Month: September 2026

Pas disa ditësh raportimesh dhe pretendimesh në rrjet, tashmë po qarkullon edhe një video nga përplasja mes Joz Markut dhe Edi Kuçit.

Në pamjet e publikuara pretendohet se Jozi ndodhet së bashku me disa persona të tjerë, ndërsa Edi përfshihet në një konflikt fizik me grupin. Situata duket e tensionuar dhe gjatë përplasjes shihen edhe goditje.

Videoja vjen pas raportimeve të ditëve të fundit se mes dy ish-banorëve kishte ndodhur një sherr. Më herët, Edi ishte parë në Tiranë me një fashë në kokë, por në atë moment nuk dihej nëse dëmtimi kishte lidhje me konfliktin e përfolur.Pamjet e reja konfirmojnë se ka pasur një përplasje fizike, por nga fragmenti që po qarkullon nuk mund të përcaktohet e gjithë dinamika e ngjarjes. Nuk është e qartë se çfarë ka ndodhur përpara nisjes së konfliktit, kush e ka provokuar përplasjen dhe si ka përfunduar ajo.

Po ashtu, vetëm nga pamjet e publikuara nuk mund të përcaktohet nëse dëmtimi për të cilin Edi u shfaq më vonë me fashë është shkaktuar pikërisht gjatë këtij episodi.

Videoja është shpërndarë me shpejtësi në rrjetet sociale, ndërsa pritet që palët e përfshira të japin versionin e tyre për të sqaruar rrethanat e plota të konfliktit.

VIDEO

49-vjeçari që humbi jetën në aksidentin e mëngjesit të së hënës në Gosë-Vilëbashtovë të Kavajës është djali i dy personave publikë.

Prindërit e viktimës Laurel Alite që humbi jetën nga përplasja e motorit të tij me një makinë, janë ish-lojtari dhe ish-trajneri i ekipit të volejbollit “Erzeni”, Lulzim Alite dhe ish-kryebashkiakja e Shijakut dhe mësuesja, Afërdita Alite.

Lulzim Alite ka veshur fanellën shijakase, për të cilën edhe i biri duket se ndante të njëjtin pasion. E shoqja, Afërdita, ka shërbyer edhe si drejtuese e shkollës “Lidhja e Prizrenit” në Shijak. Komuniteti i Shijakut e përshkruan Laurelin si një njeri “të mrekullueshëm” dhe “të gatshëm për të ndihmuar.”

“Kushdo që ka punuar me Lelin e di se sa njeri i mrekullueshëm, pozitiv dhe i gatshëm për të ndihmuar ka qenë. Do të na mungojë shumë të gjithëve. Mendimet dhe lutjet tona janë me familjen e tij në këto momente të rënda”, thuhet në një postim të ndarë në rrjete sociale.

Nga postimet e tij në rrjetet sociale, kuptohet se Laurel Alite ka lënë pas bashkëshorten dhe dy vajzat

DASHI

Hëna hyn te Binjakët dhe mendja hapet ndaj ideve të reja dhe lidhjeve të papritura. Ne mund të kapim njohuri të dobishme pa i shndërruar ato menjëherë në vendime. Është një kohë e mirë për të vëzhguar, dëgjuar dhe mbledhur informacion. Disa njohuri thjesht duhet të shkruhen.

DEMI

Hëna largohet nga shenja e saj në pasdite, duke sjellë pak shqetësim. Le t’i përdorim orët paraprake për të përfunduar çështje praktike urgjente. Ndërsa mëngjesi kalon, mendjet tona bëhen më të gjalla. Le t’i pranojmë disa ngjarje të papritura me një frymë pozitive dhe krijuese.

BINJAKËT

Disa surpriza pas drekës, falë Hënës sonë. Një telefonatë e papritur, një propozim interesant, lajme që i trondisin gjërat. Intuitat e sotme meritojnë më shumë vëmendje. Ajo ndjesi e brendshme na tregon të vërtetën.

GAFORRJA

Ndihemi të gjallë dhe kuriozë, por Hëna largohet nga Demi. Në mëngjes, do ta përfundojmë atë që kemi filluar me vendosmëri. Ndjejmë energji të mira për të mësuar diçka të re. Le të lexojmë, të mësojmë dhe të zgjerojmë horizontet tona me kuriozitet.

