Month: May 2025

Trupi i një 36-vjeçari shqiptar është gjetur i varur në gjendje të avancuar dekompozimi në një nagazinë në Tyrnavos. Trupi i të riut, i cili punonte në bujqësi në zonë, është gjetur mbërmjen e së dielës dhe viktima është identifikuar nga miqtë e tij që ishin vendosur në kërkim të 36-vjeçarit prej ditësh.

Sipas mediave greke, autoritetet e shtetit fqinj kanë nisur tashmë procedurat për të informuar familjen e tij në Shqipëri.

Trupi i 36-vjeçarit u gjet në një nagazinë pranë një rruge, në një zonë që nuk ishte lehtësisht e dukshme.

Zbulimi u bë nga një qytetar, i cili ruante materiale ndërtimi në një parcelë toke pranë magazinës dhe ndjeu një aromë të fortë.

Shqiptari u gjet i varur me një litar shumë të hollë, të ngjashëm me atë që përdoret te hardhitë. Raportohet se litari ishte prerë, duke bërë që trupi i tij të përfundonte në dyshemenë e magazinës, e cila duket se është përdorur herë pas here si strehim nga të huaj.

Trupi ishte në dekompozim të avancuar, gjë që tregon se vdekja kishte ndodhur të paktën 5 ditë para se kufoma të gjendej. Autoritetet menjëherë shkuan në vendngjarje dhe po kryejnë një hetim për rrethanat e vdekjes, pa përjashtuar as mundësinë e një ngjarje kriminale.

Trupi u dërgua në Shërbimin Mjekësor Ligjor të Larisës për një autopsi, me qëllim përcaktimin e saktë të shkaqeve dhe kohës së vdekjes.

Pak ditë pasi mori pjesë në samitin e Tiranës, ku u ul në tryezë me liderët e Europës dhe u prit nga Kryeministri i Shqipërisë, Edi Rama, Presidenti serb, Aleksandër Vuçiç, zgjodhi një tjetër skenë për t’i dhënë një “urdhër” simbolik trajnerit të kombëtares serbe, Dragan Stojkoviç, që ta mundë Shqipërinë në ndeshjen e 7 qershorit, duke treguar se pas buzëqeshjeve diplomatike, rivaliteti i vjetër jeton ende në fushë.

Në një tubim të partisë (SNS), Vuçiç falënderoi publikisht trajnerin e kombëtares serbe të futbollit, Stojkoviç, për mbështetjen e tij të hapur politike.

Por ajo që tërhoqi më shumë vëmendje ishte një deklaratë me tone të ashpra sportive, që në thelb mbante një ngarkesë politike: “E pashë pak më parë dhe tani e shoh që është këtu, ju lutem duartrokitni fort trajnerin serb Dragan Stojkoviç, një legjendë e Nishit, i cili nuk u fsheh si shumë të tjerë dhe erdhi të jetë me ne këtu. Në qershor luani atje kundër Shqipërisë, për t’i mposhtur ata!”, tha Vuçiç nga skena, me një mesazh që i ngjante më shumë një urdhri sesa një urimi.

Gjatë asaj kohe, Stojkoviç i buzëqeshi dhe përtypi çamçakëz, ndërsa kamerat ishin të drejtuara nga ai. Deklarata e Presidentit vjen pikërisht në prag të ndeshjes Shqipëri-Serbi, që do të zhvillohet më 7 qershor, një përballje gjithmonë e ndjeshme për shkak të historisë së tensionuar mes dy vendeve.

Në këtë sfond, deklarata e Vuçiç bën kontrast të fortë me tonin e matur që e shoqëroi gjatë samitit të Tiranës. Duket se diplomacia e buzëqeshjeve nuk e zëvendëson dot plotësisht gjuhën e vjetër të rivalitetit, sidomos kur hyn në lojë sporti, një arenë ku emocionet kombëtare shfrytëzohen shpesh si mjet për përforcim të mesazheve politike.

