Month: July 2025

Punonjësi i Policisë së Shtetit në Lezhë, Xhovano Tuci, i shfaqur në një video ku dyshohet se konsumon kokainë, është përjashtuar nga radhët e policisë. Para përjashtimit, ai ishte në masë disiplinore “Shtyrje e afatit të gradimit për 3 muaj” për mosmbajtje të rregullt të uniformës dhe sjellje jokorrekte ndaj eprorëve.

Drejtoria e Standardeve Profesionale ka zhvilluar hetim disiplinor ndaj Tucit për “braktisje detyre” dhe “mungesë të pajustifikuar për më shumë se 7 ditë pune”. Me vendim të Komisionit Disiplinor më 3 korrik 2025, ai u përjashtua zyrtarisht nga policia, vendim që u la në fuqi edhe nga Komisioni i Apelimit më 25 korrik.

Pas publikimit të videos ku dyshohet përdorimi i kokainës, strukturat e Autoritetit të Monitorimit të Pasurive (AMP) dhe Policia e Shtetit po kryejnë verifikime të mëtejshme, ndërsa pritet të referohen materiale në Prokurori për ndjekje penale.

Policia e Shtetit thekson vendosmërinë për të larguar nga radhët e saj çdo punonjës që abuzon me detyrën dhe cenon besimin e qytetarëve.

Në mënyrë krejt të papritur, moti ka “marrë kthesë” dhe sot ka rënë shi i konsiderueshëm në vendin tonë. Në Tiranë, prej orësh po bie një shi i dendur, që ka ndikuar edhe në jetën e qytetarëve.

Siç shikohet në pamjet e siguruara nga LSA, rrugët e kryeqytetit janë mbushur me ujë dhe njerëzit kapërcejnë ato, jo me lehtësi.

Policia ka arrestuar shtetasin Ilir Kociaj (Koçiaj), 59 vjeç, një person i konsideruar nga agjencitë ligjzbatuese me rrezikshmëri të lartë shoqërore.

Koçiaj rezulton i shpallur në kërkim ndërkombëtar dhe i dënuar me 18 vite burgim nga drejtësia italiane, për veprën penale “Trafikimi i lëndëve narkotike”, kryer në kuadër të një organizate kriminale.

Koçiaj u kap në flagrancë nga forcat e rendit teksa tentonte të largohej me një automjet Audi Q5, në aksin Tiranë-Elbasan. Pas një ndjekje të gjatë i rrethuar nga motorët e policisë, 59-vjeçari u arrestua nga policia. Automjeti i ti u sekuestrua gjithashtu nga Policia.

Operacioni policor, i koduar “Hierarkia”, u finalizua nga shërbimet e Seksionit të Kërkimit të Forcës së Posaçme për Operacione Speciale dhe Kërkime, në bashkëpunim me Forcën e Posaçme “Shqiponja”.

59-vjeçari ishte shpallur në kërkim nga Drejtoria Vendore e Policisë Elbasan, në zbatim të vendimit të Gjykatës së Apelit Tiranë, që njeh vendimin e Gjykatës së Firences për dënimin e tij.

Pas ndalimit, ai iu dorëzua strukturave të Policisë së Elbasanit për veprime të mëtejshme procedurale.

https://streamable.com/e/z5pb34?

Dashi

Kjo ditë do të sjellë rikuperim të ndjeshëm për të lindurit e kësaj shenje, duke qenë më e mirë në raport me ato që keni lënë pas, kur jeni përballur me jo pak vështirësi. Mundohuni që të jeni më optimist, sidomos në dashuri, pasi shumë shpejt ju pret një fazë pozitive. Do të ketë një rikuperim të ndjeshëm edhe në sferën profesionale, ndonëse do ju duhet të prisni pak.

Demi

Kjo e martë do ju gjejë nën ritmin e duhur, ku gjatë saj do të ketë ngadalësime dhe do të përballeni me disa pengesa. Mundohuni që të mos dekurajoheni, pasi bëhet fjalë për një periudhë kalimtare. Fundi i vitit do ju gjejë triumfatorë dhe do arrini që të merrni rezultatet e shpresuara në sferën profesionale.

Binjakët

Kjo periudhë është mjaft pozitive për të lindurit e kësaj shenje, të cilët do të kenë mundësi që të zgjidhin problemet dhe ti përballojnë me buzëqeshje. Mundohuni që ti zgjidhni gjërat e mbetura pezull brenda muajit.

