Author: admin

I ftuar në një emision televiziv, Bushati u shpreh se protesta është në të drejtën e Partisë Demokratike për ta organizuar, por sipas tij, ajo nuk ka fuqinë të rrëzojë apo as të krisë “regjimin e Ramës”.

Ai komentoi edhe debatin për përdorimin e fishekzjarreve dhe molotovëve gjatë protestave, duke deklaruar se problemi, sipas tij, nuk qëndron tek akti në vetvete, por tek mungesa e efektivitetit.

Bushati ngriti gjithashtu pyetjen nëse institucionet, që sipas tij janë uzurpuar, duhet të largohen me forcë, duke e cilësuar këtë si debatin themelor politik.

“Protesta është në të drejtën e PD-së ta bëjë, por me protestë jo vetëm që regjimi i Ramës nuk shembet, por as nuk kriset. Duhet të jemi të nërgjegjshëm, që ky lloj pushteti, protesta të tilla nuk i bëjnë ndonjë dëm të madh.

E dyta, u bë një debat, fishekzjarret, molotovët, problemi im nuk është se hodhi opozita molotov, por është se nuk e djeg dot Kryeministrinë e milionave të Ballukut apo Parlamentin e rrëmbimeve të Ergys Agasit. Në pikën që jemi do të ishte e legjitimuar, që Parlmaneti dhe Kryeministria, por dhe Tirana të jetë në flakë. Opozita nuk e luan dot këtë rol, nuk ka milionat, bandat dhe fuqinë për ta organizuar këtë. Në këtë kuptim, bëhet qesharak debati, që kritikohet opozita se ndot pak muret e Kryeministrisë. Me këta rrëmbyes personash, hajdutë kronikë, çdo veprim i qytetarëve do të ishte i përligjur. Opozita nuk është në këtë nivel.

Fëmijët është pyetja e dytë? Pyetja themelorë është, pasi kemi parë çka bërë Balluku dhe Rama nuk e dorëzon, pasi kemi parë si rrëmben njerëz Agasi dhe nuk e çan kokën njeri, uzurpuesit e këtyre institucioneve, a duhen nxjerrë përdhunshëm prej andej? Kjo është pyetja e parë. Pastaj bëhet me fëmijë apo me burra? Me njerëz që e bëjnë vërtetë apo sikur? Por themelorja është, a duhen tërhequr me litar për fyti këto hajdutë që grabisin çdo ditë?

Pastaj se si, është debat dytësor”, tha ndër të tjera Bushati.

Mjeku Doris Sholla raportohet se është dhunuar nga një punonjës i Spitalit të Lushnjës, për shkak të dyshimeve të këtij të fundit, se i thërriste gruan orar pa orar në punë.

Gruaja e agresorit Altin Alla, punonte si infermiere në spital.

Ndërkohë, vetë 54 vjeçari ishte punonjës oksigjenist dhe për shkak të dyshimeve se mjeku Doris Sholla e thërriste qëllimisht gruan e tij në orare të ndryshme në punë, kanë pasur fillimisht debat verbal.

Duke qenë se situata kishte shkuar në pikën ku nuk mund të zgjidhej gjë me dialog, oksigjenisti Altin Alla është përfshirë në një përleshje fizike me mjekun 31 vjeçar Doris Sholla.

Rasti ka përfunduar në Polici dhe raportohet se efektivët e Krimeve të Komisariatit të Policisë Lushnjë kanë arrestuar punonjësin Altin Alla, sepse dyshohet se për motive të dobëta, është konfliktuar me mjekun e spitalit, Doris Sholla.

Materialet procedurale iu referuan Prokurorisë së Lushnjës, për veprime të mëtejshme.

Njoftimi i policisë:

Specialistët për Hetimin e Krimeve të Komisariatit të Policisë Lushnjë arrestuan shtetasin A. A., 54 vjeç, banues në Lushnjë, punonjës (oksigjenist) në spitalin e Lushnjës, pasi është konfliktuar në ambientet e spitalit, me shtetasin D. Sh., 31 vjeç, mjek në këtë spital, për motive të dobëta.