LUANI

Kur zgjohemi, gjithçka na duket e ngadaltë, por pastaj energjia ndryshon. Një mesazh i papritur na ngjall kuriozitetin për diçka të re. Kontaktet e rëndësishme hapin dyer që kanë qenë të mbyllura për një kohë shumë të gjatë dhe sjellin një gllënjkë ajri të freskët.

VIRGJËRESHA

Në punë shfaqet një tension i caktuar midis nevojave praktike dhe marrëdhënieve. Është më mirë të mos bëheni të paepur për një detaj që mund të negociohet me qetësi. Hëna inkurajon ndërmjetësimin. Një diskutim i qetë shmang fërkimet e panevojshme dhe mban marrëdhënie të forta profesionale.

PESHORJA

Sapo zgjohesh, atmosfera është monotone, por më pas vijnë stimuj të ndryshëm, lidhje të papritura, një bisedë që ia vlen të ndiqet. Barbanera rekomandon kultivimin e asaj njohjeje të re. Lidhje më të frytshme formohen pa i detyruar ato.

AKREPI

Në pasdite, Hëna largohet nga Demi dhe diçka bëhet më e lehtë. Njohuritë vijnë tinëzisht, sikur të mos i kërkonim. Një takim i kohëve të fundit hap një dritare shumë interesante. Le të mos e lëmë të venitet për shkak të inercisë.

SHIGJETARI

Hëna hyn te Binjakët, ku takohet me Uranin, i cili është tashmë në opozitë. Falënderojmë Neptunin dhe Plutonin për hapjen e horizonteve të reja dhe lehtësimin e tensionit. Mërkuri në kuadraturë ngadalëson të gjitha negociatat. Marrëveshjet kanë nevojë për më shumë kohë për t’u pjekur.

BRICJAPI

Ne dimë si ta vlerësojmë me kujdes çdo hap dhe kjo na lejon të përfundojmë një detyrë me saktësi dhe besueshmëri. Në jetën tonë private, ne shmangim ngurtësinë. Me një dozë bindjeje, dialogu bëhet më i lehtë.

UJORI

Mendjet tona janë të përqendruara në projekte afatgjata, dhe ndërsa Hëna lëviz në Binjakët, ndiejmë nevojën për të eksploruar zbatime të reja praktike. Le të mos i ndjekim thjesht mekanikisht urdhrat, por të shtojmë një dozë kurioziteti.

PESHQIT

Mëngjesi mblidhet, pastaj Hëna kalon në Binjakë dhe idetë shumohen, por ne e dimë se si funksionon: jo të gjitha meritojnë vëmendje. Urani në katror krijon pengesa të vogla teknike ose logjistike, dhe disa nga planet tona duhet të rishikohen. 

Pas një vere përvëluese dhe valëve të përsëritura të të nxehtit, Europa pritet të përballet gjatë shtatorit me një ndryshim të kushteve atmosferike dhe mot më të paqëndrueshëm.

Ekspertët thonë se ndryshimet do të vihen re më tepër në rajonin e Mesdheut, ku temperaturat e larta të ujit mund të ndikojnë në krijimin e sistemeve të fuqishme atmosferike.

Pas tre muajsh ngrohjeje, deti arrin temperaturat më të larta vjetore dhe nis të përballet me masat e para ajrore të ftohta. Kontrasti mes detit të ngrohtë dhe ajrit më të ftohtë mund të krijojë kushte për reshje shumë intensive.

Sipas meteorologëve, vera e nxehtë e ka “ngarkuar” Mesdheun me energji, duke rritur potencialin për fenomene ekstreme të motit gjatë periudhës së ardhshme.

Ndërkohë, El Niño po intensifikohet dhe pritet të ndikojë modelet klimatike globale gjatë muajve në vazhdim.

Ekspertët paralajmërojnë gjithashtu se temperaturat gjatë vjeshtës mund të mbeten mbi normalen.

