Author: admin

Eksperti i ekonomisë dhe sigurimeve shoqërore, Kujtim Hoxha, ka folur në një studio televizive, ndërsa ka sqaruar ecurinë e pensioneve për pjesën e mbetur të vitit 2026, duke theksuar se pas indeksimit prej 2.7% në korrik, nuk parashikohet një rritje e dytë në muajin tetor. Sipas tij, ndryshimet e paralajmëruara në skemën e sigurimeve shoqërore janë një detyrë e lënë nga Banka Botërore, por ato do të prekin vetëm qytetarët që nuk kanë dalë ende në pension, ndërsa për pensionistët aktualë masa e pagesës mbetet e palëvizshme si e drejtë e fituar.

Hoxha sqaroi se nga fondi prej 230 milionë eurosh i vënë në dispozicion nga qeveria, janë shpenzuar rreth 40 milionë euro për bonusin e korrikut prej 5.000 lekësh, ndërsa mbeten edhe 190 milionë euro të tjera. Eksperti nërmori se ky fond i mbetur duhet të përdoret brenda këtij viti sipas detyrimit ligjor të buxhetit dhe aktmarrëveshjes me Bankën e Shqipërisë.

Nëse këto para shpërndahen të plota për 755 mijë pensionistët dhe kategoritë në nevojë, bonusi i fundvitit në dhjetor mund të arrijë nga 13.000 deri në 15.000 lekë (130 deri 150 mijë lekë të vjetra). Përveç bonusit financiar, ai sugjeroi se shteti duhet të ndërhyjë edhe me politika lehtësuese, si ulja e TVSH-së apo akcizës së naftës, për të amortizuar rritjen e çmimeve për qytetarët.

-Zoti Hoxha, në korrik indeksimi me 2.7% dhe një bonus vere prej 5.000 lekësh apo 50.000 lekësh të vjetra. Tani jemi në shtator. Deri në fund të vitit, të gjithë ata që na ndjekin dhe që kanë lidhur apo do të dalin në pension, çfarë duhet të presin?

Qeveria ka thënë në fakt që bonus të fundvitit do të ketë sivjet. Ne mund ta diskutojmë së bashku, po indeksimi që bënë në tetor dhe fakti që u bë më parë në korrik, ky i korrikut mund të përjashtojë të tetorit? Pra, në tetor nuk do të ketë apo mund të ketë?

Problemi i pensioneve është shumë i gjerë dhe i rëndësishëm për shoqërinë shqiptare, për faktin sepse jo vetëm që përfaqësohet nga përfituesit e pensioneve që janë në numër të madh, rreth 755.000—është numër i madh—por edhe për faktin që pensionet në Shqipëri janë shumë të ulëta.

Për të marrë një iniciativë për të mbështetur këtë shtresë të shoqërisë duhet të ketë shumë angazhime në fakt, duke shikuar edhe duke e komunikuar pak me një ekonomi më të mirë edhe zbatimen e buxhetit të shtetit. Sepse pretendohet edhe është rreth 27 miliardë euro e ardhura kombëtare ose prodhimi i përgjithshëm bruto.

-Pra në njëfarë mënyre, që nuk është aq e thjeshtë që t’i ndryshosh pensionet rrënjësisht—këto që janë apo edhe ato të tjerat që do të lidhen…

Me të drejtë unë kam parë gjatë këtij muaji, po edhe më përpara, që ka mendime nga më të ndryshmet që do të ndryshojë skema e pensioneve. Kështu është hedhur edhe ideja nga qeveria, por duhet të kemi parasysh një gjë: kjo është detyrë e lënë nga Banka Botërore, të cilës duhet t’i ndryshojë kjo skemë. Duhet të ndryshojë, por duhet ta shikojmë në thelb çfarë mund të ndryshojë në këtë skemë të sigurimeve shoqërore.

