Month: June 2026

Shoqëria Riviera Kakome shpk, e cila pretendon se është pronare e rregullt e truallit që u shkatërrua dje nga protestuesit, ka lëshuar një deklaratë publike për ngjarjen dhe thotë se është duke mbledhur provat e nevojshme për hetimin.

Sipas shoqërisë, trualli është privat dhe është shitur nga shteti përmes procedurave të ligjshme dhe rrethimi i pronës është bërë me leje ndërtimi të lëshuar nga Këshilli Kombëtar i Territorit.

“Është për të ardhur keq që dikush e justifikon dhunën me faktin që njerëzve ju është mohuar e drejta për të shkuar në plazh. Është një arsye e pavërtetë, e sajuar. Njerëzve kurrë nuk u është mohuar e drejta për të shkuar në plazh.

Mbas dhënies së lejes së ndërtimit dhe rrethimit të truallit privat u është ndaluar hyrja në pronën private. Ndërsa vajtja në plazh ka qenë gjithnjë e mundur në rrugën përgjatë rrethimit e cila ekziston prej shumë kohe”, thuhet në deklaratë.

Shoqëria Riviera Kakome shpk thekson se banorët e Kakomesë nuk kanë qenë kurrë pronarë të truallit të Kakomesë dhe as pretendues të pronësisë. Sipas saj, banorët e fshatit Nivicë nuk duan t’ja dinë për të vërtetën, mbasi u pëlqen të rrëmbejnë tokat private që të tjerët i kanë blerë.

Deklaratë për media, datë 22 Qershor – Shoqëria Riviera Kakome shpk

Ditën e djeshme, e diel 21 Qershor, disa dhjetra njerëz të pajisur me vare dhe mjete të tjera shkatërrimtare vërshuan në truallin privat të Kakomesë duke shkatërruar gjithcka mundën. Megjithëse porta ishte e hapur, e shkatërruan, vazhduan me rrethimin, kabinën e rojeve dhe gjithcka që gjetën përpara.

Shoqëria Riviera Kakome shpk e denoncon këtë dhunë shkatërrimtare kundrejt një trualli privat të shitur nga shteti dhe një rrethimi të pronës të bërë me leje ndërtimi të lëshuar nga KKT.

Kemi sistemuar provat për ndjekjen penale të personave përgjegjës.

Besojmë që organet e ligjit do të bëjnë detyrën duke dënuar keqbërësit në mënyrë që akte të tilla të mos përsëriten.

JUSTIFIKIMI I DHUNËS

Është për të ardhur keq që dikush e justifikon dhunën me faktin që njerëzve ju është mohuar e drejta për të shkuar në plazh. Është një arsye e pavërtetë, e sajuar. Njerëzve kurrë nuk u është mohuar e drejta për të shkuar në plazh.

Mbas dhënies së lejes së ndërtimit dhe rrethimit të truallit privat u është ndaluar hyrja në pronën private. Ndërsa vajtja në plazh ka qenë gjithnjë e mundur në rrugën përgjatë rrethimit e cila ekziston prej shumë kohe.

Hyrja dhe përdorimi i plazhit ka qenë gjithnjë e lirë.

Gjithashtu e konsiderojmë të rëndë faktin që ndonjë media justifikon dhunën me shprehje të tilla si banorë të Nivicës, pronarë të tokave në Kakome, kanë shembur rrethimin” E konsiderojmë të papërgjegjshme një shprehje të tillë, mbasi është detyrë e cdonjërit që publikon dicka, të analizojë fillimisht të vërtetën. E kemi shpjeguar më parë, por na duket me vend ta përsërisim “Të vërtetën mbi Kakomenë”.

Nuk ka banorë të Nivicës pronarë të tokës në Kakome.

Po ju bëjmë me dije përsëri cfarë ka ndodhur.

Kontestimi i grupit të vetëquajtur Bashkësia e fshatit Nivicë për njohjen e disa pronave, të cilësuara “ ish Kullota” të ndodhura 10-15 km larg fshatit, padrejtësish pa asnjë arsye, bllokoi projektin e resortit në Kakome.

Së pari duhet të dihet që pretendimi i tyre u rrëzua si i pabazë në të gjitha shkallët e sistemit gjyqësor.

Por më interesant është një fakt tjetër. Në kërkesën për njohjen e pronave, ish kullota, nga banorët e Nivicës, shkruheshin qartë kufijtë e pronave të pretenduara dhe konkretisht:

“Kufirin Perëndimor i kullotave ishte Manastiri i Kakomesë” (sipas tyre bazuar në një marrëveshje me shtetin turk në kohën para pavarësisë).

Ndërkohë, mjafton të shihni hartën, për të konstatuar lehtësisht, që trualli i Kakomesë fillon disa qindra metra më në perëndim të Manastirit.

Në konkluzion:

Banorët e Kakomesë nuk kanë qënë kurrë pronarë të truallit të Kakomesë, dhe as pretendues të pronësisë.

