Month: July 2025

Fatmira Dervishi është 40 vjeçe dhe ajo ka pësuar djegie në këmbën e djathtë kur ka qenë fëmijë ndërsa e gjithë jeta i ka shkuar spitaleve me operacione të vazhdueshme.

Megjithatë 40-vjeçarja nënë e dy fëmijëve nuk mundi ta shpëtojë këmbën. Pas dhimbjeve të vazhdueshme dhe infeksionit që i rrezikon shtyllën kurrizore Fatmira është e detyruar të presë këmbën por në Shqipëri askush nuk i siguron protezën që të mund të ecë sërish.

Fatmira ka marrë garanci në një spital shtetëror në Itali për kryerjen e operacionit për prerjen e këmbës dhe vendosjen e protezës, por spitali shqiptar nuk jep epikrizën ku të përcaktohet se proteza nuk i garantohet në Shqipëri.

Ja kategoria që përfiton rritje pensioni nga muaji janar! Kufijtë e rinj të llogaritjes së shumës mujore

Mungesa e këtij dokumenti rrezikon të lërë nënën e dy fëmijëve të paralizuar gjithë jetën./ Top Channel

Një i burgosur shqiptar është arratisur në Baden të Zvicrës.

Shqiptari 23-vjeçar arritit të arratisej para se të hipte në automjetin e policisë për tu transferuar në një burg tjetër, sipas mediave vendase.

Sipas policisë, i riu shqiptar kishte veshur pantallona të zeza, një xhaketë të zezë me mëngë të bardha me motive dhe këpucë të bardha. Ai ishte gjithashtu i prangosur në kohën e arratisjes.

Pavarësisht kërkimeve me qen policie ai nuk është gjetur ende. Policia ka shpërndarë foton e shqiptarit dhe kërkon ndihmën e qytetarëve të cilët mund të kenë informacione për arrestimin e tij./vizionplus.tv

Moderatorja Bora Zemani dhe aktori i humorit Donald Veshaj kanë marrë vëmendjen e fansave së fundmi me disa foto të shkrepura në krahë të njëri-tjetrit.

Çifti i cili bëri bujë me romancën e tyre, jo më larg se dy vite më parë, janë parë më të dashuruar se kurrë teksa pozojnë ëmbëlsisht para kamerës.

Herë duke u përqafuar e herë duke vallëzuar, dyshja kanë postuar momente të lumtura të cilat nuk kanë kaluar pa u vënë re nga ndjekësit. Të shumta kanë qenë komentet të cilat kanë komplimentuar energjinë e mirë që çifti transmeton.

Miliarderi amerikan dhe themeluesi i Amazon, Jeff Bezos, ka tërhequr sërish vëmendjen e mediave, këtë herë për një gjest bujar gjatë qëndrimit të tij në një nga hotelet më luksoze të Venecias. Sipas gazetës italiane Il Gazzettino, Bezos ka lënë një bakshish prej plot 45 mijë euro për stafin e hotelit, pas vizitës së tij me bashkëshorten e re, Lauren Sanchez.

Çifti, i sapomartuar pas një ceremonie madhështore të mbajtur tre javë më parë, qëndroi në një hotel me shtatë yje në qytetin e njohur italian. Sipas raportimeve, dhurata e majme nga Bezos është pritur me shumë mirënjohje nga personeli i hotelit, ndërsa vetë miliarderi nuk ka komentuar ende mbi lajmin që tashmë ka bërë xhiron e rrjeteve sociale.

Edhe pse shuma prej 45 mijë eurosh është e konsiderueshme, ajo mbetet një detaj modest në krahasim me shpenzimet për dasmën e çiftit, e cila thuhet se ka kushtuar deri në 30 milionë dollarë.

Dashi

Asgjë nuk do shkoje si duhet sot ne jetën tuaj ne çift. Do keni here pas here debate me njeri tjetrin dhe situata mund t’iu dale jashtë kontrollit. Beqaret do kenë disa takime, por nuk do jene shume te vendosur për te filluar një histori dashurie. Financat do jene edhe me te favorshme. Do ndiheni te qete kur te kryeni ndonjë shpenzim te domosdoshëm.

Demi

Nëse jeni ne një lidhje shfrytëzojeni çdo moment kur ta keni pranë partnerin sepse jo çdo dite do jete pozitive. Beqaret, sidomos ata te divorcuarit, do jene me shume fat dhe do gjejnë tashme një person qe do iu përshtatet ne çdo pike. Te ardhurat do kenë goxha përmirësime fale mënyrës se mire te menaxhimit. vazhdoni ne këtë rruge dhe do e shihni qe do krijoni një buxhet te majme.