Pikë së pari, duhet ta kuptojnë të gjithë qytetarët që kjo, edhe nëse ndryshon, do të jetë për perspektivën, për ata që nuk kanë dalë në pension. Do të jetë një formulë tjetër, një kombinim, e cila… mos shpresojnë, mos shpresojnë, mos shpresojnë ata që kanë dalë. Kanë dalë disa ligje qeverie; ka qenë ligji i mëparshëm para ’93-shit që është 4171, një tjetër 4104 sa është ajo, dhe ca ligje të tjera të cilat kanë pjesën e tyre tek këta që përfitojnë pension pleqërie sot.

Megjithëse mund të jenë të paktë në numër, ata janë pjesë e përfitimit nga skema e sigurimeve shoqërore. Kështu do të ndodhë edhe nëse do të ndryshojë skema e sigurimeve shoqërore, do të quhen këto “të drejta të fituara”. Pra, këto pensione nuk do të lëvizin, nuk do të ulen, por mund të kenë mbështetje vetëm me bonuse dhe me atë indeksimin e radhës që do t’i vijë. Pra nuk u ndryshon në themel skema, skema e tyre që tashmë marrin një pagesë pensioni mujor. Pra ata që kanë dalë të mos shpresojnë, këtë e them kështu, dhe le të dalë kush të dojë, ndryshimi i skemës e të tjerë e të tjerë prek vetëm ata që do të dalin.

Dhe kjo është detyrë e Bankës Botërore për ta nxjerrë këtë skemë nga kjo prapambetje, që është e prapambetur në fakt sepse ajo gropë midis të ardhurave dhe shpenzimeve që ka qenë këtu e 28 vjet më përpara vazhdon të jetë në ato statuse dhe këta mundohen ta mbajnë në atë gjendje. Pra e mbajnë me… me gjilpëra, po të them, sëmurin, me shiringa, me ilaçe, me shiringa.

Kështu që në këtë vit, në vitin 2026 por edhe në vitet e ardhshme, unë shikoj për shembull çfarë mund të bëjë qeveria. Sivjet ka deklaruar që janë 230 milionë euro në fundin e vitit 2025, e cila do të përdorej për bonusin e pranverës—gjë që s’u përdor por u përdor në korrik—dhe në korrik u dha ai 5.000 lekësh bonus, i cili është i barabartë me 40 milionë euro.

-Nga një fond prej 230 milionë eurosh, 40 milionë euro pak a shumë janë harxhuar, janë përdorur…Kanë mbetur edhe 190 milionë euro sepse indeksimi është tjetër gjë si pjesë me fondet e sigurimeve shoqërore, por edhe nga shteti mund të jepet, por kryesisht me ligj vetëm nga fondet e sigurimit, që nuk është…

Atëherë i bie që ky fond që ekziston të jepet brenda këtij viti. Mundësitë janë që të jepet. Ideja që mund të jepet që në shtator, me ndryshimin e qeverisë mund ta japë edhe këtë gjë, të ketë një ndryshim, ose mund të jetë edhe më vonë. Tradicionalisht ajo është dhënë atje në fund të vitit.

Po t’i pjesëtosh në këtë llogari me të gjithë ata që përfitojnë pension pleqërie, por edhe me atë pjesë që janë rreth 30 mijë në ndihmën ekonomike, të cilët kanë nevojë e që trajtohen nga bashkitë, do të bënte që qytetarët të përfitojnë rreth 130.000 deri në 150.000, varet në numrin që do të përfshihet nga ata të tjerët se me këta që janë në pension… duhet mesatarisht… e kuptoj, po nga 130 deri 150.000 të vjetra.

-Tani, e ka detyrimin që këtë fond, zoti Hoxha, ndjesë dhe unë do të vijo, këtë fond prej 190 milionë eurosh të mbetur ta shpenzojë apo ta harxhojë apo ta japë menjëherë brenda këtij viti, apo mund të përdorë një shumë të kësaj dhe qytetarët në fundvit mund të marrin më pak?

