Author: admin

Mbi 80 mijë ton karburante u zhdoganuan gjatë muajit gusht, duke shënuar nivelin më të lartë mujor të regjistruar deri më tani. Të dhënat bëhen me dije nga Drejtoria e Përgjithshme e Doganave, sipas së cilës rritja e sasive të karburanteve ka dhënë një kontribut të rëndësishëm edhe në arkëtimet e muajit.

Në total, të ardhurat doganore arritën në 22.8 mld lekë gjatë gushtit te ketej viti, rreth 1.7 mld lekë më shumë në krahasim me të njëjtin muaj të vitit të kaluar.

Karburantet rezultojnë një prej faktorëve kryesorë pas kësaj performance. Vetëm nga akciza, rritja e të ardhurave të lidhura me karburantet ishte 264 mln lekë, ndërsa në total arkëtimet nga akciza neto u shtuan me 502 mln lekë. Një tjetër kontribut prej 187 mln lekësh erdhi nga cigaret.

Gjithsesi, ndikim edhe më të madh karburantet kanë dhënë te TVSH-ja e mbledhur në import. Sipas Doganave, të ardhurat nga ky zë u rritën me 1.1 mld lekë krahasuar me gushtin e vitit 2025, ku 741 mln lekë shtesë erdhën vetëm nga karburantet e importuara.

Kujtojmë që Shqipëria ka çmimin më të lartë të karburanteve në Europë.

Por duket se sa më shumë rritet çmimi, aq më shumë rritet edhe konsumi.

Në rritjen e TVSH-së ndërkohë ndikuan gjithashtu produktet e tjera të importit, me 161 mln lekë më shumë, si dhe autoveturat e përdorura, me një kontribut shtesë prej 146 mln lekësh.

Ndërkohë, të ardhurat nga taksa doganore u rritën me 85 mln lekë, të mbështetura ndër të tjera nga importet e veshjeve, mishit dhe konstruksioneve metalike.

Edhe renta minerare shënoi një rritje prej 8 mln lekësh, kryesisht si rezultat i sasive më të larta të mineraleve të eksportuara.

Java e dytë e shtatorit sjell ndryshime, emocione dhe mundësi të reja për të dymbëdhjetë shenjat e zodiakut. Yjet na inkurajojnë të shohim përpara me më shumë besim, duke iu afruar situatave me ekuilibër dhe kujdes. Këto do të jenë ditë të rëndësishme për ndjenjat, zgjedhjet e karrierës dhe gjetjen e një harmonie më të madhe në jetën e përditshme. Ja parashikimet për 12 shenjat:

Dashi

Dashi përballet me një javë të mbushur me energji dhe entuziazëm. Yjet mbështesin iniciativat personale dhe e inkurajojnë shenjën të shfrytëzojë guximin e saj për të ndërmarrë sfida të reja. Megjithatë, do të jetë e rëndësishme të shmangni vendimet e nxituara dhe të vlerësoni me kujdes çdo mundësi.
Në dashuri, dialogu bëhet thelbësor. Çiftet mund të gjejnë një mirëkuptim më të madh pas disa keqkuptimeve, ndërsa beqarët mund të përjetojnë takime që ngjallin interes. Në punë, lindin mundësi për të demonstruar aftësi dhe vendosmëri.

Demi

Demi do të përjetojë ditë të dedikuara për stabilitetin dhe kërkimin e sigurisë. Yjet sugjerojnë të vazhdoni të punoni drejt qëllimeve tuaja pa u dekurajuar nga pengesat e vogla.
Në sferën romantike, nevoja për qetësi rritet. Çiftet do të jenë në gjendje ta forcojnë marrëdhënien e tyre përmes një pranie dhe vëmendjeje më të madhe, ndërsa beqarët do të jenë më të kujdesshëm para se të përfshihen. Çështjet financiare kërkojnë organizim.