DASHI

Kjo ditë do të shënohet nga një energji e ripërtërirë. Marrëdhëniet romantike do të jenë në qendër të vëmendjes, me mundësinë e pajtimit për zemrat e vetmuara. Mos hezitoni të shprehni ndjenjat tuaja.

DEMI

Demi do të përjetojë një Shën Valentin të zjarrtë. Është një kohë për të ndërmarrë iniciativa në dashuri dhe për të forcuar marrëdhëniet ekzistuese. Lajme të mira në vendin e punës mund të vijnë papritur.

BINJAKËT

Ata që kanë lindur nën shenjën e Binjakëve do të duhet të jenë të kujdesshëm me komunikimin. Keqkuptimet mund të ndërhyjnë në marrëdhënie. Mundohuni të jeni të qartë dhe të drejtpërdrejtë për të shmangur konfliktin.

GAFORRJA

Gaforret do ta rizbulojnë rëndësinë e dashurisë familjare. Një gjest i sinqertë do të vlerësohet dhe mund të çojë në momente të paharrueshme me të dashurit. Shfrytëzojeni këtë mundësi për të forcuar lidhjet tuaja.

LUANI

Luanët do të kenë mundësinë të shkëlqejnë në një marrëdhënie të re. Ngjarjet shoqërore mund të sjellin njohje të reja interesante. Karizma juaj natyrale nuk do të kalojë pa u vënë re sot.
Virgjëresha: Kjo ditë fton për reflektim. Për ata që kanë lindur nën shenjën e Virgjëreshës, çështjet praktike mund të pengojnë jetën tuaj dashurore. Merrni pak kohë për të vlerësuar atë që dëshironi vërtet.

PESHORJA

Dega e artit dhe kreativitetit është e aktivizuar për Peshoren. Shprehja e ndjenjave përmes formave artistike do të jetë veçanërisht e dobishme. Dashuria do të përjetohet në mënyrë krijuese dhe origjinale.

AKREPI

Akrepët mund të ndihen paksa të prekshëm. Menaxhimi i emocioneve është thelbësor dhe komunikimi i hapur me partnerin tuaj do të sjellë stabilitet. Pranoni dhe trajtoni ndjenjat tuaja.

SHIGJETARI

Liria do të jetë një temë qendrore për Shigjetarët. Mund t’ju duhet hapësirë ​​në marrëdhënien tuaj. Komunikoni nevojat tuaja qartë dhe kjo do të çojë në një mirëkuptim më të madh të ndërsjellë.

BRICJAPI

Një ditë e shkëlqyer për Bricjapët profesionalisht. Marrëdhëniet romantike kanë tendencë të jenë të qeta dhe të qëndrueshme. Shijoni momente qetësie dhe reflektimi me partnerin tuaj.

UJORI

Ujorët do ta gjejnë veten duke eksploruar mundësi të reja. Takimi me njerëz të rinj do t’ju hapë perspektiva të reja, madje edhe në dashuri. Mos kini frikë të dilni nga zona juaj e rehatisë.

PESHQIT

Peshqit do të ndiejnë një lidhje intensive me botën e tyre emocionale. Do të jetë një ditë e shkëlqyer për të shprehur ndjenjat e fshehura. Mos u përmbani: është koha ta lini ndjeshmërinë tuaj të shkëlqejë.

Dyshja më e komentuar e momentit në “Big Brother VIP Albania”, Brikena dhe Mateo, duket se nuk kanë ende mbështetjen e plotë të familjarëve të banores.

Ditët e fundit, dy konkurrentët janë afruar ndjeshëm me njëri-tjetrin, duke kaluar pjesën më të madhe të kohës së bashku brenda shtëpisë dhe duke lënë të kuptohet se po lind një romancë e re.