Shkencëtarët ngrenë shqetësimin se, nëse këto tendenca vazhdojnë, viti 2027 mund të bëhet viti më i nxehtë i regjistruar ndonjëherë.

Nafta në Shqipëri po rezulton një nga karburantet më të shtrenjta në Europë dhe në botë. Sipas platformës Global Petrol Prices, në muajin gusht një litër naftë kushton rreth 2.5 dollarë, duke e renditur Shqipërinë në vendin e 13-të në botë.

Me këtë çmim, Shqipëria konkurron me vende si Monako, Zvicra, Finlanda dhe Singapori, ndërsa çmimi mesatar në Europë është rreth 2.2 dollarë për litër. Në rajon, diferenca është edhe më e dukshme. Maqedonia e Veriut, për shembull, e ka naftën rreth 1.49 euro për litër.

Por problemi nuk lidhet vetëm me çmimin në pompë. Një tjetër klasifikim, nga platforma FuelWide, e rendit Shqipërinë të dytën në Europë, pas Ukrainës, për koston e naftës në raport me pagat mesatare.

Sipas të dhënave të cituara nga Balkan View, me një pagë mesatare prej rreth 740 eurosh, në Shqipëri mund të blihen afërsisht 363 litra naftë. Në Kosovë, pavarësisht pagave më të ulëta, një pagë mesatare mund të blejë rreth 103 litra më shumë naftë.

Kjo diferencë e bën karburantin një barrë të drejtpërdrejtë për buxhetet familjare, por edhe për bizneset dhe transportin, pasi çdo rritje e kostos së naftës mund të reflektohet më pas në çmimet e mallrave dhe shërbimeve.

Në krye të renditjes globale për çmimin më të lartë të karburantit qëndron Hong Kongu, me rreth 4.6 dollarë për litër.

Ndërkohë, pesha e karburantit në ekonominë shqiptare reflektohet edhe në të ardhurat e shtetit. Sipas të dhënave të Ministrisë së Financave, vetëm gjatë vitit të kaluar arkëtimet nga taksat e shtuara mbi karburantin arritën në rreth 250 milionë euro.

Kështu, Shqipëria përballet njëkohësisht me një çmim të lartë të naftës, fuqi blerëse më të kufizuar dhe një barrë të konsiderueshme fiskale mbi karburantet.

Një çift shqiptarësh nga Maqedonia e Veriut, të cilët prej vitesh jetojnë në Rimini të Italisë, janë denoncuar në polici nga vajza e tyre dhe i dashuri i saj, pas kërcënimeve të shumta që kishin marrë.

Sipas mediave italiane, çifti shqiptar, babai 44 vjeç dhe nëna 47 vjeçe, nuk kanë qenë aspak dakord me lidhjen e vajzës së tyre 20-vjeçare.

Prindërit shqiptarë kanë kundërshtuar lidhjen e vajzës së tyre, pasi djali i përket një komuniteti jomysliman.

Pas kundërshtive të forta të familjes, vajza u largua përfundimisht, duke nisur një jetë me të dashurin e saj, por pikërisht në këtë moment filloi edhe kalvari i presionit dhe kërcënimeve nga ana e prindërve.

Mediat raportojnë se prindërit nuk e dinin adresën ku jetonte i riu, ndaj nisën të kërkonin informacione përmes të njohurve dhe bashkatdhetarëve, derisa arritën të zbulonin vendndodhjen e çiftit.

Më pas, sipas denoncimit, nisi presioni i përditshëm, me mesazhe ku vajzës i kërkohej të kthehej në shtëpi dhe ku dyshohet se bëheshin kërcënime konkrete.

Në një prej mesazheve thuhej: “Mund të të gjej edhe nëse shkon në hënë, sepse familjet shqiptare janë të gjitha të bashkuara.”

Në një tjetër mesazh, vajza paralajmërohej: “Nëse nuk kthehesh në shtëpi, do të kesh një jetë ferri.”

Përballë këtyre kërcënimeve, çifti vendosi t’u drejtohej autoriteteve. Çifti i të rinjve bëri fillimisht një denoncim në polici në Rimini. Më pas, ata iu drejtuan sërish autoriteteve pas një episodi që e konsideruan veçanërisht shqetësues.

