Month: May 2025

“Të dashur Ryan, Conor, Brendan, Charlie dhe Mary Catherine, Rasheli im më shtyu të shkruaj një letër me disa këshilla për ju, në të cilën t’ju tregoj gjërat e rëndësishme që kam mësuar gjatë jetës. Fillova ta shkruaj në 8 Prill 2012, në prag të 72 vjetorit të lindjes time.

Secili prej jush është një dhuratë e mrekullueshme nga Zoti, një dhuratë për familjen tuaj dhe për të gjithë botën. Gjithmonë mbajeni mend këtë, veçanërisht kur erërat e ftohta të sjella nga dyshimet dhe momentet e trishtueshme të vijnë në jetën tuaj.

Mos kini frikë … Nga asgjë dhe nga askush. Ndiqni ëndrrat tuaja, mos u dekurajoni nga vështirësitë ose nga ato që njerëzit mund të mendojnë. Shumë njerëz nuk bëjnë atë që duan dhe më pas e kalojnë jetën e tyre duke gjykuar se çfarë bëjnë të tjerët. Shmangni pesimistët acidë që jetojnë me ‘nëse’ dhe ‘por’. Mos u kushtëzoni. Gjëja më e keqe në jetë është të shohësh prapa dhe të thuash: “Unë duhet të kisha … Unë mund të kisha”. Ndërmerrni rreziqe, bëni gabime.

Të gjitha qeniet njerëzore janë të barabarta. Disa njerëz mund të mbajnë kapele ekstravagante ose të kenë tituj të shkëlqyeshëm mbase (përkohësisht) të kenë fuqi të madhe dhe kështu të besojnë se janë superiorë. Mos u besoni. Ata kanë të njëjtat dyshime, të njëjtat frikëra dhe të njëjtat shpresa, hanë, pinë, flenë dhe pjerdhin si të gjithë të tjerët.

Bëni një listë të gjithçkaje që dëshironi të bëni në jetë: udhëtoni në vende të largëta, mësoni një zanat ose gjuhë, takoni dikë të veçantë. Bëni disa nga këto gjëra çdo vit. Asnjëherë mos thuaj ‘Do ta bëj nesër’. Nuk ka ditë ‘të duhur’ për të filluar diçka, tani është koha e duhur.

Jini vetëmohues, dilni për të ndihmuar njerëzit, veçanërisht më të dobëtit, të frikësuarit dhe fëmijët. Gjithkush mbart dhimbje të madhe brenda tij dhe të gjithë kanë nevojë për dhembshuri.

Mos u bashkoni me ushtrinë ose ndonjë organizatë që përpiqet t’ju vrasë. Lufta është e keqe. Të gjitha luftërat nisën me burra të moshuar që i detyronin të rinjtë të urrenin njëri-tjetrin dhe të vrisnin njëri-tjetrin.

Lexoni libra, sa më shumë që të mundeni. Ata janë një burim i mrekullueshëm gëzimi, mençurie dhe frymëzimi.

Jini të sinqertë.

Gjithmonë udhëtoni por sidomos gjatë rinisë tuaj. Mos prisni derisa të keni para të mjaftueshme ose derisa gjithçka të jetë e organizuar në mënyrë të përsosur. Kjo nuk do të ndodhë kurrë.

Zgjidhni profesionin që doni. Një punë duhet të jetë një gëzim, mos puno vetëm për para, shpirti yt do të paralizohet.

Mos bërtit. Asnjëherë nuk ndihmon, dëmton veten dhe të tjerët. Sa herë që bërtisja, dështoja.

Gjithmonë mbajini premtimet që u bëni fëmijëve. Mos thuaj ‘të shohim’ kur do të thuash ‘jo’. Fëmijët duan të vërtetën. Tregojuni atyre të vërtetën me dashuri dhe mirësi. Jetoni në harmoni me natyrën: qëndroni jashtë, në pyje, në male, buzë detit, në shkretëtirë. Përqafoni njerëzit që doni. Tregojuni sa të rëndësishëm janë për ju, mos prisni derisa të jetë tepër vonë. Jini mirënjohës çdo ditë për atë që keni.

Nga gjyshi.”