Ish-kryeministri, Sali Berisha do të gjykohet për korrupsion. Gjykata e Posaçme kundër krimit të organizuar dhe korrupsionit ka miratuar dosjen e SPAK për çështjen e ish-Kompleksit Partizani dhe fillimin e gjykimit për Berishën, dhëndrin e tij Jamarbër Malltezi dhe tre të pandehur të tjerë.

Avokati Arbër Hoxha, në një intervistë në një emision televiziv, u shpreh se tashmë do të jetë një trupë gjyqësore pre 3 gjyqtarësh që do ta gjykojnë çështjen në themel.

Gjithashtu ai u shpreh se do të thirren për të dëshmuar të gjithë të pandehurit. Avokati theksoi se procesi për këtë çështje, është një proces që sipas tij do të zgjasë dhe se mund të marrë një vit e gjysmë apo dy vite kohë.

“Një vendim i tillë ka të bëjë me dërgimin e çështjes në gjyq. Tani do të jetë një trupë gjyqësore prej 3 gjyqtarësh që do ta gjykojë çështjen në themel. Tani do të zhvillohet gjykimi normal në themel i çështjes. Gjykimi është publik, dhe zhvillimi do të jetë me dy etapa. Si rregull është me dyer të hapura, por për një apo dy seanca mund të jetë me dyer të mbyllura. Besoj që do të jetë një proces që do të zgjasë edhe duke qenë se kanë hyrë me ritin e gjykimit të zakonshëm. Ligji është nga katër deri në 12 vite burgim, por kjo mbetet për t’u parë se si do të ecë procesi dhe kemi ende shumë kohë për të arritur deri te përmasa e dënimit”, tha ndër të tjera ai.

Avokati Spartak Ngjela deklaroi në një studio televizive se situata penale e ish-kryeministrit Sali Berisha po përkeqësohet dita-ditës, sidomos pas vendimit të GJKKO-së, e cila e kaloi çështjen e njohur si “dosja Partizani” për gjykim. Sipas tij, kjo përbën një zhvillim serioz për liderin aktual të Partisë Demokratike, që tashmë është edhe i pandehur zyrtarisht nga SPAK.

Ngjela theksoi se kriza e thellë në PD buron pikërisht nga vetë Berisha:

“Ka konfliktim mes lidershipit dhe kryetarit. Kryetari është i dëmtuar nga goditjet, shpallja non grata, nën akuzë penale, sot ka qenë edhe në gjyq. Kriza e PD-së dhe ajo politike është e krijuar nga Saliu, ai është autori, sepse shpreson mes saj të shpëtojë.”

Ai theksoi se në rast dënimi, Berisha do të përjashtohet përfundimisht nga politika, sipas ligjit dhe Kushtetutës:

“Nëse dënohet, edhe sikur një apo dy vite, ikën nga politika. E ka ligji. Kjo është logjika juridike.”

Ngjela komentoi gjithashtu rezultatin e zgjedhjeve të 11 majit, ku PD regjistroi rezultatin më të dobët në historinë e saj:

“PD mori përqindjen më të vogël që nga 1992 deri sot, një rënie historike. Nëse nuk ndryshojnë kryetarin, Rama mund të rizgjidhet sërish. Populli zgjodhi të keqen më të vogël.”

Sipas tij, mënyra e vetme që PD të rikthehet në pushtet është përmes zgjedhjes së një lideri të pakorruptuar:

“PD duhet të gjejë një figurë që i sjell në pushtet, të jetë i pakorruptuar. Kështu ngrihet shpejt. Saliu është anormalitet. Votimi është vullnet politik, ia dhanë të majtës. Nëse merresh me ‘ma vodhën’, është e kotë – këtë bën Saliu.”

Pavarësisht kritikave dhe kundërshtimeve të brendshme, administrata e Presidentit amerikan, Donald Trump, duket se ka rënë dakord të pranojë një avion privat superluksoz Boeing 747-8, dhuratë nga familja mbretërore e Katarit.

Avioni, i cili vlerësohet rreth 400 milionë dollarë, është një “pallat fluturues” me ambiente të stilit mbretëror, dizajnuar nga firma e njohur franceze “Alberto Pinto Cabinet”.