Një nga episodet më të rënda ndodhi në maj të vitit 2026.

Sipas akuzës, dy prindërit u gjetën brenda banesës ku jetonin dy të rinjtë, pasi kishin hyrë pa leje dhe dyshohet se ishin të gatshëm t’i sulmonin fizikisht.

Vetëm arratisja e shpejtë e çiftit në një dhomë, të cilën e mbyllën me çelës, dhe telefonata drejtuar policisë shmangën një përplasje të dhunshme.

Pas denoncimit të ri, detajet e çështjes u përfshinë në dosjen hetimore dhe prokurori Davide Ercolani i Prokurorisë së Riminisë vendosi të procedojë ndaj dy prindërve.

Ata tashmë përballen, në gjendje të lirë, me akuzat për përndjekje dhe kërcënime.

Reperi Kleviol Ahmeti, i njohur me emrin e artit Cllevio, duket se po përjeton një periudhë të suksesshme në muzikë pas lirimit të tij.

Këngët e tij janë kthyer në hite, ndërsa vet ai ka performuare pothuajse çdo natë në klube.

Megjithatë, duket se për Cllevion kanë nisur sërish telashet.

Teksa po udhëtonte drejt Zvicrës, reperi është ndaluar nga autoritetet në aeroportin Malpensa të Milanos, në Itali.

Lajmin e ka bërë të ditur vetë Cllevio përmes një video të shkurtër në “InstaStory”, ku shfaqen valixhet e tij në një hapësirë pritjeje në aeroport.

Videon Cllevio e ka shoqëruar me një mesazh ku shkruan: “Kjo është dhoma e pritjes para se të të fusin në paraburgim. Më vjen keq Zvicër, Rinora 4”.

Marjana Karolina Bunaj, 37-vjeçarja shtatzënë që humbi jetën teksa dërgohej nga spitali i Pogradecit drejt Tiranës priste fëmijën e saj të parë.

Gruaja nga Mirdita, e martuar në Pogradec, ishte në muajin e 7-të të shtatzënisë.

I shoqi kishte pak ditë që ishte larguar drejt SHBA-ve, ku ai dhe familja e tij jetojnë, ndërsa 37-vjeçarja priste që t’u bashkohej atje.

Për të do të ishte hera e parë në SHBA, mesnatën e së dielës, 37-vjeçarja kishte dhimbje barku.

Ajo ka telefonuar motrën që banonte pranë saj, e cila menjëherë ka shkuar dhe e ka marrë me makinë për ta dërguar në spital.

Atje mjekët kanë dyshuar për hemorragji dhe pasi e kanë vendosur në katin e sipërm të maternitetit, kanë konstatuar se duhej dërguar në Tiranë.

Është diskutuar edhe helikopteri por duke qenë se ka qenë errësirë, s’mund të realizohej.

Sipas informacioneve të para, 37-vjeçarja është paraqitur me parametra jetësorë të ulët, në gjendje të patransportueshme, ndërsa më pas është kryer edhe reanimimi.

Në orën 04:30 e kanë nisur me ambulancë për Tiranë. Në hyrje të Elbasanit ajo ka ndaluar së reaguari dhe infermierja i ka rënë xhamit të shoferit duke i thënë “Fute te spitali i Elbasanit se na iku.”

Motra e 37-vjeçares ka qenë e pranishme edhe në ambulancë dhe thotë se 37-vjeçarja mbërriti e vdekur në spital.

Më pas e dërguan për autopsi në morgun e Tiranës, kurse motra e së ndjerës ka shkuar në komisariatin nr. 4 për të bërë një kallëzim.

Kryebashkiaku i arrestuar i Tiranës, Erion Veliaj, vijon të mbajë peng institucionin e bashkisë.

Pas shkarkimit të së komanduarës në krye të bashkisë, Anuela Ristani, Veliaj ka bërë një tjetër lëvizje që të mbajë bashkinë “në duart” e tij.

CNA ka mësuar se nga qelia e burgut të Durrësit, Erion Veliaj ka shkaktuar një tjetër skandal duke bllokuar pagat për punonjësit e Bashkisë së Tiranës.

