Month: May 2026

Balerini i njohur Ilir Shaqiri ka përjetuar një nga momentet më emocionale gjatë qëndrimit të tij në spektaklin Ferma VIP.

Prej thuajse dy muajsh pjesë e formatit, ai e ka shprehur shpesh mallin për familjen dhe sidomos për vajzën e tij, Emily, të cilën e konsideron pikën e tij më të dobët.

Gjatë spektaklit të së hënës, prodùksioni vendosi ta vërë balerinin përballë disa lajmeve të rreme, si pjesë e një shakaje. Njëri prej tyre pretendonte se vajza e tij ishte martuar pa praninë e babait. Edhe pse Iliri u shpreh i bindur se Emily nuk do të merrte një vendim kaq të rëndësishëm pa të, emocionet nuk munguan.

Teksa lexonte lajmin, duart nisën t’i dridheshin dhe sytë iu mbushën me lot, duke treguar qartë ndjeshmërinë dhe lidhjen e fortë që ka me të bijën. Momenti preku jo vetëm fermerët, por edhe publikun që po ndiqte spektaklin.

Pak çaste më vonë, produksioni zbuloi se gjithçka ishte vetëm një shaka. Menjëherë pas kësaj, Iliri u surprizua me një takim emocionues me Emily-n dhe partnerin e saj. Mes përqafimeve dhe lotëve të gëzimit, dy të rinjtë ndanë me të edhe një lajm të bukur: ata kanë nisur të studiojnë dhe të mësojnë gjuhën shqipe.

Kujtojmë se Ilir Shaqiri është një nga figurat më të dashura për publikun shqiptar, i cili fitoi zemrat e audiencës edhe si fitues i edicionit të parë të Big Brother VIP Albania.

DASHI

Kjo fundjavë do të jetë shansi juaj për të bërë një përparim. Pas një jave të lodhshme pune, të shtunën do të dëshironi të çlìroheni nga stresi përmes sporteve ose një udhëtimi. Në dashuri, Marsi rrit pasionin tuaj, por kini kujdes të mos jeni shumë të drejtpërdrejtë; shmangni lëndimin e ndjenjave të partnerit tuaj me vërejtje të ashpra. E diela do të jetë një ditë e përsosur për t’u rilidhur me një mik nga i cili nuk keni dëgjuar prej kohësh.

DEMI

Do të përballeni me sfida në punë, por edhe me disa çështje bezdisëse për t’u zgjidhur. Dikush mund të përpiqet të testojë aftësitë tuaja duke ju vënë nën presion. Krahasuar me disa javë më parë, tani jeni më të kthjellët dhe konkretë. Do të jetë më e lehtë për ju të trajtoni disa situata të ndërlikuara me mençuri dhe qartësi, pa humbur mendjen.

BINJAKËT

Je plot ide, megjithëse nuk është e lehtë për ty t’i realizosh të gjitha. Rrezikon të ekzagjerosh dhe të mos arrish asgjë. Kaosi mund të mbretërojë në dashuri, veçanërisht për çiftet që kanë debatuar tepër për një kohë të gjatë. Yjet po të ndihmojnë të rifitosh qetësinë, në mënyrë që të mund të diskutosh gjërat me më pak ankth.

GAFORRJA

Ke kaluar disa javë sfiduese, gjatë të cilave të është dashur të përballesh me vonesa ose probleme shëndetësore që të kanë vënë pak në siklet. Megjithatë, tani je padyshim më në paqe dhe jeta jote dashurore do të përfitojë gjithashtu nga kjo harmoni e brendshme e sapogjetur. Do të jesh më i prirur të angazhohesh në biseda konstruktive me partnerin tënd.

