Month: June 2026

Biznesmeni Ilir Shtufi, i arrestuar në Greqi për llogari të SPAK refuzon të ekstradohet në Shqipëri. 53-vjecari doli sot para Gjykatës së Selanikut për procesin e masës së sigurisë me qëllim ekstradimin mes Interpol Athinës dhe Tiranës.

Sipas mediave greke, do të jetë Këshilli Gjyqësor kompetent që do të vendosë për ekstradimin e biznesmenit të arrestuar në Selanik, në lidhje me akuzën e pastrimit të parave dhe trafikut të drogës.

Shtufi është ndërtues i disa kullave në Tiranë, mes tyre gradaçelës që do të quhet “Mali i Tiranës”. Disa kohë më parë, Shkëlzen Berisha djali i ish kryeministrit të vendit që akuzohet nga SPAK për korrupsion pasiv për privatizimin e kompleksit Partizani, ka deklaruar se jeton me qira në vilën e Ilir Shtufit në Rolling Hills.

Avokati i njohur Idajet Beqiri, i ftuar në nje studio televizive u shpreh se Shkëlzen Berisha i ka siguruar lejet e ndërtimit biznesmenit Ilir Shufit, ndërsa sipas avokatit, ata në bashkëpunim me njëri tjetrin kanë pastruar para të pista në sektorin e ndërtimit.

“Ai bashkë me të bën postimin e veprave që rrjedhin nga një krim. Miliardat që ato sigurojnë nga aferat e rëndë korruptive, ata i pastrojnë diku. Shkëlzen Berisha ka IIir Shtufin ortakun kryesor për pastrimin e parave që rrjedhin nga burime të paligjshme.

Lejet e ndërtimit ia siguron Shkëlzen Berisha dhe për të bërë pastrimin e parave dhe për të marrë pjesën e vet. Shkëlzen Berisha duhet të arrestohet. Së bashku me Ilir Shtufin kanë trafikuar kokainë”, tha ai.

Ai u ndal edhe te çështja “non grata” e Sali Berishës. Ai mbrojti idenë se Sali Berisha edhe pse konfirmoi “heqjen e njollës së zezë, nuk mund të udhëtojë drejt SHBA, pasi rrezikon të arrestohet për krimet e kryera.

“Duhet ta marrë biletën vetëm vajtje, se ardhje nuk ka. As nuk diskutohet dhe kjo nuk është për show. Le të shkojë, pse nuk shkon? Nuk mund të shkojë kurrën e kurrës, sepse ato krime që ka bërë edhe ndërkombëtare dhe të brendshëm, nuk kanë të sosur, por do të përgjigjet”, tha ai.

Deklarata e pasurisë për vitin 2025 pasqyron një panoramë financiare aktive për familjen e Kryeministrit, ku spikasin të ardhurat e tij shtesë dhe investimet e bashkëshortes. Sipas dokumentit të publikuar nga Open Data, Edi Rama ka deklaruar mbi 109,000 euro të ardhura neto jashtë pagës së tij zyrtare si Kryeministër.

Ndërkohë, Linda Rama ka blerë një pasuri të paluajtshme prej afro 193,000 euro , duke marrë edhe një kredi të re bankare prej 50,000 eurosh gjatë vitit.

Në krahasim me ta, Gregor Rama rezulton me shifra më modeste, ku të ardhurat e tij vjetore janë rreth 10,800 euro (1,083,258 ALL), shoqëruar me pakësime të vogla në cash dhe fonde investimi.

1. Edi Rama (Kryeministër)

Likuiditete bankare (shtuar): 3,495.45 EUR (nga 349,544.65 ALL).

Të ardhura neto:Nga paga në Kryeministri: 34,020.84 EUR (nga 3,402,084.00 ALL).

Të ardhura të tjera: 109,040.91 EUR (nga 10,904,091.27 ALL).

2. Lindita Rama (Bashkëshortja)

Pasuri e paluajtshme (shtim vlere): 192,964.77 EUR (nga 19,296,477.28 ALL).