Binjakët

Për Binjakët, java sjell lëvizje, komunikim dhe ide të reja. Do të jetë një kohë e favorshme për takime dhe të gjitha aktivitetet që kërkojnë kreativitet dhe aftësi ndërpersonale.
Në dashuri, do të jetë e rëndësishme të flisni hapur për dëshirat tuaja. Çiftet do të përjetojnë momente të këndshme, ndërsa ata pa lidhje mund të takojnë njerëz interesantë. Intuita dhe fleksibiliteti do të shpërblehen në punë.

Gaforrja

Gaforrja po kalon një fazë të karakterizuar nga emocione të thella dhe një nevojë për qetësi më të madhe. Yjet ju inkurajojnë të përqendroheni te njerëzit që janë vërtet të rëndësishëm për ju dhe të mos u jepni shumë peshë shqetësimeve.
Qartësia emocionale mund të shfaqet, duke ndihmuar në përmirësimin e marrëdhënieve. Çiftet do të kenë mundësinë të rivendosin harmoninë, ndërsa beqarët do të jenë në gjendje të hapen gradualisht ndaj përvojave të reja. Durimi dhe përqendrimi do të jenë të nevojshëm në punë.

Luani

Luani po kalon një javë shumë të favorshme, me energji, vetëbesim dhe dëshirë për të arritur lartësi të reja. Yjet theksojnë kreativitetin dhe aftësinë për të tërhequr vëmendjen e të tjerëve.
Në dashuri, pasioni dhe dëshira për të ndarë emocione kuptimplote rriten. Çiftet mund të forcojnë lidhjet e tyre, ndërsa beqarët do të përjetojnë një tërheqje më të madhe dhe mundësinë e takimeve të reja. Perspektivat janë gjithashtu të mira në punë.

Virgjëresha

Virgjëresha përballet me një javë ku organizimi dhe saktësia do të jenë thelbësore. Kjo shenjë do të jetë në gjendje të zgjidhë çështje të ndryshme falë praktikës dhe aftësisë së saj për të analizuar çdo situatë.
Në dashuri, do të jetë e dobishme të lini hapësirë ​​për spontanitet. Yjet ju këshillojnë t’i përqafoni ndjenjat tuaja më lehtë. Në punë, mund të merrni konfirmim pas angazhimit tuaj.

Peshorja

Peshorja po përjeton ditë pozitive, veçanërisht kur bëhet fjalë për marrëdhënie dhe bashkëpunime. Kërkimi i ekuilibrit e ndihmon shenjën të kapërcejë disa vështirësi dhe të ndërtojë mundësi të reja.
Në dashuri, do të jetë e mundur të rifitoni qetësinë dhe mirëkuptimin. Beqarët do të jenë në gjendje të përjetojnë takime interesante, ndërsa në punë, negociatat dhe aktivitetet në grup do të favorizohen.

Akrepi

Akrepi përballet me një javë ndryshimesh dhe transformimesh personale. Yjet ju ftojnë të shikoni përpara dhe të hiqni dorë nga situatat që nuk janë më të dobishme.
Në dashuri, mund të shfaqen emocione intensive dhe nevoja më të thella. Do të jetë e rëndësishme të komunikoni pa u mbyllur shumë. Në punë, do të nevojitet strategji për të marrë disa vendime të rëndësishme.

Shigjetari

Shigjetari po përjeton një javë të mbushur me entuziazëm dhe mundësi të reja. Dëshira për të eksperimentuar dhe ndryshuar do të jetë shumë e fortë, duke nxitur projekte dhe iniciativa personale.
Në dashuri, dëshira për liri dhe lëvizje rritet. Çiftet do të duhet të gjejnë një ekuilibër midis pavarësisë dhe ndarjes, ndërsa beqarët mund të përjetojnë takime të papritura. Ide interesante lindin në punë.

Bricjapi

Bricjapi përballet me ditë angazhimi dhe përgjegjësie. Këmbëngulja do të jetë çelësi për arritjen e rezultateve dhe ndërtimin e diçkaje të rëndësishme për të ardhmen.
Në dashuri, do t’ju duhet t’u kushtoni më shumë kohë të dashurve. Yjet ju inkurajojnë të përqendroheni jo vetëm në qëllimet profesionale, por edhe në mirëqenien tuaj personale.

