Month: May 2025

Ditën e nesërme, Shqipëria do të shndërrohet në qendër të një prej stërvitjeve më të mëdha ushtarake të dekadës në Evropë dhe Afrikë, me nisjen e manovrës shumëkombëshe “Defender Europe 25”.

E organizuar nën drejtimin e Komandës Evropiane të Shteteve të Bashkuara (USEUCOM) dhe në bashkëpunim me forcat e NATO-s dhe partnerë strategjikë, kjo stërvitje do të shtrihet përtej Shqipërisë në disa vende të Ballkanit dhe të kontinentit.

Faza e parë e stërvitjes do të fillojë mëngjesin e të martës, më 27 maj, me nisjen e trupave nga garnizoni i Zall-Herrit drejt Qendrës së Stërvitjes në Bizë, ku do të zhvillohen skenaret më intensive, përfshirë:

Operacione mësymëse dhe mbrojtëse në terrene të vështira

Dislokime strategjike të trupave dhe pajisjeve

Testimi i gatishmërisë në kushte të simulimit të luftës

“Defender Europe 25” do të zgjasë deri më 9 qershor dhe synon të rrisë:

Gatishmërinë e përbashkët ndërkombëtare

Ndërveprimin efektiv mes forcave aleate

Kapacitetin për të reaguar ndaj kërcënimeve reale në një ambient kompleks operacional

Stërvitja bazohet në Nenin 5 të Traktatit të NATO-s, që garanton mbrojtje kolektive ndaj çdo vendi anëtar në rast sulmi.

Përveç Shqipërisë, një tjetër pikë kyçe do të jetë Kosova, ku do të trajnohen skenarë të mbrojtjes së infrastrukturës kritike, sigurimit të pikave të imbarkimit dhe menaxhimit të logjistikës së avancuar.

Kjo stërvitje konfirmon edhe një herë rolin strategjik të Shqipërisë si një nyje thelbësore në arkitekturën e sigurisë euroatlantike, si dhe besueshmërinë e saj si partnere ushtarake në rajon.

Gjykata e Shkodrës ka dënuar me 4 vite burg Erdgys Arrazin, i cili akuzohet se përmes dhunës fizike dhe psikologjike nxiti bashkëshorten e tij, Alma Arrazi dhe tre fëmijët ti jepnin fund jetës duke u mbytur në lumin Buna.

Gjyqtari i Shkodrës, Orgent Nazaj ka deklaruar fajtor dhe dënuar me 6 vite burgim Arrazin, për akuzën e “Shkaktimit të vetëvrasjes”. Por për shkak të gjykimit të shkurtuar, ky dënim është ulur me 2 vite, duke dënuar Arrazin përfundimisht me 4 vjet heqje lirie.

Ngjarja tragjike e një viti më parë tronditi mbarë opinionin.

Alma Arrazi dhe tre fëmijët e mitur u gjetën të mbytur në lumë, ndërsa fajtor dhe përgjegjës ishte vetëm një, kryefamiljari, Erdgys Arrazi.

HETIMET

Me 3 shkurt te ketij viti, Prokuroria mbylli hetimet ku sqaroi se autor për vrasjen e tre fëmijëve është nëna e tyre, Alma Arrazi, e cila vendosi t’i japë fund jetës bashkë me dy vajzat e moshës 9 dhe 8-vjeç, si edhe djalin 3-vjeçar, mbrëmjen e 2 Majit te vitit te kaluar duke u hedhur në lumin Bunë.

Organi i akuzës kërkoi dënimin me 6 vite burg për bashkëshortin e viktimës, shtetasin Erdgys Arrazi për akuzën e shkaktimit të vetëvrasjes së Alma Arrazit.

Sipas prokurorisë, bashkëshorti i viktimës ka kryer sjellje që diskreditojnë dinjitetin e Alma Arrazit duke e detyruar atë të vetëvritet dhe të mbysë edhe tre fëmijët e saj.

Lidhur me të miturit është regjistruar nga prokuroria akuza për vrasje për shkak të cilësisë së veçanta të viktimës.

Për shkak të ndarjes nga jeta të nënës, Alma Arrazi kjo akuzë e dytë është pushuar nga prokuroria e Shkodrës.

NGJARJA

39-vjeçarja Alma Arrazi mori me vete tre fëmijët e saj dhe u hodh në ujërat e lumit Buna në Shkodër duke i dhënë fund jetës.

Tre ditë tragjedisë, një peshkatar gjeti rastësisht trupin e njërës prej vajzave. Më pas në vendngjarje shkuan polumbarët e forcave RENEA nga Tirana, të cilët pas disa ditësh kërkime arritën që të gjejnë në vende të ndryshme trupat e tjerë, të nënës dhe dy fëmijëve të mbytur në ujë.