Fatkeqësisht mesa duket, banorët e fshatit Nivicë nuk duan t’ja dinë për të vërtetën, mbasi u pëlqen të rrëmbejnë tokat private që të tjerët i kanë blerë.

Po roli i shtetit ?

Theksojmë që ndodhi të tilla dhune ndaj pronave private, rojeve private, objekteve të ndërtuara me leje ndërtimi, shkelin rëndë ligjin dhe rrisin pasigurinë për investime në vend.

Pasiguria për investime, mos mbrojtja e tyre nga dhunuesit, dëmton rëndë zhvillimin e turizmit dhe të vetë këtyre rajoneve të vendit.

Për më tepër gjenerohen edhe konflikte sociale, të cilat shteti ka detyrën ti evitojë.

Për këto arsye kërkojmë nga institucionet e shtetit të bëjnë detyrën e tyre, duke dënuar së pari shkaktarët e këtyre dhunimeve të pronës, të ligjit dhe të rendit.

Një ngjarje tragjike ka ndodhur mëngjesin e kësaj të hëne në lagjen Arbana të Prizrenit ku një 24-vjeçar ka humbur jetën gjatë orarit të punës.

Sipas policisë vendase mësohet se ngjarja e rëndë ka ndodhur, gjatë procesit të betonimit kur i riu i identifikuar si Valmir Morina është goditur nga një pjesë e vinçit, çka i ka shkaktuar tij plagë të mëdha nga të cilat gjeti vdekjen e menjëhershme.

“Sipas informatave fillestare të siguruara nga dëshmitarët, dyshohet se viktima, derisa ishte duke punuar në një objekt ndërtimi, gjatë procesit të betonimit është goditur nga një pjesë e pajisjes së punës, me ç’rast ka pësuar lëndime fatale dhe ka humbur jetën në vendin e ngjarjes’’ njoftoi sot Shaqir Bytyqi, zëdhënësi i Policisë së Kosovës për Rajonin e Prizrenit.

Ndërsa mësohet se Valmiri ishte djali i vetëm i familjes, madje shtylla kryesore e shtëpisë që pas ditës që humbi babanë.

Ndarja nga jeta në lule të rinisë ka lënë pas një plagë të pashërueshme për nënën e tij e cila mbeti e vetme në këtë jetë si dhe për gjithë komunitetin e Drenocit të Malishevës, nga e cila kishte prejardhjen.

Sindikatat e pavarura të Shqipërisë kanë njoftuar zhvillimin e një proteste ditën e sotme, në orën 10:00, përpara Ministrisë së Ekonomisë dhe Financave, ku pritet të kërkohet përmirësim i kushteve ekonomike dhe rritje e dinjitetit të punës.

Duke folur nga protesta para kryeministrisë, përfaqësuesi i sindikatave të pavarura, Ilir Xhemalaj, ka bërë thirrje publike për pjesëmarrje të gjerë të qytetarëve, duke iu drejtuar punëtorëve, pensionistëve dhe të rinjve që, sipas tij, përballen me vështirësi ekonomike në jetën e përditshme.

“Sot kam një thirrje për çdo punëtor, pensionist, çdo të ri e qytetar të ndershëm. Në sindikatat shqiptare, nuk e kam për ato që janë lëpirë me shtetin për 36 vjet, e kam për sindikatat e reja të cilat nesër do të mblidhen përpara Ministrisë së Financave për të protestuar. Ju ftoj të jeni me ne. Nesër proteston Shqipëria që punon, punëtori që zgjohet para lindjes së diellit dhe mezi e mbyll muajin. Pensionisti që pas një jete pune, numëron ato qindarkat përpara farmacisë për të blerë ilaçet. Proteston i riu që punon, por nuk arrin të blejë një shtëpi për familjen e nuk ndërton dot një familje. Kur punëtori varfërohet nga puna e tij, ka diçka që nuk shkon. Nuk ka ekonomi të fortë dhe qytetarë të varfër. Nuk kërkojmë privilegje, vetëm dinjitet që të punojmë në vendin tonë dhe të rrisim fëmijët në vendin tonë. Një vend nuk mbahet në këmbë nga lëmosha që pushtetarët u japin punëtorëve. Një vend mbahet në këmbë nga punëtorët. Prandaj sot ftoj qytetarët që të bashkohen me protestën e sindikatave në orën 10:00. Askush nuk del për karrige apo politikë, vetëm për dinjitetin tonë”, tha Ilir Xhemalaj.

Ish-komandanti i Flotës Detare, Artur Meçollari i ka dalë në mbrojtje ish-luftëtarit të UÇK-së, Dritan Goxhajt, i cili u “sulmua” këtë të hënë nga kryeministri Edi Rama, pasi ky i fundit e etiketoi publikisht si zëdhënës të interesave të Iranit.

Përmes një reagimi në rrjetet sociale, Meçollari hodhi poshtë akuzat e Ramës ndaj Goxhajt, duke theksuar se ai ka luftuar me armë për Kosovën së bashku me të atin, ndërsa kryeministrin e akuzoi për nisma që sipas tij kanë qenë në dëm të Kosovës.

