Author: admin

Një ngjarje e rëndë ka tronditur zonën Rodhopi në Greqi, ku 44-vjeçarja shqiptare Esma Meço u vra me thikë nga bashkëshorti i saj 53-vjeçar, Bujar Meço mesditën e sotme

Sipas mediave greke, gruaja kishte kohë që ishte larguar nga shtëpia dhe punonte sezonalisht në ishullin Thasos, ndërsa ishte kthyer në fshatin Dialambi për të festuar ditëlindjen e vajzës së saj 16-vjeçare.

Festimi familjar përfundoi në tragjedi. 53-vjeçari dyshohet se e sulmoi gruan dhe e goditi me thikë në qafë, duke i shkaktuar plagë fatale.

Pas ngjarjes, djali 19-vjeçar i çiftit e mori nënën e tij të gjakosur në krahë dhe e çoi në spital, me shpresën se mund të shpëtonte. Megjithatë, mjekët e njoftuan të riun se nëna e tij kishte ndërruar jetë.

Ndërkohë, vajza 16-vjeçare, e cila ndodhej në një dhomë tjetër të banesës, dyshohet se ka telefonuar autoritetet për të njoftuar për sulmin. Të dy fëmijët ndodhen në gjendje shoku.

Pas sulmit, 53-vjeçari dyshohet se është vetëplagosur dhe ka konsumuar naftë, në tentativë për t’i dhënë fund jetës. Ai u transportua në spital, ku po trajtohet nën kujdesin e policisë dhe ndodhet jashtë rrezikut për jetën.

Policia ka sekuestruar dy thika nga vendi i ngjarjes, ndërsa hetimet vijojnë për të zbardhur plotësisht rrethanat e krimit. Për 53-vjeçarin është ngritur një çështje penale për vrasje me dashje, dhunë në familje dhe shkelje të ligjit për armët.

Sipas autoriteteve greke, autopsia pritet të përcaktojë shkakun e saktë të vdekjes, ndërsa hetimet paraprake po kryhen nga Departamenti i Hetimit dhe Ndjekjes Penale të Krimeve në Komotini.

Një detaj i rëndësishëm i bërë publik nga autoritetet është se në vitin 2022, në Heraklion të Kretës, 53-vjeçari ishte arrestuar për kërcënime në familje ndaj së njëjtës grua.

Policia vijon hetimet, ndërsa deklarimet e dy fëmijëve pritet të merren në ditët në vijim për të hedhur më shumë dritë mbi momentet para dhe gjatë krimit./Top Channel

Një tragjedi e rëndë ka goditur një familje shqiptare në Jacksonville të Floridës, ku tre fëmijë kanë humbur jetën pas një zjarri të fuqishëm që përfshiu banesën e tyre dy-katëshe mëngjesin e së mërkurës, 26 gusht.

Katër persona të tjerë, dy fëmijë dhe dy të rritur, ndodhen në gjendje kritike në spital, bëri të ditur shefi i Departamentit të Zjarrfikësve dhe Shpëtimit të Jacksonville, Percy Golden. Bilanci është konfirmuar edhe nga mediat lokale amerikane, citon noa.al.

Alarmi për zjarrin në Windergate Drive, pranë Old St. Augustine Road, u dha rreth orës 05:15 të mëngjesit. Kur ekipet e emergjencës mbërritën, kati i parë i banesës ishte përfshirë nga flakët, ndërsa kati i dytë ishte mbushur me tym.

Dy të rritur dhe dy fëmijë kishin arritur të dilnin nga ndërtesa. Gjatë kontrollit të banesës, zjarrfikësit gjetën tre fëmijët e tjerë pa shenja jete.

Një fqinj i tha News4JAX se njerëz të pranishëm në vendngjarje ndihmuan në shpëtimin e një foshnjeje dhe një të rrituri, të cilët dolën nga një dritare e katit të dytë.

Të afërmit që mbërritën në vendngjarje thanë për mediat amerikane se familja është me origjinë nga Shqipëria dhe se fëmijët janë djem.

