Month: May 2025

Pas numërimit të 80% të votave të diasporës për Qarkun Kukës, kandidati i Partisë Demokratike, Isuf Çelaj, ka rimarrë përkohësisht mandatin e deputetit falë mbështetjes së votuesve jashtë vendit.

Diferenca mes tij dhe kandidatëve të tjerë është aktualisht 49 vota.

Sipas renditjes së deritanishme:

Isuf Çelaj – 875 vota

Shkëlqim Shehu – 393 vota

Elvira Peka – 309 vota

Rezultati mbetet i përkohshëm, ndërsa pritet përfundimi i plotë i numërimit të votave të diasporës për të konfirmuar përfundimisht përfaqësuesin e Qarkut Kukës.

Një tjetër çift i mundshëm është duke qarkulluar në mediat rozë, dhe bëhet fjalë për Erjola Doçin dhe Lumbardh Salihu. Burime për “Prive” kanë konfirmuar se mes Erjolës dhe Lumbardhit ka diçka më shumë se shoqëri, dhe pavarësisht përpjekjeve për ta mbajtur lidhjen larg syrit të mediave dhe paparacëve, dyshimet janë rritur.

Madje, ata kanë marrë pjesë në një projekt të përbashkët për një film që po xhirohet aktualisht. Por, Lumbardhi vendosi të tërhiqej nga ky projekt në momentin e fundit, për shkak të një mosmarrëveshjeje lidhur me pagesën.

Pavarësisht se dyshja nuk e ka konfirmuar ende publikisht lidhjen e tyre, afërsia dhe dinamika mes tyre po krijojnë dyshime. Më herët moderatorja është përfolur për një lidhje me reperin Azet.

Madje, një video qarkulloi, ku dyshja ndodhen bashkë në një makinë bëri xhiron e rrjetit. Por Erjola mohoi atwherw se ishte ajo vajza në video, edhe pse ngjashmëria ishte e madhe.

Megjithatë para kësaj deklarate, bëri një tjetër deklaratë që binte ndesh. “Kjo është një video e imja në Snapchat dhe fatkeqësisht unë nuk e kam Snap-in. Nuk e di si më është vjedhur. Momentalisht kam vetëm Instagram-in dhe WhatsApp-in. Ky është shoku im. Kemi qenë miq. Nuk kam qenë në një lidhje me të dhe video-ja duket që është miqësore”- është shprehur ajo.

Mimikat e saj e tradhtuan teksa la të nënkuptohej se mes tyre ka pasur ose vërtetë ka diçka.

Jeta private e Erjola Doçit ka qenë gjithnjë në sytë e publikut. Moderatorja ka folur për herë të parë në lidhje me ndjenjat dhe historitë e saj. E historia më e rëndësishme ka qenë pikërisht një raport toksik për të. Vetë konkurrentja zbuloi se ishte dhunuar nga ishpartneri. Me lot në sy, tregoi se nga dhuna e partnerit e ka gjetur veten te dyert e spitalit.

Por ish-partneri i Erjolës, gjithashtu, është një emër i njohur për publikun. Miqtë pranë Erjolës, shprehen se të gjithë i dinin problemet që dyshja kishte, që kryesisht vinin nga xhelozia e ish-partnerit ndaj moderatores. Shpeshherë raporti është shkëputur dhe ka rinisur përsëri, duke u përpjekur për ta përmirësuar lidhjen, megjithatë gjithnjë përfundonte me dhunë, duke qenë Erjola ajo që e pësonte. Gjithçka ka përfunduar, kur moderatorja kishte vendosur që t’i jepte fund njëherë e mirë, kësaj lidhjeje, pas një episodi të dhunshëm që kishte ndodhur. Pas kësaj lidhjeje, djaloshi në fjalë është përfolur shpesh në rrjet.

Madje vitin e shkuar, emri i tij u bë publik gjatë përleshjes fizike që dy vajza të njohura në rrjet kishin mes tyre. Që pas ndarjes së vështirë që Erjola pati me të djalin e njohur, preferoi që mos të fliste më kurrë. E pas disa aventurave që ajo ka pasur me djemtë të famshëm, duket se këtë herë, moderatorja është hedhur në krahët e Lumbardhit.

Pas përfundimit të zgjedhjeve të 11 majit, ku bëri fushatë për ish-bashkëshortin e saj Ilir Meta, Monika Kryemadhi i është rikthyer projektit të saj të ri, që nuk ka lidhje me politikën.