Burimi: Roba da Donne

Fatjona Lubonja, e njohur ndryshe si vajza e “Makina e Memories” nga pjesëmarrja në videoklipin e këngës së Ardit Gjebreas, sot është një neurologe në SHBA.

Ajo jeton në Nju Jork, por tashmë është kthyer pas katër vitesh në Shqipëri. Në një intervistë tek “Rudina”, Fatjona flet me nostalgji për periudhën kur xhirohej “Makina e Memories”.

“Xhirimet kanë zgjatur rreth një muaj. Petri Bozo kishte një stil pune, xhironte ndërkohë që ti nuk e dije. Pra, ne futeshim në det, laheshim, xhirimet vazhdonin, ndaj edhe jam pa tualet aty.

Pra je komplet një femër e re, natyrale, me atë buzëqeshjen dhe ne do interpretonim një këngë dashurie, pra interpretonim një histori dashurie. Atëherë nuk ishte vetëm videoklipi, por ishte edhe një koncert në det”. Po Fatjona ka interpretuar edhe tek filmi “Një djalë dhe një vajzë”, si Marisa.

Në rol ajo luante vajzën e Margarita Xhepës.

“Për herë të parë kisha të bëja me artin, disiplinën, interpretimi… isha shumë e re, pa përvojë. Ka qenë katër e mëngjesit kur kemi xhiruar atë skenën që zihem me nënën (Margarita Xhepën). Duhet të bëhesha kapriçoze, po unë jam çik e qetë. Nuk jam tip nevrik, ndaj e kemi kthyer skenën disa herë”,- tha ajo.

Para këtyre eksperiencave, Fotjana tregoi se ka përfunduar studimet në balet.

Megjithatë, ajo vendosi që karrierën e saj ta zhvillonte në SHBA bashkë me bashkëshortin e saj, të cilët u larguan në periudhën e viteve 1995-1996. “Ishte një mundësi që e kisha. Jam pak aventuriere, e lirë dhe them ‘pse jo?’. Im shoq nga familja janë amerikanë dhe kishim mundësinë dhe përkrahjen.

Kur vajta atje aplikova për universitet.

Jepja mësim baleti gjatë kohës që studioja, si dhe punoja si modele. Por doja të realizoja vizionin tim, se ku do e gjeja veten. Amerika të ndryshon mënyrën e të menduarit dhe mënyrën e të punuarit. Asgjë nuk është e pamundur nëse ke dëshirë dhe disiplinë që të punosh, si dhe një vizion”. Fatjona tregon edhe arsyen pse zgjodhi një degë tërësisht ndryshe nga bota ku ishte futur tashmë si ajo e baletit apo e aktrimit.

“Zgjodha neurologjinë sepse pedagogët më kanë shtyrë shumë dhe kam pasur një incident. Bashkëshorti pësoi një aksident dhe mu desh t’i bëja rehabilitimin,”- tha ajo.

Ishte e fiksuar pas rrobave në tregun e vjetërsirave dhe shkonte pothuaj çdo ditë. Ky ves, në këto vite është shoqëruar edhe kosto financiare, e madje ishte kthyer në konflikt për shtëpinë.

Por E.B me banim në Elbasan i ka rënë “llotaria rome” këto ditë. Si përherë, edhe këtë radhë ajo nuk po kthehej duar bosh. Kishte blerë një xhaketë firmato për ta përdorur në dimër. Madje kishte zhvilluar edhe një debat me romen se nuk po ia ulte pak çmimin edhe pse ishte kliente e përhershme e saj.

Gruaja që shiste i thotë:

Po vjen dimri dhe xhaketat më ecin. Plus e ke firmato e mos i bëj naze, se të rri në trup edhe mirë”.
E inatosur pak me çmin E.B. është kthyer në shtëpi.

Ka vendosur që ta lajë, por i ka kontrolluar instiktivisht xhepat para se ta fusë në lavatriçe. S’u ka besuar syve. Në njërin xhep ka gjetur një unazë. Po. Një unazë të vërtetë dashurie. Argjend i bardhë me një gurë në kurorë, punuar bukur, ndoshta me porosi.

Gruaja nuk u ka besuar syve. Madje, fillimisht nuk ka qenë e sigurt për thesarin që ka gjetur. Ka kujtuar se ishte një nga ato unazat e zakonshme rome, që imitojnë gjëra të shtrenjta.

