Një qytetar ka raportuar një ngjarje shqetësuese të ndodhur mbrëmjen e djeshme në Tiranë.
Sipas dëshmitarit, një grup prej disa personash ka sulmuar një të ri para hyrjes së një lokali në zonën e Bllokut, duke e goditur me grushta dhe shkelma, ndërkohë që i dhunuari ndodhej i shtrirë në tokë.
Qytetari, i cili ka dërguar pamje nga sherri, thekson se pas incidentit, i dëmtuari mbeti i shtrirë për rreth 30 minuta pa marrë ndihmë, ndërsa policia nuk u paraqit në vendngjarje.
Në video shihen disa vajza që kanë ndërhyrë për të shuar sherrin e dhunshëm.
Mesazhi i qytetarit për JOQ Albania:
“Përshëndetje JOQ! Sherr mbrëmë në Bllok, 7 veta kundër 1. As polici e asgjë nuk erdhi. I dëmtuari ka qenë pa ndjenja rreth 30 minuta.”
Ngjarje të tilla janë alarmante dhe ngrejnë pikëpyetje të mëdha mbi sigurinë në zonat më të frekuentuara të kryeqytetit dhe reagimin e shërbimeve të emergjencës.