Month: May 2026

Në vitin e mbrapshtë 1997, Sokol Hoxha ishte vetëm 22 vjeç. Lindur dhe banues në lagjen 1 Maji të Patosit në Fier, ai u martua shpejt me një vajzë 3 vjet më të vogël.

Por martesa nuk shkoi mirë. Dyshimet ishin se ai u përpoq që ta kthente në prostitutë, por ajo nuk u dorëzua dhe gjërat më pas precipituan derisa Sokoli e vrau të shoqen, në Bruksel në gusht 1997.

Por më herët, në mars 1997 para se të arratisej për në Belgjikë, ai kishte vrarë dhe 2 vëllezër.

Pas vrasjes së gruas në Bruksel ai u arratis në Angli, ku përdori identitet të rremë, duke pretenduar në mënyrë mashtruese se ishte refugjat nga Kosova, gjë që i lejoi të kërkonte azil dhe në fund shtetësi britanike.

Vite më vonë ai u zhvendos në Shtetet e Bashkuara të Amerikës ku së fundi qëndroi në Kettering, Ohajo. Pikërisht këtu nisi e tatëpjeta e tij.

Për gjashtë vite me radhë ai ishte nën hetim dhe vëzhgim. Derisa më 5 maj 2026, një ekip i zyrës për Kapjen e të Arratisurve (SOFAST) i Shërbimit të Marshallëve të SHBA-së (USMS) i Ohajos Jugore, së bashku me Zyrën e Imigracionit dhe Doganave (ICE), USMS INTERPOL të Uashingtonit dhe Departamentin e Policisë së Kettering, Ohio, e gjetën dhe arrestuan Sokol Hoxhën.

Por arrestimi u bë me akuzën se ishte gjetur në shkelje të ligjit të imigracionit edhe pse ai në 2012 kishte marrë statusin e rezidentit të përhershëm dhe të ligjshëm në SHBA.

Më pas dolën andrallat e tjera. Ai u njoftua se ishte subjekt i një Njoftimi alert të Kuq të INTERPOL-it të lëshuar me kërkesë të Belgjikës bazuar në një dënim për vrasje të qëllimshme (në mungesë) për vrasjen e gruas së tij 19-vjeçare në Bruksel në gusht 1997.

E ndërkohë, Hoxha ishte gjithashtu subjekt i një njoftimi për person të kërkuar nga INTERPOL-i të lëshuar nga Shqipëria bazuar në një dënim (në mungesë) për vrasjen e dy vëllezërve në mars 1997 në Patos.

Hoxha kishte qenë në arrati nga drejtësia që kur u kryen vrasjet. Kaluan plot 29 vjet derisa ai të kapej. Dhe për gati tre dekada, Sokol Hoxha jetoi në liri edhe pse kishte bërë tre vrasje.

Ndërsa shumë prindër në botë vazhdojnë të mbështeten te rregullat e forta dhe ndëshkimet, modeli japonez i edukimit të fëmijëve po fiton gjithnjë e më shumë vëmendje për mënyrën e tij të veçantë dhe efektive të rritjes së fëmijëve.

Në Japoni, fokusi nuk vendoset vetëm te notat apo suksesi në shkollë, por te formimi i karakterit dhe sjelljes. Që në moshë të vogël, fëmijët mësohen të respektojnë të tjerët, të kujdesen për komunitetin dhe të kuptojnë ndikimin që sjellja e tyre ka tek ata që i rrethojnë.

Një nga elementët më të veçantë të kësaj metode është mungesa e ndëshkimeve të ashpra. Në vend të britmave apo dënimeve, prindërit dhe mësuesit përdorin komunikimin, qetësinë dhe shembullin personal për t’i ndihmuar fëmijët të kuptojnë gabimet e tyre.

Në vend që t’u thuhet thjesht “mos e bëj”, fëmijët inkurajohen të reflektojnë mbi pasojat e veprimeve dhe të korrigjojnë vetë sjelljen.

Pikërisht kjo qasje besohet se ndihmon në krijimin e një vetëkontrolli më të fortë dhe një ndjenje më të lartë përgjegjësie.

Në shkollat japoneze, nxënësit angazhohen edhe në detyra të përditshme si pastrimi i klasave, shpërndarja e ushqimit apo organizimi i ambienteve të përbashkëta. Kjo bëhet për t’i mësuar se çdo individ ka rol dhe përgjegjësi në shoqëri.