Tani qeveria e ka detyrim këtë. Pse e ka detyrë? E futi në ligjin e buxhetit të vitit 2026 që fondet e papërdorura në vitin 2025 të përdoren, dhe lidhi një aktmarrëveshje me Bankën e Shqipërisë, e cila do të jetë grumbulluese e këtij fondi dhe në dispozicion pastaj për qeverinë për ta përdorur me një kriter të caktuar.

Kriteret pastaj i vendos qeveria, por është e domosdoshme që të përdoret që sivjet sepse ne kemi thënë që ka filluar ajo krizë botërore, si rezultat i politikave të ndryshme ndërkombëtare, luftërave e të tjerë e të tjerë, e cila ka ndikim edhe tek ne. Kështu që, atë që duhet ta përdorte që në shkurt-mars e në vazhdim, ta përdorë për t’i mbështetur këta qytetarë, qoftë në formë monetare, qoftë edhe me forma të tjera.

Siç u dha shembulli i Greqisë, u ka dhënë edhe ekzakt ulje çmimesh gati me 1600 produkte, duke hequr TVSH-në. Ndërkohë, tek ne çmimi i naftës po, është shumë i lartë, 220-230 lekë të rinj është shumë për 1 litër naftë, dhe këtu mund të ndërhyjë me politikat sepse… dikush mund të thotë për shembull: “Po ç’punë ka qeveria me çmimet e naftës?

Çmimet e naftës i vendos tregu midis atyre që shesin dhe atyre që blejnë”, pra kërkesë-ofertë, themi ndryshe kërkesë-ofertë. Pikërisht në raste të këtilla ka mundësi të ndërhyjë dhe duhet të ndërhyjë shteti shqiptar, duke ulur atë pjesë që ka vetë në dorë, atë të akcizës dhe taksave të tjera, duke i pakësuar ato, ose edhe me uljen e TVSH-së për produktet e ndryshme ushqimore. Kjo bën që çmimet të bien dhe në njëfarë mënyre të kompensohen qytetarët—jo vetëm pensionistët, por edhe qytetarët e tjerë.

-Pak a shumë, me fondin që ka në dispozicion, me faktin që duhet përdorur brenda këtij viti, me këto argumente duhet ta përdorë këtë ekzaktësisht. Dhe bonusi në fund të vitit mund të jetë nga 13 deri në 15.000 lekë, pra nga 130 deri në 150 mijë lekë të vjetra…

Po! Por nëse i harxhon të gjitha dhe nëse i përfshin këto shtresa, nëse e zgjerojnë këtë, sigurisht do të japë më pak. Sigurisht, janë këto fonde në dispozicion dhe ka mundësi që, duke i studiuar mirë, të përfitojnë sa më shumë njerëz.

Pas përplasjes së fundit me Edi Kuçin, në rrjet po rikthehen në vëmendje edhe deklarata të vjetra të Joz Markut ndaj personazheve që e kanë kritikuar apo i kanë dalë kundër publikisht.

Një prej tyre lidhet me Ledri Vulën. Pas incidentit të Jozit me Gjestin në “Big Brother VIP Albania 4”, Ledri ishte shprehur se do të bashkëpunonte me Gjestin, por jo me Jozin. Deklarata iu kujtua këtij të fundit edhe nga një ndjekës në Instagram.

Në atë kohë, Jozi iu përgjigj me një fjali të shkurtër dhe me tone ironike:

“Mbretërit në tufë, luanët vetëm në fron”. Reagimi u interpretua nga ndjekësit si një përgjigje ndaj Ledrit, megjithëse Jozi nuk e përmendi drejtpërdrejt reperin në mesazhin e tij.

Kjo deklaratë e vjetër po shihet ndryshe pas zhvillimeve të ditëve të fundit. Jozi është përfshirë në një përplasje fizike me Edi Kuçin, ndërsa në videot e publikuara dëgjohet duke i kërkuar llogari këtij të fundit për ofendimet që kishte bërë ndaj tij më herët.