Ndaj ka nxituar shpejt tek argjendari. Atje ka mësuar se zotëronte një unazë me gur Swarovski.

Një unazë që kushtonte të paktën 500-600 mijë lekë të vjetra. Pastaj e gëzuar është kthyer dhe ka festuar në familje.

Pak ditë më parë, Xhonatan Islami pësoi një incident në ajër.

Të gjithë u shqetësuan për sportistin dhe shëndetin e tij, ndërkohë që padyshim të shumta kanë qenë pyetjet që janë adresuar edhe në llogarinë e Roza Latit, partneres së tij.

Së fundmi ka qenë vetë Roza që përmes një postimi në llogarinë e saj në “Instagram”, ka qetësuar fansat dhe ndjekësit duke u thënë që Xhonatani është në gjendje të mirë shëndetësore.

“Është çdo gjë ok. Shëndosh e mirë. Pa panik. Nuk vritet shqiponja kollaj. Shqiponja është mbreti i qiellit. S’ka më të fortë”, shkruan Roza, ndërkohë nga ana tjetër, vetë Xhonatani na ka treguar se po vijon aktivitetin e tij dhe ndodhet më në formë se asnjëherë.

Kujtojmë se pasditen e së premtes, pas një takimi që deputeti socialist Vullnet Sinaj pati me mbështetësit e tij në këtë zonë, shtabi i tij elektoral kërkoi që të jepej dhe një shfaqje me parashutë dhe ku më mirë se Xhonatan Islami, i njohur për këtë sport gjerësisht, mund ta realizonte një spektakël të tillë.

Por, fatkeqësisht jo gjithçka shkoi sipas parashikimeve! Në parashutën që mbante emrin e deputetit Vullnet Sinaj, Islami pësoi një defekt në anën e majtë të motorit, duke rënë në plazhin e Potamit ku dhe kishte me qindra fëmijët duke luajtur.

Duke folur në një takim elektoral në rrethin e Matit, kryetari i PD-së, Sali Berisha, bëri një premtim tjetër duke thënë se nëse PD vjen në pushtet, do të ketë ulje të mëdha në çmimet e ndërtimeve.

“Ky program është për çdo qytetar të këtij vendi. Garantoj se do të ketë ulje të madhe në çmimet e ndërtimeve. A e dini ju se ata e kanë dhjetëfishuar taksën mbi sipërfaqen e ndërtimit? Ajo ishte 2 përqind të kostos, ndërsa tani është 10 përqind të çmimit të shitjes. Po ashtu, 3 përqind taksa sociale do të hiqet. Në këtë mënyrë, një ndërtues që do të paguante 400 mijë lekë, do të paguajë vetëm 40 mijë lekë. Do të paguajë shumë më pak,” tha Berisha.

Ai theksoi gjithashtu se nuk do të ndalen me kaq, por do të ndërtohen ndërtesa sociale.

“Ne do të ndërtojmë ndërtesa sociale, gjersa të mbyllim në mënyrë përfundimtare kanalet e narkoeurove që po helmojnë Shqipërinë dhe po largojnë shqiptarët,” tha Berisha.

Berisha theksoi se Shqipëria do të bëhet madhështore, duke garantuar se pasuritë e vendit do të jenë të qytetarëve dhe se me këto masa do të rritet zhvillimi i vendit.

“Made in Mat, Made in Albania do të jetë krenaria jonë kombëtare. Mesatarja do të hiqet. Nuk do të ketë më mesatare për të hyrë në universitete. Tarifat e universiteteve do të pjesëtohen me 4 për çdo student. Studentët që do të marrin bursë, do të kenë 200 euro bursë, sa për minimumin jetik. Po ashtu, pas përfundimit të studimeve, qeveria do t’u paguajë studentëve sigurimet shoqërore për një vit. Çdo çift i ri do të marrë një çati dhe 30 mijë euro grant për të paguar interesat e kredisë,” tha Berisha.

Babai i Arditi Beshirit, 29-vjeçarit që u zhduk së bashku me fadromën ku po punonte nën masivin e kromit, ka kërkuar ndihmë për gjetjen e trupit të tij.