Pagat duhet të firmoseshin sot nga Ristani, e cila nuk ka tashmë kompetencë, pasi më 28 gusht u shkarkua nga Erion Veliaj. Punonjësit e bashkisë rrezikojnë të mbeten pa paga.

Që prej arrestimit të tij, Erion Veliaj ka mbajtur peng institucionin e Bashkisë së Tiranës duke mos dhënë dorëheqjen si kryetar. Veliaj kërkon ta përdorë Bashkinë e Tiranës për t’u liruar nga qelia ku qëndron që prej 10 shkurtit 2025, me 5 vepra të rënda penale./Marre nga “CNA.al”

Këtë javë do të vàzhdojmë të ndiejmë efektet e eklipseve të fundit dhe duket se “fati” po bëhet gjithnjë e më i pranishëm në jetën tonë.

Dashi

Prej javësh, vëmendja është përqendruar më shumë te jeta juaj familjare dhe shtëpia. Në të vërtetë, mund të jeni ndier më të acaruar, më të ndjeshëm ose edhe sikur po i merrni disa gjëra shumë personalisht.

Me energjinë kozmike që po ju jep më shumë forcë, mund të bëni përparime të mëdha në çdo çështje që lidhet me shtëpinë ose familjen. Mund të jetë momenti ideal për të rinovuar, riorganizuar, ndryshuar pamjen e shtëpisë apo edhe për t’u zhvendosur.

Nëse po përjetoni tension me njerëzit e familjes, bëni një hap pas. Mos u përpiqni ta zgjidhni gjithçka në nxehtësinë e momentit dhe rikthehuni te çështja më vonë.

Demi

Javët e fundit ju është dukur sikur ritmi i jetës është përshpejtuar.

Edhe pse zakonisht preferoni të ecni ngadalë, me kujdes dhe me hapa të qëndrueshëm, edhe ju e shijoni atë shpërthimin e energjisë që ju bën të hidheni drejt horizonteve të reja.

Energjia e tanishme po ju nxit të udhëtoni më shumë dhe të dilni pak nga rutina. Prandaj, mendoni për disa destinacione pranë jush ku mund të shkoni më shpesh, duke marrë me vete miqtë ose personin që doni.

Binjakët

Paratë duket se po dalin nga llogaritë tuaja me një shpejtësi të pazakontë, ndaj do të ishte e mençur të ndalonit pak dhe të shihnit se ku po shkojnë të gjitha.

Nëse jeni ndër ata me fat që nuk po përballen me një vorbull shpenzimesh, mund të jeni ju vetë duke i vënë vetes presion për të punuar më shumë dhe për të fituar më tepër para. Dhe me yjet në anën tuaj, mund ta arrini.

Gaforrja

Javët e fundit keni ndier një zjarr në stomak dhe sikur energjia elektrike po ju përshkon kockat. Këtë energji do ta keni brenda vetes edhe për një muaj tjetër.

Ky është një moment vendimtar për të marrë drejtimin, në vend që t’u shmangeni situatave. Ecni përpara me vendosmëri, sikur të ishit një pushtues që e di saktësisht çfarë kërkon.

Dijeni çfarë dëshironi në jetën personale dhe profesionale dhe lejojeni vetëbesimin t’ju mbushë ndërsa bëni, hap pas hapi, rrugën drejt qëllimeve tuaja.

Luani

Kohët e fundit duket se po ndodhin shumë gjëra pas kuintave dhe kjo mund të shfaqet në disa mënyra.

Së pari, disa prej jush mund të jenë duke punuar fort në heshtje, duke u marrë me projekte që janë ende në zhvillim. Krijimtaria juaj është në një pikë shumë të lartë, sikur po merrni ide dhe frymëzim nga një burim i jashtëzakonshëm.

Nga ana tjetër, mund të gjendeni përballë specialistëve, çështjeve shëndetësore ose situatave të vështira që po i përballoni larg syve kureshtarë. Në planin afatgjatë, përballja me këto çështje tani mund t’ju ndihmojë shumë.