Gaforrja

Ju pret një ditë rikuperimi, pavarësisht ndikimit të kundërt të Saturnit, i cili vijon të ndihet. Këshillohet që të shmangni konfliktet, sidomos me të lindurit e shenjës së virgjëreshës dhe peshqve. Mund të keni dëshirë që të rishikoni disa aspekte të jetës suaj, përfshi edhe lidhur me ndjenjat.

Luani

Kjo e martë do ju gjejë disi të acaruar dhe konfliktual, gjatë së cilës do të doni të reagoni, pasi mendoni se po bëhen padrejtësi. Mundohuni që të mos e teproni me reagimet tuaja. Duhet të mundoheni që të sistemoni disa situata, të cilat janë ende pezull. Për këtë ditë, këshillohet që të jeni të qetë.

Virgjëresha

Do të jeni disi nervoz në sferën familjare, ndoshta për shkak të disa ndryshimeve me të cilat nuk po arrini të bini dakord. Megjithatë, nuk do ju mungojë dëshira që të shihni anët e mira, ndaj bëni kujdes.

Peshorja

Kjo ditë do të jetë tejet pozitive dhe gjatë saj do të ketë rikuperim sa i takon marrëdhënieve ndërpersonale. Do të keni mundësi që të jetoni emocione të reja pozitive. Parashikohet një periudhë e bukur me afrimin e fundit të muajit, periudhë në të cilën Hëna do të hyjë në shenjën tuaj.

Akrepi

Ju pret një e martë e mbushur me nervozizëm, gjatë së cilës mund ta teproni me reagimet tuaja, veçse rrezikoni që të pendoheni. Duhet të tregoheni më të kujdesshëm. Është mirë që të mos e teproni për shkak të ndonjë diskutimi që keni pasur së fundmi.

Shigjetari

Do të gjeni më shumë hapësirë për dashurinë dhe ndjenjat gjatë kësaj dite. Mundohuni që të gjeni kohën e duhur për njerëzit që doni dhe për të bërë më shumë gjëra bashkë si dhe për të programuar diçka të pazakontë, në mënyrë që të përjetoni emocione të bukura.

Bricjapi

Gjatë kësaj dite bëni mirë që të jeni të kujdesshëm ndaj gjithçkaje që bëni, por kryesisht në gjithçka që shkakton përdorimi i parave. Bëni kujdes me shpenzimet. Duhet t’iu përkushtoheni projekteve për të ardhmen, të cilët do të dalin në pah shumë shpejtë.

Ujori

E marta do të jetë e mbushur me nervozizëm dhe gjatë saj mund të ketë një sërë konfliktesh dhe diskutimesh. Mundohuni që të mos e teproni dhe të mos reagoni ndaj provokimeve, shkruan noa.al. Po ashtu duhet të menaxhoni më mirë raportet me të tjerët. Nga ana tjetër mund të ndjeni lodhje fizike.

Peshqit

Kjo ditë do të jetë nën ritmin e duhur sa i takon dashurisë, ndjenjave dhe raporteve me të tjerët. Mundohuni vetëm që të jini të matur ndaj asaj që do të thoni dhe mbi të gjitha, se si do e thoni. Bëhet fjalë për një fazë kalimtare, e cila do të përmirësohet gjatë fundit të muajit.

Zbardhet dinamika e plotë e vrasjes së 52-vjeçares, Kozeta Teço, e cila u gjet pa shenja jete në banesën e saj mëngjesin e sotëm, rreth orës 06:00 të mëngjesit në një kohë kur shtëpia ishte përfshirë nga flakët.

Fillimisht u dyshua se kishte humbur jetën nga asfikësia, por më pas u zbuluan shenjat e thikës në qafë, duke nxjerrë në dritë të vërtetën. Kozeta Teço është vrarë nga i dashuri i saj, Ilirjan Selmani.

Ky i fundit më pas, i vuri flakëne banesës për të zhdukur gjurmët e tij por nuk ia doli dot.

Autori i dyshuar Ilirjan Selmani, i cili dyshohet se kishte lidhje intime me Kozeta Teçon, fillimisht e ka vrarë 52-vjeçaren, më pas ka fshirë gjakun duke pastruar vendin e krimit dhe në fund i ka vënë zjarrin ambienteve të shtëpisë.

I riu ka ndezur disa vatra zjarri në banesë për të humbur gjurmët.