Policia pas kësaj ngjarje të rëndë arrestoi bashkëshortin e viktimës dhe babain e tre fëmijëve. Erdgys Arrazi ka mohuar se është ai shkaktari i vetëvrasjes së bashkëshortes dhe për rrjedhojë edhe i tre fëmijëve të mitur duke thënë se dyshimet dhe akuzat se e ka keqtrajtuar dhe dhunuar psikologjikisht apo fizikisht gruan ishin të pavërteta.

DASHI

Shumë prej jush do të përjetojnë një ditë me energji të madhe. Puna? Mund të shfaqen mundësi të reja që do t’ju çojnë në avancim në karrierë. Do të jetë një kohë e mirë për të forcuar lidhjet emocionale.

DEMI

qetësia dhe reflektimi do të jenë të nevojshme në orët në vijim. Mund të ketë disa ngadalësime në punë, por asgjë që nuk mund të kapërcehet.

BINJAKËT

Java që po fillon do të jetë plot me lajme. Sa i përket punës, do të ketë mundësi të reja për t’i shfrytëzuar menjëherë. Gjatë orëve të ardhshme, do të jeni shumë të shoqërueshëm, por do të duhet të keni kujdes që të mos kompromentoni stabilitetin tuaj emocional.

GAFORRJA

Do të përjetoni një javë vetëanalize në fund të majit – fillim të qershorit, e dobishme për të sqaruar dëshirat dhe qëllimet tuaja. Puna: mund të keni disa vështirësi. Në dashuri, do të keni nevojë për më shumë qetësi. Bisedoni me partnerin tuaj.

LUANI

Do të jeni në qendër të vëmendjes gjatë orëve të ardhshme. Puna? Iniciativat tuaja në punë do të jenë të suksesshme, falë vendosmërisë dhe karizmës suaj.

VIRGJËRESHA

Do të përjetoni një javë në fund të majit plot me reflektime. Kjo do të jetë një kohë ideale për të rishikuar prioritetet tuaja të punës dhe për të vendosur udhëzime të reja për të ardhmen.

PESHORJA

Java që po fillon do të jetë shumë pozitive për ju. Sa i përket punës, do të ketë njohje. Në dashuri do të ketë vend për takime të reja.

AKREPI

Do të përjetoni një javë plot emocione, në disa raste edhe kontrastuese. Kapitulli i Punës: Mund të ketë disa ndryshime të papritura në fytyrë, por asgjë që nuk mund të bëhet me qetësi dhe me kokë të ftohtë.

SHIGJETARI

Ddo të keni një javë shumë dinamike në fund të majit. Nga orët e ardhshme të këtij 26 maji do të jeni energjikë dhe të gatshëm të përfshiheni në çdo mundësi që ju paraqitet. Punë? Do të vijnë sfida të reja, por do t’i përballoni ato me entuziazëm.

BRICJAPI

Ashtu si pjesa tjetër e javës, do të përqendroheni në durim dhe punë të vazhdueshme. Mundësitë janë aty, por duhet të jesh strategjik për t’i shfrytëzuar ato. Stabiliteti do të jetë çelësi për të ruajtur harmoninë.

UJORI

Do të përjetoni një periudhë ndryshimesh në të cilën do të duhet të jeni gati të rishpikni veten. Yjet favorizojnë kreativitetin dhe idetë tuaja të reja. Do të keni mundësinë të afroheni edhe më shumë me personin që ju intereson.

PESHQIT

Kjo është një periudhë intensive për ju, por edhe plot mundësi. Sa i përket punës, mund të ketë disa sfida për t’u përballur, por të gjitha do të jenë të kapërcyeshme falë intuitës suaj. Gjatë orëve të ardhshme, do të jeni më romantikë se zakonisht.

Historia që është trajtuar sot në emisionin me “Zemër të Hapur” është nga më të rëndat, një 49-vjeçar baba i 4 fëmijëve ka zgjedhur të rrëfejë historinë e familjes dhe problematikat më shumë se 20 vite mes tij dhe bashkëshortes.

49-vjeçari rrëfen se është martuar me shkuesi dhe së bashku me bashkëshorten ka sjellë në jetë 4 fëmijë, të cilët sot janë të rritur mbi 20 vjeç. Burri rrëfen se që në muajt e parë të martesës zbuloi tek bashkëshortja tradhti, një tradhti shumë të rëndë mbi kufijtë e njerëzores.

Një inçest në familjen e origjinës së bashkëshortes tronditi marrëdhënien e tyre. Por kjo do të pasonte edhe më shumë problematika të tjera tradhtie, sipas burrit. Por ajo që është më e rëndë në këtë histori është se djali i çiftit ka parë shumë skena turpi në familje.

49-vjeçari: U fejuam bashkë me shkuesi. Unë kam qenë 21 vjeç, ajo ka qenë afër 18 vjeçe. Zbulova se gruaja kishte pasur eksperienca dhe e tmerrshmja ishte se eksperiencat i kishte pasur brenda familjes.