Edhe emri i Stresit është përmendur në debatet e fundit që lidhen me Jozin, duke bërë që në rrjet të ngrihen pikëpyetje nëse këngëtari po rikthehet te konfliktet e vjetra me personazhet që e kanë kritikuar publikisht.

Jozefin Marku ka reaguar për Top Channel pas qarkullimit të vìdeos ku ai dhe disa persona të tjerë shfaqeshin duke dhunuar ish-konkurrentin e Përputhen, Edi Kuçi.

Marku thotë se kjo ngjarje, e ndodhur në autostradën Tiran-Durrës, është një ‘skenë aktrimi’, dhe se asgjë nuk ka ndodhur në realitet.

“Asgjë s’ka ndodhur, jemi aktorë, e kemi bërë vetë”, u shpreh ai në një komunikim përmes mesazheve me redaksinë e Top Channel Web.

I pyetur në lidhje me lëshimin e urdhër-arrestit nga Prokuroria e Pejës, ai e cilëson si ‘fake’ dhe të pavërtetë.

“Janë fake, nuk kam arsye të jem atje”, pretendon Marku./Top Channel

Mimoza Ahmeti po përjeton një moment të dhimbshëm në jetën e saj. Ajo ka njoftuar ndarjen nga jeta të babait, duke publikuar në rrjetet sociale një mesazh të gjatë kushtuar atij.

“Sot u shua një pjesë e zemrës sime… Sot humba babanë tim të shtrenjtë”, shkruan Ahmeti, teksa kujton rolin që i ati ka pasur gjatë gjithë jetës së saj.

Në dedikimin e saj, ajo e përshkruan babanë si një prej shtyllave më të forta të jetës, duke theksuar se në arritjet dhe rrugëtimin e saj gjenden mësimet, dashuria dhe sakrificat e tij.

“Shpresoj që çdo gjë që kam arritur në jetë të të ketë bërë krenar. Shpresoj që, edhe atje ku s’mund të të shoh më, të jesh duke më parë”, shkruan ajo.

Një pjesë veçanërisht personale e mesazhit i kushtohet edhe nënës së saj, e cila gjithashtu nuk jeton më. Mimoza i drejtohet të atit me fjalët: “Kur ta takosh nënën, përqafoje fort për mua. Thuaji se më ka munguar çdo ditë”.

“Tani jeni përsëri bashkë… Dhe unë mbetem këtu, me kujtimet tuaja, me mallin dhe me një dashuri që nuk do të shuhet kurrë”, vijon ajo.

Në fund, Mimoza i jep lamtumirën të atit duke shkruar: “U prehsh në paqe, babi im. Përqafoje nënën fort për mua… Ju dua sot, nesër dhe përtej çdo kohe. Përjetë vajza juaj.”

Autoritetet e Kosovës kanë përfshirë Jozefin Markun, ish-banorin e Big Brother Vip Albania, në listën e personave që duhet të ndalohen në kufi, pas incidentit të dhunshëm me shtetasin kosovar Edi Kuçi, ish-konkurrent i Përputhen.

Vendimi vjen pas hapjes së një rasti penal lidhur me përleshjen fizike, pamjet e plota të së cilës janë publikuar së fundmi në rrjetet sociale.

Lajmi është konfirmuar nga zëdhënësi i Prokurorisë Themelore në Pejë, Shkodran Nikçi. Sipas tij, prokurori ka hapur, me vetiniciativë, një rast penal ndaj Jozefin Markut, shtetas i Republikës së Shqipërisë.

Rasti është hapur për veprën penale “Lëndim i lehtë trupor”, që dyshohet se i është shkaktuar shtetasit të Republikës së Kosovës, E.K., iniciale që i referohen Edi Kuçit.

“Prokurori i shtetit nga Prokuroria Themelore në Pejë, përkatësisht prokurori kujdestar, me vetiniciativë ka hapur rast penal ndaj J.M., shtetas i Republikës së Shqipërisë, për veprën penale ‘Lëndim i lehtë trupor’ të shkaktuar ndaj shtetasit të Republikës së Kosovës E.K.”, ka deklaruar Nikçi.