Pamjet e publikuara nga vendngjarja tregojnë edhe gjyshërit e fëmijëve, Alia dhe Artan Sulollari, të dërrmuar nga tragjedia pranë banesës në 4431 Windergate Drive. Fotografitë e shpërndara nga USA Today Network dokumentojnë momentet dramatike pas zjarrit dhe konfirmojnë se banesa ku ndodhi tragjedia ishte shtëpia e nipërve të tyre.

Flakët u vunë nën kontroll rreth orës 05:40, por banesa pësoi dëme të rënda, ndërsa u prekën edhe dy njësi ngjitur. Kryqi i Kuq Amerikan është angazhuar për të ndihmuar personat e mbetur pa strehë.

Autoritetet ende nuk kanë bërë të ditur shkakun e zjarrit dhe hetimet vijojnë.

“Nuk ka fjalë që mund ta lehtësojnë peshën e një mëngjesi si ky”, deklaroi Departamenti i Zjarrfikësve dhe Shpëtimit të Jacksonville, duke shprehur ngushëllime për familjarët e viktimave dhe solidaritet me të plagosurit dhe personat e zhvendosur.

Çfarë raportuan sot mediat amerikane

Tragjedi për familjen shqiptare në SHBA/ Tre fëmijë humbin jetën në zjarr, gjyshërit shpërthejnë në lot para shtëpisë së shkrumbuar

Një tragjedi e rëndë ka goditur një familje shqiptare në Jacksonville të Floridës, ku tre fëmijë humbën jetën dhe katër persona të tjerë mbetën në gjendje kritike pas një zjarri që përfshiu banesën e tyre në orët e para të mëngjesit të së mërkurës, 26 gusht.

Bilanci i konfirmuar nga autoritetet është tre fëmijë të vdekur, ndërsa dy fëmijë të tjerë dhe dy të rritur janë dërguar në spital në gjendje kritike. Zjarri shpërtheu në një banesë dykatëshe në Windergate Drive, pranë Old St. Augustine Road.

Mediat amerikane kanë publikuar tashmë një seri pamjesh nga vendi i tragjedisë, ku shfaqen edhe familjarët shqiptarë të fëmijëve.

Në fotografitë e realizuara nga Doug Engle për “Florida Times-Union”, Alia Sulollari shihet duke qarë e dërrmuar pasi mbërrin pranë shtëpisë së nipërve të saj. Në krah të saj ndodhen bashkëshorti Artan Sulollari, një e afërme e identifikuar si Kesi dhe kolegia Erina Troci, të cilët përpiqen ta ngushëllojnë dhe ta ndihmojnë të largohet drejt automjetit.

Në një tjetër moment, Artan dhe Alia Sulollari shihen duke kërkuar informacion për atë që kishte ndodhur me familjen e tyre, ndërsa zona vazhdonte të ishte e rrethuar nga ekipet e emergjencës.

Pamjet nga jashtë banesës e bëjnë edhe më të rëndë skenën: pranë ndërtesës së dëmtuar nga flakët shihen një kosh basketbolli dhe lodra fëmijësh të mbetura në oborr.

Sipas shefit të Jacksonville Fire and Rescue Department, Percy Golden, alarmi për zjarrin u dha rreth orës 05:15. Kur zjarrfikësit mbërritën, u përballën me flakë të fuqishme në katin e parë dhe tym të dendur në të dytin. Dy të rritur dhe dy fëmijë kishin arritur të dilnin, ndërsa gjatë kërkimeve brenda ndërtesës ekipet gjetën tre fëmijët e tjerë të pajetë.

Të afërmit që mbërritën në vendngjarje u thanë mediave lokale se familja është nga Shqipëria dhe se fëmijët janë djem.

Një fqinj ka treguar gjithashtu se banorët e zonës u përfshinë në përpjekjet dramatike të shpëtimit, duke ndihmuar një foshnjë dhe një të rritur që dolën nga një dritare e katit të dytë.

Zjarri u vu nën kontroll pak para orës 05:40, por banesa u dëmtua rëndë dhe flakët prekën edhe njësitë fqinje. Kryqi i Kuq Amerikan është angazhuar për të ndihmuar personat e zhvendosur nga banesat. Autoritetet po hetojnë ende për të përcaktuar shkakun e zjarrit.