LUANI

Pasioni dhe energjia po rigjallërohen në këtë fazë, pjesërisht falë yjeve që lehtësojnë iniciativat tuaja dhe ju bëjnë më të vendosur. Ka ende disa çështje që lidhen me punën për t’u zgjidhur, të cilat mund të gjenerojnë më tej tension. Mbani nervat nën kontroll dhe shmangni reagimet impulsive që mund ta përkeqësojnë situatën. Mos i merrni tensionet që lindin në punë në jetën tuaj dashurore. Ju dalloheni për ambicien tuaj, madje edhe në fundjavë. Të shtunën, mund të tërhiqeni nga kontrollimi i email-eve ose nga mendimi për projekte të reja pune. Mundohuni të bëni një pushim! Energjia juaj duhet të drejtohet drejt dashurisë dhe argëtimit. E diela premton të jetë një kohë e shkëlqyer për të tërhequr vëmendjen në një ngjarje shoqërore. Në frontin romantik, pasioni po rritet, por përpiquni të mos jeni shumë të përqendruar te vetja: partneri juaj ka nevojë për vëmendje dhe vlerësim.

VIRGJËRESHA

Koha për vendime të mëdha po afron për Virgjëreshat. Ju duhet të bëni një hap përpara, por edhe të bëni atë kërcim në cilësi që keni pritur. Në dashuri, dëshira për të komunikuar me partnerin tuaj dhe për të ndarë momente të rëndësishme me të kthehet. Merrni kohën tuaj nëse ka vendime vendimtare për të marrë. Mos lejoni që presionet e jashtme t’ju ndikojnë.

PESHORJA

Peshorja sheh shumë rrugë drejt suksesit, si në punë ashtu edhe në dashuri. Është e vërtetë që po dilni nga një fazë e shënuar nga ndryshime të mëdha, por edhe nga pasiguri të konsiderueshme, por tani keni një ide shumë më të qartë se çfarë doni të bëni sesa disa javë më parë. Këto ndryshime mund të jenë katalizatori për përvoja tërheqëse. Gjysma e dytë e javës do të jetë padyshim më intriguese se e para për Akrepin, veçanërisht nëse ka vendime për të marrë. Në dashuri, dialogu dhe angazhimi kthehen, me kusht që të mos ketë pasur situata të pakthyeshme ditët e fundit. Nuk ju mungon energjia dhe vendosmëria, por dini si ta kanalizoni atë në mënyrën e duhur për të korrur përfitimet.

SHIGJETARI

Dëshira juaj për liri është dëshira për aventura. E shtuna do të jetë mundësia e përsosur për të planifikuar një arratisje nga rutina e përditshme. Do të dëshironi diçka të re dhe të freskët. Lidhur me punën, një mesazh pozitiv mund të vijë në një kohë të papritur. Në dashuri, yjet sugjerojnë se beqarët do të jenë me fat: optimizmi juaj do të tërheqë njerëz pozitivë. E diela do të jetë tërësisht për qetësi dhe argëtim.

BRICJAPI

Kjo fazë e jetës suaj do të karakterizohet nga vendime dhe zgjedhje të rëndësishme që do të formësojnë të ardhmen tuaj. Java e ardhshme do të jetë vendimtare për sqarimin përfundimtar të situatave të caktuara, por edhe për një pastrim të përgjithshëm që do t’ju kërkojë të krasitni drurin e vdekur. Në dashuri, kërkohet durim dhe kujdes në përdorimin e fjalëve.

UJORI

Ju ende ndiheni nën shumë presion, pjesërisht sepse puna ju shtyn të teproni me gjërat, por zgjedhjet tuaja nuk vlerësohen gjithmonë nga të tjerët. Në dashuri, një periudhë dialogu dhe diskutimi të qetë me partnerin tuaj do të ishte e dobishme, veçanërisht nëse vini nga një periudhë e karakterizuar nga tensioni dhe nervozizmi. Do të nevojitet shumë mençuri dhe njëfarë savoir faire me partnerin tuaj.

PESHQIT

Sidomos në gjysmën e dytë të javës, do të jeni në gjendje të fitoni konfirmime interesante në shumë mënyra, si në karrierën tuaj ashtu edhe në jetën tuaj dashurore. Çiftet që po përjetojnë vështirësi, veçanërisht gjatë fundjavës, mund të rizbulojnë njëfarë mirëkuptimi dhe dëshirën për të ndarë momente të bukura së bashku. Gjithashtu do të jetë e mundur të nisni projekte të reja.