Likuiditete:Pakësimi i gjendjes Cash: 100.00 EUR (nga 10,000.00 ALL).

Pakësimi i llogarisë bankare: 19,648.74 EUR (nga 1,964,873.74 ALL).

Të ardhura neto: ~66,991.49 EUR (nga 6,699,149.00 ALL).

Detyrime financiare:Kredi e re (ALL): Shuma totale prej 50,000.00 EUR (5,000,000 ALL). Gjatë vitit janë shlyer ~3,387.01 EUR, me një gjendje të mbetur prej ~47,489.70 EUR.

Kredi ekzistuese (EUR): Janë shlyer 23,223.72 EUR, duke lënë një detyrim të mbetur prej 173,766.43 EUR.

3. Gregor Rama (Djali)

Likuiditete dhe Investime:Pakësimi i gjendjes Cash: 2,500.00 EUR.

Llogari bankare e shtuar (EUR): 8,297.42 EUR.

Llogari bankare e shtuar (ALL): ~1,086.39 EUR (nga 108,638.75 ALL).

Pakësimi i fondeve të investimit: 16,445.32 EUR.

Të ardhura neto: ~10,832.58 EUR (nga 1,083,258.00 ALL).

Iftuar në “Live From Tirana” me Ronaldo Sharkën ka qenë gazetari Bledi Mane, për të folur më shumë për mendimin e tij mbi protestën popullore në vend, por jo vetëm…

Është hedhur lek i madh në protestë. Të paktën 100 komponentë të showbizit dhe të medias janë paguar dhe vazhdojnë të paguhen. Jam i sigurt që tek borderoja e protestës Zhaklin Lekatari ka pjesën e parave. Dea-t kanë pjesën e parave.

E mbaj unë përgjegjësinë për këto fjalë. Paratë nuk merren ‘hajde tek rruga dhe po t’i fus tek xhepi’. Jo, ka mënyra të kamufluara. Ka projekte pafund, spektakle, festivale. Pra lista është gati 100. Dhe them se shoqëria e hapur, fondacioni Soros ka listën e vet, islami politik ka listën e vet.

Kanë mbetur ca krunde të vogla nga ish-ambasada iraniane tek rrugica e Salës, sepse ata janë larguar. Vetëm printimi i banerave, i parrullave, është kosto ditore, vetëm fonia është kosto ditore.

Bëhen në mënyrë të organizuar dhe personi që i koncepton dhe personi që i dizajnon dhe shtypshkronja që i printon… Se shtypshkronjat kishin mbetur pa punë kishin kohë, se çdo gjë është bërë digjitale.

Kështu që është hedhur goxha para e madhe. Por si shqiptar patriot që jam, më bëhet qejfi sepse ajo para është këtu dhe me atë para ato vajza dhe djem do shkojnë në korrik dhe në gusht me pushime. Uroj që të mos ikin në Turqi dhe Greqi, le t’i shpenzojnë këtu. Se ato para erdhën për Shqipërinë, le të mbeten në Shqipëri.

Nëse i referohemi dosjes hetimore që bën fjalë për goditjen e një baze prostitucioni me vajza latine në Elbasan, tingëllon mjaft ironike forma se si u zbulua grupi i prostitucionit. As më shumë e as më pak, ata u denoncuan nga një klient.

Personi në fjalë, kishte paguar vajzat amrikano-latine por nuk kishte marrë shërbimet seksuale të premtuara apo dakordësuara. Për këtë arsye, ai i denoncoi në polici. Madje, shtetasi shqiptar tha se njëra prej vajzave e kërcënoi me thikë.

‘Patrulla e Përgjithshme e Komisariatit të Elbasanit ka marrë njoftimin se një shtetas kishte nevojë për ndihmeë. Kur ka shkuar në vendngjarje ka marrë kontakt me A.T. Ky shtetas ka bërë me dije se i ka dhënë 40 mijë lekë të vjetra dy shtetasve të huaja, por nuk ka marrë shërbimet e premtuara dhe njëra prej tyre e ka kërcënuar me thikë. Patrulla e përgjithshme më pas ka shkuar në banesë dhe ka gjetur dy shtetase kolumbiane dhe një maroken’ dosja hetimore.