Kryemadhi ka ndarë në Instastory, pamje nga xhirimet e filmit që pritet të sjellë së shpejti, ku edhe ka deklaruar se do të ketë një rol të rëndësishëm.

Kujtojmë se vetë Kryemadhi ka zbuluar detaje nga projekti, në një intervistë televizive, nga ku zbuloi se filmi është artistik dhe me të rinj, i cili do të titullohet “Me fat”.

“Unë kam disa projekte në për të bërë. Jam në realizimin e një filmi artistik e një grup të rinjsh. Kam rol të rëndësishëm, filmi quhet ‘Me fat’. Është një film interesant që ka në thelb familjen. Ka në thelb ëndrrat e të rinjve për t’i realizuar dhe sfidat me të cilat ata përballen dhe përplasen. Shoqëria në të cilën ne jetojmë, shoqëria në të cilën ne jetojmë e cila vjen në mënyrë nga më të ndryshmet. Ne shpresojmë ta nxjerrim ne Verë, shumë shpejt. Janë xhiruar një pjesë e skenave”, ka zbuluar ajo.

Një nga lajmet më të bujshëm të ditës së djeshme ishte lënia jashtë nga skuadra e Rei Manajt te klubi I Sivaspor për ndeshjen delikate ndaj Samsunspor, që mund të rezultojë vendimtare për fatin e sezonit në luftën për mbijetesë.

Mediat turke raportuan se vendimi kishte ardhur nga bordi i drejtuesve të klubit, të pakënaqur me paraqitjet e fundit të lojtarit, i cili kishte marrë kritika edhe nga trajneri për shkak të inaktivitetit të tij në fushë. Një vendim i rëndë që praktikisht i mbyll dyert për të ardhmen vazhdimësisë së Manajt në klubin turk ku ka pasur jo pak herë përplasje.

Por sot, klubi i Sivaspor, ka theksuar në një publikim në faqen e vet të internetit, se mungesa e Manajt kishte lidhje me probleme shëndetësore.

“Riey Manaj, i cili ka vuajtur nga dhimbje në ijë prej kohësh, si dhe Gjorgje Nikoliç, Jan Bieganski dhe Noah Sonko Sundberg, të cilët janë ende të lënduar, dhe Tolga Cigerçi, i cili është i pezulluar me kartonë të verdhë, nuk janë përfshirë në ekip”, shkruhej në njoftimin e ekipit.

Një deklaratë e papritur e cila ngjan më shumë me një justifikim, pasi në javët e mëparshme nuk është diskutuar asnjëherë situata e këtij dëmtimi misterioz të Manajt, i cili ka mbajtur barrën kryesore në sulmin e Sivaspor në këto dy sezone./ PANORAMASPORT.AL

Autoritetet e huaja që kanë identifikuar në vendet e tyre grupe kriminale shqiptare, kryesisht të përfshira në trafikun e drogës, kërkojnë sekuestrimin e pasurive që ata kanë krijuar në vendin tonë.

Gjatë 2024, me kërkesë të prokurorisë belge dhe gjermane, SPAK regjistroi 5 hetime pasurore.

Ndërkohë përveç verifikimeve, SPAK ka sekuestruara për llogari të autoriteteve të huaja, Belgjikës dhe Italia disa pasuri të identifikuara në pronësi të personave të arrestuar dhe dënuar në vendet përkatëse

Deri më tani përfshijnë 6 prona të paluajtshme, mbi 145 mijë euro në kesh dhe në llogari bankare, si dhe makina.

Ato janë në administrimin dhe menaxhimin e Agjencisë së Administrimit të Pasurive të Sekuestruara dhe vetëm pas marrjes së një vendimi konfiskimi, autoritetet do të duhet të përcaktojnë se çfarë ndodh me to.

Nëpërmjet letër-porosive, autoritetet e huaja rezultojnë të kenë identifikuar saktësisht këto pasuri, aktivitetet ekonomike me të cilat merren personat nën hetim dhe të afërm të tyre në Shqipëri.

Nga ana tjetër, SPAK thotë se pas vendosjes së sekuestros ka kërkuar informacion të vazhdueshëm për proceset penale atje në mënyrë që të marr një vendim për fatin e hetimit pasuror në vendin tonë.