Megjithatë, personat që menaxhojnë rrjetet sociale të Brikenës nuk e kanë mirëpritur këtë afrimitet, pasi në profilin zyrtar të saj në Instagram mungon ende një “follow” për Mateon, pavarësisht përkushtimit që ai ka treguar ndaj saj.

Ky detaj i rëndësishëm ka lënë të kuptohet qartë te ndjekësit se të afërmit e saj nuk e shohin me sy të mirë këtë raport të krijuar së fundmi në lojë.

Një mësuese në Shtetet e Bashkuara të Amerikës, e cila mbeti shtatzënë nga një prej nxënësve të saj, është dënuar me 10 vjet burg.

37-vjeçarja, Julie Rizzitello, u la në burg pasi një hetim zbuloi se ajo kishte kryer akte seksuale me dy studentë.

Mediat e huaja shkruajnë se viktimën e saj të parë ajo e takoi kur jepte mësim në vit të parë në gjimnazin Wall Township në New Jersey, duke e ftuar atë t’i jepte orë mësimi shtesë.

Rizzitello thuhet se ka kryer marrëdhënie seksuale me të disa herë midis viteve 2017 dhe 2018. Në një prej rasteve, Rizzitello dyshohet se e inkurajoi adoleshentin të kryente marrëdhënie seksuale të pambrojtura me të në ditëlindjen e saj. Më pas ajo mbeti shtatzënë dhe u detyrua të bënte abort, raportoi Jersey Shore Online.

Ajo u takua me të dytin një vit më parë, me të cilin u përfshirë në një marrëdhënie seksuale në periudhën midis prillit dhe qershorit 2024.

Sipas prokurorisë, ata kryen marrëdhënie në tre vende të ndryshme, shtëpinë e Rizzitellos, ku ajo jetonte me bashkëshortin, biznesin e tyre të familjes dhe në makinë, shkruan “The Sun”.

Për ta përkeqësuar edhe më shumë situatën, të dy nxënësit u punësuan nga biznesi që ajo kishte me bashkëshortin.

Ndërsa hetimi ishte ende në vazhdim, mësuesja madje kontaktoi të dy nxënësit e saj, duke u kërkuar atyre të fshinin çdo provë.

Në korrik të vitit 2024, Rizzitello u arrestua, vetëm disa ditë pasi dha dorëheqjen nga pozicioni i saj si mësuese.

Hetimi filloi pas një informacioni anonim që u mor nga zyrtarët e shkollës.

Më vonë ajo u deklarua fajtore për dy akuza për sulm seksual të shkallës së dytë.

Rizzitello u martua me bashkëshortin e saj në vitin 2017 dhe ka dy fëmijë të vegjël.

Ekipi i saj ligjor u përpoq ta ulte dënimin e saj në pesë vjet, duke përmendur pozicionin e saj si nënë dhe mungesën e të dhënave penale. Megjithatë, kjo kërkesë u refuzua.

Gazetarja Anduena Llabani ka bërë akuza të forta në lidhje me hetimet që përfshijnë zëvendëskryeministren Belinda Balluku, duke pretenduar se gjatë procesit ka pasur tentativa ndërhyrjeje dhe intimidimi ndaj prokurorëve.

Sipas Llabanit, mesazhet që Balluku u ka dërguar vartësve të saj tregojnë një klimë presioni.

Ajo shtoi se çështja ka hyrë në një situatë të paqartë dhe ka marrë përmasa ndërkombëtare.

Sipas saj, një nga prokurorët e përfshirë në çështje ka kaluar procesin e vettingut nga një trupë ku bënte pjesë motra e Ballukut. “I është thënë: ‘Juve ju kemi kaluar ne’. Është kërkuar kontroll i imtësishëm ndaj këtij prokurori, që të jetë i kujdesshëm për çështjen në fjalë”, tha gazetarja.