Ai ka bërë të ditur se Prokuroria ka autorizuar Policinë e Kosovës për inicimin e rastit, përfshirjen e të dyshuarit në listën kufitare për kontroll të veçantë, si dhe ndërmarrjen e veprimeve të tjera ligjore.

“Prokurori i shtetit ka autorizuar Policinë e Kosovës për inicimin e rastit dhe vendosjen në stop-listë të të dyshuarit dhe ndërmarrjen e veprimeve ligjore ndaj tij”, ka deklaruar Nikçi.
Sipas Prokurorisë, veprimet janë ndërmarrë në bazë të nenit 109 të Kodit Penal të Republikës së Kosovës, i cili, sipas autoriteteve, zbatohet edhe ndaj shtetasve të huaj për vepra penale të kryera jashtë territorit të Kosovës ndaj shtetasve të saj.
Si ndodhi përleshja?

Rasti lidhet me incidentin e dhunshëm mes Jozefin Markut dhe Edi Kuçit në autostradën Tiranë-Durrës. Pamjet e plota të ngjarjes, të siguruara nga Top Channel, tregojnë momentet para dhe gjatë përleshjes fizike.

Në video shihet Edi Kuçi duke u ndaluar në rrugë përmes një tabele të improvizuar policore me mbishkrimin “Stop”. Më pas, ai përballet me Jozefin Markun, i cili e godet fizikisht.

Gjatë incidentit dëgjohet Marku duke e pyetur Kuçin: “Pse m’ke shajt? Shaje Gjestin, shaje Gjestin”, ndërsa vijon ta godasë. Në pamje, Kuçi shihet i gjakosur dhe i kërkon të ndalojë.

Në fund të përleshjes, Marku i kërkon Kuçit të ulet në gjunjë dhe t’i kërkojë falje. Publikimi i videos së plotë ka shkaktuar reagime të shumta në rrjetet sociale dhe ka rikthyer vëmendjen te incidenti.

Me hapjen e rastit penal dhe përfshirjen e tij në listën kufitare për kontroll, autoritetet e Kosovës kanë ndërmarrë hapat e parë ligjorë lidhur me çështjen. Rasti pritet të vijojë të trajtohet nga organet kompetente./Top Channel

Një ngjarje e rëndë ka ndodhur në Graz të Austrisë, ku një 24-vjeçare shqiptare është gjetur e pajetë në banesën ku jetonte me partnerin e saj.

Viktima është identifikuar si Abigel Laçi, me origjinë nga Vlora. Sipas raportimeve të mediave vendase, e reja dyshohet se është vrarë pasi është goditur me çekiç, dhe autor i vrasjes dyshohet të jetë vëllai i partnerit të saj.

Ngjarja ka ndodhur mesditën e së enjtes, më 3 shtator, në një apartament në qendër të Grazit. Policia është njoftuar rreth orës 12:40 dhe, pas mbërritjes në banesë, ka gjetur 24-vjeçaren pa shenja jete. Autoritetet bëjnë me dije se ajo ka humbur jetën në vend, si pasojë e plagëve të marra.

Në vijim të ngjarjes, policia ka arrestuar në shkallët e pallatit një 23-vjeçar, i cili, sipas dëshmitarëve, ishte i mbuluar me gjak. Në një njoftim fillestar, autoritetet thanë se i riu kishte lidhje familjare me viktimën. Më pas u bë e ditur se bëhej fjalë për vëllain e partnerit të Abigel Laçit.

Nga të dhënat paraprake të hetimit dyshohet se 23-vjeçari ka shkuar i vetëm në apartament dhe ka hyrë me forcë. Në atë moment, Abigel ndodhej e vetme në banesë, pasi partneri i saj nuk ishte aty.

Hetuesit dyshojnë se çekiçi është përdorur si mjet në kryerjen e krimit. Për shkak të hetimit në vijim, autoritetet nuk kanë bërë publike të gjitha detajet e ngjarjes.

