Month: May 2025

Në ditën e katërt të numërimit të votave, Partia Socialiste vazhdon të udhëheqë me 803 mijë vota dhe 83 mandate. Forca e dytë politike është Partia Demokratike dhe Aleanca për Shqipërinë Madhështore, me 517 mijë vota dhe 50 mandate.

Ende vijon numërimi i votave të diasporës dhe mbetet për t’u parë nëse PD do të arrijë t’i marrë një mandat Agron Shehajt në Tiranë. Në Lezhë, nuk dihet ende nëse vota e diasporës do t’i shërbejë PD për të mbrojtur mandatin e katërt, apo ai do të shkojë për PS. Ndërsa në Fier, pritet të shihet nëse Adriatik Lapaj do të arrijë t’i marrë mandatin e 12-të Partisë Socialiste. Ndërkohë, vazhdon numërimi i votave për kandidatët në shumicën e vendit. Në dy qarqe, Partia Socialiste nuk merr asnjë deputet përtej listës së mbyllur, ndaj nuk ka garë në Kukës dhe Shkodër. Në 10 qarqet e tjera, nga lista e hapur do të hyjnë 37 kandidatë të PS.

Deputetët më të votuar deri më tani janë Sara Mile në Elbasan dhe Arkend Balla në Durrës me mbi 18 mijë vota, Blendi Gonxhe në Tiranë me më shumë se 17 mijë vota dhe Ceno Klosi me 16.140 vota. Në kampin tjetër, Partia Demokratike në tre qarqe ka marrë po aq deputetë sa ka lista e mbyllur, në tre qarqe ka marrë më pak se lista e mbyllur dhe vetëm në gjysmën e vendit ka garë mes kandidatëve nga lista e hapur.

Në Tiranë, për një vend në parlament po garojnë dy prej figurave më të forta të PD: Jorida Tabaku, e cila është e para aktualisht me 13.747 vota, dhe Ilir Alimehmeti me 12.599. Të dy politikanët janë kandidatë më të votuar të PD.

Ndërkohë, nga lista e hapur e PD në parlament do të hyjnë: Shkëlqim Shehu në Kukës, Bardh Spahia në Shkodër, në Lezhë Gjin Gjoni dhe Kastriot Piroli, në Durrës Arjan Ndoja dhe në Korçë Fidel Kreka.

Presidenti i Këshillit Europian, Antonio Costa, u shpreh se Shqipëria është në rrugën e duhur drejt BE-së, por duhet mbajtur ritmi dhe nuk është çudi që, nëse vijohet kështu, anëtarësimi në BE mund të arrihet para 2030.

“Shqipëria është mishërimi i procesit në BE, është në rrugën e duhur. Me sa tregon edhe vullneti i fundit i popullit shqiptar, është se po shkon drejt kësaj rruge. Urime zoti Kryeministër për fitoren e fundit.

Tani duhet mbajtur ky ritëm dhe duhet intensifikuar puna për të shkruar në rrugën drejt BE-së.

Ne do ta shikojmë dita-ditës, nëse përmbushen deri 2030, është e mundur, pse jo më përpara, nëse ruhet ky ritëm. Nëse gjatë dy viteve në vijim, me siguri do të përmbushen dhe në vizitën tjetër mund të vij në Shqipëri si shtet anëtar i BE-së” –u shpreh Costa.

Dashi

Dite e qëndrueshme kjo e sotmja për te dashuruarit. Çdo gjë do shkoje për mrekulli dhe emocionet do jene te njëpasnjëshme. Beqaret me ne fund do fillojnë një histori dashurie serioze e cila do ua ndryshoje edhe mënyrën e te parit te gjerave. Ne pune duhet te vini me tepër ne pune imagjinatën ne mënyrë qe te arrini atje ku keni dëshiruar gjithmonë.