Ujori

Ujori po përjeton një javë të karakterizuar nga kreativiteti dhe intuita. Yjet favorizojnë ndryshimin dhe e shtyjnë shenjën të eksplorojë rrugë të reja.
Në marrëdhëniet tuaja romantike, do të jetë e rëndësishme të ruani një marrëdhënie të bazuar në mirëkuptim dhe liri të ndërsjellë. Në punë, mund të lindin mundësi interesante falë ideve inovative.

Peshqit

Peshqit do të shoqërohen nga ndjeshmëria dhe intuita. Kjo javë ju fton të ndiqni emocionet tuaja, duke ruajtur njëkohësisht fokusin në çështjet praktike.
Në dashuri, marrëdhëniet e sinqerta dhe të thella do të favorizohen. Çiftet do të përjetojnë momente afërsie më të madhe, ndërsa beqarët mund të zbulojnë mundësi të reja. Në punë do të kërkohet durim dhe përqendrim.

Kryedemokrati Sali Berisha zhvilloi sot një takim me diasporën shqiptare në New Jersey të SHBA-së.

Gjatë fjalës së tij, Berisha e cilësoi rikthimin në SHBA si një moment emocional, duke theksuar se qëndron sot në vendin ku, sipas tij, u tentua t’i ndalohej hyrja përgjithmonë.Ai vlerësoi gjithashtu kontributin e diasporës shqiptare në SHBA dhe e lidhi betejën e tij me atë që e cilësoi si luftë për lirinë, dinjitetin dhe kombin shqiptar.

“Pata fat të madh se takova atë pleijadë të diasporës shqiptare e cila me atdhetarinë e saj, me idealet kombëtare, dha një kontribut të jashtëzakonshëm për përmbytjet e diktaturës komuniste në Shqipëri dhe luftoi për lirinë e Kosovës.

Diaspora shqiptarë në SHBA është fati i bardhë i kombit shqiptar. Për ne sot është një ditë që për mua ngjall emocione, që shumëkush e ka menduar të pamundur, që nuk do ta shihnim ndonjëherë. Sepse shpesh herë kemi pyetur, kush jemi ne që t’i dalim ballë një padrejtësie. Jemi shqiptarë ndaj dhe luftojmë ne kushte të pabarabarta për kombin tonë dhe për dinjitetin e tij.

Kjo ditë shënon një nga ato raste, forca e të keqes që e njohim, më mohoi hyrjen në SHBA, në një kohë kur isha 8 vite larg çdo pushteti. Por vlerat mbi të cilat është ndërtuar ky vend dhe komb i madh, vend i te lirëve, shtëpi e guximtarëve, i qartë se kristali se kjo padrejtësi nuk po vinte nga SHBA, por nga agjendat anti liri dhe anti komb, të cilën vetë presidenti Trump e ka cilësuar e majta ekstreme.

E nisëm këtë betejë në pamje të parë në errësirë, po asnjë natë nuk zgjat dot pafundësisht. Ata që përgatitën mashtrimet ndaj meje janë sot non grata në vendin e tyre”, tha Berisha.

Një natë e zakonshme në banesën e influencers së njohur spanjolle Rocío Osorno u kthye në një moment paniku, pasi dy persona të maskuar dyshohet se depërtuan në shtëpinë e saj ndërsa ajo dhe familjarët ndodheshin brenda.

Në momentin e incidentit, Osorno ishte në katin e sipërm të banesës duke xhiruar materiale për rrjetet sociale. Ajo nuk kishte kuptuar se në katin tjetër po lëviznin personat që kishin hyrë në shtëpi përmes një dritareje.

Gjithçka u zbulua kur influencerja vuri re se një dritare, e cila sipas saj zakonisht mbahej e mbyllur, ishte e hapur.

Dyshimi se dikush mund të kishte hyrë në banesë e bëri të reagojë menjëherë. Ajo nisi të paralajmërojë familjarët dhe t’u kërkojë të largoheshin drejt një zone të sigurt.

Në regjistrimet e kamerave të sigurisë dëgjohen edhe personat e dyshuar duke komunikuar në gjuhën shqipe:

“Ej… na këtë merre këtë.”