“Edi Rama. Nuk e bën dot pis Dritan Goxhaj. Ka luftuar me armë për Kosoven, bashkë me babain e tij. Kurse ti ke bërë Ballkanin e Hapur dhe nje draft për Asociacioionin e Komunave me shumicë serbe. Të dyja kundër Kosovës. Keto jane te provuara”, shkruan Meçollari, duke theksuar se nuk ndan të njëjtat qëndrime me Goxhajn për luftën në Iran, por argumenton se deklaratat e tij nuk janë politike, por analiza me karakter ushtarak.

Reagimi i plotë i Meçollarit:

Edi Rama. Nuk e bën dot pis Dritan Goxhaj. Ka luftuar me armë për Kosoven, bashkë me babain e tij. Kurse ti ke bërë Ballkanin e Hapur dhe nje draft për Asociacioionin e Komunave me shumicë serbe. Të dyja kundër Kosovës. Keto jane te provuara. Nuk po flas për ndryshimin e kufijeve të Kosovës. Unë nuk bie dakord me Dritanin për luftën në Iran, por këto nuk janë qëndrime politike, por analiza të karakterit ushtarak. Po manipulon analizat ushtarake të Dritan Goxhajt për ta bërë pis atë dhe për ti shpëtuar dotëheqjes. Dorëheqja jote është e panegociueshme.

Dashi

Bëni kujdes! Në muajt e kaluar nuk kanë munguar konfliktet në dashuri. Por mos u druani, pasi me maturinë e duhur do të përjetoni ditë interesante. Nuk do të mungojnë as mundësitë që kanë të bëjnë me punën. Gjërat do të ecin gradualisht.

Demi

Hënën nuk e keni më kundër, por bëni kujdes që të mos bini pre e provokimeve. Sa i takon punës, nëse jeni përballur me një pakënaqësi, mundohuni që të kuptoni nëse është rasti për të arritur një marrëveshje.

Binjakët

Nëse jeni duke përjetuar një histori dashurie konfliktuale, përgatituni për tu përballur me një ditë të vështirë. As në punë nuk do të jeni të qetë, ndaj mundohuni që të ecni përpara me vendosmëri, edhe pse ndonjë problem mund të mos ketë gjetur zgjidhje.

Gaforrja

Në dashuri ju pret një ditë e favorshme. Mundohuni që të mos përballeni me debate të vështira. Në punë, ndryshimet do të nisin duke filluar nga data 27 shtator, ku do të merrni propozime interesante.

Luani

Hëna do të jetë në anën tuaj, ndaj nëse është dikush që ju intereson, guxoni më shumë. Sa i takon punës, do të ndiheni disi të lodhur. Por nga ana tjetër, jeni vetëm në mes të javës, ndaj bëni durim!

Virgjëresha

Ju pret një ditë e vështirë në dashuri, ku gjatë saj do të vihet në provë durimi juaj. Në punë dhe në sferën financiare, mundohuni që të tregoheni të kujdesshëm, pasi do të ketë shpenzime.

Peshorja

Muaji gusht mbarti për të lindurit e kësaj shenje një sërë problemesh. Por nëse një dashuri është ende në këmbë, mundohuni që të investoheni. Sa i takon punës, nëse ju ftojnë që të bëni diçka interesante mos hezitoni, por mundohuni që të mos bini në kundërshti me atë që mendoni.

Akrepi

Në dashuri do të ketë pakënaqësi. Por rrini të qetë, pasi që nga 2 korriku, situata do të përmirësohet. Në punë, duhet të bëni kujdes dhe të mos hidhni hapa të gabuar.

Shigjetari

Hëna dhe Venusi janë në anën tuaj dhe kjo do të thotë vetëm një gjë, ditë pozitive për dashurinë dhe emocionet, shkruan noa.al. Sa i takon punës, do të keni mundësi që të bëni një projekt të ri për të ardhmen.

Bricjapi

E marta paraqitet një ditë mjaft premtuese për dashurinë, ndërsa tetori do të jetë i mbushur me pasion. Sa i takon punës, mos bëni hapa të nxituar nëse jeni në krizë. Nuk do të vonojnë zgjidhjet e rëndësishme, por bëni durim.

Ujori

Do të shfaqni interes më të madh për dashurinë, në raport me orët e kaluar. Në punë, kush ju ka lënduar, shumë shpejt do të ndëshkohet. Por pavarësisht kësaj ndiheni të acaruar, ndaj bëni mirë që të relaksoheni.

Peshqit

Në dashuri do të dominojë nervozizmi. Bëni mirë që të ruani qetësinë. Edhe në punë, mundësitë e reja nuk do të mungojnë. Ndoshta mund të merrni një lajm të mirë, brenda fundit të muajit. Edhe ata që janë të përfshirë në studime, yjet i kanë në anën e tyre.

Parlamenti Europian ka miratuar një amendament, që kërkon zgjidhjen e çështjes së përdorimit të gjuhës shqipe në provimet shtetërore në Maqedoninë e Veriut, përfshirë edhe provimin e Jurisprudencës.