Jozi i ftuar në “Goca dhe Gra”, foli më shumë për shpullën që i dha Gjestit në gjysmë-finalen e “BBVA4”. Ai u shpreh se ishte një shpërthim emocional dhe i pa paramenduar. Këngëtari rrëfeu dhe ndjesinë që përjetoi teksa u shoqërua nga policia, ku tha se nuk donte të shoqërohej me pranga.

Egla Ceno: E kisha planifikuar apo ishte moment spontan?

Jozefin Marku: Ndihem mirë që sonte jam pranë publikut, ishte një shpërthim emocionesh, moment aspak i paramenduar.

Egla Ceno: Çfarë të shtyu?

Jozefin Marku: Ka një limit çdo gjë. Për mua loja mbaroi. Meritoja të dilja thjeshtë si njeri. Të përshëndetesha me banorët siç duhej, jo me u mundu sa më nxjerr sa më keq. Duke më prekur atje ku nuk e meritoj, ishte një shpërthim emocionesh. Mesazhi im është që.. deri në atë moment kam duruar shumë. Kam qenë njeriu që kam duruar më shumë. Në shtëpinë e BBV ka shumë kamera, dhe patjetër ishte një provokim.

Egla Ceno: Të duket vetja më burrë tani?

Jozefin Marku: Është një veprim që nuk më bën krenar dhe ndjej keqardhje për këdo që është ndjerë keq në këtë situatë.

Egla Ceno: Çfarë tha familja?

Jozefin Marku: E kanë përjetuar shumë keq, në mënyrën më të keqe. ‘Çfarë të shtyu?’. E kanë përjetuar keq.

Egla Ceno: Nuk ishe shoqëruar më para nga policia me pranga?

Jozefin Marku: Ishte e hera e parë.

Rudina Dembacaj: Herë tjetër të kanë marrë prej dore?!

Jozefin Marku: Nuk ishte aspak e lehtë. Loja mbaroi. E ndjeva veten shumë keq.

Rudina Dembacaj: Nga kush pretendoje më shumë mirëkuptim?

Jozefin Marku: Nga policia. Nuk doja të shoqërohesha me pranga.

Kleoniki Delijorgji: Ishte abuziv, normal me pranga do shoqërohesh.

Jozefin Marku: Ky veprim nuk më bën krenar. Ndjej keqardhje për secilin që e ka përjetuar keq.

Dashi

Në disa raste, frika e të mos qenit në lartësinë e duhur mund t’iu prishë gjithë ekuilibrin kështu që do jeni në ankth për të bërë më të mirën. Për ju të dashuruarit e sotmja do jetë e privilegjuar. Do jeni të gatshëm të bëni edhe surpriza në jetën tuaj sentimentale vetëm që harmonia dhe alegria të mbizotërojë gjithë kohës. Ju beqarët më mirë të mos nxitoheni dhe t’ia lini çdo gjë kohës, pasi vetëm kështu do përjetoni emocionet dhe kënaqësitë e ëndërruara. Në punë duhet të bëni akoma më shumë përpjekje për të arritur atë që dëshironi. Do ndiqni disa strategji strike dhe keni për t’ia dalë. Buxhetin do dini si ta menaxhoni në çdo moment.

Demi

Për fatin tuaj të madh sot do përjetoni shumë emocione. Do ndiheni edhe më të sigurt në vetvete. Nëse keni një lidhje jeta juaj do ketë shumë përmirësime. Do jeni më të hapur, më tolerantë dhe më të kuptueshëm me partnerin tuaj. Ju beqarët do jeni të përqendruar tek puna dhe nuk do i përkushtoheni gjetjes së dashurisë. Në këtë mënyrë do mbeteni me të njëjtin status. Në punë nuk do mungojnë intrigat nga kolegët, por ju do jeni të bindur për rrugën që duhet të ndiqni. Pavarësisht sa kohë do ju marrë keni për ta realizuar objektivin final. Në planin financiar fati ka për të qenë gjithë kohës në anën tuaj, kështu që mos u shqetësoni për asgjë.

Binjakët

Gjatë kësaj dite do jeni edhe më kreativë dhe do e dëgjoni instinktin tuaj të parë. Ju të dashuruarit do jeni më të logjikshëm dhe do i zgjidhni një e nga një të gjitha mosmarrëveshjet që keni pasur me partnerin. Ju beqarët do realizoni një takim mbresëlënës, por do i merrni gjërat shtruar e nuk do nxitoheni për asgjë. Në punë duhet të shkëmbeni ide e mendime me kolegët sepse do ju vlejnë. Mundet edhe ta vazhdoni një projekt së bashku. Në planin financiar do jeni me shumë fat. Do mund të kryeni të gjitha investimet e menduara dhe gjendja do vazhdojë të mbetet e kënaqshme.