Pra, sipas dosjes hetimore, baza e prostitucionit nga vajzat e huaja është zbuluar vetëm nëpërmjet kësaj ngjarje aksidentale, pasi përndryshe vajzat mund të vazhdonin me punën e tyre.
Shtetasi shqiptar me inicialet A.T pretendonte se kishte gjetur profilet e vajzave në faqet online të eskortave. Ato profile janë verifikuar nga ana e policisë dhe kanë rezultuar me fotot e tyre.
Vajza e intervistuar nga ana jonë, në deklarimet e saj në komisariatin e policisë së Elbasanit ka dhënë një tjetër version të ngjarjes. Ajo ka treguar mënyrën se si është takuar me shtetasin A.T dhe pse nuk ka pranuar të kryejë marrëdhënie seksuale me të.

Me shtetasin A.T jam takuar rastësisht në rrugë. I kam dhënë numrin e telefonit dhe kemi folur me video ku kemi rënë dakord të paguante 50 euro për marrëdhënie seksuale. Ai erdhi me një shok të tij në banesë, pavarësisht kësaj e prita. E futa te dhoma. Ai filloi të zhvishej, por unë nuk u zhvesha sepse mbante erë të keqe dhe nuk më pëlqeu. E refuzova. Kërkova ndihmën e shoqes sime dhe e nxorrëm jashtë. U inatos se e refuzova dhe nuk bëri asnjë pagesë dhe njoftoi policinë.

Megjithatë, në intervistën për Inside Story, vajza jep krejtësisht një version tjetër të historisë. Ajo pretendon se deklarimet e saj në polici nuk janë të vërteta. Ajo pretendon se policia ka shkruar çfarë ka dashur, duke qenë se nuk kishte përkthyese. Kjo, është një akuzë mjaft e rëndë që kërkon verifikim nga instancat ligjzbatuese…

‘Kur më arrestoi policia, nuk kisha asnjë avokat, asnjë përkthyese. Në ata letra mund të jetë gjithçka dhe me presion firmosa deklaratën time. Nuk e dija se çfarë kishin shkruar’ u shpreh eskorta
‘Kur më arrestuan, unë isha arratisur nga vendi ku qëndroja. Isha shumë e lodhur dhe nuk e përballoja këtë lloj jete me kaq shumë shfrytëzim seksual sepse prisnim të gjithë burrat që na sillnin. U lodha me këtë lloj jete dhe së bashku me një shoqen time vendosëm të largoheshim dhe arritëm të merrnim një apartament tonin. Dikush që kishte bar kafe na ndihmoi shumë. Një ditë të bukur vjen një djalë i ri në derën tonë. Donte të futej në apartament, por ne nuk pranuam të futej në shtëpi dhe e kthyem. Më pas kthehet së bashku me policinë dhe na arrestuan’ u shpreh eskorta.

Nëse i referohemi dosjes hetimore, citohet një tjetër dëshmi e vajzës. Aty thuhet se ajo ka pasur edhe një mosmarrëveshje me tutoren e saj. Një grua nga Peruja e cila kujdesej për organizimin e aktivitetit, gjetjen e klientëve etj. Në dosje thuhet se mes vajzës dhe tutores kishte mosmarrëveshje për ndarjen e fitimeve.
‘Shtetasja peruane Makarane i ka udhëzuar dhe i ka informuar për pjesën e punës, por ajo është mësuar të punojë dhe të paguajë 25% të fitimit. Nuk i ka pëlqyer që shtetesja Makarane i ka kërkuar 50% të fitimit, prandaj ka vendosur të dalë dhe të punojë individualisht’ dosja hetimore
‘Bien në dakordësi, tutori dhe skorta, bien në dakordësi në ndarjen e parave me %. Ata bien në dakordësi që kur vijnë dhe zakonisht për qindja është 50-50’ u shper Suada Pucesta, avokate

Vajza nga Amerika Latine e intervistuar nga Inside Story rrëfen për qarkullime të mëdha parash. Nëse i referohemi dëhsmisë së saj, puna nuk mbaronte kurrë. Ajo priste një numër të madh klientësh ditë e natë.