“Dua të gjej djalin dhe të di ku t’i hedh një tufë lule”, deklaroi babai i të riut, mes lotësh.

Ai shtoi se kërkimet po i bëjnë me lopata pasi s’kanë mjete, ndërsa kërkoi ndihmë nga shteti për aparatura më të specializuara për gjetjen e trupit të të birit.

“Kërkoj ndihmë nga shteti për gjetjen e trupit të djalit. T’i gjejnë vetëm njërin gisht ta çoj te familja ,se nuk ka gjë më të madhe në botë të humbasësh djalin në mal. I bëj thirrje shtetit, të sjellin aparatura të specializuara të gjej djalin dhe të di ku të hedh një tufë lule. Ka 3 ditë që vij me vëllezërit duke kërkuar me lopatë. Nuk ka asnjë lloj mjeti.

Djali doli në 6 të mëngjesit nga shtëpia këtu, hëngri drekën dhe vazhdoi punën me ekskavator dhe e mori baseni para. Djali kishte 5 vite që punonte, me siguracione, me të gjitha.

Nuk kanë si ta gjejnë djalin me lopata, ndaj i kërkoj shtetit ndihmë për mjete të specializuara. Babai, vëllai im tjetër po kërkojnë trupin. Ju lutem kërkoj ndihmë. Kaq mund të them”, tha ai.

Kryetari i Partisë Demokratike Sali Berisha është shfaqur me kokoren e minatorit në Bulqizë gjatë takimit elektoral.

Berisha: Mirëdita dhe përshëndetjet e mia më të përzemërta, ju qytetarëve të Bulqizës të pranishëm në këtë sallë, por edhe të gjithë banorëve të këtij rrethi kudo që janë.

Dua të përulem me shumë nderim para jush, burra dhe gra të Bulqizës, për kontributin e jashtëzakonshëm që keni dhënë në ekonominë, në shkencën, në dijet, arsimin, kulturën e këtij vendi.
Unë vij sot tek ju edhe me një ndjenjë të fortë përgjegjësie.

Në fakt edhe me një ndjesë reale për padrejtësitë që janë bërë ndaj jush.
Shoqëria shqiptare, shteti shqiptar kanë qenë të padrejtë ndaj minatorëve të Bulqizës dhe Shqipërisë.

E them këtë sepse ju, baballarët tuaj, njerëzit tuaj, në dekada e dekada, keni derdhur lumenj djerse nëntokë në kushte shumë të vështira me sakrifica të mëdha, herë herë dhe jetën dhe ju nuk keni marrë, nuk jeni shpërblyer asnjëherë për atë që meritoni.

Unë kam biseduar në mënyrë të përsëritur me përfaqësuesit tuaj, me kryetarin e sindikatave, Përparimin, Shaqirin, dhe vij para jush me një koncept të ri.

Dhe ky koncept është ky: Shoqëria ka borxh të madh ndaj minatorëve.
Siç ka borxh ndaj pronarëve, ndaj të përndjekurve politikë. Tre janë kategoritë ndaj të cilave shoqëria shqiptare ka detyrime.

Dhe u garantoj se vij i vendosur në mënyrë përfundimtare që ndaj këtyre tre kategorive, borxhi të shlyhet.
Kjo do të thotë se në 100 ditët e para do firmoset dhe do zbatohet statusi i minatorit.

Kjo do të thotë se do parashikohet rrogë minimale 1 mijë euro. Minimalja!
Kjo do të thotë se pensionet tuaja do jenë më të lartat në Shqipëri. Në krye!

Kjo do të thotë, natyrisht bëj një sqarim këtu, sipërmarrësit ne i përgjigjemi që do detyrohet të lëvizë rrogën nga 800 në 1 mijë e më tutje, ne do i përgjigjemi atij. Ne do e lehtësojmë atë në taksa. Ne do ia ulim taksat atij. Ne do ia shesim energjinë atij nga 18 lekë në 6 lekë.

Dhe do bëjmë një gjë shumë të madhe për sipërmarrësin eksportues.
Do kompensojmë qindarkë për qindarkë euron që e shtrinë përdhe trafikantët.