Gaforrja

Nën ndikimin e madh të hënës dhe Saturnit ju nuk do i injoroni dot ato që do thuhen për ju. Ju të dashuruarit do keni nevojë jetike për ngrohtësi dhe harmoni në jetën tuaj. Për fatin e mirë partneri do ju gjendet pranë dhe do mundohet t’ua plotësojë të gjitha dëshirat. Ju beqarët do jeni sharmantë dhe do kenë me tepër mundësi te realizojnë takime fantastike. Në punë mund të aplikoni për një post të ri edhe më të rëndësishëm pasi gjërat nuk kanë aq të vështira sa ju duken. Për të përmirësuar financat nuk duhet të ndërmerrni shumë rreziqe. Nga ana tjetër bëjini mirë llogaritë para se të shpenzoni.

Luani

Gjatë kësaj dite do doni të mbani paksa distance nga të tjerët për të reflektuar me kujdes mbi gjithçka. Ju të dashuruarit do jeni shumë më realistë dhe do qëndroni në çdo moment me këmbë në tokë. Asgjë e keqe nuk ka për t’iu ndodhur. Ju beqarët mirë është të mos rrezikoni gjithçka vetëm për ta ndryshuar statusin sepse do vijë dita që do pendoheni pamasë. Në punë mund të kaloni edhe sfida disi të vështira kështu që do ju duhet me tepër vëmendje. Si të silleni ashtu edhe do shpërbleheni nga yjet. Në planin financiar duhet të jeni më vigjilentë dhe keni për ta parë që situata do mbetet e qëndrueshme.

Virgjëresha

Ditë e kontrastuar ka për të qene kjo e sotmja. Shpesh mezi do e besoni që keni në realitet dhe jo në ëndërr. Ju që jeni në një lidhje nuk keni për të pasur asnjë lloj problemi apo vështirësia. Do dashuroheni gjithmonë si do e ndieni dhe zemra do jetë e mbushur plot. Ju beqarët me shumë gjasë do realizoni një takim tejet të veçantë dhe vendimtar, i cili do ndryshojë goxha gjëra në jetën tuaj. Pozicioni i Saturnit ka për të qene mjaft i favorshëm për punën. Më në fund do i realizoni disa nga projektet më të rëndësishme. Buxhetin mos e lini pas dore sepse atëherë kur nuk do e prisni situata mund t’iu dalë jashtë kontrollit.

Peshorja

Gjatë kësaj dite më mirë mos merrni vendime të rëndësishme, por reflektoni gjerë e gjatë për gjithçka. Ju të dashuruarit do mundoheni me sa të mundeni të ruani një klimë sa më të qetë. Nëse shihni që partneri është i mërzitur apo me nerva, shmangi debatet. Ju beqarët do jeni diskretë dhe nuk do pranoni të dilni nëpër takime me çdo person që do iu ftojë. Në punë nuk do jeni shumë të kënaqur me rezultatet e arritura, por yjet do iu sjellin fat dhe do përmbyllni projektet e nisura. Me buxhetin duhet të jeni sa më vigjilentë që të mundeni. Po shpëtuat sot pa probleme, edhe e ardhmja do jetë e mirë.

Akrepi

Hëna dhe Mërkuri do ju bëjnë më të arsyeshëm gjatë kësaj dite. Ju të dashuruarit do keni një ditë rutinë dhe në shumë momente do mërziteni kur të jeni pranë partnerit tuaj. E mira është që në disa momente të shkëputeni prej tij dhe të shoqëroheni me miqtë apo familjarët. Për ju beqarët do jetë një ditë e begatë dhe me shumë fat. Për ju çdo gjë do ndryshojë si me magji. Në punë, nëse merreni me financë apo me tregti, do keni më shumë fat se të tjerët. Do dini të bëni bilance dhe do keni më tepër fitime. Financat sado që të mundoheni nuk do i mbani dot të ekuilibruara.