‘Nuk e di sa klientë mund të kemii pasur, pasi shumë herë ne ishim duke fjetur. Më zgjonin, hynte dikush, dilte tjetri, por kanë qenë shumë gjatë gjithë ditës’ u shpreh eskorta
Pavarësisht fitimeve, aventura e vajzës në Shqipëri doli të ishte mjaft negative. Ajo ka qëndruar për disa muaj në burg nën akuzën ushtrimit të prostitucionit. Ajo tashmë shpreson që të kthehet sa më parë në atdheun e saj, pasi do të largohet nga kjo jetë. Ose, të paktën kjo ëhstë cfarë ajo shpreh…

‘Burg? 7 muaj dhe dy javë.
Dua vetëm të kthehem në vendim tim. Të jem pranë familjes sime dhe të vazhdoj të studioj. Këto janë planet e mia për të ardhmen’ u shpreh eskorta
‘Nuk është se kanë shfaqur pendesë në lidhje me veprën penale, por vetëm kërkojnë që të largohen sa më shpejt nga Shqipëria dhe të largohen drejt familjeve të tyre’ u shpreh Suada Pucesta, avokate./Top Channel

Një incident i pazakontë është regjistruar pasditen e kësaj të mërkure në një nga pikat e dyqanit të shërbimeve telefonike ”One Albania” në Tiranë.

Një person i cili deri më tani nuk është identifikuar ende, mësohet se ka hyrë në ambientet e dyqanit duke thyer me levë xhamat e subjektit, sipas Infonews.al.

Paraprakisht bëhet me dije se pasi kreu sulmin me levë ndaj dyqanit, autori u është drejtuar punonjësve duke iu thënë: O plehra, telefononi Policinë tani.

Siç mund ta shikoni dhe në videon e publikuar nga Infonews.al, duken qartazi xhamat e dëmtuara të dyqanit.

Rrethanat e ngjarjes mbeten të paqarta, por dyshohet se autori të ketë qenë i pakënaqur me shërbimin e marrë nga kompania.

Fatmirësisht nga ngjarja nuk raportohet të ketë pasur të lënduar.

Nga ana e kompanisë deri më tani nuk ka pasur një reagim zyrtar në lidhje me ngjarjen e rëndë. Pritet të dalin detaje të reja në vijm.

VIDEO

Një aksident i rëndë rrugor i ndodhur më 22 qershor në Francë, i ka marrë jetën një shqiptareje nga Kosova, ndërsa ka lënë të plagosur burrin dhe dy djemtë e saj.

Viktima është identifikuar si Besire Kolgeci-Baraliu, për të cilën kanë reaguar zemërthyer dhe familjarët e saj në rrjet të cilët kanë ndarë lajmin e trishtë.

Siç mund ta shikoni dhe në foton e mëposhtme, kjo është viktima Besire Kolgeci-Baraliu, të cilës iu ndërpre jeta në mënyrë tragjike në një moshë të re.

Dy djemtë dhe bashkëshorti i saj të cilët mbetën të lënduar nga aksidenti tragjik, mësohet se po marrin mjekimin e nevojshëm në një spital në Bazel, ndërsa thuhet se ndodhen jashtë rrezikut për jetën.

Sakaq, newsbomb.al ka mësuar se viktima është kushërirë e kandidatit për deputet në zgjedhjet parlamentare 2025 nga Lidhja Demokratike e Kosovës – LDK, Selman Kolgeci.

Ky i fundit ka reaguar zemërthyer për humbjen tragjike të kushërirë ssë tij, për të cilën shkruan se dielli për Besiren perëndoi në një moshë të re në mënyrë të padrejtë.

“Sot fjalët duken të pakta përballë dhimbjes që ndiejmë. Dielli ka perënduar shumë herët për ty, kushërira jonë, dhe zemrat tona janë të pikëlluara për ndarjen tënde kaq të hershme e të padrejtë nga kjo botë.