Por krimi nuk ishte perfekt, ai u kap nga kamerat e sigurisë duke hedhur diçka në koshin e mbeturinave aty pranë.

Brenda koshave nuk kishte gjë tjetër veç peshqirëve dhe kartopecetave me gjakun e viktimës. Ato ishin përdorur Ilirjan Selmani për të zhdukur provat dhe për të pastruar vendin e ngjarjes.

Tashmë, autori i cili ka pasur një lidhje intime 8-vjeçare me viktimën është shoqëruar dhe po merret në pyetje për të zbardhur motivin që shtyu të riun nga Pogradeci të vriste partneren e tij.

Për autorin dihet se ai punonte herë pas here në ndërtim apo në Greqi, rezulton gjithashtu të ketë qenë përdorues i lëndëve narkotike.

Po ashtu, është zbuluar se 37-vjeçari vuante nga probleme të shëndetit mendor dhe përfitonte pagesë invaliditeti për shkak të gjendjes së tij.

Teço, në biseda me persona të afërt, kishte pohuar se Selmani i kishte marrë rreth 20 milionë lekë në total gjatë viteve të lidhjes.

Paratë, sipas saj, i vinin nga motrat që jetonin në Greqi dhe Tiranë.

Madje kjo e fundit e kishte vizituar disa orë para se e motra të vritej dhe ishte kthyer për në Tiranë. Se çfarë kanë diskutuar me njëra-tjetrën, ende nuk dihet.

Ndërkohë, teksa e kishte vrarë, Selmani është takuar me disa të njohur të tij, të cilëve u ka pohuar se kishte vendosur të ndahej nga Kozeta me pretendimin se ajo kishte krijuar një lidhje tjetër.

Por e gjitha ishte një alibi që nuk e shpëtoi dot nga prangat.

Gjykata e Fierit ka vendosur masën e sigurisë “arrest me burg” për tre të dyshuarit e vrasjes së 56-vjeçarit, Anesti Rama. Tre të akuzuarit Emalinda Rama, 26-vjeçe, nëna e saj Valbona Rama 53-vjeçe dhe Çlirim Dogani, 55-vjeçari banues në Arapaj, u paraqitën mesditën e kësaj të hëne në gjykatë, ku u njohën me masën e sigurisë.

Nënë e bijë janë parë të qeta dhe pa shenja pendese për krimin e kryer, gjë që ka nxitur reagime të forta në opinionin publik. Mësohet se para togave të zeza, të tre të akuzuarit kanë mohuar krimin para gjykatës, duke dhënë deklarata kontradiktore. Sa i përket dyshimeve se 26-vjeçarja ka qenë në një lidhje me të akuzuarin tjetër Çlirim Dogani, avokati njoftoi se gjatë dëshmisë, Emalinda Rama ka qenë e çekuilibruar dhe i ka mohuar disa herë qëndrimet e saj.

“Deklaratat e bëra prej tyre këto ditë ishin shumë kontradiktore me çfarë deklaruan sot në procesin gjyqësor para gjykatës. Sot mohuan plotësisht përfshirjen në vrasje. Ata thonë ‘nuk dimë asgjë kush e ka vrarë, ne e gjetëm të vdekur. Emalinda është e çekuilibruar dhe i mohon qëndrimet e saj disa herë. Ajo ka pasur disa fejesa, pretendimi i saj është se ka kryer marrëdhënie me atë shtetas 1 vit përpara, ky është pretendimi i fundit”, -shprehet për mediat avokati Kastriot Dyrmishi.

Emanilda Rama (vajza e viktimës), Valbona Rama (bashkëshortja e tij), dhe Çlirim Dogani u lanë sot në burg. Të tre akuzohen se kanë bashkëpunuar në kryerjen e krimit, i cili fillimisht u paraqit nga familjarët si një vdekje natyrale.

Ngjarja ndodhi me 24 korrik, ku 26-vjeçarja mbyti me tel babain e saj. Në deklarimin e parë të saj Emalinda Rama është shprehur përpara efektivëve se i ati ishte rrëzuar në shtëpi aksidentalisht dhe kishte ndërruar jetë. Por shenjat në fytin e Anesti Rama, 56 vjeç, bënë që Policia e Fierit të dyshonin se kishin të bënin me një vrasje dhe jo me ngjarje aksidentale. Nga këqyrja e kufomës u konstatua se trupi i pajetë kishte shenja dhune edhe në pjesët intime. Vrasja dyshohet të jetë menduar mirë nga nënë e bijë. E gjitha kjo pasi të dyja e kishin dërguar dy ditë më parë tek kardiologu me qëllim që të justifikonin vdekjen e Anesti Ramës. Pas zbardhjes së krimit, Emelinda Rama e ka pranuar vrasjen dhe ka deklaruar se babai i saj ishte fanatik, nuk e linte të dilte dhe ndaj ishte detyruar të ndërmerrte aktin ekstrem.