“Isha në tren, kur papritmas, dikush erdhi mbi shpatullën time dhe më goditi me thikë”.

Ky është rrëfimi i futbollistit shqiptar Jonathan Gjoshe, i cili teksa kujton ngjarjet e llahtarshme të 1 nëntorit të vitit të kaluar. Vetëm pak javë pas fillimit të sezonit të tij të parë te “Scunthorpe United”, 23-vjeçari kishte udhëtuar nga Doncaster për në shtëpinë e tij në Londër. Por rreth një orë pas fillimit të udhëtimit, ndodhi e paimagjinueshmja. Gjoshe ishte midis 11 pasagjerëve të plagosur rëndë në një sulm me thikë në një tren ndërsa ai udhëtonte nëpër Cambridgeshire.

“Më goditën me thikë në shpatull fillimisht. Mbaj mend që kërceja mbi tavolinë, mbi karrige. Po vrapoja nëpër korridor, duke u thënë njerëzve: ‘Është një djalë me thikë, ikni, më kanë therur, ikni, ikni, ikni’. Po bërtisja. Mendoj se isha personi i parë që u ther. Ndjeva dhimbjen. Por adrenalina hyri brenda”, i thotë ai BBC Sport në një intervistë ekskluzive.

Gjoshe kujton se, pavarësisht paralajmërimit që u kishte bërë pasagjerëve të tjerë, disa menduan se ishte shaka në fillim, sepse një ditë më parë ishte festa e Halloween.

“Disa njerëz vrapuan, disa thjesht qëndruan aty, por unë mendova se ai po vinte për mua. E vetmja gjë që mendoja ishte të vrapoja për të shpëtuar jetën time, të zbrisja nga ai tren. Sapo zbrisja në vagonin e parë ose të dytë, aktivizova alarmin dhe isha thjesht i mbuluar me gjak. Mendoja se nuk do ta shihja më familjen time nëse vdisja, dhe ky ishte shqetësimi im kryesor. Normalisht do të kthehesha me makinë në Londër. Ishte hera e parë që hipja në tren për t’u kthyer. Sa mundësi ka që kjo të ndodhë? Është çmenduri”, rrëfen Gjoshe.

Treni bëri një ndalesë emergjente në Huntingdon ku u prit nga policë të armatosur. Pasi iu dha ndihma e parë nga një pasagjer tjetër, Gjoshe arriti të dilte vetë në parkingun e stacionit, nga ku ndihmësit mjekësorë e çuan me urgjencë në spital.

Vetëm pas operacionit ai mësoi se kishte pësuar shtatë plagë në biceps, shpatull dhe krah. Thika, iu tha nga mjekët, kishte kaluar nëpër muskul duke qenë shumë afër prekjes së një nervi në krahun e tij.

Kur u pyet nëse kishte frikë se karriera e tij si futbollist mund të mbaronte, ai tha: “Isha shumë i shqetësuar. Vetëm mendoja, ‘çfarë dëmtimi më ka ndodhur?’ Nuk kisha idenë derisa bëra operacionin. Ata thanë, ‘Nuk është shumë për shkak të nervit. Je shumë me fat’”.

Në ditët që pasuan, Gjoshe kujton: “Ata u detyruan të më zhvendosnin nga një repart në tjetrin për shkak të mediave që po vinin atje duke më kërkuar”.

Pasi doli nga spitali, Gjoshe iu nënshtrua disa muajsh rehabilitimi, duke u rikthyer në stërvitje të plotë vetëm në mars, diçka që ai e përshkruan si “një lehtësim të madh.

“Fillova të lëvizja krahun, ditë pas dite po përmirësohej. Ishte një ndjenjë e mrekullueshme”, tha ai.

Pavarësisht se e përballoi atë që ka përjetuar me stoicizëm mbresëlënës, Gjoshe nuk ka hipur në tren që nga sulmi masiv me thikë.