Ëndrrat e tua, aq të bukura e plot jetë, u ndërprenë padrejtësisht nga një aksident tragjik në Francë duke lënë pas dhimbje të madhe tek të gjithë ne që të njohëm” shkruan Selman Kolgeci në reagimin e tij.

Reagimi i Selman Kolgecit:

Lamtumirë, Besire M. Kolgeci – Baraliu,

Sot fjalët duken të pakta përballë dhimbjes që ndiejmë. Dielli ka perënduar shumë herët për ty, kusherira jonë, dhe zemrat tona janë të pikëlluara për ndarjen tënde kaq të hershme e të padrejtë nga kjo botë.

Ëndrrat e tua, aq të bukura e plot jetë, u ndërprenë padrejtësisht nga një aksident tragjik në Francë duke lënë pas dhimbje të madhe tek të gjithë ne që të njohëm.

Do të kujtojmë përherë buzëqeshjen tënde të ngrohtë, shpirtin tënd të pastër dhe mirësinë që shpërndaje kudo që shkoje. Ishte një vajzë që dinte të respektonte, të donte dhe të sillte vetëm pozitivitet në çdo hap.

Ti nuk je më fizikisht mes nesh, por kujtimi yt do të jetojë përgjithmonë në zemrat dhe mendjet tona.

Shpirti yt pushoftë i qetë në parajsën e premtuar e të pasosur.

Një shtetase ukrainase, e cila prej katër vitesh jeton në Shqipëri, ka denoncuar një incident të ndodhur në pallatin ku banon me qira në Vlorë, konflikt që sipas saj ka nisur për shkak të qenit të saj të vogël dhe më pas ka degjeneruar në sharje, përplasje fizike dhe pretendime për dhunë ndaj kafshës.

Sipas denoncueses, ngjarja ka ndodhur rreth dy muaj më parë në hyrjen e pallatit ku ajo jeton së bashku me bashkëshortin e saj. Ajo pretendon se konflikti nisi pasi një grua shqiptare refuzoi të hipte në ashensor për shkak të pranisë së qenit të saj, duke pretenduar se kishte alergji ndaj qenve.

Në videon e filmuar nga vetë shtetasja ukrainase, dëgjohet një debat verbal mes çiftit ukrainas dhe një çifti shqiptar. Në pamje dëgjohet gruaja shqiptare teksa shprehet se qentë nuk lejohen në ambientet e përbashkëta dhe se ajo ka alergji ndaj tyre, ndërsa më pas debati përshkallëzohet me tone të ashpra nga të dyja palët.

Sipas denoncueses, pas debatit fillestar, çifti shqiptar ka trokitur në derën e apartamentit të saj dhe konflikti ka vijuar në korridorin e pallatit. Në video dëgjohen sharje dhe akuza reciproke në gjuhë të ndryshme, ndërsa në disa momente situata duket se kalon edhe në kontakt fizik mes personave të përfshirë.

Gruaja ukrainase pretendon gjithashtu se gjatë konfliktit burri shqiptar ka goditur me shkelm qenin e saj të vogël, moment që sipas saj është i dukshëm në video. Po ashtu, ajo pretendon se gjatë përplasjes është tentuar t’i merret telefoni me të cilin po filmonte ngjarjen.

Në denoncimin e saj, ajo shprehet se rasti është raportuar në polici, por pretendon se deri më tani nuk është ndërmarrë asnjë masë konkrete. Ajo ngre gjithashtu shqetësimin se një fqinj tjetër ka vendosur kamera monitorimi përballë banesës së saj dhe se, sipas saj, prej kohësh po përballet me ankesa të vazhdueshme lidhur me praninë e qenit në pallat.

Nga ana tjetër, në bisedat me redaksinë, denoncuesja kundërshton pretendimin e fqinjës se ka alergji ndaj qenve, duke deklaruar se në të njëjtin pallat jetojnë edhe kafshë të tjera shtëpiake dhe se qeni i saj është i pajisur me të gjitha dokumentet dhe vaksinimet përkatëse.