Departamenti i Zjarrfikësve të Jacksonville e ka përshkruar ngjarjen si një tragjedi të jashtëzakonshme, duke shprehur ngushëllime për familjen që humbi tre fëmijët dhe mbështetje për të plagosurit.

Foto Reuters: Alia Sulollari, në qendër, qan me dënesë pasi mbërriti në shtëpinë e nipërve dhe mbesave të saj në adresën 4431 Windergate Drive në Jacksonville, Florida, të mërkurën, më 26 gusht 2026. Ajo ngushëllohet nga kushërira e saj, Kesi, majtas, dhe një kolege, Erina Troci, djathtas. Tre fëmijë kanë vdekur, dy të tjerë në gjendje kritike dhe dy të rritur po ashtu në gjendje kritike pas një zjarri dykatësh në një shtëpi në Windergate Drive pranë Rrugës Old St. Augustine, sipas Shefit Percy Golden të Departamentit të Zjarrfikësve dhe Shpëtimit të Jacksonville.

DASHI
Një çështje e lënë pezull prej ditësh mund të rikthehet në vëmendjen tuaj. Këtë herë keni më shumë qartësi dhe vendosmëri për të marrë një vendim. Në punë mund t’ju ofrohet një bashkëpunim interesant. Në dashuri, shmangni debatet e panevojshme dhe tregohuni më fleksibël.

DEMI
Një problem praktik mund të gjejë zgjidhje falë një detaji që më parë nuk e kishit vënë re. Në punë, mos pranoni me nxitim kushte që nuk ju përshtaten. Në dashuri rikthehet dëshira për stabilitet dhe mund të nisni të diskutoni seriozisht një projekt të përbashkët.

BINJAKËT
Një bisedë e zakonshme mund t’ju sjellë një ide të vlefshme ose një njohje interesante. Në punë, kujdes të mos shpërndani energjinë në shumë drejtime. Në dashuri kërkoni diçka të re dhe një ftesë e papritur mund t’ju ndryshojë ditën.

GAFORRJA
Keni nevojë për pak më shumë hapësirë personale dhe nuk duhet të ndiheni në faj nëse vendosni veten në plan të parë për disa orë. Në punë, një situatë e ndërlikuar mund të zgjidhet me qetësi. Në dashuri, dikush i afërt mund të kërkojë më shumë vëmendjen tuaj.

LUANI
Mund të merrni një konfirmim të rëndësishëm ose një detyrë që tregon besimin që të tjerët kanë te ju. Megjithatë, mos u përpiqni të kontrolloni çdo detaj. Në dashuri jeni veçanërisht tërheqës dhe një takim ose surprizë mund të rikthejë një pasion të zbehur.

VIRGJËRESHA
Po kuptoni se jo gjithçka mund të planifikohet dhe kjo mund t’ju ndihmojë. Në punë kërkohet saktësi, por pa e kthyer çdo detaj në shqetësim. Në dashuri, dikush mund t’ju tregojë një anë më spontane. Lëreni marrëdhënien të zhvillohet pa u përpjekur ta analizoni menjëherë.

PESHORJA
Një vendim i shtyrë prej kohësh mund të përballet më në fund me qetësi. Mos kërkoni një zgjidhje që kënaq të gjithë, por mendoni edhe për atë që është e drejtë për ju. Në punë, një diskutim mund të hapë një mundësi të papritur. Në dashuri rikthehet dëshira për të ndarë kohë dhe plane me një person të rëndësishëm.

AKREPI
Intuita do të jetë një nga pikat tuaja më të forta. Mund të kuptoni më shpejt se të tjerët se ku po shkon një situatë në punë dhe të veproni në kohë. Në dashuri, një person mund t’ju befasojë me një gjest ose fjalë më të drejtpërdrejtë nga sa prisnit.

SHIGJETARI
Keni nevojë për diçka që t’ju rikthejë entuziazmin. Një projekt personal, një udhëtim apo një aktivitet i ri mund t’ju japë energji. Në punë, mos kini frikë të propozoni ndryshime. Në dashuri, takimet spontane janë të favorizuara.

BRICJAPI
Një rezultat konkret ju jep më shumë siguri pas një periudhe të gjatë durimi. Në punë mund të merrni përgjegjësi të reja dhe vlerësimin që keni pritur. Në dashuri jeni gati të flisni më hapur për dëshirat tuaja dhe një bisedë për të ardhmen mund ta forcojë marrëdhënien.