Futet narkoeuro me kontejner dhe këtu ndërmarrja falimenton se ai me euro eksporton.
Por euroja e zhvlerësuar atë e dëmton 35 përqind.

Qëllimi ynë është që këto pasuri botërore, Bulqiza përsëri ka rezerva botërore kromi, absolutisht ua them unë këtë. Janë bërë studime nga kompanitë më të mëdha në botë. Ata më thanë mua se janë akoma edhe 22 milionë ton për t’u shfrytëzuar.

Nuk është vetëm Bulqiza. Shqipëria ka pasuri përrallore minerare. Malet e saj janë mineral.
Kështu që çështja e statusit do jetë një nga çështjet më serioze tona.

Mishel dhe Stefani Karafili, dy prindërit e Antonio Karafilit që u mbyt me çarçaf në muajin qershor 2018 në Voskopojë, i janë drejtuar me një kërkesë prokurorisë së Korçës, duke kërkuar prej këtij institucioni, ndryshimin e akuzës për 25-vjeçaren Kejsi Spaillari.

Kjo e fundit është shpallur në kërkim ndërkombëtar, për veprën penale të “Vrasjes me dashje” kryer në bashkëpunim, pasi së bashku me Rexhep Vathin, kanë mbytur dhe më pas varur në pemë 18-vjeçarin Antonio Karafilin.

Por dy prindërit duan nga prokuroria që Kejsi Spaillari të akuzohet për “Vrasje për shkak të marëdhënies familjare”.

Përmes një MEMO-je të dërguar së fundi në prokurori, dy prindërit i kujtojnë prokurores së çështjes se djali i tyre Antonio, i mbetur viktimë në këtë ngjarje dhe autorja e krimit, Kejsi Spaillari, kishin një lidhje sentimentale duke bashkëjetuar mes njëri-tjetrin.

Një fakt i tillë është pranuar nga të dyja familjet, e vajzës dhe djalit.

“…Kejsi Spaillari dhe Antonio Karafili kanë pasur një lidhje intime dhe të vazhdueshme për më shumë se dy vite. Marrëdhënia e tyre ka qenë e pranuar nga të dy familjet, duke i dhënë kësaj lidhjeje karakterin e një familjeje de facto.Ata kanë kaluar kohë të konsiderueshme së bashku, duke funksionuar si një çift…”- thuhet në Memon e dërguar prokurorisë.

Nisur nga kjo situatë, prindërit kanë kërkuar kualifikimin e akuzës për të pandehurën e vetme në këtë dosje, shtetasen Spaillari, e cila tashmë është larguar nga Shqipëria duke u vendosur me banim në Kanada.

Nëse akuzat ndryshojnë dhe Spaillari deklarohet fajtore në gjykatë, për këtë krim ajo rrezikon një dënim që varion nga 35 deri në 25 vite burgim.

Një tërmet me magnitudë 6.2 ballë të Rihterit goditi sot provincën Chiapas të Meksikës , sipas Qendrës Gjermane të Kërkimeve për Gjeoshkencat (GFZ).

Thellësia fokale e tërmetit ishte 269 kilometra, raportoi GFZ.

Shërbimi Gjeologjik i Shteteve të Bashkuara (USGS) e mati tërmetin me magnitudë 5.8 ballë të shkallës Rihter në veri të provincës Matamoros dhe thellësinë fokale në 260 kilometra.

Një incident i frikshëm ka ndodhur mbrëmjen e djeshme në Himarë, pak minuta para spektaklit me fishekzjarre.

Xhonatan Islami, i njohur për pasionin e tij ndaj sporteve ekstreme, është rrëzuar gjatë një hedhjeje me parashutë

Fatmirësisht, ai ndodhet në spital në gjendje të mirë shëndetësore dhe nuk ka pësuar dëmtime serioze. Sipas burimeve, gjithçka është nën kontroll dhe mjekët po monitorojnë gjendjen e tij.

Xhonatan Islami është partneri i moderatores Roza Lati, me të cilën është në një lidhje dashurie që nga viti 2024. Lidhja u bë publike përmes një postimi të parashutistit, duke konfirmuar zërat që qarkullonin për çiftin.

Dëshiron ta përmbledh këtë si titull për rrjete sociale apo story?

Video Player