Në tekstin e miratuar, eurodeputetët u bëjnë thirrje institucioneve shtetërore që ta adresojnë sa më shpejt këtë problem, duke garantuar zbatimin praktik të Marrëveshjes Kornizë të Ohrit, jo vetëm në aspektin ligjor, por edhe në frymën e saj.

Amendamenti i miratuar thekson se respektimi i të drejtave gjuhësore të shqiptarëve mbetet një element kyç për avancimin e barazisë dhe bashkëjetesës ndëretnike në vend.

Për këtë arsye, Parlamenti Europian kërkon që autoritetet në Shkup të ndërmarrin hapa konkretë për të siguruar që studentët shqiptarë të kenë mundësi të barabarta në proceset arsimore dhe profesionale.

Po ashtu, eurodeputetët kanë kundërshtuar mënyrën se si janë paraqitur protestat e studentëve shqiptarë, duke kërkuar që ato të mos etiketohen si të motivuara politikisht apo si faktor destabilizues. Sipas tyre, kërkesat e studentëve lidhen me respektimin e të drejtave të garantuara me ligj dhe me Marrëveshjen e Ohrit, ndaj ato duhet të trajtohen me seriozitet dhe përgjegjësi institucionale.

Ky zhvillim vjen pas takimeve që përfaqësues të studentëve protestues zhvilluan në ditët e fundit me përfaqësues të Parlamentit Europian. Gjatë këtyre takimeve, studentët shprehën shqetësimet e tyre lidhur me moslejimin e zhvillimit të provimit të Jurisprudencës në gjuhën shqipe, duke e konsideruar këtë një shkelje të të drejtave të tyre kushtetuese dhe ligjore.

Studentët kanë kërkuar trajtim të barabartë dhe respektim të plotë të të drejtave gjuhësore, duke theksuar se përdorimi i gjuhës shqipe në provimet shtetërore është një e drejtë e garantuar nga legjislacioni në fuqi. Mbështetja e shprehur nga Parlamenti Evropian shihet si një sinjal i fortë politik dhe institucional për autoritetet e Maqedonisë së Veriut që të gjejnë një zgjidhje të shpejtë dhe të drejtë për këtë çështje.

Vendimi i Parlamentit Europian konsiderohet një hap i rëndësishëm në mbrojtjen e të drejtave të shqiptarëve në Maqedoninë e Veriut dhe një mesazh i qartë se zbatimi i plotë i Marrëveshjes së Ohrit mbetet një nga prioritetet kryesore në procesin e integrimit evropian të vendit.

Ruajeni protestën nga Berishët…

Shkruan: Dritan Shkreli

Dy emra thirren bashkë në burg nga protesta, por jashtë saj i lidh i njëjti beton. Ndërsa Sali Berisha jep mbështetje nga distanca për protestën, pasuria e familjes së tij rrjedh nga pena e Edi Ramës. Kjo nuk është opozitë por një infiltrim që i shërben pikërisht atij që protesta kërkon ta rrëzojë.

Ka një gjë që nuk shkon në betimet e Sali Berishës se mbështet protestën qytetare. Një njeri që po thërret për rrëzimin e Edi Ramës është njëkohësisht njeriu pasuria e familjes të cilit, të paktën së fundmi varet, kullë pas kulle, leje pas leje, nga firma e Edi Ramës. Ky kontradiksion nuk është detaj. Është çelësi për të kuptuar pse familja Berisha nuk është aleate e revoltës, por Kali i Trojës i regjimit brenda saj.

Filloni nga roli që Berisha ka zgjedhur. Protestuesit nuk e duan atë. Nga foltorja deri te marshimet, qytetarët thërrasin “Berisha në burg” me të njëjtën forcë me të cilën thërrasin “Rama në burg”. Por në vend që ta respektojë këtë refuzim, Berisha kërkon t’i imponohet protestës nga jashtë, me statuse në Facebook, me deklarata nga grupi parlamentar dhe me thirrje “mbështetjeje” që demokratët të dalin masivisht, ndërsa vetë qëndron mënjanë “se është partiak”.

Pse kjo distancë e llogaritur? Sepse Berisha sot është person nën akuzë, i pandehur para Gjykatës së Posaçme kundër Korrupsionit në dosjen “Partizani”, ku SPAK e akuzon për korrupsion pasiv dhe ku prokuroria ka konkluduar se nga afera u pastruan rreth pesë milionë euro. Një njeri i zënë ngushtë nga drejtësia ka nevojë urgjente për një valë popullore që ta mbulojë, dhe protesta qytetare i ra në dorë si dhuratë. Mbështetja e tij nuk është solidaritet por strehim.

