E rëndë në Greqi, helikopteri me turistë rrëzohet në det (Video)

Një helikopter që transportonte katër turistë amerikanë është rrëzuar në det në portin turistik të Vuliamenit, në jug të Athinës.

Sipas autoriteteve greke, të gjithë personat në bord, përfshirë pilotin grek, janë shpëtuar nga ekipet e emergjencës dhe ndodhen në gjendje të mirë shëndetësore, me vetëm lëndime të lehta.

Ngjarja ndodhi pak çaste pas ngritjes, ndërsa helikopteri ra në det mes jahteve të ankoruara në marinë.

Dyshohet se shkak i aksidentit mund të ketë qenë një defekt në motor. Autoritetet kanë nisur hetimet për zbardhjen e plotë të shkaqeve.