I dyshuari ka zgjedhur të heshtë gjatë marrjes në pyetje dhe nuk ka dhënë shpjegime lidhur me ngjarjen apo motivin e mundshëm. Ai po hetohet për dyshimin e vrasjes.

Ndërkohë, është kryer autopsia e trupit të 24-vjeçares, ndërsa hetimet vijojnë nga specialistët të cilët po punojnë për të zbardhur rrethanat dhe motivin e ngjarjes. Deri në këtë fazë, autoritetet nuk kanë konfirmuar zyrtarisht një motiv.

Këngëtari dhe ish-banori i Big Brother VIP Albania, Joz Marku dhe disa miq të tij kanë dhunuar ish-banorin e BBVIP Kosova, Eduart Kuçin.

Gazetarja Klodiana Lala raporton se Marku ka përfunduar sot në pranga në zonën e Kombinatit.

Pamjet nga konflikti u vbënë virale në rrjet, ndërsa duket se zanafilla ka qenë një video e publikuar nga Eduarti, i cili e ka sharë këngëtarin nga familja, duke u shprehur se nuk do ta lejojë pa marrë hakun e shokut të tij, Gjestit. Madje, Eduart Kuçi ka kërcënuar Markun se, nëse do të shkelte në Kosovë, atëherë do të përballej me hakmarrjen e tij.

Pak kohë më vonë, pas këtij kërcënimi të bërë live, të dy këta personazhe janë hasur rastësisht në rrugë, duke u ballafaquar për deklaratat e bëra nga Kuçi.

Në pamje shihet se situata kalon në përplasje fizike, ku Eduart Kuçi goditet disa herë nga Jozefin Marku, i cili i kërkon llogari për ofendimet dhe kërcënimet e bëra në rrjetet sociale.

Një ngjarje që ka sjellë reagime të forta ka ndodhur në Guci të Malit të Zi, ku 19-vjeçarja shqiptare Vatra Balidemaj është ndëshkuar nga autoritetet vetëm pse ka mbajtur në duar flamurin kombëtar.

Ngjarja ka regjistruar më 1 gusht, gjatë një koncerti të mbajtur nga artistët Dava Gjergji dhe Prengë Beci. E reja, e cila jeton në zonën e Martinajt dhe ka përfunduar së fundmi gjimnazin, ishte e pranishme në koncert duke valëvitur flamurin me simbole “Autochthon”.

Megjithatë, kjo shfaqje e krenarisë kombëtare nuk është pritur mirë nga të gjithë. Disa persona nga Gucia e kanë konsideruar këtë veprim si një lloj provokimi. Menjëherë pas kësaj, situata ka kaluar në nivel institucional, ku autoritetet malazeze kanë ndërhyrë duke e shoqëruar 19-vjeçaren në komisariat. Pas verifikimeve dhe marrjes në pyetje, ajo është dërguar menjëherë para gjykatës, e cila e ka dënuar me një gjobë që shkon deri në 250 euro.

Ndonëse vlera e gjobës nuk përbën një barrë të madhe ekonomike, ajo që e ka lënduar më shumë Vatra Balidemajn është padrejtësia që sipas saj i është bërë. Ajo këmbëngul se nuk ka pasur asnjë qëllim provokues apo prapavijë keqdashëse, por ka dashur vetëm të shfaqë dashurinë për identitetin dhe historinë shqiptare në tokën e të parëve të saj.

Në një reagim pas vendimit të gjykatës, ajo nuk ka kursyer as kritikat ndaj përfaqësuesve politikë. E reja ka denoncuar heshtjen e plotë të partive dhe liderëve politikë shqiptarë në Mal të Zi, të cilët nuk kanë bërë asnjë reagim zyrtar apo mbrojtje institucionale ndaj rastit të saj, duke e lënë atë të përballet e vetme me sistemin e drejtësisë malazeze për shkak të një flamuri.