– “Ku ta çoj?”

– “Hajde të ikim o burrë!”

– “Jena keq këtu…”

– “Hajde të ikim o burrë se na q**e nanën!”

Vetë Osorno ka rrëfyer më pas se gjithçka ndodhi në pak çaste dhe se prania e familjarëve në banesë e bëri situatën edhe më alarmante.

“Ishim të gjithë në shtëpi. Isha lart duke regjistruar dhe, falë Zotit, pashë dritaren e hapur. Në atë moment kuptova se ishte dikush aty dhe ika me vrap”, ka treguar ajo.

Në ato momente, në banesë kishte mbërritur edhe ish-bashkëshorti i saj, deputeti i VOX-it, Jacobo Robatto. Sipas influencers, prania e tij ndihmoi në menaxhimin e situatës dhe në njoftimin e menjëhershëm të autoriteteve.

Kryedemokrati Sali Berisha është pritur me protesta në New Jersey, ku po zhvillon një takim me shqiptarët që jetojnë në Shtetet e Bashkuara të Amerikës.

Disa protestues i kanë zënë pritë Berishës dhe zyrtarëve të PD-së që e shoqëronin, me thirrjet ‘doktori i Enver Hoxhës’.

Protestuesit kanë kërkuar përmes megafonit dhe thirrjeve në kor arrestimin e Berishës, të cilin e akuzojnë për shitjen e Shqipërisë.

Ndërkohë kryedemokrati i kapur në besfasi, i ka përshëndetur me 2 gishta protestuesit, një shenjë që është marrë si ta nga provokim dhe ka çuar në shpeshtimin e thirrjeve ‘Berisha n’burg’.

DASHI

Do të merrni frymë Iirisht gjatë gjithë kësaj dite dhe gjërat kanë për të ecur për mrekulli mes jush dhe atij që keni në krah. Beqarët do të jenë sharmantë dhe do të marrin propozime pa fund. Në planin financiar, yjet do të ndikojnë pozitivisht dhe do t’ju ndihmojnë të dilni nga situata delikate.

DEMI

Do të kaloni çaste të lumtura sot në jetën tuaj në çift dhe nuk do të dëshironi të ndaheni asnjë çast prej tij. Ndjenjat do t’i shprehni si kurrë më parë. Në planin financiar nuk duhet të tregoheni të pamatur, sepse situata do t’ju dalë jashtë kontrollit.

BINJAKËT

Surprizat do të jenë të njëpasnjëshme gjatë kësaj dite në jetën tuaj sentimentale. Do të përjetoni kënaqësi dhe emocione të paimagjinueshme. Beqarët do të ndihen gati të bëjnë çdo lloj sakrifice vetëm e vetëm që të gjejnë personin që do t’u përshtatet në çdo sektor. 

GAFORRJA

Ditë tejet harmonike kjo e sotmja për të gjithë ata që janë në një lidhje. Do t’i zgjidhni që në mëngjes disa dyshime që keni pasur dhe do të jeni të qetë. Beqarët duhet ta hapin zemrën dhe të pranojnë çdo ftesë që do t’u bëhet. 

LUANI

Në jetën tuaj në çift nuk duhet të tregoheni autoritarë. Partneri nuk do të jetë shumë në humor dhe mund të mos e durojë dot sjelljen tuaj. Beqarët do të kenë një ditë tejet pasionante dhe të mbushur me ftesa nga persona të ndryshëm. Buxhetin nuk do të arrini dot ta mbani të ekuilibruar. Dëshira për të shpenzuar do të jetë tejet e madhe.

VIRGJËRESHA

Të dashuruarit do të kenë një ditë të zakonshme dhe pa ndonjë gjë të veçantë. Merrini gjërat si t’ju vijnë, pa menduar aspak për të nesërmen. Gjithçka do të jetë ndryshe nëse tregoheni të kujdesshëm dhe mendoni për të ardhmen.

PESHORJA

Asnjë planet nuk do të ndikojë në jetën tuaj në çift gjatë kësaj dite, kështu që bëni ato që do të ndieni, pa menduar aspak se çfarë do të thonë të tjerët. Beqarët jo vetëm që do të realizojnë takime, por do të mund të fillojnë edhe lidhje interesante dhe emocionuese.