“Nuk do ta doja tani. Nuk i dihet kurrë. Është më mirë të jesh i sigurt. Thjesht nuk mund t’i besoj asgjëje tani”, shprehet ai./ Top Channel

Mesa duket Brikena dhe Mateo jo vetëm që nuk janë ndarë, por po i japin fund zërave në mënyrën e tyre.

Pas ditësh aludimesh në rrjet për një krizë mes çiftit të krijuar në “Big Brother VIP Albania”, dyshja ka vendosur të reagojë me detaje që nuk kanë kaluar pa u vënë re nga fansat.

Fillimisht ishte Brikena ajo që tërhoqi vëmendjen, pasi ndryshoi fotografinë e profilit në Instagram duke vendosur një imazh romantik me Mateon, të realizuar me Inteligjencë Artificiale.

Një veprim që u interpretua menjëherë nga ndjekësit si një mesazh i qartë se lidhja e tyre vazhdon. Por surpriza nuk mbaroi aty. Edhe Mateo ka bërë një tjetër lëvizje që ka ndezur rrjetin.

Ai publikoi në InstaStory një screenshot nga një telefonatë me Brikenën, ku shfaqet fotografia e saj në ekran dhe mbishkrimi i ndjerë: “Më mungon @itsbriki”.

Një vajzë 14-vjeçare në Vlorë, e identifikuar si Kaltra, rezulton e zhdukur prej disa orësh, ndërsa familjarët kanë kërkuar ndihmën e qytetarëve për ta gjetur.
Sipas të afërmve, e mitura është larguar nga shkolla gjatë ditës së sotme pas një konflikti që dyshohet se ka pasur me një mësues për një notë.

Familjarët thonë se Kaltra ka qenë në gjendje të rënduar emocionale dhe nuk është kthyer në shtëpi pas përfundimit të mësimit.

Prej më shumë se pesë orësh, ata nuk kanë asnjë kontakt me 14-vjeçaren dhe janë të shqetësuar për vendndodhjen e saj.

Familja u bën thirrje qytetarëve që, nëse kanë informacion apo e kanë parë vajzën, të kontaktojnë menjëherë me familjarët ose autoritetet. +35569 4718233

Në emisionin “Shqipëria Live” u diskutua sot fenomeni i takimeve speciale në burgjet e vendit, ku aludohet se vajza të show-bizz kryejnë marrëdhënie me të dënuar.

Gazetari Ervin Dushi ka bërë një deklaratë të fortë, teksa tha se ekziston një video e shpërndarë mes gazetarëve, ku shfaqen pamje orgjie brenda burgut.

Sipas gazetarit, në këtë akt janë përfshirë personazhe VIP dhe të dënuar.

Ervin Dushi: Ju e dini që ekziston një video mes gazetarëve, ku shfaqen pamje orgjie të zhvilluar brenda ambienteve të një burgu me emër dhe me personazhe VIP. Qarkullon dhe ekziston. Emrat qarkullojnë sado që përpiqen t’i mbajnë të fshehtë. Është konkurrenca mes të burgosurve, mes drejtorëve, ish-drejtorëve të cilët i nxjerrin për të dëmtuar njëri-tjetrin. Janë goditje poshtë brezit që i nxjerrin emrat. Dhe emrat nuk vinë nga hiçi. Janë ata vetë që i filmojnë dhe pastaj bien pre e hakërrimit.

Zhurma mediatike rreth përfundimit të mundshëm të marrëdhënies mes Erik Fullanit dhe Sara Hoxhës ka marrë së fundmi një përgjigje të tërthortë nga vetë protagonisti.

Përmes platformave të komunikimit virtual, ai ka zgjedhur të përcjellë një mesazh të koduar, duke shmangur deklaratat e drejtpërdrejta.

Përgjatë ditëve të fundit, kronika rozë u përfshi nga informacioni se dyshja e njohur ka shkëputur raportin e tyre romantik. Kjo e dhënë u bë publike fillimisht nga emisioni “Prive by Liberta Spahiu” dhe shumë shpejt u pasurua me detaje të tjera rreth rrethanave, duke e shndërruar këtë ngjarje në kryefjalën e diskutimeve online.