Llabani: Nëse lexojmë mesazhet që i dërgonte vartësve të saj, edhe mund të intimidohesh. Është thënë nga dy prokurorët se ka pasur tentativa ndërhyrjeje dhe intimidimi. Kjo çështje ka hyrë në një amulli dhe është kthyer në një çështje ndërkombëtare.

Kur ka arritur të kërcënojë prokurorët e çështjes, imagjino me vartësit e saj. Një prokuror është kaluar në vetting nga motra e Ballukut. I është thënë: “Juve ju kemi kaluar ne”. Është kërkuar kontroll i imtësishëm ndaj këtij prokurori, që të jetë i kujdesshëm për çështjen në fjalë.

Luiz Ejlli ka shpjeguar për publikun arsyen e vërtetë se pse Rogerti vazhdon të jetë pjesë e shtëpisë së “Big Brother VIP Albania”, pavarësisht thirrjeve të vazhdueshme për përjashtimin e tij.

Gjatë një interviste pér “Breaking”, ish-fituesi i formatit ka folur rreth dinamikave aktuale, duke u ndalur te habia e vetë konkurrentëve të cilët ankohen se pse ai nuk po ndëshkohet me zarf të zi për veprimet e tij.

Sipas Luizit, mbajtja e Rogertit lidhet drejtpërdrejt me nevojën për të krijuar situata në shtëpi, si pasojë e pasivitetit të banorëve të tjerë.

“Dëgjo mor vëlla, në qoftë se ju rrini flini gjumë, aty ka 500 sponsora, kanë paguar ata mileti për me qenë aty, njerëzit kanë paguar abonimin duan me pa. Çfarë me pa? Me ju pa ju si hani si pini? Duhet dikush me bë zhurmë. Për sa kohë që ju flini, ky rri brenda. Janë detyru produksioni me e mbajt. A në qoftë se ju bëni namin, e di si e qesin për 3 sekonda,” u shpreh ai.

Kjo deklaratë ka hedhur dritë mbi logjikën televizive të programit, duke e kaluar përgjegjësinë e qëndrimit të tij te mungesa e aktivizimit të konkurrentëve të tjerë në lojë.

Spektakli i sotëm i “Big Brother VIP Kosova 4” pritet të sjellë zhvillime të rëndësishme për lojën, përfshirë rikthimin e papritur të ish-fituesit të edicionit të parë, Stresit.

Kjo lëvizje e produksionit ka ngjallur menjëherë reagime tek ndjekësit, pasi publiku e ka krahasuar me dinamikën e fundit të ndodhur në “Big Brother VIP Albania”, ku Luiz Ejlli u rikthye në shtëpi për disa ditë.

Gjatë mbrëmjes, përveç zbulimit të finalistit të parë, Stresi do t’i bashkohet banorëve aktualë, duke ngritur diskutime nëse formati në Kosovë po ndjek të njëjtën skemë të provuar për të trazuar ujërat.

Mbetet për t’u parë se cili do të jetë roli i saktë i këngëtarit gjatë qëndrimit të tij dhe nëse ky rikthim do të prodhojë të njëjtin efekt në rritjen e tensionit dhe interesit të shikuesve.

Një aktore shqiptare po padit qeverinë për përdorimin e fytyrës dhe zërit të saj për të krijuar avatarin e një “ministreje të inteligjencës artificiale” – një anëtar virtual i kabinetit.

Kur Edi Rama nisi mandatin e tij të katërt si kryeministër i Shqipërisë shtatorin e kaluar, ai prezantoi gjithashtu një ministre virtuale të gjeneruar nga inteligjenca artificiale, “Diella” – diell në shqip – për të mbikëqyrur dhënien e kontratave qeveritare, si një hap në luftën kundër korrupsionit.

Diella ka fytyrën dhe zërin e Anila Bishës, një aktore filmi dhe teatri, e cila thotë se kurrë nuk ka dhënë pëlqimin që imazhi i saj të përdorej në atë mënyrë, dhe se kjo i ka sjellë ngacmime në internet dhe vëmendje të padëshiruar në rrugë.