UJORI
Një ndryshim këndvështrimi mund t’ju ndihmojë të zgjidhni një problem që dukej më i vështirë. Në punë, një ide e re mund të tërheqë vëmendjen, por duhet ta ktheni në diçka konkrete. Në dashuri, mund të kuptoni se liria dhe afërsia mund të bashkëjetojnë.

PESHQIT
Do ta keni më të qartë çfarë dëshironi dhe çfarë presin të tjerët prej jush. Në punë, një bashkëpunim mund t’ju lehtësojë një angazhim të rëndësishëm. Në dashuri kërkoni sinqeritet dhe ndjeshmëri, ndërsa një rrëfim i bërë në momentin e duhur mund të afrojë dy persona.

Dëshironi të nd izni pa.sion në dhomën e gjumit? Eksp erimentimi me poz icione të ndryshme të se.ksit është një mënyrë e thjeshtë për t’i dhënë një shtysë jetës suaj të se.ksit.

Por ka edhe disa mënyra të tjera të cilat ju vijnë në ndihmë dhe ua bëjnë jetën tuaj in.time edhe më të zj arrtë.

Dhe tani, ka një lëvizje tjetër të çuditshme që ju do të dëshironi ta mësoni përmendësh për më vonë.

Në këto ditë festash, shumë çif te kanë provuar poz icionin se.ksual të “Turqisë”. 

Ndoshta nuk ju duket shumë interesante, por… ja si kr

yhet ky pozicion: Në pozicionin e misionarit, gruaja duhet të shtrihet me shpinë dhe këmbët e saj t’i ngrejë në ajër.

Partneri para pe.netr imit, duhet t’i shtyjë këmbët e saj mbi kokën e partneres dhe më pas të nisë pe.netrimin.

Ndërsa kë rcen me entu ziazëm, ata janë në gjendje të kapen në këmbët e nënshtruara për mbështetje.

Kjo është një lëvizje që ju siguron një kën aqësi të shumëfishtë pasi ky poz icion i lejon djalit të sti mulojë atë më thellë.

Ju mund ta nisni ngadalë, dhe më pas nëse ju pëlqen, mund ta ndr yshoni ritmin, shkruan Daily Star. 

Një video e regjistruar në Napoli dhe e shpërndarë me shpejtësi në rrjetet sociale ka shkaktuar reagime të shumta.

Në pamje shihet një motorist i ndaluar në rrugë, teksa konsumon ushqim nga një paketim që, sipas të gjitha gjasave, ishte një porosi që duhej t’i dorëzohej një klienti.

Videoja është filmuar nga një banor i zonës dhe më pas është publikuar edhe nga eurodeputeti italian Francesco Emilio Borrelli, duke nxitur një valë komentesh dhe reagimesh në rrjet.

Nga paketimi që shihet në pamje krijohet përshtypja se bëhet fjalë për një porosi të kryer përmes një platforme shpërndarjeje ushqimi.

Megjithatë, deri më tani nuk ka konfirmim zyrtar nëse ushqimi ishte vërtet porosia e një klienti apo nëse motoristi ishte duke e transportuar atë.

Pamjet janë bërë virale, ndërsa sjellja e motoristit ka ngjallur debat të madh në rrjetet sociale.

Një ngjarje e pazakontë ka ndodhur në zonën e Kombinatit, ku efektivë të komisariatit Nr.6, kanë arrestuar një 31-vjeçar nga India në majën e çatisë së shtëpisë të shtetasit me inicialet E.P.

Indiani me emrin Manpreet Nanak Chand Manpreet, në mes të natës kishte hipur në majë të çatisë së E.P, me shpresën për të hyrë brenda banesës, përmes një dritareje të vogël të çatisë dhe vjedhur sende me vlerë në banesë.

Një ditë më parë 31-vjeçari Indian, ka dalë para gjykatës së Tiranës, ku pas kërkesës së prokurorit, Petrit Vukaj, gjykata e kryeqytetit, ka vendosur masën e sigurisë “arrest në burg”, pasi ndaj tij tashmë është ngritur akuza e “Vjedhjes” së mbetur në tentativë.