Shigjetari

Gjatë kësaj dite do ju duhet të bëni më shumë durim për t’ia dalë dhe të keni shpresë për të ardhmen. Ju që keni një lidhje do jeni shumë të sjellshëm me partnerin tuaj dhe marrëdhënia me të ka për të qenë e shkëlqyer. Nuk do keni as ankesën më të vogël për të. Ju beqarët do ndiheni mire ashtu si jeni dhe nuk do bëni as lëvizjen më të vogël për të ndryshuar diçka. Në punë do i keni të gjitha kartat në dorë për të arritur atë që dëshironi. Asgjë nuk do jetë e lehtë, por me pak më shumë përpjekje mund ta arrini. Buxhetin menaxhojeni me maturi dhe keni për ta parë që gjendja ka për të mbetur e mirë gjithë kohës.

Bricjapi

Merkurin do e keni gjithë kohës në krah sot dhe ai do ju ndihmojë të arrini atë që aq shumë e dëshironi. Emocionet kanë për të qene të forta. Ju të dashuruarit do jeni mjaft joshës dhe marrëdhënia me partnerin do jetë e jashtëzakonshme. Nuk do mungojnë surprizat dhe momentet romantike krijuar nga të dy palët. Ju beqarët nuk do jeni aspak të kthjellët dhe mund të bëni gabime që do ju peshojnë shumë. Në punë duhet të përgatiteni për disa ndryshime. Duhet të jeni më të organizuar dhe më të vëmendshëm. Financat do dini si t’i menaxhoni kështu që gjendja nuk do lërë për asnjë moment për të dëshiruar.

Ujori

Do jeni shumë sharmantë gjatë kësaj dite dhe të gjithë do ju shohin me ëndje. Në përgjithësi gjithçka do ju realizohet si duhet. Nëse keni një lidhje, askush dhe asgjë nuk do ju pengojë të merreni vesh më së miri me partnerin tuaj. Çdo gjë mes ju të dyve do ecë ashtu si e kishit ëndërruar dhe mund të bëni edhe plane afatgjata. Ju beqarët nuk do jeni ende gati për të filluar një lidhje të qëndrueshme dhe do preferoni thjesht aventura kalimtare. Në punë do ndiheni disi më të çliruar për të vepruar. Nuk do ju mungojë herë pas here as dinamizmi. Sektori i financave do konsolidohet tej mase, mos u shqetësoni për asgjë.

Peshqit

Gjatë kësaj dite do ndryshoni tërësisht orientimin e mëparshëm dhe do ju duket sikur do nisni një jetë të re. Nëse jeni në një lidhje dhe keni dyshime për partnerin tuaj, sot duhet të gjeni guximin për të folur hapur e për të zgjidhur gjithçka. Nëse i lini gjërat pas dore situata mund të ndërlikohet edhe më tepër. Ju beqarët nuk do e keni aspak të vështirë ta gjeni dashurinë e madhe. Në punë nuk do merrni kritika nga të tjerët, por do jeni kritikë të vetes. Do doni që gjërat të bëhen sa më mirë dhe do ju riktheheni disa herë detyrave që iu janë dhënë. Për buxhet më të mirë duhet patjetër të shmangni shpenzimet e panevojshme.

Duket se rruga e suksesit ndërkombëtar është shtruar për “Shkodrën Elektronike”. Diçka që pritej pas performancës së tyre të shkëlqyer në Eurovision, duke bërë krenar çdo shqiptar anë e mbanë globit.

Në një artikull të CNN ku është hartuar renditja (subjektive) për këtë festival, Shqipëria mban fronin me “Zjerm”.

Për këtë media, Beatriçe Gjergji dhe Kolë Laca përbëjnë çiftin surprizë të këtij viti.

Renditja e CNN, e cila nis me Armeninë të grupit PARG me këngën “Survivor ”, e vendit 26 për të vijuar më pas me vendet e tjera, dhe në vendin e parë, renditet Shqipëria me ‘Shkodra Elektronike’ me këngën ‘Zjerm’.

CNN e nis me një përshkrim mbi dy këngëtarët shqiptarë Kolë Laca dhe Beatriçe Gjergji.

Sipas rrjetit televiziv amerikan, “Shkodra Elektronike” mund të kapitalizohet mbi mesataren e këngëve të tjera gjë e cila mund ta bënte të arrinte një fitore shokuese në Eurovizion.

“Një zotëri ‘kokërruar’ dhe një këngë e cila jep atmosferën e një kulti, ku bashkë me Beatriçen formojnë çiftin më origjinal të Eurovizionit. “Shkodra Elektronike” mund të kapitalizohet mbi mesataren e këngëve të tjera gjë e cila mund ta bënte të arrinte një fitore shokuese në Eurovizion”, shkruan CNN.