Vetëkontrolli konsiderohet një nga vlerat më të rëndësishme. Fëmijët mësohen të menaxhojnë emocionet dhe të mendojnë para se të reagojnë impulsivisht, duke zhvilluar një personalitet më të qetë dhe të balancuar.

Ekspertët besojnë se kjo mënyrë edukimi është një nga arsyet pse Japonia njihet për disiplinën, respektin dhe bashkëpunimin e lartë mes njerëzve.

Në një kohë kur shumë prindër po kërkojnë alternativa më të shëndetshme për rritjen e fëmijëve, modeli japonez po shihet gjithnjë e më shumë si një formulë që synon jo vetëm suksesin, por edhe formimin e qytetarëve të përgjegjshëm dhe të ndërgjegjshëm./TAR

Një operacion i vështirë kërkimi është duke u zhvilluar në Maldive, ku ekipe zhytësish specialistë dhe shpella-ekspertë nga Finlanda, Britania e Madhe dhe Italia janë nisur drejt atolit Vaavu për të marrë pjesë në gjetjen e trupave të katër zhytësve italianë të zhdukur pas një tragjedie nënujore në të ashtuquajturën “Shpella e Peshkaqenëve”.

Autoritetet lokale kanë pezulluar përkohësisht kërkimet zyrtare, për shkak të kushteve të vështira atmosferike dhe pas një tjetër incidenti fatal, ku një zhytës ushtarak që merrte pjesë në operacionin e kërkimit humbi jetën nga sëmundja e dekompresionit. Kjo ka rritur edhe më shumë kompleksitetin e situatës dhe rreziqet për ekipet në terren.

Projektligji për shitjen e tokës bujqësore ka përcaktuar edhe kriteret specifike për ato familje që kanë në pronësi tokë bujqësore dhe dëshirojnë ta shesin atë tek persona të huajë fizikë apo juridikë.

Sipas legjislacionit për ndarjen e tokës janë trajtuar me tokë bujqësore në pronësi rreth 445 mijë familje bujqësore, të cilat janë objekt i këtij drafti.

Konkretisht, sipas nenit 8 të draftligjit, familja bujqësore që kalon pronësinë mbi tokën bujqësore tek personat fizikë ose juridikë të huaj, në përputhje me kërkesat ligjore për kalimin e pasurive të paluajtshme, duhet të dokumentacion të rregullt si: certifikatën e pronësisë të lëshuar nga autoriteti kompetent për regjistrimin e pasurive të paluajtshme, kartelën e pasurisë, aktin noterial për kalimin e pronësisë, si dhe hartën treguese të vendndodhjes së pasurisë; dokumentacionin që vërteton përbërjen e familjes bujqësore në momentin e kalimit të pronësisë, të përbërë nga certifikata e gjendjes civile, vërtetimi i njësisë së pushtetit vendor përkatës, si dhe deklarata e përbashkët e anëtarëve të familjes si dhe prokurën noteriale të përfaqësimit, në rastet kur kalimi i pronësisë nuk kryhet nga të gjithë anëtarët e familjes bujqësore që janë bashkëpronarë të pasurisë.

Një ose disa anëtarë të familjes bujqësore nuk mund të kryejnë kalimin e pronësisë së asnjë pjese të tokës bujqësore, që janë në bashkëpronësi të familjes bujqësore, pa u kryer më parë pjesëtimi i pasurisë, në përputhje me dispozitat e Kodit Civil.

Kalimi i pronësisë së tokës bujqësore shtetërore dhe private bëhet vetëm për tokën e regjistruar sipas legjislacionit në fuqi për regjistrimin e pasurive të paluajtshme.

Ky ligj i shtrin efektet pas 7 vitesh nga anëtarësimi i Republikës së Shqipërisë në BE.

Nga Elisabeta Dosku/Scan TV

Kisha filluar punë si kameriere në një hotel në Dubai nëpërmjet një agjencie punësimi. Ishte hera e parë që udhëtoja jashtë vendit, puna ishte shumë e lodhshme dhe mënyra se si të trajtonin nuk ishte shumë e mirë.

Punoja 10 deri në 12 orë në ditë dhe gjithë kohës isha e zënë sepse kishte jashtëzakonisht shumë punë. Mund të gjeja shumë punë të tjera, por nuk e lija dot këtë që kisha, për shkak të kontratës.