Vëllezërit e saj nuk donin që unë të pija as kafe, as të dilja e më vinte çudi. Gruaja më ka thënë se ishte viktimë e një incesti. Besoj se marrëdhënia ka qenë pa dëshirë. Ndërpreva komunikimet me kunetërit.

Bashkëshortja më tha jo kam pasur këtë e jo atë, gjente justifikime. Motra e madhe i tha gruas sime që mos trego sikur të vdesësh. I ka treguar vetëm motrës së madhe. Abuzuesi ishte pjesëtar i familjes.

Pas kësaj unë vendosa t’ja fal. E mora dhe shkova në Greqi për dy vjet e pastaj erdhëm në Shqipëri. Për 25 vite nuk kam qenë tek shtëpia e tyre. Nuk e kam dhunuar bashkëshorten. Fund martesës i ka dhënë ajo. Gruaja ka vijuar edhe më tej të njëjtën rrugë. Këto fakte të tjera i paska ditur djali.

Djali: Para 6 viteve kam qenë 12 vjeç dhe gjithmonë më kanë mbajtur me mashtrime, duke më dhënë lekë që të ikja nga shtëpia e ata bënin punët e atyre. Sa herë shkonin motrat te shkolla, mua më jepnin lekë që të ikja nga shtëpia se isha i vogël.

Në një moment unë kuptova diçka, hyra nga penxherja dhe i kam gjetur brenda. Ishte nëna ime dhe kushëriri i saj. Isha i vogël, më bërtitën, më rrahën dhe më nxorrën jashtë. Kushëriri i nënës nuk më preku, mami më rrahu. I kam zënë disa qindra herë, nga vrima e çelësit i kam parë nudo. Motrat e mia e dinë të vërtetën, por bëjnë sikur nuk e dinë.

Dy figurat që shihni në ekran, janë dy nga ekspertët e ekonomisë, jo vetëm pranë Partisë Demokratike. 

E kemi fjalën pikërisht për ish-ministrin e Financave, Ritvan Bode si dhe Dorian Teliti, koordinator i programit ekonomik pranë Partisë Demokratike. Dy burrat, mesa duket i lidh më shumë sesa profesioni si dhe bindjet djathtas.

Në një takim të rastësishëm, Bode dhe Teliti, kanë qëndruar për disa minuta së bashku, në një bisedë që duket tejet miqësore. Ajo që vumë re është fakti se ish-ministri shfaqej tërësisht ndryshe nga sa jemi mësuar ta shikojmë.

Me flokë të thinjura, ndryshe nga disa vite më parë, Bode mesa duket mban ende profilin prej zyrtari të lartë në veshje.

I veshur me një kostum formal, ai ka qëndruar në këmbë disa minuta me Telitin. Si dy ekspert të fushës, por edhe miq të mirë, jemi të sigurt që biseda mes tyre është vërtitur rreth politikës, ekonomisë, por pse jo edhe disa biseda private, si mes dy miqsh.

Ish-ministri i Financave të Partisë Demokratike, Ridvan Bode eshte anëtar në Bordin Mbikqyrës të Bankës së Shqipërisë i propozuar nga Qeveria e majtë. Pra Bode  eshte vendosur nga Vetë Rama i cili gjatë fushatës elektorale të 2013 e akuzoi si ministrin që fshihej pas aferës korruptive të Lotarisë Kombëtare duke premtuar ndëshkimin e tij pas ardhjes në pushtet. Bode u padit gjithashtu nga ILDKPIK për fshehje pasurie dhe pastrim parash pas deklarimit të fundit si ministër ku rezultonte se ai posedonte rreth 1.2 miliard lekë pasuri, kryesisht në emër të gruas së dytë, e maskuar si investime në bono thesari. Gjithashtu ish-ministri i Financave, Shkëlqim Cani, pas hyri në zyrën e Bodes bëri gati denoncimin të cilin më pas e tërhoqi. Cani paralajmëroi sistematikisht se do të çonte Ridvan Boden në prokurori për shkeljen e kufirit të borxhit të parashikuar në ligj, për fshehjen e borxhit, abuzimeve me rimbursimin e TVSH etj, për dëme ndaj shtetit që kapnin shifrën e 700 milion eurove.

Turistët po anulojnë ose shtyjnë udhëtimet e tyre në Japoni pas një profecie shqetësuese nga një grua që është përshkruar si “Baba Vanga e Japonisë”.

Baba Vanga, fallxhoreja e verbër bullgare që vdiq në vitin 1996, u bë e famshme për parashikimet e saj të kobshme, por të sakta, siç janë sulmet e 11 shtatorit dhe vdekja e Princeshës Diana. Sot, Ryo Tatsuki, e cila nga shumë njerëz quhet versioni japonez i Baba Vangës, po paralajmëron për një fenomen natyror që do të ndodhë në korrik të vitit 2025. Siç deklaroi ajo, “një çarje do të hapet nën shtratin e detit midis Japonisë dhe Filipineve, duke shkaktuar valë tre herë më të larta se ato të tërmetit të Tohoku-s”, sipas CNN.