Dhe është strehim i vonuar, sepse në ditët e para Berisha qëndroi në anën e gabuar. Kur protesta nisi, ai nuk u rreshtua me qytetarët, por e quajti lëvizjen lojë të orkestruar nga Edi Rama, duke përsëritur fjalë për fjalë tezën e regjimit. Televizioni i familjes së tij, Syri TV, i paraqiti protestuesit si “sorrosianë”, pra si provokatorë në shërbim të interesave të huaja. Pra në fillim familja Berisha nuk qëndronte përballë pushtetit, por përballë sheshit. Kthesa erdhi vetëm pasi lëvizja u rrit dhe protestuesit trokitën te dera e selisë së PD. Brenda pak ditësh, Berisha kaloi nga mohimi i protestës te përqafimi i saj. Berisha ndryshoi qëndrim sapo u tremb nga protestuesit që i shkuan te partia. Kush e sulmon një lëvizje kur është e vogël dhe e përqafon kur bëhet e madhe, nuk e mbështet atë. E gjuan për ta zënë.

Por strehimi është vetëm gjysma e historisë. Gjysma tjetër është beton, dhe ajo e tradhton plotësisht pretendimin se Berisha dhe Rama janë armiq. Vetë afera “Partizani”, nga e cila buron sot procesi gjyqësor, u bë e mundur nga firma e Edi Ramës. Më 8 qershor 2006, Këshilli i Rregullimit të Territorit i Bashkisë së Tiranës, i kryesuar nga kryebashkiaku i atëhershëm Edi Rama, ndryshoi destinacionin e truallit të kompleksit sportiv nga zonë sportive në zonë banimi. Në fund të vitit 2007, i njëjti këshill miratoi sheshin e ndërtimit me vendimin numër 136, që mban firmën e Edi Ramës, dhe pak muaj më vonë erdhi leja e parë e ndërtimit. Mbi këtë truall u ngritën rreth 17 deri 19 kulla, pasuria me të cilën sot krenohet dhëndri ”faqezi” i Berishës. Ironia është aq e madhe sa Berisha vetë, kur mbron veten, e thotë hapur: destinacioni u ndryshua me firmën e Edi Ramës, jo me të tijën. Pikërisht.

Partneriteti nuk mbaroi në vitin 2008 por vazhdoi me dekada. Sipas investigimeve të publikuara, përfshirë ato të botuara nga vetë Pamfleti, dhëndri i Berishës Jamarbër Malltezi ka marrë nga pushteti i Edi Ramës leje për të paktën dymbëdhjetë komplekse pallatesh dhe vilash në Tiranë dhe më gjerë, nga “Mangalem 21”, “Magnet”, “Kaimi”, “Kadiu”, “OXA” e deri te “Aba” dhe projekti në zonën e mbrojtur të Drilonit. Detaji më rrëqethës është kohëzgjatja e favorit: leje ndërtimi përmes kompanisë “Kontakt” i kanë ardhur Malltezit edhe gjatë kohës kur GJKKO e kishte në arrest shtëpie me kërkesë të SPAK. Ndërsa njëra dorë e shtetit e mbante të mbyllur në shtëpi si të akuzuar për korrupsion, dora tjetër e të njëjtit shtet i firmoste leje për kulla.

Nuk është vetëm dhëndri. Është edhe djali. Shkëlqim Beshiri, i identifikuar si prestanome i Shkëlzen Berishës, ka përfituar nën qeverisjen e Partisë Socialiste dhjetëra leje ndërtimi në Tiranë, Vlorë, Himarë dhe Sarandë. Më 17 nëntor 2025, kompania e tij “Klar” mori lejen për kullën më të lartë në vend, gjashtëdhjetë e pesë kate në Bulevardin e Ri të Tiranës. Po ky emër, përmes të njëjtës kompani, është përzgjedhur nga komisioni i drejtuar nga kryeministri Edi Rama për kullën pranë Pallatit të Kongreseve, mbi një lulishte publike. Sipas po këtyre raportimeve, përmes lidhjeve të familjes, Beshirit i është dhënë edhe statusi “investitor strategjik” për një kompleks mbi njëqind e nëntëmbëdhjetë hektarë tokë shtetërore në Gjirin e Lalzit, ku njëzet e tetë hektarë janë pyll me pisha buzë detit. Kujtojme edhe se pas një kulle të vetme në Tiranë qëndrojnë tre persona të shpallur “non grata”, Sali Berisha, Shkëlzen Berisha dhe ish-prokurori Adriatik Llalla.

Tani bashkojini pikat. Një familje pasuria e së cilës, së fundmi, rrjedh nga firma e Edi Ramës nuk mund të jetë maja e shtizës së një revolte kundër Edi Ramës. Kur kjo familje futet në protestë, çfarëdo qoftë forma, ajo kryen dy shërbime për regjimin njëkohësisht.

E para, e diskrediton lëvizjen, sepse Ramës nuk i duhet asgjë më shumë sesa ta paraqesë protestën qytetare si lojë të vjetër të Berishës, dhe çdo prani e njerëzve të tij ia jep këtë armë gati.