Ali Ahmeti në fjaIën e tij në Kuvendin e BDI-së vlerësoi rolin historik të Shqipërisë në mbështetjen e Kosovës e ndërsa u shpreh se vendi po përballet me pasoja nga zhvillimet dhe protestat e fundit, veçanërisht në sektorin e turizmit dhe investimeve.

Kreu i BDI tha se këto zhvillime po ndikohen edhe nga fushata dhe reagime të jashtme, duke përmendur Greqinë dhe Beogradin si burime të ndikimit.

Ahmeti shtoi se qëndrimi i tij nuk është në mbrojtje të Edi Ramës, por në mbrojtje të Shqipërisë, duke paralajmëruar se destabilizimi i vendit dëmton më gjerë interesat kombëtare shqiptare.

“Ka ca ngjarje, zhvillime edhe në Shqipëri. Ai është vend ku ne na kanë ndihmuar. Shqipëria ka strehuar Kosovën. Shqipëria është pjesë e pandarë e lirisë së Kosovës. Pa ndihmën, pa mjetet e Shqipërisë, Kosova nuk do ishte Kosova që është sot.

Prandaj, me dhimbje po i përcjellim gjërat. Ne e shohim që këtu Shqipëria, nga këto protesta që nuk dihet ku e kanë kokën, merr dy goditje. Goditje të forta.

Industria kryesore e Shqipërisë është turizmi. Goditet tek turizmi. Nga doli fushata e parë? Nga Greqia, sepse turizmi po i rrezikohet nga Shqipëria, po i rrezikohet Greqisë. Që një shtet fqinj s’bën me menduar kështu për fqinjin e vet, po ja që ka ndodhur, që deklarata e parë dhe reagimet e para erdhën nga Greqia.

Kush u bë zëdhënësi i parë i kësaj fushate? Në Beograd? I njëjti që bën fushatën e protestave në Serbi, bën fushatën për protestat në Shqipëri.

Dikush mund të ngrihet dhe të thotë: Ali Ahmeti po mbron Edi Ramën. Jo, Ali Ahmeti mbron Shqipërinë dhe i dhimbet Shqipëria.

Po goditet. Po goditet dega kryesore e industrisë, turizmi; dega kryesore, investimet e huaja dhe vendore. Mos kujtoni që nuk ka pasoja për investitorët vendorë, e mos flasim më për të huaj. Se asnjë investitor vendor nuk rrezikon kapitalin e vet aty ku ka pasiguri.

Dhe kush tenton pasigurinë ta krijojë në Shqipëri? Armiqtë e kombit shqiptar. Unë nuk them që këta kanë dalë në shesh aty, janë armiq, po kanë rënë në grackën e armiqve, pa analizuar dhe pa e studiuar mirë pasojat që i shkaktojnë kombit, jo vetëm në Shqipëri, por edhe më gjerë”, tha ai./Top Channel

Detektivja e njohur, Shkënda Lili, ka qenë e ftuar në “Grida Duma Podcast”, ku ka folur për tràdhtinë e burrave dhe grave. Ajo u shpreh se ne si popull mund t’a ndjejmë se diçka nuk po shkon, por nuk e pranojmë dhe si pasojë duam fakte.

Gjatë kësaj interviste, ajo tregoi edhe kush e përjeton më shumë tradhtinë, burrat apo gratë. Sipas saj, meshkujt e vuajnë më shumë ndërsa gratë e kalojnë.

Lili u shpreh se gratë e falin tradhtinë për çështje ekonomike, për çështje hakmarrje apo për të vënë me shpatulla pas muri partnerin.

Pjesë nga intervista:

Te gratë shikon ego apo dashuri?

Unë mendoj se gratë janë impulsive në fillim por e falin tradhtinë.

E falin?

Kam një përqindje të madhe që unë kam parë që është falur tradhtia. Është falur mbase nga dashuria, është falur për të mos mbajtur përgjegjësitë vetëm, çështja ekonomike. Ka shumë arsye, ka shumë faktorë që femra mendohet 2-3 herë për t’i dhënë fund një martese vetëm për tradhtinë.