Turistët po anulojnë udhëtimet e tyre jashtë vendit pasi një fallxhore e quajtur ‘Baba Vanga e Japonisë’ bëri një parashikim të tmerrshëm.

“Rezervimet për në Japoni u ulën me 50%”

Ndërsa afrohet data, mijëra udhëtarë që kishin planifikuar pushimet në Japoni për korrik po anulojnë ose shtyjnë udhëtimet e tyre. CN Yuen, drejtor ekzekutiv i agjencisë së udhëtimit WWPKG në Hong Kong, tha se rezervimet për në Japoni ranë me 50% gjatë periudhës së Pashkëve.

Shqetësimi është më intensiv në Kinë dhe Hong Kong, burimi i dytë dhe i katërt më i madh i turistëve për Japoninë, ndërsa vende të tilla si Tailanda dhe Vietnami janë gjithashtu të prekura, ku mediat sociale janë mbushur me parashikimet e Tatsukit.

Situata u përkeqësua kur ambasada kineze në Tokio lëshoi ​​një paralajmërim zyrtar për qytetarët e saj në fund të prillit, duke u kërkuar kujdes kur udhëtojnë, studiojnë ose blejnë pasuri të paluajtshme në Japoni.

Autoritetet japoneze po përpiqen të kontrollojnë panikun e njerëzve, duke i përshkruar parashikimet si “thashetheme të pakonfirmuara”. “Do të ishte një problem serioz nëse përhapja e thashethemeve joshkencore do të ndikonte në turizëm”, tha guvernatori i Miyagit, Yoshihiro Murai. “Nuk ka arsye për t’u shqetësuar.” Japonezët nuk do të largohen nga vendi. “Shpresoj që vizitorët do t’i injorojnë thashethemet.”

Parashikimet më të famshme të “Baba Vangës japoneze”

Parashikimi më i famshëm dhe i saktë i Tatsukit ishte ai i tërmetit të marsit 2011, ku Japonia u godit nga një tërmet me magnitudë 9.1 dhe një cunami që vrau më shumë se 18,000 njerëz.

Thuhet gjithashtu se Tatsuki ka parashikuar:

Vdekjen e Freddie Mercury, të cilin ai e “pa” në ëndërr më 24 nëntor 1976, saktësisht 15 vjet para se këngëtari të vdiste në të njëjtën datë.

Vdekja e Princeshës Diana përmes dy vizioneve të ndryshme.

Tërmeti i Kobe-s i vitit 1995, i dyti më vdekjeprurës i shekullit të 20-të.

Në një fragment nga libri i saj, ajo shkroi se “25 vjet nga tani, një virus i panjohur do të shfaqet në vitin 2020, do të arrijë kulmin në prill dhe do të rishfaqet 10 vjet më vonë”, duke përforcuar pikëpamjen se ajo kishte parashikuar pandeminë Covid-19.

Vlen të përmendet se Japonia ndodhet në një nga rajonet më sizmikisht aktive në planet, të ashtuquajturin “Unaza e Zjarrit” dhe shkencëtarët vlerësojnë se ka një shans prej 80% që një tërmet i madh të ndodhë në zonën e Nankai Trough brenda 30 viteve të ardhshme.

Japonia ndodhet direkt në Unazën e Zjarrit të Paqësorit, një brez me aktivitet të fortë sizmik. Një nga rajonet më të rrezikshme është seksioni prej 900 kilometrash i njohur si Nankai Trough, i cili prodhon megatërmete një herë në 100 deri në 200 vjet.

Ajo nuk është e vetmja që po jep alarmin.

Ryo Tatsuki thotë se filloi të shihte ëndrra profetike në fillim të viteve 1980. Edhe pse shumë janë skeptikë ndaj saj, pasi ajo vetë ka pranuar se disa ëndrra janë simbolike, disa nga parashikimet e saj që janë bërë realitet kanë krijuar një valë globale shqetësimi.

Në fakt, edhe fallxhorët nga Hong Kongu dhe Japonia po paralajmërojnë për një ngjarje katastrofike në korrik 2025. Mësuesi i Feng Shui Qi Xian Yu, i njohur edhe si “Mjeshtri Shtatë”, ka parashikuar se viti i ri (i Gjarprit) do të sjellë tërmete, zjarre dhe rrëzime aeroplanësh. Në fakt, ai rekomandoi shmangien e udhëtimeve në Japoni dhe Korenë e Jugut.

Siç duket, një profeci e thjeshtë mjafton për të prishur jo vetëm turizmin, por edhe psikologjinë e mijëra udhëtarëve.

Top Channel

Si një nga artistët më të dashur për publikun, por edhe më aktivi në produksione, Gena, nuk kishte sesi të mungonte në ‘Netët e Klipit Shqiptar’.

Këngëtari ishte i shoqëruar nga partnerja e tij, dhe çifti duken se e kanë shijuar shumë këtë mbrëmje. Por ashtu edhe si ‘zakoni’ e do, disa foto nga ky aktivitet nuk kishin sesi të mungonin.