AKREPI

Jeta në çift nuk do të jetë aspak e mirë gjatë kësaj dite. Do të keni debate të shumta me partnerin dhe nuk do të ndiheni rehat pranë tij. Beqarët, nga ana tjetër, do të kenë mundësi të mira për takime, por nuk do të përfitojnë. Financat do të jenë të qëndrueshme, por për të bërë më tepër shpenzime duhet të prisni.

SHIGJETARI

Dita e sotme do të jetë shumë e kënaqshme për ata që janë në një lidhje dhe në çdo çast do ta shprehin lumturinë që do të ndiejnë. Beqarët do të fillojnë romanca të këndshme dhe emocionet do të jenë të fuqishme. Në planin financiar, gjërat do të ecin mirë nëse dini sa të shpenzoni dhe sa para të hiqni mënjanë.

BRICJAPI

Për të qenë të lumtur me partnerin duhet të bëni disa lëshime të vogla. Mos kërkoni gjithmonë që të dalë e juaja, sepse do të keni mosmarrëveshje. Beqarët do të jenë gjatë gjithë kohës në kërkim, por as sot nuk do ta gjejnë personin e duhur. Mos e humbisni besimin. 

UJORI

Do të qëndroni shumë besnikë sot juve që jeni në një lidhje dhe as që do të tundoheni të shikoni dikë tjetër. Beqarët do të jenë të pavëmendshëm dhe do të humbin mundësi shumë të mira. Dikush tjetër do të tregohet më i shkathët dhe do t’ua rrëmbejë nga duart. 

PESHQIT

Do të kërkoni më shumë liri në jetën tuaj në çift sot, por këtë nuk do ta bëni në mënyrën e duhur. Beqarët duhet të maten disa herë para se të hedhin hapa, sepse më vonë nuk do të ketë kthim mbrapa. Financat për disa do të jenë të mira, ndërsa për disa të tjerë do të duhet pak kohë që gjendja të stabilizohet.

Sali Berisha mbetet “non-grata”, ambasada amerikane nuk pranon në festën e pavarësisë Edi Ramën dhe kryedemokratin, SHBA thellon ftohtësinë ndaj ortakëve në afera
Shtetet e Bashkuara të Amerikës (SHBA) kanë treguar hapur se nuk bëjnë asnjë kompromis me krerët e politikës shqiptare. Pavarësisht zërave të fundit për një pezullim të përkohshëm të ndalimit të hyrjes në SHBA për arsye të interesave të larta amerikane, vendimi i Departamentit Amerikan të Shtetit (DASH) për shpalljen e kreut të Partisë Demorkatike, Sali Berisha dhe familjes së tij “non-grata” mbetet plotësisht në fuqi. Ky realitet i hidhur për kryedemokratin Berisha u vulos përfundimisht nga faqja zyrtare e DASH, por goditja më publike dhe demaskuese ndodhi mbrëmjen e djeshme në Pallatin e Kongreseve.

Prapaskenat

Ambasada Amerikane në Tiranë organizoi një pritje madhështore për 250-vjetorin e Pavarësisë së SHBA-së, ku mungesa e Sali Berishës thjesht klithi në sytë e të gjithë opinionit publik. Ky bojkot i qartë dëshmon se lideri i PD-së nuk do të ketë më kurrë ftesa apo takime nga zyrtarë të lartë amerikanë, duke konfirmuar se “lirimi” i vizës ishte thjesht një procedurë teknike dhe jo një falje politike. Por skandali dhe ftohtësia e Uashingtonit nuk u ndal me aq, duke u shtrirë si një rrebesh i vërtetë edhe mbi kryeministrin Edi Rama.