Demi

Perspektivat janë te mira sot edhe për ju. Komunikimi ne çift do jete i ngrohte dhe te gjitha dëshirat do iu plotësohen. Beqaret nuk do e kenë as sot te lehte ta gjejnë dashurinë dhe do qëndrojnë me te njëjtin status si me pare. Ne planin financiar do mund te kryeni transaksione te rëndësishme te cilat do e stabilizojnë situatën shume shpejt. Do ndiheni me te qete.

Binjaket

Ende nuk do rivije pasioni qe keni pritur ne jetën tuaj ne çift sot. Marrëdhënia nuk do jete problematike, por as nuk do mund te flisni hapur për ato qe ju shqetësojnë. Beqaret do kenë mundësi vetëm për aventura kalimtare, asgjë me tepër sesa aq. Ne planin financiar fatmirësisht nuk do keni vështirësi, megjithatë gjykoni mire para se te kryeni shpenzime.

Gaforrja

Do kuptoheni me se miri sot me atë qe keni ne krah dhe do i zgjidhni një nga një problemet qe keni pasur. Do toleroni dhe do bëni me tepër lëshime. Beqaret do jene te angazhuar me projekte profesionale dhe nuk do mund te mendojnë për jetën sentimentale. Financat do vazhdojnë te mbeten po njësoj. Shpenzoni me kujdes qe te mos përballeni me vone me vështirësi.

Luani

Klima ne çift do jete mjaft pasionante gjate kësaj dite. Partneri do ju beje shpesh te ndiheni si ne ëndërr dhe nuk do doni te shkëputeni për asnjë moment prej tij. Beqaret do vazhdojnë te jene ne kërkim te princit te kaltër, por pa fat. Ne planin financiar disa do arrijnë jo vetëm ta stabilizojnë situatën, por te kenë edhe përmirësime te ndjeshme.

Virgjeresha

Ditën e sotme nuk do mund ta harroni për një kohe te gjate. Partneri do ju surprizoje ne çdo moment dhe do ju beje t’i harroni te gjitha telashet qe mund te keni ne fusha te tjera. Beqaret me mire te mos hedhin asnjë hap gjate kësaj dite sepse mundësitë nuk do jene te mira. Situata financiare do lere për te dëshiruar kështu qe shmangni çdo lloj investimi.

Peshorja

Dite shume e turbullt kjo e sotmja për ata qe janë ne një lidhje. Nuk do mund t’i shmangni dot krizat ne çift dhe do vuani shpeshherë ne heshtje. Beqaret do kenë disa takime, por personat nuk do ua mbushin aq shume mendjen sa për te krijuar një lidhje. Ne planin financiar ka ardhur koha ta menaxhoni me më tepër kujdes paranë.

Akrepi

Dialogu, mirëkuptimi dhe harmonia do mbizotërojë gjate kësaj dite ne jetën tuaj ne çift. Do ndiheni për mrekulli pranë partnerit tuaj dhe do doni te mos ndaheni për asnjë çast prej tij. Beqaret do jene me te shoqërueshëm me personat qe sapo do takojnë. Disa prej tyre do iu tërheqin vëmendjen. Me ne fund financat do jene me te mira. Mund te kryeni edhe ndonjë shpenzim me tepër.

Shigjetari

Tregohuni sa me diplomate sot ne jetën tuaj ne çift sepse partneri do jete me nerva dhe nuk do duroje gjithçka. Mos e prishni me dorën tuaj atmosferën. Jeta sentimentale e beqareve do marre një kthese edhe me te mire se me pare. Shume shpejt do jete ndryshime rrënjësore. Ne planin financiar duhet te merrni disa masa strikte pa qene shume vone.

Bricjapi

Pas një periudhe te vështirë për jetën tuaj ne çift, sot do rilinde serish dielli. Do flisni me hapur me njeri-tjetrin dhe do i sqaroni te gjitha mosmarrëveshjet. Beqaret do kenë një dite normale dhe pa takime mbresëlënëse. Merrini gjerat si t’iu vijnë. Financat do përmirësohen fale një shume te ardhurash qe do iu japin disa te afërm. Pranojini pa bere zë sepse do iu duhen.