Por veçmas fotografëve të shumtë që ishin prezentë, duket se partnerja e Genës, ka zgjedhur që disa foto të bëhen edhe nga vetë këngëtari. Teksa biondja simpatike pozon te, Gena, si një fotograf amator, shkrepte fotot me telefon.

Jemi të sigurt që këngëtari edhe mund të jetë lodhur pak nga kjo ‘punë’ që i është besuar, por rezultati ka qenë besojmë i pëlqyeshëm. Kujtojmë se Gena dhe partnerja e tij janë ndër çiftet më jetëgjate në showbiz.

Ndonëse preferon që artisti të ruajë një profil të ulët në media, kur është i ftuar në aktivitete, ai është gjithnjë i shoqëruar nga bashkëshortja, duke shijuar së bashku mbrëmjen. Ashtu si ka ndodhur edhe në eventin ‘Netët e Klipit Shqiptar’.

Gena zbuloi se me Lorenën është njohur në një nga lokalet ku ai performonte, dhe ajo kishte shkuar me njerëz të afërt të saj. Gena tregoi se Lorena jetonte jashtë ndaj ishte treguar paska indiferente ndaj performancës së tij. Sjellja e saj i kishte bërë përshtypje këngëtarit duke bërë që ai të interesohej për të

Prej atij momenti ata filluan të dilnin dhe tashmë prej 14 vitesh jetojnë së bashku një histori shumë të bukur dashurie. Gena dhe Lorena janë kudo bashkë pasi ajo merret me menaxhimin e këngëtarit dhe kujdeset që çdo gjë të shkojë siç duhet. “Është shumë kërkuese dhe e prirë për këtë punë”, tha ai.

Teksa u pyet se cilën prej këngëve të tij pëlqen bashkëshortja, ai tha se i pëlqejnë baladat dhe këngët që kanë tekst. “E gjen veten në muzikën dhe këngët e vërteta”, shtoi ai.

Gena zgjodhi ta përshëndesë Lorenën në “Dola te Ola” me këngën që ata janë njohur “Sa lot kam derdhur”, duke i dhuruar një kujtim të bukur jo vetëm asaj por edhe vetes.

Teksa rrugëtoi nëpër kujtime me anë të fotografive Gena e cilësoi fëmijërinë e tij si shumë të bukur duke zbuluar se dëshira e tij ka qenë të bëhej oficer. Ai zbuloi gjithashtu se i pëlqente shumë piktura, ndërkohë që për lidhjen me muzikën tha se si fillim nisi me baterinë dhe më pas kaloi te muzika.

Gjatë programit Gena ndau kujtime të bukura edhe nga shoqëria e tij me vëllezërit korçarë, duke treguar se si fillim ata janë bërë bashkë në aktivitetet e ndryshme që zhvilloheshin në Korçë dhe më pas mes tyre lindi një miqësi të ngushtë, e cila ndër vite është forcuar. “Tashmë nuk ka festë që mos të jemi bashkë”, thanë djemtë.

Gena kujtoi edhe momente që ka kaluar me artistë të tjerë si Aurela Gaçe, Eli Fara, Aleksandër Gjoka, Elton Deda e shumë të tjerë.
Këngëtari teksa foli edhe për projektin e tij më të fundit muzikor “Zemrën ma ke marr”, një bashkëpunim me Klementin, zbuloi se gjatë pandemisë ka bërë 7 këngë. “I kam bërë vetë që nga muzika e deri te teksti”, tha këngëtari duke specifikuar se kompozimin e tyre e ka realizuar për vetëm 2 javë.

Mysim Murrizi, një nga politikanët më popullorë, të drejtëpërdrejtë dhe anti-komunistët që i ka mbetur të djathtës, përmes një postimi në rrjetin social Facebook, ka shprehur bindjen se në shtator do të jetë në Parlament. Edhe pse para tij renditen Ilir Alimehmeti, Ilir Meta dhe Asllan Dogjani, Murrizi paralajmëron se deri në shtator do të ketë shumë lëvizje, duke nënkuptuar arrestime dhe dënime të emrave në listën e hapur dhe të mbyllur të PD-së në Tiranë.

Ilir Meta dhe Asllan Dogjani, të cilët renditen para Murrizit, i pari është në burg për korrupsion dhe shpërdorim, kur pritet të dënohet, ndërsa i dyti është marrë i pandehur nga SPAK për mosdeklarim pasurie.

Në listën e mbyllur, Fatmir Mediu mund të dënohet për Gërdecin, ndërsa Sali Berisha është dërguar në gjyq për korrupsion. Nuk përjashtohet arrestimi i Flamur Nokës nga SPAK pasi është nën hetim për fshehje pasurie dhe korrupsion. Belind Këlliçi është gjithashtu nën hetim nga SPAK.