Kjo masë sigurimi është aplikuar për shkak se në rastin konkret ekziston rreziku i ikjes nga Shqipëria e këtij shtetasi të huaj. Vetë i arrestuari nuk ka pranuar të flasë në gjykatë, duke pretenduar se do dëshmonte në një moment të mëvonshëm.

Gazetari Elton Qyno, ka mësuar se silueta e këtij personi indian, në majën e çatisë, fillimisht është konstatuar nga vetë pronari i shtëpisë në orën 23:48 të datës 22 gusht 2026.

Ndërkohë indiani, Manpreet Nanak Chand Manpreet, është arrestuar nga oficerët e policisë kriminale të Komisariatit Nr.6 në orën 01:10 të natës të datës 23 Gusht.

Gjatë arrestimit, policia konstatoi se ky shtetas dy ditë para se të hipte në çatinë e banesës së E.P, ishte shoqëruar në ambientet e komisariatit, pasi ishte konfliktuar me një qytetar, të cilit i kishte thyer xhamin e makinës.

Për këtë konflikt ai është liruar për tu hetuar në gjendje të lirë. Por dy ditë më pas, Manpreet, ka hipur në majën e çatisë së banesës në rrugën “Veli Vraniqi” në Tiranë me shpresën për të vjedhur sende me vlerë.

Pronari i banesës, shtetasi me inicialet E.P, ka treguar se ka qënë në gjumë kur në një moment ka dëgjuar një zhurmë që vinte nga jashtë në drejtim të anës perëndimore e shtëpisë. Kur ka dalë jashtë shtëpisë, ka parë mbi çati një person i cili ishte esmer, flokë ngjyrë të zezë, i dobët dhe me gjatësi rreth 170 cm, i moshës rreth 30 vjeç.

Sipas pronarit të shtëpisë, ky person qëndronte në majë të çatisë, por nuk ka arritur të hyjë brenda, pasi ai e ka kapur pa depërtuar brenda.

Më tej qytetari ka njoftuar policinë, ku një patrullë e komisariatit Nr.6 në Tiranë, ka shkuar në vendgjarje duke detyruar shtetasin Indian të zbresë nga çatia dhe më pas ta arrestojnë atë në orët e mesnatës së 23 Gushtit 2026.

Kohët e fundit në Tiranë, ka një tendencë të shtuar të krimeve nga shtetas të huaj, duke sjellë mjaft vështirësi në identifikimin e tyre, sigurimin e përkthyesve ligjorë dhe akomodimin në rastet kur gjykata vendos masën e “Arrestit të detyruar shtëpiak”. /Syri.net

Bashkimi Evropian po përgatitet për një reformë të thellë të procesit të zgjerimit, me integrim gradual të vendeve kandidate, kontrolle më të rrepta për demokracinë dhe sundimin e ligjit, si dhe ndryshime në mënyrën se si funksionon vetë BE-ja.

Komisionerja evropiane për Zgjerimin, Marta Kos tha të martën në Zagreb se bota ka ndryshuar dhe zgjerimi duhet të ndryshojë bashkë me të, duke paralajmëruar një moment të ri për BE-në, të cilin e krahasoi me “Momentin e Helsinkit” të viteve të 90-ta, që i parapriu zgjerimit të madh të Bashkimit pas Luftës së Ftohtë. Sipas Kos, Komisioni Evropian po përgatit një propozim të ri për një BE me më shumë se 30 shtete anëtare.

Një nga ndryshimet kryesore do të ishte largimi nga logjika “gjithçka ose asgjë”. Vendet kandidate do të mund të përfitojnë gradualisht nga integrimi në strukturat evropiane, edhe para anëtarësimit të plotë. Kos përmendi si shembuj përfitimet që tashmë mund të marrin vendet kandidate, si pjesëmarrja në SEPA dhe lidhja me rrjetet energjetike të BE-së.

“Nevojitet një qasje më e strukturuar për të kapërcyer kohën që nuk e kemi më”, tha Kos, duke argumentuar se proceset që zgjasin me dekada mund t’i bëjnë vendet kandidate më të ekspozuara ndaj presionit politik nga rivalët e BE-së.