Ujori

Jo për te gjithë çiftet jeta sentimentale do jete e mire sot. Ata qe kane pasur debate do i japin fund gjithçkaje, ndërsa ata qe kane pasur një periudhe te qëndrueshme do i shtojnë dozat e komunikimit. Beqaret do jene joshës dhe nuk do ndalen derisa ta bëjnë për vete atë qe pëlqejnë. Kombinimi i yjeve do jete i favorshëm për financat. Gjendja do jete e mire.

Peshqit

Shprehni gjithçka qe ndjeni dhe gjithçka qe mendoni gjate kësaj dite. Me mire t’i keni gjerat te hapura me partnerin ne mënyrë qe te mos keni probleme me vone. Beqaret do jene te parrezistueshem dhe do marrin propozime nga me te shumtat. Ne planin financiar do tregoheni strikte dhe nuk do kryeni aspak shpenzime te pamenduara mire

Një ngjarje tronditëse ka ndodhur në Meksikë, ku influencerja Valeria Marquez, vetëm 23 vjeç, u vra brutalisht teksa ishte live në TikTok. Ajo ndodhej në një sallon bukurie në një qendër tregtare në Jalisco, kur një burrë i afruar me motoçikletë, fillimisht dukej sikur po sillte një dhuratë.

Por gjithçka mori kthesë dramatike – pa asnjë paralajmërim, ai e qëlloi Valerian në gjoks dhe kokë, më pas u largua me shpejtësi. Momentet e tmerrit u transmetuan drejtpërdrejt në rrjet.

Autoritetet meksikane kanë nisur hetimet, ndërsa autori mbetet ende i paidentifikuar. Vrasja e saj ka hapur sërish debatet mbi sigurinë e grave dhe ekspozimin e jetës personale në rrjetet sociale.

Përfundimisht Diaspora votoi për Edi Ramën është titulli i artikullit që gazeta greke “TA NEA” i kushton fitores së socialistëve duke e konsideruar atë së një triumf në shumicën e “bastioneve” minoritare, në fshatrat e Dropullit, të Sarandës, Finiqit , zonat malore të Himarës ndërsa ka sjellë rezultate të përziera në Sarandë.

Sipas gazetës pas numërimit të më shumë se 45% të votave të 245.000 shtetasve shqiptarë të regjistruar në vendet e huaja, ku të drejtën e votës e ushtruan vetëm 194.000, rezultatet tregojnë fitore të Partisë Socialiste me mbi 65%, çka përkthehet në faktin se vetëm një në tre votues të diasporës (përfshirë edhe shqiptarët e Greqisë) u bind nga fushata elektorale e Sali Berishës, ndërsa dy të tretat zgjodhën t’i japin edhe një shans Edi Ramës ,i cili në fushatë përqendroi mesazhet në forcimin e krenarisë kombëtare të shqiptarëve kudo që ndodhen dhe premtimit të tij për anëtarësim në BE.

Bazuar në një lexim të parë të rezultateve, mund të thuhet –thekson gazeta – se shqiptarët e Greqisë nuk votuan të ndikuar nga retorika akuzuese e Fredi Belerit ndaj “regjimit Rama”, siç e quan ai, por në bazë të çështjeve individuale dhe familjare që hasin në përditshmëri.

Sipas analistëve, ka mbizotëruar “xhepi” i votuesit të diasporës, si dhe narrativa për “një perspektivë evropiane me ditë më të mira”, e cila ishte shtylla kurrizore e fushatës së Edi Ramës, më shumë sesa çështjet e shtetit ligjor, transparencës, drejtësisë dhe llogaridhënies, në të cilat u përqendruan ata që mbështetën Sali Berishën.