E dyta, e kap lëvizjen nga brenda, duke e kthyer kauzën antikorrupsion në një mjet të ngushtë kundër vetëm njërit korrupsion, atij të Ramës, ndërsa harron tjetrin, atë të familjes që ndan me Ramën të njëjtin pazar. Sido që ta marrësh, fituesi është Edi Rama. Prandaj familja Berisha, në protestë, nuk është opozitë. Është e infiltruara e Ramës.

Ja pse paralajmërimi për qytetarët e sheshit duhet të jetë i prerë. Mos e lejoni asnjë deklaratë, asnjë status, asnjë megafon, asnjë njeri të familjes Berisha të hyjë në protestën tuaj, sepse çdo gjë që ata sjellin aty i shërben në fund Edi Ramës.

Thirrja juaj “Rama në burg, Berisha në burg” nuk ishte rastësi as zemërim verbal. Ishte instinkti i saktë i një populli që e kuptoi se të dy emrat e ndan i njëjti rrjet pushteti, e njëjta hartë kullash, e njëjta logjikë ku shteti u përket atyre që e ndajnë, jo atyre që e mbushin sheshin. Mbajeni atë instinkt. Mos lejoni që armiqësia e shtirur mes Ramës dhe Berishës t’ju vjedhë të vetmen gjë që e keni vërtet tuajën: një protestë që nuk i përket asnjërit prej tyre.

Mos bini në kurthin e kundërt. Mosbesimi ndaj Berishës nuk është falje për Ramën, përkundrazi është e njëjta kërkesë drejtësie e shtrirë te të dy. Një lëvizje që do llogaridhënie për pasurinë e Ramës dhe për kullat e tij nuk mund të bëjë përjashtim për pasurinë e Berishës dhe për kullat e dhëndrit e të djalit të tij. Sheshi nuk ka nevojë për shpëtimtarë me mbiemër. Ka nevojë vetëm për qytetarë që nuk lejojnë askënd, as Ramën, as Berishën, të bëhet pronari i revoltës së tyre. /Pamfleti

Prej tre javësh, Shqipëria është përfshìrë nga një valë protestash kundër projekteve për ndërtimin e resorteve turistike në Lagunën e Nartës dhe në ishullin e Sazanit, të dyja të lidhura me biznesmenin amerikan Jared Kushner, dhëndrin e presidentit të SHBA-së, Donald Trump.

Protestat popullore, të cilat shpërthyen pas dhunës së ushtruar nga rojet private të sigurisë ndaj protestuesve në kantierin e resortit në Zvërnec në 30 maj, janë shndërruar në një lëvizje më të gjerë kundër establishmentit politik në Shqipëri, e vetëquajtur “Revolucioni i Flamingove”.

Mijëra qytetarë kanë zbritur çdo ditë në shesh në Tiranë, ndërsa dhjetëra tubime më të vogla janë zhvilluar në qytete të tjera të vendit dhe në diasporë.

Protestuesit kërkojnë anulimin e projekteve të mbështetura nga qeveria si investime strategjike në zona të mbrojtura mjedisore, si dhe dorëheqjen e kryeministrit Edi Rama, të cilin e akuzojnë për një qeverisje të korruptuar, të shoqëruar nga një sërë skandalesh. Në mënyrë të ngjashme, ata mbajnë përgjegjës edhe kreun e opozitës, Sali Berisha, i cili po gjykohet nga SPAK për akuza korrupsioni dhe pastrimi parash. “Rama n’burg, Berisha n’burg” është kthyer në sloganin kryesor të protestës.

Kryeministri Edi Rama i ka hedhur poshtë kërkesat e protestuesve, duke deklaruar se, për sa kohë ai do të jetë në detyrë, projekti i resortit të Kushner do të vazhdojë. Ai dhe përfaqësues të Partisë Socialiste kanë argumentuar se lëvizja është manipuluar nga aktorë të jashtëm, përfshirë Greqinë dhe Iranin.

Për të mbështetur këto pretendime, qeveria ka qarkulluar në qarqet diplomatike një raport të kompanisë amerikane Blackbird AI, i cili analizon përhapjen në rrjetet sociale të narrativave kundër projektit të Kushner në Zvërnec dhe amplifikimin e tyre të mundshëm nga aktorë të koordinuar.

Ndryshe nga sa ka deklaruar publikisht qeveria, raporti pranon se pakënaqësitë që ushqejnë protestën janë “legjitime” dhe nuk pretendon se vala e tubimeve është e nxitur nga aktorë të huaj, por thekson se jehona e tyre është amplifikuar në platformat sociale nga rrjete amerikane që kundërshtojnë qeverisjen e Trumpit dhe nga ato të lidhura me qeverinë ruse.

“Pjesa më e madhe e aktivitetit negativ të lidhur me zhvillimin e resortit Kushner–Trump ndodhi në platformën X, e nxitur kryesisht nga aktorë me bazë në SHBA, të lidhur me kampin anti-Trump dhe Partinë Demokratike, të cilët e shfrytëzuan këtë çështje për të avancuar narrativat e tyre politike dhe për ta zgjeruar jehonën e saj përtej audiencës vendase”, shkruan raporti.