Maria Spinelli, 22 vjeçe, kishte vetëm pak javë që ishte larguar nga Italia për të kërkuar një të ardhme të re në Zvicër.

Ajo kishte shkuar atje rreth një muaj më parë, ku kishte gjetur punë si kamariere, por ëndrra e saj për një fillim të ri u ndërpre tragjikisht nga të shtënat në një festë rave në Aarau.

Maria kishte lindur në Atri, në provincën e Teramos, ndërsa ishte rritur dhe kishte jetuar në Città Sant’Angelo, në zonën e Pescara-s. Në tetor do të festonte 23-vjetorin e saj.E reja ishte diplomuar në shkollën e menaxhimit të hoteleve Zolli në Silvi dhe, pas përfundimit të studimeve, kishte vendosur të provonte fatin jashtë vendit.

Në Zvicër, Maria kishte nisur punën si kamariere dhe po ndërtonte një jetë të re larg vendlindjes. Megjithatë, ajo nuk kishte hequr dorë nga pasioni i saj për muzikën tekno.

Edhe në Abruzzo, Maria frekuentonte shpesh klubet e zonës së Pescara-s së bashku me miqtë. Pikërisht këtë pasion po shijonte edhe natën tragjike, kur kishte dalë për të kërcyer me miqtë në një event rave.

Por festa u kthye në tragjedi kur ndaj turmës u qëllua me armë zjarri. Maria mbeti e vrarë, ndërsa pesë persona të tjerë u plagosën.

Një detaj i tatuazhit të saj ka marrë një kuptim veçanërisht tragjik pas ngjarjes. Në trupin e 22-vjeçares ishte tatuazhuar shprehja “Fat të mbarë”, një frazë që dukej se përfaqësonte dëshirën e saj për të parë përpara dhe për të nisur një kapitull të ri në jetë.

Lajmi për vdekjen e saj ka tronditur familjen dhe komunitetet ku Maria kishte jetuar. Ngushëllime familjes i kanë shprehur edhe përfaqësues të institucioneve italiane.

Presidenti i Rajonit të Abruzzos, Marco Marsilio, shprehu dhimbjen për humbjen e 22-vjeçares, duke iu bashkuar familjes, miqve dhe komuniteteve të Atri dhe Città Sant’Angelo në këtë moment tragjik.

Maria Spinelli kishte shkuar në Zvicër për të kërkuar një mundësi të re dhe për të ndërtuar të ardhmen e saj. Një muaj pas largimit nga Abruzzo, jeta e saj u ndërpre në mënyrë tragjike, në një natë që duhej të ishte thjesht një mbrëmje mes miqsh dhe muzikës që ajo aq shumë e donte.

Të tjera pamje kanë dalë në publik nga përplasja mes Joz Markut dhe Eduard Kuçit, duke sjellë një tjetër moment nga ngjarja që prej ditësh ka marrë vëmendje të madhe në rrjete sociale.

VoxNews ka publikuar pamje të reja, ku shihet Jozi përballë Edit. Në një moment, ai e godet atë me shuplakë, ndërsa menjëherë më pas dëgjohet duke i thënë: “Ulu në gjunjë”.

Në video, Edi shihet më pas dùke u ulur në gjunjë.

Këto janë pamje të tjera nga incidenti për të cilin vetë Edi reagoi një ditë më parë, pasi në rrjete sociale u publikua një video tjetër nga përplasja.

Ai e shoqëroi atë me mesazhin: “Pabesia dhe tradhtia kanë rrëzuar edhe mbretër! 15 me 1 në konakun e tyre! Shikim të këndshëm”, duke pretenduar se në ngjarje kishte qenë i vetëm përballë një grupi personash.

Materiali i publikuar së fundmi nga VoxNews tregon një tjetër sekuencë të incidentit, ndërsa deri tani palët kanë dhënë versione dhe reagime të ndryshme rreth asaj që ka ndodhur. /Prive By Liberta Spahiu

SHIKO VIDON KËTU