Djemtë ishin nga Suedia dhe kishin ardhur me pushime në Dubai. Më pas, djali biond u largua dhe unë fillova të flisja me djalin që pëlqeja. Ishte brun, i veshur shumë bukur. Më pas, djali bjond erdhi me dy vajza të tjera shumë të bukura dhe djali që unë pëlqeja, iu afrua pak atyre.

“E humba”, mendova. Më vonë ai m’u afrua edhe mua, më preku te faqet dhe më pyeti se pse isha aq e ngrohtë. E kuptova që edhe ai më pëIqente pak dhe isha duke përjetuar momente shumë të bukura. Shoqja ime u largua dhe më pyeti nëse do të shkoja me të.

Unë i thoja: “Të lutem, rri edhe pak se mua po më pëlqen shumë ky djali”, por ajo u largua dhe unë qëndrova vetëm. Në fund ata paguan dhe po largoheshin. Unë qëndrova aty.

Ai erdhi dhe më pyeti: “A mund të të puth?”. Unë i drejtova faqen dhe ai më tha me një zë të ulët, të ëmbël: “Buzën” dhe më puthi në buzë. Ishte puthja më e ëmbël që kisha marrë ndonjëherë.

As që e kisha imagjinuar ndonjëherë që të më pëlqente kaq shumë dikush në aspektin fizik sepse në aspekte të tjera nuk e njihja. Unë djemve gjithmonë u gjeja difekte, por me atë isha shumë e tërhequr, më pëlqente shumë.

Ai më puthi dhe u largua. Aty unë shtanga dhe mendova: “O Zot, po sikur të mos kthehet më?!”. Prita disa minuta dhe ai u kthye e më tha: – Të lutem, eja me mua sonte. Jam shumë i dehur dhe dua që dikush të kujdeset për mua.

Unë i thashë: – Jo, më vjen keq, nuk vij dot. Nuk e kisha bërë kurrë një gjë të tillë, të shkoja me një djalë që sapo e kisha njohur ne klub, por kur e pashë që po largohej, i kapa dorën dhe u largova me të. – Jam shumë i pirë, – më tha, por mua më dukej normal.

Ai më tha: “Do të largohem “next Monday” (të hënën tjetër) dhe unë e mendova që ai do të largohej të hënën tjetër dhe jo të hënën që vinte. “Do rrike goxha!”, i thashë. U mundova t’i afrohesha dy herë, por po më rrinte larg.

U ndjeva shumë keq, bëra dush dhe u largova. Kur po largohesha, më pyeti nëse kisha kaluar një natë të bukur. Unë i thashë që po dhe u largova me një ndjenjë trishtimi. Ishte djali i ëndrrave të mia deri në ato momente. Nuk gjeja asgjë që nuk shkonte tek ai. Më vonë u kujtova që të paktën t’i kisha dhënë numrin e telefonit tim sepse nuk i thashë as se te cili hotel punoja, por mendova: “Do t’i telefonoj te hoteli dhe do ta përshëndes një ditë tjetër”.

Ditën e hënë mora në telefon hotelin dhe ata më thanë që ai ishte larguar. Domethënë, unë isha ngatërruar; ai do të ikte këtë të hënë dhe jo të hënën tjetër.

Fillova të qaja. E kisha humbur përgjithmonë dhe nuk i thashë se sa shumë më kishte pëlqyer dhe sa mirë isha ndjerë. Më ka ngelur peng dhe sot, pas një viti e gjysëm, unë përsëri e mendoj.

Kam kontrolluar gjithandej në internet dhe rrjete sociale që ta gjej, por nuk e kam gjetur dot. Më ka mbetur vetëm një foto jo shumë e qartë e tij. Më thonë “it vvas meant to be like this” (ishte e shkruar të ndodhte kështu), por unë nuk e harroj dot. Lutem që të mund ta takoj ndonjëherë në jetë dhe t’i them se sa shumë e kam menduar. Ju lutem, më sugjeroni se si mund ta gjej. i vetmi informacion që kam është se ai quhet Robert, është 38 vjeç, brun dhe ka një kompani ndërtimi në Sued.

Gazetari Flamur Vezaj, së bashku me kolegun e tij, Elton Qynon kanë hedhur më tepër “dritë” sa i përket takimeve speciale në qelitë e burgjeve shqiptare.