Në këto raste që kanë falur, pse kanë dashur t’a dinë tradhtinë nëse do t’a falnin?

Dhe ne femrat duam prova

Po për çfarë? Për të rënduar më shumë?

Për të rënduar dhe për t’a vënë me shpatulla pas muri partnerin. Në kuptimin që ‘unë e di, kam prova, tani do të bësh çfarë dua unë’ ose për të kërkuar dhe nga ana materiale, ose për të qenë vetë e lirë, për të krijuar atë hapësirën për të qenë më e lirë dhe jo më në atë guaskën që mund të jenë futur brenda në një marrëdhënie vetëm në shtëpi për t’iu përkushtuar partnerit apo familjes. Ka dhe nga ato që e bëjnë për hakmarrje, ‘po do të fal patjetër, por tani është radha ime’. I shprehin tek unë, e kjo është e bukur se më shohin dhe si psikologe dhe pse nuk kam lidhje me psikologjinë. Puna të bën ti dëgjosh dhe ti kuptosh. Edhe pse më rëndojnë edhe mua psikologjikisht se ato hapen shumë dhe tregojnë historinë nga fillimi në fund, madje dhe gjërat intime brenda shtëpisë i transmetojnë tek unë.

Vajza e Tahir Sinanit, dëshmorit të kombit, reagoi ashpër pasi Taulant Balla e përfshiu atë në një listë me emra mercenarësh të UÇK. Rugova Sinani shkruan se ky është një poshtërim i rëndë për komandantin legjendar të UÇK-së.

“Vetëm një i paskrupullt mund ta bëjë këtë. Taulant Balla urgjentisht t’i duhet të kërkosh falje publike. Sot ti ma vrave për së dyti babën! Gjaku i tij do ua thyejë qafën ty e gjithë atyre që prekin te plaga që hala dhemb,” shkruan ajo.

POSTIMI I PLOTË:

Sapo pashë letrën e publikuar nga Taulant Balla, kinse një listë me emrat e marcenarëve në UÇK, se kështu i quaka ai luftëtarët e lirisë. Një letër gjysmake, pa specifika, ku në krye qëndron emri i babait tim, Heroit të Kombit Tahir Sinani. Njeriu që sakrifikoi çdo gjë për çeshtjen kombëtare, çlirimtari i tre luftërave. Sot Taulant Balla, një mbetje e Politikës shqiptare, përdhos dhe fyen emrin dhe gjakun e babait tim.

TURP!!!!

Vetëm një i paskrupullt mund ta bëjë këtë. Taulant Balla urgjentisht ti duhet të kërkosh falje publike. Sot ti ma vrave për së dyti babën! Gjaku i tij do ua thyejë qafën ty e gjithë atyre që prekin te plaga që hala dhemb.

Tahir Sinani ra dëshmor për lirinë e trojeve shqiptare, jo për parti politike. E në qoftë se nuk e njeh ti Tahir Sinanin e njeh gjithë shqiptaria. Ai shkoi me lavdi po ti ça do lësh mbrapa?! Turp për ty!

Organizata e Veteranëve të Luftës së UÇK-së Detyra juaj është të mbroni të drejtat e veteranëve, të familjeve të dëshmorëve dhe vlerave të luftës dhe jo të merreni me politikë nën petkun e UÇK-së nëpërmjet kësaj organizate.

Përndryshe të shpërbëheni menjëherë si grup drejtues dhe të drejtohet nga persona që ia dinë vlerën luftës e gjakut të dëshmorëve. Pas gati 25 vitesh nga rënia dëshmor e babit të përjetosh këtë poshtërim është e rëndë!

https://www.facebook.com/plugins/post.php?href=https%3A%2F%2Fwww.facebook.com%2Frugova.t.sinani%2Fposts%2Fpfbid0efEDnw6fC68DprqfxVfxLbCRwsp1QNKHN6Lssb6upkauYC5TYLrmYotVxACxN8Gal&show_text=true&width=500