“Në fillim u habita, buzëqesha dhe thashë se duhet të jetë shaka,” tha Bisha për Reuters. “Tani njerëzit më thërrasin Diella dhe më konsiderojnë si një ministre tjetër të qeverisë.”

Ajo thotë se vitin e kaluar kishte lejuar përdorimin e imazhit të saj për të krijuar një asistente virtuale me inteligjencë artificiale për një faqe interneti qeveritare, për të ndihmuar qytetarët dhe bizneset të merrnin dokumente shtetërore, por jo për t’u paraqitur si një politikane virtuale në ekipin e kryeministrit.

“Njerëzit që nuk e pëlqejnë kryeministrin, tani më urrejnë edhe mua”.

Qeveria mohon se ka përdorur imazhin e saj në mënyrë të papërshtatshme. “Padia është pa kuptim, por ne e mirëpresim mundësinë për ta zgjidhur njëherë e përgjithmonë në një gjykatë,” tha zyra e shtypit e qeverisë në përgjigje të pyetjeve nga Reuters.

Imazhi publik i qeverisë shqiptare është goditur që prej dhjetorit, pasi një njësi e posaçme e prokurorisë ngriti akuza ndaj zëvendëskryeministres Belinda Balluku për ndërhyrje në tendera për projekte infrastrukturore, akuza të cilat ajo i mohon.

Imazhi i Diellës shfaqet në rreshtin e parë të listës së kabinetit në faqen e internetit të qeverisë, pranë fotografive të Ramës dhe Ballukut.

Një gjykatë pritet të vendosë të hënën nëse do ta urdhërojë qeverinë të ndalojë përdorimin e imazhit të saj. Avokati i saj, Aranit Roshi, tha se Bisha po kërkon 1 milion euro dëmshpërblim.

“Ligji thotë se në rastet e shkeljes së të dhënave personale, gjobat për institucionet shtetërore arrijnë deri në 21 milionë euro, kështu që kërkesa jonë për 1 milion është një shumë e arsyeshme,” tha ai.

Një video e ish-banorit të Big Brother VIP Albania, Stenaldos, ka bërë xhiron e rrjeteve sociale ditët e fundit, duke nxitur diskutime të shumta mes ndjekësve.

Në pamje ai shihet duke drejtuar një automjet me rreth 50 kilometra në orë, një moment që tërhoqi vëmendje të madhe për shkak të faktit se Stenaldo është i verbër.

Publikimi i videos u prit me reagime të përziera, ku shumë përdorues shprehën shqetësim dhe kritikë, duke e konsideruar situatën të rrezikshme. Debati u përhap shpejt në rrjet, duke e kthyer videon në një nga temat më të komentuara të momentit.

Pas zhurmës së krijuar, reagoi tezja e Stenaldos, Zana Kati, gjatë një interviste në emisionin Breaking në Top News me Dafina Hysën.

Ajo sqaroi se videoja nuk është e kohëve të fundit, por është regjistruar rreth pesë vite më parë dhe sipas saj, bëhej fjalë për një provë të shkurtër në prani të familjarëve dhe miqve.

Sipas Zanës, Stenaldo ka pasur gjithmonë dëshirë të provojë eksperienca të reja dhe e pëlqen adrenalinën, ndërsa xhiroja me makinë ishte simbolike dhe nën kontroll.

Zana Kati: Ai do të provojë gjithçka! Ajo video është bërë 5 vjet më parë, e ka bërë xhiron me shokun e tij që kishte dëshirë t’ia provonte makinën, kemi qenë të gjithë aty, ka bërë një xhiro të shkurtër, ai e ka qejf adrenalinën! Komentet negative s’na bëjnë përshtypje për videon me makinë, për ne e rëndë është ofendimi që i ka bërë Rogerti!