Ata kanë diskutuar për këtë “fenomen të errët”, që sipas informacioneve të bëra publike, prej kohësh po ndodh në burgjet shqiptare, futja e vajzave të njohura të showbiz-it në ambientet e burgjeve për të zhvilluar takime speciale me të burgosurit.

Sipas detajeve të diskutuara në emisionin “Ma Shqip me Flamur Vezajn”, një nga mënyrat më të përdorura për të siguruar hyrjen në institucionet penitenciare është përmes deklaratave të bashkëjetesës.

Vajza të njohura të botës së spektaklit dhe eventeve paraqiten si bashkëjetuese të të dënuarve përmes dokumenteve noteriale, ndërsa në disa raste përdoren edhe identitete të ndryshuara apo emra familjarësh për të shmangur verifikimet.

Po ashtu u bë me dije se një tjetër skemë konsiston në futjen e tyre në burgje të kamufluara si asistente avokatësh, duke përfituar nga procedurat dhe kontrolli jo gjithmonë i rreptë në hyrje të institucioneve.

Madje sipas gazetarit Vezaj për çdo hyrje paguhen shuma që variojnë nga 500 deri në 1 mijë euro, ndërsa dyshohet se pagesat kalojnë në disa nivele brenda administratës së burgjeve.

“Në një dhomë të veçantë që zhvillohet deri në 5 orë. Në fakt këto dhomë nëpër burgje kanë kthyer si hotele me 5 yje nga këto investime që kanë bërë po këta të fortë. Në emër të bashkëjetueses ka kohë që po abuzohet.

Në bashkëpunim me noterët lëshojnë deklarata bashkëjetese kundrejt pagesës ndryshojnë dhe emra, jo me emrin e vërtetë pro të familjarit. Duke futur në burg vajza të njohura të shoëbizt shqiptar, eventeve të ndryshme.

Kuptohet kundrejt pagesave që variojnë tek shefat e personelit të burgjeve te drejtoria duke variojnë nga 500 deri në 1 mijë euro për rast që hyjnë dhe unë kam marrë shumë denoncime, foto dhe video”, tha Vezaj.

Ernest Muçi, do të zyrtarizohet përfundimisht te Trabzonspori, pasi në Turqi tregojnë se do të paguhet shuma prej 8.5 milionë eurosh te Beshiktashi.

Po ashtu, janë zbuluar edhe detaje të tjera.

Muçi do të përfitojë një pagë rekord, pikërisht 3.5 milionë euro. Kontrata ndërkohë vlen deri në vitin 2029.

Mesfushori me tipare sulmuese do të bëhet kështu më i paguari i Kombëtares shqiptare. 25-vjeçari ka shkëlqyer në këtë edicion si i huazuar, madje duke u bërë lojtari që po e shtyn Trabzoni drejt fitimit të Kupës së Turqisë.

Me 15 gola të shënuar dhe nëntë të tjerë të asistuar në 34 paraqitje, Muçi kaloi çdo pritshmëri. Besimi kryesor tek ai është pikërisht nga trajneri Fatih Teke.

Me 9.5 milionë euro të shpenzuara për të në total, pasi 1 milion kushtoi huazimi, Muçi bëhet edhe investimi më i shtrenjtë te Trabzonspori. Kështu edhe shkruan historinë me klubin turk.

Ambasadori i Shqipërisë në Shkup, Denion Meidani, ka dalë në mbështetje të studentëve shqiptarë në Maqedoninë e Veriut, të cilët kanë paralajmëruar protesta për mbrojtjen dhe respektimin e gjuhës shqipe.

Në një postim në rrjetet sociale ai,ka publikuar vargje nga poema “Gjuha Shqype” e poetit Gjergj Fishta.

Ndër vargje që theksohet rëndësia e ruajtjes së gjuhës shqipe dhe identitetit kombëtar.

Ndërkohë kujtojmë që studentë dhe organizata të ndryshme shqiptare në Maqedoninë e Veriut kanë paralajmëruar protesta lidhur me çështje që prekin statusin dhe përdorimin e gjuhës shqipe në institucionet publike.

VIDEO

Hantavirusi po bëhet një temë e madhe globale ditët e fundit, me disa raste të reja që janë zbuluar në disa vende të botës.

Kjo temë u diskutua edhe në tryezën e “Rrethi Katror” në “E Diell”, aty ku Alfred Cako e cilësoi këtë virfus si një sëmundje e shkaktuar nga valët 6G të telefonit.