Ky avion privat përfshin një dhomë gjumi kryesore, një dhomë për mysafirë, dy tualete të mëdha me dushe, nëntë tualete më të vogla, pesë kuzhina të vogla dhe një zyrë personale.

Dekori përfshin kolltukë të mëdhenj lëkure, më shumë se 40 televizorë (përfshirë 10 ekrane të mëdhenj), si dhe mure me ngjyrë ari që kujtojnë stilin e Trump Tower në Manhattan.

Avioni, që më parë përdorej nga një divizion i Qatar Airways për transportimin e familjes mbretërore dhe zyrtarëve shtetërorë, mund të mbajë rreth 90 pasagjerë dhe 14 anëtarë ekuipazhi.

Ai ka një autonomi fluturimi prej rreth 12 450 kilometrash dhe një shpejtësi maksimale prej 1062 km/h, duke e bërë më të shpejtë dhe më efikas se Air Force One aktual.

Trump deklaroi në Truth Social se ky avion do të shërbejë si zëvendësim i përkohshëm për Air Force One derisa të përfundojnë avionët e rinj presidencialë që po ndërtohen nga Boeing.

Megjithatë, projekti i Boeing ka hasur në vonesa të mëdha dhe tejkalime të mëdha të buxhetit, duke bërë që përfundimi i tij të shtyhet deri në vitin 2027.

Por edhe avioni luksoz nga Katari do të duhet të pësojë një transformim të thellë për të përmbushur kërkesat e sigurisë dhe komunikimit të një avioni presidencial.

Kompania amerikane e mbrojtjes L3Harris është përzgjedhur për ta pajisur me teknologji të avancuar për mbrojtje, komunikim satelitor dhe mbrojtje ndaj valëve bërthamore në rast lufte.

Një nga figurat e njohura, Ina Kollçaku, ka surprizuar ndjekësit duke ndarë për herë të parë momente intime me partnerin e saj. Nëpërmjet disa postimeve në Instagram, ajo ka zbuluar një anë më personale të jetës së saj, duke u shfaqur e buzëqeshur pranë të dashurit në çaste të ëmbla.

Reagimet nga fansat nuk kanë munguar: pëlqimet dhe komentet mbështetëse kanë vërshuar menjëherë, ndërsa ndjekësit kanë shprehur gëzimin e tyre për këtë hap të ri në jetën e Inës.

Megjithëse nuk ka dhënë ende shumë detaje mbi lidhjen, ndjekësit janë kuriozë të mësojnë më shumë rreth partnerit të saj.

Fredi Beleri tregoi për “Shqipëria Live” se kryeministri grek, Kyriakos Mitsotakis e priste fitoren e Ramës në zgjedhje.

Ai gjithashtu kritikoi dhe opozitën për këtë humbje të thellë, duke u shprehur se duhet të mbajnë të gjithë përgjegjësi, i pari Berisha.

“Të dielën votojnë PS, të hënën kërkojnë vizë për Europë. Të njëjtët njerëz. Nuk është normale, opozita duhet të bëjë gjithçka. Qoftë dhe dorëheqjen e kryetarit që të sensibilizohet populli. Të ndryshojë situata. Nëse rezultati nuk arrihet, atëherë duhet të mbajnë përgjegjësi të gjithë, i pari kryetari.

Unë jam te komisioni parlamentar BE-Shqipëri. Sa herë që të bëjë komisioni ynë mbledhje , do jem i pranishëm. Nëse do të jetë Rama aty, atëherë fatkeqësisht do e kem përballë. Nuk mund të ankohen për Ramën se vetë e votuan.