Vetë eurodeputeti i djathtë komentoi rezultatet zgjedhore në zonat e diasporës duke parashikuar se “ditë më të këqija po vijnë për Hellenizmin e Shqipërisë, duke u bazuar në mandatin 12-vjeçar të deritanishëm të kryeministrit shqiptar”.

Edh gazeta “Kathimerini” shkruan se  pavarësisht se rezultati  siguron stabilitet të brendshëm në vend, ngrihen pikëpyetje mbi funksionimin e sistemit demokratik pasi pritet të krijohet një boshllëk opozitar dhe të forcohet  më tej arrogance e lindur e Ramës, si dhe autoritarizmi I  sistemit të tij të pushtetit.

Minoriteti grek del nga kjo përballje i lënduar thekson artikulli dhe ndoshta ka ardhur koha që, pas këtij rezultati të dhimbshëm në kuti, të hapet më në fund një diskutim i ftohtë dhe i sinqertë se ku qëndron faji dhe pse komuniteti grek në Shqipëri po shkon keq e më keq.

Gjithsesi duke lënë pas përplasjet rreth çështjes së Himarës, Athina dhe Tirana – sipas burimeve – po punojnë pa zhurmë  për të ngrohur klimën dhe për të zgjidhur çështjet e hapura, me hapin e parë të parashikuar të jetë vizita më 3 qershor në Athinë e ministrit të Jashtëm shqiptar, Igli Hasani- përfundon Kathimerini.

Koalicioni “Nisma-Shqipëria Bëhet”, rezulton forcë e tretë politike në vend deri më tani. 57.555 vota të fituara në rang kombëtar, përfshirë edhe votat nga Diaspora janë konvertuar në vetëm një mandat për koaliconin e drejtuar nga Adriatik Lapaj, falë edhe ligjit elektoral në fuqi.

Për këtë fakt duket se është revoltuar vetë Lapaj, i cili ka shpërthyer ashpër ndaj kritikëve për mandatin e tij të vetëm.

“Nuk është 1 mandat jo, është mandati më i votuar i historisë së tranzicionit shqiptar që nxjerr lakuriq sistemin elektoral shqiptar.

Ai mandat do u fanepset aq shumë sa si grenxa në poturre do u bëj të mallkoni veten”, shkruan Lapaj në Facebook.

Përpara se të mbaheshin votimet, Lapaj kishte deklaruar disa herë publikisht se nuk do të hynte në parlament me një mandat të vetëm, teksa tashmë duket se po sinjalizon të kundërtën.

Kandidatja më e re e Partisë Socialiste në qarkun e Fierit duket se është surprizë në këto zgjedhje parlamentare të 11 majit pasi me votë preferenciale me 150 kutitë e para të votimit të cilat janë numëruar deri më tani renditet ndër më të preferuarat me votë preferenciale.

Por kush është Zegjine Çaushi dhe pse e ka fokusuar fushatën e saj të drejtuesi politik i qarkut të Fierit për PD zoti Gazmend Bardhi? Do e njohim në këtë intervistë të saj të parë duke qenë se ka qëndruar larg mediave gjatë fushatës elektorale.

“Kam zgjedhur të përdor rrjetet e mia sociale për tu përgjigjur Gazmend Bardhit sepse ka qenë ai personi i parë që mua më është drejtuar me anë të rrjeteve sociale dhe të njëjtën përgjigje duhet të jepja dhe unë po në rrjetet sociale”, tha ajo për Top Channel.

– Pse zgjodhe atë qasje?

Meriton atë përgjigje që unë i bëra,nuk meritonte diçka tjetër serioze.

-Po akuzat që ai ka ngritur ndaj jush?

Akuza ndaj meje nuk janë absolutisht të vërteta unë nuk kam qenë kurrë zyrtare e lartë në bashkinë e Roskovecit, ime më thjesht ka bërë një aplikim në bashkinë e Roskovecit si gjithë bizneset e tjera të zonës dhe doli përfituese e këtij subgranti por s’ka lidhje absolutisht nuk kanë ndodhur gjatë kohës që unë kam qenë në detyrë.