Ai u shpreh se fjala virus nuk ekziston dhe është shpikur vetëm për të krijuar vaksinat dhe shitjen e tyre.

“Në vitin 2009 doli gripi i derrit dhe doli banda 4G. Kure doli 5G në vitin 2019, doli COVID-i. Tani ka dalë 6G, dhe kjo krijon rënie të përgjithshme të imunitetit te shumë njerëz dhe krijohet kjo që quhet hantavirus. Kjo sëmundje është shqetësuese nëse ndiqen protokollet. Nëse i del kundër, gjithçka përballohet, trupi krijon imunitetin e vetë. Gjatë kohës së pandemisë së COVID-it, më shumë se 90% e atyre që ndoqën protokollet vdiqën. Shpëtuan 10%. E kundërta ndodhi me ata që qëndruan jashtë, as 5% e atyre që u prekën nga COVID-i… 95% shpëtuan.

Fjala virus nuk ekziston. Është një shpikje e djallit për të shpikur vaksinat. Gjithë teoria e virusologjisë është gënjeshtër. Virus do të thotë diçka që transmetohet nga frymëmarrja e njëri-tjetrit. As gripi, e asgjë nuk transmetohet. Gjithçka shkaktohet ose prej helmimeve nga ajri, në periudha të caktuara kur është pranverë ose vjeshtë… Gripet shkaktohen nga helmimet që hidhen nga ajri. Pastaj këta shpikën fjalën virus për të krijuar vaksinat. Nëpërmjet vaksinave të sëmuren njerëzit, nëpërmjet sëmundjes së njerëzve, ‘Big Pharma’ të fitojnë më shumë para”, u shpreh Cako.

Të së njëjtit mendim ishte dhe autori Albatros Rexhaj, i cili ngriti ‘alarmin’ se diçka e rrezikshme si nëpër filma do të ndodhë për njerëzimin në vitet e ardhshme.

“Unë pajtohem në disa pika, ndryshimet teknologjike, mënyra e re e jetës këto sjellin pasoja. Trupi i njeriut nuk mund të përballet me atë që natyra liron. Teoria me këto valët nuk është pa gjë. Ka edhe shumë studime serioze që thonë të kundërtën. Nuk jemi larg nga pikka ku në botë do të ndodhë një nga ato gjëra që shohim nëpër filma, që do ndodhi diçka… I themi virus ose jo, do jetë diçka shumë e rrezikshme për njerëzimin. Këto janë pasojat”, tha ndërf të tjera Rexhaj.

Një shqiptar i dënuar për vrasje të trefishtë është arrestuar në SHBA pas afro tre dekadash në arrati, gjatë të cilave kishte përdorur identitet të rremë dhe kishte arritur të siguronte azil në Britaninë e Madhe.

Sokol Hoxha, 50-vjeç, dyshohet se u largua nga Europa në vitin 1997 pas vrasjes së bashkëshortes së tij 19-vjeçare dhe dy vëllezërve në Patos. Sipas autoriteteve amerikane, ai ishte paraqitur si refugjat nga Kosova, duke përfituar fillimisht azil dhe më pas shtetësi britanike me identitet të falsifikuar.

Pas disa vitesh në Britani, Hoxha u zhvendos në SHBA në vitin 2012, ku jetoi për 14 vite duke fshehur identitetin e tij të vërtetë. Ai u arrestua në Kettering, Ohio, pas një hetimi 6-vjeçar të koordinuar nga Interpol Washington dhe agjenci të tjera ndërkombëtare të zbatimit të ligjit.

Autoritetet amerikane deklaruan se arrestimi i tij është rezultat i bashkëpunimit mes disa shteteve dhe se SHBA nuk do të shërbejë si strehë për persona që shmangin drejtësinë duke përdorur identitete të rreme.

Sipas raportimeve, Hoxha ishte dënuar në mungesë me 25 vite burg për vrasjen e dy vëllezërve në Shqipëri. Mediat britanike raportojnë gjithashtu se ai vrau bashkëshorten pasi ajo kishte refuzuar kërkesat e tij për t’u përfshirë në prostitucion.

Në hetim dyshohet se kanë qenë të përfshira edhe autoritetet britanike, përfshirë Home Office dhe National Crime Agency, të cilat ndihmuan në zbulimin e statusit të tij të emigracionit dhe vendndodhjes.