Në kulmin e kësaj vëmendjeje, Fullani përdori një qasje më të rezervuar në profilin e tij në Instagram. Krahas një imazhi personal, ai ndau një shprehje që audienca e ka përkthyer si një reagim të hapur ndaj zhvillimeve të fundit:

“Nderi im vjen nga gjërat që bëj për ata që dua. Është mes meje dhe atyre”.

Kjo fjali është deshifruar si një përpjekje e qartë për të mbrojtur jetën intime dhe për t’i mbajtur çështjet personale larg syrit publik.

Ndonëse emri i Sarës nuk përmendet gjëkundi, ashtu si dhe vetë fakti i ndarjes, ky postim ka mjaftuar për të ushqyer edhe më tej aludimet e opinionit publik.

Tani mbetet një enigmë nëse ndonjëri prej tyre do të hedhë dritë përfundimisht mbi këtë histori, apo nëse do të mbizotërojë heshtja hermetike.

Janë publikuar emrat dhe fotot e katër shqiptarëve, mes tyre një vajzë, të cilat akuzohen për tentativë grabitje me dhunë dhe armë ndodhur në prill në Thermo, Etoli Akarnania, Greqi.

Ata janë: Romeo Qosja, Lefter Toci, Mariol Toska dhe Fatbardha Shehi.

Ndaj tyre është ngritur procedim penal për tentativë grabitjeje seriale të armatosur dhe të dhunshme. Mësohet se gjatë tentativës së grabitjes, tre burrat kishin hyrë nga një derë e shtëpisë së një çifti, të cilin u përpoqën ta grabisnin duke i kërcënuar me armë dhe duke përdorur dhunë ndaj burrit.

Gjatë grabitjes, të akuzuarit u vunë re nga djali i çiftit dhe ikën, ndërsa njëri prej tyre qëlloi dy herë në ajër, pa u raportuar për të lënduar.

Një operacion i koordinuar policor u organizua për të arrestuar të akuzuarit, gjatë të cilit një automjet në të cilin udhëtonte e akuzuara femër u gjet në kryqëzimin Sykia dhe u ndalua nga policia, ndërsa dy të akuzuarit meshkuj u fshehën në bagazh dhe u arrestuan.

Në të njëjtën kohë, i akuzuari i katërt u gjet në një shtëpi me qira. Dy të akuzuarit meshkuj ishin të arratisur nga një Qendër Paraburgimi, ndërsa i akuzuari i tretë ishte në një leje të rregullt gjashtëditore, e cila i ishte dhënë nga një burg në të cilin ndodhej./Top Channel

Ashtu sikur kishim premtuar, media jonë vijon zbardhje e skandaleve në Hipotekën e Lushnjes, kur kjo e fundit drejtohej nga Saimir Korreshi, aktualisht deputet i Partisë Demokratike. Në një denoncim drejtuar këtë vit Agjencisë Shtetërore të Kadastrës del në pah sesi Korreshi në vitin 2010 ka firmosur disa Certifikata Pronësie që pas verifikimeve kanë rezultuar të falsifikuara. Më saktë, në prag fushte Partia Demokratike me Saimir Korreshin në krye i ka joshur qytetarët e Lushnjes duke shpërndarë certifikata të pabazuara në praktika ligjore. Më poshtë do të keni mundesi të njiheni edhe me dokumentacionin paradoksal ku shtetasi P. B. nga Kolonja ka hipotekuar nga Korreshi në vitin 2010 një truall prej 250 metrash katrorë, por këtë vit teksa ka pritur legalizimin ka rezultuar se Certifikata e Pronësisë ka qenë e pavlefshme. Në këto rrethana dhe ndoshta i vetëdijshëm se ka qenë viktimë e mashtrimit të PD-së në Lushnje, P. B. ka hequr dorë nga hipotekimi që i ka bërë Saimir Korreshi dhe ka pranuar se toka mbi të cilën ka ndërtuar i përket shtetit.