Në rubrikën satirike të Gazetës Tema, Antena brenda familjes, shkruhet se pas postimit të Murrizit është alarmuar Flamur Noka, i cili ka thirrur me urgjencë për konsultë Alfred Lelën, këshilltarin e dytë strategjik në PD pas ‘Latifit’.

Postimi i plotë i Mysim Murrizit

Pas hedhjes ne sistem te qendres se votimit nr 1531/00 qe nuk ishte hedhur nga KQZ, shkuam 7289 vota dhe numri 3 nga lista e PD ose numri 4 me gjith Partine e Lirise ne liste.

Deri ne 10 shtator do te kete levizje te tjera te papritura edhe pse HAJDARI nuk e beson.

Kur kam deklaruar publikisht se shum shpejt 7289 VOTUES TE LIRE do te kene perfaqesuesin e TYRE ne Parlament, as kam hamendesuar e as kam fluturuar si shum delirant politik qe enderronin se do ti votonin QYTETARET pse i mbeshtetnin pseudo-kryetaret qe nuk kishin dhe nuk kane asnje peshe reale ne deget e partis qe vegjetojne si demek “ kryetar”.

Dhe une kam bere fushat vetem me QYTETARET pa vd coll dhe pa pir kafe me asnje “ udheheqes” me “ paparac” nga pas qe tu percillja strukturave mesazhin qe “ udheheqa” vdes per mua.

Ehhhhh sa ujra do rrjedhin ne kete vere te “ nxehte” sa do habiten te gjith HAJDARET dhe HAJDARESHAT qe mashtrojne sikur din shum e din çdo gje.

PS: Meqe mu merziten 6 FASLLI nga zonat Vore, Kashar, Vaqarr, Baldushk, e ndryshova emrin. Ishalla nuk ka HAJDAR qe do merzitet!

Operacioni po mbikëqyret nga Chris LaCivita, bashkë-menaxheri i fushatës së Trump për vitin 2024, dhe Tony Fabrizio, anketuesi i presidentit prej kohësh. Ekzistojnë edhe entitete të tjera, duke përfshirë Never Surrender, PAC-in e riemëruar të lidershipit të Trump, dhe grupe të jashtme si Building America’s Future, e mbështetur nga Elon Musk, të cilave LaCivita dhe Fabrizio u janë bashkuar gjithashtu si këshilltarë të lartë….

Mes një breshërie urdhrash ekzekutivë, udhëtimesh jashtë vendit dhe shpalljeve që shkatërrojnë normat, Donald Trump ka qenë gjithashtu i zënë duke mbledhur para.

Presidenti ka grumbulluar një fond ndihme prej të paktën 600 milionë dollarë në donacione politike përpara zgjedhjeve të mesit të mandatit, sipas tre personave të njohur me këtë çështje. Është një shumë e paprecedentë në politikën moderne, veçanërisht për një president, të cilit Kushtetuta e SHBA-së i ndalon të kandidojë përsëri.

Trump po mban një ritëm agresiv të mbledhjes së fondeve me qëllimin përfundimtar për të grumbulluar 1 miliardë dollarë ose më shumë që do të shërbejnë për të mbështetur axhendën e tij dhe për të mbajtur seancat e Dhomës së Përfaqësuesve dhe Senatit nëntorin e ardhshëm, sipas njerëzve, të cilët folën në kushte anonimiteti për të ndarë detaje të brendshme të përpjekjeve për mbledhjen e fondeve.

Preokupimi me mbledhjen e fondeve mund të duket shumë i pazakontë për një president, i cili ishte dukshëm kundër fitimit të parave kur kandidoi për herë të parë. Por sipas njerëzve të njohur me mënyrën e tij të të menduarit, kjo ka kuptim të plotë: duke grumbulluar para, Trump grumbullon pushtet.

Trump është i etur të përmbysë valën e demokratëve që vazhdimisht i tejkalojnë kandidatët republikanë dhe dëshiron të maksimizojë ndikimin e tij si president. Çdo para që do të mbetet pas mandatit të tij mund ta ndihmojë atë të ruajë një ndikim të madh mbi Partinë Republikane, duke çimentuar statusin e tij si vendimtari më me ndikim – dhe mbrojtësi i saj potencial – deri në vitin 2028 dhe më tej.

“Është një levë ndikimi”, tha Marc Short, i cili shërbeu si drejtor i çështjeve legjislative të Trump gjatë mandatit të tij të parë dhe më vonë si shef i stafit të zv.presidentit Mike Pence. “Është një pasqyrim i pushtetit që ai ende mban.”

Brenda operacionit financiar të Trumpit

Një ditë pas fitores në zgjedhjet e nëntorit, Trump filloi të telefononte stafin e lartë me një plan të habitshëm, sipas dy personave që kishin dijeni për bisedat. Ai donte të fillonte të mblidhte përsëri para, menjëherë, jo vetëm për tranzicionin dhe inaugurimin e tij, por edhe për komitetet politike që do të demonstronin ndikimin e tij gjatë gjithë mandatit të tij të dytë.