“Më pas, aktorë të lidhur me shtetin rus i amplifikuan këto narrativa, me gjasë për të thelluar ndarjet ekzistuese dhe për të forcuar kundërshtimin ndaj projektit”, shton raporti.

Amplifikimi nga aktorët anti-Trump

Një grup investitorësh të lidhur me Jared Kushner kanë propozuar ndërtimin e një resorti masiv në zonën e mbrojtur të Zvërnecit dhe në ishullin e Sazanit, një projekt që, sipas qeverisë shqiptare, kap vlerën e 4 miliardë dollarëve.

Projekti është kundërshtuar nga aktivistët mjedisorë, të cilët argumentojnë se ndërtimi në Lagunën e Nartës përbën një kërcënim për monumentet natyrore dhe për specie të ndryshme kafshësh e shpendësh, përfshirë flamingot, të cilat janë kthyer në simbol të protestës.

Kundër projektit janë shprehur edhe banorët e Zvërnecit, të cilët pretendojnë se resorti është planifikuar të ndërtohet mbi toka që u përkasin atyre dhe që, sipas tyre, janë tjetërsuar në mënyrë të paligjshme nga individë të lidhur me krimin e organizuar, të cilët po hetohen nga SPAK për pastrim parash dhe trafik ndërkombëtar narkotikësh.

Blackbird AI është një platformë që analizon narrativat që qarkullojnë në rrjetet sociale, duke përdorur inteligjencën artificiale për të identifikuar kërcënime dhe mundësi për klientë qeveritarë dhe kompani private.

Sipas kompanisë, raporti i përpiluar prej saj synon të ofrojë një pasqyrë të narrativave kundërshtuese që lidhen me projektin e propozuar prej 4 miliardë dollarësh të Jared Kushner në Zvërnec gjatë periudhës 22 maj – 9 qershor, në platformat X, Telegram, TikTok, Reddit dhe në mediat online.

READ MORE Kush është politikani i lartë SURPRIZË që merr pjesë në homazhet e Nanos, do habiteni
Raporti i Blackbird AI argumenton se polemikat rreth resortit Kushner–Trump u transformuan nga një debat lokal, i lidhur me shqetësimet për qeverisjen dhe mjedisin, në një çështje me profil të lartë politik ndërkombëtar, e nxitur kryesisht nga aktorë amerikanë anti-Trump dhe e amplifikuar më pas nga rrjete të lidhura me shtetin rus.

Sipas raportit, toni dominues i diskutimit ishte armiqësor ndaj projektit, ndërsa narrativat kryesore shënjestronin fillimisht Kushnerin përmes retorikës konspirative, denigruese dhe antisemite, përpara se ta zhvendosnin fokusin te qeveria shqiptare.

“Angazhimi në rrjetet sociale u rrit në mënyrë dramatike kur aktorë me ndikim anti-Trump e amplifikuan debatin”, shkruan Blackbird AI. “Përfshirja e tyre e zgjeroi çështjen përtej Shqipërisë dhe e transformoi atë në një përplasje më të gjerë politike rreth Trumpit, akuzave për korrupsion, Izraelit dhe ndikimit të elitave”, shton raporti.

Sipas Blackbird AI, volumi i postimeve në rrjetet sociale u rrit ndjeshëm më 2–3 qershor dhe sërish më 6 qershor, si rezultat i amplifikimit të debatit nga figura amerikane anti-Trump, përfshirë Hunter Biden, djalin e ish-presidentit amerikan Joe Biden, si dhe nga përmbajtje të publikuara në gjuhën shqipe në TikTok.

Influenca malinje e huaj

Raporti i Blackbird AI bazohet në analizën e 879,067 postimeve në rrjetet sociale nga 222,854 autorë të ndryshëm, të cilat kanë gjeneruar rreth 3,2 milionë ndërveprime në katër platforma – Reddit, X, Telegram dhe TikTok – si dhe në media të ndryshme online.

Nga kjo masë prej qindra mijëra postimesh, Blackbird AI thotë se ka identifikuar shtatë postime ose diskutime të amplifikuara nga ekosistemi informativ i lidhur me qeverinë ruse, përfshirë llogari anonime që shfaqin shenja koordinimi.

Kompania sjell si shembull një postim të publikuar më 2 qershor nga llogaria në X me emrin @Iranwarupdate, i cili, sipas raportit, u amplifikua brenda 20 minutash nga një rrjet llogarish që promovojnë narrativa në përputhje me interesat e shtetit rus. Sipas kompanisë amerikane, megjithëse mesazhi ishte formuluar në gjuhë neutrale, ai synonte të nxiste dyshime dhe të inkurajonte audiencën të vinte në pikëpyetje motivet që qëndronin pas projektit. Postimi u pasua nga një valë ripostimesh pothuajse identike, të cilat krijuan përshtypjen e një shqetësimi të gjerë publik, ndonëse buronin nga një rrjet i përqendruar llogarish. Ky proces amplifikimi, sipas Blackbird AI, vazhdoi në disa valë të njëpasnjëshme, duke e mbajtur narrativën të dukshme deri më 4 qershor.