Binjaket

Dite e qëndrueshme dhe aspak problematike kjo e sotmja për te dashuruarit. Merrini gjerat si t’iu vijnë dhe dashuroni si ta ndjeni. Beqaret nuk do e jene mendjen tek krijimi i një lidhjeje, por gjithçka do ndodhe si me magji. Pranojini ftesat nëse iu bëhen. Ne planin financiar do jeni te vendosur ta stabilizoni situatën dhe do ia dilni me sukses.

Gaforrja

Nëse keni pakënaqësi ndaj partnerit flisni lirshëm me te sa pa qene ende vone. Mos u druani nga asgjë. Edhe ata qe kane pasur vështirësi do kenë një dite disi me te qete. Beqaret ka shume gjasa te fillojnë ndonjë aventure kalimtare me disa persona qe i kane njohur qe ne fëmijëri. Do jete thjeshte një eksperience e bukur. Ne planin financiar shpenzoni me maturi.

Luani

Do e joshni pa fund partnerin tuaj gjate kësaj dite dhe do e mbani gjithë kohës pas vetes. Çdo gjë do shkoje me se miri mes jush. Beqaret me ne fund do jene te qarte me veten e tyre dhe do bëjnë atë qe do ndjejnë. Për çdo hap qe do hedhin sot do mbajnë vete përgjegjësi. Ne planin financiar do keni fat dhe situata nuk do ketë asnjë lloj problemi.

Virgjeresha

Do bashkëpunoni mjaft me partnerin tuaj gjate kësaj dite dhe do i zgjidhni edhe disa mosmarrëveshje qe keni pasur kohet e fundit. Beqaret do realizojnë takimet qe kane ëndërruar gjithë këtë kohe. Me ne fund do e gjejnë princin e tyre te kaltër. Financat do kenë disa tronditje te vogla, megjithatë me pak durim dhe sakrifica do iu dilni mbanë.

Peshorja

Dita e sotme do vazhdoje te jete e animuar. Do ia kaloni me se miri pranë atij qe dashuroni. Shfrytëzojeni çdo minute apo sekonde. Beqaret me mire te presin edhe pak para se te nisin një histori dashurie. Sot nuk është koha me e përshtatshme. Ne planin financiar do jeni te bindur për te marre masa strikte dhe do arrini shpejt ta stabilizoni situatën.

Akrepi

Duhet pasur shume kujdes gjate kësaj dite ne jetën tuaj ne çift. Nëse bëni ndonjë gabim do pendoheni për gjithë jetën. Beqaret nuk duhet te nxitohen edhe sikur personat qe do i joshin te jene te veshur me ar. Nuk duhet absolutisht te gënjehen nga pamja e jashtme. Urani do jete pozicionuar keq tek sektori i financave. Gjerat nuk do shkojnë si duhet.

Shigjetari

Te gjithë ata qe kane dale nga një periudhe e vështirë ne jetën ne çift, do ndihen me te çliruar dhe me te gëzuar sot. Partneri do kërkojë falje dhe do ndryshoje tërësisht sjellje. Beqaret nuk do tërhiqen nga askush dhe do mbeten serish vetëm. Me financat tregohuni te kujdesshëm. Edhe pse situata nuk do jete e keqe, çdo gabim i vogël mund t’iu kushtoje shtrenjte.

Bricjapi

Pasioni dhe emocionet do shtohen gjate kësaj dite ne jetën tuaj ne çift. Do dini si t’ia bëni qejfin atij qe keni ne krah. Beqaret nuk do kenë as sot fat dhe nuk do arrijnë te krijojnë një lidhje. Edhe për pak kohe do mbeteni me këtë status. Ne planin financiar do përballeni me probleme te mëdha te cilat mund te zgjidhen vetëm fale ndihmës se specialisteve.

Ujori

Te dashuruarit do kenë një dite shume normale dhe pa probleme. Nga njëra ane me mire kështu sesa një dite plot emocione, por edhe me debate te zjarrta. Beqaret do e shfrytëzojnë pa fund lirinë qe kane dhe nuk do e ndiejnë aspak mungesën e dikujt ne krah. Ne plani financiar tregohuni te matur dhe te kujdesshëm. Po shpenzuat pa menduar do mbeteni keq.