Trumpi u telefonoi vetë donatorëve. Njëri prej tyre e përshkroi mesazhin si “dyfisho”. Nëse një donator kishte dhënë 1 milion dollarë para zgjedhjeve, Trumpi donte edhe 1 milion dollarë të tjerë tani.

Njerëzit në orbitën e Trump e përshkruajnë atë si dikë me një ndjenjë të fortë të kohës, dhe ai e dinte se ndikimi i tij ishte në kulm menjëherë pas fitores në zgjedhje. Ai ende nuk kishte marrë ndonjë vendim për personelin ose politikat që mund të alienonte elektoratin kryesor, dhe nuk kishte mungesë njerëzish që donin të bashkoheshin me ekipin fitimtar.

Ai ka vazhduar të mbledhë para me një ritëm të shpejtë duke qenë president, duke qenë kryesues i një sërë aktivitetesh për mbledhje fondesh me vlerë të lartë, duke përfshirë një event me vlerë 1.5 milion dollarë për person më 5 maj në Klubin Kombëtar të Golfit Trump në Virxhinia për “inovatorët e kriptovalutave dhe inteligjencës artificiale” dhe një “darka me qirinj” në Mar-a-Lago, rezidencën e tij në Florida më 1 mars dhe 4 prill.

Demokratët dhe organet mbikëqyrëse të financimit të fushatave janë ankuar prej kohësh për përzierjen e punëve zyrtare me ato të fushatës nga Trump.

Paratë shpërndahen në një numër komitetesh të ndryshme, duke përfshirë MAGA Inc., super PAC-in e Trump-it prej shumë kohësh, dhe Securing American Greatness, një organizatë jofitimprurëse 501(c)(4) që në fillim të këtij muaji filloi transmetimin e një reklame që mbështeste axhendën ekonomike të Trump-it dhe inkurajonte miratimin e planit të tij tatimor “për ta rikthyer ekonominë tonë në rrugën e duhur”.

Operacioni po mbikëqyret nga Chris LaCivita, bashkë-menaxheri i fushatës së Trump për vitin 2024, dhe Tony Fabrizio, anketuesi i presidentit prej kohësh. Ekzistojnë edhe entitete të tjera, duke përfshirë Never Surrender, PAC-in e riemëruar të lidershipit të Trump, dhe grupe të jashtme si Building America’s Future, e mbështetur nga Elon Musk, të cilave LaCivita dhe Fabrizio u janë bashkuar gjithashtu si këshilltarë të lartë.

Gjithashtu, do të mblidhen fonde për bibliotekën presidenciale të Trump dhe gati 240 milionë dollarët e mbledhur për festimet e inaugurimit të tij.

Një nga qëllimet e grupeve është të mbështesin axhendën e Trump dhe të ndihmojnë në shtyrjen përpara të prioriteteve të tij legjislative përmes Kongresit. Securing American Greatness planifikon të shpenzojë më shumë se 10 milionë dollarë për reklamën e saj, e cila është transmetuar në të gjithë vendin.

Megjithatë, shumica po mbahen në rezervë, ndërsa përgatiten të shpenzojnë shumë në zgjedhjet paraprake dhe të mesit të mandatit të vitit 2026, me një fokus të veçantë në ruajtjen dhe zgjerimin e shumicës së republikanëve në Dhomën e Përfaqësuesve. Ndihmësit po synojnë reklamat, tubimet dhe udhëtimet për të mbështetur kandidatët e favorizuar. Ata gjithashtu mund të sfidojnë republikanët në detyrë që e kanë kundërshtuar presidentin ose nuk kanë arritur të mbështesin axhendën e tij.

Trump e ka bërë të qartë se synon të luajë një rol të jashtëzakonshëm në zgjedhjet e mesit të mandatit të vitit të ardhshëm dhe tashmë ka filluar të lëshojë një mori mbështetjesh në garat në të gjithë vendin.

Në vitin 2018, republikanët humbën kontrollin e Dhomës së Përfaqësuesve në mandatin e tij të parë ndaj demokratëve, të cilët më pas bllokuan pjesën më të madhe të axhendës së Trump dhe më pas e shkarkoi atë dy herë, së pari në vitin 2019 për shkak të përpjekjeve të tij për të ushtruar presion mbi Ukrainën që të hetonte ish-Presidentin Joe Biden, dhe më pas për rolin e tij në kryengritjen në Kapitol pasi humbi zgjedhjet e vitit 2020.

Trump, sipas njerëzve të njohur me mënyrën e tij të të menduarit, është veçanërisht i përqendruar në shmangien e një tjetër shkarkimi dhe në ruajtjen e pushtetit të tij deri në fund të mandatit të tij të dytë.

“Do të jem shumë aktiv”, tha Trump për planet e tij për zgjedhjet e mesit të mandatit në një intervistë të kohëve të fundit në “Meet the Press”, ku vuri në dukje se “ka mbledhur shumë para për kongresmenë dhe senatorë që mendoj se janë njerëz vërtet të mirë”.