Virgjëresha

Edhe pse kjo verë dhe viti që vjen do të jenë më “të ngadaltë” për ju krahasuar me vite të tjera, energjitë e tjera kozmike po ju ofrojnë ende mundësi për argëtim, kënaqësi dhe lidhje me njerëzit që doni.

Tani dhe gjatë muajit të ardhshëm, jeta juaj shoqërore do të ketë shumë lëvizje. Përqendrohuni tek takimet me të tjerët, njihni njerëz të rinj dhe, nëse jeni beqarë dhe po kërkoni dikë, mund të jetë momenti për t’i dhënë një shans dashurisë.

Peshorja

Vendosni pak më shumë presion kur bëhet fjalë për qëllimet tuaja profesionale, sepse koha është e rëndësishme.

Keni përpara një nga periudhat më të mira energjikisht që keni pasur prej kohësh për ambiciet, synimet dhe karrierën. Ky është momenti për të marrë përsipër projekte të mëdha, për t’i nisur, për të bërë hapa përpara në karrierë ose për t’iu përkushtuar nismave të rëndësishme.

Yjet janë në anën tuaj.

Akrepi

Brenda jush ka një dëshirë të fortë për rritje dhe ndryshim dhe mund të ndieni nevojën për të tronditur pak gjërat.

Mund të zbuloni se dëshira për të udhëtuar, për të mësuar ose për ta zgjeruar mënyrën se si e shihni jetën po bëhet gjithnjë e më e fortë.

Ndiqeni këtë shtysë dhe besojini instinktit tuaj. Nisni diçka të re që do t’ju detyrojë të zhvilloheni dhe të dilni nga zona juaj e rehatisë.

Shigjetari

Këtë periudhë ka një energji të fortë dhe të zjarrtë në marrëdhëniet tuaja, por në të vërtetë ajo prek më shumë ata që tashmë janë në një lidhje ose janë të martuar sesa beqarët.

Dëshirat tuaja erotike mund t’ju shtyjnë të afroheni edhe më shumë me partnerin, si fizikisht, ashtu edhe shpirtërisht.

Për beqarët, megjithatë, kjo energji mund të marrë një drejtim tjetër dhe të lidhet më shumë me çështje të mëdha financiare: mund të jeni të përqendruar te shlyerja e borxheve, arritja e një shpërblimi financiar ose sigurimi i një kredie të madhe.

Bricjapi

Partneriteti ka qenë padyshim një nga temat kryesore për ju gjatë javëve të fundit dhe energjia e yjeve tregon se kjo do të vazhdojë të jetë në qendër të vëmendjes deri në verën e ardhshme.

Me një yll të fuqishëm që ndodhet përballë jush në qiell, do të ndieni një shtysë të madhe për të punuar në bashkëpunim me dikë, qoftë në jetën personale, profesionale apo në një projekt të përbashkët.

Të përpiqeni t’i bëni të gjitha vetëm mund t’ju duket si një betejë e vështirë. Prandaj, gjeni dikë që mund t’ju ndihmojë dhe të ndajë me ju atë që po planifikoni.

Ujori

Përshpejtoni ritmin dhe vazhdoni të ecni përpara.

Lajmi i mirë është se gjërat do të fillojnë të ngadalësohen më vonë gjatë vjeshtës, por tani për tani keni një energji të veçantë kozmike që ju jep forcën për të qenë produktivë, efikasë dhe për t’i vënë gjërat në rregull.

Përmirësimi i shëndetit, rutinës së përditshme ose situatës profesionale është një mënyrë shumë e mirë për ta përdorur këtë energji të fuqishme.

Peshqit

Shpesh udhëhiqeni nga zemra dhe kjo është veçanërisht e vërtetë tani, ndërsa ndiheni të motivuar për të ndjekur dëshirat tuaja.

Kjo është një nga periudhat më të mira të muajit të ardhshëm për beqarët që duan të njohin njerëz të rinj ose për çiftet që duan të rizgjojnë shkëndijën mes tyre.

Megjithatë, mbani mend gjithmonë se dashuria nuk është thjesht një ndjenjë apo një emër; ajo është edhe një veprim. Prandaj, jepini përparësi pasionit, të qeshurës dhe asaj magjie që krijoni mes jush dhe personit që doni.