-Çfarë shkollimi ka bërë Zegjineja?

Jam 26 vjeçe, vij nga një fshati vogël Vloshi në njësinë e Jujanit të bashkisë së Roskovecit,kam studiuar në Fakultetin e Drejtësisë me rezultate të shkëlqyera, kam mbaruar me medalje të artë dhe jam licensuar për avokate.

-Si ju duket ky rezultat ,kishit pritshmëri dhe besoni të ishit deputete në parlament e Shqipërisë?

Nga gjithë ajo fushatë që unë bëra në rrjete sociale mora një mbështetje shumë të madhe të qytetarëve të gjithë qarkut të fierit, më dhanë kurajë që unë ta vazhdoja këtë sfidë me sukses dhe ja ku dola unë sot kryesojë listën e femrave në qarkun e Fierit.

-Si e nise…kur tu propozua të ishe pjesë e listës së partisë socialiste për qarkun e Fierit?

Në fillimet e nisa me pak ndrojtje dhe nuk besoja që do arrijë këto rezultate që unë kam momentalisht. Pika kyç që unë të arrijë në këto rezultate ishte Gazmend bardhi.Ai ndoshta e nisi që unë të ulesha në një farë mënyre por thjesht më dha forcë dhe këmbëngulje që unë të arrij të rezultate që kanë sot.

-Ke ndjerë ndonjëherë dëshirën për të tërhequr pas sulmeve që mund të kesh marrë qoftë në rrjete sociale komentet që mund të jenë bërë të gjithë ata që janë të pakënaqur me mënyrën sesi ti ke zgjedhur ta bësh fushatën tënde?

Absolutisht jo unë komentet i kam marrë me sportivitetin më të madh, nuk e kam vrarë mendjen fare, e kam vazhduar me forcën dhe këmbënguljen që mua më karakterizon…një vajzë
e guximshme që i bëri ballë kësaj fushate në qarkun e fierit.

-Me gjasë do jesh pjesë e parlamentit të paktën nga votat që janë deri më tani,çfarë do të sillte Zegjineja në kuvendin e Shqipërisë, do të vazhdoni me Gazmend Bardhin?

Jo në Kuvendin Shqipërisë Zegjineja do vij një natyrë krejt tjetër,do vij ajo juristja e shkëlqyer që do të bëj për vendin e vet edhe për të rinjtë e bashkisë Roskovecit dhe gjithë qarkut fierit.

-Ke pasur përballje me Gazmend bardhin fizike flas?

Absolutisht jo mendoja që do vinte këtu në procesin e numërimit por me atë rezultat që mori në qarkun e fierit jo më nëpër Kzaz e Fierit nuk është bërë gjallë po as nëpër rrjete sociale nuk e dimë se ku ka humbur.

Sekretari i Partisë Demokratike, Flamur Noka është shfaqur i qeshur, por dukshëm edhe i acaruar me mediat, të cilat i ka bërë bashëfajtore për humbjen e opozitës në zgjedhjet parlamentare të 11 majit.

Në hyrje të selisë blu, ku i ka thirrur kryetari Sali Berisha, Noka tha se mediat i bënë fushatën Partisë Socialiste. “Ju dua shumë”, i tha ai gazetarëve teksa u kujtoi historinë e lopës.

Pjesë nga biseda:

Noka: Ju jeni profesionistë, keni bërë fushatën. Por pronarët tuaj janë të tredhur. Ju nuk shikoni

Gazetarët: Po ç’faj kemi ne që humbisni ju?

Noka: Ju shikoni, ju si puna e lopës…ia vodhën lopën dhe i thanë ata si ta vodhën, mirë unë tha që s’e lidha… Unë ju dua shumë.

Gazetarët: Po pse ne ua kemi fajin?