Ndërkohë, lidhur me ngjarjen u arrestua edhe Çlirim Dogani 55-vjeç, banues në fshatin Arapaj të Roskovecit. Sipas bluve, Dogani ka bashkëpunuar me Ramën për të mbytur me tel babain e saj Anesti Rama, si dhe ka përdorur sende të forta dhe mjete prerëse.

Ky është komisari Agim Troci, prej 3 ditësh ndodhet në një shtrat spitali me djegie të shkallës së dytë dhe të tretë në trup pasi mbeti i bllokuar mes flakëve në fshatin Kopaçëz të Delvinës teksa po evakuonte banorët.

Në temperatura përvëluese teksa flakët shkrumbonin gjithçka u dilte para, komisari bashkë me vartësit e tij dhe ekipin e zjarrfikësve iu përgjigj thirrjes për ndihmë.

“Na thanë zjarrfikëset që banorët nuk pranojnë të evakuohen. Mes tyre ishte dhe një fëmijë 10 vjeç. Morëm në krahë dhe një grua të moshuar. Pastaj një çift të moshuarish që nuk pranonin”, u shpreh për Tch Agim Troci, shef i komisariatit Delvinë .

Minutat e harxhuara duke bindur banorët se jeta e tyre ishte më e shtrenjtë se prona dhe kontrollet për të evakuuar banorë në banesat e mbetura bënë që flakët të zinin në kurth Shefin e komisariatit të Delvinës.

“Gjeta një kovë të vogël me ujë laga bluzën thashë të mos asfiksohem. U çoj lokacionin kolegëve. Telefonat mu bllokuan nga nxehtësia. U ula u mendova. Ishte moment i vështirë mendova fëmijët dhe familjen. Kam vrapuar 100 metra për të gjetur zjarrfikësen ku e lashë, por nuk e gjeta. Kishte shumë tym dhe blozë, kam rënë pa ndjenja”, tha Troci.

Për fat të mirë komisari u pa nga zjarrfikëset teksa doli mes tymit dhe flakëve dhe u transportua fillimisht në spitalin e Delvinës pastaj në spitalin e Sarandës dhe më pas me helikopter drejt QSUT-së ku mori një trajtim më të specializuar.

Pret 15 vitesh si pjese e uniformave blu, Agimi ishte mësuar t’u shërbente njerëzve ndërsa tani atij i shërbejnë dhe i shprehin mirënjohje të njohur dhe të panjohur duke e quajtur aktin e tij heroik, ndërsa ai vetë e sheh si diçka më se të zakonshme dhe mezi pret të kthehet në punë.

“Kam më shumë se 2500 mesazhe në telefon. Jam ndjerë mirë. Vizita nga e gjithë Shqipëria. Por sinqerisht nuk kam bërë asgjë për të marrë këtë protagonizëm. Njerëzit duhet të veprojnë me zemër. Zemra nuk të lë të gabosh asnjëherë. Unë mezi pres të kthehem në punë”, përfundoi Troci.

Në një kohë kur në lajme shpesh shfaqen punonjës policie në anën e kundër të ligjit apo që nuk përmbushin përgjegjësitë e tyre, historia e Komisar Agim Trocit frymëzon.

Ai veproi përtej uniformës, ligjit dhe rregullave për të shpëtuar jetë njerëzish duke rrezikuar të tijën.

BBC i ka kushtuar vëmëndje një zbulimi të rëndësishëm arkeologjik në Shqipëri, që besohet të jetë vendbanimi liqenor më i vjetër në Evropë.

Zbulimi është bërë në brigjet e Liqenit të Ohrit, ku të dhënat sugjerojnë se një komunitet i organizuar gjuetarësh dhe bujqish ka jetuar aty rreth 8,000 vite më parë.

Ekipet e kërkimit nga Zvicra dhe Shqipëria po zbulojnë çdo ditë dëshmi që i përkasin epokës së gurit, ku ky komunitet i lashtë kombinonte aktivitetet e gjuetisë me ato të bujqësisë.