Peshqit

Dialogu do mbizotërojë gjithë kohës sot ne jetën tuaj ne çift. Do i zgjidhni një nga një te gjitha vështirësitë apo problemet qe keni pasur. Toleranca dhe mirëkuptimi gjithashtu do jene pika te forta për ju. Beqaret do kenë vetëm mundësi për aventura kalimtare, asgjë me shume sesa kaq. Financat nuk do jene te këqija, por jo dhe aq te stabilizuara sa për te bere investime ekstravagante.

Zëvendësdrejtori i Burgjeve, Femi Sufaj e ka pranuar takimin e të dënuarit me burg përjetë, Laert Haxhiut me modelen nga Kosova, Ziza Pajaziti.

Në një intervistë që ai ka dhënë për “ReportTV”, Sufaj është shprehur se takimi ka ndodhur por ka zgjatur shumë pak.

E ndërkohë që në media qarkullojnë edhe iniciale të vajzave të tjera të ekranit që futen brenda institucioneve të vuajtjes së dënimit, zv.drejtori i Burgjeve, mohon të ketë raste të tjera.

Sufaj thotë se vetëm gjatë muajit qershor në burgje janë bërë 100 takime intime, duke iu referuar vetëm takimeve të të burgosurve me bashkëshortet ose bashkëjetueset, takime të cilat lejohen me ligj. Ndërkohë, sa i takon rastit të Haxhiut, Sufaj thotë se modelja në fjalë ka ardhur si e afërme dhe është futur në takim. Sipas tij, nuk bëhet fjalë për një takim të zgjatur, por është zhvilluar në dhomat e vizitave, duke theksuar se Drejtoria e Burgjeve ka marrë masa administrative pas këtij rasti.

“Në qershor janë bërë shumë takime ku 7 mijë e ca takime janë me familjarët, mbi 1 mijë me avokatët dhe 100 janë intime. Sipas ligjit këto takimet intime janë takime, që duhet që të jenë bashkëshortët, ose bashkëjetuesit e të dënuarit. U konstatua një shkelje e procedurave në burgun e Korçës, e cila vjen si e afërme dhe futet në takim. Dhe ne kemi marr qëndrimet tona administrative dhe nuk është konstatuar që të jetë një rast i dytë. Nuk ishte takim i zgjatur, por takim në dhomën e vizitave. Gjithë kjo zhurmë nuk dihet pse po bëhet,”- tha ai.

Meteorologia Tanja Porja në A2 CNN ka paralajmëruar një valë të nxehti ekstrem që do të prekë të gjithë territorin e Shqipërisë, duke nisur nga e hëna e javës së ardhshme, ku në disa zona mund të thyhen edhe rekordet historike të temperaturës.

“Nga dita e dielë dhe deri të premten tjetër termometri maksimal vetëm do të shënoj ngjitje. Mesi i javës tjetër në qarkun e Beratit do t’i afrohet maksimumit historik prej 44 gradë Celcius. Gjasat janë të larta që Berati të thyej rekordin historik të temperaturës më të lartë rreth ditës së mërkurë apo të enjten. Zonat më problematike janë Elbasani dhe Shkodra, por kryesisht qarku i Beratit, i cili do të jetë shumë i nxehtë, të mërkurën të enjten dhe të premten. Pjesa tjetër e Shqipërisë do të jetë me temperatura 35 gradë Celcius e më lartë. Mesdita do të jetë shumë e nxehtë, nga ora 10 deri në 4 pasdite”, parashikoi meteorologia.

Më tej, Porja bëri me dije se do të kemi temperatura nga 33 deri në 35 gradë Celcius edhe në të gjitha zonat malore, përfshirë ato më të thella që zakonisht janë të freskëta.

“Presim 38-41 gradë Celcius në zonat malore verilindore. Kukësi do të ngjitet deri në 39-40 gradë Celcius javën që vjen. Të gjitha qytetet, përfshirë kryeqytetin do të kapërcejnë 40 gradë. Pas datës 25 jemi në kulmin e kësaj vale të nxehti. Javën e ardhshme në zona të caktuara të territorit të vendit termometri do të shënojë 30 gradë Celcius edhe gjatë natës. Era do të jetë të paktën mesatare në brigjet detare, por në pikun e të nxehtit do të jetë disi problematike”, tha Porja.