Mitsotakis e priste që Rama do fitonte. Ai thotë që neve nuk na duhet kush do jetë. Mitsotakis është dashamirës i Shqipërisë dhe një nga kryeministrat që i dëgjohet zëri në Europë. Shpresoj që të normalizohen marrëdhëniet. Nëse shqiptarët janë të kënaqur me rezultatin, me kandidatë të rinj që shpartallojnë ish-ministrat në zgjedhje, atëherë Mitsotakis është i kënaqur”, u shpreh Beleri./Shqipëria Live

Nga Paolo Fox

Dashi

Në këto 24 orë do të keni një qiell të shkëlqyer dhe mbi të gjitha një vullnet të madh për të vepruar: do të rizbuloni dëshirën për të bërë. Ata që po merren me projekte të shumta me njerëz të ndryshëm po ia dalin gjithashtu mirë. Në dashuri, nëse keni të bëni me Gaforren, Peshoren dhe Bricjapin, ndonjëherë ndiheni sikur po bëni gjithçka vetëm dhe do të dëshironit më shumë bashkëpunim.

DEMI

Sipas horoskopit të Paolo Fox (e martë, 20 maj 2025), ngjarjet e muajve të fundit kanë ndryshuar në mënyrë të pashmangshme diçka në jetën tuaj dhe kanë fshirë siguritë e rreme të së kaluarës! Je ende pak nervoz, veçanërisht në pjesën e parë të kësaj të marte, por Hëna është gati të ndryshojë shenjë. I qetë.

BINJAKËT

Të dashur Binjakë, shfrytëzojeni sa më shumë këtë mëngjes të së martës, pasdite mund të keni përqendrim të dobët ose rrezikoni të zemëroheni. Shmangni të qëndroni zgjuar deri vonë, Hëna në opozitë mund të krijojë disa pengesa ose shqetësime.

GAFORRJA

Pjesa e dytë e ditës do të jetë padyshim më e mirë se e para! Qershori do të jetë një muaj i mirë për të rikuperuar dashurinë (dhe Jupiteri po mbërrin gjithashtu në shenjë…) kështu që përpiquni të riktheheni së bashku me një person nga i cili jeni ndarë.

LUANI

Sipas horoskopit të Paolo Fox (e martë, 20 maj 2025), kohët e fundit ke ndjerë njëfarë nervozizmi, tani gjërat janë padyshim më mirë dhe më e keqja ka mbaruar! Hëna kthehet në neutralitet dhe midis të enjtes dhe të premtes do të jeni në formë të shkëlqyer.

VIRGJËRESHA

Këto yje flasin për lajme (Mërkuri dhe Dielli janë në një aspekt të veçantë), por mbeten ndërlikime për t’u zgjidhur nga pikëpamja e punës. Periudhë e rëndësishme për eksperimente. Intuita do t’ju ndihmojë. Kujdes nga provokimet!

PESHORJA

Ti dëshiron të largohesh nga situatat dhe njerëzit që duket se vetëm sa nxisin debate dhe konflikte! Dashuria nuk është e shkëlqyer këtë muaj, por në qershor do të përjetojë impulse të reja! Koha për të përgatitur terrenin për situatat e ardhshme profesionale po vjen, por më parë do të jetë e rëndësishme të bëni disa llogaritje.

AKREPI

Sipas horoskopit të Paolo Fox (e martë, 20 maj 2025), Hëna bëhet përsëri aktive në pasdite: mos u shqetësoni për një mëngjes tjetër të ngjeshur me vështirësi ose pengesa të mundshme. Hëna në trigon do t’ju ndihmojë të sqaroni gjërat me partnerin tuaj.

SHIGJETARI

Ky është një qiell rimëkëmbjeje edhe nëse të gjithë kalojnë në lëvizje të ngadaltë herë pas here, mos u shqetësoni në asnjë rast! Faza e interregnumit për sa i përket dashurisë, nga e premtja do të gjeni ekuilibrin dhe harmoninë e humbur.

BRICJAPI

Meqenëse keni bërë kaq shumë gjëra, veçanërisht në muajt e fundit, dhe keni bërë shumë përpjekje… a nuk do të ishte koha për të bërë një pushim? Relaksimi është i nevojshëm për ju, duke pasur parasysh sa i zënë keni qenë, rimbushni bateritë tuaja në mënyrën më të këndshme dhe relaksuese që mundeni.

UJORI

Sipas horoskopit të Paolo Fox (e martë, 20 maj 2025), Hëna kalon tranzit në shenjën tuaj dhe ju jep racionalitet dhe qartësi mendore. Çiftet që janë të larmishëm, por ende të pamartuar, mund të bëjnë një hap të madh drejt verës.