Brukseli dëshiron gjithashtu garanci më të forta kundër kthimit pas në demokraci dhe sundimin e ligjit pasi një shtet të bëhet anëtar. Kos paralajmëroi se BE-ja nuk duhet të lejojë atë që e quajti “kuaj trojanë” brenda Unionit, duke iu referuar rrezikut që një shtet i ri të largohet nga standardet demokratike vite pas anëtarësimit. Por kjo ide mund të shkaktojë debate, pasi ekziston rreziku që disa vende të reja të trajtohen si anëtare të dorës së dytë.

Një tjetër objektiv është reformimi i mënyrës së vendimmarrjes në BE. Kos tha se disa ndryshime mund të bëhen pa ndryshuar traktatet e BE-së, duke shmangur negociatat e gjata dhe proceset e vështira të ratifikimit. Ajo propozoi vendimmarrje më fleksibile, më pak mundësi që një shtet i vetëm të bllokojë të gjithë Unionin dhe institucione potencialisht më të vogla.

Komisionerja veçoi Malin e Zi si kandidatin më të avancuar drejt anëtarësimit, ndërsa përmendi progresin e Shqipërisë në fushën e sundimit të ligjit dhe përparimet teknike të Ukrainës dhe Moldavisë. Ajo përmendi gjithashtu Islandën, e cila ka votuar për rifillimin e procesit të anëtarësimit.

Rishikimi i politikës së zgjerimit vjen në një moment veçanërisht të rëndësishëm për Evropën, sidomos për shkak të procesit të anëtarësimit të Ukrainës dhe nevojës së BE-së për ta ankoruar Kievin më fort në strukturat evropiane. Në thelb, mesazhi i Marta Kos është i qartë: BE-ja duhet të reformohet në mënyrë që të mund të zgjerohet. Dhe në vend që vendet kandidate të presin me vite apo dekada për anëtarësimin e plotë, Brukseli po shqyrton një model ku ato afrohen gradualisht me Unionin, ndërsa njëkohësisht përballen me standarde dhe kontrolle më të forta.

Një konflikt është raportuar në Greqi ku është përfshirë edhe një 49 vjeçar shqiptar. Ngjarja ndodhi në një servis makinash në Neos Kosmos.

Shtetasi 49-vjeçar shqiptar u përfshi në konflikt me një pronari 45-vjeçar të biznesit, me origjinë armene. Sipas informacioneve, 49-vjeçari fillimisht kaloi nëpër dyqan dhe filloi ta fyente 45-vjeçarin, ndërsa më pas u përpoq ta sulmonte.

Klientët dhe persona të tjerë të pranishëm në vendngjarje ndërhynë dhe arritën ta largonin. Megjithatë, përpara se të largohej, ai dyshohet se e kërcënoi pronarin, duke i thënë: “Do ta paguash me gjak për këtë”.

Pak kohë më vonë, 49-vjeçari u kthye në garazh, këtë herë duke mbajtur një thikë 26 centimetra të gjatë . Sipas të njëjtave informacione, ai iu afrua pronarit duke bërtitur: “Do të të vras, do të të masakroj”.

Sherri degradoi në përdorimin e një leve dhe një thikë. Pronari i garazhit e goditi 49-vjeçarin me levë në kokë dhe këmbë.

Pas disa orësh kërkime, 49-vjeçari u arrestua për fyerje, tentativë dëmtimi trupor dhe armëmbajtje pa leje, ndërsa armeni u arrestua për dëmtim të rrezikshëm trupor.

Kryeministri Edi Rama ka reaguar për herë të parë për “teoritë konspirative” në rrjetet sociale, ku pretendohet se atij i është shtrembëruar hunda nga droga, ndikuar edhe nga një fotografi e montuar vite më parë gjatë një fushate elektorale me synimin për ta denigruar kreun e PS. Duke mos kùrsyer ironinë, Edi Rama sqaroi se forma asimetrike në hundën e tij është shkaktuar nga dhunimi barbar që operativët e SHIK i bënë në vitin 1997 dhe e lanë të dergjej në rrugë, pasi menduan se e kishin vrarë.Në atë kohë, Edi Rama ishte pedagog në Akademinë e Arteve, gazetar i “Koha Jonë” dhe një ndër njerëzit që shihej si sfidant i pushtetit të Sali Berishës. Ai përfundoi në spital i rrahur barbarisht dhe me hundë të thyer. “A se kam dhe një merak tjetër, se ka njerëz që merren me hundën time.