Noka: Ore hajduti a kishte ndonjë faj apo jo? Ju jeni si puna e atij që viktimës i jepni plumbin e fundit

Edmon Spaho njofton largimin nga politika pas humbjes së Partisë Demokratike në zgjedhjet parlamentare të 11 majit.

Spaho, i cili ishte drejtues politik i Korçës – ku mandatet u ndanë 6 me 4 për PS-në, thotë se është i shokuar me rezultatin. Ai nuk arriti të siguronte një ulëse në Kuvend.

“Këto zgjedhje ishin të fundit të karrierës sime aktive në Parlament”, shkruan Spaho teksa falënderon të gjithë bashkëpunëtorët e tij demokratë.

Në fund ai uron që Partia Demokratike “të gjejë forcën për të kaluar gjendjen e rëndë ku ndodhet”.

Mesazhi i plotë i Edmond Spahos:

Të nderuar miq,

Jam i shokuar me rezultatin e zgjedhjeve të 11 Majit!

Këto zgjedhje ishin të fundit të karrierës sime aktive në Parlament.

Dëshiroj të falenderoj pafundësisht familjen time për sakrificat e mëdha që ka bërë gjatë 35 viteve për të më krijuar mundësinë të ndiqja pasionin tim.

Dëshiroj të falenderoj anëtarët dhe simpatizantët e Degës së PD Maliq dhe të Qarkut Korçë për mbështetjen e vazhdueshme që më kanë dhënë. Pa ata nuk do kisha arritur asgjë në politikë.

Dëshiroj të falenderoj më shumë mirënjohje qytetarët që më besuan dhe votuan gjatë 35 viteve dhe t’ju kërkoj ndjesë që nuk munda të bëj edhe më shumë për ta.

I uroj Partisë Demokratike të gjejë forcën për të kaluar gjendjen e rëndë ku ndodhet dhe të arrijë të rikthehet në shpresë për Shqipërinë.

Me shumë mirënjohje,

Edmond Spaho

Një reagim i shpejtë dhe njohja e simptomave të hershme të një ataku kardiak mund të shpëtojë një jetë, paralajmërojnë kardiologët.

Një nga shenjat më të rëndësishme që dërgon trupi është dhimbja në krah, më shpesh në të majtë, por as dhimbja në krahun e djathtë nuk duhet injoruar.

Domethënë, dhimbja që ndodh në dorën e majtë është një nga simptomat klasike të një ataku në zemër, sepse rrugët nervore të zemrës dhe dorës janë të ndërlidhura.

Megjithatë, mjekët theksojnë se tek disa pacientë, veçanërisht gratë, dhimbja mund të përhapet në krahun e djathtë, shpatulla apo edhe në shpinë.

Pikërisht për këtë arsye është e rëndësishme t’i kushtohet vëmendje simptomave të tjera që mund të tregojnë një atak në zemër.

Përveç dhimbjes së krahut, simptomat që nuk duhen injoruar kurrë përfshijnë:

Të përziera ose të vjella të papritura

Djersë e ftohtë
Vështirësi në frymëmarrje
Marramendje e shpeshtë
Presion, ngushtësi ose djegie në gjoks
Dhimbje që përhapet në qafë, nofull ose pjesën e sipërme të barkut
Lodhje e pashpjegueshme, veçanërisht tek gratë
Një nga simptomat më të rralla që mund të tregojë gjithashtu një problem me zemrën është një krizë kolle pa praninë e një ftohjeje ose infeksioni.

Ekspertët paralajmërojnë se në situata të tilla, koha është thelbësore. Nëse vini re ndonjë nga këto simptoma tek vetja ose tek një person tjetër, telefononi mjekun.

Parandalimi dhe kontrollet e rregullta mjekësore luajnë gjithashtu një rol kyç në ruajtjen e shëndetit të zemrës. Një stil jetese i shëndetshëm, ushqyerja e duhur, aktiviteti fizik dhe shmangia e stresit janë aleatët më të mirë në luftën kundër sëmundjeve të zemrës.