Më poshtë po sjellim Certifikatën e Pronësisë të vitit 2010 dhe deklaratën e P.B.t në prill të këtij viti para Agjencisë Shtetërore të Kadastrës.

“Gjatë studimit të dosjes nga specialist juridik përkatës në sektorin e legalizimit u konstatua se në regjistrimin e pasurisë Nr 5/165 mungon titulli i pronësisë dhe për këtë arsye iu kërkua aplikuesit të përpilonte te noteri një deklaratë noteriale ku shprehej se kërkonte të vazhdojë legalizimin në toke shtetërore dhe heqjen dorë nga regjistrimi i mëparshëm i kryer me referencë numër 00002178” – thuhet për rastin në fjalë. Pra, një shtetas është paraqitur në ASHK këtë vit për të legalizuar ndërtimin me certifikatë pronësie të lëshuar nga Saimir Korreshi 16 vite më parë dhe specialistët kanë parë se kjo certifikatë është përftuar në mënyrë të çuditshme: Pa patur titullin e pronësisë në praktikën e regjistrimit.Ajo që mbetet e çuditshme është heshtja e Agjencisë Shtetërore të Kadastrës. Në të njëjtin dokumentacion që ne disponojmë, përmenden dhjetëra raste të ngjashme që mbajnë firmën e Saimir Korreshit. Denoncimi madje i tërheq vëmendjen ASHK-së ku i kërkon referimi penal i këtyre rasteve në organin e akuzës.

“Ju si Agjenci keni detyrimin që lind nga zbatimi i nenit 281 të Kodit të procedurës Penale që të kallëzoni rastin në Prokurorinë pranë Gjykatës së Juridiksionit të Përgjithshëm Fier apo në SPAK në Tiranë, për zyrtarë apo shtetas të zakonshëm, mbi dyshimet se kanë kryer njërën apo disa nga veprat penale si Falsifikim i dokumenteve, Mashtrim, Shpërdorim detyre, Pastrim i produkteve të veprës penale” – thuhet në denoncimin që shtetasi L.S. ka bërë pranë ASHK.

Sipas dëshmisë, dhjetëra raste si ai i shtetasit P. B. në Kolonjë kanë sjellë edhe pasoja sociale. Nxjerrja e certifikatës së pronësisë nga ish-kreu i Hipotekës së Lushnjës Saimir Korreshi, duket qartë se është realizuar në shkelje të legjislacionit të kohës pasi dokumentacioni shoqërues nuk ka qenë conform detyrimeve ligjore.

“Këto raste kanë sjellë mosmarrëveshje në vijim mes qytetarëve, kryesisht mes atij që e ka hipotekuar i mashtruar nga Korreshi dhe blerësit të pronës më pas që ka rezultuar se ka blerë një tokë me dokumentacion të falsifikuar” – thuhet në dëshmi. Me shpresën se organet si SPAK apo Prokuroria Fier do të hetojnë seriozisht veprimtarinë e Saimir Korreshit si ish drejtor I ZVRPP Lushnje, media jonë premton se nuk do të ndalet së publikuari denoncimet e qytetarëve

Aleks Visha është arrestuar në Dubai, ku jetonte prej disa kohësh, ndërsa lajmi është konfirmuar nga vetë ai përmes një reagimi në rrjetet sociale.

Sipas postimit të publikuar prej tij, arrestimi lidhet me një fushatë në platformën GoFundMe, ku pretendohet se janë mbledhur rreth 450 mijë dollarë për një vajzë shqiptare që po lufton me leuçeminë.

“Pas një GoFundMe ku u mblodhën 450k dollarë direkt në burg pse? Dhe deportim nga Dubai, pas një telefonate që thonë se unë jam kriminel”, shkruan ai në reagimin e bërë publik.

Deri tani nuk ka informacione zyrtare mbi akuzat konkrete që rëndojnë ndaj tij nga autoritetet e Dubait.

Gjithashtu, ende nuk është bërë e qartë nëse arrestimi i Aleks Vishës është kryer në bashkëpunim ose për llogari të autoriteteve shqiptare.