Ata këndojnë rreth një oazi të dëshiruar që shoqërohet me tekstin e këngës; “Nëpër rrugë, asnjë ambulancë, kurrkush s’flet me arrogancë, Edhe sot na thanë që s’prishet koha, Përfundova nën ujë, kurrë s’m’u tha goja (No), Imagjino një minutë pa ushtarë, pa jetima, Asnjë shishe n’oqean, naftës i vjen era jargavan”.

“Emocionet janë të mëdha, skena është e madhe, presioni është i madh”, shprehet për CNN, Beatriçe Gjergji.

CNN shkruan më tej se ata duhet të jenë tifozë të mëdhenj të Eurovisionit, por Beatriçe Gjergji përgjigjet: “Jo, aspak, nuk është lloji ynë i muzikës”.

Rrjeti amerikan shpjegon më tej se ambivalenca e tyre është një pasuri: nuk ka asgjë tjetër si kjo performancë dhe ata po marrin mbështetjen e merituar nga fansat.

“Nëse besoni në llojin e muzikës që doni më shumë, mbase diçka mund të ndodhë”, thotë Beatriçe Gjergji.

E përpos tyre, CNN shkruan se kjo dyshe ka sjellë diçka ndryshe, një lloj muzike krejtësisht autentike. Prandaj, ata po marrin vëmendjen e duhur nga fansat.

Tirana u bë sot kryeqendra e Europës, pasi mirëpriti Samitin e Komunitetit Politik, forum i cili solli në kryeqytetin shqiptar 52 liderë europianë, përfshirë Presidentë, Kryeministra, liderë të BE-së, NATO-s dhe OSBE.

Sakaq, ra në sy mungesa e kryeministrit të Greqisë, Kyriakos Mitsotakis. Mësohet se Mitsotakis është nisur të enjten për në SHBA, ku do të kryesojë një diskutim të hapur të nivelit të lartë në kontekstin e presidencës greke në Këshillin e Sigurimit në OKB.

Samiti i organizuar nga Presidenti i Këshillit Evropian, António Costa dhe kryeministri Edi Rama u mbajt në Sheshin “Skënderbej” dhe punimet nisën që në orën 11:00, për të përfunduar me konferencën e kryeministrit Edi Rama dhe kryeministres së Danimarkës, si vendi që merr stafetën për samitin e radhës. “Riarmatimi i Evropës do jetë prioritet”, theksoi Mette Frederiksen.

Kryeministri Edi Rama dhe Presidenti i Këshillit Evropian Antonio Costa, bashkë-organizatorë të samitit në Tiranë, i përqendruan fjalimet e tyre hapëse në sigurinë e Europës, mbështetjen për Ukrainën, mbrojtjen e demokracisë dhe përgjigjet e përbashkëta ndaj kërcënimeve të përbashkëta.

Tema qendror e diskutimit të samitit ishte “Europa e re në një botë të re: unitet – bashkëpunim – veprim i përbashkët”, e strukturuar në 3 tryeza të rrumbullakëta me tematika të ndryshme.

Mbështetja për Ukrainën, mbrojtja evropiane, ruajtja e demokracisë, përgatitja dhe aftësia e reagimit ndaj kërcënimeve të ndryshme ishin në fokus të punimeve të samitit, pjesë e të cilit ishte edhe Kryeministri britanik, Presidenti francez si dhe ai turk. Po ashtu u trajtuan çështje me në fokus ekonominë, tregun e konkurrencës, inovacionin apo emigrimi i paligjshëm e lëvizja e punës.

Presidenti i Turqisë, Recep Tayyip Erdoğan, ishte lideri i parë që u largua nga Samiti i VI i Komunitetit Politik Europian, i mbajtur në Tiranë.

Gjatë qëndrimit të tij disaorësh në Shqipëri, Erdoğan mori pjesë në sesionin e parë të samitit ku mbajti edhe fjalën e tij.

Gjatë vizitës, ai zhvilloi një takim dypalësh me kancelarin gjerman Merz, një ndër momentet kryesore të axhendës së tij.

Pas përfundimit të fjalës dhe takimit, presidenti turk nuk qëndroi për drekën mes liderëve pjesëmarrës, por u largua drejt aeroportit të Rinasit, duke përfunduar vizitën e tij zyrtare në Tiranë.