“Është rreth 6 hektarë, dhe deri tani s’kemi bërë as edhe 600 metra katrorë. Pra, kjo është vetëm një vrimë e vogël për të parë brenda të gjithë zonës. Do të thosha që kemi bërë më pak se 1% të gërmimeve”, tha një nga arkeologet në videon e publikuar nga BBC.

Arkeologët po punojnë rreth tre metra nën sipërfaqen e ujit për të rikuperuar me kujdes shtyllat prej druri që dikur mbështesnin shtëpitë mbi liqen.

Krahas tyre, po mblidhen edhe objekte qeramike të gdhendura, eshtra kafshësh dhe vegla prej bakri – dëshmi të një jete të zhvilluar dhe të organizuar në lashtësi.

VIDEO

Në puntatën e fundit të këtij sezoni, moderatorja Erjona Rusi u ul në karrigen e të ftuarës dhe u intervistua nga ish kolegu i saj Arjon Muça. Me lot në sy, ajo rrëfeu një prej eksperiencave të saj më të këqija me mjekët kur kishte babanë e sëmurë.

Kam një kujtim shumë të keq që lidhet me sëmundjen e babit, më është ngulitur shumë thellë, momenti më i vështirë si qenie njerëzore dhe që ka të bëjë edhe me politikat e këtij shteti me faktin se sa social ka qenë shteti shqiptar.

Njerëzit e paralizuar apo me aftësi ndryshe përfitojnë kemp, një shumë qesharake, por që të përfitosh kempin duhet që pas një viti të bëhet një rikontroll, mjekët e kempit duhet të vërtetonin që i sëmuri vazhdon të jetë i sëmurë dhe unë i jam lutur, po lutur atyre mjekëve që të vinin ta shihnin babin tek shtëpia, unë sa kisha marrë një makinë të vogël dhe u thashë ju marr unë me makinë dhe hajdeni shiheni se babin s’e lëvizim dot, nuk erdhën, do ta sillni këtu thanë, unë me mamin dhe vëllanë e kemi marrë babin me batanije se nuk e ngrinim dot, e kemi futur në makinë që ta shihnin mjekët dhe të merrnim kempin pastaj ne. Po e di ç’ndjesi e ndyrë dhe e poshtër njerëzore është ta shohësh të afërmin tënd në atë gjendje? Isha shumë e vogël, të isha kjo Erjona që jam sot përpara atyre mjekëve, ata do ta harronin, unë kurrë s’do ta bëja, jo vetëm nga ana ekonomike se sot jam më mirë, por namin do të bëja.

Ishte edhe një rast kur isha në spital, isha gati t’i fusja thonjtë në fyt një mjeku se e hoqi nga reanimacioni dhe e çoi në dhomë se s’kishte marrë lekët, si mund të luash me jetët e njerëzve se s’ke marrë lekët, mbase emrat mund t’i kem harruar, por i mbaj mend, s’dua t’i takoj, kam urrejtje shumë, nuk janë të gjithë mjekët kështu. Kam pasur eksperienca të tmerrshme me babin dhe mjekët.

Përgjatë ditëve të fundit vendi ynë u përfshi nga një valë e nxehtë ku termometri shënoi mbi 40 gradë celsius.

Përpos thirrjeve të bëra nga Ministria e Shëndetësisë dhe mjekëve, që qytetarët të tregojnë kujdes të shtuar në këto ditë të nxehta vere, edhe kryetari i arrestuar i Bashkisë së Tiranës, Erion Veliaj, nuk ka lënë “pas dore” qytetarët e tij.

Në rrjetin e tij social në platformën “TikTok”, i cili menaxhohet nga stafi i tij, kryebashkiaku u ka bërë thirrje qytetarëve që të qëndrojnë në vende sa më të freskëta dhe të evidentojnë daljet jashtë banesave të tyre.

Ndërkohë që bëri apel për të konsumuar sa më shumë ujë dhe se në të gjithë qytetin e Tiranës, Bashkia është kujdes duke ngritur çadra me qëllim që qytetarët, por jo vetëm, madje dhe kafshët shtëpiake të gjejnë një vend të freskët.

“Hey përshëndetje të gjithëve është 40 gradë jashtë. Qëndroni të hidratuar dhe pini ujë”, dëgjohet të thotë Veliaj në videon e filmuar një vit më parë por që është ripostuar sërish në llogarinë e kryebashkiakut.