Ndërsa salla gumëzhinte nga qindra të ftuar, përfshirë zyrtarë, kabinetin qeveritar dhe përfaqësues të partive PS, PD, PR e Partia Mundësia, mungesa e dy liderëve kryesorë të vendit krijoi një situatë të paprecedentë. Edhe pse zyrtarisht u pretendua se kryeministri Edi Rama ndodhej jashtë vendit për takime zyrtare, mesazhi i SHBA-së ishte i prerë dhe i qartë si drita e diellit. Fakti që Ambasada Amerikane nuk pranon në festën e saj më të rëndësishme as kryeministrin Rama dhe as kryedemokratin Berisha, tregon se superfuqia botërore ka vendosur të thellojë distancimin dhe ftohtësinë e saj të akullt ndaj atyre që shihen si ortakë në afera. Ky izolim diplomatik po cilësohet si fundi i epokës së pandëshkueshmërisë, ku mesazhi i prerë i Shteteve të Bashkuara të Amerikës (SHBA) lë të kuptohet se dy shtyllat e politikës shqiptare tashmë janë të padëshirueshme për partnerin tonë më të madh strategjik. Shqipëria zyrtare u gjend e prerë në besë nga ky bojkot i hapur, i cili tregon se Uashingtoni po përgatit skenarë të tjerë për të ardhmen politike të vendit, duke u prerë përfundimisht rrugën liderëve të korruptuar.

Çfarë ka ndodhur?

Ndërkohë kujtojmë se Departamenti Amerikan i Shtetit (DASH) reagoi disa ditë më parë për mediat shqiptare, lidhur me raportimet për statusin e ish-kryeministrit Sali Berisha, duke sqaruar se bëhet fjalë për një përjashtim të përkohshëm. “Departamenti i Shtetit ka lëshuar përjashtime (waivers) për disa përcaktime sipas nenit 7031(c), të vendosura nga administrata e mëparshme, pasi dhënia e këtyre përjashtimeve i shërben një interesi kombëtar bindës të Shteteve të Bashkuara.” Pra, në rastin e ish-kryeministrit dhe liderit të demokratëve, nuk ka një heqje të sanksionit, njohur gjerësisht si “non-grata”, por për qëllime specifike është bërë një “falje” e përkohshme për Sali Berishën, për të hyrë përkohësisht në Amerikë.

Një “waivers” në gjuhën diplomatike dhe sipas sqarimit ligjor amerikan, do të thotë se Departamenti Amerikan i Shtetit ka përdorur autoritetin e tij ligjor për të bërë një përjashtim nga kufizimet. Kjo do të thotë se Sali Berishës i lejohet vetëm një veprim specifik (si për shembull udhëtimi për një qëllim të caktuar) pa e humbur statusin e sanksionuar “non-grata”. Për këtë ka aluduar sot dhe aktivistja konservatore Evi Kokalari, e cila ka theksuar se Sali Berishës i është dhënë një “falje e përkohshme” nga DASH, e njohur në gjuhën diplomatike si “Waivers”, sepse ai ka kërkuar një vizë shëndetësore, për qëllime të panjohura. Në këto kushte, siç theksohet edhe në sqarimin e Departamentit Amerikan të Shtetit, përcaktimi zyrtar i vitit 2021 sipas Nenit 7031(c) nuk është anuluar ose fshirë, por përmes “waiver” është bërë thjesht një përjashtim specifik nga pasojat e atij vendimi (non-grata).

Gjatë një interviste me gazetaren Rudina Xhunga në podcast-in e tij “Flasim,”, Kryeministri Edi Rama komentoi aktualitetin politik në Shqipëri.

I pyetur për ish-presidentin Ilir Meta, kryesocialisti e cilësoi atë si një talent politik, por tha se nuk arriti ta përballonte peshën e pushtetit.

Më tej ai shprehu se pushteti është një forcë që ka “ngrënë” shumë burra dhe, në rastin e Metës, e ka katandisur atë në një personazh qesharak”.Pjesë nga Intervista:

Rudina Xhunga: Po Ilir Meta

Edi Rama: Ishte një talent, talent i madh politik që nuk e mbajti dot peshën. Pushteti është një kafshë e përbindshme. Ka ngrënë, e ka futur nën vete shumë burra. Domethënë, u katandis në një personazh qesharak

Një aksident i rëndë ka ndodhur gjatë shfaqjes ajrore Athens Flying Week në Tanagra të Greqisë, ku një avion luftarak Phantom F-4 me dy vende është rrëzuar pak para uljes. Fati i dy pilotëve që ndodheshin në bord mbetet ende i paqartë. Ekipet e kërkim-shpëtimit kanë nisur menjëherë operacionet për gjetjen e tyre, ndërsa minutat kalojnë dhe shqetësimi për fatin e tyre rritet.