Mbretëria e Bashkuar dhe Gjermania do të hedhin sot firmat mbi një Traktat Miqësie dhe Bashkëpunimi Bilateral, që synon të forcojë marrëdhëniet mes dy vendeve në një sërë fushash kyçe, nga siguria dhe mbrojtja te tregtia dhe migracioni. Kryeministri britanik Keir Starmer pret në Londër kancelarin gjerman Friedrich Merz për një vizitë të plotë zyrtare, ku pritet të finalizohet marrëveshja e parë e këtij lloji mes dy vendeve, që konsiderohet një moment historik për marrëdhëniet dypalëshe.

Në kuadër të traktatit, Gjermania pritet të marrë një angazhim historik për ta bërë të paligjshme çdo ndihmë për migracionin e paligjshëm drejt Britanisë, me ndryshimet ligjore që synohet të miratohen deri në fund të këtij viti. Ky hap do t’i mundësojë autoriteteve gjermane të kontrollojnë depot dhe magazinat e përdorura nga rrjetet kriminale që organizojnë kalime të rrezikshme përmes Kanalit të La Manshit, duke forcuar bashkëpunimin me autoritetet britanike në luftën kundër kontrabandës së qenieve njerëzore.

Kryeministri Starmer e ka cilësuar traktatin si një themel të ri mbi të cilin dy vendet do të zgjidhin sfidat e përbashkëta. “Traktati që do të nënshkruajmë sot nuk është vetëm një simbol i historisë sonë të përbashkët, por një bazë e fortë për bashkëpunim më të ngushtë në të ardhmen. Angazhimi i kancelarit Merz për të ndryshuar ligjin gjerman për të frenuar migracionin e paligjshëm është një hap i mirëpritur,” tha ai përpara takimit.

Dokumenti përfshin gjithashtu zgjerimin e bashkëpunimit në fushën e mbrojtjes dhe sigurisë, përfshirë një marrëveshje për të rritur eksportet e përbashkëta ushtarake si automjetet e blinduara Boxer dhe avionët luftarakë Typhoon. Dy liderët do të angazhohen gjithashtu për zhvillimin e teknologjive të avancuara të mbrojtjes, përfshirë sistemet e goditjeve me rreze të gjatë, që synojnë të forcojnë sigurinë evropiane dhe të mbështesin industrinë e mbrojtjes në të dyja vendet.

Një tjetër element kyç i traktatit është krijimi i Forumit të Ri të Biznesit Britani–Gjermani, i cili synon të nxisë investime dhe të rrisë shkëmbimet tregtare. Aktualisht, tregtia mes dy vendeve përbën 8.5% të gjithë shkëmbimeve tregtare të Britanisë dhe mbështet rreth 500,000 vende pune në ekonominë britanike.

Kancelari gjerman Friedrich Merz e ka cilësuar traktatin si “një hap vendimtar për të garantuar sigurinë dhe prosperitetin e qytetarëve tanë në një periudhë sfidash globale.”

Nënshkrimi i traktatit vjen pas disa muajsh negociatash intensive dhe shihet si pjesë e përpjekjes së Mbretërisë së Bashkuar për të rikthyer një rol aktiv dhe të besueshëm në kontinentin evropian pas Brexit.

Në tregun e këmbimit valutor shqiptar, një dollar amerikan do të blihet sot me 83.4 lekë dhe do shitet me 84.5 lekë.

Ndërkohë monedha evropiane euro do blihet me 97 lekë dhe do shitet me 97.9 lekë.

Franga zvicerane sot në tregun shqiptar do blihet me 103.5 lekë dhe do shitet me 104.5 lekë.

Ndërsa paundi britanik do blihet me 111.7 lekë dhe do shitet me 113 lekë.

Eksperti i sigurisë Get Metani ka deklaruar në studion e emisionit Quo Vadis në Vizion Plus se futja e celularëve në burgje është kthyer në një skemë korrupsioni të mirëorganizuar. Sipas Metanit, për të futur një telefon në burg, pagesa mund të arrijë deri në 1500 euro.

Ai theksoi se ekzistojnë shumë mënyra për të kaluar pajisjet e ndaluara në qelitë e të dënuarve, duke fajësuar për këtë situatë shërbimin e kontrollit të brendshëm në sistemin penitenciar.

Pjesë nga biseda:

Metani: Çedon sistemi, ka korrupsion. Deri 1500 euro shkon të futësh telefonin. Gjenden mënyra.

-Ku i fusin?

Metani: Në elektroshtëpiake, kudo. Ka shërbim të kontrollit të brendshëm të burgje, jo funksional. Emërimet janë nga partitë. Siç dua të dal edhe tek drejtori, drejtorin e vendosin ministrat, vjen nga administrata. Ka drejtues që janë edhe kryetar të partive.