Trump dhe ndihmësit e tij janë të vetëdijshëm se partia në pushtet zakonisht humbet vende në zgjedhjet e mesit të mandatit. Por ata shpresojnë që duke rritur shpenzimet përpara demokratëve, mund ta ndërpresin këtë trend.

“Nuk do ta lejojmë që kjo të jetë një profeci vetëpërmbushëse”, tha Trump në Darkën vjetore të Presidentit të Komitetit Kombëtar Republikan të Kongresit muajin e kaluar.

Ai po përdor gjithashtu leva zyrtare të pushtetit kundër demokratëve përpara zgjedhjeve të mesit të mandatit, përfshirë një urdhër ekzekutiv që kërkon ndryshime të menjëhershme në mënyrën se si zhvillohen zgjedhjet. Ai urdhëroi Departamentin e Drejtësisë të hetojë ActBlue, platformën e mbledhjes së fondeve që ka fuqizuar shumë fushatat demokrate.

Mbetet për t’u parë se sa do të shpenzojë në fund të fundit Trump për kandidatët e tjerë. Presidenti ka një histori të gjatë të të qenit koprrac me paratë e tij, duke zgjedhur në vend të kësaj të ushtrojë ndikimin e tij duke dhënë mbështetje dhe duke organizuar tubime që i japin energji bazës republikane.

Në vitin 2022, ndërsa Trump përgatitej të kandidonte përsëri për president, republikanët ankoheshin vazhdimisht se ai po grumbullonte para për vete dhe nuk po shpenzonte më shumë për kandidatët e mbështetur prej tij.

Në fund, MAGA Inc. shpenzoi 19 milionë dollarë gjatë zgjedhjeve të mesit të mandatit të vitit 2022 , kryesisht kundër demokratëve, përfshirë 3.4 milionë dollarë që synonin tani kandidatin John Fetterman të Pensilvanisë, 3 milionë dollarë kundër kandidatit Mark Kelly të Arizonës dhe 3.4 milionë dollarë kundër kandidatit Raphael Warnock të Xhorxhias. Të tre fituan garat e tyre për në Senat kundër kandidatëve të favorizuar nga Trump.

Kjo shumë u eklipsua shumë nga 260 milionë dollarët e shpenzuar nga Fondi i Lidershipit të Kongresit dhe 290 milionë dollarët e shpenzuar nga Fondi i Lidershipit të Senatit, krahët e fushatës së republikanëve të Dhomës së Përfaqësuesve dhe të Senatit.

Megjithatë, këtë herë, një nga njerëzit e njohur me operacionin e tij tha se nuk do të habiteshin nëse grupet e Trumpit do të shpenzonin më shumë se ata. Ata që mendojnë se Trumpi do të jetë më bujar thonë se ai nuk ka shumë të bëjë me paratë, edhe pse ai mediton publikisht rreth përpjekjes për të kandiduar për një mandat të tretë në kundërshtim me Amendamentin e 22-të të Kushtetutës.

Të tjerë janë më skeptikë.

Në Komitetin Kombëtar të Senatit Republikan, për shembull, stafi u ka theksuar zyrtarëve në detyrë se prej tyre pritet të ndërtojnë operacionet e tyre profesionale, me staf dhe infrastrukturë të mjaftueshme, në mënyrë që të mos kenë nevojë të mbështeten te presidenti ose te grupe të tjera të jashtme për ndihmë.

“Do të shokohesha nëse kjo ndryshon”, tha Short, ish-ndihmës i Trump dhe Pence, duke shtuar “nuk mendoj se dikush është ulur aty duke medituar: ndoshta ai do të më japë pak nga kjo”. /Përshtati Pamfleti nga The Associated Press/

Për Inis Gjonin koha ka ndaluar. Regjisorja është padyshim ndër imazhet më të bukura të vendit tonë, ku pavarësisht viteve që kalojnë, ajo vijon të duket gjithnjë sharmante.

Paraqitja e saj tek tapeti i kuq i festivalit “Netët e Klipit Shqiptar”, ka qenë si gjithnjë chis dhe plot sharm. E veshur me një kostum të zi, Inisi konfirmoi edhe njëherë se mbetet ndër femrat më të bukura të vendit tonë.

E tashmë, që vajza e saj, Coco Antonel është rritur, të dyja janë gjithnjë së bashku. Duket se kështu ka ndodhur edhe këtë herë, ku Coco ka qenë së bashku me mamanë e saj në parakalimin e tapetit të kuq.

E teksa vogëlushja rritet, tashmë edhe mund ti shërbejë mamasë së saj. momenti që është shkrepur nga paparaci ynë, tregon pikërisht këtë, kur Coco ka qenë duke i bërë disa foto mamasë së saj. Duke pasur parasysh imazhin e Inisit, jemi të sigurta që fotot kanë qenë të mrekullueshme.