ferit Idrizi, i cili shprehu ngushëllimet më të thella familjes Sadiku, ndërsa nxënësve të lënduar ju uroj shërim sa më të shpejtë
“TELEGRAM NGUSHËLLIMI. Me pikëllim të thellë mora lajmin për një ngjarje tragjike që ka ndodhur në komunën tonë gjatë paradites së sotme. Në një aksident që ka ndodhur gjatë transportit të nxënësve nga fshati Duboc, komuna jonë ka humbur një burrë të ndershëm e një qytetar të përgjegjshëm, shoferin e kësaj linje, Hajzer Sadiku, ndërsa janë lënduar edhe disa nxënës, të cilët tashmë janë duke marrë trajtim në Emergjencën e Spitalit “Sheikh Zayed” në Vushtrri.
Në emër të Komunës tonë, i shpreh ngushëllimet më të thella familjes Sadiku, ndërsa nxënësve të lënduar ju uroj shërim sa më të shpejtë,” shkruan ai.
Akti i fundit i dramës do të shkruhet me varrimin e 44-vjeçares që u vra me thikë duke i shkaktuar plagë të shumta nga bashkëshorti i saj 53-vjeçar, mesditën e së mërkurës, brenda shtëpisë së tyre në Sindos të Selanikut dhe pak kësaj autori u hodh nga ballkoni i shtëpisë duke i dhënë kështu edhe ai fund jetës.
Sipas informacioneve, varrimi i gruas do të bëhet nesër në Shqipëri, ndërsa varrimi i 53-vjeçarit do të bëhet edhe ai në Shqipëri në ditët në vijim. Ndërkohë dy vajzat e familjes, 16 dhe 21 vjeçe, të cilat humbën papritur prindërit, mbeten në gjendje shoku dhe mësohet se nuk kanë mundur të dëshmojnë në polici.
Për momentin nuk ka të dhëna që çifti të ketë qenë më parë në polici për dhunë në familje apo vepra të tjera, ndërkohë që të gjithë ata që i njihnin flasin për dy persona që nuk kishin pasur kurrë konflikte. Mesditën së mërkurës, pak para orës 13:00 kohë kur ndodhi vrasja, fqinjët nuk kishin dëgjuar asnjë zë nga banesa e katit të dytë, ku çifti jetonte me dy fëmijët.
Ndërkohë, fotot e postuara nga autori tregojnë momente familjare, nga udhëtimet me bashkëshorten dhe familjen, momente të shkujdesura në pushimet e tyre dhe nga koha që kanë kaluar me miqtë e tyre. Këto pamje janë postuar në vitin 2020.
Një mikeshë dhe shoqe e ngushtë e gruas tha se nuk mund ta besojë atë që ndodhi, pasi ajo shkonte në punë çdo mëngjes me viktimën dhe nuk e imagjinonte dot se do të ndodhte kjo gjë. “Ai ishte një njeri i jashtëzakonshëm.” “Ajo ishte e qetë dhe kujdesej vetëm për fëmijët e saj”, tha ajo, duke theksuar se është në gjendje shoku nga lajmi tragjik.
“Ajo më thoshte se kishte probleme me burrin e saj, por nuk më dha asnjë detaj”. “Ai ishte gjithmonë i buzëqeshur dhe përballonte gjithçka pa u ankuar, pavarësisht vështirësive që po kalonte”, vuri në dukje ajo.
Shoqja e viktimës theksoi gjithashtu se ato pak herë që ajo e kishte parë autorin, edhe para se të vetëvritej, ai ishte sjellë mirë përballë saj dhe nuk fliste shumë. “Nuk mund ta dija se çfarë fshihte shpirti i tij”, theksoi ajo.
Në momentin e vrasjes, dy fëmijët e familjes, vajzat 16 dhe 21 vjeçe, ndodheshin larg banesës, ndërkohë që më e vogla ishte në shkollë. Vëllait të 44-vjeçares, sapo është informuar ka shkuar në banesën ku ka ndodhur vrasja.