PESHQIT

Jupiteri do të bëhet përsëri aktiv brenda pak javësh dhe do të njoftojë ndryshime të mëdha, në një periudhë që do të jetë një periudhë transformimesh të bukura! Deri të mërkurën do të keni mundësinë të bini në sy.

Vajza e aktores Julia Ilirjani ka reaguar pasi nëna e saj siguroi vetëm 384 vota si kandidate për deputete nën siglën e PD-ASHM në qarkun e Tiranës.

Në një video të publikuar në TikTik, Renee shprehet se “mami im dhe votat e kandidaturës të saj na morën fytyrën”.

Ndërsa ironion duke thënë që “thashë se gjeti më në fund punë, por më ngeli mua”.

“Mami im dhe votat e kandidaturës të saj, na morën fytyrën, na morën fytyrën.

Pu, pu, pu moj ma, më ngeli prap mua. Thashë gjeti punë më në fund, por jo nuk ka”, u shpreh vajza e aktores.

Kryetari i Bashkimit Demokratik për Integrim, Ali Ahmeti ka uruar kryeministrin shqiptar Edi Rama për fitoren e mandatit të katërt në zgjedhjet e 11 Majit.

Në një mesazh të publikuar në rrjetet sociale zyrtare, Ahmeti thotë se urimi pas kurorëzimit dhe vulosjes së fitores si dhe me pjesëmarrjen e të gjithë krerëve të shteteve europiane në Tiranë.

“U gëzova shumë që pikërisht Ty të ra barra ta shpiesh Shqipërinë në Europë, aty ku na e përcaktuan vendin rilindasit tanë, sepse e di që Ti do t’ia dalësh dhe do ta realizosh, e ne të gjithë do të të mbështesim”, shkruan Ahmeti mes të tjerash.

Reagimi i plotë:

I nderuar Kryeministër i Republikës së Shqipërisë, Kryetar i Partisë Socialiste, shumë i dashur Edi,

S’kishte mënyrë më të mirë se sa ta shpallësh fitoren e Shqipërisë Europiane, ashtu siç i ka hije, nga sheshi i kryeheroit tonë kombëtar hijerënde, Gjergj Kastrioti Skenderbeu, ku edhe u kurorëzove dhe e vulose atë fitore edhe me pjesëmarrjen e të gjithë krerëve të shteteve europiane në Tiranë.

Prandaj dhe sot, pasi i përfundove të gjitha sfidat me sukses, vendosa të ta uroj, vëllazërisht nga zemra, fitoren spektakolare dhe plebishitare të zgjedhjeve parlamentare.

U gëzova shumë që pikërisht Ty të ra barra ta shpiesh Shqipërinë në Europë, aty ku na e përcaktuan vendin rilindasit tanë, sepse e di që Ti do t’ia dalësh dhe do ta realizosh, e ne të gjithë do të të mbështesim.

Prandaj, Edi, vijo rrugën drejt pajtimit dhe integrimit sepse në hasmëri shekullore nuk jetohet. Rajonit i duhet pajtim dhe integrim. Mua më ke pas, të ta hap rrugën e të ta ruaj shpinën.

Ishe pranë nesh në çdo hap, edhe kur e bëmë gjuhën shqipe zyrtare, edhe kur u dakorduam për korridorin 8 nga Shkupi në Tiranë që e pranove pa asnjë hamendje, edhe kur e hoqëm kufirin mes nesh, për abetaren e unifikuar, dhe për çdo gjë tjetër në të mirën e përbashkët dhe në funksion të së ardhmes europiane.

Edi, kemi ende shumë punë për të bërë, koha po dëshmon së të arriturat tona duhet mbrojtur sepse po cënohen vrazhdë me tendenca shqetësuese dhe ne nuk do ta lejojmë kthimin pas, por do të punojmë bashkë për të ecur perpara.

Të perqafoj si vëllau vëllain, të uroj shëndet e mbarësi e me mall pres të ritakohemi e ta shtrijmë rrugën tonë të përbashkët europiane.