Avioni u rrëzua në një moment kur qindra persona po ndiqnin shfaqjen nga një distancë relativisht e afërt. Sipas dëshmitarëve, avioni dukej se po lëshonte tym përpara se të humbiste papritur lartësi dhe të përplasej në tokë. Raportimet e para nga vendngjarja bëjnë me dije se avioni është ndarë në dy pjesë pas përplasjes, ndërsa zjarri ka shpërthyer në dy zona të ndryshme.

Në operacionin për shuarjen e flakëve është angazhuar edhe një helikopter zjarrfikës, i cili po hedh ujë mbi zonën ku ka rënë avioni. Aksidenti ka shkaktuar panik dhe tronditje te njerëzit që ndodheshin në vendngjarje. Organizatorët kanë nisur menjëherë evakuimin e zonës, ndërsa Athens Flying Week është pezulluar përkohësisht.

Autoritetet greke kanë nisur hetimet për zbardhjen e rrethanave të aksidentit, ndërsa operacioni i kërkim-shpëtimit për dy pilotët vijon.

Policia ka dhënë detaje në lidhje me arrestimin e Jozefin Markut dhe personave që e shoqëronin në momentin kur dhunuan Eduart Kuçin.

Jozefin Marku u arrestua në tualetin e banesës së shtetasit Kristjan Nikolli, i cili po ashtu u arrestua, ndërkohë në kërkim janë shpallur Anton Huli  dhe Kristjan Nikolli. Kontroll banese u ushtrua në shtëpitë e ⁠D.P. dhe ⁠Klaudio Hysenit.

“Për dokumentimin e plotë të rrethanave të rastit dhe identifikimin e personave të përfshirë, shërbimet e Drejtorisë Vendore të Policisë Tiranë, kanë kryer veprime hetimore në bashkëpunim me Drejtorinë Vendore të Policisë Lezhë.

Si rezultat i veprimeve të kryera nga shërbimet e Komisariatit të Policisë Nr. 6, u ndaluan shtetasit J. M., 30 vjeç, për veprat penale “Heqja e paligjshme e lirisë”, “Plagosja e lehtë me dashje”, “Kanosja”, “Mbajtja pa të drejtë e uniformës” dhe “Ndërhyrja e padrejtë në jetën private”, si dhe K. N., 31 vjeç, i cili dyshohet se ka qenë drejtues i automjetit tip “Land Rover”, për veprat penale “Përkrahja e autorit të krimit”, “Mbajtja pa leje dhe prodhimi i armëve, bombave ose minave dhe i municionit”, “Heqja e paligjshme e lirisë”, “Plagosja e lehtë me dashje”, “Kanosja”, “Mbajtja pa të drejtë e uniformës” dhe “Ndërhyrja në jetën private”. Ndërkohë, u shpallën në kërkim shtetasit Anton Huli, 48 vjeç dhe K. V., 27 vjeç.

Gjatë kontrollit të banesës së shtetasit K. N., u gjetën dhe u sekuestruan një sasi municioni, si dhe automjeti tip “Land Rover”, i dyshuar se është përdorur në ngjarje.

Këta shtetas dyshohet se, në bashkëpunim edhe me shtetas të tjerë, ende të paidentifikuar, kanë dhunuar shtetasin E. K., 26 vjeç, me pretendimin se ky i fundit kishte fyer një prej tyre.

Punohet për kapjen e shtetasve të shpallur në kërkim, identifikimin e personave të tjerë të përfshirë në këtë ngjarje dhe nxjerrjen e tyre përpara përgjegjësisë penale.

Materialet procedurale iu referuan Prokurorisë, për veprime të mëtejshme”, njofton policia.