Vjen ajo ironia e mallit e drogës, e shtrembërimit nga… ky shtrembërim këtu është shenja që trupi im do e mbaj gjithë jetën, nga një tentativë për të më fshirë nga faqja e këtij dheu, ku unë kam lindur, jam rritur dhe jam sot këtu, sepse edhe këtë gjurmë nuk e kam nga ndonjë arsye tjetër, sepse kur nuk kisha asnjë në dorë, doja një vend që të rrinte drejtë, një vend që të mos i bënte bijtë e vetë të ulnin kokën kur i pyesnin: nga je ti?

Nuk ju vë faj të gjithëve ju që i bëni thirrje hundës time duke i qarë hallin për mallin e keq që kam marr, por jeni shumë më të rinj se ajo histori dhe unë nuk jam këtu për të treguar historinë time. Një ditë, nëse do kem një histori për të treguar, do jetë historia e gjërave që nuk arrita të bëj dot”, u shpreh ndër të tjera kryeministri Edi Rama.

Gjykata e Vlorës ka vendosur të lërë në fuqi masën e sigurisë “arrest në burg” për Elvis Kosovën, i cili u arrestua në Palasë për shkak se dhunoi bashkëshorten.

Kosova, i njohur edhe si “Visi i Garave”, u arrestua pas një konflikti familjar dy ditë më parë. Në Palasë teksa qëndronte për pushime, ai dyshohet se ka dhunuar dhe ka kanosur me armë bashkëshorten e tij. Policia njofton se ka marrë njoftimin rreth orës 13:40 për një konflikt familjar, i cili kishte përshkallëzuar dhe për këtë u kërkuan forca shtesë policie, si Forca Kombëtare e Sigurisë, Njësia e Fierit.

Policia thotë se në vilën e kompleksit në zonën e Palasës gjeti një pistoletë të fshehur te tubat e ujit, ndërsa gjatë kontrollit që u bë në banesën e Elvis Kosovës në Tiranë u gjetën edhe dy pako me municion luftarak dhe dy krehra me fishekë. Elvis Kosova, 40-vjeçar, njihet si biznesmen në fushën e shitblerjes së automjeteve dhe zotëron edhe një biznes për makina me qira.

Njoftimi i policisë për ngjarjen:

Palasë/ Dhunoi dhe kanosi bashkëshorten, arrestohet në flagrancë 40-vjeçari. Sekuestrohen një armë zjarri pistoletë, tre krehra dhe municion luftarak.

Rreth orës 13:40 është marrë njoftim për një konflikt familjar në një vilë të një kompleksi në zonën e Palasës. Menjëherë kanë shkuar shërbimet e Patrullës së Zonës, të cilat kanë konstatuar një situatë të përshkallëzuar. Për përballimin dhe neutralizimin e situatës janë angazhuar edhe forca shtesë të Stacionit të Policisë Dhërmi. Shërbimet e Policisë, gjatë ndërhyrjes në banesë, kanë gjetur një armë zjarri, pistoletë. Gjithashtu, gjatë kontrollit të banesës në Tiranë, me mbështetjen e Drejtorisë Vendore të Policisë Tiranë, Policia gjeti dhe sekuestroi, në cilësinë e provës materiale, dy pako me municion luftarak dhe dy krehra me fishekë

Nga verifikimet paraprake rezulton se shtetasi E. K. dyshohet se ka dhunuar dhe kanosur bashkëshorten e tij. Falë ndërhyrjes së menjëhershme dhe në kohë të shërbimeve të Stacionit të Policisë Dhërmi, situata është neutralizuar dhe është parandaluar përshkallëzimi i mëtejshëm i konfliktit, duke shmangur një ngjarje potencialisht të rëndë kriminale. Shtetasi E. K. është arrestuar në flagrancë dhe është shoqëruar nga Forca Kombëtare e Sigurisë, Njësia Fier, në ambientet e Policisë, ndërsa po kryhen veprimet e mëtejshme procedurale për dokumentimin e plotë të rastit.