Komisionerja e Zgjerimit në BE, Marta Kos ka surprizuar kryeministrin Edi Rama me një fanellë që mbante numrin 11 dhe flamurin e BE-së të stampuar në të.
Ajo mori si shembull golin e shpejtë për 23 sekonda të Nedim Bajramit ndaj Italisë në Europianin e Gjermanisë vitin e kaluar, duke u shprehur se e di që edhe ne jemi të shpejtë në bërjen e gjërave dhe mund t’ia dalim edhe me anëtarësimin në BE.
Znj.Kos e ftoi Ramën që pasi të mbaronin me sukses negociatat në 2027 ta ngjisnin malin më të lartë të Korabit së bashku.
Rama iu përgjigj se nuk e dinte nëse do ishte ende kryeministër, por do i bashkohej me kënaqësi.
Marta Kos: Angazhimi im është edhe sportiv, unë vij nga një familje sportive. Kam parë edhe Kampionatin Evropian, pashë se si shënoi Bajrami në 23 sekonda dhe kjo tregoi se sa të shpejtë jeni ju në realizimin e gjërave, ndaj unë e di sa e rëndësishme është. Basketbolli gjithashtu është një lojë e bukur, edhe ju keni luajë. Ndaj kam një dhuratë për juve, Europa është një ekip, funksonon si skuadër futbolli. Ja kjo është dhurata ime, (fanella me numër 11 për Ramën), kur ne të përfundojnë negociatat unë do ngjisë malin më të lartë në Shqipëri, të Korabit që është më i larti madje edhe se mali ynë më i madh në Slloveni.
Rama: Shpresoj që kur të hyjmë në BE të vij me ju ta ngjis majën e malit, s’e di nëse do ketë kryeministër të ri. Jam krenar që të kem një ekip mjaft të përkushtuar. Shpreh një mirënjohje dhe falënderime për ju, për Majlindën dhe Adean dhe gjithkujt tjetër që është i angazhuar. Por edhe ambasadorin Ferit Hoxha që është Lionel Messi ynë në punët e jashtme, e hodhëm përtej oqeanit në SHBA dhe e sollëm prap në Europë, ai i bën mirë ato, është i mirë në punët e jashtme. Besoj se edhe ministri i jashtëm Hasani bien dakord.
Edhe pse u paralajmërua për një kohë të gjatë, rrjeti social TikTok nuk është mbyllur në Shqipëri. Përdoruesit e saj vijojnë normalisht të shikojnë postimet e madje edhe të publikojnë.
Mesa duket masa që Qeveria donte të merrte, s’ka funksionuar.
Autoriteti Kombëtar për Sigurinë Kibernetike (AKSK) kërkoi nga kompanitë e internetit marrjen e masave të nevojshme për bllokimin e aksesit në aplikacionin TIK TOK dhe infrastrukturën e tij digjitale në territorin shqiptar.
Tik Tok në Shqipëri është një platformë me mbi 1 milionë përdorues, gjerësisht në funksion edhe për biznes. Vendimi për mbylljen e TikTok u mor nga qeveria pas një konsultimi të gjerë publik në dhjetor 2024. Kjo lëvizje erdhi pas vrasjes së 14-vjeçarit Martin Cani me thikë nga një bashkëmoshatar i tyre, pas një sherri të nisur në rrjetet sociale, ku viktima nuk kishte llogari ne Tik tok
Një tërmet me magnitudë 4.4 ballë të shkallës Rihter është regjistruar në orën 01:25 të natës, me orën italiane, në zonën e Napolit.
Tërmeti ka qenë me qendër në zonën e Pozzuoli dhe është ndjerë në të gjithë qytetin. Shumë banorë kanë dalë të frikësuar nga shtëpitë e tyre ndërsa nga pamjet e shpërndara në rrjetet sociale shihen dëmet e shumta materiale të shkaktuara.