Megjithatë, raporti jep pak detaje mbi ndikimin real që kanë pasur këto diskutime të amplifikuara ose mbi shkallën e ndikimit të aktorëve që, sipas kompanisë, shpërndanin narrativa të lidhura me Rusinë.

Ndërhyrja greke?

Një nga pretendimet e qeverisë shqiptare për protestat popullore kundër projektit të Jared Kushner në Zvërnec ka qenë se ato janë nxitur nga Greqia, për shkak të konkurrencës në sektorin e turizmit mes dy vendeve.

Raporti i Blackbird AI analizon postimet në gjuhën greke që përmendin projektin, por nuk vendos asnjë lidhje mes tyre dhe protestuesve në rrugët e Shqipërisë.

Sipas raportit, postimet në gjuhën greke përbëjnë më pak se 1 për qind të përmbajtjeve të identifikuara si pjesë e narrativave kundër resortit. Nga këto, kompania pretendon se rreth 20 për qind shpërndahen nga llogari që publikojnë shpesh qëndrime ose narrativa të lidhura me shtetin rus.

“Aktiviteti u përqendrua në një periudhë prej rreth 10 ditësh, çka përputhet më shumë me amplifikimin e zhvillimeve konkrete (bllokimin e llogarive bankare nga SPAK, deklaratat e Ramës dhe vetë protestat) sesa me një fushatë të planifikuar dhe të ushqyer gradualisht nga aktorë të caktuar”, shkruan raporti.

“Baza e autorëve ishte ideologjikisht e larmishme, ku grupe që zakonisht qëndrojnë në kampe të kundërta – nga e djathta ekstreme dhe nacionalistët te e majta dhe aktivistët mjedisorë – u bashkuan vetëm në kundërshtimin e projektit”, përfundoi raporti. /BIRN

Përfaqësuesi i Paraguait, Matias Galarza, e dërgoi ekipin e tij në fazën eliminatore të Kupës së Botës pas një goli vendimtar kundër Turqisë.

Megjithatë, sulmuesi paraguaian e bëri këtë ndeshje të paharrueshme për një detaj të çuditshëm që ndodhi jashtë fushës së lojës.

Gjithçka nisi në fund të pjesës së parë, kur një përleshje mes lojtarëve të të dyja ekipeve solli kaos në fushë.

Në momentin kur gjyqtari Ivan Burton nga El Salvadori po përpiqej t’i ndante lojtarët, dikush i rrëmbeu orën nga dora.

Në mes të rrëmujës, Galarza iu afrua, mori orën dhe, për habinë e të gjithëve, e vendosi atë në kyçin e dorës së tij.

Megjithatë, festa e tij ishte jetëshkurtër: pak më vonë, ai u detyrua t’ia kthente orën pronarit të saj të ligjshëm, gjyqtarit Burton.

Türkiye'ye gol atan Paraguaylı futbolcu hakemin saatini çalmış!

Paraguaylı futbolcu Matias Galarza, maçın 45. dakikasında hakemin düşen saatini çaldı.

Saati yerden alıp kendi koluna takan futbolcunun görüntüleri sosyal medyada viral oldu.

FIFA'nın bu centilmenlik dışı… pic.twitter.com/xRdFffzQjc

— 23 DERECE (@yirmiucderece) June 20, 2026

Mbrëmjen e djeshme, Joz Marku ishte i ftuar në “Top Arena”, ku nuk munguan as momentet që po komentohen gjerësisht në rrjetet sociale.

Në studio ndodheshin edhe Brikena Selmani dhe Mateo Borri, çifti për të cilin prej ditësh po qarkullojnë aludime se i kanë dhënë fund lidhjes së tyre.

Gjatë një bisede në emision, mes Jozit dhe Brikenës u zhvillua një shkëmbim batutash që u interpretua nga ndjekësit si një flirt i lehtë.

“Na kanë shkruajtur shumë goca që kanë dashur të të pyesin: A është Jozi single?”, iu drejtua Brikena këngëtarit.

“Single jam për momentin. Po ti?”, iu përgjigj Jozi me buzëqeshje.

“Mesa di unë, i bëj unë pyetjet”, tha Brikena duke qeshur.

“Kur është ai mysafiri pak më ndryshe, duhet edhe ti të përgjigjesh. He ti, ti?”, ia ktheu Jozi.

Ndërkohë që kjo bisedë po zhvillohej në studio, kamerat kapën edhe Mateon në sfond. Ajo që tërhoqi vëmendjen e publikut ishte fakti se ai nuk reagoi dhe nuk i hodhi sytë drejt diskutimit mes dyshes, duke qëndruar i përqendruar diku tjetër.

Pamjet po qarkullojnë me shpejtësi në rrjet, ku ndjekësit kanë nisur të komentojnë jo vetëm batutat mes Jozit dhe Brikenës, por edhe qëndrimin e Mateos gjatë gjithë momentit.

VIDEO